Tag Archives: trend

அறிமுகம்: டிவிட்டர் அகராதி

2013_11_07_13_twitternail.122adசமூக வலைப்பின்னல் சேவைகளில் குறும்பதிவு சேவையான டிவிட்டர் பிரபலமானதாக இருக்கிறது. 140 எழுத்துகளுக்குள் கருத்துக்களை பகிர்ந்து கொள்ள வழி செய்யும் டிவிட்டர் பலவிதங்களில் பயன்படுகிறது. டிவிட்டர் பயனாளிகளுக்கு அதின் சூட்சமங்கள் எல்லாம் அத்துபடியாக இருக்கலாம். ஆனால் டிவிட்டர் மீது ஆர்வம் கொண்ட பலருக்கு அது புரிபடாமல் இருக்கலாம். டிவீட், ரிடிவீட், பாலோ போன்ற பதங்கள் குழப்பத்தை அளிக்கலாம்.
இத்தகைய குழப்பங்களை போக்கி, டிவிட்டர் சேவையை புரிந்து கொள்ள டிவிட்டரில் பயன்படுத்தப்படும் முக்கிய அம்சங்கள் தொடர்பான பதங்களை அறிந்து கொள்ள வேண்டும். இதற்கான டிவிட்டர் அகராதி இதோ:

டிவீட்; குறும்பதிவு என்று பொருள். டிவிட்டரில் பயனாளிகள் பகிர்ந்து கொள்ளும் கருத்துக்கள். பெரும்பாலும் ஒற்றை வரியாக இருக்கும். அதிக பட்சம் 140 எழுத்து வரம்பு உண்டு. சாமர்த்தியம் இருந்தால் சிறிய வாசங்களாக அமைக்கலாம்.
இவற்றுடன் புகைப்படம் மற்றும் இணைப்புகளையும் பகிர்ந்து கொள்ளலாம்.

ரிடிவீட்; மறு குறும்பதிவு என பொருள். ஒருவர் வெளியிடும் குறும்பதிவு சக பயனாளி ஒருவருக்கு பிடித்திருந்தால் அதை அவர் தனது டிவிட்டர் பக்கத்தில் வெளியிடலாம். இதற்கான வசதி தான் ரிடிவீட்.
ரிடிவீட் என்பது ஒரு கருத்திற்கான ஆதரவாகவும் கொள்ளலாம்.
பொதுவாக அதிக முறை ரிடிவீட் செய்யப்பட்டால் அந்த கருத்துக்கு அமோக ஆதரவு என பொருள்.

பாலோ: பேஸ்புக்கில் நண்பர்கள் போல டிவிட்டரில் பாலோயர்கள். அதாவது ஒருவரது டிவிட்டர் பக்கத்தில் வெளியாகும் கருத்துக்கள் பிடித்திருந்தால், அவரது பக்கத்தை பின் தொடரலாம். இதன் மூலம் அவரது டிவிட்டர் பக்கத்திறு செல்லாமலே , அவர் வெளியிடும் குறும்பதிவுகளை நம்முடைய டிவிட்டர் பக்கத்தில் பார்க்கலாம்.

ஹாண்டில்; டிவிட்டர் கைப்பிடி என்பது ஒருவரது டிவிட்டர் முகவரியை குறிக்கும். அதாவது டிவிட்டர் கணக்கை இயக்க தேர்வு செய்யப்படும் பயனர் பெயர்.

டைம்லைன்; குறும்பதிவுகளின் வரிசை. நம்முடைய குறும்பதிவுகள் மற்றும் நாம் பின் தொடர்பவர்கள் வெளியிடும் குறும்பதிவுகள் வரிசையாக நம்முடைய டிவிட்டர் முகப்பு பக்கத்தில் பார்க்கலாம்.

மென்ஷன் (@) : குறும்பதிவில் குறிப்பிட்ட ஒரு டிவிட்டர் பயனாளியை சுட்டிக்காட்ட, அவரது டிவிட்டர் பெயரை @ எனும் குறியீட்டுடன் பயன்படுத்தலாம். இந்த தகவல் உடனே அவருக்கு தெரிவிக்கப்படும். டிவிட்டரில் உரையாடலுக்கான வழி இது.

ரிப்ளை; ஒரு பயனாளியின் பெயர் குறிப்பிடப்பட்ட தகவலுக்கு அவர் அளிக்கும் பதில்.

டைரக்ட் மெசேஜ்; டிவிட்டர் பிரதான பக்கத்தில் வெளியிடும் கருத்துக்களை எல்லோரும் பார்க்கலாம். ஆனால் சில கருத்துக்களை தனிப்பட முறையில் பகிரும் தேவை ஏற்படலாம். இது போன்ற சக பயனாளிகளுக்கு நேரடியாக தகவல் அனுப்ப நேரடி செய்தி வசதி பயன்படுகிறது. இதே முறையில் அவர் பதில் அளிக்கலாம். இந்த இரு தரப்பினர் மட்டுமே இதை பார்க்க இயலும்.

ஹாஷ்டெக்; (#) டிவிட்டர் சேவையின் மிகப்பெரிய ஆயுதம். போராட்டங்களுக்கும், புரட்சிகளுக்கும் கைகொடுத்திருக்கும் அடையாள சின்னம்.
டிவிட்டரில் எண்ணற்ற குறும்பதிவுகள் வெளியாகி கொண்டிருக்கின்றன. அவை கடலில் கரைத்த பெருங்காயமாக மறையலாம். இதை தவிர்க்க ஒரே தலைப்பு அல்லது ஒரே பொருளில் அமைந்த குறும்பதிவுகளை ஒன்றாக பார்க்க வசதியாக உருவாக்கப்படும் குறிச்சொல் தான் ஹாஷ்டேக்.
குறிப்பிட்ட தலைப்பிலான பதிவுகளி அதற்கான ஹாஷ்டேகுடன் பகிர்ந்து கொண்டால் அவை அனைத்தையும் ஒரே இடத்தில் பார்க்கலாம்.
சென்னை மழையின் போது உதவிகளை ஒருங்கிணைக்க சென்னை ரைன்ஸ் போன்ற ஹாஷ்டேக் உருவாக்கப்பட்டன.
நாம் விரும்பிய ஹாஷ்டேகை உருவாக்கலாம். மற்றவர்கள் உருவாக்கும் ஹாஷ்டேகிலும் இணையலாம்

நோட்டிபிகேஷன்; டிவிட்டர் கணக்கு தொடர்பான தகவல்களை பெறும் வழி. நம்முடைய பதிவுகள் பிற இடத்தில் குறிப்பிடப்பட்டால், அல்லது மறு குறும்பதிவிடப்பட்டால் நோட்டிபிகேஷன் மூலம் அதற்கான தகவலை பெறலாம்.

ஹார்ட்; ஒரு குறும்பதிவை விரும்பு வசதி. பேஸ்புக்கின் லைக் போல.

பின்ட் டிவீட்; குறிப்பிட்ட முக்கியமான டிவீட்டை குத்தி வைக்கும் வசதி. இந்த குறும்பதிவு எப்போதும் முதல் இடத்தில் இருந்து வரவேற்கும்.

பயோ; டிவிட்டர் பயனாளி பற்றிய அறிமுகம் குறிப்பு. நீங்கள் யார், எதற்காக குறும்பதிவிடுகிறீர்கள் என்பதை உணர்த்தும் பகுதி. கவித்துவமான பயோக்களை டிவிட்டரில் பார்க்கலாம்.

டிரெண்ட்; டிவிட்டரில் அதிக கவனத்தை ஈர்க்கும் குறும்பதிவுகளின் தலைப்புகள். டிவிட்டரில் அதிகம் விவாதிக்கப்படும் கருத்துகளை அறிய உதவுவது.

புரோமோடட் டிவீட்ஸ்; டிவிட்டரின் விளம்பர குறும்பதிவுகள்.

( இணையம் தொடர்பான விஷயங்களின் அடிப்படையை அறிமுகம் செய்யும் முயற்சியில் அடுத்த பகுதி- அன்புடன் சிம்மன் )

டிவிட்டர் ஒரு அறிமுகம்: http://cybersimman.com/2009/08/26/twitter-26/

டிவிட்டர் பதிவுகளை ஆய்வு செய்யும் இணையதளம்.


டிவிட்டர் பதிவுகள் கிளர்ச்சிக்கும் புரட்சிக்கும் வித்திட்டுகின்ற‌ன.டிவிட்டர் பதிவுகள் புதிய செய்திகளை தெரிவிக்கின்றன.டிவிட்டர் செய்திகள் விவாதத்திற்கு வழி வகுக்கின்றன.டிவிட்டர் பதிவுகள் பங்குகளின் ஏற்ற இரக்கத்தை யூகிக்க உதவுகின்றன.

எனவே தான் டிவிட்டர் பதிவுகளையும் போக்குகளையும் ஆய்வு செய்வது புதிய ஜன்னல்களையும் வாயில்களையும் திறக்கின்றன.டிவிட்டர் ஆய்வில் பல்கலைகளும் பேராசிரியர்களும் தான் ஈடுபட வேண்டும் என்றில்லை நீங்களும் கூட டிவிட்டர் போக்குகளை ஆய்வு செய்யலாம்.

அதற்கு நீங்கள் செய்ய வேண்டியதெல்லாம் டிவீட் ஆப் லைப் இணையதள‌ம் பக்கம் செல்வது தான்.இந்த தளம் டிவிட்டர் பதிவுகளை ஆய்வு செய்ய உதவுகிற‌து.டிவிட்டரின் அறிவியல் என்னும் கோஷத்தோடு இந்த ஆய்வை முன வைக்கிறது.

ஆய்வு என்றால் பரந்து விரிந்த ஆய்வு அல்ல;இரண்டு முக்கிய காரணிகளை அடிப்படையாக கொண்டு இதில் ஆய்வு செய்யலாம்.ஒன்று பாலினம்.மற்றொன்று நேரம்.

அதாவது டிவிட்டர் பதிவுகள் ஆண்கள் பெண்கள் மத்தியில் அவ்வாறு வேறுபடுகின்ற‌ன என்றும் ,காலை,பதியம்,மாலை நேரங்களின் அடிப்படையில் எப்படி மாறுப‌டுகின்ற‌ன எனறும் தெரிந்து கொள்ளலாம்.

உதாரண‌த்திற்கு தொழில்நுட்பம் அல்லது அறிவியல் ஆகிய தலைப்புகளில் யார் அதிக டிவீட் செய்கின்ற‌ன என்று அறிய விரும்பினால் ,அந்த தளத்தில் அந்த சொல்லை சமர்பித்தால் போதும் டிவிட்டர் பதிவுகளில் அலசிப்பார்த்து ஆண்கள் அதனை அதிகம் பயன்ப‌டுத்தியுள்ளனரா பெண்கள் அதிகம் பயன்படுத்தியுள்ளனரா என்று வரைபடம் போட்டு காட்டிவிடுகிறது.இப்படி எந்த தலைப்பு குறித்தும் தகவல் பெற முடியும்.

மாதிரிக்கு பல சொற்களின் ஆய்வு விவரங்கள் ஏற்கனவே கொடுக்கப்பட்டுள்ளன.

இதே போல குறிப்பிட்ட தலைப்பு குறித்து காலை அல்லது மாலை நேரங்களில் பதிவுகள் எந்த அளவு வெளியாகி உள்ளன என்டும் தெரிந்து கொள்ளலாம்.காலைஉணவு,மதிய உணவு,மற்றும் இரவு உணவு நேரங்களுக்கான பகுப்பு தரப்படுகிறது.

ஆய்வாளர்கள் மற்றும் மார்க்கெட்டிங் துறையினருக்கு இந்த‌ சேவை மிகவும் பயன் தரக்கூடும்.டிவிட்டரின் போக்கு குறித்து அறிய விரும்பும் எவரும் இந்த சேவையை பயன்ப்டுத்தலாம்.அதன் மூலம் டிவிட்டர் வெளி தொடர்பாக பல சுவாரஸ்ய‌மான விஷயங்களை தெரிந்து கொள்ளலாம்.

இணைய‌தள முகவரி;http://www.tweetolife.com