இந்த வலைப்பதிவின் சிறந்த பதிவுகளை தொகுத்து புத்தகமாக வெளியிடும் எனது விருப்பம் பற்றி குறிப்பிட்டிருந்தேன். இந்த பதிவுக்கு பின்னூட்டம் மூலம் கருத்து தெரிவித்து ஊக்குவித்தவர்களுக்கு என் நன்றிகள். சிலர் நல்ல யோசனைகளையும் தெரிவித்திருந்தனர்.

இந்த தொகுப்பின் நோக்கம் நான் பதிவு செய்த மிகச்சிறந்த இணையதளங்கள்,இணைய போக்குகள் ,இணைய நிகழ்வுகள் மற்றும் இணைய மனிதர்களை தொகுத்து ஒரு சேர படிக்கும் வாய்ப்பை ஏற்படுத்தி தர வேண்டும் என்பதே. இந்த பதிவுகள் ஒரு விதத்தில் இணையத்தை பயன்படுத்தும் வழிகாட்டியாக விளங்கலாம்.அதாவது ,இணையம் எப்படி எல்லாம் பயன்படுத்தப்பட்டு வருகிறது என சுட்டிக்காட்டும் பதிவுகள் வாயிலாக அறியலாம் என்பது என் நம்பிக்கை.

மேலும் துவக்கத்தில் இருந்தே எப்போதும் படிக்க கூடிய விஷ‌யங்களையே தேடி பதிவிட்டிருக்கிறேன். இதன் காரணமகாவே பெரும்பாலும் இணைய செய்திகளை தவிர்த்து வந்திருக்கிறேன்.எனவே இந்த தொகுப்பு இப்போதும் பொருந்தக்கூடிய பதிவுகளை கொன்டிருக்கும் என நம்புகிறேன்.

அது மட்டும்  அல்லாமல் ஏற்கன்வே எழுதப்பட்டவற்றின் வெறும் தொகுப்பாக இல்லாமல், அவற்றை உரிய முறையில் அப்டேட் செய்து, கூடுதல் தகவலகளோடு சேர்க்க திட்டமிட்டுள்ளேன். அதிலும் குறிப்பாக என சிறந்த நண்பரும் பத்திரிகையாளருமான ஒருவரால் எடிட் செய்யப்பட்டு இது உருவாக உள்ளது.

பதிவுகளை தேர்வு செய்யும் பணியை துவக்கியுள்ளேன். நீங்களும் உதவலாம்.இயன்றால், தளத்தில் பின்னோக்கி சென்று உங்களை கவர்ந்த பதிவுகளை சுட்டிக்காட்டுங்கள்.

உங்கள் ஆதரவுடனும் ,ஆலோசனை பங்களிப்போடும் இந்த புத்தகம உருவாகிறது.

மிக்க நன்றி.

அன்புடன் சிம்மன்