Tag Archives: cycling

டிவிட்டரில் ஒரு வீழ்ச்சியின் கதை.


வீழ்ந்த தேவதை என்பார்களே,லான்ஸ் ஆன்ஸ்டிராங் இந்த நிலைக்கு தான் ஆளாகியிருக்கிறார்.

சைக்கிள் பந்தைய உலகின் சாம்பியனான அவர் இனியும் சாம்பியன் இல்லை என்பது அதிகார்பூர்வமாகியிருக்கிறது.இதை ஆம்ஸ்டிராங்கும் ஒப்புக்கொண்டிருக்கிறார்.இதற்கான அவரது ஒப்புதல் வாக்குமூலம் டிவிட்டரில் வெளியாகியிருக்கிறது.ஆனால் வெளிப்படையாக இல்லை;கொஞ்சம் சூசகமாக!.

ஆம் டிவிட்டரில் சுயசரிதை குறிப்புகளுக்கான பகுதி உண்டு.டிவிட்டர் பயனாளிகள் இந்த பகுதியில் தங்களுக்கான அறிமுக குறிப்புகளை இடம் பெறச்செய்யலாம்.குறும்பதிவு சேவையான டிவிட்டரின் தனமைக்கேற்ப இந்த குறிப்புகளும் ரத்தினச்சுருக்கமாக இருந்தாக வேண்டும்.சாதனைகளும் பெருமைகளும் பல இருந்தாலும் இந்த பகுதியில் ஒரு சில வார்த்தைகளில் அவற்றை அடக்கியாக வேண்டும்.

எனவே டிவிட்டர் சுயசரிதை குறிப்புகளில் பயனாளுகள் தங்களை பற்றி மிக முக்கியமானதை மட்டும் தேர்வு செய்து குறிப்பிட வேண்டும்.ஒரு வரியில் அல்லது சின்னதாக ஒரு சில வரிகளில் அழகாக அறிமுகம் செய்து கொள்ள வேண்டும்.

இதனால் டிவிட்டரில் ஒருவர் தன்னைப்பற்றி எப்படி அறிமுகம் செய்து கொள்கிறார் என்பது மிகவும் சுவாரஸ்யமானது.அது பற்றி தனி பதிவில் காணலாம்.

இப்போது ஆம்ஸ்டிராங் விஷயத்திற்கு வருவோம்.

ஆம்ஸ்டிராங் சைக்கிள் பந்தைய சாம்பியன்.நிகரில்லாத சாம்பியன்.7 முறை அவர் சைக்கிள் பந்தைய உலகில் சிகரமாக கருதப்படும் டூர் டி பிரான்ஸ் பட்டத்தை வென்றுள்ளார்.இதுவே மகத்தான சாதனை தான்.ஆனால் ஆம்ஸ்டிராங் சொந்த வாழ்க்கையில் சந்தித்த சோதனைகளை கருத்தில் கொண்டு பார்க்கும் போது இந்த சாதனையின் பரிமாணம் எங்கோ போய்விடும்.

ஆம்ஸ்டிராங் புற்றுநோயால் பாதிக்கப்பட்டு மரணத்தோடு போராடி உயிர் பிழைத்து வந்த பின் விடாமுயற்சியோடு சைக்கிள் பந்தயங்களில் தொடர்ந்து பங்கேற்று பட்டங்களை வென்றிருக்கிறார்.இதனால் தான் அவர் விடாமுயற்சியின் மறுவடிவமாகவும் தன்னம்ப்பிகையின் அடையாளமாகவும் கருதப்படுகிறார்.

ஆனால் இதெல்லாம் ஆம்ஸ்டிராங்கின் பழம் பெருமையாகி விட்டது.ஆம்ஸ்டிராங் மீது கூறப்பட்ட ஊக்கமருந்து புகார் தொடர்பான வழக்கில் அவர்க்கு எதிராக தீர்ப்பு அளிக்கப்பட்டதை அடுத்து அவரது ஏழு பட்டங்களும் பறிக்கப்பட்டுள்ளன.எனவே இனியும் அவர் சாம்பியன் கிடையாது.

ஆம்ஸ்டிராங் தவறு செய்தாரா என்னும் கேள்விக்கு ஒற்றை வரியில் பதில் சொல்ல முடியாத அளவுக்கு இந்த வழக்கு சிக்கலானது.ஆம்ஸ்டிராங்கும் இது பற்றி விரிவாக பேசுவதை தவிர்த்து வருகிறார்.

ஆனால் அவரது பட்டங்கள் பறிக்கப்பட்டது அதிகாரபூர்வமானது என்பதால் இனி மேல் அவர் தன்னை சாம்பியன் என்று அழைத்து கொள்ள முடியாது.

இதை உணர்ந்து ஆம்ஸ்டிராங் தனது டிவிட்டர் அறிமுக பக்கத்தில் சுயசரிதை குறிப்பில் மாற்றத்தை செய்திருக்கிறார்.

இதற்கு முன் வரை அவரது அறிமுக குறிப்பில் 7 முறை டூர் டி பிரான்ஸ் சாம்பியன்.முழு நேர புற்றுநோய் போராளி என்றே குறிப்பிடப்பட்டிருக்கும்.இப்படி தான் ஆம்ஸ்டிராங் தான் அறியப்பட வேண்டும் என விரும்பியிருக்கிறார்.

ஆனால் பட்டம் பறிக்கப்பட்டதும் இந்த சுயசரிதை குறிப்பில் இருந்து 7 முறை சாம்பியன் என்பதை நீக்கியிருக்கிறார்.என்னுடைய 5 குழந்தைகளை வளர்ப்பது,புற்றுநோயோடு போராடுவது,வாய்ப்பு கிடைக்கும் போது நீச்சல்,கோல்ப்,சைக்கிளிங்கில் ஈடுபடுவது என்று மட்டுமே இப்போது அவரது அறிமுகம் குறிப்பு அமைந்துள்ளது.

ஆக அதிகம் பேசாமல்,பெரிய அறிக்கை வெளிய்டாமல்,செய்தியாளர் சந்திப்பில் ஆவேசப்படாமல் ஆம்ஸ்டிராங் தனது சரிவை டிவிட்டரில் செய்த மாற்றம் மூலம் ஒப்புக்கொண்டிருக்கிறார்.

இந்த மாற்றத்தை செய்த போது ஆம்ஸ்டிராங்கின் மனம் வலித்திருக்கும்.அதாவது அவர நிரபராதி என்றால்!இல்லை என்றால் குற்ற உணர்வு உறுத்தியிருக்கும்.

ஆம்ஸ்டிராங் டிவிட்டர் முகவரி;https://twitter.com/lancearmstrong

ஒரு டிவிட்டால் நிகழ்ந்த அற்புதம்

amsபிரபல சைக்கிள் பந்தைய வீரரான லான்ஸ் ஆம்ஸ்டிராங் சமீபத்தில் ஸ்காட்லாந்து சென்று திரும்பினார்.அதனால் என்ன என்று கேட்கிறீர்களா?இந்த பயணத்தின் போது அவர் ரசிகர்களை ம‌கிழ்வித்து தானும் மகிழ்ச்சி அடைந்துள்ளார்.

இதெல்லாம் ஒரு பெரிய விஷ‌யமா,பிரபலமாக விளங்கும் விளையாட்டு வீரர் ஒரு நகருக்கு விஜயம் செய்வதும் அவரைக்காண ரசிகர்கள் செல்வதும் எல்லா இடங்க‌ளிலும் நடப்பது தானே என நினைக்கலாம் .

ஆனால் ஆம்ஸ்டிராங் பயணத்தில் விசேஷம் என்னவென்றால் மிக இயல்பாக இந்த ச‌ந்திப்பு நடந்தது தான்.பொதுவாக பிரபலங்களின் பயண திட்டங்களின் போது என்ன நடக்கும். அவரது வருகை பத்திரிக்கை செய்திகள் மூலம் வெளியாகும். அதைப்பார்த்துவிட்டு அவரைக்காண ரசிகர்கள் முற்றுகையிடுவார்கள்.

நிக‌ழ்ச்சியை ஏற்பாடு செய்திருந்த‌வ‌ர்க‌ள் ர‌சிக‌ர்க‌ளை ம‌ன‌தில் கொள்ளலாம‌ல் திட்ட‌மிட்டிருந்தால் அவ‌ர்க‌ள் வேண்டாத‌ விருந்தாளியாகி விடுவார்க‌ள்.கூட்டத்தை கட்டுப்படுத்தும் போது ரசிகர்களும் சேர்த்தே தள்ளப்படுவார்கள்.பாதுகாப்பு போன்ற‌ பிர‌ச்ச‌னை கார‌ண‌மாக‌ ச‌ம்ப‌ந்த‌ப்ப‌ட்ட‌ வீர‌ரே நினைத்தால் கூட‌ ர‌சிக‌ர்க‌ளுக்கு உத‌வ‌ முடியாது.

பெரும்பாலான‌ நேர‌ங்க‌ளில் ர‌சிக‌ர்க‌ளால் த‌ங்க‌ள் அபிமான‌ ந‌ட்ச‌த்திர‌த்தை ப‌க்க‌த்தில் சென்றுகூட‌ பார்க்க‌ முடியாது.ஒரு கையெழுத்து வாங்க‌வும் அவ‌ர்க‌ள் திண்டாட‌ வேண்டும்.விளையாட்டு போட்டிக‌ள் என்றால் நிலைமை இன்னும் மோச‌மாகி விடும்.அனும‌திக்க‌ப்ப‌ட்ட‌ ப‌குதியை க‌ட‌ந்து அவ‌ர்க‌ளால் செல்ல‌வே முடியாது.

விழாக்க‌ள் என்றால் விஐபிக்க‌ளும் செல்வாக்கு மிக்க‌வ‌ர்க‌ளும் போய் ஒட்டிக்கொள்வார்க‌ள்.ர‌சிக‌ர்க‌ளின் பாடு திண்டாட்ட‌ம் தான்.

ஆனால் ஆம்ஸ்டிராங் ஸ்காட்லாந்து வ‌ந்த‌ போது எந்த‌வித‌ த‌டையோ குறுக்கிடோ இல்லாம‌ல் ர‌சிக‌ர்க‌ளை ச‌ந்தித்திருக்கிறார்.அவ்ர்க‌ளோடு சைக்கிள் ஒட்டி மகிழ்ந்திருக்கிறார்.

எப்ப‌டி என்று கேட்கிறீர்க‌ளா?

ஆம்ஸ்டிராங் இந்த‌ ப‌ய‌ண‌த்தை ப‌ற்றிய‌ விவ‌ர‌த்தை தெரிவிக்க எந்த இடைத்தரகரையும் நாடவில்லை.மாறாக த‌ன‌து டிவிட்ட‌ர் ப‌க்க‌த்தில் தனது வருகையை ர‌சிக‌ர்க‌ளுக்கு தெரிவித்தார்.

டிவிட்ட‌ர் சேவையை தீவிர‌மாக‌ ப‌ய‌ன்ப‌டுத்தி வ‌ரும் பிர‌ப‌ல‌ங்க‌ளில் ஆம்ஸ்டிராங்கும் ஒருவ‌ர்.த‌ன்னுடைய‌ ப‌யிற்சி விவ‌ர‌ம்,எண்ண‌ ஓட்ட‌ம் ஆகிய‌வ‌ற்றை எல்லாம் டிவிட்ட‌ரில் ப‌கிர்ந்து கொண்டு வ‌ருகிறார்.ர‌சிக‌ர்க‌ளும் ஆர்வ‌த்தோடு அவ‌ர‌து டிவிட்ட‌ர் ப‌க்க‌த்தில் பின்தொடார்ந்து வ‌ருகின்ற‌ன‌ர்.புதிய‌ போட்டி என்றாலும் ச‌ரி,ப‌த்திரிக்கை பேட்டிக்கு விள‌க்க‌ம் என்றாலும் ச‌ரி டிவிட்ட‌ரிலேயே த‌ன‌து க‌ருத்தை அவ‌ர் தெரிவித்து விடுகிறார்.

இப்ப‌டித்தான் அவ‌ர் ஸ்காட்லாந்து ப‌ய‌ண‌ திட்ட‌ம் ப‌ற்றியும் டிவிட்ட‌ரில் அறிவித்தார்.ந‌ண்ப‌ர்க‌ளே நான் ஸ்காட்லாந்து வ‌ருகிறேன் என்னை ச‌ந்திக்க‌ விரும்புகிற‌வ‌ர்க‌ள் வரலாம்.வ‌ந்து என்னோடு சைக்கிள் ஓட்ட‌த்தில் க‌ல‌ந்து கொள்ள‌லாம் என்று அவ‌ர் கூறியிருந்தார்.

டிவிட்ட‌ரில் அவ‌ரை பின்தொட‌ரும் அந்நாட்டு ர‌சிக‌ர்க‌ள் இந்த‌ ப‌திவை பார்த்த‌தும் குஷியாகி குறிப்பிட்ட தின‌த்த‌ன்று சைக்கிளோடு வ‌ருகை த‌ந்த‌ன‌ர்.ஆம்ஸ்டிராங் சைக்கிள் ஓட்டிச்செல்ல‌ ர‌சிக‌ர்க‌ளும் அவ‌ரோடு உற்சாக‌மாக‌ சைக்கிள் ஒட்டிச்சென்ற‌ன‌ர்.ந‌ம்மூர் ர‌சிக‌ர்க‌ளுக்கு ச‌ச்சின் டெண்டுல்க‌ரோடு கிரிக்கெட் விளையாட‌ வாய்ப்பு கிடைத்த‌த் போல் தான் இதுவும்.

ஆம்ஸ்டிராங்கின் சைக்கிள் ப‌ந்தைய‌ சாத‌னைக‌ளை கொண்டாடி ம‌கிழும் அவ‌ர்க‌ள் த‌ங்க‌ள் அபிமான‌ ந‌ட்ச‌த்திர‌த்தோடே சைக்கிள் ஒட்ட‌ வாய்ப்பு கிடைத்த‌தை பாக்கிய‌மாக‌ க‌ருதின‌ர்.

ஆம்ஸ்டிராங்கும் த‌ன் ப‌ங்கிற்கு ர‌சிக‌ர்க‌ளோடு நேர‌த்தை செல‌விட‌ முடிந்த‌து க‌ண்டு ம‌கிழ்ச்சி அடைந்தார்.யாராவ‌து சில‌ ர‌சிக‌ர்க‌ள் வ‌ருவார்க‌ள் என்று அவ‌ர் நின‌த்த‌ற்கு மாறாக‌ முன்னூறுக்கும் மேற்ப‌ட்ட‌ ர‌சிக‌ர்க‌ள் திர‌ண்டு வ‌ந்துவிட்ட‌னாராம்.இத‌னால் அவ‌ருக்கு ம‌ட்ட‌ற்ற‌ ம‌கிழ்ச்சி.அதோடு உள்ளூர் சாம்பிய‌ன் ஒருவ‌ரும் வ‌ந்த‌தில் அவ‌ர் நெகிழ்ந்து போய்விட்டார்.

இனிதே த‌ன‌து ப‌ய‌ண‌த்தை முடித்த்க்கொண்டு சொந்த‌ நாடான‌ அமெரிக்க‌ திரும்பிய‌ அவ‌ர் டிவிட்ட‌ரில் மூல‌மே ர‌சிக‌ர்க‌ளுக்கு ந‌ன்றி தெரிவித்து கொண்டார்.

இப்போது ர‌சிக‌ர்க‌ள் தலைவர் அடுத்த‌ முறை த‌ங்க‌ள் ப‌குதிக்கு எப்போது வ‌ருவார் என்று டிவிட்ட‌ரை ஆர்வ‌த்தோடு பார்த்துக்கொண்டிருக்கின்ற‌ன‌ராம்.

ஆம்ஸ்டிராங் சாத‌னை வீர‌ர் ம‌ட்டும‌ல்ல‌.ம‌ர‌ண‌த்தைவென்ற‌ வீரும் கூட. 25 வது வ‌ய‌தில் புற்றுநோயால் பாதிக்க‌ப்ப‌ட்ட‌ அவ‌ர் பின்ன‌ர் அந்த‌ நோயோடு தீர‌த்தோடு போராடி வெற்றி பெற்ற‌தோடு மீண்டும் ப‌யிற்சி மேற்கொண்டு சைக்கிள் ப‌ந்த‌ய‌த்திலும் சாத்னை ப‌டைத்தார்.சைக்கிள் போட்டியின் உச்சமாக கருதப்படும் டூர் டி பிரான்ஸ் போட்டியில் அவரது சாதனைகள் மலைக்க வைக்ககூடியது.

இத‌ற்காக‌ அவ‌ர் மன உறுதியின் ம‌று வ‌டிவ‌மாக‌ க‌ருத‌ப்ப‌டுகிறார்.ம‌ற்ற‌வ‌ர்க‌ளுக்கு முன்னுதார‌ண‌மாக‌வும் க‌ருத‌ப்ப‌டுகிறார்.

——-

ஆம்ஸ்டிராங்கின் டிவிட்டர் பயன்பாடு தொடர்பான முந்தைய பதிவுக்கு பார்க்க …

——-
link;
http://cybersimman.wordpress.com/2009/02/21/twitter-23/