Tag Archives: un

சமூக ஊடகத்தை கலக்கும் 15 வயது சிறுவனின் பெண்ணுரிமை பேசும் மடல்

Emma Watsonஹாலிவுட் நடிகை எம்மா வாட்சன் ஐநா சபையில் பெண்ணுரிமை தொடர்பாக நிகழ்த்திய உரையின் பாதிப்பால் 15 வயது சிறுவன் எழுதிய கடிதம் சமூக ஊடகங்களில் பெரும் தாக்கத்தை ஏற்படுத்தியுள்ளது. ஆயிரக்கணானோர் இந்த கடித்த்தை டிவிட்டர் மூலம் பகிர்ந்து வருவதோடு, பிரபலங்கள் பலர் சிறுவனின் பார்வைக்கு பாராட்டு தெரிவித்துள்ளனர்.

ஹாலிவுட் நடிகை எம்மா வாட்சனை நிச்சயம் உங்களுக்கு தெரிந்திருக்கும். ஹாரிபாட்டர் பட வரிசை உள்ளிட்ட திரைப்படங்களில் நடித்து புகழ்பெற்ற ஹாலிவுட் இளம்புயல் அவர். கடந்த 20 ம் தேதி எம்மா வாட்சன் ஐக்கிய நாடுகள் சபையில் பாலின சமன் தொடர்பாக உரை நிகழ்த்தினார். அப்போது அவர் பெண்ணுரிமை தொடர்பான கருத்துக்களை எழுச்சியுன் முன்வைத்தார்.

உலகில் எந்த ஒரு நாடும் பாலின சமன்பாடு அடைந்துவிட்டதாக கூற முடியாது என்று தெரிவித்தவர் பெண்ணுரிமைக்காக ஆண்களும் , பையன்களும் இணைந்து போராட வேண்டும் என்று அழைப்பு விடுத்தார்.
“ ஆண்கள் இந்த பொறுப்பை ஏற்பதன் மூலம், அவர்களின் சகோதரிகளும், மகள்களும், அம்மாக்களும் பாகுபாட்டில் இருந்து விடுபடலாம்’ என்று அவர் அப்போது குறிப்பிட்டார். பெண்ணுரிமைக்கான ஹீபார்ஹெர் எனும் பிரச்சாரத்தின் துவக்கமாகவும் இது அமைந்தது.

எம்மாவின் இந்த எழுச்சி உரை பலரால் பாராட்டப்பட்டது. இளம் நடிகை எம்மா தனது உரை ஆண்கள் மத்தியில் தாக்கத்தை ஏற்படுத்த வேண்டும் என்றே விரும்பியிருப்பார். ஆனால் அவர் சற்றும் எதிர்பாராத விதமாக 15 வயது சிறுவன் எட் ஹால்டாம் (Ed Holtom ) இந்த உரையால் உந்துதல் பெற்று பெண்ணுரிமையை வலியுறுத்தி கடிதம் எழுதி அந்த கடிதம் சமூக ஊடகங்களில் பெரும் தாக்கத்தை ஏற்படுத்தியுள்ளது.
letter2
பிரிட்டனின் லண்டன் அருகே உள்ள பள்ளியில் படிக்கும் மாணவனான ஹால்டாம் ,எம்மாவின் ஐநா உரையை யூடீயூப்பில் கேட்டு ஊக்கம் பெற்ற நிலையில் , தனது மனதில் தோன்றிய கருத்துக்களை கடிதமாக எழுதி , புகழ்பெற்ற டெலிகிராப் நாளிதழுக்கு வாசகர் கடிதமாக அனுப்பி வைத்தான. பையன்கள் எம்மா வாட்சன் சொல்வதை கேட்க வேண்டும் என்னும் தலைப்பில் வெளியான அந்த கடிதத்தில் ,எம்மா கூறியது முழுவதையும் தான் ஒப்புக்கொள்வதாகவும் ,ஆனால் தனது வகுப்பில் உள்ள மாணவர்களில் பலர் இது குறித்து அறியாமை கொண்டிருப்பது ஏமாற்றம் தருவதாக தெரிவித்திருந்தார். பெண்களுக்கான மற்றும் பையன்களுக்கான எனும் பதங்களை பயன்படுத்துவது மூலம் ஆண் மற்றும் பெண் தொடர்பான ஒரே மாதிரியான கருத்துக்களை மனதில் பதிய வைப்பதாகவும் கூறியிருந்தவர், இது போன்ற வரையரைக்குள் மற்றவர்கள் அடைக்க முயலாமல் இருக்க வேண்டும் என்றும் பாலினம் நம்மை வரையறுக்க அனுமதிக்க கூடாது என்றும் வேண்டுகோள் விடுத்திருந்தார்.
பெண்ணுரிமை என்பது ஆண்களை வெறுப்பதோ அல்லது பெண்களின் ஆதிக்கமோ அல்ல என்றும் அவர் குறிப்பிட்டிருந்தார்.

பெரியவர்கள் பலரிடம் கூட எதிர்பார்க்க முடியாத புரிதலையும், பக்குவத்தையும் வெளிப்படுத்தியிருந்த அந்த கடிதம் டிவிட்டரில் பகிர்ந்து கொள்ளப்பட்டு பலரது கவனத்தை ஈர்த்தது. நிக்காலெஸ் பெக் (@NicholasPegg ) எனும் ஆங்கில நடிகர் இந்த கடித்த்தை அற்புதமானது என குறிப்பிட்டு டிவிட்டரில் இதற்கான இணைப்பை பகிர்ந்து கொண்டார். நடிகரும் இயக்குனருமான சாமுவேல் வெஸ்ட் (@exitthelemming) இன்றைய பையன்கள் மற்றும் நாளைய ஆண்களிடம் இருந்து நீங்கள் படிக்க விரும்பும் கடிதத்தை ஹால்டாம் எழுதியதாக பாராட்டியிருந்தார்.
ஷரான் ஸ்டேன்லி(@georgidog15 ) என்பவர், ஹால்டாம் வயது 15 தன என்றாலும் தன்னைவிட மூன்று மடங்கு வயதானவர்களுக்கு இருக்க வேண்டிய புரிதல் மற்றும் உள்ளொளியை கொண்டிருப்பதாக பாராட்டியிருந்தார். டிவிட்டரில் மேலும் பலரும் இந்த கடிதத்தை பகிர்ந்து கொண்டு வருகின்றனர்.
ஹால்ஸ்டாம் தனது கடிதம் ஏற்படுத்தியுள்ள அதிர்வலைகளை கொஞ்சமும் எதிர்பார்க்காவிட்டாலும் இதனால் மகிழ்ச்சி அடைந்துள்ளார்.

ஹால்டாம் டிவிட்டரிலும் தீவிரமாக இருக்கிறார். இந்த கடித்த்திற்கு கிடைத்து வரும் பாராட்டுகளை டிவிட்டரில் (@EdHoltom) அவர் பகிர்ந்து கொண்டு வருகிறார். எம்மா வாட்சனின் ஐநா சபை உரைக்கான யூடியூப் இணைப்பையும் அவர் ஏற்கனவே பகிர்ந்து கொண்டுள்ளார்.
letter2

leter
மாணவரான ஹால்டாமின் இந்த கடிதம் மிகவும் விஷேசமானது. ஏனெனில் நடிகை எம்மா வாட்சனின் ஐநா உரை ,பெரும் தாக்கத்தை ஏற்படுத்திய நிலையில் எதிர்மறையான பாதிப்பையும் உண்டாக்கி இருந்தது. இந்த உரைக்கு பின் இணைய உலகில் எம்மா வாட்சன் குறிவைத்து தாக்கப்பட்டார். ஏற்கனவே ஹாலிவுட் நடிகைகளின் நிர்வாண புகைப்படங்கள் தாக்காளர்கள் வெளியிடப்பட்ட நிலையில், இந்த கருத்துக்கு பதிலடியாக எம்மா வாட்சனின் நிர்வாண புகைப்படங்கள் வெளியாக இருப்பதாக செய்தி வெளியானது. இதற்காக என்று ஒரு இணையதளமும அமைக்கப்பட்டு அதில் புகைப்படம் வெளியாக்கும் கவுண்டவுன் கடிகாரம் இணைக்கப்பட்டிருந்தது. பின்னர் இது ஒரு போலி தளம் என்றும், தாக்காளர் சிலரது முயற்சி இது என்றும் தெரியவந்தது.

எம்மா வாட்சனுக்கு பதிலடியாக அமையாவிட்டாலும் இந்த போலி இணையதளம் பெரும் அதிர்ச்சியை ஏற்படுத்தியது. பெண்ணுரிமை தொடர்பான அவரது பார்வையை கருத்துரீதியாக எதிர்கொள்ளாமல் ,அவருக்கு எதிராக நிர்வான புகைப்பட வெளியீடு எனும் மிரட்டல் உத்தியை பயன்படுத்திக்கொள்ளும் வகையிலான முயற்சியாக இந்த இணையதளம் கருதப்படுகிறது. இந்த பின்னணியில் சிறுவன் ஹால்டாமின் புரிதலும் முதிர்ச்சியும் வரவேற்க தக்கது தானே!

எம்மா வாட்சனின் ஐநா உரை : https://www.youtube.com/watch?v=gkjW9PZBRfk

அகதிகள் நிலை உணர்த்தும் செல்போன் செயலி!


ஒரு அகதியாக இருப்பது என்றால் என்ன?இந்த கேள்விக்கு பதில் தேடும் துணிவு உங்களுக்கு இருக்கிறதா என்று கேட்காமல் கேட்கிறது ஐக்கிய நாடுகள் சபை அகதிகள் தொடர்பாக உருவாக்கியுள்ள செல்போன் செயலி.

ஆம் ,அகதிகளின் தவிப்பையும் துயரத்தையும் புரிந்து கொள்வதற்கான வாய்ப்பை ஏற்படுத்தி தரும் வகையில் ‘ஒரு அகதியாக என் வாழ்க்கை’ என்னும் பெயரிலான அந்த செயலி உருவாக்கப்பட்டுள்ளது.அகதிகள் தொடர்பான விழிப்புண‌ர்வை பரவலாக்கி அவர்களின் பரிதவிப்பையும் துயர நிலையையும் புரிய வைக்க முயல்கிறது இந்த செயலி.

செல்போன் செயலிகளில் பெரும்பாலானவை வீடியோகேம் ரகத்தை சேர்ந்தவை என்பதை நீங்கள் அறிந்திருக்கலாம்.இந்த விளையாட்டுகள் கேளிக்கையும் பொழுதுபோக்கும் தரக்கூடியவை தான்.

ஆனால் கல்வி நோக்கிலும் வீடியோகேமை பயன்படுத்த முடிவது போல செல்போன் செயலி விளையாட்டையும் கூட கல்வி நோக்கில் பயன்படுத்தலாம்.சமூக விழிப்புணர்வு நோக்கிலும் பயன்படுத்தலாம்.

ஐக்கிய நாடுகளின் சபையின் அகதிகள் விழிப்புணர்வு பிரிவு இதே நோக்கில் அகதிகள் நிலை குறித்து புரிய வைக்கும் வகையில் அகதியாக இருப்பது என்றால் என்ன என்னும் அனுபவத்தை தரும் விளையாட்டை செயலியாக உருவாக்கியுள்ளது.

இந்த விளையாட்டில் உங்களை ஒரு அகதியாக கருதி கொள்ள வேண்டும்.உள்நாட்டு போரிலோ அல்லது வேறு ஏதோ காரணத்தினாலோ உடமைகளை துரந்து உயிர் காத்து கொள்ள சொந்த நாட்டை விட்டு வெளியேற நேரும் அவல நிலைக்கு தள்ளப்பட்டால் என்ன செய்வீர்கள் என்பது தான் இந்த விளையாட்டு முன் வைக்கும் சவால்.

வீட்டை விட்டு வெளியேற நேர்ந்ததில் இருந்து ஒவ்வொரு கட்டமாக இந்த விளையாட்டில் முன்னேறி செல்லலாம்.ஒவோரு கட்டமும் அகதிகள் எதிர் கொள்ளும் சோதனையின் எடுத்து காட்டாக விளங்க கூடியவை.உதாரணத்திற்கு குடும்பத்தோடு த‌ப்பி செல்லும் போது மகனும் தாயும் வழி தவறி விட்டது தெரிய வந்தால் அவர்களை தேடிச்செல்வீர்களா,அல்லது முன்னேறி சென்று காத்திருப்பீர்களா என்னும் கேள்வியை கேட்கிறது இந்த செயலி.

இந்த கேள்விக்கு உங்களின் பதில் எதுவாக இருந்தாலும் அதனை சிக்கலுக்குள்ளாகும் வகையில் மோசமான மாற்று பாதையை முன் வைக்கிற்து இந்த செயலி.அந்த கேள்விகளும் தொடரும் சோதனைகள் நிறைந்த பயணமும் திகைக்க வைத்து விடும்.

ஒவ்வொரு அகதியும் எதிர்கொள்ளும் நிலை தான் இது.

அகதியாக தப்பிச்செல்லும் போது எடுக்கும் சந்திக்கும் சோதனைகளும் எடுக்கும் முடிவுகளும் பாதிப்பை ஏற்படுத்தும் என்றாலும் அவற்றை தவிர்ப்பது அவர்கள் கையில் இல்லையே.இந்த கையறு நிலையை தான் செல்போன் உலகிற்குள் உங்களை ஒரு அகதியாக இருக்க வைத்து உணர்த்த விரும்புகிறது இந்த செயலி.

உலகம் சொற்க‌ பூமியாக இல்லை.ஒவ்வொரு நிமிடமும் யாராவது ஒருவர் போருக்கு பயந்தோ தண்டனைக்கு அஞ்சியோ அகதியாக வெளியேறி கொண்டிருக்கின்ற‌னர்.அவர்களின் நிலையை கொஞ்சமேனும் நினைத்து பார்க்க வைக்க வேண்டும் என்பதற்காக இந்த செயலியை ஐநா உருவாக்கியுள்ளது.

மற்ற விளையாட்டு போல செல்போனில் இதனை தருவித்து விளையாடலாம்.ஆனால் இந்த விளையாட்டு கேளிக்கையை தராது.வாழ்க்கை பற்றிய புதிய புரிதலை தரக்கூடும்.

அகதிகள் நிலை பற்றிய புரிதலை தருவதோடு அவர்கள் நிலை மேம்பட நிதி அளிக்கவும் இந்த செயலி வாய்ப்பு தருகிறது.

கோபக்கார பறவையாக பன்றிகள் மீது தாக்குதல் நடத்து அங்க்ரிபேர்டு விளையாட்டு போன்றது தான் இதுவும் என்றாலும் இந்த செயலி அங்க்ரிபேர்டு போல மாபெரும் வெற்றியை பெற வேண்டும் என்றெல்லாம் ஐநா எதிர்பார்க்கவில்லை.சொல்லப்போனால் அங்க்ரிபேர்டு அள‌வுக்கு இந்த செயலி பிரபலமாக வேண்டும் என்று கூட ஐநா எதிர்பார்க்கவில்லை.இந்த செயலியை பலரும் அறிந்து கொண்டு இதன் மூலம் அகதிகள் நிலை உணர்ந்தாலே போதும் என்கிறது ஐநா.

இன்னலுக்கு ஆளான ஈழத்தமிழர்கள் பெயரால் நாமும் இந்த விளையாட்டை விளையாடுவோம்.அகதிகள் நிலை உணர்வோம் ,ஏதேனும் செய்வோம்!

இணையதள முகவரி;http://takeaction.unhcr.org/

டிவிட்டரில் விவாதம் செய்த ரவாண்டா அதிபர்.

அமெரிக்க அதிபர் ஒபாமா டிவிட்டரில் இருக்கிறார்.ரஷ்ய அதிபர் மெடிவிடேவ்,வெனிசுலா அதிபர் சாவேஸ் ஆகியோரும் டிவிட்டரில் இருக்கின்றனர்.தாய்லாந்து பிரதமர்,பிரிட்டன் பிரதமர் என மேலும் சில தேசத்தலைவர்களும் டிவிட்டரில் இருக்கின்றனர்.ஆனாலும் டிவிட்டர் பயன்பாட்டில் முன்னோடி என்னும் பெருமை ரவாண்டா நாட்டு அதிபர் பால ககாமேவுக்கு தான் கிடைத்திருக்கிறது.

அதற்கு காரணம் தன் மீதான விமர்சனத்திற்கு பதில் அளிக்க டிவிட்டரை அவர் மிகச்சரியாக பயன்படுத்தி கொண்டது தான்.பதில் அளித்தது மட்டும் அல்லாமல் தனது நிலையை விளக்கி தொடர் விவாதத்திலும் ஈடுபட்டு வியக்க வைத்தார்.

டிவிட்டரில் தெரிவிக்கப்படும் கருத்துக்கு டிவிட்டரில் பதில் அளிப்பதோ அல்லது டிவிட்டர் வழியே விவாதம் செய்வதோ புதிதல்ல;பெரிய விஷயமும் இல்லை.ஆனால் ஒரு நாட்டின் அதிப‌ராக இருப்பவர் இப்படி டிவிட்டரில் பதில் அளிப்பது என்பது வியப்பானது தான்.

பிரிட்டன் பத்திரிகையாளார் இயான் பிரெல் அவருடைய டிவிட்டர் பக்கத்தில் அதிபர் ககாமேவை கடுமையாக விமர்சித்திருந்ததை அடுத்து அந்த விமர்சனத்திற்கு பதில் அளிக்கும் வகையில் ககாமே டிவிட்டரில் விளக்கம் அளித்து அதை தொடர்ந்து விவாதத்திலும் ஈடுபட்டார்.

பத்திரிகையாளராக பிரெல் எத்தனையோ பதிலடிகளையும்,மிரட்டல்களையும் சந்தித்தவர் தான்.ஆனாலும் கூட ஒரு நாட்டின் அதிபர் அவர்து கருத்துக்கு டிவிட்டரில் பதில் அளிக்ககூடும் என்பதை அவர் எதிர்பார்க்கவில்லை.அதிலும் டிவிட்டரில் தான் தெரிவித்த கருத்துக்கு டிவிட்டர் வழியேவே அதிபர் பதில் அளிப்பார் என்று அவர் எதிர்பார்த்திருக்கவில்லை.

எல்லாம் ககாமே அளித்த பேட்டி ஒன்றிலிருந்து ஆரம்பமானது.

ககாமே ரவாண்டாவை இனப்படுகொலையில் இருந்து மீட்டவர் என்ற போதிலும்  அத‌ன் பிறகு அவரது சர்வாதிகார போக்கு கடும் விமர்சனத்திற்கு ஆளானது.விமர்சனத்தை சகித்து கொள்ளாதவாரகவும்,கருத்து சுதந்திரத்தை ந‌சுக்குபவராகவும் இருப்பதாக அவர் மீது குற்றசாட்டுக்கள் கூறப்படுகின்றன.யாரெல்லாம் அதிபரை விமர்சிக்கின்றனரோ அவர்கள் எல்லாம் கொடுமைப்படுத்தபடுவதாகவும் குற்றச்சாட்டு உள்ளது.

இந்நிலையில் பிரிட்டனின் பைனான்சியல் டைம்ஸ் நாளிதழுக்கு அளித்த பேட்டியில் ரவாண்டாவின் க‌டுமையான நட்வடிக்கைகளை நியாயப்படுத்தி பேசிய ககாமே ,தன்னை விமர்சிக்க மீடியாவில் உள்ளவர்களுக்கோ,ஐநா அல்லது மனித உரிமை ஆர்வலர்களுக்கோ எந்த தார்மீக உரிமையும் இல்லை என்று கூறியிருந்தார்.

இந்த பேட்டியை படித்த பிரெல் அதிபர் ககாமேவின் ஆணவமான கருத்துக்களால் கடுமையாக‌ அதிருப்தி அடைந்த பிரெல்,அதிபர்  ககாமே சர்வாதிகாரத்தன்மை மிக்கவர்,நிதர்சனத்தை அறியாதவர் என்று டிவிட்டரில் தனது கோபத்தை வெளிப்படுத்தினார்.

அதன் பிறகு ககாமேவை மற‌ந்துவிட்டு அவர் தனது வேலையில் மூழ்கிவிட்டார்.பின்னர் வாக்கிங் சென்று திரும்பியவர் எப்பொதும் போல முதல் வேலையாக தனது டிவிட்டர் பக்கத்தில் நுழைந்து புதிய செய்தி ஏதாவது இருக்கிறதா என பார்க்க முற்பட்டார்.

அவர் சற்றும் எதிர்பார்க்காத வகையில் ரவாண்டா அதிபர் டிவிட்டரில் அவர் தெரிவித்திருந்த கருத்துக்கு பதில் அளித்திருந்தார்.என்னை சர்வாதிகாரி என்று சொல்வதற்கு உங்களுக்கு தகுதி இல்லை என்பது போல அமைந்திருந்த அந்த பதிலில் ‘எல்லோரையும் விமர்சிக்கும் உரிமையை நீங்களே எடுத்து கொள்கிறீர்கள்.உங்களுக்கு தான் உரிமை இருப்பது போல மற்றவர்களை மதிப்பிடுகிறிர்கள்’ என்று தெரிவித்திருந்தார்.

முதல் பதிவின் தொடர்ச்சி போல இருந்த அதற்கு அடுத்த பதிவில் ‘உலகில் எது சரி எது தவறு என்றும்,எதை நம்ப வேண்டும் எதை நம்பக்கூடாது நீங்களே தீர்மானிக்கிறிர்கள் உங்களுக்கு  அந்த உரிமை இல்லை’ என்று கூறியிருந்தார்.

அதிபரின் இந்த டிவிட்டர் பதிலை படித்த‌ பிரெல் ஆச்சர்யத்தில் ஆழ்ந்துவிட்டார்.ஒரு நாட்டுக்கு அதிபராக இருப்பவர் டிவிட்டரில் தான் சொன்ன கருத்துக்கு பதில் அளிக்க முற்படுவார் என்று அவர் நினைக்கவில்லை.அதோடு அதிபரின் டிவிட்டர் வாசகம் இளைஞர்கள் டிவிட்டரில் பய்னப‌டுத்தும் பாணியில் அமைந்திருந்ததும் வியப்பில் ஆழத்தியது.

அந்த வியப்பினுடே பிரெல் அதிபருக்கு பதில் அளிக்கும் வகையில்’உங்களை விமர்சன்ம் செய்ய எனக்கு ஏன் உரிமையில்லை என்று எப்படி சொல்கிறீர்கல் என்று புரியவில்லை,தயவுசெய்து விளக்கம் தர முடியுமா?’என கேட்டிருந்தார்.

பின்னர் மீண்டும் அதே கேள்வியை டிவிட்டர் செய்தார்.

ரவாண்டாவில் பத்திரிகை சுதந்திரத்துக்கு உங்களை விமர்சிபவர்களுக்கும் என்ன ஆகிரது என்று தெரிந்தாலும் இதை கேட்கிறேன் என்று அடுத்த கேள்வியையும் கேட்டார்.

உடனே ;’ரவாண்டா மக்களை கேட்டால் சொல்வார்கள்,நீங்கள் வணிப்பது போல இல்லை நான்,ரவாண்ட மக்கள் பற்றியும் உங்களுக்கு ஒன்றும் தெரியாது’ என்று  அதிபர் ககாமே பதில் அளித்தார்.

‘நீங்கள் சொல்லும் குற்றச்சாட்டுக்கல் ஆதாரம் இல்லாதவை,என்னை பற்றியே ரவாண்டா மக்கள் பற்றியோ எதையும் தெரிந்து பேசுவதில்லை’என்று அடுத்த பதிவிலும் அவர்து பதிலடி தொடர்ந்தது.

அதற்கு,’ நான் சொல்வத்ற்கெல்லாம் போதுமான‌ ஆதரங்கள் இருக்கின்றன ‘என்று பிரெல் பதில் தெரிவித்தார்.அடுத்த டிவிட்டர் செய்தியில் அதற்கான ஆதாரத்தையும் இணைத்திருந்தார்.

‘ஆப்பிரிக்கர்களுக்கு ஆப்பிரிக்ககள் தான் தேவை உங்களை போன்றவர்கள் இல்லை என அடுத்த இரண்டு பதிவுகளில் அதிபர் தனது பதிலடியை தொடர்ந்தார்.

உடனே பிரெல் தனது பழைய குற்றச்சாட்டை அழுத்தம் திருத்தமாக் மீண்டும் தெரிவித்தார்.

அதற்கு ‘என்னை ஏன் சர்வாதிகாரி என்றும் நிதர்சனைத்தை அறியாதவர் என்றும் விமர்சனம் செய்தீர்கள் என்பதற்கு இன்னும் நீங்கள் பதில் அளிக்கவில்லை’என்று ககாமே குற்றம் சாட்டினார்.என்னை அவ‌மதிக்க மட்டுமே செய்துள்ளீர்கள் என்றும் குற்றம் சாட்டி அடுத்த பதிவை வெளியிட்டார்.

பிரெல் விடாம்ல்,’நான் கேட்ட கேள்வியை விட்டு விட்டு எங்கோ செல்கிறிர்கள்,உங்களை விமர்சனம் செய்ய ஏன் எங்களுக்கு உரிமை இல்லை என்று சொல்கிறிர்கள் என்று கேட்டார்.

ஆனால் அதிபரோ ‘என்னை விமர்சித்த பத்திரிகையாளரோடு விவாதம் செய்ய எனக்கு உரிமையில்லையா’ என கேட்டிருந்தார்.

‘ரவாண்டா பற்றி உங்களுக்கு எதுவும் தெரியாது,உங்களுக்கு எதையும் விளக்க வேண்டிய அவசியமில்லை,உங்கள் அரசிடம் இப்படி கேட்டுப்பாருங்களேன் ‘என்றும் அடுத்த பதிவை வெளியிட்டார்.

‘நாளிதழ்களையும் ,மீடியாவையும் நீங்கள் நசுக்கும் போது நியாயம் எங்கே இருக்கிறது ‘என பிரெல் விடாமல் தனது கேள்விகனையை தொடர்ந்தார்.

‘ரவாண்டாவில் எல்லாமே நேர்மையாகவும் வெளிப்படையாகவும் நடக்கிற‌து என்று இதற்கு அதிபர் ஆணித்தரமான பதிலை டிவீட் செய்தார்.

‘பிரெல் மீண்டும் தனது மூல கேள்வியை கேட்டு அதற்கு பதில் தருமாறு கேட்டுக்கொன்டார்.

ஐநா மற்றும் மனித உரிமை அமைப்பினர் மட்டும் ஒழுங்கா என்பது போல அதிபர் இப்போது பதில் அளித்தார்.

இனும் சில டிவிட்டர் செய்திகளாக இந்த பரிமாற்றம் தொடர்ந்தது.நீங்கள் கேள்விகள் கேட்கப்படுவதை விரும்புவதில்லை என குற்றம் சொல்லிவிட்டு அதிபர் விவாதத்திற்கு முற்றுப்புள்ளி வைத்தார்.

இதனிடையே அந்நாட்டு வெளியுரவுத்துறை அமைச்சரும் தன் பங்கிற்கு டிவிட்டரில் விளக்கம் அளித்தார்.

இந்த‌ விவாதம் நடைபெற்று கொண்டிருக்கும் நிலையிலேயே டிவிட்டர் வெளியில் இந்த செய்தி பரபரப்பை உண்டாகியது.ப‌த்திரிகையாளர் ஒருவரோடு ரவாண்டா அதிபர் டிவிட்டரில் நேரடி விவாதத்தில் ஈடுட்டிருப்பதை பலரும் ரசித்ததோடு இரு தரப்பினருக்கும் ஆதரவாகவும் எதிராகவும் கருத்துக்களை வெளியிட்டனர்.

டிவிட்டர் நிபுணர்களும் இந்த விவாததால் கவரப்பட்டன‌ர்.இதற்கு முன்னர் இப்படி தேசத்தலைவ‌ர் ஒருவர் டிவிட்டரில் விளக்கம் அளிக்கவோ விவாதம் நடத்தவோ முயன்றதில்லை;இது ஒரு டிவிட்டர் மைல்கல் என்று ஸ்லாகித்தனர்.

அவரோடு விவாதத்தில் ஈடுபட்ட பத்திரிகையாளர் பிரெல் தனது கேள்விகளுக்கு அதிபர் நேரடியாக பதில் அளிக்காமல் பதில் கேள்வி கேட்டு தட்டி கழித்தாலும் ,புதிய தகவல் தொடர்பு சாதனமான டிவிட்டர் வழியே அவர் தன் மிதான விமர்சனத்திற்கு விளக்கம் அளிக்க முயன்றது பாராட்டத்தக்கது என்று தெரிவித்தார்.ஆனால் இந்த சுதந்திரத்தை அவர் தனது நாட்டு மக்களிடமும் காட்டாதது வேத‌னையானது என்று தெரிவித்தார்.

எதிர்காலத்தில் இப்படி தலைவர்களும் அதிபர்களும் டிவிட்டரில் தங்கள் மீதான  விவாதத்தில் ஈடுபடுவது சக‌ஜமானால் எப்படி இருக்கும் யோசித்து பாருங்கள்.