Category Archives: இணைய செய்திகள்

உங்களிடம் கூகுல் கதை இருக்கிறதா?

ggஇண்டெர்நெட்டை பயன்படுத்துபவராக இருந்தால் நிச்சயம் கூகுலை பயன்படுத்துபவராக இருக்க வேண்டும்.கூகுலை பயன்படுத்தினால் நிச்சயம் சுவையான கதைகள் இருக்கலாம்.இத்தகைய கதைகளை சமர்பிக்குமாறு கூகுல் வேண்டுகோள் விடுத்துள்ளது.

அதாவது கூகுலை பயன்படுத்தும்போது ஏற்பட்ட அனுபவத்தை பகிர்ந்துகொள்ளுமாறு தெரிவிக்கப்பட்டுள்ளது.

இது தொடர்பாக கூகுல் வலைப்பதிவில் வெளியாகியுள்ள அறிவிப்பில் கூகுல் தொடர்பான உங்கள் கதையை அறீய ஆர்வ‌த்தோடு இருப்பதாக குறிப்பிடப்பட்டுள்ளது.கூகுல் சேவை மூலம் நீங்கள் தேடிக்க்ண்டுபிடித்த தொலைந்து போன உறவினர் பற்றியோ அல்லது கூகுல் வரைபடம் மூலம் சுற்றுலா பயணத்தை திட்டமிட்டது குறித்தோ அனுபவத்தை பகிர்ந்து கொள்ளலாம்.

கூகுல் சேவை எப்படியெல்லாம் பயன்படுத்த‌ப்படுகிறது என்பதை தெரிந்து கொள்வதற்காக இந்த கதைகளை கேட்பதாக கூகுல் தெரிவிக்கிறது.கூகுல் சேவையை மேலும் ப‌ட்டை தீட்டுவ‌த‌ற்காக‌ இந்த‌ முய‌ற்சி மேற்கொள்ள‌ப்ப‌டுகிற‌து என்ப‌தை சொல்ல‌ம‌லே புரிந்து கொள்ள‌லாம்.

கூகுல் தொடர்ந்து முன்னிலை வகிக்க இது போன்ற ஈடுபாடே முக்கிய காரணம்.நம்பர் ஒன் மயக்கத்தில் கூகுல் ஒருபோதும் தூங்கியதில்லை.இந்த விழிப்பே கூகுலை உச்சத்தில் வைத்துள்ளது.

நிற்க‌ கூகுல் க‌தை கோரும் ப‌குதியில் உதார‌ண‌த்திற்காக‌ சுவையான‌ க‌தை ஒன்று கொடுக்க‌ப்ப‌டட்டுள்ள‌து.

அந்த கதை கனடாவை சேர்ந்த‌ ஒருவர் தனத் தந்தையை கூகுல் மூலம் தேடி கண்டுபிடித்தது.

யானிக் கஸன் என்னும் அந்த மனிதரின் நெகிழ்ச்சியான‌ கதை வருமாறு;

”எங்கள் வீட்டுக்கு இண்டெர்நெட் வந்த தினத்தை என்னால் மறக்கவே முடியாது. அந்து தந்தையை 17 ஆண்டிகளாக பார்த்ததில்லை.அவர் எங்கே இருக்கிறார் என்றும் தெரியாது.இண்டெர்நெட் வந்ததும் முதலில் கூகுலுக்கு சென்று அவரது பெயரை டைப் செய்து தேடிப்பார்த்தேன்.என்ன ஆச்சர்யம் முதல் முடிவே அவருக்கு கிடைத்த அரசு பதவி உயர்வு தொடர்பானது.மேலும் ஆச்ச‌ர்யம் என்ன்வென்றால் அந்த அறிவிப்பை வெளியிட்டவர் என் தந்தையும் வசிக்கும் இடத்திலேயே வசிப்பவர். அவர் மூலம் என் தந்தையை சுலபமாக கண்டுபிடித்து விட்டேன்”

இது எப்ப‌டியிருக்கு? இது தான் கூகுல்.

உங்க‌ள் கூகுல் கதையை கூற….
link;
http://services.google.com/feedback/share_success

இறந்தவருக்கு அனுப்பிய ‘எஸ் எம் எஸ்’ கள்

smsகட்டுரைகளை தொகுத்து புத்தகமாக வெளியிடுவது போல ஜப்பானிய பெண்மணி ஒருவர் தான் அனுப்பிய எஸ் எம் எஸ் செய்திகளை தொகுத்து புத்த‌கமாக வெளியிட இருக்கிறார்.

தனது எழுத்தாற்றலை வெளிப்படுத்தவோ அல்லது புகழை விரும்பியோ அவ‌ர் இதனை செய்யவில்லை.சொந்த வாழ்க்கையில் ஏற்பட்ட தாங்க முடியாத இழப்பில் இருந்து மீள்வதற்காக மேற்கொண்ட அவர் அனுப்பிய எஸ் எம் எஸ் செய்திகளே இப்போது புத்தக வடிவமெடுக்க உள்ளது.

உண்மையில் அவரது கதை நெகிழ்ச்சியானது. நவீன தொழில்நுட்பமான எஸ் எம் எஸ் வசதியின் இன்னொரு பரிமாணத்தை உணர்த்த‌க்கூடியது.

டோஷிகா ஃபுகாடா என்னும் அந்த‌ 65 வ‌ய‌து பெண்ம‌ணி த‌ன‌து ம‌றைந்த‌ க‌ண‌வ‌ருக்கு அணுப்பி வைத்த‌ செய்திக‌ளே புத்த‌க‌த்தில் இட‌ம் பெற‌ உள்ள‌து.இற‌ந்து போன‌வ‌ருக்கு எஸ் எம் எஸ் அனுப்ப முடியும் என்று கேட்கலாம்.

இற‌ந்து போன‌வ‌ருக்கு எஸ் எம் எஸ் அனுப்ப‌ முடியாது தான்,ஆனால் இற‌ந்து போன‌வ‌ரின் செல்போனுக்கு எஸ் எம் எஸ் அனுப்ப‌ முடியும் அல்ல‌வா? அதைதான் ஃபுகாடா செய்திருக்கிறார்.

ஒசாகா ந‌க‌ரை சேர்ந்த‌ அவ‌ர‌து கண‌வ‌ர் க‌ட‌ந்த‌ ஆண்டு இற‌ந்து போனார்.ஆஸ்பெஸ்டாஸ் பாதிப்பால் ஏற்ப‌ட்ட‌ நோயின் பாதிப்பு அவ‌ர‌து உயிர் பிரிய‌ கார‌ண‌மாக‌ அமைந்த‌து.ப‌ணியிட‌த்தில் ஆஸ்பெஸ்டாஸ் நிற‌ந்த‌ சூழ‌லில் வேலை பார்த்த்தால் அவ‌ர் பாதிக்க‌ப்ப‌ட்டார்.இத‌ற்காக‌ ந‌ஷ்ட‌ ஈடும் வ‌ழ‌ங்க‌ப்ப‌ட்ட‌து.

ஆனால் ஃபுகாடாவோ கண‌வரின் பிரிவை தாங்கிகொள்ள முடுயாமல் தவித்தார்.சேர்ந்து வாழ்ந்த காலத்தில் இருவரும் மிகவும் அன்யோன்யமாக இருந்தனர்.ஒய்வு பெற்ற பிறகு இருவருமாக வெளிநாடுகளுக்கு செல்ல திட்டமிட்டிருந்தனர்.எல்லாவற்றையும் விதி பாழாக்கிவிட்டது.

க‌ன‌வ‌ரின் பிரிவுத்துய‌ர் வாட்டி வ‌தைத்த‌ நிலையில் ஃபுகாடா ஒரு ஆறுத‌லுக்காக‌ த‌ன‌து க‌ண‌வ‌ரின் செல்போனுக்கு எஸ் எம் எஸ் செய்திக‌ளை
அனுப்பத்தொடங்கினார்.

இது அவருக்கு கனவர் த‌ன்னோடே இருப்பது போன்ற உணர்வை கொடுத்தது.எஸ் எம் எஸ் செய்திகளிலேயே தனது துயரத்தையும் அவர் கண‌வரோடு பகிர்ந்து கொண்டார்.

நீங்க‌ள் அருகே இருப்ப‌து போன்ற‌ எண்ண‌ம் இல்ல‌விட்ட‌ல் என்ன‌ல் வாழ‌வே முடியாது என்று ஒரு செய்தியில் அவ‌ர் குறிப்பிட்டிருந்தார்.உங்க‌ளை பாதித்த‌ நோயை நினைத்தால் என் இத‌ய‌ம் வ‌லிக்கிற‌து.ஆனால் நான் இற‌ந்தாலும் க‌வ‌லையில்லை கார‌ண‌ம் அப்போது உங்க‌ளை வ‌ந்த‌டைந்து விடுவேன் என‌ ம‌ற்றோரு செய்தியில் த‌ன‌து சோக‌த்தை வெளிப்ப‌டுத்தியிருந்தார்.

இர‌வுக‌ளில் தூங்க‌ முடியாம‌ல் த‌வித்த‌ போது இத்த‌கைய‌ ப‌ரிமாறேற‌மே ஆறுத‌லை அளித்த‌து.நாள்தோறும் செய்திக‌ளை அனுப்பி வ‌ந்த‌வ‌ர் க‌ண‌வ‌ரின் செல்போனை தொட‌ர்ந்து சார்ஜ் செய்ய‌வும் ம‌ற‌க்க‌வில்லை.

ஆனால் 50 செய்திக‌ளுக்கு மேல் அனுப்பிய‌ பிற‌கு ப‌ழைய‌ செய்திக‌ள் அழிந்துவிட்டால் என்ன‌ செய்வ‌து என்னஉம் அச்ச‌ம் உண்டான‌து.இத‌னை த‌விர்ப்ப‌த‌ற்காக‌ அவ‌ர் ப‌ழைய‌ செய்திக‌ளை குறித்து வைத்துக்கொண்டார். கூட‌வே த‌ன‌து க‌ண‌வ‌ர் தொட‌ர்பான‌ நினைவுக‌ளையும் குறிப்பெடுத்துக்கொண்டார்.

இவையே த‌ற்போது புத்த‌க‌ வ‌டிவ‌ம் பெற‌ உள்ள‌ன‌. இந்த‌ புத்த‌க‌ம் ஆஸ்பெஸ்டாஸ் பாதிப்பு ப‌ற்றிய‌ விழிப்புண‌ர்வை உண்டாக்கி இத‌ற்கான‌ சிக‌ச்சை க‌ண்ட‌றீய‌ப்ப‌ட‌ உத‌வ‌ வேண்டும் என‌ அவ‌ர் விரும்புகிறார்.

கூகுல் வழியே ஒரு கடல் பயணம்.

1-mapஅமெரிக்காவை கண்டுபிடித்தவர் என்றதும் எல்லோருக்கும் கொலம்பசை தான் நினைவுக்கு வரும்.இதி தப்பில்லை என்றாலும் உண்மையில் ஹென்றி ஹடசனும் நினைவுக்கு வர வேண்டும்.

ஹட்சன் அமெரிக்காவை கண்டுபிடித்தவர் இல்லை ஆனால் அதன் அடையாளமான நியூயார்க் நகரை கண்டுபிடித்தவர்.இந்த கண்டுபிடிப்பை நிகழ்த்திய சரித்திர பிரசத்தி பெற்ற கடல் பயணத்தை அவ‌ர் மேற்கொண்ட 400 வது ஆண்டு நிறைவு விழா த‌ற்போது கொண்டாடப்படுகிறது.

இதனை முன்னிட்டு ஹட்சன் பவுண்டேஷன் அமைப்பு அவரது சாதனையை கவுரவிக்கும் வகையில் பல்வேறு நிகழ்ச்சிகளுக்கு ஏற்பாடு செய்திருக்கிறது.அதோடு முக்கியமாக அந்த சரித்திர பயண‌த்தின் பாதையில் சென்று பார்க்கும் வாய்ப்பையும் ஏற்படுத்தி தந்துள்ளது.

அதாவ‌து கூகுல் வ‌ரைப‌ட‌த்தில் அந்த‌ ப‌ய‌ண‌த்தின் வ‌ழித‌ட‌த்தை இணைத்து அத‌ன்வழீயே சென்றுபார்க்கும் சாத்திய‌த்தை செய்துள்ள‌ன‌ர்.

ஹ‌ட்ச‌ன் இங்கிலாந்தைச் சேர்ந்த‌வ‌ர்.விமான‌ ப‌யண‌த்தின் மூல‌ம் உல‌க‌ம் சுருங்க‌த்துவ‌ங்காத‌ கால‌த்தில் வாழ்ந்த‌ அவ‌ர் த‌ன‌து கால‌த்தின் ல‌ட்சியாமான‌ புதிய‌ க‌ட‌ல் மார்க‌த்தை க‌ண்டு பிடிகக்கும் வேட்கை கொண்டிருந்தார்.

இந்தியா ம‌ற்றும் சீனாவுக்கு நீளம் குறைந்த‌ மார்க‌த்தை க‌ண்டுபிடிப்ப‌த‌ற‌கான‌ முய‌ற்சியில் ஈடுப‌ட்டிருந்தார். முத‌ல் இர‌ண்டு முய‌ற்சிக‌ள் ப‌ய‌ன‌ளிக்காத‌ நிலையில் 1609 ம் ஆண்டில் அவ‌ர் மூண்றாவ‌து க‌ட‌ல் ப‌ய‌ன‌த்தை மேர்கொண்டார்.

பாதி நில‌வு என்னும் க‌ப்ப‌லில் அவ‌ர் ட்ச்சு வ‌ணிக‌ர்க‌ளின் ஆத‌ர‌வோடு இந்த‌ ப‌ய‌ன‌த்தை மேற்கொண்டார்.நார்வே அருகே சென்ற‌ போது வான‌லை மோச‌மான‌தால் அவ‌ரால் த‌ன‌து பாதையில் தொட‌ர்ந்து செல்ல‌ முடிய‌வில்லை.இருப்பினும் அவ‌ர் திரும்பி வ‌ராம‌ல் ஒருவித‌ குருட்டு ந‌ம்பிக்கையோடு முன்னேறிச்சென்றார்.3000 மைல்க‌ள் ப‌ய‌ண‌த்திற்கு பிற‌கு அவ‌ர் அற்புத‌மான‌ துறைமுக‌ ந‌க‌ரையும் அத‌னை சென்ற‌டைவ‌த‌ற்கான‌ ந‌தி வ‌ழியையும் க‌ண்ட‌றிந்தார்.

அந்த நகரம் தான் நியூயார்க். அந்த நதிக்கு ஹட்சனின் பெயரே சூட்டப்பட்டது. சீனாவுக்கான‌ வழியை க‌ண்ட‌றிவ‌தில் வெற்றிபெறா விட்டாலும் தான் கண்ட துறைமுகம் பற்றியும் அதன் சிறப்புகள் பற்றியும் டச்சு வணிகர்களுக்கு தகவல் கொடுத்தார்.

விரிவாக்கத்தில் ஆர்வம் கொண்ட டச்சுக்காரர்கள் உடனே இந்த துறைமுக நக‌ருக்கு குடிபெயர்ந்து அங்கேயே நியூ ஆம்ஸ்டர்டம் என்னும் குடியிருப்பையும் அமைத்தனர்.அதன்பிறகு வணிகம் பெருகியதோடு நியூயார்க்கைன் முக்கியத்துவமும் அதிகரித்தது.

வணிகரீதியாக நியூயார்க் வளர்ச்சி அடைந்ததற்கும் பல்வேறு காலாச்சார்ங்களை கொண்டவர்களின் சங்கமாமாக அந்நகரம் உருவாவத‌றகும் ஹட்சனின் ப‌ய‌ண‌மே வித்திட்ட‌தாக‌ க‌ருத‌ப்ப‌டுகிற‌து.

உலகமயமாதலின் முதல் கட்டமாகவும் இது கருதப்படுகிறது.என்வே தான் இந்த‌ ப‌ய‌ண‌த்தின் 400 வ‌து ஆண்டு நிறைவு விழாவை ஹாட்ச‌ன் ப‌வுனண்டேச‌ன் த‌னி த‌ள‌ம் அமைத்து சிற‌ப்பாக‌ கொண்டாடுகிற‌து.

ஹ‌ட்ச‌னின் க‌ட‌ல் ப‌ய‌ண‌த்தை கூகுல் வரைப‌ட‌த்தில் பின்தொட‌ர்ந்து செல்ல‌வும் ஏற்பாடு செய்துள்ள‌து. ப‌ய‌ண‌த்தின் நோக்க‌த்தை தெரிந்து கொண்டு ஒவ்வொரு நாளாக‌ ப‌ய‌ண‌த்தை மேற்கொள்ள‌லாம்.
————

link;
http://www.henryhudson400.com/home.php

கூகுலில் சேர்ந்த ஆடுகள்

goatsகூகுல் தனது தலமையகத்தில் ஆடுகளை பணிக்கு அம‌ர்த்தியிருக்கிறது தெரியுமா? தேடல் முடிவுகளை மேலும் சிறப்பானதாக்க கூகுல் புதுமையான வழிகளை கடைபிடித்து வந்தாலும் ஆடுகளுக்கும் தேடலுக்கும் ஆடுகளுக்கும் தொடர்பில்லை.

கூகுலின் தலைமை அலுவலகத்தில் பரந்து விரிந்த மைதானம் இருக்கிறது. அங்கு புள்வெளியும் உண்டு. புதர்களும் உண்டு. கலிப்போர்னியாவில் அடிக்கடி காட்டுத்தீ ஏற்படுவதுண்டு.இவை பெருபாலும் கோடயில் புத‌ர்களில் இருந்து தான் தோன்றும்.

எனவே புதர்கள் அப்புறப்படுத்தப்படுவது வழக்கம். கூகுலும் இதற்காக இயந்திரங்களை பயன்படுத்துவது வழக்கம். ஆனால் லான் மோவர் என்னும் அந்த இயந்திரத்தை பயன்படுத்துவது சுற்றுச்சூழலுக்கு கேடு விளைவிக்குமென்பதால் புள்வெளியை மேய ஆடுகளை பணிக்கு அம‌ர்த்தியிருக்கிறதாம்.

யூடயூப் மூலம் பிரசவம்

ytubeபிரிட்டனைச்சேர்ந்த தந்தை ஒருவர் யூடியூப் உதவியோடு தனது மனைவிக்கு பிரசவம் பார்த்திருக்கிறார்.

மார்க் ஸ்டீபன்ஸ் என்னும் அந்த 28 வயது வாலிபர் கடற்படையில் எஞ்சினியராக பணிபுடிந்து வருகிறார்.அவரது மனைவி நிறைமாத கர்பினியாக இருந்த்தால விடுப்பு எடுத்துக்கொண்டு வீட்டிற்கு வந்திருக்கிறார்.

மனைவி ஜோ பிரசவ வலிக்கு முந்தைய அறிகுறிகள் ஏற்படுவதாக கூறவே மார்க் எதற்கும் இருக்கட்டும் என்று கூகுலுக்கு சென்று பிரசவம் என்று டைப் செய்து பிரசவம் பார்ப்பது தொடர்பான தகவல்களை தேடிப்பர்த்திருக்கிறார்.

அப்போது பிரசவம் தொடர்பான யூடியூப் வீடியோ கண்ணில் படவே அதனை ஆர்வத்தோடு பார்த்திருக்கிறார்

அடுத்த 4 மணி நேரத்தில் உண்மையாகவே அவரது மனைவிக்கு பிரசவ வலி எடுத்துவிட்டது.உடனே மருத்துவமணைக்கு தகவல் தெரிவித்தார். போனில் பேசிக்கொண்டிருந்த போதே மனைவியின் வலி தீவிரமாகவே அவர் போனை போட்டுவிட்டு மனைவிக்கு உதவ சென்றுவிட்டார்.

யூடியூப் காட்சியில் பார்த்த‌தை ம‌ன‌தில் கொண்டு தானே பிர‌ச‌வ‌ம் பார்த்தார்.

இது அவர்களின் நான்காவது குழந்தையாகும்.

பிரசவ வலி எடுத்தும் கணவர் பதட்டப்படாமல் செயல்பட்டது மகிழ்ச்சியை தருவதாக மார்க்கின் மனைவி ஜோ கூறியுள்ளார்.

யூடியூப் வீடியோ எத்த‌னையோ விஷ‌ய‌ங்க‌ளை சாதித்துள்ள‌ன‌.அந்த‌ வ‌ரிசையில் பிர‌ச‌வ‌மும் சேர்ந்துள்ள‌து.

—————–

link;
http://news.bbc.co.uk/2/hi/technology/8028625.stm