Category Archives: யூடியூப்

waterfall-lawson_3290888b

யூடியூப் காவிய வீடியோவும், வால்பேப்பர் செயலியும்

யூடியூப்பில் ஒரு காவிய வீடியோ

யூடியூப்பில் வீடியோக்கள் வைரலாகிப்பரவி ஹிட்டாவது புதிதல்ல என்றாலும்
காணொலி கலைஞரான ஜானி லாசனின் நீர்விழ்ச்சி விடியோ அவற்றில் தனித்து நிற்கிறது.
இந்த வீடியோ இதுவரை 60 லட்சம் முறை பார்த்து ரசிக்கப்பட்டுள்ளது. யூடியூப் அளவுகோள்படி பார்த்தால் இது பெரிய எண்ணிக்கை இல்லை தான். ஆனால் இந்த வீடியோவின் தனிச்சிறப்பு அதன் நீளம் மற்றும் அது உண்டாக்கும் விளைவு!.
ஆம், நீங்கள் இதுவரை பல யூடியூப் வீடியோக்களை பார்த்து ரசித்திருக்கலாம். அவை எல்லாமே பெரும்பாலும் நிமிடக்கணக்கில் ஓடும் குவிக் பைட் ரகங்கள். இதற்கு மாறாக ஜானி லாசனின் நீர்விழ்ச்சி வீடியோ எட்டு மணி நேரம் ஓடக்கூடியது.
எட்டு மணி நேர வீடியோவா என ஆச்சர்யமாக இருக்கிறதா? அதைவிட ஆச்சர்யம் அந்த வீடியோ ஏற்படுத்திவரும் விளைவு. தூக்கமில்லாமல் தவிக்கும் பலருக்கு அந்த வீடியோ தான் தாலாட்டாக அமைந்து மன நமைதியை அளித்து நன்றாக தூங்கவும் வைக்கிறது. இந்த வீடியோ ஏற்படுத்தும் தாக்கம் காரணமாக மருத்துவமனை ஒன்றில் இதை தூக்கமின்மை தொடர்பான ஆய்வுக்கான கருப்பொருளாக சேர்த்திருக்கின்றனர் என்றால் பார்த்துக்கொள்ளுங்கள்!
அயர்லாந்தின் மாசுபடாத லிட்ரீம் கிராமப்பகுதியில் உள்ள வனத்தின் நீர்விழ்ச்சியில் படமாக்கப்பட்ட இந்த வீடியோவை பார்க்கும் போது மரங்கள் அடர்ந்த காட்டுக்குள் இருப்பது போல உணர்வு ஏற்படுகிறது. இடையே நீரின் சளசளப்பும் பறவைகளின் சங்கீதமும் கேட்டுக்கொண்டே இருக்கின்றன.இயற்கை ஆட்சி செய்யும் இடங்களில் மட்டுமே கேட்கக்கூடிய இன்னும் சில அற்புத ஒலிகளும் கேட்டுக்கொண்டே இருக்க அந்த நிர்விழ்ச்சியை பார்த்துக்கொண்டே இருக்கலாம்.
லட்சகணக்கானோர் இப்படி தான் பார்த்து மகிழ்ந்திருக்கின்றனர். சும்மாயில்லை, நகரத்து வாழ்வின் நெருக்கடியால் உண்டான கவலைகளை மறந்து இந்த வீடியோவிலும் அது தரும் அமைதியிலும் லயித்திருக்கின்றனர்.
பலர் இந்த வீடியோ தரும் ஆறுதலால் தங்கள் தூக்கமின்மையை மறந்து நன்றாக தூங்கியிருக்கின்றனர்.
இந்த வீடியோவை பார்த்துக்கொண்டிருக்கும் பலரும் நடுவிலேயே தூங்கி விடுகின்றனர். பின்னர் திடிரென கண் விழித்துப்பார்த்தால் வீடியோ ஓடிக்கொண்டே இருக்கும். அது தரும் இதத்தால் மீண்டும் தானாக தூக்கம் வந்துவிடும் என்கிறார் வீடியோவை உருவாக்கிய ஜானி லாசன். அதனால் தான் இந்த வீடியோவை 8 மணி நேரம் ஓடக்கூடியதாக படம் பிடித்ததாகவும் சொல்கிறார்.
லாசன் ஐந்து ஆண்டுகளுக்கு முன் தனது முதல் இயற்கை வீடியோவை யூடியூப்பில் பதிவேற்றினார். மக்களின் வாழ்க்கையில் இயற்கையை கொண்டு வருவது அவரது நோக்கமாக இருக்கிறது. இயற்கையின் எழில் கொஞ்சம் பகுதியில் வசிக்க முடிந்த பெரும் அதிர்ஷ்டம் தனக்கு வாய்த்திருப்பதால் அதை யூடியூப் மூலம் வீடியோவாக மற்றவர்களுடன் பகிர்ந்து கொள்வதாக சொல்கிறார்.
லாசனின் நீர்விழ்ச்சி விடீயோ: https://www.youtube.com/watch?t=1619&v=eKFTSSKCzWA

———
தளம் புதிது; ஹைடெக் செய்திகளின் சங்கமம்
தொழில்நுட்ப செய்திகளை பின் தொடர்வதில் ஆர்வம் இருக்கிறதா? இந்த செய்திகள் அனைத்தையும் ஒரே இடத்தில் தெரிந்து கொள்ள முடிந்தால் இன்னும் சிறப்பாக இருக்கும் என தோன்றுகிறதா? இந்த விருப்பத்தை நிறைவேற்றும் வகையில் ஆல் டெக் நியூஸ் (http://alltechnews.co/ ) இணையதளம் உருவாகி இருக்கிறது. இந்த தளத்தில் தொழில்நுட்ப உலகின் அனைத்து முக்கிய செய்திகளையும் தெரிந்து கொள்ளலாம். தொழில்நுட்ப செய்திகளை சிறப்பாக அளிக்கும் டிஜிட்டல் டிரென்ஸ், கீக்.காம் ஆகிய தளங்களில் துவங்கி ஹேக்கர் நியூஸ்,பிபிசி உள்ளிட்ட 41 தளங்களில் இருந்து செய்திகளை தொகுத்து வழங்குகிறது. செய்திகளுக்கான தேடல் வசதியும் இருக்கிறது.
தளத்தின் மையப்பகுதியில் செய்திகள் வரிசையாக இடம்பெற வலுது பக்கத்தில் மூல தளங்களின் பட்டியலும் இடம்பெற்றுள்ளது.
ஹைடெக் ஆர்வலர்கள் புக்மார்க் செய்து கொள்ள வேண்டிய தளம் இது; http://alltechnews.co/

செயலி புதிது; தினம் ஒரு வால்பேப்பர்
ஸ்மார்ட்போன்களில் விதவிதமான வால்பேப்பர்கள் தோன்ற விரும்பினால் மியூசி (Muzei) செயலியை நாடலாம். தினம் ஒரு அழகிய வால்பேப்பரை போனில் இது இடம்பெறச்செய்கிறது. இவை வழக்கமான வால்பேப்பர் அல்ல, ஒவ்வொன்றும் ஒரு புகழ்பெற்ற கலைப்படைப்பாகும். அருங்காட்சியகம் உள்ளிட்ட பலவேறு இடங்களில் இருந்து இவற்றை எடுத்து தருகிறது. போனில் உள்ள ஐகான்கள் பளிச் என தெரியும் வகையில் இவற்றின் தோற்றம் பின்னணியில் கலந்து விடுகிறது. கலைப்படைப்பில் இரு முறை கிளிக் செய்தால் அதன் முழு தோற்றம் மற்றும் விவரங்களை காணலாம். கூடுதல் தகவல் மியூசி என்றால் ரஷ்ய மொழியில் அருங்காட்சியம் என்று பொருளாம்.
ஆண்ட்ராய்டில் தரவிறக்கம் செய்ய: https://play.google.com/store/apps/details?id=net.nurik.roman.muzei


குரோம் ரகசியங்கள் ( இணைய குறிப்பு)
குரோம் பிரவுசரில் பல கூடுதல் வசதிகள் நீட்டிப்பு சேவை மூலம் சாத்தியமாகின்றன. ஆனால் குரோம் பிரவசரிலேயே சில சேவைகளை எளிதாக பயன்படுத்திக்கொள்ளலாம் தெரியுமா?
நீங்கள் இசைப்பிரியர் என்றால் ,குரோம் பிரவுசரில் வெற்று டேப்பை (tab ) வரவைத்து அதில் ஆடியோ அல்லது வீடியோ கோப்பை கொண்டு வந்து வைதால் போதும் பாட்டு கேட்கலாம்;வீடியோ பார்க்கலாம். மீடியா பிளேயருக்கு பதில் இதை பயன்படுத்தலாம். இதே போலவே பிடிஎப் கோப்புகளையும் குரோம் டேபிலேயே வைத்து படிக்கலாம். இதற்கும் வெற்று டேப்பில் கோப்பை இழுத்து வந்தால் போதுமானது. கோப்புகளை ஜூம் செய்யும் வசதி மற்றும் அச்சிடு வசதியும் உண்டு.


லைக்குகளில் ஒரு சாதனை
டிஜிட்டல் யுகத்தில் பத்திரிகைகளின் பாடு திண்டாட்டமாக இருந்தாலும் புகழ்பெற்ற நேஷனல் ஜியாக்ரபிக் இதழ் இக்கால தலைமுறை மத்தியிலும் பிரபலமாக இருக்கிறது. குறிப்பாக இளசுகள் புழங்குமிடமாக இருக்கும் சமூக ஊடக பரப்பில் இந்த இதழ் நல்ல வரவேற்பை பெற்றுள்ளது. இந்த இதழின் இன்ஸ்டாகிராம் கணக்கான @natgeo 17 மில்லியன் பாலோயர்களை பெற்றிருக்கிறது. பொதுவாக ஹாலிவுட் நட்சத்திரங்கள் மற்றும் மாடல் அழகிகளே லட்சக்கணக்கில் பாலோயர்களை பெறும் இன்ஸ்டாகிராமில் அதிக ஆதரவு பெற்ற பிரபலங்கள் அல்லாத கணக்குகளில் நேஷனல் ஜியாக்ரபிக் டாப்பில் உள்ளது. சமீபத்தில் இதன் இன்ஸ்டாகிராம் பக்கம் ஒரு பில்லியன் லைக்குகள் எனும் மைல்கல்லை எட்டியுள்ளது. இதனை முன்னிட்டு @natgeoyourshot, @natgeoadventure ஆகிய இரண்டு புதிய இன்ஸ்டாகிராம் பக்கங்களும் அமைக்கப்பட்டுள்ளன.
முதல் கணக்கு மூலம் வாகர்கள் தங்கள் புகைப்படங்களை சமர்பிக்கலாம். புத்தாயிரமாண்டின் தலைமுறை மத்தியில் @natgeo பிரபலமாக உள்ளது குறிப்பிடத்தக்கது.

—-

நன்றி; தமிழ் இந்துவில் எழுதியது.

இணைய தாத்தா பீட்டர் ஆக்லே !

oakley_2862561bநீங்கள் பீட்டர் ஆக்லேயின் இணைய பேரன்களில் ஒருவர் என்றால் இந்நேரம், அவருக்காக கண்ணீர் சிந்தியிருப்பீர்கள். அவரது யூடியூப் சேனலில் உங்கள் நினைவுகளையும் பகிர்ந்து கொண்டிருப்பீர்கள். ஆம், இணைய தாத்தா பீட்டர் ஆக்லே,86, இந்த உலகில் இருந்து விடைபெற்றிருக்கிறார். இணைய முன்னோடிகளில் ஒருவர் மறைந்துவிட்டார். யூடியூப் நட்சத்திரம் ஒன்று விடைபெற்று விட்டது.

உங்களில் சிலர் பீட்டர் ஆக்லேவை அறிந்திருக்கலாம். பலர் , யார் இந்த இணையதாத்தா என்று கேட்கலாம். இங்கிலாந்தின் ஓய்வு பெற்ற முதியவரான பீட்டர் ஆக்லே இளைஞர்களின் கூடாரம் என கருதப்படும் வீடியோ பகிர்வு தளமான யூடியூப்பில் நுழைந்து வீடியோ வழியே இக்காலத்து மொழியில் பேசி , யூடியூப்பாளர்களால் இணைய தாத்தா என கொண்டாடப்பட்டவர். புற்றுநோயுடன் போராடி மறைவதற்கு முன்பாக ஆக்லே 400 க்கும் மேற்பட்ட யூடியூப் வீடியோக்களை பதிவேற்றியிருக்கிறார்.அவரது வீடியோக்கள் மொத்தமாக கோடி முறைக்கு மேல் பார்க்கப்பட்டுள்ளன. ஒரு கட்டத்தில் யூடியூப்பில் அதிகம் பிரபலமானவராக ( அதிக சந்தாதாரரகள்) அவர் இருந்தார். இந்த உலகை விடைபெற்று செல்லும் போது கூட அவருக்கு யூடியூப்பில் 43,000 சந்ததாரர்கள் இருந்தனர் என்றால் பார்த்துக்கொள்ளுங்கள். இரண்டாம் உலகப்போர் காலத்தில் பிறந்த ஆக்லே, வயோதிகத்தில் கடந்த கால அனுபவத்தை திரும்பி பார்த்து அவற்றை இக்கால தலைமுறையுடன் பகிர்ந்து கொண்டு ,இணைய உலகில் தனி இடத்தை ஏற்படுத்திக்கொண்டார்.

பெரியவர் பீட்டர் ஆக்லேவை இணையப்புகழ் பெற்றவர்களில் முக்கியமானவராக குறிப்பிட வேண்டும். இண்டேர்நெட் என்றாலே நமக்கானது இல்லை என்று ஒதுங்கி கொள்ளும் வயதானவர்கள் மத்தியில் ஆக்லே அதை ஆர்வத்தோடு அரவனைத்துக்கொண்டு வெற்றியும் பெற்றார். யூடியூப் மூலம் தன்னை வெளிப்படுத்திக்கொண்ட ஆக்லே, வயோதிகமும் தனிமையும் வாட்டிய காலத்தில் தனக்கான இளம் ஆதரவாளர்களை தேடிக்கொண்டதோடு, இக்காலத்து தலைமுறையுடன் அவர்களுக்கு புரியும் மொழியில் உரையாடலில் ஈடுபட்டு தனது கருத்துக்களை பகிர்ந்து கொண்டார்.

அவரது வீடியோக்கள் ஒரு வயதானவரின் அலுப்பூட்டம் அறிவுரையாகவோ, முதியவரின் புலம்பலாகவோ இல்லாமல் சுவாரஸ்யமும் ,புத்துணர்ச்சியும் தரக்கூடியதாக இருந்தது. அதுவே அவரை இணையம் கொண்டாடிய தாத்தாவாக உருவாக்கியது. இணையத்தில் பேச வேண்டிய மொழியை ஆக்லே தாத்தா நன்றாக அறிந்திருந்தார். அவரது யூடியூப் வீடியோக்கள் எதுவும் 2 முதல் 10 நிமிடங்களுக்கு மேல் நீடித்ததில்லை. சராசரியாக 5 நிமிடத்திற்குள் அவர வீடியோவில் தான் சொல்ல வந்ததை முடித்துக்கொண்டார். இந்த வீடியோ வழியே அவர் தனது இளமைக்கால அனுபவம் துவங்கி எல்லாவற்றையும் பகிர்ந்து கொண்டுள்ளார். ராணுவத்தில் பணியாற்றிய அனுபவம், திருமன வாழ்க்கை, தனிப்பட்ட அனுபவம் ஆகியவற்றை வீடியோவில் பேசியவர் ,கல்வி, வயோதிகம் போன்ற பொதுவான விஷயங்கள் குறித்தும் பேசியிருக்கிறார். ஒவ்வொரு வீடியோவும் ஆயிரக்கணக்கானோரால் பார்த்து ரசித்து பாராட்டப்பட்டுள்ளது.

இவ்வளவு ஏன் யூடியூப்பில் அவர் அடியெடுத்து வைத்த முதல் வீடியோவே ஹிட்களை அள்ளி அவரை நட்சத்திரமாக்கியது .2006 ம் ஆண்டு ஆக்ஸ்ட் மாதம் ஆக்லே தனது முதல் வீடியோவை பதிவேற்றினார். இது கொஞ்சம் ஆச்சர்யமானது தான். ஏனெனில் யூடியூப்பே அப்போது தான் அறிமுகமாகியிருந்தது. இளைஞர்கள் மத்தியில் பிரபலமான அந்த தளத்தில் இளசுகள் உருவாக்கிய வீடியோக்கள் தான் குவிந்திருந்தன. அந்த காலகட்டத்தில் யூடியூப் என்றால் என்ன என்று இணையவாசிகள் பலருக்குமே

யூடியூப் வீடியோக்களை எளிமையாக ரசிப்பது எப்படி ?

http _surprise.ly_v_யூடியூப்பில்  வீடியோக்களை பார்த்து ரசிப்பதே எளிமையானது தான். அதற்கு பெரிய நிபுணத்துவம் தேவையில்லை. யூடியூப்பிலேயே அதற்கான வழிகள் இருக்கின்றன. ஆனால் யூடியூப்பில் வீடியோக்களை பார்க்கும் போது , ஒரு சிக்கல் உண்டு. விளம்பரங்கள் உட்பட பல விஷய்ங்களை சகித்துகொண்டு தான் வீடியோக்களை பார்த்தாக வேண்டும். அதாவது நம்மூர் தொலைக்காட்சிகளில் திரைப்படம் பார்க்கும் போது பத்து நிமிடத்திற்கு ஒரு முறை இருபது நிமிடங்களுக்கு விளம்பரங்களை பார்த்து , படம் பார்க்கும் ஆசையே வெறுத்து போவது போல தான். இவ்வாறு விளம்பரங்கள் போன்ற இடையூறுகள் இல்லாமல் யூடியூப் வீடியோக்களை பார்த்து ரசிக்க வழி செய்கிறது சர்பிரைஸ்.லே இணையதளம்.

பெயருக்கேற்ப இந்த தளம் ஆச்சர்யம் அளிக்கும் வகையில் தான் இருக்கிறது. இதன் முகப்பு பக்கம் எந்த அலங்காரமும் இல்லாமல் படு சிம்பிலாக இருக்கிறது. மேல் பகுதியில் சிறிய கட்டம் மட்டும் இருக்கிறது. அதில் நீங்கள் பார்க்க விரும்பும் யூடியூப் வீடியோ முகவரியை சமர்பித்தால் போதும் , விளம்பர இடையூறு , வடிவமைப்பு அலங்காரங்கள் இல்லாமல் எளிமையாக வீடியோவை பார்க்க முடிகிறது.

தியேட்டரில் சினிமா பார்ப்பது போல, திரை முழுவதும் கறுப்பு பின்னணியில் நடுவே வீடியோவை மட்டும் பார்த்து ரசிக்கலாம்.

இணையத்தில் செய்தி மற்றும் கட்டுரைகளை விளம்பரங்கல் நீக்கி பார்க்கும் வசதி ஏற்கனவே இருக்கிறது. இப்போது வீடியோ பிரியர்களுக்கும் இந்த வாய்ப்பை சர்பிரைஸ்.லே வழங்குகிறது.

அருமையான சேவை ,முயன்று பாருங்கள் : http://surprise.ly/v/

 

——-

பி.கு; இணையத்தால் இணைவோம் ; சைபர்சிம்மன் கையேடு-1 புத்தகத்தில் யூடியூப் சார்ந்த சுவார்ஸ்யமான பயனுள்ள புதுமையான  இணைய சேவைகள் பற்றி விரிவாக எழுதுயுள்ளேன். முடிந்தால் வாங்கி படித்து பார்த்து சொல்லவும். ; http://600024.com/store/inaiyathal-inaivom-mathi-nilayam

யூடியூப் வழங்கும் புதிய வசதி.

Lowers-youtube_610x436தனிநபர் தொலைகாட்சி பற்றி எப்போதாவது யோசித்திருக்கிறீர்களா? இது வரை யோசிக்கவிட்டாலும் இனி யோசியுங்கள். ஏனெனில் தனிநபர் தொலைகாட்சி நடத்துவது மிகவும் சுலபமானது. அதை நீங்களும் கூட செய்யலாம். எப்படி என்று ஆர்வத்துடன் கேட்கிறீர்களா? பிரபல வீடியோ பகிர்வு சேவையான யூடியூப் இதற்கான வசதியை அறிமுகம் செய்துள்ளது.
இணைய உலகில் ஸ்டீரிமிங் பற்றி நீங்கள் கேள்விப்பட்டிருக்கலாம். பட்டனை தட்டியதும் குழாயில் இருந்து தண்ணீர் பாய்வது போல ஆடியோ அல்லது விடியோ கோப்புக்கள் கிளிக் செய்ததும் ஒளிபரப்பாகத்துவங்கி விடுவதை தான் ஸ்டீரிமிங் என்கின்றனர். ஸ்டீரிமிங் செய்யப்படும் போது கோப்புகளை டவுண்லோடு செய்யத்தேவையில்லை. ஒரு நிகழ்ச்சி நடக்கும் போதே ஸ்ட்டிர்மிங் செய்யப்பட்டால் அதை நேரடியாகவே பார்த்தோ கேட்டோ ரசிக்கலாம். இதற்கு லைவ் ஸ்டீரிமிங் என்று பெயர். தொலைகாட்சியில் நேரடி ஒளிபரப்புக்கு நிகரானது.
இப்போது யூடியூப்பிற்கு வருவோம். யூடியூப்பில் வீடியோக்களை பார்த்து ரசிப்பது போலவே நாமும் கூ ட அதில் சுலபமாக வீடியோக்களை பதிவேற்றலாம். விரும்பினால் யூடியூப்பில் ஒரு கணக்கு துவங்கி நமக்கான சேனலையும் அமைத்து கொள்ளலாம். இந்த சேனல் வசதியையே கூட நமக்கான தொலைக்காட்சி சேனல் என்று சொல்லலாம். பலர் வெற்றிகரமாக இப்படி யூடியூப்பில் சொந்த சேனை வைத்திருக்கின்றனர். வீடீயோ வலைப்பதிவாளர்களும் கூட இருக்கின்றனர்.
ஆனால் இந்த சேனலில் என்ன பிரச்சனை என்றால் நிகழ்ச்சிகளை நேரடியாக பார்க்க செய்ய முடியாது. ஏற்கனவே ஒளிப்பதிவு செய்த நிகழ்ச்சிகளை வீடியோ கோப்பாக பதிவேற்றி பார்க்க செய்யலாம்.
இதற்கு மாறாக நிகழ்ச்சிகளை நேரடியாக பார்க்க செய்ய முடிந்தால் எப்படி இருக்கும் எனும் ஏக்கத்தை பூர்த்தி செய்யும் வகையில் யூடியூப் சில மாதங்களுக்கு முன் நேரடி ஒளிபரப்பு வசதியை அறிமுகம் செய்தது. இதன் மூலம் நிகழ்ச்சிகளை அவை நடக்கும் போதே யூடியூப்பில் பார்க்க செய்வது சாத்தியம். முதலில் இந்த வசதி அதிக சந்தாதாரர்களை கொண்ட வாடிக்கையாளர்களுக்கு மட்டுமே அறிமுகம் செய்யப்பட்டது. அதன் பிறகு குறைந்தது ஆயிரம் சந்தாதாரர்களாவது இருக்க வேண்டும் என்று கூறப்பட்டது.
இப்போது யூடியூப்பில் சரி பார்க்கப்பட்ட கணக்கு உள்ள யாரும் இந்த வசதியை பயன்படுத்தலாம் என அறிவிக்கப்பட்டுள்ளது. ஆக, உங்களிடம் யூடியூப் கணக்கு இருந்தால் போதும் நீங்களும் கூட யூடியூப்பில் நிகழ்ச்சிகளை நேரடியாக ஒளிபரப்ப துவங்கிவிடலாம். அது மட்டும் அல்ல கூகுல் ஹாங்கவுட்ஸ் சேவையையும் இதில் இணைக்க முடியும். எனவே ஹாங்கவுட்ஸ் பயன்படுத்துவர்கள் அதில் பகிர்ந்து கொள்ளும் வீடியோ தகவலை யூடியூப்பிலும் ஒருங்கிணைக்க முடியும். மேலும் இப்படி ஒளிபரப்பாகும் நிகழ்ச்சிகளை எத்தனை பேர் பார்க்கின்றனர் என்பது போன்ற புள்ளி விவரங்களையும் யூடியூப்பே தருகின்றது.
வர்த்தக நிறுவனங்கள் மற்றும் இசைக்குழு போன்றவை இந்த நேரடி ஒளிபரப்பு வசதியை பயன்படுத்தி வாடிக்கையாளர்கள் மற்றும் ரசிகர்களோடு மேலும் துடிப்பான வழியில் தொடர்பு கொள்ளலாம் என்று சொல்லப்படுகிறது. ஏன் தனிநப்ர்களும் கூட இந்த வசதியை பயன்படுத்திக்கொள்ளலாம்.
திறமையும் ஆர்வாமும் இருந்தால் நீங்களே நிகழ்ச்சி தயாரித்து ஒளிபரப்பவும் செய்யலாம். அது பார்வையாளர்களை காவருமானால் உங்களுக்கான தனிநபர் தொலைகாட்சி தாயாராகிவிட்டது என பொருள். யார் கண்டது யூடியூப்பில் இத்தனை லட்சம் பேர் பார்த்த வீடியோ என்று தானே இப்போது பெசுகிறோம். இனி வரும் காலத்தில் இத்தனை லட்சம் பார்த்து ரசித்த நேரடி நிகழ்ச்சி என்று பேசப்படலாம்.
யூடியூப் நேரடி ஒளிபரப்பு வசதி பற்றி அறிய: http://news.cnet.com/8301-1023_3-57615505-93/youtube-opens-up-live-streaming-to-all-verified-accounts/

யூடியூப்பை சிறப்பாக பயன்படுத்த சில வழிகள்!

வீடியோ பகிர்வு சேவையான யுடியூப் தளத்திற்கு அறிமுகமே தேவையில்லை.யூடியூப்பை பாடல் காட்சிகளை பார்த்து ரசிக்கவும்,நகைச்சுவை வீடடியோக்களை பகிர்ந்து கொள்ளவும் நீங்கள் பயன்படுத்தி வரலாம்.பிரப்லமான செய்தி கிளிப்களை பார்க்க, திரைப்பட டிரைலர்களை காண என மேலும் பலவழிகளில் யூடியூப்பை பயன்படுத்தலாம்.

யூடியூப் சார்ந்த பல்வேறு சேவைகளும் இருக்கின்றன. யூடியுப்பிலே கூட பலவேறு வசதிகள் இருக்கின்றன.யூடியூப்பில் உள்ள எல்லா வசதிகளையும் எல்லோரும் அறிந்திருப்பார்கள் என்று சொல்வதற்கில்லை. இப்படி பரவலாக அறியப்படாத ஆனால் பயனுள்ள யூடியூப் வசதிகள் சிலவற்றை பார்க்கலாம்.

யூடியூப்பில் பாட்டு கேட்பது சுலபமானது. பிடித்த பாடலை வீடியோவோடு பார்த்து ரசிக்கலாம் என்பது கூடுதல் சிறப்பு.ஆனால் யூடியூப்பில் பாடல கேட்பதில் உள்ள ஒரே சங்கடம் ஒவ்வொரு பாடல் முடிந்த பிறகும் அடுத்த பாடலை தேர்வு செய்து கொன்டிருக்க வேண்டும். இசைவானில் மிதக்க விரும்பும் போது இப்படி ஒவ்வொரு பாடலாக தேர்வு செய்ய வேண்டியிருப்பது அந்த அனுபவத்தையே பாழாக்கி விடும்.

இதற்கு மாறாக விருப்பமான பாடல்கள் அடுத்தடுத்து ஒலிபரப்பாக கொண்டிருந்தால் எப்படி இருக்கும்.சுகமாக தான இருக்கும் இல்லையா? இப்படி யூடியூப்பிலேயே பாடல்களை வரிசையாக கேட்டு மகிழலாம்.இதற்கான பிலேலிஸ்டை உருவாக்கி கொள்ளும் வசதியை யூடியூப் டிஸ்கோ( http://www.youtube.com/disco)  தருகிறது.இந்த சேவையில் உங்களுக்கு பிடித்தமான பாடகர் அல்லது பாடலை சமர்பித்தால அதனடிப்படையில் பிலேலிஸ்ட்டை உருவாக்கி தருகிறது. அதில் உள்ள பாடல்களை ஆனந்தமாக கேட்டு ரசிக்கலாம். பாப் பிரியர்கள் என்றால் இந்த சேவை பரிந்துரைக்கும் பிரப்லமான பாடல்கள் அல்லது பிரபலமான பாடகர்கள் பாடல்களை கேட்டு ரசிக்கலாம்.

இதே போல யூடியூப்பில் உள்ள மற்றொரு பயனுள்ள வசதி யூடியூப் லைவ்.( ) http://www.youtube.com/live இது நேரடி ஒளிபரப்புக்கான சேவை. இதன் மூலம் தற்போது இணையத்தில் காணகிடைக்கும் நேரடி ஒளிபரப்பு நிகழ்ச்சிகளை தேடாமலே தேடி பார்த்து ரசிக்கலாம். அமெரிக்க அதிபர் மாளிகை ஒளிபர‌ப்பு, விளையாடு நிகழ்ச்சிகள் என் பலவற்றை பார்க்க முடியும்.குறிப்பிட்ட நேரத்தில் நேரடி ஒளிபர்ப்பு நிகழ்ச்சிகள் எவை என்பதை இதன் முகப்பு பக்கத்திலேயே பார்த்து தெரிந்து கொள்லலாம்.அவற்றில் உங்களை கவரும் சேவைக்கு உறுப்பினாராகும் வசதியும் இருக்கிற‌து.இந்திய நிழச்சிகளில் துவங்கி பிரபலமான அல்ஜசிரா டிவி  உட்பட உலக‌ம் ம்ழுவதும் உள்ள பல நிகழ்ச்சிகளை பார்கலாம். இத்த்னை நேரடி ஒளிபரப்புகளா என வியந்டு போவீர்கள்.

அது மட்டுமா இந்த வசதியை வீடியோ உரையாடலுக்கான கூகுல் ஹாங்க் அவுட வசதியுடன் இணைத்து கொள்ளலாம். அப்போது ஹாங்க் அவுட்டில் பங்கேற்காதவர்கள் கூட இதை நேரடி ஒளிபர‌ப்பாக பார்க்க முடியும்.

நீங்கள் எடுக்கும் வீடியோக்களையும் யூடியூப்பில் பதிவேற்றலாம். அந்த வீடியோ நேரத்தியாக இருக்க வேண்டும் என்றால் அது அழகாக எடிட் செய்யப்பட்டிருக்க வேண்டும்.இதற்கான வசதியும் யூடியூப்பில் இருக்கிறது. யூடியூப் வீடியோ எடிட்டர் (http://www.youtube.com/editor ) மூலம் உங்கள் வீடியோக்களை அழகாக எடிட் செய்து பலரும் பார்த்து ரசிக்க செய்யலாம்.பல காட்சிகளை சேர்ப்ப‌து,பின்னணி இசை சேர்ப்பது, எடிட் செய்வது, உப‌ தலைப்புகள் கொடுப்பது என பல‌வ