இலக்கிய திருட்டு போல பதிவுகள் திருட்டும் சகஜமானது தான்.ஆனால் அதனை நேரில் அனுபவிக்கும் போது வேதனையாகவும் கலக்கமாகவும் இருக்கிற‌து.

ஐபோனில் மோனோலிஸா என்னும் பெயரில் நான் எழுதிய பதிவு வேறொரு பதிவரின் வலைப்பதிவில் அவரது பதிவு போல இடம்பெற்றிருப்பது கண்டு திடுக்கிட்டுப்போனேன்.’அறிய உலகம்'( http://ariyaulagam.blogspot.)என்னும் பெயரிலான அந்த வலைப்பதிவிற்கு சென்று பார்த்த போது என்னுடைய மேலும் பல பதிவுகள் அதில் இடம்பெற்றிருப்பது கண்டு மேலும் திடுக்கிட்டுப்போனேன்.

இதில் என்ன வேடிக்கை என்றால் விகடன் மின்னிதழில் நான் எழுதிய கட்டுரையின் பதிவில்,விகடனுக்கு நன்றி தெரிவித்திருப்பேன்,அதை மட்டும் நீக்கிவிட்டு அந்த பதிவு இடம் பெற்றுள்ளது. இப்படியாக மூளையை வளர்க்கும் இணைய தேடல் , டிவிட்டரில் இணைய தந்தை
,பாத‌ங்க‌ளுக்காக‌ ஒரு இணைய‌த‌ள‌‌ம் ,வைரஸ் நீக்க மென்பொருளில் ஒரு தமிழரின் சாதனை ,கணவில் வரும் மர்ம மனிதனும்,ஒரு இணையதளமும் ,உள்ளிட்ட பல பதிவுகள் எந்த மாற்றமும் இல்லாமல் அந்த வலப்ப‌பதிவில் இட‌ம் பெற்றுள்ள‌ன‌.

இந்த‌ ப‌திவு திருட்டு உண்மையிலேயே வ‌ருத்த‌ம‌ளிக்கிற‌து.இது நேர்மைய‌ற்ற செய‌ல் என்ப‌து ஒருபுற‌ம் இருக்க‌ ,இந்த‌ ப‌திவுக‌ளை முத‌லில் ப‌டித்துவிட்டு என் வலைப்பதிவுக்கு வ‌ருப‌வ‌ர்க‌ள் என்ன‌ நினைப்பார்க‌ள்?

இண்டெர்நெட் சார்ந்த‌ ப‌ய‌னுள்ள‌ த‌க‌வ‌ல்க‌ளை ப‌கிர்ந்து கொள்ள‌ வேண்டும் என்ற‌ விருப்ப‌த்தில் ப‌ணிச்சுமைக்கு இடையே ப‌திவிட்டு வ‌ருகிறேன்.இந்த‌ ப‌திவுக‌ள் வேறொருவ‌ரின் உழைப்பு போல் திருட‌ப்ப‌டுவ‌து அய‌ர்ச்சியை த‌ருகிற‌து.

என‌வே ச‌ம‌ப‌ந்த‌ப‌ட்ட‌ அந்த‌ ப‌திவ‌ர் இந்த‌ செய‌லை கைவிடுமாறு கேட்டுக்கொள்கிறேன்.

என் ப‌திவுக‌ளை எடுத்தாளும் ப‌ட‌ச‌த்தில் அது என் ப‌திவில் இருந்து எடுக்கபப்ப‌ட்ட‌து என‌ குறிப்பிட‌ப்ப‌டும் நேர்மையை ம‌ட்டுமே நான் எதிர்பார்க்கிறேன்.பல பதிவர்கள் இதனை செய்துள்ள‌னர்.

நாம் பார்த்த‌ ந‌ல்ல‌ ப‌திவுக‌ளை அத‌ன் ப‌திவாளரை குறிப்பிட்டு மிண்டும் ப‌திவிடுவ‌து அத‌னை ப‌கிர்ந்து கொள்ளும் நோக்க‌த்தோடு செய்ய‌ப்ப‌டுவ‌து. வ‌லைப்ப‌திவுல‌கில் இது ப‌ர‌வ‌லாக‌ உள்ளது. திருட்டை கைவிட்டு இப்ப‌டி செய்ய‌லாமே.இது எல்லோருக்குமே ந‌ல‌ன் ப‌ய‌க்கும்.

அன்புட‌ன் சிம்ம‌ன்.