Category Archives: யூடியூப்

அருமையான பயன‌ வீடியோக்கள்.

உலகை வீடியோக்களால் வலம் வரலாம் என அழைக்கிறது டிராவீடியோ. பயண வீடியோக்களுக்கான கூகுல் என இந்த தளத்தை கொண்டாடலாம்.சுற்றுலா நாட்டம் உள்ளவர்களும் சரி,பயணங்களை விடும்புகிறவர்களும் சரி இந்த தளத்தை பார்த்தால் சொக்கு போய் விடுவார்கள்.

காரணம் இந்த தளத்தில் பயனம் சார்ந்த அருமையான வீடியோக்களை பார்த்து ரசிக்கலாம்.இரண்டு விதங்களில் இதை செய்யலாம்.முகப்பு பக்கத்தில் பட்டியலிடப்பட்டுள்ள பயண வீடியோக்களை பார்த்து ரசிக்கலாம்.இல்லை என்றால் குறிப்பிட்ட இடம் அல்லது நகரை குறிப்பிட்டு அதற்கான வீடியோ காட்சிகளை தேடி ரசிக்கலாம்.

முகப்பு பக்கத்தில் வீடீயோ பட்டியலும் இரண்டு விதமானவை.அதிகம் பார்க்கப்பட்ட பயண வீடியோக்கள் முதல் வகை என்றால் இரண்டாவது வகை பிரபலமான நகரங்கள். அதாவது வீடியோக்களை தேடுபவர்களால் அதிகம் பார்க்கப்பட்ட மற்றும் அதிமாக தேடப்பட்ட நகரங்கள் அடிப்படையில் இந்த இரு பட்டியலும் அமைந்துள்ளன.

குறிப்பிட்ட வீடியோவை கிளிக் செய்ததும் அந்த வீடியோ எத்தனை பேரால பார்த்து ரசிக்கப்பட்டுள்ளது போன்ற விவரங்களை தெரிந்து கொள்ளலாம்.அந்த‌ வீடியோவை நண்பர்களுடன் பகிர்ந்து கொள்ளலாம்.வீடியோ பற்றிய கருத்தையும் பதிவு செய்யலாம்.அதே போல ஏற்கனவே பதிவான கருத்துக்களையும் படித்து பார்க்கலாம்.

சுற்றுலா செல்ப‌வர்கள் அதற்கு முன்பாக் இணைய ஆய்வில் ஈடுபடுவது வழக்கமாக இருக்கிறது. விக்கிபீடியாவில் துவங்கி சுற்றுலா மற்றும் பயன தளங்களும் இதற்காக இருக்கின்றன.யூடியூப் பிரியர்கள் பயணம் சார்ந்த வீடியோக்களை தேடிப்பார்த்து பார்க்க விரும்பும் நகரங்கள் பற்றிய தகவல்களை காட்சிரீதியாகவே தெரிந்து கொள்ளலாம்.

இத்தகைய வீடியோக்களை ஒரே இடத்தில் பார்த்து ரசிப்பதற்கான எளிய வழியாக டிரவீடியோ இருக்கிறது.

———-

http://travideos.com/

யூடியூப் வீடியோவை இப்படியும் பயன்படுத்தலாம்.

pronounce_words_video

யூடியூப் வீடியோக்களை எத்தனையோ வழிகளில் பயன்படுத்திக்கொள்ளலாம்.அது அவரவரது தேவையையும் விருப்பத்தையும் பொருத்தது.

யூடியூப்பில் பாட்டு கேட்கலாம்.படம் பார்க்கலாம்.காமெடி வீடியோக்களை பார்த்து ரசிக்கலாம்.செய்முறை காட்சிகளை கண்டு கற்கலாம். ஆனால் யூடியூப் வீடியோக்களுக்கு இன்னும் ஒரு சுவாரஸ்யமான பயன்பாடும் இருப்பது பலரும் அறியாதது. பலரும் என்ன பெரும்பாலானோர் அறியாதது.

இப்படியும் யூடியூப் வீடியோவை பயன்படுத்தலாமா என் வியப்பை ஏற்படுத்தும் அந்த வழியை லேப்னால் தளத்தில் அமீத் அகர்வால் அறிமுகம் செய்திருக்கிறார்.அந்த வழி உச்சரிக்க கடினமான சொற்களின் சரியான உச்சரிப்பை அறிந்து கொள்வது.

இந்த பிரச்சனை நடைமுறையில் அனைவரும் எதிர்கொள்வது தான்.அதாவது குறிப்பிட்ட சொல் அல்லது பெயரை எப்படி உச்சரிப்பது என தெரியாமல் திண்டாடுவது. இது போன்ற நேரங்களில் அகராதியை பார்த்து உச்சரிப்பை தெரிந்து கொள்வது ஒரு வழி .கொஞ்சம் பழைய வழி. இதற்கு பதிலாக அந்த சொல்லை கூகுலில் டைப் செய்து அதன் பொருள் மற்றும் உச்சரிப்பை தெரிந்து கொள்ளலாம்.

சில நவீன இணைய அகராதிகள் சொற்களின் உச்சரிப்பை ஒலி வடிவிலும் தருகின்றன.இதிலும் ஒரு சிக்கல் இருக்கிறது. அந்த உச்சரிப்பு அநேகமாக அமெருக்க ஆங்கிலத்திற்கானதாக இருக்கும்.அல்லது ஆங்கிலேயர்களுடையதாக் இருக்கும்.

இந்த இடத்தில் தான் யூடியூப் வருகிறது. எந்த சொல்லின் உச்சரிப்பை அறிய வேண்டுமோ அந்த சொல்லை யூடியூப் தளத்த்தில் தேடிப்பார்க்க வேண்டும்.அப்போது அந்த சொல் இடம்பெற்றுள்ள வீடியோ கோப்புகளின் பட்டியலை பார்க்கலாம். அந்த வீடியோவை கிளிக் செய்து குறிப்பிட்ட அந்த சொல்லின் உச்சரிப்பை தெளிவாக கேட்டு தெரிந்து கொள்ளலாம்.

யூடியூப்பில் இருக்கும் வசதியை பயன்படுத்தி அந்த சொல் இடம்பெறும் வாசக்த்தையும் கண்டறிந்து மிகச்சரியாக அந்த வாசகம் வரும் இடத்தில் வீடியோவை பார்க்கலாம்,சொல்லின் உச்சரிப்பை கேட்கலாம்.

வீடியோ உலகின் எந்த பகுதியை சேர்ந்ததோ அந்த பகுதியின் உச்சரிப்பையும் அறிந்து கொள்ளலாம்.
————

அமித் அகர்வாலை நீங்களும் அறிந்திருக்கலாம்.அவர் இந்தியாவின் முன்னணி வலைப்பதிவர்.அவலைப்பதிவு மூலம் லடசக்கணக்கில் சம்பாதிப்பவர். லேப்னால் தளத்தில் அவர் பெரும்பாலும் இணையத்தை எப்படி பயன்படுத்துவது என எழுதி வருகிறார். பல இணையதளங்கள் மற்றும் சேவை தொடர்பானவை. சில, இந்த சேவையை போலவே அவராக பயன்படுத்தி பார்த்து கண்டறிந்து சொல்லும் அனுபவ குறிப்பு.அதனால் தான் அமீத் முன்னணி இணைய வலைப்பதிவராக இருக்கிறார்.

லேப்னாலில் நான் கண்டெடுக்கும் முத்துக்களை தொடர்ந்து பகிரலாம் என இருக்கிறேன்.

அன்புடன் சிம்மன்.

வீடியோவுக்கான பின்ட்ரெஸ்ட்!.


இணைய பலகை என்று சொல்லப்படும் பின்ட்ரெஸ்ட்டில் இணையத்தில் பார்க்கும் நல்ல விஷயங்களை புகைப்படமாக சேமித்து வைக்கலாம்.இதே போலவே வீடியோ கோப்புகளை சேமித்து வைப்பதற்காக சேவையாக விடின்டிரெஸ்ட் தளம் அறிமுகமாகியுள்ளது.

பின்ட்ரெஸ்ட் தளத்திலேயே கூட வீடியோ கோப்புகளையும் சேமிக்கலாம் என்றாலும் அது பிரதானமாக புகைப்படம் சார்ந்த சேவையாகவே அமைந்துள்ளது.ஆனால் விடின்டிரெஸ்ட் முழுக்க முழுக்க வீடியோ சேமிப்பு சேவையாக உருவாக்கப்பட்டுள்ளது.

பின்ட்ரெஸ்ட் போலவே இதிலும் இணையத்தில் நம்மை கவரும் வீடியோக்களை நமக்கான பலகையில் சேமித்து வைக்கலாம்.பின்ட்ரெஸ்ட் போலவே பல வித தலைப்புகளின் கீழ் பலகைகளை உருவாக்கி அதில் வீடியோக்களை சேமிக்கலாம்.இதற்கான புக்மார்க்லெட்டையும் தருவித்து கொள்ளலாம்.

பார்த்து ரசித்த யூடியூப் வீடியோக்களை குறித்து வைக்க எத்தனையோ வழிகள் இருக்கின்றன.ஆனால் விடின்ட்ரெஸ்ட் அதை மிகவும் சுலபமாக்கியுள்ளது.

அதிலும் பொருத்தமான தனித்தனி தலைப்புகளில் வீடியோக்களை வகைப்படுத்தி வைப்பது விரும்பிய வீடியோக்களை பார்த்து ரசிப்பதில் உதவியாக இருக்கும்.உதாரணத்திற்கு கிரிக்கெட் என தலைப்பிட்டு கிரிக்கெட் தொடர்பான வீடியோக்களை அதில் இடம் பெற வைக்கலாம்.

இந்த வீடியோக்களை மற்றவர்களோடு பகிர்ந்து கொள்ளலாம்.இதே போல மற்றவர்கள் சேமித்து வைத்துள்ள வீடியோக்களை பார்க்கலாம்.அவற்றில் நமக்கு பிடித்தவற்றை நமது பக்கத்தில் சேமித்து கொள்ளலாம்.

இந்த தளத்தில் உறுப்பினர்கள் சேமித்து வைத்துள்ள வீடியோக்கள் வாயிலாக சுவாரஸ்யமான புதிய வீடியோக்களை அறிமுகம் செய்து கொள்ளலாம்.தொழில்நுபம்,பொழுதுபோக்கு,சாதனங்க‌ள்,அறிவியல், விளையாட்டு என எண்ணற்ற வகைகளில் வீடியோக்களை காணலாம்.அந்த வகையில் புதிய வீடியோக்களை கண்டறிவதற்கான எளிய வழியும் கூட!.

அதனால் தான் இந்த தளம் தன்னை வீடியோ கண்டுபிடிப்பு இயந்திரம் என வர்ணித்து கொள்கிறது.

உறுப்பினர்களின் வீடியோ பகிர்வை பார்த்து ரசிப்பதோடு அவை குறித்து கருத்து பரிமாற்றத்திலும் ஈடுபடலாம்.இந்த உரையாடல் மூலமாக புதிய நட்பையும் தேடிக்கொள்ளலாம்.வீடியோ சார்ந்த நட்பு.

இணையதள முகவரி;http://vidinterest.com/#

———-

பின்ட்ரெஸ்ட் தொடர்பான முந்தைய பதிவுகள்;

1;செய்திகளை வெட்டி ஒட்ட ஒரு இணையதளம்

2.பின்ட்ரெஸ்ட்;ஒரு அறிமுகம்.

இசை வீடியோவை மெருகேற்றும் இணையதளம்.

45 சவுன்ட் இணையதளம் இசை பிரியர்களை பிரமிக்க வைத்து விடும்.அதே நேரத்தில் இசை குழுக்களையும் இந்த தளம் கவர்ந்திழுத்து விடும்.இரு தர்ப்பினராலுமே இந்த தளத்தை புறக்கணித்து விட முடியாது.இசையில் ஆர்வம் இருந்தால் இந்த தளத்தை விரும்பியே ஆக வேண்டும்.

இந்த தளம் அப்படி என்ன செய்கிறது என்றால் இசை நிகழ்ச்சிகளின் போது பதிவு செய்யப்பட்ட வீடியோக்களின் ஒலி தரத்தை மேம்படுத்தி தருகிறது.இதனை இந்த தளம் சாத்தியமாக்கி தரும் விதம் மிக எளிமையானது என்றாலும் சும்மா அற்புதமானது.

ரசிகர்களின் இசை வீடியோக்களுக்கு ஸ்ருதி பேதமில்லாத துல்லியமான ஒலியை இந்த தளம் வழங்குகிறது.

அதாவது ரசிகர்கள் படம் பிடித்து யூடியூப்பில் பதிவேற்றும் இசை நிகழ்ச்சிக்கான வீடியோவில் மூல ஒலி அமைப்பை இந்த தளம் இணைத்து தருகிறது.

இந்த அற்புதத்தை கொஞ்சம் கற்பனை செய்து பாருங்கள்.

இந்த வீடியோ யுகத்தில் பெரும்பாலானோரிடம் வீடியோ கேமிரா இருக்கிறது அல்லது வீடியோ வசதி கொண்ட செல்போன் இருக்கிறது.ஆக எந்த நிகழ்ச்சிக்கு என்றாலும் அதனை படம் பிடிக்கும் ஆர்வமும் பழக்கமும் பலருக்கு இருக்கிறது.படம் பிடித்த பிறகு அதனை யூடியூப்பில் பதிவேற்றி நண்பர்களுடன் பகிர்ந்து கொள்வதும் இக்கால இயல்பாக இருக்கிறது.

இசை பிரியர்கள் என்றால் இசை நிகழ்ச்சிகளை படம் பிடித்து அதனை யூடியூப்பில் பதிவேற்றி பகிர்ந்து இன்பம் காண்கின்றனர்.என்ன இருந்தாலும் அபிமான பாடகர் அல்லது அபிமான இசைக்குழுவின் கச்சேரியை லைவாக படம் பிடித்து பகிர்ந்து கொள்வது அலாதியான இன்பம் தானே.

முன்பெல்லாம் இசை நிகழ்ச்சிக்கு சென்று வந்தால் நண்பர்களிடம் நிகழ்ச்சியில் கேட்டு ரசித்த பாடல்கள் பற்றி வார்த்தைகளில் தான் வர்ணிக்க வேண்டும்.இப்போதோ நிகழ்ச்சியின் வீடியோ பதிவை கொடுத்து நமது ரசனையை பகிர்ந்து கொள்வது சாத்தியமாகி இருக்கிறது.

நிகழ்ச்சி பற்றிய வீடியோ பதிவோடு பேஸ்புக்கில் பேசலாம்,டிவிட்டரில் பகிர்ந்து கொள்ளலாம்.எல்லாமோ தொழில்நுட்பம் தந்த வரம்.

ஆனால் இந்த பகிர்வில் உள்ள ஒரே குறை ,நிகழ்ச்சியின் நேர்டையான பதிவு என்பதால் ஒலியின் தரம் தான் கொஞ்சம் ஏனோ தானோவென்று இருக்கும்.ரசிகர்களின் கூச்சல் மற்றும் பின்னணி இறைச்சலும் சேர்ந்து பதிவாகி இருக்கும் என்பதால் பாடலின் வரிகளையும் இசை கருவிகளின் நுட்பத்தையும் முழுவதுமாக ரசிக்க முடியாது.

ஒரு நல்ல பாடலை மோசமான ஒலி பதிவில் கேட்டு ரசிக்க நேர்வது கொஞ்சம் ஏமாற்றம் அளிக்ககூடியதே.ஆனால் என்ன செய்ய நிகழ்ச்சிகளின் நடுவே வீடியோவில் பதிவு செய்தால் அதன் தரம் குறைவாக தான் இருக்கும் என்று மனதை தேற்றிக்கொள்ள வேண்டியது தான்.

இந்த குறையை போக்க தான் 45 சவுண்ட் உருவெடுத்துள்ளது.

இந்த தளம் என்ன சொல்கிறது என்றால் நிகழ்ச்சிகளின் வீடியோ பதிவை வேறு எங்கும் பகிர்ந்து கொள்ளும் முன் இங்கே பதிவேற்றுங்கள் என்கிறது.அதன் பிறகு இந்த தளம் என்ன செய்கிறது என்றால் குறிப்பிட்ட அந்த நிகழ்ச்சியின் மூல ஒலிப்பதிவை எடுத்து வீடியோவுடன் இணைத்து தருகிறது.இந்த புதிய கோப்படை யூடியூப்பிலோ பேஸ்புகிலோ பகிர்ந்து கொண்டால் வீடியோவும் சூப்பராக இருக்கும் ,பாடல் ஒலியும் துல்லியமாக இருக்கும் .இசை பிரியர்களுககு இதைவிட வேறு என்ன வேண்டும்?

ரசிகர்கள் வீடியோவை சமர்பிப்பது போல இசை குழுக்கள் தங்கள் நிகழ்ச்சிகளின் ஒலிப்பதிவை இந்த தளத்தில் சமர்பிக்க வேண்டும்.அதிலிருந்து ரசிகர்களுக்கு பொருத்தமானதை இந்த தளம் தேடித்தருகிறது.

இசை குழுக்களை பொருத்த வரை ரசிகர்களை சென்றடைய இது மேலும் ஒரு வழி.அதிலும் வளர்ந்து வரும் இசை குழுக்கள் மற்றும் புதிய குழுக்களுக்கு இது ஒரு வரப்பிரசாதம்.

நிகழ்ச்சியின் ஒலிப்பதிவை பகிர்ந்து கொள்வதன் மூலம் இணையம் முழுவதும் ரசிகர்கள் அதனை பகிர்ந்து கொண்டு அதனை கேட்டு ரசிக்க வ‌ழி பிறக்கிறது.

எல்லா குழுக்களும் ,குறிப்பாக பிரபலமான குழுக்கள் இதில் ஒலிப்பதைவை சமர்பிக்க காலம் ஆகலாம்.ஆனால் இசைக்குழுக்களாக இதனை அலட்சியப்படுத்த முடியாது.காரணம் இந்த தளத்தில் தற்போதைய இசை நிகழ்ச்சிகளின் பட்டியலும் பிரபலமான நிகழ்ச்சிகளின் பட்டியலும் முகப்பு பக்கத்தில் இடம் பெறுகிறது.(நிகழ்ச்சிகளின் டிவிட்டர் பதிவுகளும் இடம் பெறுகின்றன.)

ரசிகர்களுக்கான வழிகாட்டியாக இந்த பட்டியல் அமைகிறது.அதே நேரத்தில் இசை நிகழ்ச்சிகளுக்கான இலவச விளம்பரமாகவும் அமைகிறது.ஆக இந்த தளத்தில் ஒலிப்பதிவை சம‌ர்பிக்க முன் வந்தால் நிகழ்ச்சிக்கு ரசிகர்களை கவர்ந்திழுக்கலாம்.

எனவே தான் இந்த தளம் அற்புதமானது என்று சொல்லத்தோன்றுகிறது.

பாப் இசையை மையமாக கொண்ட தளம் தான்.நம்மூருக்கும் இதே போன்ற தளம் தேவை!.

இணையதள முகவரி;http://45sound.com/

அசத்தலான புதிய வீடியோ சேவை ஏர்டைம்.


நேப்ஸ்டர் ஹீரோ ஷான் ஃபேனிங் இணையத்திற்கு திரும்பியிருக்கிறார்.அதுவும் எப்படி கைத்தட்டி வரவேற்க கூடிய வகையில் மகத்தான புதிய சேவையோடு வந்திருக்கிறார்.

பியர் டு பியர் என்று சொல்லப்படும் நண்பர்களிடையிலான பகிர்வு தொழில்நுட்பம் மூலம் இணையத்தில் பாடல்கள் பகிர்வதை எளிமையாக்கி இசைத்தட்டு நிறுவங்களை நடுங்க வைத்த ஃபேனிங்கின் நேப்ஸ்டர் பின்னர் காப்புரிமை வலையில் சிக்கி மூடப்பட்டது எல்லாம் பழைய கதை.

இணையத்தில் இசை பகிர்வுக்கான வாயிலை அகல திறந்து விட்ட ஃபேனிங் நீண்ட இடைவெளிக்கு பிறகு இப்போது ஏர்டைம் என்னும் புதிய சேவையை இணையவாசிகளுக்கு அறிமுகம் செய்திருக்கிறார்.

ஒரு வரியில் சொல்வதாயின் ஏர்டைம் பழைய‌ மற்றும் புதிய நண்பர்களுடன் வீடியோ மூலம் உரையாடுவதற்கான சேவை.இன்னொரு விதத்தில் சொல்வதாயின் வீடியோ வழி உரையாடலுக்கு புத்துணர்ச்சி தந்திருக்கும் சேவை.

ஏர்டைமின் அருமையை புரிந்து கொள்ள வேண்டும் என்றால் அதனை பயன்படுத்தி பார்க்க வேண்டும்.

வீடியோ முலம் உரையாடும் வசதி ஒன்றும் புதிதல்ல தான்.இணையத்தில் வெப்கேம் வழியே உரையாடலாம்.சாட்ரவுலெட் தளம் வழியே முன்பின் தெரியாதவர்களோடு உரையாடலாம்.வீடியோ கான்பிரன்சிங் மூலம் தொழில் முறையில் உரையாடலாம்.

ஆனால் ஏர்டைமோ இந்த உரையாடலில்களில் இல்லாத நட்புறவை மையமாக கொண்டிருக்கிறது.இதற்கு காரணம் இந்த சேவை பேஸ்புக்கை அடிப்படையாக கொண்டு செயல்படுகிறது.

ஷான் ஃபேனிங்கே கூட,இணைய உலகில் நீக்கமற நிறைந்திருக்கும் சேவையாக பேஸ்புக் உருவாகியிருக்கும் நிலையில் தான் இந்த சேவை சாத்தியாமாகியிருக்கிறது என்கிறார்.

ஆக பேஸ்புக்கின் சாவியை கொண்டே இந்த சேவையையும் பயன்படுத்த துவங்கலாம்.

அதாவது பேஸ்புக் கணக்கு மூலமே இந்த தளத்திலும் நுழையலாம்.நுழைந்த பிறகு தான் ஆச்சர்யமும் அற்புதமும் காத்திருக்கிறது.

அதற்கு முன்னர் தரமான வெப்கேம்,நேர்த்தியான மைக் மற்றும் பிளாஷ் வசதி ஆகியவற்றை உறுதி செய்து கொள்ளுங்கள்.காரணம் நீங்கள் வீடியோ உரையாடலில் ஈடுபட்டு முற்றிலும் புதிய உலகில் லயிக்கப்போகிறீர்கள்.

ஆம் ஏர்டைமில் நுழைந்த பிறகு வலது பக்கத்தில் உங்கள் பேஸ்புக் நண்பர்களின் பட்டியல் வந்து நிற்கிறது.அவர்களில் யாரை வேண்டுமானாலும் அழைத்து வீடியோ உரையாடலில் ஈடுபடலாம்.

எந்த நண்பரை உரையாடலுக்கு அழைக்கிறீர்களே அவர்களுக்கான செய்தியை டைப் செய்து அனுப்பும் வசதியும் இருக்கிறது.அவர்களும் இதற்கு பதில் அளிக்கலாம்.

நண்பர் உரையாடலுக்கு ரெடி என்றால் வீடியோ வழியே பேசத்துவங்கி விட‌லாம்.

மற்ற எந்த வீடியோ உரையாடல் களத்தையும் விட மிக அழகான மிக துல்லியமான தோற்றம் திரையில் தோன்றுகிறது.அதில் ஒரு பாதி உங்களின் வீடியோ தோற்றம் மறு பாதி உங்கள் நண்பரின் வீடியோ தோற்றம்.

உங்கள் நண்பரின் முகத்தையும் அவரது அங்க அசைவுகளையும் பார்த்து கொண்டே பேசலாம் .இதனால் நேரில் பார்த்து பேசுவது போலவே இருக்கும்.

அது மட்டும் அல்ல,இருவரும் என்ன பேசுவது என்பதை கூட தானாக தீர்மானித்து கொள்ளலாம்.

இதற்கு உதவும் வகையில் இருவரின் விருப்பங்கள்,பொது தன்மைகள்,படித்த புத்தகங்கள் பார்த்த வீடியோக்கள் போன்ற தகவல்கள் இருவரின் அறிமுக பக்கத்தில் சுட்டிக்காட்டப்படும்.அதனடிப்படையில் பேசுவதற்கும் பகிர்ந்து கொள்வதற்குமான விஷயங்கள் கிடைத்து கொண்டே இருக்கும்.

ஆக இது வெறும் வீடியோ உரையாடல் அல்ல.நட்பு செறிந்த உயிரோட்டமான உரையாடல்.

உரையாடலுக்கு அழைக்கும் நேரத்தில் நண்பர் இணையத்தில் இல்லை என்றால் வீடியோ செய்தியையும் அவருக்காக விட்டு செல்லலாம்.

சமீபத்தில் பார்த்த படம்,மனதை கவர்ந்த புத்தகம் ,நேற்று கேட்டு ரசித்த பாடல்.லேட்டஸ்ட் ரிங்டோன் என்று எத்த்னையோ விஷயங்கள் பற்றி பேசித்தீர்க்கலாம்.

இதே முறையில் புதிய நண்பர்களையும் தேடிக்கொள்ளலாம்.யாருடனாவது பேசுங்கள் என்னும் வசதி இதற்காகவே உருவாக்கப்பட்டுள்ளது.இதனை கிளிக் செய்தால் யாராவது ஒரு நபருடனான வீடியோ தொடர்பு ஏற்படுத்தி தரப்படுகிறது.அந்த நபரோடு பேசத்துவங்கலாம்.

அறிமுகம் இல்லாதவர் என்ற போதிலும் அவர் யாரோ ஒரு நபராக இருக்க மாட்டார்.அடுத்த சில நிமிடங்களிலேயே அவரை நீங்களும் உங்களை அவரும் அறிமுகம் செய்து கொண்டு பரஸ்பட்ம் ஆர்வம் உள்ள விஷயங்களை தெரிந்து கொண்டு பொதுவான ஆர்வத்தின் அடிப்படையில் நண்பர்களாகி விடலாம்.

அதவது இருவருக்கும் அறிமுகமான நண்பர் பரஸ்பரம் அறிமுகம் செய்து வைத்தது போல ஒருவித நட்புண‌ர்வோடு அறிமுகமாக இணக்கமாகலாம்.

புதிய நண்பர்களை தேர்வு செய்யும் போதே கூட இருவருக்கும் இடையிலான பொதுவான ரசனையை பரிசிலித்து பார்த்து கொள்ளலாம்.

பேஸ்புக் மூலம் அறிமுகமாகும் நண்பர்களோடு நெருக்கமாவதை விட இப்படி வீடியோ உரையாடலில் ஏற்படும் நட்பு நெருக்கமானதாக இருக்க வாய்ப்புள்ளது.

இந்த வீடியோ உரையாடல் வசதியை எப்படி வேண்டுமானாலும் பயன்படுத்தலாம்.ஒரே வீடியியோவை பார்த்து ரசித்து அது பற்றிய கருத்துக்களை பகிர்ந்து கொள்ள பயன்ப‌டுத்தலாம்.

விரைவில் குழு உரையாடல் மற்றும் நண்பர்கள் இசையை சேர்ந்து கேட்பது போன்ற வசதிகளும் அறிமுகம் செய்யப்பட உள்ளதாம்.அப்போது இந்த சேவை இன்னும் களை கட்டும்.

பேஸ்புக்கையும் வீடியோவையும் இணைத்து நட்பிலும் உற‌விலும் புதிய அத்யாயத்தை துவக்கி உள்ளது இந்த ஏர்டைம்.

இணையதள முகவரி;https://www.airtime.com/