Tag Archives: books

சிறந்த புத்தக பட்டியல் இணையதளம்

41ZsxDqUW1L._SL160_சிறந்த புத்தகங்களின் பட்டியல் எப்போதுமே சர்ச்சைக்கும், விவாதத்திற்கும் உரியவையாக இருந்தாலும், படிக்க வேண்டிய புத்தகங்களை அறிமுகம் செய்வது கொள்ள இத்தகைய பட்டியல்கள் சிறந்த வழி என்பதை மறுப்பதற்கில்லை. விடுபடல்கள் மற்றும் அளவுகோள் தொடர்பான கேள்விகளை மீறி, சிறந்த புத்தகங்களின் பட்டியல் கவனிக்க வேண்டிய நூல்களை முன்னிறுத்த தவறுவதில்லை. இத்தகைய பட்டியல்களின் அடிப்படையில் உலகின் சிறந்த புத்தகங்களின் பட்டியலை தொகுத்தளித்து வாசகர்களுக்கு வழிகாட்டுகிறது தி கிரேட்டஸ்ட் புக்ஸ்.ஆர்க் இணையதளம்.

இந்த தளத்தில் பிரதானமாக, உலகின் சிறந்த நாவல்களின் பட்டியல் முகப்பு பக்கத்தில் இடம்பெற்றுள்ளது. பல்வேறு கால கட்டங்களுக்கு ஏற்ப இந்த பட்டியலை மாற்றி அமைத்துக்கொள்ளலாம். இதே போல புனைகதை வரிசையில் சிறந்த புத்தகங்களின் பட்டியலும் தனியே இடம்பெற்றுள்ளது.

சிறந்த நூல்களுக்கான நூற்றுக்கும் மேற்பட்ட பட்டியல்களை ஒருங்கிணைத்து அவற்றில் இடம்பெற்றுள்ள பரிந்துரை மற்றும் புத்தகங்களின் அடிப்படையில் இந்த பட்டியல் மென்பொருள் உதவியுடன் உருவாக்கப்பட்டுள்ளதாக தெரிவிக்கப்பட்டுள்ளது. இந்த மூல பட்டியல்களும் தனியே தொகுத்து அளிக்கப்பட்டுளது.

இவைத்தவிர பலவிதமான புத்தகங்களின் பட்டியலும் இடம்பெற்றுள்ளன. 2014 க்கு பிறகு இந்த தளம் புதுப்பிக்கப்பட்டதாக தெரியவில்லை என்றாலும், இதில் உள்ள புத்தக பட்டியல்கள் வாசகர்களுக்கு வழிகாட்டும் வகையில் அமைந்துள்ளன.

நிச்சயமாக புத்தக புழுக்களுக்கு சுவாரஸ்யம் அளிக்க கூடிய இணையதளம். தீவிர வாசிப்பு பழக்கம் கொண்டவர்கள் தாங்கள் தவறிவிட்ட பொக்கிஷங்களை இதன் மூலம் அறியலாம். புதிய வாசகர்கள் அடுத்து படிக்க வேண்டிய முக்கியமான புத்தகங்களை அடையாளம் காணலாம்.

இணையதள முகவரி: http://thegreatestbooks.org/

—–]

 

 

செயலி புதிது: சவால் விடும் மொபைல் விளையாட்டு

பிளாப்பி பேர்ட் மொபைல் விளையாட்டை நினைவு இருக்கிறதா? எளிதாக இருந்தாலும், ஒரு போதும் வெற்றி கொள்ள முடியாத அளவு சிக்கலானதாகவு8ம் இருந்து கடுப்பேற்றி ஸ்மார்ட்போன் பிரியர்களை பித்து பிடிக்க வைத்த இந்த விளையாட்டை உருவாக்கிய வியட்னாம் வடிவமைப்பாளர் புதிதாக நிஞ்சா ஸ்பிங்கி எனும் புதிய மொபைல் விளையாட்டை அறிமுகம் செய்துள்ளார். இந்த விளையாட்டும் பிளாப்பி பேர்ட் போலவே எளிதாக இருந்தாலும் சவால் விடக்கூடியதாக இருக்கிறது.

30 கட்டங்களை கொண்டதாக இருக்கும் இந்த விளையாட்டில், நிஞ்சா எனும் சிறுமியை ஒவ்வொரு கட்டமாக முன்னேற்றி கொண்டு செல்ல வேண்டும். முதல் கட்டத்தில் சிறுமி பெரிய பூனைகளால் அடிபடாமல் காத்து அழைத்துச்செல்ல வேண்டும். அடுத்த கட்டத்தில் சதுர தடைகளை அழித்து அவரை அழைத்துச்செல்ல வேண்டும்.

ஆண்ட்ராய்டு மற்றும் ஐபோன்களுக்கு அறிமுகமாகி இருக்கிறது இந்த விளையாட்டு.

மேலும் விவரங்களுக்கு: http://www.obokaidem.com/

0–

நன்றி; தமிழ் இந்துவில் எழுதியது.

இன்ஸ்டாகிராமில் புத்தக விமர்சனம்

slide_356238_3918995_free
புகைப்பட பகிர்வு சேவையான இன்ஸ்டாகிராமை பலவிதங்களில் பயன்படுத்தலாம். பலர் முற்றிலும் புதுமையான யோசனைகள் மூலம் இன்ஸ்டாகிராம் பயன்பாட்டை விரிவுபடுத்தியிருக்கின்றனர். இப்போது அமெரிக்க வலைப்பதிவாளர் ஒருவர் இன்ஸ்டாகிராம் பயன்பாட்டை புதிய உச்சத்திற்கு கொண்டு சென்றுள்ளார்.
யூலி பெய்ட்டர் கோஹன் எனும் அந்த வலைப்பதிவாளர் இன்ஸ்டாகிராம் மூலம் புத்தக விமரன்ங்களை வெளியிட்டு வியப்பையும் ஏற்படுத்திருக்கிறார். நல்ல வரவேற்பையும் பெற்றிருக்கிறார்.

இன்ஸ்டாகிராமில் புகைப்படங்களை தானே வெளியிட முடியும், புத்தக விமரசனங்களை வெளியிடுவது எப்படி சாத்தியம் என சந்தேகிக்கலாம். இன்ஸ்டாகிராம் தரும் சாத்தியத்தை யூலி கோஹன் அழகாக பயன்படுத்திக்கொண்டு இதை சாத்தியமாக்கி இருக்கிறார். அதாவது மனிதர்களையும், அவர்கள் வாசிக்கும் புத்தகங்களையும் இணைத்திருக்கிறார்.

புத்தக பிரியர்களை தேடிப்பிடித்து அவர்கள் வாசித்துக்கொண்டிருக்கும் புத்தகத்துடன் கிளிக் செய்து அந்த படங்க்ளை தனது இன்ஸ்டாகிராம் பக்கத்தில் வெளியிட்டு வருகிறார். புகைப்பட குறிப்புடன், வாசக்ர்கள் புத்தகம் பற்றி தெரிவிக்கும் கருத்தை விமர்சனமாக இடம்பெறச்செய்து வருகிறார்.
பலதரப்பட்ட வாசர்கள் இப்படி தாங்கள் படித்துக்கொண்டிருக்கும் புத்தகம் பற்றி தெரிவிக்கும் கருத்துக்களை படிப்பது சுவாரஸ்யமாக இருக்கிறது. புதிய புத்தகங்களை அறிமுகம் செய்து கொள்வதற்கான நல்ல வழியாகவும் இருக்கிறது.

இந்த முயற்சியில் கூடுதல் சுவாரஸ்யம் என்ன என்றால், இந்த வாசகர்கள் எல்லாமே நியூயார்க் நகரின் மெட்ரோ ( சப்வே) பயனாளிகள் என்பது தான். ஆம், நகரின் மெட்ரோ ரெயில் பயணத்தின் போது புத்தகம் வாசிப்பவர்களை பேட்டி கண்டு யூலி கோஹன் வெளியிட்டு வருகிறார்.

சமீபத்தில் தான் நியூயார்க் நகருக்கு குடிபெயர்ந்த யூலி கோஹன் , மெட்ரோ ரெயில் பயணத்தில் பலரும் புத்தகம் படிப்பதை பார்த்திருக்கிறார். அடிக்கடி இந்த காட்சியை எதிர்கொண்டவர் எது அவர்களை இப்படி வாசிக்க தூண்டுகிறது என அறிந்து கொள்வதற்காக புத்தக வாசிப்பு பயணிகள் சிலரிடம் பேசிப்பார்த்துள்ளார்.
அவர்கள் தெரிவித்த கருத்துக்கள் சுவாரஸ்யமாக இருந்ததுடன் , பயணிகள் வாசிக்கும் புத்தகங்கள் பெரும்பாலும் நடப்பு நிகழ்வுகள் சார்ந்த்தாக அல்லது வாசகரின் தனிப்பட்ட அனுபவம் சார்ந்த்தாக இருப்பதை தெரிந்து கொண்டார். இந்த கதைகள் மிகவும் சுவாரஸ்யமாக இருக்கவே இவற்றை பகிர்ந்து கொள்ள தீர்மானித்தார்.
இதற்காக இன்ஸ்டாகிராமில் சப்வே புக்ரிவ்யூ எனும் பக்கத்தை துவக்கினார் இந்த பக்கத்தில் பயணிகளை அவர்கள் வாசிக்கும் புத்தகத்துடன் புகைப்படம் எடுத்து, அந்த படங்களை அவர்களின் புத்தக கருத்துக்களுடன் பகிர்ந்து கொள்ளத்துவங்கினார். புத்தகம் பற்றிய சுருக்கம் மற்றும் அதை அவர்கள் ஏன் வாசிக்கின்றனர் என்ற விவரம் விமர்சனமாக இடபெறுகின்றன.
slide_356238_3919000_free
வழக்கமான புத்தக விமர்சனத்தில் இருந்து மிகவும் மாறுபட்டு, தனிப்பட்ட தன்மையுடன் துடிப்பாக இருந்த இந்த விமர்சனங்கள் புத்தக வாசிப்பு பற்றிய புதிய பார்வையைடும் கொடுத்தன.இதன் காரணமாகவே வாசகர்களை இந்த பக்கம் வெகுவாக கவர்ந்திருக்கிறது. இன்ஸ்டாகிராமின் ஆதார அம்சமான புகைப்பட பகிர்வுடன் வாசிப்பு அனுபவமும் கைகோர்த்திருப்பது இணையவாசிகளை கவர்ந்திழுத்து வருகிறது. இன்ஸ்டாகிராமில் இந்த பக்கத்திற்கு 33 ஆயிரத்திற்கும் மேற்பட்ட பின் தொடர்பாளர்கள் கிடைத்துள்ளனர்.

இன்ஸ்டாகிராம் பக்கம் தவிர சப்வே புக்ரீவ்யூவிற்காக தனியே இணைய தளமும் (http://www.subwaybookreview.com/)இவர் அமைத்திருக்கிறார்.
மக்களுடன் தொடர்பு கொண்டு அவர்களின் கதைகளை பகிர்ந்து கொள்வதே தனது நோக்கம் என்று கூறும் யூலி கோஹன் இந்த முயற்சியும் அதை பிரதிபலிப்பதாக உற்சாகமாக சொல்கிறார். இந்த கதைகள் நாம் தனியே இருக்கவில்லை என்பதையும் உலகுடன் ஏதோ ஒருவகையில் பின்னி பினைந்திருக்கிறோம் என்பதையும் உணர்த்துவதாக அவர் சொல்கிறார். தனது இணையதளத்தில் எழுத்தாளர்களின் நேர்க்காணல்களையும் அவ்வப்போது வெளியிட்டு வருகிறார்.

புத்தக விமர்சன இன்ஸ்டாகிராம் பக்கம்: https://instagram.com/subwaybookreview/

——
ufr.ee
தளம் புதிது; இ(எ)ன்று சந்திப்போம்

நண்பர்களுடன் சேர்ந்து ஒன்றாக பொழுதை கழிப்பது மகிழ்ச்சியானது. இதற்கான திட்டமிடலை எளிதாக்கும் வகையில் யூப்.ரீ இணையதளம் அமைந்துள்ளது. இந்த சேவை இலவசமானது என்பது மட்டும் அல்ல, இதை பயன்படுத்த உறுப்பினராக வேண்டும் என்ற அவசியமும் இல்லை.
சந்திப்புக்கான அழைப்புகளை அனுப்ப விரும்பினால் இந்த தளத்தில் நுழைந்து , புதிய நிகழ்ச்சி பகுதியை கிளிக் செய்ய வேண்டும். அடுத்தாக தோன்றும் பக்கத்தில் மேலே உள்ள கட்ட்த்தில் நிகழ்ச்சி தலைப்பை குறிப்பிட்ட், கீழே உள்ள காலண்டரில் அதற்கான தேதியை தேர்வு செய்ய வேண்டும். அதன் பிறகு வரும் பக்கத்தில் உங்க்ளை பெயரை சேர்த்து விட்டு, இந்த பக்கத்தை அழைப்பிதழாக நண்பர்களுக்கு அனுப்பி வைக்கலாம். இதற்கான இணைய இணைப்பை மட்டும் இமெயில் மூலம் அனுப்பி வைத்தால் போதும், நண்பர்கள் அதைப்பார்த்து, குறிப்பிட்ட தினத்தில் தாங்களுக்கு ஓய்வு இருக்கிறதா என தெரிவிக்கவும், நிகழ்ச்சியில் பங்கேற்பதை உறுதி செய்யவும் முடியும்.
இணையதள முகவரி: http://ufr.ee/

prvacyhack
செயலி அறிமுகம்; ஸ்மார்ட்போன் கழுகு

ஸ்மார்ட்போன் கையில் இருந்தாலே எப்போதும் புதிய செயலிகள் மீது ஒரு கண் வைத்திருப்பது வழக்கம். ஆனால் செயலிகளை தேர்வு செய்யும் போது அவற்றின் பயன்பாட்டின் மீது தான் குறியாக இருக்கிறோமோ தவிர அந்த செயலி எந்த அளவுக்கு பாதுகாப்பானது என்பது பற்றி அதிகம் கவலைப்படுவதில்லை. அதிலும் குறிப்பாக செய்லிகள் கோரும் அனுமதிக்கு எல்லாம் பச்சைக்கொடி காட்டுவிடுகிறோம். விளைவு,இந்த செயலிகள் போன் பின்னணியில் இருந்தபடி பலவிதமான விவரங்களை சேகரித்து விளம்பர நிறுவனம் உள்ளிட்டவற்றுக்கு அனுப்பி வைக்கின்றன. இந்த நிலைக்கு மாறாக போனில் உள்ள செயலிகள் மீதெல்லாம் ஒரு கண் வைத்திருக்க விரும்பினால் அந்த பணியை பிரைவசி ஹாக் செயலி செய்கிறது.
எந்த செயலிக்கு என்ன என்ன அனுமதி அளித்தோம் என்பதை நீங்கள் மறந்துவிட்டாலும், பிரைவசி ஹாக் செயலி எல்லாவற்றையும் ஆய்வு செய்து அவற்றின் செயல்பாடு குறித்து தகவல் அளிக்கிறது. செயலிகள் என்ன வகையான விவரங்களை எல்லாம் சேகரிக்கின்றன என்பதன் அடிப்படையில் அவற்றின் பாதுகாப்பு தன்மை குறித்தும் எச்சரிக்கிறது. புதிய செயலியை டவுண்லோடு செய்வதற்கு முன்னதாகவும் இந்த செயலி மூலம் ஸ்கேன் செய்து பார்க்கலாம்.
ஆண்ட்ராய்டில் தரவிறக்கம் செய்ய: https://play.google.com/store/apps/details?id=com.marblesecurity.labs.android

டிராப்பாக்ஸ் பாதுகாப்பு!

கோப்புகளை சேமிக்கவும் பகிரவும் நீங்கள் டிராப் பாக்ஸ் சேவையை பயன்படுத்துபவராக இருந்தால் இதில் கூடுதல் பாதுகாப்பிற்காக இரண்டு அடுக்கு பரிசோதனை முறை வசதியை நாடலாம். இந்த முறையில் நீங்கள் எப்போது புதிய சாதனம் அல்லது கம்ப்யூட்டரில் இருந்து டிராப்பாக்ஸ் கணக்கை அணுக முயன்றாலும் உங்கள் செல்போனுக்கு ரகசிய குறியீடு அனுப்பி வைக்கப்படும். அதை சமர்பித்தால் மட்டுமே டிராப்பாக்ஸ் கணக்கில் நுழைய முடியும். தாக்காளர்களின் கைவரிசைக்கு இலக்காகும் அபாயத்தை இந்த இரண்டு அடுக்கு பாதுகாப்பு குறைக்கும் என கருதப்படுகிறது.

இமெயில் பற்றிய இனிய செய்தி

இமெயில் என்றவுடன் அவற்றின் மூலம் வந்து சேரும் குப்பை ( ஸ்மேம்) மெயில்களும் சேர்த்தே நினைவுக்கு வரும்.தகவல் தொடர்புக்கு அருமையான வழியாக விளங்கும் இமெயிலுக்கு களங்கமாக அமைந்திருக்கும் குப்பை மெயில்களின் வரத்து இப்போது குறைந்திருக்கிறது. சைபர் பாதுகாப்பு நிறுவனமான சைமண்டெக் வெளியிட்டுள்ள தகவலின் படி ஜூன் மாதம் இணையத்தில் பரிமாறிக்கொள்ளப்பட்ட மெயில்களில் குப்பை மெயில்களின் எண்ணிக்கை 50 சதவீதத்திற்கும் குறைவாக இருக்கிறது. கடந்த 12 ஆண்டுகளில் முதல் முறையாக இப்படி குப்பை மெயில்களின் எண்ணிக்கை நல்ல மெயில்களின் எண்ணிக்கையை விட குறைந்திருப்பதாக அந்நிறுவனம் தெரிவிக்கிறது. இணைய பயன்பாட்டில் இது நிச்சயம் நல்லதொரு மைல்கல் தான். குப்பை மெயில்களுக்கு எதிரான பாதுகாப்பு மற்றும் சட்ட நடவடிக்கை உள்ளிடவை இதற்கு காரணம் என தெரிவிக்கப்பட்டுள்ளது. இதே நிலை தொடர்ந்து குப்பை மெயில்களே இல்லாத நிலை வரட்டும்!

———

635525766273520397-Madison

இணையத்தை கலக்கும் 8 வயது சிறுமியின் உரை

635525766273520397-Madisonடிஜிட்டல் யுகத்தில் புத்தகம் படிக்கும் பழக்கம் குறைந்துவிட்டதாக கவலை பரவலாக இருக்கிறது. அதிலும் ஸ்மார்ட் போன் திரைகளை பார்த்தபடி வளரும் வருங்கால தலைமுறைக்கு புத்தகம் படிக்கும் ஆர்வம் அரிதாகிப்போகுமோ என்ற அச்சம் வாட்டும் நிலையில், எட்டு வயது சிறுமி ஒருவர் புத்தகம் படிப்பதன் அவசியம் பற்றி அருமையாக எடுத்துரைத்து அனைவரது கவனத்தையும் ஈர்த்திருக்கிறார். புத்தக வாசிப்பு பற்றிய அந்த சிறுமியின் வீடியோ உரை இணையத்தை கலக்கி கொண்டிருக்கிறது.

அமெரிக்காவின் கிலிவ்லாண்ட் பகுதியை சேர்ந்த மேடிசன் ரீட் எனும் சிறுமி தான் இப்படி வியக்க வைத்திருப்பவர். இலவச நூலகம் ஒன்றின் துவக்க விழாவில் தான் மேடிசன் புத்தக வாசிப்பின் அருமை பற்றி பேசி கைத்தட்டல் வாங்கியிருக்கிறார்.

அமெரிக்காவில் சிறுவர்கள் மத்தியில் புத்தகம் படிக்கும் வழக்கத்தை ஊக்குவிக்கும் வகையில் லிட்டில் பிரி லைப்ரரி எனும் திட்டம் செயல்படுத்தப்பட்டு வருகிறது. இதன் கீழ் கிலிவ்லண்டின் பேர்பாக்ஸ் பகுதியில் நடைபெற்ற புதிய நூலக துவக்க விழாவிற்கு சிறுமி மேடிசன் தனது அம்மாவுடன் சென்றிருந்தார். அவரது அம்மா டிரேசி ரீட் திட்டத்தின் பொறுப்பாளர்களில் ஒருவராக இருப்பவர்.

அப்போது, WKYC 3 தொலைக்காட்சி சேனல் சார்பில் சிறுமி மேடிசன் ரீடிடம் புத்தகங்கள் பற்றி கேட்கப்பட்டது. இந்த கேள்விகளுக்கு பதில் அளிக்கும் வகையில் சிறுமி, உலகிற்கு புத்தகங்கள் ஏன் தேவை என்று உற்சாகமாக பேசத்துவங்கினார். ஒவ்வொரு கேள்விகளுக்கும் சிறுமி எந்த தயக்கமும் இல்லாமல் பேசத்துவங்கி, மெல்ல புத்தகங்களின் அருமை பற்றியும் புத்தகங்களை படிக்க வேண்டிய அவசியம் பற்றியும் விவரிக்கதுவங்கியதும் கூடியிருந்தவர்கள் வியந்து போய் தங்களை அறியாமல் கைத்தட்ட துவங்கினர். சிறுமி பேசி முடித்த போது கரவொலி இன்னும் பலமாக எழுந்தன.

பார்வையாளர்கள் அனைவரும் சிறுமியை பாராட்டிய நிலையில் அங்கிருந்த வீடியோகிராபர் ஜெப் ரெய்டல் மேடிசன் பேச்சை வீடியோவாக பதிவு செய்திருந்தார். இந்த வீடியோ லிட்டில்லைப்ரரி பேஸ்புக் பக்கத்தில் பதிவேற்றப்பட்டது. வீடியோவை பார்த்த பலரும் சிறுமியின் கருத்தால் கவரப்பட்டு அதை பகிர்ந்து கொள்ள வீடியோ பல்லாயிரக்கணக்கானோரால் பார்க்கப்பட்டு இணையத்தில் பிரபலமாகியுள்ளது.
இந்த பேட்டியின் போது மேடிசன் அப்படி என்ன தான் சொல்லியிருந்தார் என்று பார்க்கலாமா? உலகிற்கு புத்தகம் தேவை, புத்தகஙக்ள் இல்லாமல் உலகம் எப்படி இருக்கும். கார்களுக்கு பெட்ரோல் போல் அவை தான் நமது மூளையை இயக்கும் எரிபொருளாக இருக்கின்றன. கார்கள் பெட்ரோல் இல்லாமல் இயங்க முடியாது என்பது போல நமது முளையும் புத்தகங்கள் இல்லாமல் இயங்க முடியாது. எனவே உலகிற்கு புத்தகங்கள் தேவை” என்று ஒரு கேள்விக்கு பதில் அளித்துள்ளார்.

ஒரு புத்தகம் தொலைந்தால் கூட எனது இதயம் நொருங்கிப்போகும், என்றும் கூறியுள்ள மேடிசன், புத்தகங்கள் இல்லாமல் உலகம் வெறுமையாக இருக்கும். தண்ணீர் இல்லாத பக்கெட் போல, ஞானம் இல்லாத மூளை போல” என்றும் குறிப்பிட்டுள்ளார்.
தன்னிடம் புத்தக கடை இருந்தால் உலகில் உள்ள எல்லோருக்கும் 2 புத்தகங்களை கொடுப்பேன் என்றும் உற்சாகமாக கூறியுள்ளார்.
புத்தகங்கள் தான் எல்லாவற்றையும் திறந்துவிட்டன, வண்ணங்கள் உண்டாயின, கண்டுபிடிப்புகள் நிகழ்ந்தன, என்றும் அவர் கூறியுள்ளார்.

அதனால் தான் இந்த பேட்டி வீடியோ பார்ப்பவர்களை கவர்ந்து புத்தகங்களின் அவசியத்தை இதைவிட அருமையாக எடுத்துரைக்க முடியாது என பாராட்ட வைத்துள்ளது.
இந்த வீடீயோ, புத்தக வாசிப்பு பற்றிய ஆர்வத்தை தூண்டும் வகையில் இருப்பதை அடுத்து லிட்டில் பிரி லைப்ரரி திட்டத்தின் தூதர்களில் ஒருவராக சிறுமி மேடிசன் நியமிக்கப்பட்டுள்ளார். இந்த திட்டத்தின் செயல் இயக்குனர் டாட் போல், தன்னைவிட சிறுமி மேடிசன் புத்தக வாசிப்பு திட்டத்துக்கான அருமையான செய்தி தொடர்பாளராக இருப்பதாக பாராட்டியுள்ளார்.

சிறுமியின் வீடியோவை பார்க்க; https://www.facebook.com/video.php?v=10152938217719274&set=vb.30116744273&type=2&theater&notif_t=like

————
netchathirangal-01
பி.கு; இது விகடன்.காமிற்காக எழுதியது. இந்த சிறுமி இணைய நட்சத்திரம் என்று வர்ணிக்கப்படுகிறாள். புத்தகம் படிக்கும் அவசியத்தை மிக அழகாக வலியுறுத்தியதன் மூலம் இணையத்தின் கவனத்தை ஈர்த்திருக்கிறார்.இப்படி இணையத்தில் சின்னதும் பெரிதுமாக அடையாளம் காணப்பட்ட நெட்சத்திரங்களில் 30 பேரின் வெற்றிக்கதைகள் தான் எனது நெட்சத்திரங்கள் தொகுப்பு.
பதிப்பாளர் காட்டிய ஆதரவு மற்றும் ஆர்வம் காரணமாக இதன் இரண்டாம் பாகம் அச்சேறும் தருவாயில் உள்ளது. புத்தக கண்காட்சிக்கு சுடச்சுட வெளியாகும்.
இணையம் புதிய நெட்சத்திரங்களை உருவாக்கி வருவதால் இவர்களை தொடர்ந்து பதிவு செய்ய இருக்கிறேன். அனவே நெட்சத்திரங்கள் தொகுப்பு தொடர் வரிசையாகலாம். இந்த காரணத்தினால் முதல் தொகுப்பு பற்றிய உங்கள் எண்ணங்களை அறிய ஆவலாக உள்ளேன். படித்து விட்டு கருத்து சொல்லுங்கள்.
கடந்த பத்தாண்டுகளுக்கும் மேலாக இணையத்தில் பல்வேறு நிலைகளில் புகழ் பெற்றவர்கள் பற்றி ஒரு சேர படிப்பது நல்ல அனுபவமாகவும், இணையத்தின் ஆற்றல் பற்றி ஊக்கம் அளிப்பதாகவும் இருக்கும் என நம்புகிறேன். நீங்களும் உடன்படுகிறீர்களா? வாசக நண்பர்களாகிய உங்கள் கருத்துக்களுக்கு காத்திருக்கிறேன்.

அன்புடன் சிம்மன்.

புத்தகம் பற்றிய விவரங்களுக்கு ;

புத்தகத்தின் விலை ரூ. 130 ( 176பக்கங்கள்).

விவரங்களுக்கு ; Vivek Enterprises,
No.2/3, 4th Street,
Gopalapuram,
Chennai – 600 086.
Ph: 044-28111506

வியப்பில் ஆழ்த்தும் திறந்தவெளி நூலகம்!


வணக்கம். அருமையான இணைய நூலகங்கள் எனும் தலைப்பின் கீழ் மாணவர்களுக்கு பயன் தரக்கூடிய இணையநூலகங்கள் பற்றிய பதிவிற்கு வாசகர்கள் மத்தியில் நல்ல வரவேற்பு கிடைத்துள்ளது. இந்த பதிவுடன் , எனது இணையத்தால் இணைவோம் புத்தகத்தில் இடம்பெற்றுள்ள உலகின் திறந்த வெளி நூலகம் பற்றி குறிப்பிட்டிருந்தேன். இதற்கும் நல்ல வரவேற்பு இருந்தது.பலரும் இந்த தளம் பற்றிய விருப்பம் தெரிவித்திருந்ததால் புத்தக்த்தில் இருந்து அந்த கட்டுரையை மட்டும் இங்கு பகிர்ந்து கொள்கிறேன். இதோ போல ஒலிப்புத்தகங்களுக்கான நூலகம் பற்றி அறிய புத்தகத்தை வாங்கி பார்த்தால் மகிழ்வேன். புத்தகம் இணையம் மூலம் கிடைக்கும் இடங்களை பதிவின் இறுதியில் குறிப்பிட்டுள்ளேன்.

1inaya

( ஒவ்வொரு புத்தகத்துக்கும் ஒரு இணைய பக்கம் அமைக்கும் பிரம்மாண்ட் நோக்கம் கொண்ட இணைய நூலகம் இந்த இணையதளம்).

புத்தகங்களுக்கான விக்கிபீடியாவாக ஒபன் லைப்ரரி இணைய நூலகம் உருவாகி கொண்டிருக்கிறது. ஓவ்வொரு புத்தகத்துக்கும் ஒரு இணைய பக்கத்தை உருவாக்கி உலகில் உள்ள எல்லா புத்தகங்கள் தொடர்பான தகவல்களையும் இணையத்தில் தர வேண்டும் என்பது தான் இந்த நூலகத்தின் இலக்கு. மிகப்பெரிய இலக்கு தான், ஆனால் முடியாதது இல்லை என்று இதை இந்த தளம் குறிப்பிடுகிறது. யோசித்து பாருங்கள் இது எத்தனை பெரிய இலக்கு என்று மலைப்பாக இருக்கும். உலகில் உள்ள எல்லா புத்தகங்கள் பற்றிய தகவல்களை திரட்டுவது என்றால் எப்படி ? எத்தனை ஆயிரம் ஆயிரம் புத்தகங்கள் பற்றிய விவரங்களை சேகரிக்க வேண்டும். உலகில் உள்ள புத்தகங்கள் என்றால் , ஒரு மொழியில் மட்டும் அல்ல; எல்லா மொழிகளிலும் தான்.: அதே போல புத்தகங்கள் மட்டும் அல்ல: கையேடுகள் ,ஆய்வுகள் என்று அச்சில் வந்த எல்லாமும் தான்.

உண்மையிலேயே மகத்தான் இலக்கு தான். இணையவாசிகள் பங்களிபோடு இந்த இலக்கை நோக்கி ஓபன் லைப்ரரி முன்னேறிக்கொண்டிருக்கிறது. ஆம் , எப்படி கட்டற்ற கலைக்களஞ்சியமான விக்கிபீடியாவில் இணையவாசிகள் தகவல்களை இடம்பெறச்செய்து திருத்தங்களை மேற்கொள்கின்றனரோ அதே போல இந்த நூலகத்தில் இணையவாசிகள் புத்தகங்கள் பற்றிய தகவல்களை சேர்க்கலாம். திருத்தலாம். இது வரை 2 கோடிக்கும் மேற்பட்ட தகவல்கள் சேர்க்கப்பட்டுள்ளன் என்றால் பார்த்து கொள்ளுங்கள்.

ஆர்வம் உள்ள இணையவாசிகள் இந்த தளத்தில் உறுப்பினர்களாக சேர்ந்து புதிய புத்தகத்தை சேர்க்கலாம். ஏற்கனவே உள்ள புத்தக தகவல்களை மேம்படுத்தலாம்.
இதில் உள்ள புத்தகங்களை எழுத்தாளர்கள் மற்றும் புத்தக வகைகளுக்கு ஏற்ப பார்க்கலாம்.

புத்தக தகவல்களை பார்ப்பதோடு அவற்றை இபுக் வடிவில் படிக்கவும் செய்யலாம். நூலகமாக இருந்து கொண்டு புத்தகங்களை படிக்க முடியவில்லை என்றால் எப்படி? நூலகம் போலவே இபுக்களை இங்கு வாடகைக்கு எடுத்து படித்ததும் திரும்பி கொடுத்து விட வேண்டும்.

தமிழ் மொழியிலும் எண்ணற்ற நூல்கள் இருக்கின்றன. தொல்காப்பியத்தில் துவங்கி, அண்ணா ,ஜெயகாந்தன் என்று முத்திரை பதித்த எழுத்தாளர்களின் புத்தகங்களை பார்க்கலாம் ,படிக்கலாம். இது தவிர பல்வேறு வகையான கையேடுகளும் கூட இடம்பெற்றுள்ளன.

இணையதளங்களின் வடிவத்தை பாதுகாத்து வரும் இண்டெர்நெட் ஆர்கேவ் அமைப்பின் சார்பில் இந்த நூலகம் ஒரு கூட்டு முயற்சியாக மேற்கொள்ளப்பட்டு வருகிறது.
இந்த தளத்தின் முகப்பு பக்கத்தில் அட்டைபடங்களுடன் பட்டியலிடப்பட்டிருக்கும் புத்தகங்களின் பட்டியலை பார்த்தாலே வாசிப்பு ஆர்வம் கொண்டவர்கள் உற்சாகம் கொள்வார்கள்.

இணையதள முகவரி: https://openlibrary.org/

————-
இணையத்தால் இணைவோம் புத்தகம் வாங்க: https://www.nhm.in/shop/100-00-0002-219-9.html

2. http://www.dialforbooks.in/reviews/innaiyaththal-innaivom.html

3. http://discoverybookpalace.com/products.php?product=%E0%AE%87%E0%AE%A3%E0%AF%88%E0%AE%AF%E0%AE%A4%E0%AF%8D%E0%AE%A4%E0%AE%BE%E0%AE%B2%E0%AF%8D-%E0%AE%87%E0%AE%A3%E0%AF%88%E0%AE%B5%E0%AF%8B%E0%AE%AE%E0%AF%8D

அருமையான இணைய நூலகங்கள் !

காமிக் புத்தகங்கள் ,கதைப்புத்தகங்கள் ,நாவல்கள் இவற்றோடு மின்னூல்கள் என்படும் இ-புக்களும் உங்களுக்கு தெரிந்திருக்கும். மின்னூல்களை இணையத்திலேயே படிக்கலாம் என்பதும் இப்போது ,மின்னூல்களை வாசிக்க என்றே இபுக் ரீடர்கள் இருப்பதையும் நீங்கள் அறிந்திருக்கலாம். இவ்வளவு ஏன் டேப்லெட் எனப்படும் பலகை கணிணிகளும் ஸ்மார்ட் போன்களிலும் கூட மின்நூல்களை சுபலமாக படிக்கலாம்.
எல்லா வகையான புத்தகங்களும் மின்னூல் வடிவில் கிடைக்கின்றன. இலவச மின்னூல்களும் அநேகம் இருக்கின்றன. மின்னூல்களுக்கு என்று பிரத்யேகமான இணையதளங்களும் கூட இருக்கின்றன.

எல்லாம் சரி, நீங்களும் கூட மின்னூல்களை படித்து மகிழலாம் தெரியுமா? இதற்காக என்றே உருவாக்கப்பட்டுள்ளது சில்ட்ரன்ஸ் லைப்ரரி இணையதளம்; http://en.childrenslibrary.org/. உலக சிறுவர்களுக்கான சர்வதேச சிறுவர் டிஜிட்டல் நூலகம் இது!

ஆனால் இது வெறும் இணையதளம் அல்ல; உங்களுக்கான இணைய நூலகம். புத்தகங்களை எடுத்து படிப்பதற்காக நூலகங்கள் இருக்கிறது அல்லவா? அதே போல இது மின்னூல்களுக்கான இணைய நூலகம். ஆனால் இங்கு நூல்களை வாடகைக்கு எடுக்க வேண்டாம். இந்த தளத்திலேயே படித்துக்கொள்ளலாம்.
சர்வதேச நூலகம் என்பதால் ஆங்கிலம் உள்ளிட்ட எல்லா மொழிகளிலும் இங்கு புத்தகங்கள் உண்டு என்றாலும் ஆங்கிலத்தில் தான் அதிகம். ஆனால் சித்திரகதைகளில் இருந்து சாகசக்கதைகள் , நாவல்கள், தேவதை கதைகள் என எல்லா வகையான புத்தகங்களையும் படிக்கலாம் என்பதால் இந்த நூலகம் உங்கள் வாசிப்பு ஆர்வத்துக்கு சரியான தீனியாக அமையும்.

சரி , இந்த தளத்தில் புத்தகங்களை படிப்பது எப்படி?

இந்த தளத்தில் நுழைந்ததுமே, உங்களுக்கான புத்தகங்கள் பரிந்துரைக்கப்பட்டிருப்பதை பார்க்கலாம். அவை பிடித்தமாக இருந்தால் தேவையானதை கிளிக் செய்து படிக்கலாம்.

இல்லை உங்களுக்கு விருப்பமான புத்தகத்தை தேட வேண்டும் என்றால் ,இந்த பரிந்துரை பகுதிக்கு மேலே ’புத்தகத்தை வாசிக்க’( ரீட் ஏ புக்) எனும் பகுதிக்குள் நுழைய வேண்டும்.”
இந்த பகுதியில் உங்களுக்கு தேவையான புத்தகத்தை தேர்வு செய்து கொள்ளலாம்.

புத்தகங்களை தேர்வு செய்ய பல வழிகள் இருக்கின்றன. இடது பக்கத்தில் பார்த்தால் வயதின் அடிப்படையில் புத்தகங்களை தேர்வு செய்வதற்கான வசதி இருக்கும். வலது பக்கத்தில் பார்த்தால் கற்பனை கதைகள், சிறுவர் பாத்திரங்கள்,சித்திரக்கதைகள், விலங்கு கதைகள் போன்ற புத்தக வகைகளில் இருந்து தேர்வு செய்து கொள்ளலாம். நடுவே பார்த்தால் புத்தகங்களை அவற்றி வண்ணங்களுக்கு ஏற்ப தேர்வு செய்து கொள்ளலாம். வானவில் புத்தகங்கள், சிவப்பு புத்தகங்கள், ஆரஞ்சு புத்தகங்கள் ,நீல புத்தகங்கள் எல பல வண்ண அட்டைகளை கொண்ட புத்தகங்களை பார்க்கலாம்.

அதற்கு கீழே பார்த்தால் அளவில் சிறிய புத்தகங்கங்கள், நடுத்தர மற்றும் பெரிய புத்தகங்களை தேர்வு செய்யலாம். சமீபத்தில் சேர்க்கபப்ட்ட புத்தகங்கள், விருது வென்ற புத்தகங்களையும் தேர்வு செய்யும் வசதி இருக்கிறது.
புத்தகத்தின் அட்டையை கிளிக் செய்ததும் அந்த புத்தகம் பற்றிய சுருக்கமான விவரங்கள் கொண்ட பக்கம் வரும் . புத்தகத்தின் வகை ,பதிப்பாளர், நூலகத்திற்கு வழங்கப்பட்ட விதம் ஆகிய விவரங்கள் இருக்கும். அருகே புத்தக அட்டை இருக்கும். அதில் கிளிக் செய்தால் புத்தகத்தை ஒவ்வொரு பக்கமாக படிக்கத்துவங்கலாம். புத்தகம் டவுண்லோடு ஆகும் வரை சின்ன புத்தக புழு ஒன்று திரையில் காத்திருப்பது சுவாரஸ்யமாக இருக்கும்.
ஒவ்வொரு பக்கமாக ஒவ்வொரு புத்தகமாக படித்துக்கொண்டே போகலாம்.

இந்த இணைய நூலகத்தில் நீங்கள் உறுப்பினராகவும் சேர்ந்து கொள்ளலாம் தெரியுமா. உறுப்பினராக சேர்வது சுலபமானது.உறுப்பினராக சேராவிட்டாலும் எல்லா புத்தகங்களையும் படிக்க்லாம். ஆனால் உறுப்பினர் என்றால் கூடுதல் வசதிகள் உண்டு. அதாவது புத்தகத்தை பாதி படித்துக்கொண்டிருக்கும் போது வெளியேற நேர்ந்தால் அடுத்த முறை உள்ளே நுழையும் போது அதே பக்கத்தில் இருந்து படிக்கத்துவங்கலாம். உங்களுக்கு என்று புத்தக அலமாரியை உண்டாக்கி அதில் பிடித்த புத்தகங்களை சேமித்து கொள்ளலாம்.

இந்த நூலகம் அமெரிக்காவின் தேசிய விஞ்ஞான பவுண்டேஷன் மற்றும் மியூசியம் மற்றும் நூலக அறிவியலுக்கான கழகம் ஆகியவற்றின் கூட்டு ஆய்வு முயற்சியாகும் .மைக்ரோசாப்ட் ஆய்வுக்கும் இதில் பங்கு இருக்கிறது. மேரிலேட் பல்கலை ஆய்வுக்குழு மற்றும் இண்டெர்நெட் ஆர்கேவ் அமைப்பு இந்த நூலகத்தை உருவாக்கி உள்ளது.

உலகம் முழுவதும் உள்ள சிறுவர்கள் தாங்கள் வாழும் உலகம் பற்றி புத்தகங்கள் மூலம் தெரிந்து கொள்ள வேண்டும் என்பதற்காக இந்த நூலகம் உருவாக்கப்பட்டுள்ளது.
என்ன இந்த நூலகத்தை குறித்து வைத்துக்கொண்டீர்களா? இனி அடுத்த இணைய நூலகத்திற்கு சென்று பார்ப்போமா?

உலக டிஜிட்டல் நூலகம் (http://www.wdl.org/en/# ) , உலகம் முழுவதும் உள்ள நாடுகளில் கலாச்சாரம் ,வரலாறு போன்ற்றை தெரிந்து கொள்ள உதவுகிறது. இதன் முகப்பு பக்கத்தில் உலக வரைபடங்களில் நாடுகளின் பகுதி குறிப்பிடபப்ட்டுள்ளன. அவற்றில் கிளிக் செய்து தொடர்புடைய தகவல்களை படிக்கத்துவங்கலாம். உதாரணமாக கிழக்கு ஆசியா அல்லது தெற்காசியா அல்லது ஆப்பிரிக்கா என் தேர்வு செய்து பார்க்கலாம். இவை தவிர ஆண்டுகளில் கால அளவிலும் தேர்வு செய்து கொள்ளலாம். சுவாரஸ்யமாக படிக்க கூடியவை இல்லை என்றாலும் பள்ளி பாட திட்ட ஆய்வுகளுக்கு தகவல் தேட உதவியாக இருக்கும் .யுனெஸ்கோ ஆதரவு பெற்ற முயற்சி என்பதால் தகவல்கள் எல்லாமே நம்பகமான இடங்களில் இருந்து எடுத்து தொகுக்கப்பட்டவை.
கிட்ஸ் ஆன்லை நெட்டில் உள்ள நூலகத்திலும் ( http://www.kids-online.net/library/) புத்தகங்களை படிக்கலாம். இதில் ஆயிரக்கணக்கில் எல்லாம் புத்தகங்கள் கிடையாது. 150 க்கும் அதிகமான புத்தகங்கள் தான் இருக்கின்றன. ஆனால் இவற்றில் சில 200 ஆண்டுகள் பழமையானவை. முகப்பு பக்கத்திலெயே நூல்களின் பட்டியல் வரிசையாக இடம் பெற்றுள்ளன.கிளிக் செய்து வாசிக்க ஆரம்பித்து விடலாம்.

————
பி.கு; இந்த பதிவு சுட்டி விகடனுக்காக எழுதியது. இந்த இணைய நூலகங்கள் வியக்க வைக்கும். இணையத்தில் வேறு சிறந்த நூலகங்களும் இருக்கின்றன. இவற்றில் ஓபன் லைபரரி மகத்தான முயற்சி. உலகில் உள்ள எல்லா புத்தகங்களுக்கும் ஒரு இணைய பக்கத்தை உருவாக்கும் மாபெரும் இலக்குடன் செயல்பட்டு வரும் இந்த இணையதளம் பற்றி, இணையத்தால் இணைவோம் புத்தக்த்தில் விரிவாக எழுதியிருக்கிறேன் . இதே போல ஒலி புத்தகங்களுக்கான மகத்தான இணைய நூலகம் பற்றிய விரிவான அறிமுகமும் இந்த புத்தக்த்தில் இருக்கிறது. இவை இரண்டுமே முன்னோடி தளங்கள். இத்தகைய பிரம்மிக்க வைக்கும் இணைய முயற்சிகள் பற்றி அனைவரும் அறிந்து கொள்ள வேண்டும் என்பதே ,எனது முதல் புத்தகமான இணையத்தால் இணைவோம், நூலின் நோக்கமாக கருதுகிறேன்.

அன்புடன் சிம்மன் .

புத்தகம் ஆன்லைனில் கிடைக்கிறது; https://www.nhm.in/shop/100-00-0002-219-9.html

எனது அடுத்த புத்தகம் தயாரிப்பில் இருக்கிறது. அது பற்றி அறிய: http://cybersimman.wordpress.com/2014/09/02/%E0%AE%87%E0%AE%A3%E0%AF%88%E0%AE%AF%E0%AE%AA%E0%AF%8D%E0%AE%AA%E0%AF%81%E0%AE%95%E0%AE%B4%E0%AF%8D-%E0%AE%AA%E0%AF%86%E0%AE%B1%E0%AF%8D%E0%AE%B1-%E0%AE%A8%E0%AE%BE%E0%AE%AF%E0%AE%95%E0%AE%B0%E0%AF%8D/