நீங்கள் இந்தத் தளத்தில் என்ன படிக்க விரும்புகிறீர்கள்? இது தான் என மந்தி இபோதுள்ள கேள்வி.காரணம், உங்கள் விருப்பங்களை, தேவைகளை அறிந்து அதற்கேற்ற பதிவுகளை எழுத நினைக்கிறேன்.அவை மேலும் பயனுள்ளதாக இருக்கும் .

தினமும் இணையத்திலிருந்து கை கொள்ளாத விஷயங்கள் கிடைத்தபடியே இருக்கின்றன. இந்தத் தகவல் கடலிலிருந்து என் சொந்த ஆர்வத்தில் தேடித் தேடி எழுதியதை படித்து வந்தீர்கள் . அதற்கு நீங்கள் காட்டிய ஆர்வத்துக்கும் ஆதரவுக்கும் நன்றி.

இருந்தாலும் என் ஒருவனது தேர்வைத் தாண்டி உங்கள் தேவைக்காக எழுதுவதே சரி. நான் தொடாத விஷயங்கள் நிறைய. நான் தவிர்த்த விஷயங்களும் ஏராளம்.

இதைப் பற்றியும் நான் எழுதினால் உதவியாக இருக்கும் என்று நீங்கள் எதிர்பார்க்கும் தலைப்புகள் அல்லது விஷ‌யங்கள் இருக்கிறதா? அவற்றை தெரிவிக்கவும். அவை தொடர்பான தகவலகளை திரட்டி உங்களுக்கான பதிவாக எழுதுகிறேன்.

இணையம் மற்றும் தொழில்நுட்பம் சார்ந்து உங்கள் மனதுக்குள் இருக்கும் கேள்விகள் மற்றும் எதிர்பார்ப்புகளை தெரிவியுங்கள். அவை இந்த வலைப்பதிவை உங்களுக்கே உங்களுக்கானதாக ஆக்கும்.

இணையம், தொழில்நுட்பம் மீது எனக்குள்ள ஆர்வமும், பத்திரிகையாளனாக, வலைப் பதிவராக எனக்குள்ள அனுபவமும் எந்த தலைப்பைப் பற்றியும் தகவல்கள் தேடி, அலசி சுவாரஸ்யமாக எழுத உதவும்.

இணையம் மற்றும் தொழில்நுட்பம், வேண்டுமானால் அறிவியலையும் சேர்த்து கொள்ளுங்கள். விண்டோஸ் இயங்கு தளத்தில் கோப்புகளை நிறுவவது எப்படி என்றோ அல்லது எக்செல் கோப்புகளில் புதிய அட்டவணையை சேர்ப்பது எப்படி போன்ற செய்லவிளக்க கேள்விகளுக்கு பதில் சொல்ல என்னால் முடியும் என நினைக்கவில்லை. ஆனால் இத்தகைய கேள்விகளையும் எழுப்புங்கள். இதற்கு பதில் அளிக்க கூடிய பதிவர்களை விருந்தினராக அழைத்து எழுத சொல்கிறேன்.

இது உங்கள் வலைப்பதிவு. இந்த வலைப்பதிவு மேலும் பயனுள்ளதாக இருக்க வேண்டும் என்பதே என் விருப்பம்.

அன்புடன் சிம்மன்.