Category Archives: ஐபோன்

ஐபோனில் தமிழ் அறிவோம்.

dictionary12மன்னிக்கவும் இது ஐபோன் மூலம் தமிழ் கற்றுக்கொள்ள உதவும் செயலியை பற்றியதல்ல.அப்படி ஒரு சேவை உருவாக்கபடலாம் என்னும் கருத்தை வலியுறுத்துவதற்காக தான்.

ஆப்பிளின் ஐபோன் பிரபலமாக இருப்பதோடு அதனை அடிப்படையாக கொண்டு உருவாக்கப்படும் செயலிகள் அதை விட பிரபலமாக இருக்கின்றன.ஐப்போனுக்கான‌ செய‌லிக‌ள் உள்ள‌ங்கையிலெயே எத்த‌னையோ வித‌மான‌ சேவைக‌ளை கொண்டுவ‌ந்து விடுகின்ற‌ன‌.

இப்ப‌டி ஆயிர‌க்க‌ண‌க்கான‌ சேவைக‌ள் உருவாக்க‌ப்ப‌ட்டுள்ள‌ன‌.

இந்த‌ வ‌ரிசையில் சமீப‌த்தில் சேர்ந்திருப்ப‌து ஐபோனுக்கான‌ வார்த்தை விளையாட்டு.இணைய‌ அக‌ராதி சேவையான‌ டிக்ஷ‌ன‌ரி டாட் காம் உத‌வியோடு ஐபோனில் விளையாட‌க்கூடிய‌ வார்த்தை விளையாட்டாக‌ இது அறிமுக‌மாகியிள்ள‌து.முதலில் இந்த‌ செய‌லியை ஐபோனில் ட‌வுண்லோடு செய்ய‌ வேண்டும். அத‌ன் பிற‌கு திறையில் வ‌ரிசையாக 20 வார்த்தைக‌ள் தோன்றும் .

அவ‌ற்றில் இந்த‌ வார்த்தையின் சொற்க‌ள் ச‌ரியாக இருக்கின்ற‌ன‌ அல்ல‌து எந்த சொல் த‌வ‌றாக‌ உள்ள‌து என்ப‌தை சுட்டுக்காட்ட‌ வேண்டும்.குறிப்பிட்ட‌ நேர‌த்திற்குள் இத‌னை செய்து முடிக்க‌ வேண்டும்.எடுத்துக்கொள்ளும் நேர‌ம் ம‌ற்றும் ச‌ரியான விடைக‌ளுக்கு ஏற்ப‌ ம‌திப்பெண் கிடைக்கும்.
ஐபோனில் நேர்த்தை கொல்ல‌ எத்த‌னையோ விளையாட்டுக்க‌ள் உள்ள‌ன‌.

ஆனால் வார்த்தை விளையாட்டு பொழுதுபோக‌ உத‌வுவ‌தோடு ஆங்கில அறிவையும் மேம்ப‌டுத்தும்.

தொழில்ரிதியயாக‌ மொழியை ப‌ய‌ன்ப‌டுத்த‌ வேண்டிய‌வ‌ர்க‌ளுக்கு இது ப‌ய‌னுள்ள‌தாக‌ இருக்கும்.

டிக்ஷ‌ன‌ரி டாட் காம் இத‌ற்கு முன்பாக‌ த‌ன‌து முழு அகாராதியையும் ஐபோனில் வ‌ர‌வைத்து சொற்க‌ளின் ச‌ரியான‌ பொருள் அறிய‌ உத‌வும் செய‌லியை அரறிமுக‌ம் செய்த‌து. இத‌ன் மூல‌ம் ஐப்போனிலேயே சொற்க‌ளுககான‌ அர்த்த‌த்தை சுல‌ப‌மாக‌ தெரிந்து கொள்ள‌ முடியும்.

இந்த‌ செய‌லி ல‌ட்ச‌க்க‌ண‌க்கில் ட‌வுண்லோடு செர்ய்ய‌ப்ப‌ட்ட‌து என்றால் பார்த்துக்கொள்ளுங்க‌ள்.

இத‌ன் தொட‌ர்ச்சியாக‌வே வார்த்தை வ‌லையாட்டு அறிமுக‌மாகியுள்ள‌து.

த‌மிழ் மீது ஆர்வ‌ம் கொண்ட‌வ‌ன் என்ற‌ முறையில் த‌மிழுக்கும் இத்த‌கைய‌ செய‌லிக‌ள் வ‌ந்தால் ந‌ன்றாக‌ இருக்கும் என்றே நினைக்க‌த்தோன்றுகிற‌து.

அகராதியை ம‌ட்டும் அல்ல கொஞ்ச‌ம் முய‌னறால் தேவார‌ம், திருக்குற‌ளை கூட‌ ஐபபோனில் கொண்டு வ‌ர‌லாம். ழ‌க‌ர‌ உச்ச‌ரிப்பு ஒற்றுபிழை ஆகிய‌வ‌ற்றையும் க‌ற்றுத்த‌ர‌லாம்.

ஏடிஎம் எங்கே இருக்கிறது?ஒரு வழிகாட்டி

a1
ஆயிரம் தான் சொல்லுங்கள் ஐபோனுக்கு நிகர் ஐபோன் தான். சந்தேகம் இருந்தால் ஐபோனை ஆதாரமாக கொண்டு அறிமுகமாகி கொண்டிருக்கும் சேவைகளின் பட்டியலை பாருங்க‌ள்.

அது மிக நீண்ட பட்டியல். விதவிதமான சேவைகளை உள்ளடக்கிய பட்டியல்.இன்னும் கூட புதுப்புது சேவைகள் அறிமுகமாகி கொண்டிருக்கின்றன. இதற்கென்றே ஆப்பில் இணையதளத்தில் தனி கடை இருக்கிறது தெரியும?

இந்த வரிசையில் சமீபத்தில் வந்திருக்கும் சேவை ஏடிம் வேட்டைக்கானது.

ஏடிம் ஹன்டர் என்னும் இந்த சேவையின் மூலம் குறீபிட்ட நகரில் நீங்கள் நிற்கும் இடத்திற்கு அருகே ஏடிம் மையம் எங்கே உள்ளது என்பதை அடையாள‌ம் காட்டிவிடும்.அந்த ஏடிம் மையம் எத்தகைய சேவைக்கானது,24 மணிநேர‌மும் இயங்கக்கூடியாதா, போன்ற தகவல்களையும் வழங்கும்.

ஐபோன் இருப்பிடம் உணர் ஆற்றல் கொண்டது என்பதால் இருக்கும் இடத்தை சொல்லவேண்டிய அவசியம் கூட இல்லாமல் அதுவே புரிந்து கொண்டு மையத்தை காட்டிவிடும்.

தேவைப்பட்டால் அருகே உள்ள விமான நிலையத்தை குறிப்பிட்டும் தேடலாம்.ஏடிம் மையங்களில் அருகாமையில் உள்ளது எது என்பதியும் அறியலாம். நமது இடத்திற்கும் மையத்திற்கும் உள்ள தொலைவையும் அறீய முடியும்.

இந்த சேவை உலகின் எந்த நகரிலும் செல்லுபடியாகுமாம்.

முன்னணி கிரிடிட் கார்டு நிறுவனமான மாஸ்டர்கார்டு சார்பில் ஐபோனுக்காக இது உருவாக்கப்பட்டுள்ளது.

இபோன் சார்ந்த ஆச்சர்யங்கள் இப்ப‌டி நிறையவே இருக்கிறது.

தொட்டால் இசை மலரும்

எல்லாம் உங்கள் கைகளில் தான் இருக்கிறது என்று சொல்வது தன்னம்பிக்கையின் அடையாள மாகவும் இருக்கலாம். எதிர்பார்ப்பின் விளைவாகவும் இருக்கலாம். இதே வாசகத்தை ஆப்பிள் நிறுவனம்  சொல்லும் போது “ஐபோன்’ல் சாத்தியமாகக் கூடிய தொழில்நுட்ப அற்புதமாக  பொருள்கொள்ள வேண்டும்.
.

 ஆப்பிள் நிறுவனத்தின் ஐபாடு இசை கேட்பு  சாதனமாகட்டும், அதன் அடுத்த அவதாரமான ஐபோன்  ஆகட்டும், இரண்டு டச்ஸ்கிரீன் என்று சொல்லப்படும் தொடுதிரையின் அற்புதத்தை  அடிப்படையாக கொண்டு இயங்குபவை.

 ஐபாடு (அ) ஐபோனை இயக்க அவற்றின் திரையின்  மீது கை வைத்து அப்படியும் இப்படியும் கோலம் போடுவது போல் விரல்களை  நகர்த்தினாலே போதும்.

 

ஐபோன்  புரட்சிகரமானது. இதுவரை உருவாக்கப்பட்டதிலேயே மிகவும் மேம்பட்ட  சாப்ட்வேரை  கொண்டது.  இதன் தொடுதிரை  வசதியை கொண்டு,  உங்கள் கைவிரல்கள் மூலமே  எல்லாவற்றையும்  நீங்கள் கட்டுப்படுத்த முடியும்.

ஆப்பிள்  ஐபோன்  மற்றும் அதன் நீட்சியான  ஐடச் பற்றி இப்படிதான் பெருமை பட்டுக்கொள்கிறது.

என்றாலும் நாம் தொடர்ந்து பார்க்க இருப்பது ஐபோன்  பெருமை பற்றி அல்ல. “ஐபேன்ட்’ பெருமை பற்றி!

“ஐபோன்’ போன்ற உச்சரிப்பை  கொண்டிருந்தாலும் “ஐபேன்ட்’ இன்னொரு டிஜிட்டல் சாதனமும் அல்ல’ ஆப்பிள் நிறுவனத்திற்கும், அதற்கும் எந்த தொடர்பும் இல்லை. ஐபேன்ட் ஒரு இசைக்குழு நவீன இசைக்குழு! மற்ற எந்த இசைக்கருவியிலிருந்தும் முற்றிலும் வேறுபட்ட இசைக்குழு ஐபோனை மட்டுமே கொண்டு உருவாக்கப்பட்ட, புதுயுக இசைக்குழு!
 ஒரு இசைக்குழுவை  அமைக்க ஒரு சில இசைக் கலைஞர்களும், ஒரு சில இசைக்கருவிகளும் கட்டாயம் தேவை.  ஐபேன்ட் இசைக்குழுவில் இசைக்கலைஞர்கள் உண்டு. ஆனால் இசைக் கருவிகள்  கிடையாது.  அவற்றுக்கு பதிலாக  ஐபோன்கள் தான் இருக்கின்றன.

 ஆஸ்திரியாவைச் சேர்ந்த   செப், ரோஜர், மற்றும் மரீனா ஆகிய மூவர் ஒன்று சேர்ந்து ஐபேன்ட் இசைக் குழுவை உருவாக்கி உள்ளனர்.  மூவரும் கலை கல்லூரி  மாணவர்கள் மற்றும் தொழில்நுட்ப விஷயத்தில் தேர்ச்சிமிக்கவர்கள். அதனால் தான் இசைக்கருவிகள் ஏதுமில்லாமல், ஆப்பிளின்  ஐபோனை மட்டுமே வைத்துக் கொண்டு இசையை  உருவாக்கி அதன் மூலம் இன்டெர் நெட்  உலகில் பரபரப்பை ஏற்படுத்தி இருக்கின்றனர்.

கையுறையை மாட்டிக் கொண்டு ஐபோனில் தொடு திரை மீது இரண்டு  விரல்களை  தொட்டு  அசைப்பதன் மூலமே  இசை ஒலிகளை உண்டாக்கி சங்கீத சாகசத்தை நிகழ்த்திக் காட்டி உள்ளனர்.

கடந்த பிப்ரவரி மாதம் இந்த இசை வீடியோ  கோப்பை, புகழ் பெற்ற வீடியோ கோப்பு பகிர்வு தளமான யூடியூப்பில்  பதிவேற்றினர். மேஜை ஒன்றின் மீது மூன்று ஐபோன்கள் வைக்கப் பட்டிருக்கு, அவற்றின் பளிச்சிடும் தொடுதிரை மீது மூன்று ஜோடி  விரல்கள் விளையாடிக் கொண்டிருக்க இசை அலையை எழுப்பிய இந்த காட்சி யூடியூப்  ரசிகர்களை வியப்பில் ஆழ்த்தியது. இந்த காட்சியை பார்த்தவர்கள் எல்லாம் மெய் மறந்துப்போக, ஒரு சில  நாட்களில்  இரண்டு லட்சம் முறைக்கும் மேல் பார்த்து ரசிக்கப்பட்டது.

“வாழ்க்கை இன்டெர்நெட்டை விட பெரியது’ என்னும் வர்ணனையோடு  வெளியான இந்த இசைக் கோப்பு  காட்சியை பார்த்து வியந்து ரசித்தவர்கள் எல்லாம் எப்படி இது சாத்தியம் என்று இமெயில் மூலம் விசாரிக்கத் தொடங்கி விட்டனர்.

ஐபோனை மட்டும் வைத்துக் கொண்டு  இசையை உருவாக்க  முடிந்தது எப்படி என்று பலரும் அறிய விரும்பினர். இந்த வரவேற்பும், ஆர்வமும் மூவர் குழுவை வியப்பில் ஆழ்த்தியது. இத்தனைக்கும் அவர்கள் உருவாக்கிய இசை பாட்டுடன் மெட்டு போன்ற  ஒலியாக  இருந்ததே தவிர துல்லியமான இசையாக இல்லை. ஆனால் வெறும் ஐபோனை கொண்டு உருவாக்கப் பட்டதால் அனை வருக்கும் அது பிடித்துப் போய் விட்டது.

 இதனையடுத்து  ஐபோனில் செயல்படக் கூடிய இசை சார்ந்த செயல்களை  கொண்டு  என்ன செய்யலாம் என உணர்த்தவே  இந்த இசையை  உருவாக்கினோம் என்றும் ஐபோன்களை  கொண்டே “ஐபோன்ட்’ என்னும் இசைக்குழுவை  நடத்துவதே எங்கள் நோக்கம் என்றும்
இசைக் குழுவின் சார்பில் ரசிகர்களுக்கு பதில் அளிக்கப்பட்டது.

யூடியூப்பில் பதிவேற்றப்பட்ட இசைக்  கோப்பின் எம்பி3வடிவத்தை தரு மாறும் பவர் கேட்டிருந்தனர். அதன் தரம் மிகவும் மோசமானது என சங்கடத்துடன்  தெரிவித்த “ஐபோன்ட்’ குழுவினர் ஓரளவு மேம்படுத்தப்பட்ட  இசைக் கோப்பை உருவாக்கி தங்கள்  இணைய தளத்தின் மூலம் டவுண்லோடு செய்து கொள்ளலாம் என தெரிவித்தது.  தொடர்ந்து சில  வீடியோக்களும், ரசிகர்களுக்கான போட்டியும் கூட பதிவேற்றப்பட்டது.  இன்று ஐபோன்ட் 
இணைய தளம்  இசைப்பிரியர்கள் மத்தியில் பிரபலமாக இருக்கிறது.

 ஐபேன்ட் இசைக்குழுவின்  இசை   மாயத்தின் பின்னே  இருப்பது, “மூகௌமியுசிக்’ சாப்ட்வேராகும். ஐபோன்களை இசைக் கருவியாக இந்த சாப்ட்வேர் மாற்றி விடுகிறது.
 இந்த சாப்ட்வேரை  பொறுத்துவதன் மூலும் ஐபோனை பியானோவாகவோ, டிரம்சாகவோ மாற்றி இசையை உருவாக்கலாம்.

ஆனால் ஒன்று இந்த சாப்ட்வேருக்கும், ஆப்பிள் நிறுவனத்திற்கும்  தொடர்பு இல்லை.
ஆப்பிள்  இத்தகைய  முயற்சிகளை  ஆதரிப்பது இல்லை.  உண்மையில் இவற்றை ஆப்பிள் சட்ட விரோதம்  என்று சொல்லி வருகிறது. மேலும் இந்தஅனுமதி இல்லாத சாப்ட்வேரை பொருத்த ஐபோனை  ஹேக் செய்ய வேண்டும். இது சுலபமானது மற்றும்  இதற்கு வழிகாட்டும் குறிப்புகள் இன்டெர்நெட்டில்  தாராளமாக கிடைக்கிறது. 

என்றாலும், இவ்வாறு அத்துமீறி உள்ளே நுழைந்து வேறு சாப்ட்வேரை பொருத்தினால் அந்த ஐபோனின் செயல்பாட்டிற்கு நாங்கள்  பொறுபல்ல என்று ஆப்பிள் ஒதுங்கி கொள்கிறது. இதனையும் மீறி பல தொழில்நுட்ப கில்லாடிகள் போனில்  அனுமதி இல்லாமல் செயல்படக் கூடிய சாப்ட்வேர்களை உருவாக்கிய வண்ணம் உள்ளனர்.

இத்தகைய  முயற்சிகளுக்கு சிகரம் வைத்தது போல அமைந்திருப்பது தான் ஐபோன்ட் குழு!

| |