Tag Archives: science

பேஸ்புக்கில் இணைந்தார் ஸ்டீபன் ஹாகிங்!

stephen-hawking-pbsஇனி பேஸ்புக்கில் நீங்கள் நட்பு பரிமாறிக்கொள்வதோடு விஞ்ஞானத்திலும் ஆர்வம் கொள்ளலாம். பிரபஞ்ச ரகசியத்தையும் அறிந்து கொள்ள முயற்சிக்கலாம். ஏனெனில் பேராசிரியர் ஸ்டீபன் ஹாகிங் பேஸ்புக்கில் இணைந்திருக்கிறார். அறிவியலுக்காக தனது வாழ்நாளையே அர்பணித்துக்கொண்ட ஹாக்கிங் 72 வது வயதில் பேஸ்புக்கில் அடியெடுத்து வைத்திருக்கிறார். அவர் தனது முதல் பகிர்விலேயே அறிவியல் மீது ஆர்வம் கொள்ளுங்கள் என்று கோரிக்கையும் வைத்திருக்கிறார்.

பேஸ்புக் வரலாற்றில் இது நிச்சயம் மைல்கல் நிகழ்வு தான். ஸ்டீபன் ஹாகிங் அவரது அறிவியலுக்காகவும் , தனது உடல்நல குறைவால் உண்டான வரம்பை வெற்றி கண்டுவரும் விடாமுயற்சிக்காகவும் வியக்க வைத்து வருபவர். எல்லா விதங்களிலும் ஊக்கம் தரும் வாழ்க்கைக்கு சொந்தக்காரரான ஹாகிங் , ஏற்கனவே தனது புத்தகங்களின் மூலம் அறிவியலின் மகத்துவத்தை பகிர்ந்து வருபவர். பிரபஞ்சம் தோன்றிய விதம் , கருந்துளைகள் ஆகிய மிரல வைக்கும் விஞ்ஞான விஷயங்களை கூட எல்லோருக்கும் புரியும் வகையில் விளக்கி எழுதும் ஆற்றல் கொண்ட ஹாக்கிங் இளைஞர்களின் இருப்பிடமாக கருதப்படும் பேஸ்புக்கில் உறுப்பிராகி இருப்பது நிச்சயம் நல்ல செய்தி தான்.

பேராசிரியர் ஸ்டீபன் ஹாகிங்கின் அதிகாரபூர்வ பேஸ்புக் பக்கம் எனும் அறிமுகத்துட்டன் அவருக்கான பேஸ்புக் பக்கம் உருவாக்கப்பட்டுள்ளது. கடந்த அக்டோபர் மாதமே இந்த பக்கம் அமைக்கப்பட்டாலும் ஹாகிங் இப்போது தான் முதல் பதிவை பகிர்ந்து கொண்டுள்ளார்.

“ பிரபஞ்சத்தை எது உண்டாக்கியது எனும் கேள்வி என்னை எப்போதுமே ஈர்த்துள்ளது. காலமும் வெளியின் புதிராக இருக்கலாம். ஆனால் இது எனது தேடலை முடக்கிவிடவில்லை. நம் ஒருவருக்கு ஒருவர் இடயிலான தொடர்பு எல்லையில்லாத முறையில் வளர்ந்திருக்கிறது. இப்போது வாய்ப்பிருப்பதால் உங்களூடன் என் பயணத்தை பகிர்ந்து கொள்ள ஆர்வமாக இருக்கிறேன். ஆர்வமுடன் இருங்கள். நான் எப்போதும் இருப்பேன்” – என்று குறிப்பிட்டுள்ள ஹாகிங் தனது பேஸ்புக் பக்கத்திற்கு வருகை தந்ததற்கு நன்றியும் தெரிவித்துள்ளார்.
ஹாங்கிங் பேச்சு, மற்றும் செயல்பாடு பெருமளவு நோயால் பாதிக்கப்பட்டுள்ள நிலையில் பிரத்யேக சாப்ட்வேர் மூலமே அந்த மாமேதை தனது எண்ணங்களை பகிர்ந்து கொண்டு வருகிறார்.

பேஸ்புக் பக்கம் அவரது குழுவால் நிர்வகிக்கப்பட்டாலும் அவரது தனிப்பட்ட பகிர்வுகள் அவரது கையொப்பமுடன் வெளியாகின்றன.
ஹாகிங்கின் முதல் பகிர்வு 43,000 முறைக்கு மேல் லைக் செய்யப்பட்டுள்ளது. மொத்தமாக 10,63000 க்கும் மேற்பட்ட லைக்குகள் கிடைத்துள்ளன.
ஹாகிங் வாழ்க்கை வரலாற்றை மையமாக கொண்டுள்ள தி தியரி ஆப் எவ்ர்திங் திரைப்படம் விரைவில் வெளியாக உள்ளது.

ஸ்டீபன் ஹாக்கிங்கிற்கு உலகம் முழுவதும் அபிமானிகள் உண்டு. அவர்கள் பேஸ்புக்கில் குவிந்து வருகின்ற்னர். பல்ரும் ஹாகிங் வருகையை போற்றி வரவேற்றுள்ளனர். பின்னூட்டத்தில் சிலர் எதிர்மறையான கருத்துக்களை கூறியிருந்தாலும் அவற்றுக்கும் ஹாக்கிங் அப்மானிகளே அழகாக பதில் அளித்துள்ளனர். இது அவரது முதல் பதிவு, வழக்கமான இணைய அபத்ததை தவிர்ப்போம் என்று ஒருவர் வேண்டுகோள் விடுத்துள்ளார்.
பேஸ்புக் மூலம் பலருக்கு லைக் கிடைத்திருந்தாலும் ஸ்டீபன் ஹாகிங் பேஸ்புக்கை லைக் செய்து வந்திருப்பது பெரிய விஷயம் தான்.

ஸ்டீபன் ஹாங்கிங் பேஸ்புக் பக்கம்: https://www.facebook.com/stephenhawking?fref=nf
———-

விகடன்.காமில் எழுதியது

விடுமுறையில் விளையாட்டாக விஞ்ஞானம்.

விடுமுறை நாட்கள் துவங்கியாச்சு. கோடைக்கால முகாம்கள், சுற்றுலா என பல விஷ்யங்கள் இருந்தாலும் விளையாட்டுகளில் ஈடுபடுவது போல குதூகுலமான விஷயம் வேறு கிடையாது இல்லையா? கிரிக்கெட்,கால்பந்து என அவுட்டோர் கேம்கள் பல இருந்தாலும் கொளுத்தும் வெய்யிலில் வீட்டிலேயே அடைந்து கிடக்கும் போது கம்பயூட்டர் கேம் உற்சாகம் தரலாம். சரி, வழக்கமான வீடியோ கேம்களும், ஆங்ரி பேர்டு விளையாட்டும் அலுத்து விட்டதா ? இணையத்தில் அற்புதமான விளையாட்டுகளை வழங்கும் பல இணையதளங்கள் இருக்கின்றன . அவற்றில் அசத்தலான ஒரு தளத்தை பார்க்கலாமா? http://education.jlab.org/indexpages/elementgames.html. இது அதான் அந்த இணையதளம். அமெரிக்காவில் உள்ள தேசிய ஆய்வுகூடமான ஜெபர்ஸன் லேப் சார்பில் சிறுவர் சிறுமிகளுக்காக அமைக்கப்பட்டுள்ள இந்த இணைய பகுதியில் விஞ்ஞான விளையாட்டுகளை ஆடி மகிழலாம்.

என்னது, விடுமுறையிலும் அறிவியலா என அலர வேண்டாம், இந்த தளத்தில் உள்ள விஞ்ஞான விளையாட்டுகள் உங்களை சுவாரஸ்யத்தில் ஆழ்த்தி விடும். அதே நேரத்தில் உங்களுக்கு அறிவியல் நோக்கிலான தகவல்களையும் தெரிந்து கொள்ளலாம்.
சந்தேகம் இருந்தால் முதலில் விஞ்ஞான லட்சாதிபாதியாக விருப்பமா? எனும் விளையாட்டை ஆடிப்பார்க்கலாமா? ( http://education.jlab.org/million/) . அமிதாப் நடத்திய குரோர்பதி நிகழ்ச்சி நினைவிருக்கிறதா ? அதே போன்ற இணைய விளையாட்டு இது. ஆனால் கேள்விகள் அனைத்தும் அறிவியல் தொடர்பானவை. ஒவ்வொரு கேள்வியாக வரிசையாக காண்பிக்கப்படும். அதற்கான சரியான விடை சொன்னால் அடுத்த கேள்விக்கு முன்னேறலாம். உதாரணத்திற்கு முதல் கேள்வியை பார்க்கலாம். ’ஒ’ எனும் ஆங்கில எழுத்து எந்த கணிமத்தை குறிக்கிறது எனும் கேள்விக்கு விடையாக நான்கு பதில்கள் தரப்பட்டுள்ளன. அவற்றில் சரியான பதிலை கிளிக் செய்ய வேண்டும். நன்றாக பதில் தெரிந்தால் உடனே கிளிக் செய்யலாம். அப்போது, இது தான் சரியான பதிலா, உறுதியாக தெரியுமா ? என்று குரோர்பதி பாணியிலேயே கேட்கப்படும். உறுதியாக தெரிந்தால் ஆம் என கிளிக் செய்யலாம். இல்லையா, வல்லுனரின் உதவிய நாடலாம், 50;50 வாய்ப்பை பயன்படுத்தலாம். இப்படி சுவாரஸ்யமாக ஒவ்வொரு கட்டமாக முன்னேறிச்சென்று வெற்றி பெற்றால் நீங்கள் விஞ்ஞ்சான லட்சாதிபதியாகலாம். ஆனால் நிஜமான பணம் கிடையாது. ஒரு ஊக்கத்திற்காக டாலர்களை வென்றதாக நினைத்துக்கொள்ளலாம்.

இந்த விளையாட்டின் போக்கிலேயே உங்கள் அறிவியல் அறிவையும் சோதித்துக்கொள்ளலாம், புதிய தகவல்களையும் தெரிந்து கொள்ளலாம்.
இதே போல இன்னும் பல விளையாட்டுக்கள் அறிவியல் பகுதியில் இருக்கின்றன. ஒவ்வொன்றும் சுவாரஸ்யமானவை. குறுக்கெழுத்து புதிர் தெரியும் அல்லவா? இந்த பகுதியில் பல விதமான குறுக்கெழுத்து புதிர்களை விடுவித்துப்பார்க்கலாம். எல்லாமே அறிவியல் குறுக்கெழுத்து புதிர்கள். அணுக்கள், சூரிய மண்டலம், உடல்கூறு, கண், மெடிரிக் அமைப்பு ,இயந்திரங்கள் என ஏதாவது ஒரு தலைப்பை தேர்வு செய்து கொண்டு குறுக்கெழுத்து புதிரை விடுவிக்கத்துவங்கலாம். – (http://education.jlab.org/sciencecrossword/ ) விரும்பினால் குறுக்கெழுத்து புதிர்களை பி.டி.எப் வடிவில் அச்சிட்டுக்கொண்டு நண்பர்களோடும் சேர்ந்து விளையாடலாம்.
அறிவியல் போலவே கணிதம் சார்ந்த விளையாட்டுகளும் இருக்கின்றன. புதிர் கணிதம் எனும் விளையாட்டு உங்கள் நண்பர்கள் மனதில் நினைக்கும் ரகசிய எண்ணை கண்டுபிடித்து அசத்தலாம் என்கிறது: ( http://education.jlab.org/mysterymath/) . மின்னல் வேக கணித விளையாட்டுகளும் உங்களை வியப்பில் ஆழ்த்தும்.
அறிவியல் குறுக்கெழுத்து புதிர் போலவே கணிமங்கள் சார்ந்த குறுக்கெழுத்து விளையாட்டும் இருக்கிறது.வார்த்தை விளையாட்டுகளும் உண்டு.

விஞ்ஞானம் என்று சொல்லி விட்டு பரிசோதனைகள் இல்ல

கண்டோம் கடவுளை!இனி அடுத்தது என்ன?

அந்த அறிவிப்பை கேட்டு ஆத்திகர்கள் கொஞ்சம் ஆடித்தான் போனார்கள்.நாத்திகர்களோ உற்சாகத்தில் துள்ளி குதித்தனர்.சாமான்யர்களோ என்ன நடக்கிறது என புரிந்து கொள்ள முடியானல் குழம்பித்தவித்தனர்.விஞ்ஞானிகளோ ஆனந்தத்தில் திளைத்தாலும் கவனம் தேவை என்று நிதானம் காத்தனர்.
ஜூலை நான்காம் தேதி வெளியிடப்பட்ட ‘கடவுகள் துகள்’ கண்டுபிடிக்கப்பட்டதற்கான அறிவிப்பு ஏற்படுத்திய எதிர்வினைகள் தான் இவை.
சுவிட்சர்லாந்து நாட்டில் உள்ள செர்ன் ஆய்வு கூடத்தில் விஞ்ஞானிகள் இந்த அறிவிப்பை வெளியிட்ட போது மனித குலத்தின் அறிவியல் பயணத்தில் மற்றொரு மைல்கல் சாதனையாக இது கருதப்பட்டது.ஒரு விதத்தில் இது வரை நிகழ்த்தப்பட்ட விஞ்ஞான சாதனைகளை எல்லாம் மிஞ்சி நிற்க கூடிய சாதனை இது.பிரபஞ்சம் பற்றிய நமது புரிதலையே மாற்றி அமைக்க கூடியதாகவும் கருதப்படுகிறது.
கடவுள் துகளை கன்டுபிடிக்கப்பட்டது கடவுளையே கன்டுபிடித்து விட்டது போன்ற பரபரப்பையும் உண்டாக்கியது.அதாவது கடவுள் இடத்தை நிரப்பக்கூடிய
அடிப்படை துகளை கண்டுபிடித்து விட்டதாக கருதப்பட்டது.
ஹிக்ஸ் போசன் என்ற விஞ்ஞான பெயரில் அழைக்கப்படும் கடவுள் துகள் பிரபஞ்சத்தின் தோற்றம் மற்றும் அதன் உள்ளடக்கம் பற்றி விளக்ககூடியதாக கருதப்படுவதால் இது விஞ்ஞானிகள் வசம் சிக்கியது கடவுளே மனிதன் கைகளில் அகப்பட்டது போல கருதப்பட்டாலும் இந்த கண்டுபிடிப்பு உணர்த்தும் உண்மை இவ்வாறு எளிமைபடுத்தி விடக்கூடியது அல்ல.
முதலில் பரவலாக புரிந்து கொள்ளப்படுவது போல கடவுள் துகளை விஞ்ஞானிகல் கண்டுபிடித்து விடவில்லை.அந்த துகளுக்கான ஆதாரத்தை தான் கண்டுபிடித்துள்ளனர்.அதுவும் 100 சதவீதம் துல்லியத்துடன் இல்லை.விஞ்ஞானிகள் மொழியில் 99.999 சதவீத உறுதியுடன்!.இந்த நுடபமான வேறுபாடு போலவே கடவுள் துகள் ஆயவும் மிக மிக நுட்பமான விஷயங்களை கொண்டிருக்கிறது.
எல்லாம் சரி கடவுள் துகள் என்றால் என்ன?விஞ்ஞான ஆய்வில் அதன் முக்கியத்துவம் என்ன?இந்த கண்டுபிடிப்பு இத்தனை பரபரப்பை ஏற்படுத்தியது ஏன்?
பிரபஞ்சத்தில் உள்ள எல்லா பொருட்களும் கண்ணுக்கு தெரியாத அணுக்களால் ஆகியிருக்கிறது.அணுக்களின் இருப்பை தெரிந்து கொள்ளவே மனித குலத்துக்கு கால அவகாசம் தேவைப்பட்டது.அணுக்களை புரிந்து கொள்ள முற்பட்ட போது அணுக்கள் இறுதியானவை அல்ல அவற்றினும் சிறிய துகள்களான புரோட்டான்,எலக்ட்ரான் மற்றும் நியூட்ரான் ஆகிய மூன்று அடிப்படை துகள்களால் ஆகியிருக்கும் உண்மையை உலகம் தெரிந்து கொண்டது.
ஆனால் அணுவின் அதிசயம் இத்தோடு நின்றுவிடவில்லை.அதன் சூடசமத்தை அறிந்து கொள்வதற்கான ஆய்வு புரோட்டான்,எலக்ட்ரான் தவிர குவார்க்ஸ்,லெப்டான்,போட்டான்,குலோவான் போன்ற அடிப்படை துகள்களும் அணுவுக்குள் இருப்பதும் தெரிய வந்தது.
இவை அனைத்தும் அணுவுக்குள் உள்ள உப துகள்களாக கருதப்படுகின்றன.அதாவது அணுவுக்குள் உள்ள அணு துகள்கள்.இநத் அணுத்துகள்களின் சேர்க்கையின் மூலம் தான் அணுவின் உறுப்புக்களான ப்ரோட்டன்களும் நியூட்ரான்களும் உருவாகியிருக்கின்றன.உதாரணத்திற்கு ஒரு புரோட்டான் மூன்று குவார்களின் சேர்க்கையால் ஆகியிருக்கிறது.அந்த மூன்று குவார்க்குகளையும் குலோவான்கள் இறுக பற்றியிருக்கின்றன.
இவ்வாறு 14 அடிப்படையான துகள்கள் கண்டறியப்பட்டுள்ளன.இவை குவார்க்ஸ்,லெப்டான்,பெசான்ஸ் என மூன்று வகையாக பிரிக்கப்பட்டுள்ளன.
இந்த 14 அணுத்துகள்கள் தான் பிரபஞ்சத்தில் உள்ள அனைத்திற்கும் அடிப்படையாக கருதப்படுகிறது.இவற்றை கொண்டு அணுக்களின் உலகை விவரிக்க உருவாக்கப்பட்ட மாதிரியே அடிப்படை மாதிரி (ஸ்டான்டர்டு மாடல்)என அழைக்கப்படுகிறது.
1950 களில் இந்த கோட்பாடு முன்வைக்கப்பட்டது.பிரபஞ்சத்தின் தோற்றத்தையும் இந்த கோட்பாட்டினால் விளங்கி கொள்ள முடியும் என்று விஞ்ஞான உலகம் நம்புகிறது.
பிரபஞ்சத்தின் தோற்றம் என்றால் ஆதியில் எல்லாம் எப்படி உருவானது என்பது தான்.அதாவது முதன் முதலில் எந்த புள்ளியில் இருந்து பிரபஞ்சம் உண்டானது என்னும் கேள்விக்கான பதில்.
கடவுள் உலகை படைத்தார் என்று சொல்லப்பட்டாலும் பல லட்சம் கோடி ஆண்டுகளுக்கு முன் திடிரென ஒரு பெருவெடிப்பு ஏற்பட்டு அப்போது அளப்பறிய ஆற்றலும் வெப்பமும் வெளிப்பட்டு அவை குளிர்ர்ந்த போது கோள்களும் நட்சத்திரங்களும் இந்த உலகமும் உருவானதாக கருதப்படுகிறது.இந்த ஆதார நிகழ்வு பிக் பேங் என்று குறிப்பிடப்படுகிறது.
பிக் பேங் என்னும் பெருவெடிப்பின் மூலமே பிரபஞ்சம் உண்டானதாக சொல்லப்படும் கோட்பாடு அறிவியல் ரீதியாக ஏற்றுக்கொள்ளப்பட்டாலும் இந்த கோட்பாட்டை முழுமையாக புரிந்து கொள்வதில் பல கேள்விகளுக்கு பதில்கள் தேவைப்படுகின்றன.
அவற்றில் ஒன்று தான் கடவுள் துகளுக்கான தேடல்.பெருவெடிப்புக்கு முன் எதுவுமே இருக்கவில்லை.காலமும் இல்லை.இடமும் இல்லை.பொருளும் இல்லை.இந்த இல்லை என்னும் நிலையில் இருந்து எல்லையில்லாமல் சுருங்கி செல்லகூடிய மைய புள்ளியில் இருந்து பெரு வெடிப்பு உண்டாகி பிரபஞ்சம் பிறந்தது.அதன் பின் தான் அணுவும் வந்தது,அகிலமும் வந்தது.அண்டமும் வந்தது.
ஆனால் இவற்றுக்கெல்லாம் ஆதார சக்தி கிடைத்தது எப்படி?
இந்த கேள்வி தான் கடவுள் துகளை தேட வைத்தது.பிரபஞ்சத்தின் அடிப்படையான அணுக்களின் அடிப்படையான புரோட்டான்களும் இதர துகள்களும் குறிப்பிட்ட தன்மை கொண்டவை.நிறை கொண்டவை.
ஆனால் பெருவெடிப்பின் போது எல்லா துகள்களும் ஒலியை மிஞ்சும் வேகத்தில் அங்கும் இங்கும் அலைபாய்ந்து கொண்டிருந்தன.அந்த வேகத்தில் அவற்றுக்கு நிறை என எதுவும் இருக்கவில்லை.நிறை இல்லாததால் அவற்றின் மூலம் அணுத்துகள்களும் அணுக்களும் உருவாக வாய்ப்பிருக்கவில்லை.
இதன் பொருள் பெருவெடிப்பு நிகழ்ந்த உடன் எல்லாமே அலைபாய்ந்து கொண்டிருந்தனவே தவிர எதுவும் உருவாக வாய்ப்பிருந்திருகாது என்பது தான்.
இதற்கு மாறாக பிரபஞ்சம் எப்படி உருவானது என்றால் பெருவெடிப்பினால் அலை பாய்ந்து கொண்டிருந்த நிறையில்லா போட்டான்களும் குவார்க்குகளும் ஒரு மாய சக்தியுடன் கூட்டணியால் நிறையை பெற்றன.அதன் பின்னரே கோள்கலும் பிரபஞ்சமும் உண்டானது.
அந்த மாய சக்தி தான் எல்லாவற்றுக்கும் அடிப்படையான துகள்.ஹிக்ஸ் பாசன் துகள்.இதுவே கடவுள் துகள் எனப்படுகிரது.
மற்ற எல்லா அணுத்துகள்களும் கண்டறியப்பட்டு அவற்றின் தனமைகளும் புரிந்து கொள்ளப்பட்டுள்ளன.ஆனால் ஹிக்ஸ் போசன் இருப்பு மற்றும் உறுதி செய்யப்படவில்லை.
இந்டஹ் ஹிக்ஸ் போசன் துகளின் இருப்பு பற்றி முதன் முதலில் தெரிவித்தது பீட்டர் ஹிக்ஸ் என்னும் விஞ்ஞானி.(இதில் இந்திய விஞ்சானி சத்யேந்திர போசின் பங்களிப்பும் இருக்கிறது.)1964 ம் ஆண்டு இது பற்றிய கட்டுரையை அவர் வெளியிட்டார்.
இந்த துகள் இருந்தால் தான் அடிப்படை கோட்பாடு செல்லுபடியாகும்.எனவே கடந்த 50 ஆண்டுகளாக விஞ்ஞான உலகம் இந்த துகளை கண்டறிவதற்கான முயற்சியில் ஈடுபட்டு வந்தது.
இந்த இடத்தில் கொஞ்சம் கவனம் தேவை.துகள் என்னும் போதே ஏதோ கண்ணுக்கு தெரியாத அளவில் நுண்ணிய ஒரு வஸ்து என்பதை அணுமானித்து கொள்ளலாம்.ஆனால் இந்த துகளோ அதனினும் நுண்ணியது.புரோட்டான் போன்றவற்றை கூட ஆய்வு கூடத்தில் பிடித்து நிறுத்து விடலாம்.ஆனால் கடவுள் துகளை பிடிப்பது என்பது சாத்தியமே இல்லை என்று தான் சொல்ல வேண்டும்.
காரணம் இந்த துகள் புரோட்டான்களை விட 200 மடங்கு நிறை கொண்டதாக கருதப்பட்டாலும் அவை தோன்றும் போதே மறைந்து விடும் தன்மை கொண்டவை.அதாவது கண்ணிமைக்கும் நேரம் என்பார்களோ அதில் நூறு கோடியில் ஒரு பகுதி அதில் நூறு கோடியில் ஒரு பகுதி நேரமே இவை இருக்கும் அதன் பிறகு வேறு வடிவில் அழிவுக்கு உள்ளாகி விடும்.
ஒரு நொடியின் நூறு கோடியின் ஒரு பகுதியின் நூறு கோடியில் ஒரு பகுதி எனனும் நேர பரப்பை நம்மால் கற்பனை செய்து பார்த்தாலே தலை சுற்றிவிடும்.சும்மாவா பெருவெடிப்பு உண்டான ஒரு நொடியின் நூறு கோடியின் ஒரு பகுதிக்குள் இந்த கடவுள் துகள் தலையை காட்டி எல்லாவற்றுக்கும் ஆதாரமாக அமைந்ததாக நவீன விஞ்ஞானம் சொல்கிறது.
எனவே இப்படிப்பட்ட சிறுமைப்பட்ட துகளை எப்படி கண்டறிவது சாத்தியம்?
இந்த விஞ்ஞான சவாலை தான் பூமிக்கு அடியில் 27 மீட்டர் அளவிலான குகை அமைத்து அதில் அதி குளிர்ந்த காந்த தடுப்புக்களை ஏற்படுத்து அவர்றின் நடுவே புரோட்டான்களை ஒளிக்கு நிகரான வேகத்தில் மோதவிட்டு அப்போது உருவான விளைவுகளை கணக்கு போட்டு கடவுள் துகளின் இருப்பை கண்டுபிடிக்க முயன்றுள்ளனர்.
அதாவது பூவுக்குள் பூகம்பம் என்று சொல்வது போல குகைக்குள் ஆதியில் நிகழந்த பெருவெடிப்புக்கு நிகரான நிலையை உருவாக்கி கடவுள் துகளை சிக்க வைக்க முயன்றுள்ளனர்.
இதில் வெற்றியும் பெற்றுள்ளனர்.
கடவுள் துகள் கண்டுபிடிக்கப்பட்டது என்றதும் ஏதோ பொறியில் சிக்கிய எலி போல அந்த துகள் சிக்கியதாக நினைப்பது சரியாக இருக்காது.அது தான் தோன்றும் போதே வேறு வடிவில் மாறிவிட்டதே.
விஞ்ஞானிகள் செய்தது என்னவென்றால் இந்த துகள் ஏற்படுத்திய பாதிப்பு மற்றும் விளைவுகளை கொண்டு அதன் இருப்புக்கான ஆதாரங்களை தேடியது தான்.அந்த ஆதாரங்களும் சும்மா கிடைத்துவிடவில்லை.புரோட்டான்களின் மோதல் தொடர்பான லட்சக்கணக்கான தகவல்கள் நூற்றுக்கணக்கான கம்ப்யூட்டர்களால் அலசி ஆராயப்பட்டு பெறப்பட்டுள்ளன.
இந்த முடிவுகளையும் விஞ்ஞானிகள் இரண்டு வருட காலமாக அலசிக்கொண்டிருந்தனர்.கடந்த டிசம்பர் மாதம் நடத்தப்பட்ட ஆய்வில் ஓரளவு சாதகமான தகவல்கள் கையில் கிடைத்த போது கடவுள் துகளின் இருப்பை நெருங்கி விட்டதாக உணர்ந்தனர்.ஆனால் இதனை உறுதிப்படுத்தி கொள்ள மேலும் விவரங்கள் தேவைப்பட்டன.
அவை கையில் கிடைக்கவே நம்பிக்கை வலுப்பட்டது.இவற்றின் சிகரமாக தான் ஜூலை 4 ல் கடவுள் துகள் இருப்புக்கான ஆதாரம் கிடைத்திருப்பதாக அறிவித்தனர்.
ஆக இது வரை கோட்பாடு நோக்கில் மட்டுமே இருந்து வந்த ஹிக்ஸ் போசன் துகளுக்கான சான்று முதல் முறையாக விஞ்ஞான உலகின் கையில் கிடைத்திருக்கிறது.இதன் மூலம் அடிப்படை மாதிரியில் இருந்த முக்கிய ஒட்டை அடைக்கப்பட்டு விட்டது.பிரபஞ்சத்துக்கான விளக்கத்தில் அடிப்படையான சக்தியும் கிடைத்துள்ளது.
எல்லாம் சரி கடவுள் துகள் கிடைத்து விட்டதால் கடவுளுக்கு நிகரான சக்தியை கண்டுபிடித்ததாக கருதலாமா?பிரபஞசத்தின் படைப்பு ரகசியத்தை இனி எளிதாக புரிந்து கொண்டுவிடலாமா?
இந்த கேள்விகளுக்கு எல்லாம் சுலபமான பதில்கள் கிடையாது.
கடவுளின் மனதை கண்டுபிடித்து விட்டதாகவும் பெருமை பட்டு கொள்ள முடியாது.அதை நோக்கி முக்கிய அடி எடுத்து வைத்திருக்கிறோம்.பிரபஞ்சத்தில் இன்னும் பிடிபடாத மர்மங்கள் நிறைய உள்ளன.
ஹிக்ஸ் போசன் துகள் போலவே இன்னும் ஒரு துகள் இருப்பதாக சொல்லப்படுகிறது.அதனை கண்டுபிடிக்க வேண்டும்.ஆம் இந்த பிரபஞ்சத்தில் எல்லாமே அதன் நேர் எதிர் தன்மை கொண்ட பொருளோடு இருப்பதாக ஒரு கோட்பாடு இருக்கிரது.அதனை பரிசோத்தித்து பார்க்க வேண்டும்.இவை ஆன்டி மேட்டர் என்று சொல்லப்படுகிரது.
மேலும் பிரபஞ்சத்தில் ஊடுறுவி இருக்கும் கருப்பு வஸ்துவின் தன்மை என்ன என்று தெரியவில்லை.இவ்வளவு ஏன் பூவி ஈர்ப்பு சக்தி குறித்தே இன்னும் முழுமையாக கண்டறியப்படவில்லை என்று சொல்லப்படுகிறது.
இந்த கேள்விகளுக்கு எல்லாம் விடை காண வேண்டும்.
ஆனால் இந்த ஆய்வு பயணத்தில் முக்கிய ஊக்கமாக விளங்க கூடிய ஒன்றாக இந்த கண்டுபிடிப்பு அமைந்துள்ளது என்பதில் எந்த சந்தேகமும் இல்லை.

———–

புதிதாக உதயமாகியுள்ள பரிவு மாத இதழுக்காக எழுதியது.

நன்றி;‍ப‌ரிவு