Tag Archives: புத்தகங்கள்

புத்தகங்களால் புது உலகம்

மேம்பட்ட உலகிற்கான புத்தகங்கள் (betterworldbooks.com) என்னும் பெயரில் ஒரு புத்தக விற்பனை தளம் இருக்கிறது. பழைய புத்தகங்களை விற்பனை செய்வதற்கான தளம் என்றாலும் இதனை சாதாரணமாக எடுத்துக் கொண்டு விட முடியாது. பெயரைப்போலவே மேம்பட்ட உலகிற்கான முயற்சியாகவே இந்ததளம் செயல்பட்டு வருகிறது.
யாருக்கும் பலனின்றி வீணாக போய் விடக் கூடிய புத்தகங்களை சேகரித்து விற்பனை செய்யும் பணியை தான் இந்த மேற்கொண்டு வருகிறது. இதன் மூலம் கிடைக்கும் வருவாயில் ஒரு பகுதியை கல்வியறிவை வளர்க்க பாடுபடும் அமைப்புகளுக்கு நன்கொடையாக இந்த தளம் வழங்கி விடுகிறது.

அமெரிக்காவைச் சேர்ந்த மூன்று பட்டதாரி மாணவர்கள் இந்த தளத்தை நடத்தி வருகின்றனர்.

வெற்றிகரமான தொழிலுக்கு வியாபார நோக்குடன் சமூக அக்கரையும் அவசியம் என்னும் உணர்வுடன் செயல்பட்டு வரும் இந்த தளத்தின் பின்னே சுவாரசியமான கதை இருக்கிறது.
பெட்டர் வேர்ல்டு புக்ஸ் தளத்தின் நிறுவனரான சேவியர் ஹெல்கிசன் 7 ஆண்டுகளுக்கு முன் அமெரிக்காவின் இன்டியானாவில் உள்ள “நாட்ரே டேமே’ பல்கலையில் படித்துக் கொண்டிருந்தார். கடைசி வருட படிப்பு. பட்டதாரியாவது உறுதியா னாலும் உடனடி வேலை வாய்ப்புக்கு உறுதி இல்லாத நிலையில், எதிர்காலம் பற்றிய கவலை வாட்டியது. அந்த கவலையோடு தனது அறை நண்பர் கிறிஸ்டோபர் கிரீஸ் என்பவரோடு, அவர் விவாதித்துக் கொண்டிருந்தார்.

பணம் சம்பாதிப்பதற்கான ஒரு வழியை அவர்கள் தேடிக் கொண்டி ருந்தனர். அப்போது தான் சேவியர் கண்ணில் அறையில் அடுக்கி வைக்கப்பட்டிருந்த பாட புத்தகங்கள் கண்ணில் பட்டன.

இன்டெர்நெட் மூலம் பழைய புத்தகங்களை சுலபமாக விற்பனை செய்ய முடியும் என அறிந்திருந்த சேவியருக்கு புத்தகங்களை பார்த்ததுமே அவற்றை விற்றால் என்ன என்ற யோசனை ஏற்பட்டது.

உடனே கொஞ்சம் புத்தகங்களை தேர்வு செய்து, விற்பதற்காக பட்டிய லிட்டார். முதல் வாரத்திலேயே முதல் புத்தகத்தை நல்ல விலைக்கு விற்க முடிந்தது. அதற்கு முன்பாகவே அவரது நண்பர் கிறிஸ்டோபர் தனது புத்தகங்களை விற்பனை செய் திருந்தார். இருவருமாக சேர்ந்து அடுத்த கட்டமாக மற்ற புத்தகங்களை விற்பனை செய்யும் முயற்சியில் வெற்றி பெற்றனர்.

இதனால் கையில் கணிசமாக பணம் சேர்ந்தது. மகிழ்ச்சியில் திளைத்த அவர்கள் இதோடு நிறுத்திக் கொள்ளவில்லை. பழைய புத்தகங் களை சுலபமாக விற்க முடிந்தது அவர்களை யோசிக்க வைத்தது. மற்ற மாணவர்களிடமும் இப்படி படித்து முடித்த புத்தகங்கள் இருக்குமே என்று நினைத்தனர். நண்பர்களை அணுகி, அவர்களின் புத்தகங்களை சேகரித்து விற்கத் தொடங்கினர்.

ஆனால் இதனால் தாங்கள் மட்டுமே லாபம் பெற நினைக்கவில்லை. அவர்கள் கல்லூரி வளாகத்திலேயே ராபின்பென் சமூக கல்வி மையம் என்னும் பிரிவு செயல்பட்டு வந்தது மாலைநேர பயிற்சி வகுப்பு நடத்த அந்த மையம் திட்டமிட்டிருந்தது. மாணவர்களிடம் இருந்து பழைய புத்தகங்களை திரட்டி விற்பனை செய்து அதன் மூலம் கிடைக்கும் தொகையை இந்த மையத்திற்கு வழங்க விரும்பினர்.

பழைய புத்தகங்களை விருப்பப்படும் மாணவர்கள் நன் கொடையாக தருமாறு வேண்டுகோள் விடுத்தனர். அவர்கள் எதிர்பார்ப்பை மிஞ்சும் வகையில் சக மாணவர்கள் புத்தகங்களை கொண்டு வந்து குவித்து விட்டனர். சேவியரும், கிறிஸ்டோபரும் இந்த வரவேற்பை பார்த்து திக்குமுக்காடி போய் விட்டனர். பின்னர் பொறுமையாக செயல்பட்டு அந்த புத்தகங்களை பிரித்து வகைப்படுத்தி, இன்டெர்நெட் மூலம் விற்பனை செய்தனர்.
இந்த முயற்சியின் பலனாக பயிற்சி மையத்திற்கு அவர்களால் 8 ஆயிரம் டாலர் நிதி திரட்டி தர முடிந்தது. வெற்றியை சுவைக்கும் போது அதனை விட்டு விடாமல் தொடர்வதே வாழ்வின் வெற்றி ரகசியம்.

தங்கள் கல்லூரியில் மேற்கொண்ட இதே முயற்சியை மற்ற சில கல்லூரிகளில் மேற்கொண்டு பார்க்கலாமே என்று சேவியர் மற்றும் கிறிஸ்டோபர் நினைத்தனர். இந்த கட்டத்தில் தான் ஒப் குர்ட்ஸ்மன் என்னும் மற்றொரு நண்பர் அவர்களுடன் சேர்ந்து கொண்டார். நிதித்துறையில் வேலை பார்த்து வந்த ஒப் தனது பணியில் அதிருப்தி அடைந்திருந்த நிலையில் நண்பர்களின் புதிய முயற்சியில் ஆர்வத்தோடு தன்னை இணைத்துக் கொண்டார். மூவருமாக சேர்ந்து பழைய புத்தகங்களை சேகரித்து விற்பனை செய்வதையே பெரிய அளவில் செய்யத் தொடங்கினர்.

ஒவ்வொரு கல்லூரியாக சென்று பழைய புத்தகங்களை சேகரிக்கத் தொடங்கினர். எல்லா கல்லூரி களிலுமே நல்லவரவேற்பு கிடைத்தன. புத்தகங்கள் குவிந்தன.
பெரும்பாலான பழைய புத்தகங்கள், குப்பை கூளத்தில் கொட்டப்பட்டு வீணாவதே அமெரிக்க அனுபவமாக இருந்தது. இப்படி வீணாவதை விட நன்கொடையாக அளிக்க பலரும் தயாராக இருந்தனர்.

புத்தகங்களை விற்பனை செய்ய தாங்களாகவே “”பெட்டர் வேர்ல்டு புக்ஸ்” என்னும் பெயரில் இணைய தளம் ஒன்றை அமைத்தனர். விரைவிலேயே நாடு முழுவதும் உள்ள கல்லூரிகளில் கால் பதித்து விட்டனர். அடுத்த கட்டமாக நூலகங்களும் சேர்ந்து கொண்டன.
மூன்றே ஆண்டுகளில் அமெரிக்க முழுவதும் உள்ள கல்லூரிகள் மற்றும் நூலகங்களில் இருந்த புத்தகங்களை சேகரிக்கும் அளவுக்கு உயர்ந்து விட்டனர்.

இன்று நாள் ஒன்றுக்கு 15 ஆயிரம் புத்தகங்களுக்கு மேல் அவர்களை தேடி வருகிறது. தினமும் 5 ஆயிரத்துக்கும் மேற்பட்ட புத்தகங்கள் அவர்கள் இணைய தளம் மூலம் வாங்கப்படுகின்றன.

புத்தக விற்பனையில் கிடைக்கும் வருவாயில் 15 சதவீதம் வரை பல்வேறு கல்வியறிவு திட்டங்களுக்கு நன்கொடையாக வழங்கி விடு கின்றனர். கல்வியறிவு வழங்குவதன் மூலம்நல்ல காரியங்கள் செய்ய முடியும் என்று இவர்கள் நம்புகின்றனர்.
சாதாரணமாக ஆரம்பித்த முயற்சி இத்தனை பெரிய வெற்றி பெறும் என்று தாங்கள் எதிர்பார்க்கவில்லை என்று கூறும் இந்த வாலிபர்கள், இந்த முயற்சி புதிய அனுபவமாக அமைந்து புதிய பாடங்களை கற்றுக் கொடுத் திருக்கிறது என்று உற்சாகமாக கூறுகின்றனர்.
இப்போது இந்த தளம் மிகவும் பிரபலமாகி விட்டதால், பழைய புத்தகங்களை வைத்திருப்பவர்கள் அதனை தூக்கி வீச மனம் இல்லாத நிலையில் தங்கள் சொந்த செலவில் இந்த தளத்திற்கு அனுப்பி வைத்து விடுகின்றனர்.

இந்த தளத்தின் மற்றொரு சிறப்பம்சம் புத்தகங்களை அனுப்பி வைக்கும் போது வாடிக்கையாளர் விரும்பினால் அதனை சுற்றுச் சூழலுக்கு கேடு ஏற்படாத வகையில் பசுமை மார்க்கத்தில் அனுப்பி வைக்கின்றனர். இதனால் கார்டன் கிரிடிட் புள்ளிகள் பெறவும் வாய்ப்பு உள்ளது.

இந்த சமூக சிந்தனை பெட்டர் வேர்ல்டு புக்ஸ் தளத்தை மேலும் பிரபலமாக வைத்துள்ளது

—————-

link;
http://www.betterworldbooks.com/

கூகுல் நூலகத்திற்கு முன்னால்

டிராய் வில்லியம்ஸ் பெயரை சொல்லி இன்டர்நெட் முன்னோடிக ளில் ஒருவர் என்றால் அப்படியா? யார் அவர் என்று கேட்க தோன்றும். வில்லியம்ஸ், குவெஸ்டியாவின் நிறுவனர் என்று சொன்னால், குவெஸ்டியாவா? அது என்ன என்று அடுத்த கேள்வி பிறக்கும்.

இன்டர்நெட் முன்னோடி என்னும் அடைமொழிக்கு சொந்தக்காரராக இருக்க குறிப்பிட்ட சில தகுதிகள் இருக்கின்றன. பெயரை சொன்னாலே நினைவில் நிற்கும் வெற்றியை பெற்றிருக்க வேண்டும் அல்லது அவருடைய நிறுவனமாவது மகத் தானதாக அமைந்திருக்க வேண்டும்.

வில்லியம்ஸ் விஷயத்தில் இரண்டுமே இல்லை என்றாலும், அவரை இன்டெர்நெட் முன்னோடி என்று தயங்காமல் வர்ணிக்கலாம். அவர் எதிர்பார்த்த மகத்தான வெற்றியை பெற்றிருக்காவிட்டாலும், அவரிடம் மகத்தான லட்சியம் இருந்ததை மறுப்பதற்கில்லை.

உலகின் மிகப்பெரிய இணைய நூலகத்தை உருவாக்க வேண்டும் என்று விருப்பப்பட்டு அதற்காக உழைத்து வருபவர் அவர். 1998-ல் துவங்கிய இந்த நீண்ட நெடும் பய ணம் இன்று வரை பெரும் வெற்றியை பெறவில்லை. இதற் கிடையே தேடியந் திர முதல்வனான கூகுல், உலகில் உள்ள பெரும் பாலான நூல்களை டிஜிட்டல் மயமாக்கி, வையம் தழுவிய மா பெரும் நூலகத்தை உரு வாக்கும் முயற்சியில் இறங்கிவிட்டதால், வில் லியம்சின் எண்ணம் கடை சிவரை ஈடேறா மலே போயிருக்கலாம். ஆனா லும் கூட கூகு லுக்கு முன்பே இந்த மகத்தான முயற்சியில் அவர் ஈடு பட்டார் என் பதை மறந்து விடுவதற் கில்லை.

உலகில் உள்ள பிரபலங்களை யெல்லாம் தேடுவதற்கு வசதியாக தொகுத்து தருவதே எங்கள் இலக்கு என்று இப்போது வேண்டுமானால் கூகுல் பெருமிதத்தோடு கூறலாம். முதன் முதலில் உலகில் உள்ள புத்தகங்கள் எல்லாம் வாசகர்களின் கைகளுக்கு, இன்டர் நெட்டின் மூலம் வந்து சேர வேண்டும் என்று விருப் பப்பட்டவர்களில் வில்லி யம்சும் ஒருவர். அதனை நிறைவேற்றி காட்ட துணிச்சலோடு தளத்தில் இறங்கியவரும் அவரே.
அமெரிக்கரான வில்லியம்ஸ், சாதாரண குடும்பத்தில் பிறந்து வளர்ந்தவர்.

பள்ளி நாட்களில் வரலாறு தொடர்பான வீட்டு பாடத்தை முடிக்க தேவையான தகவல்களை பெற பல மைல்கள் நடந்து நூலகத்தை சென்றடைய வேண்டி யிருந்தது. அப்போதே அவர் மனதில் இதற் கான மாற்று வழி தேவை என்னும் எண்ணம் ஏற்பட்டு விட்டது. கல்லூரி நாட்களில் நூலக வசதியின் போதாமையை அவர் இன்னும் தெளிவாக உணர்ந்தார். அவர் படித்த கிராமப்பகுதி யில் அமைந்திருந்த கல்லூரியில் சில நூறு புத்தகங்களே இருந் தன. பின்னர் அவர் புகழ்பெற்ற ஹார்வர்ட் பல்கலைக் கழகத்தில் படிக்க துவங்கினார்.

ஹார் வர்ட் ஆயிரக் கணக்கான புத்தகங் களை உள்ளடக்கிய அருமையான நூல கத்தை கொண்டிருந் தது. அதனை பயன் படுத் தும்போது அவருக்கு இரண்டு விதமான எண்ணங்கள் தோன்றியது. ஒன்று இந்த புத்தகங்கள் அனைவருக் கும் கிடைக்க வேண்டும் என்பது, இரண்டாவதாக ஹார்வர்டு போன்ற நூலகத்தை அணுகும் வாய்ப்பு பெற்றவர்களே கூட பல நேரங்களில் அங்கிருக்கும் புத்தகங்களை தேடி எடுக்க முடியாத நிலை இருப்பதை அவர் உணர்ந்தார்.

இதனிடையே ஹார்வர்டு சட்ட ஆய்வு இதழின் ஆசிரியர் குழுவில் அவர் பணியாற்ற நேர்ந்தது. அப் போதுதான் அந்த அற்புதம் அவருக்கு அறிமுகமானது. பெரும்பாலான நீதிமன்ற வழக்கு தீர்ப்புகள் அனைத்தையும் இன்டர் நெட்டில் பார்த்து அலச முடிந்தது. இதே வசதி புத்தகங்களுக்கும் இருந் தால் எப்படி இருக்கும் என்ற எண்ணம் ஏற்பட்டது. உடனே இன்டர்நெட்டில் வலைவீசி பார்த்தார். அப்படி எந்த வசதியும் இல்லையே என்ற ஏக்கம் தேடலுக்கு பின்னர் அவருக்கு ஏற்பட்டது.

தாமே அந்த வசதியை ஏற்படுத்துவது என தீர்மானித்தார். புத்தகங்கள் மற்றும் பத்திரிகைகளை டிஜிட்டல் மயமாக்கி, இணைய தளத்தில் இடம் பெற வைத்து உலகின் எந்த மூலையில் இருப்பவர்களும் அதனை தேடி பயன்படுத்தும் வகையில் இணைய நூலகத்தை ஏற்படுத்த விரும்பினார்.

இதனிடையே அவருக்கு மிகப் பெரிய நிறுவனம் ஒன்றில் இருந்து கவர்ச்சிகரமான சம்பளத்தோடு நல்ல வேலைவாய்ப்பு தேடி வந்தது. எனினும் மனதில் இருந்த லட்சியத்தை நிறைவேற்ற அந்த வேலை வாய்ப்பை நிராகரித்தார். டிஜிட்டல் யுகத்தில் உலகில் உள்ள புத்தகங்கள் அனைத்தும் எந்த மூலை யில் உள்ள வாசகர்களுக்கும் இன்டெர் நெட் மூலம் எளிதாக கிடைக்க வேண் டும் என்பதை குறிக் கோளாக கொண்டு டிராய் வில்லியம்ஸ் உலகின் மிகப்பெரிய நூலகத்தை இன்டர்நெட் டில் உருவாக்கும் முயற்சியை மேற் கொண்டார். நொந்துபோகும் அளவுக்கு ஆரம்ப கால தடைகள் அவரை வாட்டின.

ஒவ்வொரு புத்தகத்தையும் டிஜிட் டல் மயமாக்கி, இன்டர்நெட்டில் பதி வேற்றுவது என்பது பெருமளவு நேர மும், அதை விட அதிக பொருட் செல வும் தேவைப்படும் செயல். இதற்கு தேவையான முதலீட்டை பெறுவது என்பது கிட்டத்தட்ட இயலாத காரிய மாக இருந்தது.

அது மட்டுமல்லாமல் டிஜிட்டல் நூல கம் என்று அவர் கூறியதை கேட்ட வர்கள் எல்லாம் கேலியாக சிரித்து விட்டு ஒதுங்கி கொண்டனர். இது சாத் தியமில்லை என்றும் பலர் தெரிவித்தனர்.

இவற்றையெல்லாம் மீறி பல மாதங் கள் போராடி இறுதியாக காம் பேக் நிறுவனத்தின் நிறுவனரான ராட்கேனி யானை சம்மதிக்க வைத்து தேவை யான முதலீட்டையும் பெற்றார்.
அதன் பிறகு டாட்காம் வீழ்ச்சியின் போது அவரது முயற்சி மேலும் பின்ன டைவை சந்தித்தது.

இருப்பினும் அவர் துவங்கிய குவெஸ்ட் டியா உலகின் முதல் டிஜிட்டல் நூலகம் என்னும் அடை மொழியோடு, தொடர்ந்து செயல்பட்டு வருகிறது. இடைப்பட்ட காலத்தில் போதிய வருமானம் இல்லாமல் அவர் தன்னு டைய காரிலேயே வசிக்க வேண்டிய நிலையும் ஏற்பட்டது. அந்த வேதனை யான நிலையிலும் அவரது மன உறுதி குறைந்துவிடவில்லை.

மிகுந்த நம்பிக்கையோடு குவெஸ்ட் டியா நூலகத்தை உருவாக்கும் முயற்சியில் ஈடுபட்டு வந்தார். குவெஸ்ட்டியாவின் பின்னே உள்ள கருத்து என்னவென்றால், புத்தகங்கள் மற்றும் பத்திரிகைகள், சஞ்சிகைகள் போன்றவற்றை டிஜிட்டல் மயமாக்கி வாசகர்களின் பார்வைக்கு வைப்பதுதான்.

வாசகர்கள் மாதந்தோறும் குறிப் பிட்ட கட்டணம் செலுத்தி எந்த புத்த கத்தையும் தேடி படித்து கொள்ளலாம். அல்லது ஆண்டுதோறும் குறிப்பிட்ட கட்டணத்தை கட்டி பயன்படுத்தலாம். 2 தொகைகளுமே மிகவும் குறைவான வையே.

அதே போல் பத்திரிகைகளில் வெளி யான கட்டுரைகளையும் படிக்கலாம். ஆராய்ச்சி மாணவர் களுக்கு இந்த வசதி பேரூதவியாக அமையும். இதைத் தவிர, புத்தகங்கள் தொடர் பான தகவல்களை தேடும் வசதியும் உண்டு. மேலும் குறிப்புகளை எழுதி வைக்கவும்தனி வசதி உண்டு.

இந்த நூலகத்தில் இடம் பெறும் புத்த கங்கள் மெல்ல அதிகரித்து வருகிறது. வில்லியம்ஸ் பிரதானமாக மானிடவி யல் மற்றும் வரலாறு ஆகிய பிரிவுக ளில் கவனம் செலுத்தி வருகிறார்.

கூகுல் இதைவிட அகலக்கால் வைத்து 5 பல்கலைக்கழகங்களோடு ஒப்பந்தம் செய்து கொண்டு பெரிய முயற்சியில் ஈடுபட்டு வந்தாலும், காப்பிரைட் சர்ச்சையில் சிக்கி தவித்து வருகிறது. ஆனால் குவெஸ்ட்டியா தரப்பில் காப்பிரைட் சிக்கல்கள் கிடையாது. எல்லா புத்தகங்களுமே முறையாக அனுமதி பெற்று இடம் பெற வைக்கப் பட்டுள்ளது.

இதன் காரணமாக வாசகர்கள் எந்த வித அச்சமும் இல்லாமல் புத்தகங் களை டவுன்லோடு செய்து படிக்க முடி யும். அது மட்டுமல்லாமல் எழுத்தாளர் கள் மற்றும் பதிப்பகங்கள் இதற்கு எதிராக போர்க்கொடி தூக்க வில்லை. உலகெங்கும் உள்ள மாணவர்கள் விரும்பி பயன்படுத்தும் டிஜிட்டல் நூலக மாக இந்த தளம் விளங்கி வருகிறது.

இன்டெர்நெட்டின் ஆரம்ப காலத்தி லேயே டிஜிட்டல் நூலகத்தின் முக்கி யத்துவத்தை உணர்ந்து அதற்கான முயற்சியை மேற்கொண்டதே டிராய் வில்லியம்சின் தனி சிறப்பாக அமைந்திருக்கிறது.

பல்வேறு சோதனைகளை மீறி அந்த முயற்சியில் தொடர்ந்து பயணம் செய் வது அவரை இன்டெர்நெட்டின் முன் னோடிகளில் ஒருவராக ஆக்கி இருக்கிறது.
————

link;
www.questia.com

படிப்பதற்கு ஒரு அறை இருந்தால்

சில பயணங்கள் வாழ்க்கையையே மாற்றிவிடும். அமெரிக்காவின் ஜான்வுட்  பத்தாண்டுகளுக்கு முன்னர் நேபாளத்துக்கு மேற்கொண்ட பயணம் இப்படி தான் அவரது வாழ்க்கையையே மாற்றி விட்டது.  அவரது வாழ்க்கையில் ஏற்பட்ட மாற்றம் உலகம் முழுவதும் பல நாடுகளில் உள்ள ஏழை மாணவர்களின் வாழ்க்கை யையே மாற்றிக் கொண்டிருக்கிறது.

ஜான்வுட் மைக்ரோசாப்ட் நிறுவனத்தில் உயர் அதிகாரியாக பணியாற்றிக் கொண்டிருந்த காலத்தில் அவரே கூட  சற்றும் எதிர்பாராத விதமாக  இந்த மாற்றம் நிகழ்ந்தது.  மிகவும்  இளம் வயதிலேயே உயர் பதவிக்கு வந்து ஜான் வுட் கை நிறைய  சம்பளத்தோடு மிகவும் மகிழ்ச்சியாக  வாழ்ந்து கொண்டிருந்தார். பணிச் சுமைக்கு நடுவே  ஓய்வெடுக்க விரும்பிய அவர்  1998ம் ஆண்டு ஏப்ரல் மாதம் நேபாளத்திற்கு  சுற்றுலா சென்றார். 

நேபாளத்தின் ஷாங்கரிலா பகுதியில் மலையேறும்  செயலில் ஈடுபட்டிருந்த அவர் தற்செயலாக  அந்த பகுதியில் வசித்த பள்ளி ஆசிரியர் ஒருவரை சந்தித்தார். அப்போது, ஜான் வுட்டை தனது  இருப்பிடத்திற்கு வருமாறு அழைப்பு விடுத்தார்.

நேபாள  கிராமத்தை நேரில் பார்க்கலாமே என்னும் எதிர்பார்ப்போடு ஜான்வுட்  இந்த அழைப்பை ஏற்றுக் கொண்டு அவருடன் சென்றார்.

பள்ளி ஆசிரியர் கிராமத்து விருந்தோம்பலில் மகிழ்வித்த பிறகு அவரை  தனது பள்ளிக்கு அழைத்துச் சென்றார்.

இந்திய கிராமங்களில் பார்க்கக் கூடிய பள்ளிகளைப் போலவே அந்த பள்ளியும் போதிய அடிப்படை வசதிகள் இல்லாமல் பரிதாபமாக காட்சி அளித்தது. பின்னர் ஆசிரியர் அவரை  பள்ளியின் நூலகத்திற்கு அழைத்துச் சென்றார்.  அங்கே அதிக  புத்தகங்கள் இல்லை. சொற்பமான புத்தகங்களே இருந்தன.  அந்த புத்தகங்கள் பொக்கிஷம் போல பெட்டியில் பூட்டி வைக்கப்பட்டிருந்தன.

விடையனுப்பும்  போது, ஆசிரியர், “அடுத்தமுறை நேபாளம் வந்தால் கொஞ்சம் புத்தகங்களை கொண்டு வாருங்கள்’ என்று ஜான் வுட்டிடம் பணிவான வேண்டுகோளை வைத்தார்.

ஏற்கனவே  அந்த பள்ளியின் பரிதாப நிலையை கண்டு நிலை குலைந் திருந்த  அவர், இந்த அன்பான வேண்டு கோளை  கேட்டு நெகிழ்ந்துப் போனார்.  எளிமையான அந்த கோரிக்கையை  ஏற்று ஏதாவது செய்ய வேண்டும் என்று அவருக்குத் தோன்றியது. 

அங்கிருந்து காட்மாண்டு நகருக்கு வந்தவுடன் முதல் வேலையாக இன்டெர்நெட் மையத்தை தேடிச் சென்ற அவர், தன்னுடைய நண்பர் களிடம் புத்தகங்களை அனுப்பி வைக்குமாறு  கோரிக்கை  வைத்தார். அவருக்கு உலகம் முழுவதும் நண்பர்கள் உண்டு.  அவர்களில் பலர் புத்தகங்களை அனுப்பினால் சில நூறு புத்தகங்கள் சேர்ந்துவிடும் என எதிர்பார்த்தார்.
ஆனால் சற்றும் எதிர்பாராத வகையில் முதல் மாதத்திலேயே 3000 புத்தகங்கள் வந்து குவிந்துவிட்டன. தொடர்ந்து குவிந்த வண்ணம் இருந்தன.

நேபாளத்துக்கு சுற்றுலா சென்று திரும்பி ஓராண்டு ஆன நிலையில், சேகரித்த  புத்தகங்களை எல்லாம் எடுத்துக் கொண்டு இந்த முயற்சியில் தனக்கு துணை நின்ற தந்தையையும் அழைத்துக் கொண்டு மீண்டும் அதே பள்ளிக்குச் சென்றார். 

போக்குவரத்து  வசதி இல்லாததால் கழுதைகள் மீது புத்தக மூட்டைகளை  ஏற்றிக் கொண்டு சென்றார். பள்ளி ஆசிரியரிடம் புத்தகங்களை  வழங்கிய போது அவர் முகத்தில் மகிழ்ச்சி தாண்டவமாடியது. அதை விட, புத்தகங்களை பார்த்த மாணவர்கள்  அவற்றை எடுத்து பாடிக்க போட்டி போட்டுக் கொண்டு  பாய்ந்தனர். பின்னர் அவர்கள் மிகுந்த ஆனந்தத் தோடு படிக்கத் தொடங்கினர்.

இந்த அனுபவத்தால் உணர்ச்சிமயமான ஜான் வுட் அன்றிரவு,  தனது தந்தையுடன் இது பற்றி பேசிக் கொண்டிருந்தார்.  உலகம் முழுவதும் இதே நிலையில் ஆயிரக்கணக்கான பள்ளிகள் இருக்கும் போது ஒரு பள்ளிக்கு மட்டும் உதவினால் போதுமா என்று தனக்குத் தானே கேட்டுக் கொண்டார். அந்த நொடியில் அவர் தனது வேலையை உதறிவிட்டு  ஏழை பள்ளிகளுக்கு நூலக வசதியை  ஏற்படுத்தி தரும் முயற்சியை  முழு வீச்சில் மேற்கொள்வது என தீர்மானித்தார். கையில் இருந்த சேமிப்பை கொண்டு புத்தகங்களை  சேகரித்து, ஏழ்மையான பள்ளிகளுக்கு வழங்குவதற்காக  “ரூம்டு ரீட்’ என்னும் அமைப்பை ஏற்படுத்தினார்.

 அதன் பிறகு புத்தகங்களை சேகரித்து வழங்குவதையே முழுநேர தொழிலாக மேற்கொண்டு வருகிறார்.

இதுவரை நேபாளம், இந்தியா உள்ளிட்ட ஆறு ஆசிய நாடுகளில், 4 ஆயிரத்துக்கும் மேற்பட்ட  பள்ளிகளில் நூலகங்களை அமைத்து தந்திருக்கிறார். மேலும் பல நூறு நூலகங்கள் அமைக்கும் பணி நடைபெற்று வருகிறது.  மேலும் கிராம மக்களுடன்  இணைந்து புதிய பள்ளிகளையும் கட்டித் தந்திருக்கிறார். 

உள்ளூர் மொழிகளில் சிறுவர் களுக்கான  நூல்கள் போதுமானவை இல்லை என்பதை புரிந்து கொண்டு அந்தந்த பகுதி  மொழிகளில் நல்ல புத்தகங்களை பதிப்பிக்கும் பணியையும் மேற்கொண்டு வருகிறார்.