Tag Archives: draw

கிறுக்கலை ஓவியமாக்கும் கூகுள் தளம்

autoநீங்கள் வரையில் கோடுகளை ஓவியமாக்கித்தருவதற்காக கூகுள் நிறுவனம் சுவாரஸ்யமான இணையதளம் ஒன்றை அறிமுகம் செய்துள்ளது. ஆட்டோடிரா எனும் அந்த தளம், செயற்கை நுண்ணறிவு உதவியுடன் கிறுக்கல்களை கூட அழகான சித்திரங்களாக மாற்றிக்காட்டுகிறது.

இணையத்தில் ஆட்டோகரெட்க் எனும் வசதியை நீங்கள் அறிந்திருக்கலாம். குறிப்பிட்ட வார்த்தையை டைப் செய்யத்துவங்கும் போதே அது இந்த வார்த்தையாக இருக்கலாம் எனும் அனுமானத்தில் தொடர்புடைய வார்த்தை முன்வைக்கப்படும். பொருத்தமான வார்த்தை எனில் அதையே தேர்வு செய்து கொள்ளலாம். ஸ்மார்ட்போனிலும் இந்த வசதியை காணலாம்.

ஏறக்குறைய இதே வசதியை கூகுள் இப்போது சித்திரங்களுக்கு அறிமுகம் செய்துள்ளது. இதற்கான உருவாக்கப்பட்டுள்ள ஆட்டோடிரா தளத்தில் இள்ள டிஜிட்டல் பலகைகயில் தூரிகையை தேர்வு செய்து வரையத்துவதுவங்க வேண்டும். உருவத்தை வரையும் போது, தளம் அதன் போக்கை ஊகித்து, தொடர்புடைய சித்திரங்களை பரிந்துரைக்கும். பொருத்தமானதை தேர்வு செய்துகொள்ளலாம்.

உதாரணத்திற்கு, பறவைக்கான மூக்கை வரைந்தால் அழகான பறவை சித்திரத்தை தேர்வு செய்து கொள்ளலாம்.

நாம் வரையும் கோடுகளுக்கு ஏற்ப முழுச்சித்திரங்களுக்கான பரிந்துரை, மேலே தோன்றிக்கொண்டே இருக்கின்றன. மிகவும் சுவாரஸ்யமான சேவை. அவசரமாக ஏதேனும் வரைய வேண்டும் எனில் இதை பயன்படுத்திக்கொள்ளலாம்.

இணைய முகவரி: https://www.autodraw.com/

 

 

செயலி புதிது; பண்டமாற்று செயலி

பயன்படுத்திய பொருட்களை வேறு நல்ல பொருட்களுக்கு மாற்றிக்கொள்ளும் பழக்கத்தை ஊக்குவிக்கும் வகையில் ஸ்வாப்ட் செயலி அறிமுகமாகியுள்ளது.

இந்த செயலியை தரவிறக்கம் செய்ததும், பயனாளிகள் தாங்கள் மற்றவர்களுடம் பரிமாறிக்கொள்ள விரும்பும் பொருட்கள் பற்றிய தகவலை பதிவேற்றலாம். மற்ற பயனாளிகள் இப்படி பதிவேற்றியுள்ள பொருட்களையும் பார்வையிடலாம். அவற்றில் ஏதேனும் பிடித்திருந்தால் தங்கள் வசம் உள்ள பொருளுடன் மாற்றிக்கொள்ளலாம். பொருட்தமான பொருளை தேர்வு செய்வதற்காக பயனாளிகளுடன் இணைய அரட்டையில் ஈடுபடும் வசதியும் இருக்கிறது. பொருட்களின் ஒளிப்படத்துடன் தகவல்களை பகிர்ந்து கொள்ளலாம்.

இப்படி புத்தகம், செயற்கை நகைகள், பழைய சோபா என எதை வேண்டுமானாலும் மாற்றிக்கொள்ளலாம் என ஸ்வேப்டு செயலி தெரிவிக்கிறது. பேஸ்புக் பயனர் பெயர் கொண்டு உள்ளே நுழையலாம். தரவுகளை பயன்படுத்துவது தொடர்பாக பல்வேறு அனுமதியை பெற்று உள்ளே அனுமதிக்கிறது.

அதன் பின் பயனாளிகள் தங்களுக்கான அறிமுக பக்கத்தை உருவாக்கி கொண்டு இந்த சேவையை பயன்படுத்தலாம்.

பண்டாமாற்றில் விருப்பம் உள்ளவர்களுக்கு இந்த செயலி சுவாரஸ்யத்தை அளிக்கலாம். ஆண்ட்ராய்டு மற்றும் ஐபோன்களில் செயல்படுகிறது.

மேலும் விபரங்களுக்கு: http://swapd.in/

close_up_5pntz-730x487

கிரவுட்சோர்சிங் முறையில் உருவான இணைய ஓவியம்

ணையத்தை கண்ணால் பார்க்க முடிந்தால் எப்படி இருக்கும்? அதுவும் ஓவியமாக பார்க்கா, முடிந்தால் எப்படி இருக்கும்? இந்த கேள்வியும் ,எதிர்பார்ப்பும் உங்களுக்கு இருந்தால் அதற்கான பதிலை இண்டெர்நெட்டோபியா மூலம் அளித்திருக்கிறார் பிரிட்டன் ஓவியர் பெஞ்சமின் ரெட்போர்ட். தேர்ந்த ஓவியரான ரெட்போர்ட் இணையவாசிகளின் பங்களிப்போடு இணையத்தை ஓவியமான வரைந்து பிரம்மாண்டமான பிக்சல் ஓவியமாக வரைந்திருக்கிறார்.

கூட்டு முயற்சியின் அழகான அடையாளமாக திகழும் இந்த இணைய ஓவியம் வண்ணமயமாக வியக்கவும் வைக்கிறது. கிக்ஸ்டார்ட்டர் இணையதளம் மூலம் வெற்றிகரமான சாத்தியமான படைப்பூக்கம் மிக்க திட்டத்திற்கு உதாரணமாகவும் இருக்கிறது.

இனி ,இண்டெர்நெட்டோபியா உருவான வித்ததை பார்ப்போம்.

பெஞ்சமின் ரெட்போர்ட் பிரிட்டனின் மான்செஸ்டரை சேர்ந்த சுயேட்சை வடிவமைப்பாளர்.கோட்டோவியம் போன்றவற்றை வரைவதில் ரெட்போர்ட் கில்லாடி.

பெரும்பாலும் ஓவியங்களை தனக்குள் தோன்றும் எண்ணங்களுக்கு ஏற்ப வரைந்து கொண்டிருந்தவர் 2013 ம் ஆண்டில் கூட்டு முயற்சியாக ஒரு ஓவியத்தை உருவாக்க நினைத்தார். அந்த ஓவியத்தின் பெயர் தான் இண்டெர்நெட்டோபியா– அதாவது இணையவெளியை ஓவியமாக உருவகப்படுத்தும் முயற்சி.

அறிவியில் புனைகதைகளை படிப்படில் ஆர்வம் கொண்ட ரெட்போர்ட் ,சைபர்வெளி (cyberspace) பற்றிய வர்ண்னைகளால் வியந்து போயிருக்கிறார். ஆனால் விவரிக்கப்பட்ட வித்ததில் அத்தனை திருப்தி இல்லை என்கிறார். எல்லாமே முடிவில்லாத கிரிட் அமைப்பு போல இருந்ததன என்கிறார். இதற்கு மாறாக இணையத்தை மனிதன்மையுடன் உருவகப்படுத்தி பார்த்தால் என்ன என்று தோன்றியிருக்கிறது. இதை தனியே செய்யாமல் இணையவாசிகளுடன் இணைந்து கூட்டு முயற்சியாக செய்ய விரும்பினார்.இதற்காக தான் இணையம் மூலம் நிதிதிரட்டுவதற்கான கிக்ஸ்டாட்டர் இணையதளத்தை நாடினார்.

ஒரு மெகா டிஜிட்டல் போஸ்ட்டராக ஓவியத்தை வரைவது அவரது திட்டம். ஆனால் அதில் என்ன வரைவது என்பதை அவர் முடிவு செய்யமாட்டார். இணையவாசிகள் அதை தீர்மானிப்பார்கள். அவர்கள் சொல்லும் கருத்துக்கு ஏற்ப அவர் ஓவிய பகுதியை வரைவார்.

இதற்காக டிஜிட்டல் போஸ்ட்டரை கனசதுரங்களாக பிரித்துக்கொண்டார். ஒவ்வொரு கனசதுரமும் ஒரு டாலர். ஒருவர் எத்தனை சதுரங்கள் வேண்டுமானாலும் வாங்கி கொண்டு அவற்றில் என்ன வரைய வேண்டும் என்று குறிப்பிடலாம். இப்படி இணையவாசிகள் சொல்வதை எல்லாம் ரெட்போர்ட் வரைந்து முழு டிஜிட்டல் ஓவியத்தை உருவாக்க திட்டமிட்டார்.

இந்த புதுமையான கோரிக்கையை இணையவாசிகள் உற்சாகமாக ஆதரிக்கவே, ரெட்போர்ட் வெற்றிகரமாக 25 மீட்டர் மற்றும் 1.5 மீட்டர் நீள அகலம் கொண்ட ஓவியத்தை உருவாக்கினார். கிரவுட்சோர்சிங் முறையில் வரையப்பட்ட மிகப்பெரிய ஓவியமாகவும் இது கருதப்படுகிறது.

இணையத்தின் கூட்டு கற்பனையை பிரதிபலித்த அந்த ஓவியத்தை ரெட்போர்ட் தனது பாணியில் பென்சில் மற்றும் பேனா கொண்டு கருப்பு வெள்ளை காட்சியாக வரைந்திருந்தார். மூன்று மாத கால உழைப்பு மூலம் உருவான அந்த ஓவியம் மிகவும் நுட்பமாகவே உருவாகி இருந்தது. அதை ஆன்லைனில் பார்க்கும் போது ஒவ்வொரு பகுதிய நகர்த்தி, பெரிதாக கிளிக் செய்து அதன் நுணுக்கங்களை ரசிக்கலாம்.

இந்த ஓவியத்தை முடித்தவுடனே அடுத்ததாக என்ன செய்யலாம் என்று அவர் மீண்டும் தன்னை ஆதரித்த இணையவாசிகளிடமே கேட்டார். இதே ஓவியத்தை வண்ணத்தில் வரைய வேண்டும் என்பது அவர்களின் கட்டளையாக இருந்தது. அதன்படியே ரெட்போர்ட் முதலில் வரைந்த இணைய ஓவியத்தைற்கு வண்ணங்களை உயிர்கொடுத்திருக்கிறார். கருப்பு வெள்ளையில் கண்ணில் படாத நுட்பங்கள் கூட வண்ணத்தில் மிளிர்வதை இப்போது பார்க்க முடிகிறது.

தனது இணையதளத்தில் இந்த வண்ண இணைய ஓவியத்தை ரெட்போர்ட் இடம்பெற வைத்திருக்கிறார். கைவசம் நேரம் இருந்தால் அந்த ஓவியத்தை அங்குலம் அங்குலமாக நகர்த்தி அணுஅணுவாக ரசிக்கலாம். இல்லை ஒரு பறவை பார்வை போல பார்த்தாலும் பிரமிக்க வைக்கும்.

 

ரெட்போர்டின் கிக்ஸ்டார்ட்டர் பக்கம்; https://www.kickstarter.com/projects/benjaminredford/internetopia-the-supersized-internet-drawing

 

ரெட்பொர்டின் இண்டெர்நெட்டோப்பிய ஓவிய தளம்:http://www.internetopia.squarespace.com/

 

———

 

 

 

 

 

கூட்டாக வரைய ஒரு இணையதளம்.

கூட்டாக வரைவதற்கும் வரைந்த படத்தை பகிர்ந்து கொள்வதற்குமான இன்னொரு இணையதளமாக புலோக்டிரா அமைந்துள்ளது.

இணைய வெள்ளை பலகை என வர்ணித்து கொள்ளும் இந்த தளத்தில் அலுவலரீதியான எண்ணத்தையோ அல்லது சுவாரஸ்யத்திற்காக வரையும் சித்திரத்தையோ நண்பர்களோடு பகிர்ந்து கொள்ளலாம்.சித்திரத்தை வரையும் போதே நண்பர்களோடு பகிர்ந்து கொள்ளலாம்.அலுவலக வேலை என்றால் சக ஊழியர்களையும் பங்கேற்க செய்யலாம்.

வரைபவர் ,வரைய அழைக்கப்பட்டவர் என எல்லாரும் ஒரே இணைய பலகையை பார்க்க முடிவதாலும் பயன்படுத்த முடிவதாலும் அதில் திருத்தங்களையும் செய்யலாம்.மாற்றி வரையலாம்.

வெவேறு இடங்களில் உள்ளவர்கள் இவ்வாரு ஒன்றாக வரைந்து கொண்டிருக்கும் போதே இணைய அரட்டை மூலம் கருத்துக்களையும் பகிர்ந்து கொள்ளலாம்.

இணைய பலகையில் வரைவதல் உதவ தூரிகை,வண்னங்கள் என பல்வேறு வசதிகளும் இருக்கின்ற‌ன.

வரைந்து முடித்த சித்திரத்தை சேமித்து அதனை அப்படியே பேஸ்புக் அல்லது டிவிட்டர் மூலம் நண்பர்களோடு ப‌கிர்ந்து கொள்ளலாம்.

உறுப்பினராகும் தேவையே இல்லாமல் நேரடியாக இணைய பலகையை வரவைத்து வரையத்துவங்கி விடலாம்.

ஏற்கனவே வரையப்பட்ட சித்திரங்களை பார்க்க முடிவது கூடுதல் சுவாரஸ்யம்.பொருத்தமான இணைய பலகையை தேடி நாமும் அதில் சேர்ந்து வரைய முற்ப‌டலாம்.

இணையதள முகவரி;http://flockdraw.com/

கூட்டு முயற்சியில் வரைய உதவும் அருமையான இணையதளம் பற்றிய முந்தைய பதிவு இது;http://cybersimman.wordpress.com/2010/12/23/websites-4/