Category Archives: இன்டெர்நெட்

‘ஒய் 2 கே’-உலகம் மறந்த கதை

larryநிபுணர்கள் சொன்னா கேட்டுக்கனும் என்பதே பொதுவான கருத்தாக இருக்கிறது. இல்லை, நிபுணர்கள் சொல்வதை அப்படியே ஏற்றுக் கொள்ள வேண்டிய அவசியம் இல்லை-இந்த பாடத்தைத்தான் ‘ஒய் 2 கே’ பூதம் கற்றுக்கொடுத்து சென்றி ருப்பதாக லாரி செல்ஸர் என்னும் பத்திரிகையாளர் சொல்கிறார்.
.
‘ஒய் 2 கே’வை பலரும் மறந்து விட்டாலும் ‘செல்ஸர்’ மறக்கத் தயாராக இல்லை. இந்த பூதத்தை கட்டுப்படுத்த, உலக நாடுகள் நூற்றுக்கணக்கான கோடி டாலர்களை வாரி இறைத்த நிலையில் குறிப்பிட்ட தினத்தன்று, உலகம் பயந்தது போல எதுவுமே நடக்காததை நினைத்துப் பார்க்கும் செல்ஸர், எல்லாம் எதற்காக? என்னும் கேள்வியையும் கேட்கிறார். செல்ஸர் மட்டும் அல்ல-, பலரும் கேட்கும் கேள்விதான் இது.

புத்தாண்டை நெருங்கும்போது உலகமே படபடத்து நின்றாலும், எதிர்பார்த்தது/பயந்ததுபோல் எந்த தொழில்நுட்ப பயங்கரமும் நிகழாமல், வழக்கம்போலவே புதிய நாள் மலர்ந்தது.

என்னவெல்லாமோ சொன் னார்கள், எதுவுமே நிகழவில்லை என்று உலகம் நிம்மதி பெருமூச்சு விடவே செய்தது. இருந்தாலும் மன தின் ஓரத்தில் அந்த சந்தேகம் எழாமல் இல்லை-இத்தனை பரபரப்பும் அதற்கு வித்திட்ட பயமும் தேவை இல்லா ததோ? எனில், இதற்கு யார் பொறுப்பு? நிபுணர்கள் சொன்னது சரியா? தவறா? ‘ஒய் 2 கே’ பிரச்ச னையின் பாதிப்பை மிகைப்படுத்தி யது யார்?

இப்படி அடுக்கடுக்காக கேள்விகள் எழுந்தன. இந்த கேள்விகளுக்கு இரு விதமாக பதில்கள் வந்து விழுந்தன. ‘ஒய் 2 கே’ பூதத்தின் பக்கம் நின்ற வர்கள், ஆம், ஒன்றுமே நிகழவில்லை தான்: ஆனால், அதற்கு காரணம் பிரச்சனையே இருக்கவில்லை என்ப தல்ல. அதனை சந்திக்க தயாராக இருந்தோம் என்பதுதான் என்று விளக்கம் அளித்தனர்.

‘ஒய் 2 கே’ விஸ்வரூபத்தை சமாளிக்க, மிகைப்படுத்தலும் அவசியமானது என்று இவர்கள் வாதிட்டனர். இந்த விளக்கத்தை நிராகரித்த வர்கள், எல்லாமே பிரச்சனையை காட்டி, தொழில்நுட்ப ஆலோசனை என்னும் பெயரில் காசு பார்ப்பதற்கான ஏமாற்றுவேலை என்றனர். ‘ஒய் 2 கே’ தொடர்பான விழிப்புணர்வு இணைய தளங்கள் பலவற்றில், தொழில்நுட்ப ஆலோசனை நிறுவனங்களின் இணைப்புகள் இடம்பெற்றிருப்பதை இதற்கு ஆதரவாக சுட்டிக்காட்டினர்.

மாபெரும் ஏமாற்று வேலை என்னும் கருத்தை ஏற்கத் தயங்கியவர்கள் கூட, சில நியாயமான சந்தேகங்களை எழுப்பவே செய்தனர். முன்கூட்டியே தயாராகிவிட்டோம் என்னும் வாதமே உண்மை என்றால், அதற்கான வாய்ப்பு பெற்றிராத மூன்றாம் உலக நாடுகளில் எந்த விபரீதமும் எற்படாமல் போனது எப்படி என்று கேட்கப்பட்டது.

‘ஒய் 2 கே’ பரபரப்பின் போது, வட அமெரிக்கா மற்றும் பணக்கார நாடுகள் முன்னெச்சரிக்கை நடவடிக்கைகள் மூலம் தப்பிவிடும். ஏழை நாடுகளை நினைத்தால்தான் கவலையாக இருப்பதாக சொல்லப்பட்டது. ஆக, ‘ஒய் 2 கே’ பொய்த்துப் போனதற்கு யார் பொறுப்பு?
2005-ல், இது தொடர்பாக கட்டுரை எழுதி இது போன்ற கேள்விகளை செல்ஸர் வாசகர்கள் மனதில் எழுப்ப முயன்றிருந்தார்.

இதற்கு அவர் சொல்லும் பதில் நிபுணர்கள் கருதியது போல ‘ஒய் 2 கே’ ஒருபோதும் மாபெரும் பிரச்சனையாக இருக்கவில்லை என்பதுதான்! ஆனால், உண்மையில் என்ன நடந்தது, பேரழிவு தடுக்கப்பட்டதா? அல்லது அதற்கான வாய்ப்பே இருந்திருக்கவில்லையா? என்பன பதில் இல்லாத கேள்விகளே!

இருப்பினும், அடுத்தமுறை வானமே இடிந்து விழப்போகிறது என சொல்லப்பட்டால், பயம் என்னும் படுகுழியில் விழுந்துவிடாமல், சம நிலையோடு அறிவை துணைக்கு அழைத்து நிலைமையை சீர்தூக்கிப் பார்த்தே செயல்பட வேண்டும் என்னும் பாடத்தை இந்த நிகழ்வு கற்றுக் கொடுத்திருக்கிறது.

இதை உலகம் கற்றுக் கொண் டுள்ளதா? என்று தெரியவில்லை. தவிர, பீதியும், பரபரப்பும் பிடித்தாட்டும் போது, அறிவுக்கு வேலை கொடுப்பது சாத்தியமா என்றும் தெரியவில்லை.
சுனாமி பேரலை தாக்கிய போது, முன்கூட்டியே எச்சரிக்கை செய்யாதது ஏன்? என்று அரசையும் நிபுணர்களை யும் நோக்கி கேள்வி கேட்டதை மறந்து விடலாமா?

பறவைக்காய்ச்சல் பீதியின் போது, உலகம் அஞ்சி நடுங்கியதை நினைக்காமல் இருக்க முடியுமா? பேராபத்து நிகழும்போது அலட்சியத் தால் உண்டான விளைவு என்று மனித குலம் நொந்து கொண்ட தில்லையா? இந்த கேள்விகளுக்கு எல்லாம் ஒரே சரியான பதில் உண்டா? என்றும் தெரிய வில்லை. ஆனால், ‘ஒய் 2 கே’ தொடர் பாக மேலும் சுவாரஸ்ய மான விஷயங் கள் இருப்பது மட்டும் உண்மை!
—————–

‘ஒய் 10 கே’ தெரியுமா?

e-mail1ஒய் 2 கே’வை விட்டுத் தள்ளுங்கள். ‘ஒய் 10 கே’ தெரியுமா? பல்லாயிரம் ஆண்டுகளுக்கு பிறகு உலகை பிடித்து ஆட்ட காத்திருக்கும் பூதம் இது! ‘ஒய் 10 கே’வை பார்ப்பதற்கு முன் ‘ஒய் 2 கே’ வரலாற்றில் சில சுவாரசிய மான விஷயங்களை பார்த்துவிடலாம்.
.
‘ஒய் 2 கே’ என்றால் இயர் 2000 பிராப்ளம் என்று பொருள். இயரை குறிக்க ‘ஒய்’ என்றும், 2000-த்தை குறிக்க 2 கே என்ற கிரேக்க சொல்லை யும் கடன் வாங்கி, ‘ஒய் 2 கே’ என்ற பதம் உருவாக்கப்பட்டது. இந்த பதத்தை முதன் முதலில் பயன் படுத்தியவர் ‘டேவிட் எட்டி’ என்னும் சாப்ட்வேர் நிபுணர். 1995-ம் ஆண்டு அனுப்பி வைத்த இ-மெயிலில் இந்த பதத்தை குறிப்பிட்டு-, பிரச்சனையை யும் அவர் விளக்கி இருந்தார்.

அதற்கு பத்தாண்டுகளுக்கு முன்பே, இன்டெர்நெட்டில் விவாத தொட்டி லான யூஸ்நெட் விவாத அரங்கில் இந்த பிரச்சனை முதல் முதலாக பதிவு செய்யப்பட்டு விவாதிக்கப்பட்டது.
அதற்கு முன்பே ஒரு சில சாப்ட்வேர் நிபுணர்கள் இப்பிரச்சனை பற்றி யோசித்துள்ளனர்.

எனினும் 1990-கள் வரை யாரும் இப்பிரச்சனையை பெரிதாக கண்டுகொள்ளவில்லை. 90-களின் பிற்பகுதியில் தான், பிரச்சனை தொடர்பான விழிப்பு ணர்வை ஏற்படுத்த வேண்டும் என்ற முனைப்பு வந்தது.

அலட்சியம் ஆபத்தில் முடியும் என்று எச்சரிக்கும் வகையில், சாப்ட்வேர் நிபுணர்கள் பலர், ‘ஒய் 2 கே’ எச்சரிக்கை பிரச்சாரத்தை துவக்கினர். கட்டுரைகள் எழுதப்பட்டன. தொழில் நுட்ப விவரங்கள் விளக்கப்பட்டன. இணையதளங்கள் அமைக்கப்பட்டன.

‘கேரி நார்த்’ என்பவர் இந்த பிரச் சாரத்தில் முன்னிலையில் இருந்தார். ‘ஒய் 2 கே’வை நினைத்து உலகில் நடுங்கியதில் இவருக்கு பெரும் பங்குண்டு. ‘ஒய் 2 கே டைம் பாம்’ போன்ற இணையதளங்களும் அமைக்கப் பட்டன. இந்த பிரச்சனையை எதிர் கொள்ள சாப்ட்வேர் புலிகள் ஒரு படை யென தயாராகி மாற்று புரோகிராம் களை எழுதுவதற்கு இவை எல்லாம் காரணமாக அமைந்தன.

இதன் நடுவே, ‘ஒய் 2 கே’ பற்றி நாவல்களும், எழுதப்பட்டு திரைப் படங்களும் எடுக்கப்பட்டன. எல்லா துறையிலும் வியாபித்து நின்ற ‘ஒய் 2 கே’ கடைசி யில் ஒன்றுமில்லா மல் போனது. இப் போது ‘ஒய் 10 கே’வுக்கு வருவோம்.

‘ஒய் 2 கே’ போல, பத்தாயிரமாவது ஆண்டை தொட்டதுமே வெடிக்க காத்திருக்கும் பிரச்சனை இது என்கின்றனர். வருடங்களின் கடைசி இரண்டு இலக்கு ‘ஒய் 2 கே’வில் பிரச்சனை ஆனது என்றால், நான்கு இலக்கத்தின் வரையரை ‘ஒய் 10 கே’வாக உருவாகும் என்கின்றனர்.

அதாவது வருடங்களை நான்கு இலக்கமாக தானே குறிப்பிட்டு வருகிறோம். அடுத்து வரும் எட்டாயிரம் ஆண்டுகளுக்கு இதனால் பிரச்சனை கிடையாது. ஆனால், பத்தாயிரமாவது ஆண்டை தொட்ட துமே, புதிய ஆண்டை 5 இலக்கத் தோடு குறிப்பிட வேண்டி இருக்கும்.

ஆயிரக்கணக்கான ஆண்டுகளாக நான்கு இலக்கம் மட்டுமே அறிந்து வைத்திருக்கும் கம்ப்யூட்டர்கள் ஐந்து இலக்க மாற்றத்தால் திகைத்து போய்விடாதா? என்று கேட்கின்றனர்.
இதுதான் ‘ஒய் 10 கே’ பிரச்சனை.

இதற்காக என்றே பிரத்யேக இணையதளங்களும் அமைக்கப் பட்டுள்ளன. நான்கு இலக்க ஆண்டு களை, ஐந்து இலக்கத்தோடு மாற்றி எழுதும் நடவடிக்கையிலும் சில தொலைநோக்கு சாப்ட்வேர் நிபுணர் கள் ஈடுபட்டிருப்பதாக ஒரு இணைய தளம் தெரிவிக்கிறது. இப்படி தயாராகிவிட்டால், அடுத்த 90 ஆயிரம் ஆண்டுகளுக்கு எந்த பிரச்சனையும் இருக்காது என்கின்றனர்.

இது உண்மையா, நகைச்சுவையா என்று தெரியாமல் திகைப்பதாக தான் இருக்கிறது. எப்படியும் பல்லாயிரம் ஆண்டு களுக்கு பின் வரப்போகும் பிரச்சனை தானே என்று இதனை மறந்து விடலாம். அதுசரி, ஆனால் ‘2038’ பிரச்சனையை என்ன செய்வது என்று ஒரு இணையதளம் கேட்கிறதே என்ன செய்ய!

1970-க்கு பிறகு வந்த ‘லீப் தொடர்களை’ கணக்கில் எடுத்துக் கொள்ளாததால் ஏற்படப்போகும் விபரீதம் இது என்கின்றனர். இதன் விளைவாக 2038-ம் ஆண்டும் கம்ப்யூட்டர்கள், அந்த ஆண்டை கவனத்தில் கொள்ளாமல் ‘1901’ என கணக்கில் எடுத்துக் கொள்ளுமாம். இதை ‘ஒய் 238 கே’ பிரச்சனை என்று சொல்கின்றன. ஆனால் நல்ல வேளை யாக வெகு சில சாப்ட் வேர்களே பாதிக்கப்பட உள்ளனவாம்.

காது கொடுத்து கேட்டால் காதில் பூ சுற்றத் தொடங்கி விடுவார்கள் போலும் என நினைக்க வைக்கும் விநோத தகவல்கள் ‘ஒய் 2 கே’ பிரச்சனை யோடு நிறையவே ஒட்டிக் கொண்டி ருக்கிறது. களைகளை விளக்கிவிட்டு தெளிவு பெறு வது இணையவாசி களின் பொறுப்பு.

———–
link;
http://en.wikipedia.org/wiki/Year_10,000_problem
—————

நோயாளிகளுக்கு நிம்மதி

doctor1அமெரிக்க நோயாளிகள் கொடுத்து வைத்தவர்கள். டாக்டருக்காக காத்திருக்கும்போது இனி மருந்து களை விற்பனை செய்ய வருபவர்கள் குறுக்கீடு அதிகம் இருக்காது. அமெரிக்காவில் பின்பற்றப்படும் உத்திகள் உடனடியாகவோ, தாமத மாகவோ இங்கும் இறக்குமதி செய்யப்படும் நடைமுறை மருத்துவ துறைக்கும் பொருந்தி வரும் என்றால், நம்மூர் நோயாளிகளுக்கும் இதே நிம்மதி பிறக்கலாம்.
.
டாக்டரைப் பார்க்க அவரது வீட்டுக்கோ அல்லது கிளினீக் கிற்கோ சென்று காத்திருக்கும் போது, நமக்கு முன்னர் மற்ற நோயாளிகள் காத்திருப்பதை எதிர்கொள்வதோடு அடிக்கடி மருத்துவ பிரநிநிதி குறுக்கே வந்து டாக்டர்களை சந்திப்பதையும் பொருத்துக்கொள்ள வேண்டியிருக்கும்.

கையில் சூட்கேசோடு கைகட்டியபடி வந்து நிற்கும் இத்தகைய விற்பனை பிரதிநிதிகளை எல்லா நோயாளி களுமே விரோதிகளாகத்தான் பார்ப்பார்கள். மருத்துவர்களும் இவர்களின் குறுக்கீட்டை முழு மனதோடு ஏற்றுக்கொள்கின்றனர் என்று சொல்வதற்கில்லை.

வர்த்தக நிறுவனங்கள் வியாபார நிமித்தம் காரணமாக இப்படி பிரதிநிதிகளை அனுப்பிவைத்து புதிய மருந்துகளை பரிந்துரைக்க வைக்கின்றன என்றால் டாக்டர்கள் தொழில் நிமித்தம் காரணமாக இவற்றை அனுசரித்து போக வேண்டியிருக்கிறது.

போட்டி அதிகரிக்க அதிகரிக்க விற்பனை பிரதிநிதிகள் மருத்துவர்களை முற்றுகையிடுவதும் அதி கரித்து விடுகிறது. இதனால் பாதிக்கப்படுவது அப்பாவி நோயாளிகள்தான். ஆனால் அமெரிக்காவைப் பொருத்தவரை இனி இந்த தொல்லை அதிகம் இருக்காதுஎன்று உறுதியாக சொல்கின்றனர். முன்னிருந்ததை விட டாக்டர் அறையில் விற்பனை பிரதி நிதிகளின் குறுக்கீடு குறைந்து வருவதாகவும், வருங்காலத்தில் இது முற்றாக நீங்கிவிடும் வாய்ப்பும் இருப்பதாக கூறுகின்றனர்.

இதற்கு காரணம் இல்லாமல் இல்லை. 1990க்கு பிறகு அமெரிக்க மருந்து கம்பெனிகள் முழு மூச்சுடன் விற்பனை பிரதிநிதிகளின் எண்ணிக்கை அதிகரிக்கச் செய்தன. டேட்டா மானிட்டர் என்னும் அமைப்பின் அறிக்கை படி 42 சதவீதம் இந்த எண்ணிக்கை உயர்ந்தது. ஆனால் 2000க்கு பிறகு இந்த எண்ணிக்கை குறையத் தொடங்கியிருக்கிறது.

டாக்டர்கள், நோயாளிகள் இத் தகைய வருகையை விரும்பாதது ஒரு காரணம் என்றால், மருந்தக கம்பெனிகளின் லாபம் பெருமளவு குறையத் தொடங்கியிருப்பது மற்றொரு முக்கிய காரணம். லாபம் குறைந்த நிலையில் அவை விற்பனை பிரதிநிதிகளின் எண்ணிக்கையையும் குறைத்திருக்கின்றன.

இந்த பின்னணியில் டாக்டர்களை சென்றடைய நேரடியாக மருத்துவ பிரதிநிதிகளைஅனுப்பி வைப்பதை விட இன்டெர்நெட் மூலம் அவர்களை தொடர்பு கொள்வது சுலபமான தாகவும், சிறப்பானதாகவும் இருப்பதாக கருதப்படுகிறது.

நேரடியாக டாக்டர்களை தேடிவரும்போது அதிகபட்சமாக நான்கு நிமிடங்களுக்கு மேல் அவரோடு பேச முடியவில்லை. ஒரே ஒரு நிமிடத்தை மட்டுமே ஒதுக்கும் டாக்டர்கள் பலர் இருக்கின்றனர். இதற்கு மாறாக தொலைபேசியில் பேசிவிட்டு இன்டெர்நெட் மூலம் மருந்துகள் பற்றிய தகவல்களைத் தெரிவிக்கும்போது பலர் அதிகமாக இருப்பதாக தெரிய வந்துள்ளது.

மருந்துகளை அறிமுகம் செய்து விட்டு அதைப்பற்றி மேலும் விவரங்களைஅறிய நிறுவனத்தின் இணையதள முகவரியை குறிப் பிட்டால் டாக்டர்கள், நேரடியாக அங்கு சென்று தங்களுக்கு தேவையான விவரங்களை தெரிந்து கொள்கின்றனர்.

பல முன்னணி நிறுவனங்கள் இந்த உத்தியை பின்பற்றத் துவங்கியுள்ளன. அதுமட்டு மல்லாமல், மருத்துவ பிரதிநிதிகள் தங்களோடு மருந்து தொடர்பான கட்டுரைகள் மற்றும் ஆய்வு வெளியீடுகளை சுமந்து செல்ல வேண்டிய அவசியமும் இல்லை. அவற்றுக்கான இணைப்புகளையும் இன்டெர்நெட் மூலமே வழங்கி விடலாம்.

மருந்து பற்றிய வர்ணனையை வீடியோ பதிவாக்கிஅதனை டாக்டருக்கு அனுப்பி வைக்கும் வழக்கமும் பின்பற்றப்படுகிறது. இமெயில் மூலம் இத்தகைய விவரங்களைஅனுப்பி வைப்பதை டாக்டர்களும் விரும்புகின்றனர்.

இன்று எல்லோருமே இன்டெர்நெட் மூலம் தகவல்களை பெற விரும்பும்போது டாக்டர்கள் மட்டும் விதிவிலக்கா என்ன? மருத்துவ பிரதிநிதிகள் இன்டெர்நெட் வாயிலாக தங்களை அணுகுவதை அவர்களும் வரவேற்கவே செய் கின்றனர். எனவே அமெரிக்க மருந்து கம்பெனிகள் நேரடியாக விற்பனை பிரதிநிதிகளை அனுப்பிவைப்பதை குறைத்துக் கொள்ள தொடங்கியிருக்கின்றன.

தொழில்நுட்பம் அதைவிட சிறப்பான வழியை காண்பித் திருக்கும்போது இந்த பழைய வழி காலாவதியாகிவிட்டதாக மருத்துவ துறை கருதுகிறது. அமெரிக்காவில் பிரபலமாகும் இந்த உத்தி விரைவில் இந்தியா வுக்கும் வந்து சேரும் என்று எதிர்பார்க்கலாம்.
——–

பாஸ்வேர்டுக்கு புதிய வழி

idதட்டுங்கள் திறக்கப்படும் என்னும் எளிய விதி இன்டெர் நெட்டுக்கு பொருந்துவதில்லை. அங்கே கேளுங்கள் சொல்லப்படும் என்பதே கோலோச்சுகிறது.
.
அதாவது, இணைய வாசிகள் தட்டும்போது திறக்காமல் முதலில் கேட்பதற்கு பதில் சொல்லுங்கள் என்று அநேக இணைய தளங்கள் நிபந்தனை விதிக்கின்றன.

பொதுவாக சந்தாதாரர் களுக்கு மட்டுமே என சொல்லும் தளங்களும், பல்வேறு காரணங்களுக் காக உங்க ளைப்பற்றிய விவரங்கள் தெரிந்த பிறகே உள்ளே அனுமதிப்போம் என்று கராராக இருக்கும் கரங்களும் தான் இப்படி கேள்வி கேட்டு பதில் சொல்ல கட்டாயப் படுத்துகின்றன.

இதுபோன்ற தளங் களை பயன் படுத்த அவர்கள் கேட்கும் விவரங் களையெல்லாம் கொடுத்து விட்டு கூடவே இ-மெயில் முகவரியையும் சமர்ப்பித்து நமக்கான பயன்பாட்டு பெயர் அதாவது யூசர் நேம் மற்றும் அதனை இயக்க கூடிய பாஸ்வேர்டு அதாவது கடவுச் சொல் ஆகியவற்றை பெற்றுக்கொள்ள வேண்டும். அதன் பிறகு அந்த தளத்தை எப்போது பயன் படுத்த வேண்டும் என்றாலும், பயன்பாட்டு பெயரை சமர்ப்பித்து கடவுச்சொல்லை தெரிவித்தால் மட்டுமே உள்ளே நுழைய முடியும்.

ஒரே ஒரு தளம் என்றால், இந்த முறையை பின்பற்றுவதில் எந்த சங்கடமும் இல்லை. ஆனால் பிரச்சனை என்னவென்றால் பல்வேறு தளங்களில் அவற்றின் சேவையை பயன்படுத்த இப்படி பல விதமான பயன்பாட்டு பெயரையும், கடவுச் சொல்லையும் உருவாக்கிக்கொள்ள வேண்டி இருக்கிறது.

இ-காமர்ஸ் தளங்கள், இ-மெயில் சேவை தளங்கள், பிரத்யேக ஆன் லைன் இதழ்கள், அரசு தளங்கள் என்று பலவற்றில் இப்படி தனித்தனியே நமக்கான அடையாளத்தை உருவாக்கிக் கொள்ள வேண்டி இருக்கிறது.

ஒவ்வொரு முறையும் அடையா ளத்தை உருவாக்க நேரத்தை செலவிட வேண்டியிருப்ப தோடு, பலவித அடையாளங்களை நிர்வகிப்பதும் சிக்கலாகி
விடுகிறது. கடவுச்சொல்லை மறந்து விடும் அபாயம் இருக்கிறது. இதன் காரணமாகவே இணையவாசிகளின் தகவல் தேடும் அனுபவம் சுமை மிக்கதாக மாறிவிடுகிறது.

இதற்கு தீர்வாக வந்திருக்கும் புதிய சேவைதான் ‘ப்ரீ யுவர் ஐடி’.
openidஓபன் ஐடி டாட் நெட்’ இந்த சேவையை வழங்கி வருகிறது. இந்த தளத்தில் உங்களைப்பற்றிய விவரங்களை சமர்ப்பித்து (ஒரே) ஒரு கடவுச்சொல்லை பெற்றுக் கொண்டீர்கள் என்றால் போதுமானது.

வேறு எந்த இணைய தளத்தை பயன்படுத்தும்போதும், உங்களைப் பற்றிய விவரங்கள் கேட்கப்பட்டது என்றால், ஓபன் ஐடி அடையாளத்தை சமர்ப்பித்தீர்கள் என்றால் போதுமானது.

உங்களைப் பற்றிய விவரங்களை ஓபன் ஐடி வழங்கி நீங்கள் தளத்தின் உள்ளே செல்ல கதவைத் திறந்து விடும். இதன் மூலம் கட்டண சேவை போன்ற தளங்கள் ஒவ்வொன்றுக் கும் தனித்தனி அடையாளத்தை உருவாக்கிக்கொண்டிருக்க வேண் டியதில்லை.

ஒரு கதவைத் திறந்தால், ஓராயிரம் கதவுகள் திறக்கும் என்பதுபோல, இந்த ஒரே ஒரு கடவுச் சொல்லை வைத்துக்கொண்டு இன்டெர்நெட் முழுவதும் உலா வரலாம். ஏற்கனவே மைக்ரோசாப்ட் நிறுவனம் வழங்கிய பாஸ்வேர்ட் சேவை போன்றதே இது. அதைவிட மேம்பட்டதாக இது இருக்கிறது என ஓபன் ஐடி மார்தட்டிக் கொள்கிறது.

————-

link;
openid.net

இது ஒய் 2 கே நாவல்

kevinஉலகை பிடித்தாட்டியது ஒரு பூதம். உலகையே மிரளச் செய்து, அதீத முன்னெச்சரிக்கை நடவடிக்கைகளில் ஈடுபடச் செய்த அந்த பூதம் கடைசி யில் ஒன்றுமில்லாமல் போனது! அதன் பிறகு உலகம் அதனை மறந்தும் போனது!

.
‘ஒய் 2 கே’வை நினைவில் இருக்கி றதா? புத்தாயிரமாவது நெருங்கி கொண்டிருந்த நிலையில், ‘எல்லாமே தவறாகப் போகிறது. என்னவெல் லாமோ விபரீதங்கள் நிகழப்போகிறது’ என்றெல்லாம் பீதியடையச் செய்தது.

ஒய் 2 கே என்னும் பூதம். கம்ப்யூட்டர் களுக்கு உலகம் பழகி, அவை வாழ்க்கையில் நீக்கமற கலந்துவிட்ட நேரத்தில்தான், சாப்ட்வேர் நிபுணர்கள் அந்த குண்டை எடுத்து வீசினர்.

2000-மாவது ஆண்டை தொட்ட துமே, கம்ப்யூட்டர்களுக்கு கிறுக்கு பிடித்துப்போய்விடும். அதனால், பிரளயமே ஏற்பட்டு பூலோகமே சர்வநாசமாகிவிடலாம். இப்படித்தான் திகிலை ஏற்படுத்தினர்.

ஆரம்பத்தில், சாமான்யர்கள் இது பற்றி கவலையில்லாமல் இருந்தனர். ஆனால் வையம் தழுவிய விழிப் புணர்வு இல்லாவிட்டால் மனித குலத்தை மாபெரும் அழிவிலிருந்து காக்க முடியாமல்போய்விடுமே என அஞ்சிய நிபுணர்கள் வெகு விரைவில் பாமரர்களுக்கு ‘ஒய் 2 கே’வை புரிய வைப்பதில் வெற்றி பெற்றனர். அதனால் ‘ஒய் 2 கே’ பூதம் ஒவ்வொரு வரையும் பிடித்தாட்டத் தொடங்கியது. பிரச்சனை என்னவென்று பலருக் கும் புரிந்தது.

வருடங்களை எழுதும் போது, கடைசி இரண்டு இலக்கத்தை மட்டும் எழுதும் பொதுவான சோம்பேறித்தனம் உண்டல்லவா? சாப்ட்வேர் நிபுணர் களும், இந்த சோம்பலுக்கு ஆட்பட்டு, வருடங்கள் வரும் இடங்களில் எல்லாம் கடைசி இரண்டு இலக்கத்தை மட்டுமே பயன்படுத்தினர். அதாவது ‘1947’ என குறிப்பிட வேண்டிய இடத்தில் ‘47’ என சுருக்கத்தை மட்டுமே கையாண்டனர்.

இதற்கு சோம்பல் மட்டுமே காரணம் இல்லை. சாப்ட்வேர் நிபுணர்களின் சிக்கன அணுகுமுறையே பிரதான காரணம். இப்போது நினைத்துப் பார்த்தால் வேடிக்கையாக இருக்கும். கம்ப்யூட்ட ரின் செயல்திறனும், அதன் நினை வாற்றலும் பல மடங்கு அதிகமாகி இருக்கும் காலம் இது.

ஆனால், 1990-கள் வரை, கம்ப்யூட் டரின் நினைவாற்றல் கொள்ளளவுக்கு வரம்பு இருந்ததால், அதன் பயன் பாட்டில் சிக்கனம் அவசியமா னது. எனவேதான் புரோகிராம்களை எழுதும் போது, எங்கெல்லாம் மிச்சம் பிடிக்க முடியும் என பார்த்தனர். வருடங்களை குறிப்பிடும்போது இரண்டு இலக் கங்களை சுருக்கி எழுதும் குறுக்கு வழியை கையாள்வது இயல்பானதா கவே அமைந்தது.

துவக்கத்தில் இந்த சிக்கனத்தால் பெரும் பிரச்சனை வரக்கூடும் என ஒருவரும் நினைக்கவில்லை. ஆனால், ‘2000’மாவது ஆண்டை நெருங்கி கொண்டிருந்த நிலையில் தான், இது எத்தனை பெரும் தவறு என உரைத்தது.

‘47’-ஐ, 1947 என கம்ப் யூட்டர் புரிந்து கொள்ளும். ஆனால், 1999 முடிந்து 2000 வரும்போது, ‘00’ என்று மட்டும் அல்லவா காட்டும்! இதை கம்ப்யூட்டர் ‘2000’ என புரிந்து கொள்ளாமல், ‘1000’ என்றோ, ‘3000’ என்றோ புரிந்து கொண்டுவிட்டால் சிக்கல் இல்லையா? என்பது கேள்விகள் அலைமோதின. இல்லை-, ‘00’ என் னும் எண்களை கம்ப்யூட்டர் புரிந்து கொள்ளாமலே குழம்பி நின்றால் என் னாகும் என்னும் அச்சமும் உண்டானது.

இன்சூரன்ஸ்அலுவலகம், வங்கிகள், வாகன அலுவலகம், சம்பள பட்டு வாடா, பதிவு போன்ற எங்கெல்லாம் வருடங்கள் முக்கிய பங்கு வகிக்கி றதோ, அங்கெல்லாம் இந்த பிரச்சனை யால் பெரும் பாதிப்பு ஏற்படக்கூடும் என்று அஞ்சப்பட்டது.

பாதிப்பு இல்லை, விபரீதம் காத்திருப் பதாகவும் சொல்லப்பட்டது. ஏடிஎம் இயந்திரங்கள் கேள்வி கேட்காமல் பணத்தை வாரியிறைக்கலாம், மூடப் பட்ட லிப்ட்கள் திறக்கப்படாமல் போகலாம். நடுவழியில் விமானங்கள் திசைமாறலாம், சம்பள கணக்கு தாறுமாறாகலாம்…

இதுபோன்ற பெரும் பிழைகள் எல்லாம், புத்தாயிரமாண்டில் அடியெடுத்து வைத்ததும் சர்வ சகஜமாக நிகழலாம்! இப்படித்தான் பேசப்படலாயிற்று! இதற்கு மாற்று மருந்து தேட வேண் டிய அவசரத்தோடு, உலகம் முடுக்கி விடப்பட்டது. ‘ஒய் 2 கே’ பக் என்று சொல்லப்பட்ட, இப்பிரச்சனைக்கு தீர்வு காண, கம்ப்யூட்டரில் வருடங்கள் இடம் பெற்ற பகுதிகளை திருத்தி எழுத தொடங்கினர்.

குறித்த நேரத்திற் குள் இந்த பணியை நிறைவேற்றிவிட முடியுமா? என்னும் கேள்விக்குறி யோடு வீராவேசத்தில் மாற்று புரோ கிராம்கள் எழுதப்பட்டன. இந்த பர பரப்பு பீதியால் அதிகம் பயனடைந்தது இந்திய சாப்ட்வேர் புலிகள்தான். ‘ஒய் 2 கே’ மாற்று மருந்து ஒப்பந்தங்கள் பெரும்பாலும் அவர்களைத்தான் தேடி வந்தன. இதையெல்லாம் இன்று நினைத் துப் பார்த்தால் வியப்பாக இருக்கும்.

எப்படி எல்லாம் பயம் காட்டப்பட்டது. கடைசியில் ஒன்றும் நடக்காமல் போனது. மற்ற வருடங்களைப் போலவே புத்தாயிரமாண்டும் கோலா கலத்தோடு பிறந்தது. கொண்டாட்டங் களின் மத்தியில் ‘ஒய் 2 கே’ மறந்தது. அதன் பிறகு காணாமலும் போனது! இப்போது எதற்கு இந்த பழங்கதை?

அமெரிக்கர் ஒருவர் இந்த கேள்வியை கேட்க வைப்பதற்காகவே ஒரு நாவலை எழுதியுள்ளார். ‘ஒய் 2 கே’ பிரச்சனை பூதாகரமாக அச்சுறுத்திவிட்டு, கடைசியில் ஒன்று மில்லாமல் போனது. உலகம் அதனை மறந்தும் விட்டது.

ஆனால் ‘கெவின் ஷே’ மறக்கத் தயாராக இல்லை. உலகம் அதை நினைத்துப் பார்க்க வேண்டும் என்றும் விரும்பினார். அதற்காக அவர் எழுதியுள்ள நாவல்தான், ‘தி என்ட் ஆப் ஐ நோ இட்’. தமிழில் இதனை மொழிபெயர்த்தால், ‘நான் அறிந்த வகையிலான முடிவு’ என்பது போல வரும்.

நாவலின் தலைப்பே விசேஷமானது தான். உள்ள பக்கத்தின் சாராம்சத்தையும், நாவலின் நோக்கத்தையும், பொடி வைத்து பேசுவதுபோல பூடகமாக உணர்த்திவிடும் தலைப்பு.
தி என்ட்: அதாவது ‘முடிவு’ என்பது. ஒரு விதத்தில் உலகின் அழிவு என்னும் அர்த்தத்திலும் இங்கு பயன்படுத்தப் பட்டுள்ளது.

‘ஒய் 2 கே’ பிரச்சனை உலகின் கவனத்தை ஈர்த்த போது, அழிவுகாலம் நெருங்கிவருகிறது என்னும் அச்சமே மைய கருத்தாக இருந்தது. அப்படி எதுவும் நிகழவில்லை என்பது வரலாறு. இந்நிலையில், நான் அறிந்த வகையிலான ‘முடிவு’ என்னும் தலைப்பு, பேரழிவு கூச்சல்கள் எல்லாம் பொய்த்தப்போய், பிரச்சனை எங்கோபோய் முடிந்தது என்னும் மறைக்கப்பட்ட/மறக்கப்பட்ட உண்மைகளை வெளிப்படுத்துவதாக அமைகிறது.

ஏ நாவல் ஆப் மில்லினியம் அன்சிட்டி, (புத்தாயிரமாண்டை உலுக்கிய கவலை பற்றிய நாவல்) என்னும் துணைத் தலைப்பு இதனை மேலும் அழகாக விளக்குகிறது. ‘ஒய் 2 கே’வை மையமாக வைத்து எழுதப்பட்ட முதல் நாவல் இல்லை இது. ‘ஒய் 2 கே’ பூதம் உலகை உலுக்கி கொண்டிருந்தபோது, நாளிதழ்களும் பத்திரிகைகளும் பிரச்சினையை விளக்கி, அலசும் வகையில் பக்கம் பக்கமாக எழுதி தள்ளின.

இந்த பரபரப்புக்கு தூபம் போடும் வகையில் நாவல்களும் எழுதப்பட்டன. திரைப்படங்கள் மற்றும் டாக்குமென்ட்ரிகளும் எடுக்கப்பட்டன. ‘ஒய் 2 கே’வை மையப்படுத்தினால் சுலபமாக வெற்றிபெற்றுவிடலாம் என்னும் நோக்கத்தில் உருவாக்கப் பட்டது.

ஆனால், ‘ஒய் 2 கே’ அலை ஓய்ந்த பிறகு, அதில் இனியும் ஆர்வம் இல்லை என்றான பிறகு, எழுதப்பட்ட முதல் நாவல் கெவின் ஷேவினுடையது. காலத்தை பின்னோக்கி பார்க்கும் முயற்சி என்பதால், ‘ஷே’ நாவலை நகைச்சுவை கலந்து, ‘ஒய் 2 கே’ கூத்து மீதான நையாண்டியாக எழுதியிருந் தார்.

‘ஒய் 2 கே’ நிகழ்வை திரும்பி பார்த்து, அப்போது நடந்ததை கேலியும் கிண்டலுமாக விவரித்திருப்பதால், நாவல் சுவாரசியமாக படிக்கும் வகையில் அமைந்துவிட்டது என்கின்றனர்.

‘ரான்டல் நைட்’தான் நாவலின் கதாநாயகன். அவரது பார்வையிலேயே கதை சொல்லப்படுகிறது. ரான்டல், குழந்தைகளுக்கான பொம்மலாட்ட நிகழ்ச்சியை நடத்துபவர். ரான்டல் பள்ளி ஒன்றில் பணிபுரிந்து வருகிறார். இன்டெர்நெட்டிலும் அவருக்கு ஆர்வம் உண்டு. இன்டெர் நெட்டில் ‘ஒய் 2 கே’ பிரச்சனையை படித்து தெரிந்து கொள்ளும் அவர் திடுக்கிட்டுப் போகிறார். தொடர்ந்து ‘ஒய் 2 கே’ பற்றி விரிவாக ஆய்வு செய்யத் தொடங்குகிறார்.

‘ஒய் 2 கே’ தொடர்பான குழுக்களில் நடக்கும் விவாதங்களிலும் பங்கேற்கிறார். விளைவு ரான்டலை பீதி பற்றிக் கொள்கிறது. ‘ஒய் 2 கே’வால் உலகிற்கு கேடு வரப்போகிறது என பதறிப்போய் எதிர்வர உள்ள பேரழிவை தடுத்து நிறுத்த ஏதாவது செய்தாக வேண்டும் என்று துடிக்கிறார்.

இப்படியொரு பூதம் தாக்குவதற்கு தயாராக உள்ள நிலையில் உலகமோ அதை அறியாமல் இருக்கிறதே என்றும் படபடக்கிறார். அவ்வாறுதான், உலகை காக்கும் மாபெரும் பொறுப்பை தனது தோள்களில் சுமக்க வேண்டும் என முடிவு செய்து, வேலையை உதறித்தள்ளிவிட்டு, நாடு தழுவிய விழிப்புணர்வு பயணத்தை மேற்கொள்கிறார்.

‘ஒய் 2 கே’ பிரச்சனை தொடர்பான சகல விவரங்களையும் கையில் வைத்துக் கொண்டு ‘நான் சொல்வதை கேளுங்கள்’ என ஊர் ஊராக சென்று மக்களிடம் மன்றாடுகிறார். ஆபத்தை அறியாமல் அலட்சியமாக இருக்கின்றன என பதறும் அவரை மற்றவர்கள் கிறுக்கனாக பார்க்கின்றனர்.

கேலிக்கும் கிண்டலுக்கும் ஆளாவதை கூட புரிந்து கொள்ள முடியாத அளவுக்கு பிரச்சனையின் பிரம்மாண்டத் திலும் அதை பிறருக்கு உணர்த்துவதிலும் மூழ்கிப்போயிருக்கும் ரான்டல், தான் திரட்டி வைத்திருக்கும் விவரங்களை எடுத்துச் சொல்ல என்னை நம்புங்கள் என மன்றாடுகிறார்.

‘ஒய் 2 கே’ வெடிகுண்டு பூமி மீது வெடிக்க காத்திருக்க அமெரிக்காவோ, அதிபரின் காதலி பற்றி கவலைப்பட்டுக் கொண்டிருக்கிறதே என கொதித்து போகும் ரான்டல், அடுத்த அடுத்த ஊர்களுக்கு சென்று பேசிப்பார்க்கிறார்.

ரான்டல் பயமும் கவலையும் உண்மை தானா, உலகம் விழித்துக் கொள்ளுமா? என்னும் கேள்விகளோடு-, அவரது பயணம் தொடர்கிறது. கடைசியில் ஒன்றுமே ஆகவில்லை என்னும் உண்மை அறிந்த நிலையில் ரான்டலின் பயணத்தை பின் தொடர்வது சுவையாகவே இருப்பதாக விமர்சகர்கள் பாராட்டுகின்றனர்.

அந்த வகையில் சமகால நிகழ்வு தொடர்பான மிகச் சிறந்த நையாண்டியாக நாவல் அமைகிறது. ‘ஒய் 2 கே’ அச்சம் தவறானது மட்டம் அல்ல, தவரைத் தவிர வேறு எதுவும் இல்லை என்று சொல்லும் கெவின் ஷே, மோசமான நிகழ்வுகள் நடக்கும் என்று உலகம் ஏன் நம்புகிறது என்னும் கேள்வியை நாவல் மூலம் எழுப்பியிருப்பதாக சொல்கிறார்.

பரபரப்பின் உச்சநிலையை விவரித்து, அதன் ஆதார இயல்புகளையும் அவர் கேள்விக்குள்ளாக்குகிறார். அமெரிக்காவின் போஸ்டனில் பிறந்து கேம்பிரிட்ஜில் படித்து, பின் உளவியல் பட்டமும் பெற்ற, ஷேவுக்கு சாப்ட்வேர் துறையில் ஆரம்பத்திலிருந்தே ஆர்வம் இருந்தது. ‘ஒய் 2 கே’ தொடர்பான அதீத பரபரப்பால் ஏற்பட்ட தாக்கத்தையே நகைச்சுவையோடு நாவலாக்கி இருக்கிறேன் என்கிறார் அவர்.

‘மெக்ஸ்வேனி’ என்னும் நகைச்சுவை தளத்தில் கட்டுரைகள் எழுதி தனது நையாண்டி பாணிக்கு பட்டை தீட்டிக் கொண்டது நாவலில் அவருக்கு கைகொடுத்தது. ““டேகர் நேஷன்’ என்னும் இணையதளத்தை நடத்தி வரும் அவர், நாவலுக்காக ‘கேஷே’ டாட் காம் என்னும் தனிப்பகுதியை உருவாக்கி உள்ளார்.
—————

link;
www.kshay.com