Tag Archives: short

இணையதளங்களின் சுருக்கத்தை வாசிக்க!

கட்டுரைகளுக்கு சம்மரைசர் செய்வதை இணையதளங்களுக்கு கிரக்ஸ்பாட் செய்கிறது.

அதாவது நீளமான கட்டுரைகளை முழுவதும் படிப்பதற்கான பொறுமை அல்லது அவகாசம் இல்லாதவர்களுக்கு எப்படி அந்த கட்டுரையின் சாரம்சத்தை ஒரு சில வரிகளில் சம்மரைசர் சுருக்கு தருகிறதோ அதே போல கிரக்ஸ்பாட் இணையதளங்களில் உள்ள விஷயத்தை இணையவாசிகளுக்கு அழகாக சுருக்கி தருகிறது.

கிரக்ஸ்பாட் மூலமாக எந்த ஒரு இணையதளத்தையும் முழுமையாக படித்துப்பார்க்கமலேயே அந்த தளத்தின் சாரம்சத்தை மட்டும் தெரிந்து கொள்ளலாம்.

அந்த வகையில் இதனை இணையதள சுருக்க சேவை என்று வர்ணிக்கலாம்.

இணையத்தில் உலாவும் போது இது போன்ற ஒரு சுருக்க சேவை எந்த அளவுக்கு பயனுள்ளதாக இருக்ககூடும் என்பதை சொல்லாலமே விளங்கி கொள்ளலாம்.

இணையத்தில் உலாவும் போது எப்படியும் நாம் தேடிச்செல்லும் இணையதளங்கள் தவிர வேறு பல தளங்களும் குறுக்கிடவே செய்யும்.அந்த தளங்களில் பல பயனுள்ளதாக இருக்கலாம்.ஆனால் கண்ணில் படும் தளங்களை எல்லாம் பார்த்து படித்து கொண்டிருந்தால் நேரம் விரயம் ஆகலாம்.

அதற்காக எந்த இணையதளத்தையும் ஏறெடுத்து பார்க்காமல் இருந்தால் நல்ல தளங்களை கோட்டை விட நேரலாம்.

இது போன்ற நேரங்களில் கை கொடுப்பதற்காக என்றே கிரக்ஸ்பாட் சேவை உருவாக்கப்பட்டுள்ளது.

பரிசிலனையில் உள்ள இணையதளத்தை முழுமையாக படித்து பார்க்கா விட்டாலும் அதன் பயன்பாட்டு தன்மையை புரிந்து கொள்ளும் வகையில் அந்த தளத்தின் சாரம்சத்தை இந்த சேவை சுருக்கு தருகிறது.

இந்த சேவையை பயன்படுத்த விரும்பினால் முதலில் இதனை புக்மார்க் வசதியாக டவுண்லோடு செய்து கொள்ள வேண்டும்.அதன் பிறகு எப்போது இணையதளத்தின் சுருக்கம் தேவைப்பட்டாலும் அந்த தளத்தின் மீது புக்மார்க் வசதியை கிளிக் செய்தால் போதும் உடனே இந்த சேவை அந்த தளத்தின் உள்ளடக்கத்தை சுருக்கு சில வரிகளாக முன் வைத்து விடுகிறது.

இணையதள சுருக்கத்தின் அருகே அந்த தளம் சார்ந்த குறிச்சொற்களும் இடம் பெறுகின்றன.குறிச்சொற்களை கிளிக் செய்தால் அந்த சொல் சார்ந்த சாரம்சத்தை பெறலாம்.

இணையத்தை ஆய்வு நோக்கில் பயன்படுத்தும் வழக்கம் கொண்டவர்கள் மற்றும் இணையத்தில் உலாவும் போது அதிக அளவிலான தளங்களை பார்க்கும் வழக்கம் கொண்டவர்களுக்கு இந்த சேவை மிகவும் பயனுள்ளதாக இருக்கும்.

செயற்கை அறிவு என்று சொல்லப்படும் கோட்பாட்டை பயன்படுத்தி இந்த சேவை உருவாக்கப்பட்டுள்ளதாக தெரிவிக்கப்பட்டுள்ளது.

ஒரு கட்டுரை அல்லது இனையதளத்தின் சாரம்சத்தை சுருக்கி தருவது என்பது மிகவும் சவாலான விஷயம் தான்.தேர்ச்சி மிக்க மனிதர்கள் செய்யக்கூடிய இந்த செயலை ஒரு சாப்ட்வேர் சிறப்பாக செய்ய முடியுமா என்ற கேள்வி எழுந்தாலும் அடிப்படையில் இந்த சேவைகள் சுவாரஸ்யமானவை,நம்பிக்கை தருபவை.

இனையதள முகவரி;http://www.cruxbot.com/index.html

மறைந்திருந்து பார்க்கும் இணையதளங்கள்

இணையத்தில் எப்போதுமே எச்சரிக்கையாக இருப்பது நல்லது.காரணம் வைரஸ் வில்லங்கங்கள் எப்போது வரும் எப்படி வரும் என்று சொல்லவே முடியாது.அதோடு மால்வேர் ,ஸ்பைவேர் போன்ற வில்லங்கங்களும் இருக்கின்றன.இவை போதாதென்று பிஷிங் மோசடி இமெயில் மோசடி உள்ளிட்ட அபாயங்களும் அப்பாவி இணையவாசிகளி குறி வைத்து காத்திருக்கின்றன.

எனவே தான் ‘ஐ லவ் லாங் யூ ஆர் எல்’ இணையதளம் எந்த சுருக்கமான முகவரியையும் நேரடியாக திறந்து உள்ளே சென்று விடாதீர்கள் என்று ஆலோசனை சொல்கிறது.அதற்கு மாறாக முதலில் சுருக்கமான முகவ்ரிகளுக்கு பின்னே உள்ள பெரிய முகவரி என்ன என்பதை தெரிந்து கொண்டு உள்ளே செல்லுங்கள் என்று சொல்கிறது.பெரிய முகவரி என்றால் இணையதளங்களின் மூல முகவரி!

டிவிட்டர் யுகத்தில் நீள்மான இணைய முகவரியை அப்படியே பகிர்ந்து கொள்ளும் தேவை இல்லாமல் அவற்றின் சுருக்கங்களை மட்டுமே பகிர்ந்து கொள்ள உதவும் இணைய முகவரி சுருக்க சேவைகள் அறிமுகமாகி பிரபலமாகி பரவலாயின.

140 எழுத்துக்களுக்கு கருத்துக்களை பகிர்ந்து கொள்ள முயலும் போது இணைய முகவரி சுருக்கமாக இருப்பதும் பேருதவியாக தான் இருக்கின்றன.ஆனால் இந்த சுருக்கமான முகவரிக்கு பின்னே எதிர்பாராத வில்லங்கங்களும் இருக்கலாம்.

காரணம் பிஷிங் என்னும் இணைய கடத்தலில் ஈடுபடும் மோசடி பேர்வழிகள் சுருக்கமான முகவரிக்கு பின்னே மறைந்திருக்கலாம்.நீங்களும் தெரியாமல் அதை கிளிக் செய்தால் வலை விரித்து காத்திருக்கும் இணையயதளத்திற்கு சென்று மாட்டிக்கொள்ள நேரலாம்.
இப்படியாக மால்வேர் ,ஸ்பைவேர் போன்ற வில்லங்கள் உளவு சாப்ட்வேர்களின் தாக்குதலுக்கு இலக்காகலாம்.பொதுவாக‌ வைரஸ் தடுப்பு சேவைகள் சுருக்கப்பட்ட முகவரிகளை கண்காணிப்பதில்லை என்பதால் ஸ்பைவேர்கள் சுலபமாக உள்ளே நுழைந்து விடுகின்றன.

இன்னும் பல மோசடி முயற்சிகள் சுருக்கப்பட்ட முகவரிகள் பின்னே மறைந்திருக்கலாம்.

ஆகையால் தான் எந்த சுருக்கப்பட்ட முகவரிகளை பார்த்தாலும் முதலில் அதன் பின்னே உள்ள மூல முகவரியை பார்த்து அது சரியான இணையதளம் தானா என்பதை உறுதி செய்து கொள்ளுங்கள் என்று எச்சரிக்கிறது ஐ லவ் லாங் யூ ஆர் எல் இணைய சேவை.

இந்த தளத்திற்கு ஏன் இந்த அக்கறை வேறு எந்த தளத்திற்கும் இல்லாத அக்கறை என்று பராசக்தி பாணியில் கேட்டால் ,இப்படி சுருக்கமான முகவரிகளின் பின்னே உள்ள முழுமையான முகவரி என்ன என்பதை அடையாளம் காட்டும் சேவையை இந்த தளம் வழங்குகிறது என்பதே விஷயம்.

சுருக்கமான முகவரிகளின் பின்னே உள்ள இணையதளம் எது என்பதை அடையாளம் காட்டுவது தான் இந்த தளத்தின் நோக்கமே.இமெயிலிலோ டிவிட்டர் இனைப்பிலோ சுருக்கமான இணைய முகவரியை பார்த்தால் அதனை இந்த தளத்தில் சம்ர்பித்தால் அதன் பின்னே உள்ள தளம் எது என்பதை இது சொல்லி விடுகிறது.

இப்படி அவசரப்படாமல் மூல முகவரியை அறிந்து கொண்டு அவற்ரை பயன்ப‌டுத்த துவங்கினால் முகவரி சுருக்கம் என்னும் முகமுடியின் கீழ் மறைந்திருக்கும் மோசடி தளங்களின் வலையில் சிக்காமல் இருக்கலாம்.

அவசியமான சேவை தான்.இந்த அவசிய‌த்தை இந்த தளம் புகைப்பட சித்திரங்களாக அழகாக விளக்கியிருக்கும் விதமும் அருமை.

லாங் யூ ஆர் எல் தளமும் இதே போன்ற சேவையை வ‌ழங்குகிறது.சுருக்கமான இணையதள முகவரிகளை பயன்படுத்துவதற்கு முன் நீங்கள் எந்த தளத்திற்கு அழைத்து செல்லப்பட இருக்கிறிர்கள் என்னும் முன்னோட்டத்தை இந்த தளம் காட்டுகிறது.

இணையதள முகவரி;http://www.ilovelongurl.com/

http://www.longurl.org/

எல்லையிலாமல் டிவிட்டர் செய்ய!

டிவிட்டரின் 140 எழுத்து வரம்பை மீற வேண்டும் என்ற நிலை ஏற்பட்டால் அதற்கு உதவும் வகையில் கூடுதல் எழுத்துக்களோடு கருத்துக்களை பகிர்ந்து கொள்ள டிவிஷார்ட் தளம் உதவுகிறது.

இதே போல இன்னொரு சேவையும் இருக்கிறது.இசிடிவீட்ட்ஸ் என்னும் அந்த தளம் 140 எழுத்துக்களுக்கும் மேல் கொண்ட செய்திகளை டிவிட்டரில் வெளியிட உதவுகிறது.

சில நேரங்களில் 140 எழுத்துக்கள் போதாது என்னும் வாசக‌த்தை முன் வைக்கும் இந்த தளம் அத்தகைய தருணங்களில் எந்த வரம்பும் இல்லாத செய்திகளை வெளியிட கைகொடுக்கிறது.

டிவிட்டர் மற்றும் அல்ல பேஸ்புக்கிலும் நீளமான செய்தி வெளியிட இதனை பயன்படுத்தலாம்.

எந்த சேவையில் பயன்படுத்த விருப்பமோ அந்த சேவை (டிவிட்டர்,அல்லது பேஸ்புக்)வழியே கையெழுத்திட்டு இந்த தளத்தில் செய்தியை டைப் செய்து டிவிட்டர் அல்லது பேஸ்புக்கில் வெளியிடவும் என குறிப்பிடலாம்.

செய்தியின் எந்த பகுதி முதலில் அல்லது கடைசியில் தோன்ற வேண்டும் என்று குறிப்பிடும் கூடுதல் வசதியும் இருக்கிறது.

இணையதள முகவரி;http://www.eztweets.com/

‍‍‍‍‍‍‍‍‍‍‍‍‍‍‍‍————–