Tag Archives: animation

எளிமையான இணைய குறிப்பேடு

இப்போதெல்லாம் குறிப்பெடுக்கும் வசதி ஸ்மார்ட்போனிலேயே இருக்கிறது. இதற்கென தனியே செயலிகளும் கூட உள்ளன. இருப்பினும், இணையத்தில் குறிப்பெடுக்க உதவும் நோட்பின் தளத்தை அதன் படு எளிமையான தன்மைக்காக முயன்று பார்க்கலாம்.

நோட்பின் தளத்தை பயன்படுத்து குறிப்புகளை எழுத, சேமிக்க, அதில் உறுப்பினராக பதிவு செய்ய வேண்டும் என்ற அவசியம் கூட இல்லை. தளத்தில் நுழைந்ததுமே, உங்களுக்கான குறிப்பேட்டை உருவாக்கி கொள்ளலாம். இதற்கு முகப்பு பக்கத்தில் மனதி உள்ள எண்ணங்களை டைப் செய்தாலே போதுமானது.

முதலில் குறிப்பேட்டிற்கான ஒரு இணைய முகவரி உருவாக்கி தரப்படும். அதை கொண்டு, புதிய குறிப்பேட்டை உருவாக்கி கொள்ளலாம். மீண்டும் தேவை எனில் அதே முகவரியை டைப் செய்து குறிப்புகளை அணுகலாம். பழைய குறிப்புகளில் திருத்தங்கள் செய்யலாம். புதிய குறிப்புகளை சேமிக்கலாம்.

குறிப்புகளுக்கு தலைப்பிடலாம். பழைய குறிப்புகளை தேடிப்பார்க்கலாம். இவற்றுடன் ஒலிக்குறிப்புகளை இணைக்கலாம். எளிமையான சேவைக்குள் இப்படி பல வசதிகள் இருக்கின்றன.

இணைய முகவரி: https://notepin.co/

 

—\

செயலி புதிது; பேசும் ஜிப்களை உருவாக்கும் செயலி

ஜிப் எனப்படும் புதுமையான அனிமேஷன் வகை படங்களை உருவாக்க வழி செய்யும் ஜிப்பி இணையதளம் ஜிப்பிசேஸ் எனும் காமிரா செயலியை ஐபோன்களுக்காக அறிமுகம் செய்துள்ளது.

இந்த செயலி மூலம் பயனாளிகள் ஜிப் படங்களில் வார்த்தைகளை இடம்பெற வைக்கலாம் அல்லது வீடியோ படங்களில் சப் டைட்டில்களை சேர்க்கலாம்.

இந்த செயலி மூலம் பயனாளிகள் வீடியோ கோப்பை உருவாக்கினால் போதும், அதன் ஒலி குறிப்புகளை வார்த்தைகளாக மாற்றி ஜிப்பாக உருவாக்கி தருகிறது. வார்த்தைகளின் வடிவத்தை விருப்பம் போல் மாற்றிக்கொள்ளும் வசதியும் இருக்கிறது.

இந்த ஜிப் படங்களை சமூக ஊடகங்கள் வாயிலாகவும் பகிர்ந்து கொள்ளலாம். சுவார்ஸயத்தை அளிக்கும் இந்த செயலியின் ஆண்ட்ராய்டு வடிவம் எப்போது அறிமுகம் ஆகும் என குறிப்பிடப்படவில்லை.

மேலும் தகவல்களுக்கு: goo.gl/0N5Pde

fb-gif

பேஸ்புக்கில் ஜிப்களை பகிரலாம்!

முன்னணி சமூக வலைப்பின்னல் சேவையான பேஸ்புக் இணைய உலகில் பிரபலமாக இருக்கும் அசையும் சித்திரங்களான ஜிப்களை பகிர்ந்து கொள்ளும் வசதியை அறிமுகம் செய்திருக்கிறது. இதன் மூலம் பேஸ்புக் பயனாளிகள் தங்களை டைம்லைனில் ஜிப்களை பகிர்ந்து கொள்ளலாம்.

இணைய உலகில் வீடியோ பகிர்வு பிரபலமாக இருப்பது போலவே உருவ எழுத்துக்களான இமோஜி மற்றும் அசையும் சித்திரங்களான ஜிப்கள் பிரபலமாக இருக்கின்றன. ஒரு புகைப்படத்தில் பின்னணி நிலையாக இருக்க அதன் குறிப்பிட்ட பகுதி மற்றும் அசையும் வகையில் அனிமேஷனாக இருப்பது ஜிப் சித்திரங்களாக குறிப்பிடப்படுகின்றன.

ஜிப்கள் சுவாரஸ்யமானவையாகவும் அதே நேரத்தில் எரிச்சல் ஊட்டக்கூடியவையாகவும் கருதப்படுகின்றன. இணையத்தில் வைரலாக பரவி கவனத்தை ஈர்க்கும் ஆற்றலும் இவற்றுக்கு இருக்கின்றன.
ஜிப்கள் வேகமாக பிரபலமாக வரும் நிலையில் ஜிப்களை உருவாக்க புதிய வழிகளும் அறிமுகமாகி வருகின்றன. ஜிப்களுக்கு என்றே பிரத்யேக தேடியந்திரமாக ஜிப்பி ( ) இருக்கிறது. யூடியூப் வீடியோக்களில் இருந்து ஜிப்களை உருவாக்கும் வசதியும் கூட அறிமுகமானது. சமீபத்தில் ஜிமெயிலில் ஜிப்களை இணைக்கும் வசதியும் அறிமுகமானது.

எனினும் பேஸ்புக்கில் ஜிப்களை பகிரும் வசதி இல்லாமல் இருந்தது. காரணம் பேஸ்புக் நேரடியாக ஜிப்களை பகிர அனுமதி அளிக்கவில்லை. எனினும் ஜிப்பி போன்ற சேவையை பயன்படுத்தி தான் இதனை மறைமுகமாக செய்ய வேண்டியிருந்தது.

ஜிப்களை அனுமதித்தால் பேஸ்புக் பக்கத்தில் இவை அதிகம் தோன்றி கவனத்தை சிதறடிக்கலாம் என பேஸ்புக் கருதி வந்தது. ஆனால் இந்த நிலையை மாற்றிக்கொண்டு தற்போது ஜிப்களை பகிரும் வசதியை அறிமுகம் செய்துள்ளது. ஜிப்பி போன்ற தளங்களில் உள்ள ஜிப்களின் இணைப்பு பேஸ்புக்கில் இணைப்பாக பகிரலாம்.
படிபடியாக அறிமுகம் செய்யப்படும் இந்த வசதி விரைவில் அனைத்து பயனாளிகளுக்கும் விரிவுபடுத்தப்படும் என்று எதிர்பார்க்கப்படுகிறது.

——-