Tag Archives: அமெரிக்கா

கூகுல் ஜோசியம்

laptopகூகுலுக்கு தெரியாத விஷயம் உலகத்தில் இருக்கிறதா என்ன? எந்த கேள்விக்கு பதில் வேண்டும் என்றாலும் கூகுலில் தேடலாம் என்பது தெரிந்த விஷயம் தான்.
அப்ப‌டியே க‌ட‌ந்த‌ ஆண்டு நொடித்துப்போன‌ உல‌க‌ பொருளாதார‌ம் இப்போது எப்ப‌டி இருக்கிற‌து என்னும் கேள்விக்கு ப‌தில் தேவை என்றாலும் கூகுலிட‌மே கேட்க‌லாம் தெரியுமா?

இந்த‌ கேள்விக்கான கூகுலின் ப‌தில் ம‌கிழ்ச்சியை த‌ர‌க்கூடிய‌து.பொருளாதார‌ சீர்குலைவை அடுத்து உண்டான‌ தேக்க‌நிலை சீராக‌த்துவ‌ங்கியிருக்கிற‌து என்ப‌தே அந்த ப‌தில்.

கூகுல் என்ன பொருளாதார நிபுணரா?அதனால் எப்படி பொருளாதார நிலை குறித்த் பதில சொல்ல முடியும்?

எல்லாம் ஒரு கணிப்பு தான். தேடப்படுவதை வைத்து சொல்லப்படும் கணிப்பு.

கூகுல் முன்ன‌ணி தேடிய‌ந்திர‌மாக‌ இருப்ப‌தும் ப‌ல‌ரும் தேட‌ல் என்றால் கூகுலையே நினைப்ப‌தும் நீங்க‌ள் அறிந்திருக்க‌லாம்.இண்டெர்நெட்டில் த‌க‌வ‌ல் தேவைப்ப‌டும் போது பெரும்பால‌னோர் நாடுவது கூகுலைதான்.அது ம‌ட்டுமல்ல‌ முக்கிய‌ நிக‌ழ்வுக‌ள் உல‌கை உலுக்கும் போது அவை தொட‌ர்பான‌ த‌க‌வ‌ல்க‌ளை தேட்ட‌வும் கூகுலை தான் ப‌ய‌ன்ப‌டுத்துகிண்ற‌ன‌ர்.

உதார‌ண‌த்திற்கு பாப் இசை ம‌ன்ன‌ன் மைக்கேல் ஜாக்ஸ‌ன் ம‌ர‌ன‌ம‌டைந்த‌ போது ஜாக்ஸ‌ன் தொட‌ர்பான‌ த‌க‌வ‌ல்க‌ள் கூகுலில் அதிக‌ம் தேட‌ப்ப‌ட்ட‌ன‌. ப‌ன்றிக்காய்ச்சல் நோய் ப‌ர‌வ‌த்துவ‌ங்கிய‌ போது இந்த‌ நோய் ப‌ற்றி விடாம‌ல் தேடிய‌து இண்டெர்நெட் ச‌மூக‌ம்.

கூகுலில் அதிக‌ம் தேட‌ப்படும் ப‌த‌ங்க‌ளை வைத்தே பிர‌ப‌லமாக‌ திக‌ழ்வ‌து யார் என்று ஊகித்துவிட‌ முடியும்.அதே போல‌ உல‌கில் நில‌வும் போக்குக‌ளையும் கூகுலில் தேட‌ப்ப‌டும் ப‌த‌ங்க‌ள் மூல‌மே ஒரு முடிவுக்கு வ‌ர‌ முடியும்.

இதே அடிப்படையில் தான் த‌ற்போது பொருளாதார‌ தேக்க‌த்தின் பாதிப்பு உல‌கிலும் ,குறிப்பாக‌ அமெரிக்காவிலும் குறைந்திருப்ப‌தாக‌ க‌ணிக்க‌ப்ப‌ட்டுள்ள‌து.

பொருளாதார‌ சீர்குலைவின் பாதிப்பு உச்ச‌த்தில் இருந்த‌போது எங்கு பார்த்தாலும் ஆட்குறைப்பு ப‌ற்றியும் நிறுவ‌ன‌ங்க‌ள் இழுத்து மூட‌ப்ப‌டுவ‌து ப‌ற்றியும் தான் பேச்சாக‌ இருந்த‌து.அப்போது வேலை வாய்ப்பு ப‌ற்றியே கூகுலில் அதிக‌ம் தேட‌ப்ப‌ட்ட‌து.

ஆனால் இப்போது கூகுலில் தேட‌ப்ப‌டும் சொற்க‌ளை பார்த்தால் வேலை வாய்ப்பு, ம‌ற்றும் அர‌சு உத‌வுக்கான‌ தேட‌ல் குறைந்திருக்கிற‌தாம்.அதே நேர‌த்தில் வீடு, ம‌ற்றும் வீட்டுக்க‌ட‌ன் தொட‌ர்பான‌ தேட‌ல் ஒர‌ல‌வுக்கு அதிக‌ரித்திருக்கிற‌தாம்.

இவ‌ற்றை க‌ருத்தில் கொண்டு பார்த்தால் பொருளாதார‌ தேக்க‌நிலையிலிருந்து அமெரிக்கா மிள‌த்துவ‌ங்கியிருக்கிற‌து என்றுதானே பொருள்.கூகுலின் முத‌ன்மை பொருளாதார‌ நிபுண‌ரான‌ ஹால் வ‌ரியான் இப்ப‌டி தான் ந‌ம்பிக்கையோடு கூறுகிறார்.

கூகுல் தேட‌ல் முடிவுக‌ள் தொற்று நோய் ப‌ர‌வுவ‌து தொட‌ர்பான‌ த‌க‌வ‌ல்க‌ளையும் தெரிந்து கொள்ள‌ உதுவுகிற‌து என்ப‌து கூடுத‌லான‌ த‌க‌வ‌ல்.

உலகை உலுக்கிய கடைசி உரை!

hm_collageஅமெரிக்க பேராசிரியர் ராண்டி பாஷின் கதை மிகவும் மோசமானது. இருப்பினும் ராண்டி பாஷை பற்றி தெரிந்து கொண்டால் துயரமோ, பரிதாபமோ ஏற்படாது. அதற்கு பதிலாக புதிய உத்வேகமும், உள்ளத்தில் உறுதியுமே ஏற்படும். காரணம் பாஷ் தனது முடிவின் மூலம் மற்றவர்களுக்கு வாழ்க்கையின் மகத்துவத்தை கற்றுக் கொடுத்து விட்டுச் சென்றிருக்கிறார்.
ஒரு விதத்தில் அவர் தனது மரணத்தின் மூலம் மரணத்தை வென்று சாகாவரம் பெற்றிருக்கிறார்.
அவருடைய வாழ்க்கை எதிர்பாராவிதமாக பாதியில் முடிந்து விட்டாலும் கூட அந்த வேதனையையும், வலியையும் சக மனிதர்களுக்கான நம்பிக்கையாகவும் மேம்பட்ட வாழ்க்கைக்கான வேட்கையாகவும் மாற்றி தந்து இருக்கிறார்.
நெருக்கடி மிக்கவர்களும், பிரச்னையில் சிக்கித் தவிப்பவர்களும் அவரது வாழ்க்கையை அறிந்து கொண்டால் கவலைகளை உதறித் தள்ளி உற்சாகம் பெறுவார்கள். அதிலும் குறிப்பாக அவரது கடைசி உரையை கேட்க நேர்ந்தால் உள்ளத்தில் எழுச்சி பெறுவதோடு விரோதம், வன்மம், பொறாமை போன்ற வேண்டாத குணங்களுக்கும் விடை கொடுத்து விடுவார்கள். தன்னம்பிக்கை இல்லாதவர்களும் தன் முனைப்பு கொண்டவர்களும் கூட இந்த உரையை கேட்டால் மாறி விடுவார்கள்.
ஏற்கனவே 60 லட்சம் பேருக்கு மேல் இந்த உரையை கேட்டு மகிழ்ந்திருக்கின்றனர். நெகிழ்ந்து போயிருக்கின்றனர். பலர் அடிப்படையில் மாறியிருக்கின்றனர். இன்னமும் கூட ஆயிரக்கணக்கானோர் அவரது உரையை கேட்டு உருகிக் கொண்டிருக்கின்றனர். உணர்வு ரீதியாக ஒரு ரசவாதத்தை ஏற்படுத்தக் கூடிய ஆற்றல் கொண்டது என்னும் வகையில் பாஷ் நிகழ்த்திய அந்த உரையை உலகப் பேரூரை என்றே சொல்லலாம். சரித்திர பேரூரைகளில் சமகாலத்து சாதனை உரையாக இதனை சேர்த்துக் கொள்ளலாம்.
ராண்டி பாஷ் இந்த உரையை திட்டமிட்டும் நிகழ்த்தவில்லை. தனது உரை இப்படி லட்சக்கணக்கானோரை பாதிக்கும் என்றும் அவர் எதிர்பார்த்திருக்கவில்லை. காலம் அவரது கணக்கை முடித்துக் கொள்ள முற்பட்டபோது தான் மிக மிக நேசித்தவர்களிடம் இருந்து விடைபெற்றுக் கொள்ளும் நோக்கத்துடனே அந்த உரையை நிகழ்த்தினார். அதில் இருந்த உண்மையும், வாழ்வின் சாரம்சத்தை பிழிந்து தந்த தன்மையும் அனைவரையும் ஆட்கொண்டு விட்டது.
பாஷ் எந்த சூழ்நிலையில் இந்த உரையை நிகழ்த்தினார் என்பதை தெரிந்து கொண்டால் அதன் உன்னதத்தை உள்ளபடியே புரிந்து கொள்ளலாம்.
அமெரிக்காவில் உள்ள புகழ் பெற்ற பல்கலைகளில் ஒன்றான கார்னகி மெலான் பல்கலையில் கம்ப்யூட்டர் துறை பேராசிரியராக பணியாற்றி வந்தவர் பாஷ். பால்டிமோர் நகரில் பிறந்து கொலம்பியாவில் வளர்ந்த அவர், கார்னகி மெலான் பல்கலையில் கம்ப்யூட்டர் அறிவியலில் டாக்டர் பட்டம் பெற்ற பிறகு வர்ஜினியா பல்கலைக்கழகத்தில் பேராசிரியராக சேர்ந்தார்.
1988 முதல் 1997 வரை அங்கு பணியாற்றிய பாஷ், 1997ல் கார்னகி மெலான் பல்கலையில் பேராசிரியரானார். கம்ப்யூட்டர் இடைமுகம் சார்ந்த பிரிவில் அவரது அறிவும், அனுபவமும் விசாலமானது. அலைஸ் சாப்ட்வேர் திட்டம் உட்பட பல்வேறு தொழில்நுட்ப பணிகளில் முக்கிய பங்காற்றிய அவர் தனது வட்டத்தில் ஒரு நட்சத்திர பேராசிரியராகவே திகழ்ந்தார்.
கம்ப்யூட்டர் சார்ந்த ஆய்விலும், தனது ஞானத்தை மாணவர்களோடு பகிர்ந்து கொள்வதிலும் மட்டுமே பாஷ் கவனம் செலுத்தி வந்த நேரத்தில்தான் சோதனை சூறாவளி அவர் வாழ்க்கையை உலுக்கியது.
2006 ஆம் ஆண்டில் அவர் கணையப்பகுதி புற்றுநோயால் பாதிக்கப்பட்டிருப்பது தெரிய வந்தது. தொடர்ந்து சிகிச்சை அளிக்கப்பட்டு பயன்தராத நிலையில் 2007 ஆகஸ்டு மாதம் ஆறு மாதம் மட்டுமே அதிகபட்சமாக அவரால் உயிரோடு இருக்க முடியும் என்று மருத்துவர்கள் கூறினர்.
இந்தச் செய்தி பாஷை நிலைக்குலைய வைத்தது. உடனே வேலையை ராஜினாமா செய்து விட்டு உயிரோடு இருக்கப் போகும் நாட்கள் முழுவதையும் மனைவியோடும், மூன்று பிள்ளைகளோடும் செலவிட வேண்டும் என்றும் முடிவுக்கு வந்தார். வாழ்க்கை முடியப் போகிறது. தான் இல்லாமல் போகிறோம் என்ற நிலையில் தகப்பனாகவும், கணவனாகவும் தனது கடமைகளை இயன்றவரை நிறைவேற்றி விட்டு குடும்பத்தினரிடம் இருந்து விடைபெற விரும்பினார்.
இந்த நிலையில்தான் பல்கலையில் உரை நிகழ்த்துவதற்கான அழைப்பு வந்தது. குடும்பத்தோடு ஒவ்வொரு நொடியையும் செலவிட விரும்பிய போதும் பாஷ் கடைசியாக ஒரேயொரு முறை உரை நிகழ்த்த இந்த வாய்ப்பை பயன்படுத்திக் கொள்ள விரும்பினார். அவரது மனைவிக்கு இதில் உடன்பாடு இல்லாவிட்டாலும் கணவரின் மனதை புரிந்து கொண்டதால் தயக்கத்தோடு சம்மதித்தார்.
அந்த உரை எத்தனை உன்னதமானதாக அமையப் போகிறது என்பதை ‘பாஷ்’ உட்பட யாரும் அறிந்திருக்கவில்லை. தனக்கு பின்னால் பிள்ளைகளுக்கு தான் சொல்ல விரும்பும் செய்தியாக அந்த கடைசி உரை அமைய வேண்டும் என பாஷ் நினைத்திருந்தார். மற்றபடி யாருக்கும் அறிவுரை கூறவோ, வாழ்க்கையை புரிய வைக்கவோ அவர் முயலவில்லை.
உரையின் கருப்பொருளும் கூட கடைசி வரை என்பதுதான். ஆம் கார்னகி மெலான் பல்கலையில் அப்படியொரு பழக்கம் இருந்தது. ஆண்டுதோறும் அனுபவம் வாய்ந்த பேராசிரியரை அழைத்து உங்கள் வாழ்க்கை முடிய 6 மாதங்களே உள்ளது என்றால் நீங்கள் பகிர்ந்து கொள்ளப் போகும் விஷயங்கள் என்னவாக இருக்கும் என்னும் தலைப்பில் உரை நிகழ்த்த கேட்டுக் கொள்ளப்படுவார்கள். ராண்டி பாஷ் விஷயத்திலோ உண்மையிலேயே அவருக்கு உயிர் வாழ ஆறு மாத காலமே அவகாசம் இருந்தது.
ஆக எல்லாவிதத்திலும் கடைசி உரையாற்ற அவர் மேடையேறினார். தனது உரையை கேட்க அதிகபட்சமாக 50 பேர் வருவார்கள் என அவர் நினைத்திருந்தார். ஆனால் நானூறு பேர் அமரக் கூடிய அரங்கம் நிரம்பி வழிந்ததோடு அவர் உள்ளே நுழைந்ததும் அனைவரும் எழுந்து நின்று கைத்தட்டி வரவேற்றனர். இந்த வரவேற்பால் நெகிழ்ந்து போன பேராசிரியர் மிகவும் அடக்கமாக தனது உரை இத்தகைய வரவேற்புக்கு தகுதியாக அமைய வேண்டும் என கூறி விட்டு பேசத் தொடங்கினார்.
அவரது பேச்சில் வருத்தத்தின் சாயலோ, வேதனையின் வெளிப்பாடோ துளியும் இல்லை. தன்னை பாதித்த நோய் பற்றி அவர் குறிப்பிடக்கூட இல்லை.
அதற்கு மாறாக பேராசிரியர் பாஷ், தனது வாழ்க்கையை திரும்பிப் பார்த்து அதில் கற்றுக் கொண்ட பாடங்களை பகிர்ந்து கொண்டார். குறிப்பாக குழந்தை பருவத்து கனவுகளை உற்சாகமாக குறிப்பிட்டார்.
சிறு வயதில் சுவற்றில் தான் கிறுக்கித் தள்ளிய போதும், ஓவியங்களை வரைந்த போதும், பெற்றோர்கள் தடுக்காமல், தண்டிக்காமல் ஊக்குவித்ததை நினைவு கூர்ந்த அவர், தன்னுடைய திறமைகள் வளர இதுவே காரணமாக அமைந்தது என்று கூறி விட்டு உங்கள் பிள்ளைகள் சுவற்றில் கிறுக்க விரும்பினால் தயவு செய்து அனுமதியுங்கள் என்று கேட்டுக் கொண்டார்.
மற்றவர்களிடம் கொஞ்சம் பொறுமையாக இருக்கும்படியும் கேட்டுக் கொண்டார். தேவையான அளவு பொறுமையாக இருந்தால் மற்றவர்களிடம் ஆச்சரியப்படும் வகையில் மாற்றத்தை காணலாம் என்றும் அவர் குறிப்பிட்டார்.
பின்னடைவுகளையும், தோல்வி களையும் கண்டு துவண்டு விடக் கூடாது என்று கூறிய பாஷ், செங்கல் சுவர்கள் ஒன்றும் வெற்றுச் சுவர்கள் இல்லை. அவை ஒரு விஷயத்தை பெற நாம் எந்த அளவுக்கு துடித்துக் கொண்டிருக்கிறோம் என்பதை உணர்த்துவதாகவும் குறிப்பிட்டார்.
உணர்ச்சி பெருக்கான இந்த உரைக்கு நடுவே நோயின் தாக்கத்தை மீறி தன்னுடைய உள்ள உறுதியை காட்டுவதற்கான அங்கேயே உடற்பயிற்சியும் செய்து காட்டி மெய்சிலிர்க்க வைத்தார்.
கிட்டத்தட்ட 70 நிமிடம் நீடித்த அந்த உரையின் போது அங்கு கூடியிருந்தவர்கள் தங்களது நோக்கங்களையும் லட்சியங்களை யும் மறுபரிசீலனை செய்து கொள்ள வேண்டியதற்கான காரணங்களை தெரிவித்ததோடு மற்றவர்களுடைய திறமைகளையும், குறைகளையும் புதிய கண்ணோட்டத்தில் பார்க்க வேண்டும் என்றார்.
தனக்கு ஊக்கமளித்த முன்னோடிகளை குறிப்பிட்டு அவர் திறந்த மனேதாடு தன்னை பாதித்த மேதைகள் பற்றிய கருத்துக்களையும் பகிர்ந்து கொண்டார். எல்லா வற்றுக்கும் மேல் வாழ்க்கையின் அன்பின் முக்கியத்துவம் பற்றியும் எடுத்துரைத்தார். புன்சிரிப்போடு அவர் அனுபவங்களை விவரித்து வாழ்க்கை பாடத்தை கற்றுக் கொடுத்ததை கேட்ட பார்வையாளர்கள் அனைவரும் நெகிழ்ந்து போயினர். மரணத்தின் நிதர்சனத்தை எதிர்கொள்பவரால்தான் வாழ்வின் அருமையை புரிந்து கொள்ள முடியும். ஆறு மாதங்களில் மரணம் என்பது உறுதியாக தெரிந்து விட்ட நிலையில் உயிரோடு உள்ள ஒவ்வொரு நொடியின் முக்கியத் துவத்தையும் அவர் உணர்ந்து பேசினார். இது போன்ற நேரத்தில் பொறாமைக்கும் பகைமைக்கும் இடம் கொடுக்கத்தோன்றுமா என சிந்திக்க வைத்து அன்பின் மகத்துவத்தை புரிய வைத்தார். அரங்கில் இருந்தவர்கள் தங்கள் வாழ்க்கையை அவர் பேச்சு புரட்டிப் போட்டதாக உணர்ந்தனர்.
பாஷின் அந்த இறுதி உரையை கேட்கும் வாய்ப்பு கிடைத்த பார்வையாளர்களை கொடுத்து வைத்தவர்கள் என்றே சொல்ல வேண்டும்.
அத்தகைய அதிர்ஷ்டசாலிகளிடம் பத்திரிகையாளர் ஜெப்ரே ஜாஸ்லோவும் ஒருவர். ஜாஸ்லோ, புகழ் பெற்ற “வால்ஸ்டீரிட் ஜர்னல்’ நாளிதழில் சிறப்பு பத்தி எழுதுபவராக பணியாற்றி வருபவர். வாழ்க்கையில் ஏற்படும் மாற்றங்கள் குறித்தே அவர் அதிகம் எழுதியிருக்கிறார். எனவே தான் அவருடைய நாளிதழ் ஆசிரியர்களில் ஒருவர் ராண்டி பாஷ் கடைசியாக உரையாற்ற இருப்பதை தெரிவித்து அவரைப் பற்றி எழுதலாமே என்று யோசனை கூறியிருந்தார். ஜாஸ்லோவும் அவரை தொலைபேசியில் தொடர்பு கொண்டு பேசினார். அப்போதே அவர் துயரமோ, வலியின் சாயலோ இல்லாமல் உற்சாகமாக பேசியிருக்கிறார். தொலைபேசியில் பேசிக் கொண்டிருந்தபோதே ஜாஸ்லோ எப்படியும் அவரது உரையை நேரில் கேட்க வேண்டும் என தீர்மானித்தார்.
ஆனால் சோதனையாக அவரால் பேராசிரியரின் உரையை நேரில் கேட்க செல்ல முடியாத நிலை ஏற்பட்டது. ஜாஸ்லோ இருந்தது வாஷிங்டனில் அங்கிருந்து பிட்ஸ்பர்கில் உள்ள பல்கலைக்கு விமானத்தில் செல்ல வேண்டும். ஜாஸ்லோவின் ஆசிரியரோ, விமான செலவை நிறுவனத்தால் ஏற்க முடியாது. எனவே உரை நிகழ்த்திய பின் தொலைபேசியிலேயே பேசிக் கொள்ளுங்கள் என்று கூறி விட்டார். ஜாஸ்லோவுக்கு பேராசிரியரின் உரையை தவற விடக் கூடாது என உள்ளுணர்வு கூற காரிலேயே 300 மைல் பயணித்து பல்கலைக்கு சென்று விட்டார்.
பேராசிரியரின் உரை அவரை உருக வைத்தது. தன்னுள் ஏற்பட்ட பாதிப்பை அழகிய கட்டுரையாக்கி விட்டு அந்த பேரூரைக்கான வீடியோ இணைப்பையும் கட்டுரை வெளியானவுடன் நாளிதழ் இணைய தளத்தில் கொடுத்திருந்தார்.
வீடியோ இணைப்பு மூலம் உரையை கேட்டவர்களும் உருகிப் போயினர். அதைக் கேட்ட மாத்திரத்திலேயே வாழ்க்கையின் தன்மை மாறியதை உணர்ந்தனர். பலர் பேராசிரியரை இமெயில் மூலம் தொடர்பு கொண்டு தங்கள் உள்ளத்து உணர்வுகளை தெரிவித்தனர். ஒரு சிலர் பேராசிரியருக்கு ஆறுதல் கூறினர் என்றால் பெரும்பாலானவர்கள் தங்கள் அகக் கண்களை அவர் திறந்து விட்டதாக தெரிவித்தனர். சிலர் இனி தங்கள் பிள்ளைகள் சுவரில் கிறுக்கினால் தடுக்க மாட்டோம் என உறுதி அளித்தனர். இன்னும் சிலரோ மற்றவர்களின் குறைகளை பெரிதாக நினைக்க மாட்டோம் என உறுதி அளித்தனர். சிலரோ எல்லோரிடமும் இன்முகத்துடன் பேசுவோம் என்றனர். ஒவ்வொருவரிடமும் பேராசிரியரின் சொற்கள் ஏதாவது ஒரு மாற்றத்தை ஏற்படுத்தியது.
கொடிய நோய்கள் பாதிக்கப்பட்டவர்கள் அவரது பேச்சை கேட்டு ஊக்கம் பெற்றதாக கண்ணீர் விட்டனர்.
அதே உணர்வோடு தங்கள் நண்பர்களுக்கு அந்த உரையை பரிந்துரைத்தனர். அவர்கள் மற்றவர்களுக்கு பரிந்துரைத்தனர். விரைவில் பேராசிரியரின் உரை யூடியுப்பில் பதிவேற்றப்பட்டு ஆயிரக் கணக்கானோரால் பார்க்கப்பட்டது. வெகு சீக்கிரத்தில் இந்த எண்ணிக்கை லட்சத்தை தாண்டி பல லட்சங்களை தொட்டது. நூற்றுக்கணக்கான வலைப்பதிவாளர்கள் பேராசிரியர் பாஷின் உள்ள உறுதி மற்றும் அவர் வழங்கிய உள்ளொளியை போற்றினர்.
பாஷ் குறிப்பிட்ட செங்கல் சுவர் ஒரு குறியீடானது. பலர் தங்கள் விலை மனைகளில் செங்கல் சுவரை வரைந்து பாஷ் சொன்னதை எழுதி வைத்தனர்.
பாஷின் உரை பல மொழிகளில் மொழி பெயர்க்கப்பட்டது. பல ஊர்களில் வீடியோ பதிவு திரையிடப்பட்டது. இந்தியாவில் கூட ஒரு பல்கலையில் இந்த வீடியோ காட்சி காண்பிக்கப்பட்டது. அமெரிக்க ஊடகங்கள் இந்த எழுச்சியான எதிர்வினையை செய்தியாக்கி பேராசிரியரை சாகாவரம் பெற வைத்தன.
பேராசிரியர் பாஷ், இத்தகைய பாதிப்பை தனது உரை ஏற்படுத்தும் என்று எதிர்பார்த்திருக்கவில்லை. மற்றவர்களின் அன்பால் அவர் திக்குமுக்காடிப் போனார்.
மீடியா அவரது உரையை மிகச் சிறந்த பேரூரை, வாழ்வின் உன்னதமான விஷயம், ஒவ்வொரு நொடியின் மதிப்பை உணர்த்தும் உரை என்றெல்லாம் வர்ணித்தன.
பேராசிரியரிடம் வாழ்க்கையை கற்றுக் கொள்ள வேண்டும் என வலியுறுத்தின. பேராசிரியர் தனது கருத்துக்களையும், வாழ்க்கைக்கான வழிமுறைகளையும் ஒரு புத்தகமாக எழுதி வெளியிட வேண்டும் என்று கோரிக்கை வைத்தனர். பேராசிரியரின் மனைவி சில ஆண்டுகளுக்கு முன்னரே இந்த கோரிக்கையை கணவரிடம் தெரிவித்திருக்கிறார்.
ஆனால் பாஷோ தனக்கென எஞ்சியிருக்கும் நாட்களை மனவை மற்றும் பிள்ளைகளோடு செலவிட விரும்பினார். குடும்பத்தை விட்டு ஒரு நொடி கூட பிரிந்திருக்க கூடாது என நினைத்தவர் புத்தகம் எழுதுவது அதற்கு பெரும் தடையாகி விடுமே என அஞ்சி நடுங்கினார்.
எல்லோருக்கும் இது புரிந்தது. ஆனாலும் கூட பேராசிரியரின் அனுபவ பொக்கிஷம் புத்தகமாக பதிவு செய்யப்பட்டால் வருங்கால தலைமுறைக்கெல்லாம் வழிகாட்டுமே என நினைத்தனர்.
இறுதியில் பாஷோ ஒரு யோசனையை கூறி இதற்கு ஒப்புக் கொண்டார். சிகிச்சையின் பலனாக அவரது நோயின் தீவிரம் தற்காலிகமாக குறைந்திருந்தது. கதிரியக்க சிகிச்சையை தாங்க அவர் தினமும் ஒரு மணி நேரம் சைக்கிள் ஓட்டும் பயிற்சியை மேற்கொண்டு வந்தார்.
அந்த ஒரு மணி நேரத்தை புத்தகம் எழுத ஒதுக்க ஒப்புக் கொண்டார். சைக்கிள் ஓட்டியபடி அவர் புத்தகத்திற்கான விஷயங்களை கூற, பத்திரிகையாளர் ஜாஸ்லோ அதை கேட்டு குறிப்புகள் எடுத்து எழுத வேண்டும் என்றும் ஏற்பாடு செய்யப்பட்டது.
இப்படியாக காதில் மைக்கை மாட்டிக் கொண்டு ஜாஸ்லோ பேராசிரியர் எண்ண ஓட்டங்களை குறிப்பெடுத்து புத்தகத்தை எழுதி முடித்தார். புத்தகத்தின் தலைப்பும் “கடைசி உரை” தான்
————-

(

இந்த கட்டுரையை முதலில் வெளியிட்ட யூத்புல் விகடனுக்கு எனது மனமார்ந்த‌ நன்றி

)
————–

அந்த எழுச்சி உரையை கேட்க…

link;
http://www.youtube.com/watch?v=ji5_MqicxSo

இவர் யூடியூப் பாட்டி

93oldclaraஒரு பேரனாகவோ பேத்தியாகவோ உங்கள் பாட்டி அல்லது தாத்தாவுக்கு நீங்கள் செய்யக்கூடிய மிகப்பெரிய உதவி அவர்களை யூடியூப்பில் பிரபலமாக்குவது தான்.

அமெரிக்காவின் கிறிஸ் இதனை தான் செய்திருக்கிறார். திரைப்பட இயக்குனரான கிறிஸ் தனது பாட்டி கிலாராவை படம் பிடித்து யூடியுப்பில் இடம் பெற வைத்து அவரை புகழ்பெற வைத்திரிக்கிறார்.

கிலார பாட்டிக்கு 93 வயாதாகிறது.அவரை நவீன பாட்டி அல்லது ஹைடெக் பாட்டி என்றோ அழைக்கலாம். காராணம் அவர் வலைப்பதிவு செது வருகிறார். வலைப்பின்னல் தளமான பேஸ்புக்கில் அவருக்கு சொந்த‌மான பக்கம் இருக்கிற‌து.

கிலார பாட்டி சமையல் கலையிலும் வல்லவர். அதிலும் சிக்கன சமையலில் அவர் ஸ்பெஷலிஸ்ட். மாபெரும் தேக்கநிலை என்று சொல்லப்படும் 1930 களில் அவ்ர் தன் இளமைக்காலத்தை கழித்தவர். அப்போது அமெரிக்காவில் பொருலாதார சீர்குலைவு ஏற்பட்டு சராசரி அமெரிக்கர்கள் மிகவும் திண்டாடிப்போயினர்.

அந்த காலகட்டத்தில் அமெரிக்க‌ர்கள் சிக்கனத்தின் அருமையை தெரிந்துக்கொண்டனர் என்று சொல்லவேன்டும்

தற்போது அமெரிக்காவை ஆட்டிப்படைத்து வரும் பொருளாதார நெருக்கடி இந்த தேக்க நிலையோடு தான் ஒப்பிடப்படுகிற‌து.அமெரிக்கர்கள் தாங்கள் மறந்த்விட்ட சிக்கனப்பழக்கத்தை மீண்டும் புதுப்பித்துக்கொள்ள வேண்டிய கட்டாயத்திற்கு தள்ளப்பட்டுள்ளனர்.

சிக்கன வழிகளை எடுத்துச்சொன்னால் காது கொடுத்து கேட்கின்றனர்.

மாபெரும் தேக்கநிலை காலத்தில் சமையல் கலையில் இத்தகைய பல சிக்கன வழிகளை கிலாரா பாட்டி கற்று வைத்திருக்கிறார். வெறும் எலுமிச்சை மற்றும் உருளை கிழங்கை கொண்டு அவரால் விதவிதமான சமையலை செய்யமுடியுமாம்.
இந்த நுணுக்கங்களை அவரால் சுவாரசியமாக சொல்லித்தரவும் முடியுமாம்.

சிக்கலான காலகட்டத்தில் மற்றவர்களுக்கு இவற்றை கற்றுத்தர அவர் விரும்பியதில் வியப்பில்லை.

ஏற்கனவே வலைப்பதிவு செய்பவர் என்பதால் இண்டெர்நெட் மூலம் இவற்றை அவர் பகிர்ந்துக்கொள்ள துடித்தார்.

சமையல் குறிப்பகள் என்பதால் வலைப்பதிவை விட வீடியோ பகிர்வு தளமான யூடியூப் ஏற்றது அல்லவா.ஆகவே தான் தனது சிக்கன சமையல் குறிப்புகளை யூடியூப் மூலம் பதிவேற்றி வருகிறார்.

93 வயதில் சமையல் வரலாம். வீடியோ எடுப்பதெல்லாம் வராது இல்லையா? அதனால் தான் திரைப்பட இயக்குனரான கிறிஸ் பாட்டி சமையல் சொல்லித்தருவதை படமெடுத்து யூடியூப்பில் இடம்பெற வைத்தார்.

அவர் பதிவேற்றிய முதல் வீடியோவிற்கு நல்ல வரவேற்பு கிடைத்ததையடுத்து தொடர்ந்து பாட்டி சமையலை படம் பிடித்து யூடியூப்பில் இடம்பெற வைத்து வருகிறார்.

ஒவ்வொரு கோப்பிலும் ந‌டைமுறையில் பயன்தரக்கூடிய குறிப்புகலை கூறிவிட்டு சமையல் சொல்லித்த‌ருகிறார்.

உங்கள் பாட்டி தாத்தாக்களிடமும் இது போன்ற திறமைகள் இருக்கத்தானே செய்யும்..

——————–
பாட்டி சமையலை பார்க்க….

link;
http://www.youtube.com/user/DepressionCooking

மைக்கேல் ஜாக்சனின் சாயும் ஷு

jacksonமைக்கேல் ஜாக்சனை பாப் பாடகராக எல்லோருக்கும் தெரியும். அவரது இசை ஆற்றல் பின்னுக்கு தள்ளப் பட்டு, சர்ச்சைகளை நினைவுக்கு நிற்கும் அளவுக்கு ஜாக்சன் சமீப ஆண்டுகளில் பிரச்ச னைகளில் சிக்கி தவித்திருக்கலாம்.
.
இதனால் அவர் மீது ஒரு வித வெறுப்பு கூட உண்டாகியிருக்கலாம். ஜாக்சனின் திறமையை பலர் மறந்தும் கூட இருக்கலாம். இந்நிலையில் மைக்கேல் ஜாக்சன் ஒரு கண்டுபிடிப்பாளராக இருந்திருக் கிறார் என்றால் நம்ப முடிகிறதா?

உண்மைதான் ஜாக்சன் ஒரு சுவாரஸ்யமான கண்டுபிடிப்புக்கு சொந்தக்காரர். சர்ச்சைகளின் பாதையில் பயணிக்காமல், சந்தோஷ வீதியில் ஜாக்சன் உலா வந்துகொண்டிருந்தார். இசை மயமான 1990-களில் அவருக்கு அருமையான ஒரு யோசனை தோன்றியது.

மனிதன் நடனமாடுவதில் மன்னன் அல்லவா. உடலை ரப்பராக வளைத்து இசையின் லயத்திற்கேற்ப, ஆடி அசத்துவதில் கைதேர்ந்தவர் அவர். அதனால் தானோ என்னவோ அவருக்கு அந்த எண்ணம் தோன்றியது.

முன்பக்கமாக 45 டிகிரி சாய முடியுமாயின் எப்படியிருக்கும் என்பது தான் அந்த எண்ணம். புவிஈர்ப்பு விசையை எதிர்த்து நின்றபடி இப்படி சாய்வாக நிற்பது புது அனுபவமாக இருக்கும் என்று ஜாக்சன் நினைத்தார்.

இதனை சாத்தியமாக்கக் கூடிய அற்புத ஷý ஒன்று தயார் செய்யப்பட வேண்டும் என்றும் அவர் கருதினார். நினைத்ததோடு நிற்காமல் தன்னுடைய ஆடை வடிவமைப்பாளர் களோடு பேசி, இதற்கேற்ற விசேஷ ஷýவை தயாரித்து தருமாறு கேட்டார்.

ஜாக்சன் தனது வீடியோ ஆல்பத்தில் இத்தகைய சாகசங்களில் செய்து காட்டியவர். நேரடி நிகழ்ச்சியில் இது எப்படி சாத்தியமாகும என்று யோசித்து வந்ததன் விளைவாகவும், இந்த கண்டுபிடிப்பு அவரது மனதில் உதயமாகியிருக்கலாம்.

ஜாக்சன் இந்த விசேஷ ஷýவை தயாரித்தாரா? பயன்படுத்தினாரா என்பது தெரியவில்லை. ஆனால் அந்த காலத்தில் அவரது ரசிகர்கள் மத்தியில் இது பெரும் ஈடுபாட்டை உண்டாக்கியது.

இந்த விஷயத்தை பலரும் மறந்து போய்விட்டனர். புதியவர்களுக்கு இது தெரிய வாய்ப்பு இல்லாமல் போய்விட்ட நிலையில், எல்லாம்வல்ல கூகுல் இதனை தேடி எடுத்திருக்கிறது.

எப்படி என்று கேட்கிறீர்களா? கூகுல் அண்மையில் காப்புரிமை தேடல் வசதியை அறிமுகம் செய்தது. அமெரிக்காவில் இதுகாறும் வழங்கப் பட்டுள்ள காப்புரிமை படிவங்களை யெல்லாம் ஒருசேர ஒரே இடத்தில் தேடிப்பார்க்கும் வசதியை கூகுல் வழங்கியுள்ளது.

அந்த வசதியை பயன்படுத்தி தேட லில் ஈடுபடும்போதுதான் மைக்கேல் ஜாக்சனின் இந்த ஷý பற்றிய விவரம் தெரியவந்துள்ளது. ஜாக்சன் இந்த ஷýவுக்காக விண்ணப்பித்து, 1993 ஆம் ஆண்டு அதற்கான காப்புரிமை யையும் பெற்றிருக்கிறார்.

தன்னுடைய புவிஈர்ப்பு விசையை மிஞ்சி முன்புறமாக சாய்ந்து நிற்கக் கூடிய வகையில் உதவக் கூடிய விசேஷ ஷýவுக்கான கருத்தாக்கம் என்னும் அடிப்படையில் அவருக்கான காப்புரிமை வழங்கப்பட்டுள்ளது.

கூகுல் காப்புரிமை தேடல் வசதியை அறிமுகம் செய்வதாக கூறிய போது அது இத்தனை சுவாரஸ்யமாகவும், பயனுள்ளதாகவும் இருக்கும் என்று பலரும் நினைத்திருக்க வாய்ப்பில்லை.

ஆனால் இந்த தேடல் வசதி கூகுலின் மற்றொரு முத்திரையாக அமைந்துள் ளது. ஜாக்சன் மட்டுமல்ல மேலும் பல பிரபலங்கள் கண்டுபிடிப்பாளர்களாக விளங்குவதை கூகுல் அடையாளம் காட்டுகிறது. கைவசம் நேரமும், நெஞ்சு நிறைய கூகுல் மீதான அபிமானமும் இருப்பவர்கள் அதன் காப்புரிமை தேடதல் தளத்தில் கணிசமாகவே நேரத்தை செலவிடலாம்.

கூகுல் வழிகாட்ட காப்புரிமைகளின் உலகத்தில் நீந்தி மகிழ்ந்து தகவல் களோடு கரைசேரலாம். உலகில் உள்ள விவரங்களையெல் லாம் தேடுவதற்கான வசதியை எளிதாக்கி தருவது என்னும் தன்னு டைய ஆதார கொள்கைக்கு ஏற்ப கூகுல் அறிமுகம் செய்துள்ள மற்றொரு சேவை கூகுல் பேட்டன்ட்.

அதாவது அமெரிக்க வரலாற்றில் வழங்கப்பட்ட காப்புரிமைகளை ஒரே இடத்தில் தேடிப்பார்க்கும் வசதியை இதன் மூலம் கூகுல் வழங்குகிறது.

காப்புரிமை ஆவணங்கள் எல்லாமே பொது மக்கள் அணுக கூடியவைதான். ஆனால் அவற்றை எளிதாக தேடி பெறக் கூடியவகையில் கூகுல் அற்புத மாக ஒருங்கிணைத்து தருகிறது.

அதன் முகப்பு பக்க இலக்கணமான எளிமைக்கேற்ப இந்த தளமும் எளிமையாகவே இருக்கிறது. தேடல் கட்டத்தில் எந்த காப்புரிமை தொடர்பா கவும் தேடிப்பார்க்கலாம். முடிவுகள் பகுதியில், காப்புரிமையின் சாராம்சம், விரிவான விளக்கம் மற்றும் வரை படங்கள் என தகவல்கள் விரிகின்றன.

சரித்திரத்தில் நீங்கா இடம் பெற்ற தாமஸ் ஆல்வா எடிசன், அலெக்சாண் டர் கிரஹாம்பெல், ரைட் சகோதரர்கள் போன்ற பிரபல கண்டு பிடிப்பாளர்க ளின் காப்புரிமைகளை தேடிப் பார்த்து, அறிவை விருத்தி செய்து கொள்ளலாம்.

அதோடு நடிகர்கள் மற்றும் நடிகைகள் போன்ற நட்சத்திரங்களும் கண்டு பிடிப்பாளர்களாக இருந்தி ருப்பதை, அவர்கள் பெயரில் பதிவு செய்யப்பட்ட காப்புரிமையின் மூலம் தெரிந்து கொள்ளலாம்.

பல நட்சத்திரங்கள் விநோதமான கண்டுபிடிப்புக்கு சொந்தமானவர் களாக இருப்பது உள்ளபடியே ஆச்சர்ய மான விஷயம்தான். நடிப்புக்கு இலக்கணம் வகுத்த மர்லன் பிராண்டோ தன்னு டைய சொந்த தீவில் தொழில் துவங்குவதற்காக ஒரு விதமான விநோத சாதனத் துக்கு காப்புரிமை கேட்டு விண்ணப் பித்து இருக்கிறார். ஆனால் துரதிர்ஷ்ட வசமாக அவர் இறந்த பிறகே இதற் கான காப்புரிமை வழங்கப்பட்டது.

பிரபல இயக்குன ரான ஜார்ஜ் லூகாஸ், 1980 ஆம் ஆண்டு வாக்கில் அலங்கார பொம்மை ஒன்றிற்கான காப்புரிமை பெற்றிருக்கிறார். ரசிகர்களை தனி உலகில் சஞ்சரிக்க வைத்த ஸ்டார்வாஸ் படத்தில் வரும் யோடா பார்த்திரத்தின் மூல வடிவம் தான் இது.
இதே போல ஜேமிகர்டிஸ் என்னும் நடிகை குழந்தைகளுக்கு அணிவிக்கக் கூடிய நாப்கின்களில் புதுமையை செய்து அதற்கான காப்புரிமையை பெற்றிருக்கிறார்.

மற்றொரு நடிகையான ஹெடிலாமர் யாருக்கும் தெரியாமல் ரகசியமாக தகவல் தொடர்பில் ஈடுபடக்கூடிய சாதனத்துக்கான காப்புரிமையை பெற்றிருக்கிறார். பின்னாளில் அறிமுகமான ரகசிய சாதனங்களுக்கெல்லாம் இது முன்னோடியாக கருதப்படுகிறது.

டிவி நடிகரான கேரி பர்கோப் மீன் களை கவர்ந்திழுக்கக் கூடிய சாதனம் ஒன்றை கண்டுபிடித்து காப்புரிமை வாங்கி இருக்கிறார். இந்த சாதனத்தை படகில் பொருத்தி விட்டால் வலையில்லாமலே மீன்பிடிக்கலாமாம்.

இப்படி சுவாரஸ்யமான தகவல்களில் நீந்தி மகிழ்வதோடு, கண்டுபிடிப்பாளர் களாக வேண்டும் என்ற எண்ணம் இருப்பவர்கள் ஒருமுறை இந்த தளத்தில் உலாவிப்பார்த்தால் தங்கள் மனதில் உள்ள எண்ணம் ஏற்கனவே யாராலாவது கண்டுபிடிக்கப் பட்டிருக் கிறதா என்பதையும் தெரிந்து கொண்டு விடலாம். அந்த வகையில் ஏற்கனவே கண்டுபிடிக்கப்பட்ட பொருளின் மீது தங்கள் நேரத்தை வீணடிக்காமலும் இருக்கலாம்
—————
யூடியுப்பில் இது தொடர்பான விளக்கப்படம் இருக்கிறது தெரியுமா?
link;
http://www.youtube.com/watch?v=H0qeWQpHZbU&feature=related