Tag Archives: words

இந்த தளம் இணைய களஞ்சியம்

tஎந்த துறையிலேமே தொழில்நுட்ப பதங்கள் புரியாமல் குழப்பத்தை ஏற்படுத்தலாம். இணைய உலகில் இத்தகைய பதங்கள் இன்னும் அதிகம். அதோடு தொழில்நுட்ப வளர்ச்சிக்கு ஏற்ப புதிய பதங்கள் வேறு அறிமுகமாகி கொண்டிருக்கின்றன. இந்த வளர்ச்சிக்கு ஈடுகொடுத்து இணையவாசிகளுக்கு வழிகாட்டும் வகையில் வெப்போபீடியா தளம் செயல்பட்டு வருகிறது.

இந்த தளத்தை நவீன தொழில்நுட்ப பதங்களுக்கான இணைய அகராதி என்று சொல்லலாம். தொழில்நுட்ப தேடியந்திரம் என்றும் சொல்லலாம். இணையம், கம்ப்யூட்டர் சார்ந்த தொழில்நுட்ப பதங்கள் எதுவாக இருந்தாலும் அவற்றை இந்த தளத்தில் சமர்பித்து பொருள் அறியலாம்.

இதன் முகப்பு பக்கத்தில் மேலே உள்ள தேடல் கட்டத்தில் தொழில்நுட்ப பதத்தை டைப் செய்தால் போதும் அதற்கான விரிவான விளக்கம் தோன்றும். இவைத்தவிர முகப்பு பக்கத்திலேயே தினம் ஒரு தொழில்நுட்ப பதத்திற்கான அர்த்தம் இடம்பெறுகிறது. சமீபத்திய தொழில்நுட்ப பதங்களின் பட்டியலையும் பார்க்கலாம்.

ஆய்வாளர்கள், மாணவர்கள் மற்றும் இணைவாசிகள் ஆகியோருக்கு பயன் தரும் வகையில் தொழில்நுட்ப பதங்களுக்கான விளக்கம் எளிமையான முறையில் தரப்படுவது இந்த தளத்தின் சிறப்பம்சம். தினமும் புதுப்புது வார்த்தைகளுடன் தொடர்ச்சியாக புதுப்பிக்கப்பட்டு வருவது இன்னும் சிறப்பு.

எனவே இப்போது தான் புதிதாக அறிமுகமாகியிருக்கும் தொழில்நுட்பம் சார்ந்த வார்த்தைகள் என்றாலும் அதற்கான விளக்கத்தை இதில் காணலாம். இதுத்தவிர தொழில்நுட்பம் சார்ந்த ஆழமான விளக்க மற்றும் வழிகாட்டுதல் கட்டுரைகளும் இடம்பெற்றுள்ளன.

இணையத்தில் ஆர்வம் உள்ளவர்கள் அவசியம் புக்மார்க் செய்து கொள்ள வேண்டிய தளம் இது: http://www.webopedia.com/

இதே போலவே வாட் ஈஸ் (http://whatis.techtarget.com/ ) இணையதளம் தகவல் தொழில்நுட்பம் சார்ந்த வார்த்தைகள் மற்றும் சொற்றடர்களின் விளக்கம் அளிக்கும் தளமாக இருக்கிறது.

 

டெக்டெர்ம்ஸ் (techterms.com ) தளமும் இதே போலவே தொழில்நுட்ப பதங்களுக்கு பொருள் அறிய உதவுகிறது. இதையும் தொழில்நுட்ப தேடியந்திரமாக பயன்படுத்தலாம்.

வைஸ்கீக் (wisegeek.com ) தளத்தையும் இந்த பட்டியலில் சேர்த்துக்கொள்ளலாம்.தொழில்நுட்பம் தொடர்பான கட்டுரைகளும் தனித்தனி தலைப்புகளில் இடம்பெற்றுள்ளன. இந்த தளம் புதுப்பிக்கப்படாமல் இருந்தாலும் பழைய கட்டுரைகள் பயனுள்ளவை.

 

 

இணைய அகராதி

இணையம் தனக்கான தனி மொழியையும் உருவாக்கியிருக்கிறது. இணையத்தில் பயன்படுத்தப்படும் புதிய சொற்களும், சுருக்கங்களும் அநேகம் இருக்கின்றன. இணையத்திலேயே புழங்குபவர்களுக்கு இந்த வார்த்தைகளும் இணைய மொழிகளும் அத்துமடி என்றாலும் சராசரி இணையவாசிகளுக்கு இவை புரியாத புதிராக இருக்கலாம். அதிலும் குறிப்பாக இணைய அரட்டை மற்றும் சமூக வலைதளங்களில் பயன்படுத்தப்படும் குறிப்புகள் குழப்பத்தை அளிக்கலாம். இத்தகைய இணைய மொழிகளுக்கான விளக்கத்தை அளிக்கிறது நெட்லிங்கோ இணையதளம்.

இணையத்தின் குறுக்கெழுத்தாக அமையும் வார்த்தைகளுக்கான அர்த்தத்தை இதில் தேடிக்கொள்ளலாம். இணைய குறிப்புகள் பலவும் இடம்பெற்றுள்ளன. தினம் ஒரு வார்த்தை விளக்கமும் அளிக்கப்படுகிறது. இந்த விளக்கத்தை இமெயில் மூலமும் பெறலாம்.

இணைய முகவரி: http://www.netlingo.com/

 

அசத்தலான ஆன்லைன் அகராதிகள்!

wபடித்துக்கொண்டிருக்கும் போதோ,வீட்டுப்பாடம் செய்து கொண்டிருக்கும் போதோ புரியாத சொற்களுக்கு அர்த்தம் தெரிந்து கொள்ள டிக்‌ஷனரி அதாவது அகராதிகளை புரட்டி பார்த்திருப்பீர்கள். ஆனால் , இதற்காக புத்தக அலமாரியில் இருக்கும் தலையனை சைஸ் டிக்‌ஷனரி அல்லது கையடக்க டிக்‌ஷனரியை தான் நாட வேண்டும் என்றில்லை. இணைய வசதி இருந்தால், இணையத்திலேயே புரியாத எந்த சொல்லுக்கும் அர்த்தம் தெரிந்து கொண்டு விடலாம். இதற்காக என்றே ஆன்லைன் அகராதிகள் இருப்பது உங்களுக்கு தெரிந்திருக்கும். அகராதிகளில் பல ரகம் இருப்பது போலவே இணைய அகராதிகளிலும் பல ரகம் இருக்கின்றன. அவற்றில் அசத்தலான அகராதிகள் சிலவற்றை அறிமுகம் செய்து கொள்ளலாமா?

இந்த அகராதிகளின் சிறப்பம்சம் என்ன தெரியுமா? இவை அர்த்தம் தேடுவதை மேலும் சுவாரஸ்யமாக்குவதோடு , வார்த்தைகளுக்கான பொருளை காட்சிரீதியாவும் புரிய வைக்க கூடியவையாக இருக்கின்றன. அது மட்டுமா? அர்த்தம் தேடும் சொற்களுடன் தொடர்புடைய வேறு பல விஷயங்களையும் இவை தெரிந்து கொள்ள உதவுகின்றன.

இத்தகைய காட்சி அகராதிகளுக்கு அழகான உதாரணமாக வேர்ட்சென்ஸ்.மீ (http://wordsense.me/ ) அகராதி இருக்கிறது. வேர்டு சென்ஸ் தேடப்படும் வார்த்தைகளுக்கான அர்த்ததை அழகாக வரைபடம் போல காட்டுகிறது. இடது பக்கத்தில் பார்த்தீர்கள் என்றால் தேடிய சொல்லுக்கான அர்த்தம் கொடுக்கப்பட்டிருக்கும். அந்த சொல்லுக்கு பெயர்ச்சொல்லாக என்ன பொருள், வினைச்சொல்லாக இருந்தால் என்ன அர்த்தம் போன்றவற்றை இதைப்பார்த்து தெரிந்து கொள்ளலாம். அப்படியே பக்கத்தில் பார்த்தால் , அந்த சொல்லுக்கு இணையான சொற்கள் மற்றும் தொடர்புடைய சொற்களின் பட்டியலும் இடம்பெற்றிருக்கும். அவற்றில் எந்த சொல்லை கிளிக் செய்தாலும் அதற்கான விளக்கமும் வரும். அந்த சொல்லுக்கான வார்த்தை வரைபடமும் வரும். ஆக, எந்த சொல்லாக இருந்தாலும் அதற்கான பொருளையும் பயன்பாட்டையும் விரிவாக தெரிந்து கொள்ளலாம். ஆங்கிலம் அறிந்து கொள்வதில் ஆர்வம் இருந்தால் இந்த இணைய அகராதி உங்களை கவர்ந்திழுத்துவிடும். ஏதோ இணைய விளையாட்டு ஆடுவது போல நேரம் போவதே தெரியாமல் இதை பயன்படுத்திக்கொண்டே இருக்கத்தோன்றும்.
இந்த அகராதியில் இன்னும் ஒரு சிறப்பு , நீங்கள் ஏற்கனவே தேடிய வார்த்தைகளையும் இது நினைவில் வைத்துக்கொண்டே அடையாளம் காட்டிக்கொண்டே இருக்கும். அதே போல இதில் பரிந்துரைக்கப்பட்டுள்ள வார்த்தைகளின் பட்டியலையும் கிள்க் செய்து பார்க்கலாம்.

எல்லாம் சரி, அகராதியை பாடம் படிப்பது போல படித்துப்பார்க்கலாம் என்றால் நம்ப முடிகிற்தா? கிட்ஸ்.வேர்ட்ஸ்மித் ( http://kids.wordsmyth.net/we/) இதை சாத்தியமாக்குகிறது. இதில் மற்ற அகராதிகள் போல புரியாத வார்த்தைக்கான பொருள் தேடலாம். குறிப்பிட்ட அந்த வார்த்தைக்கான விளக்கத்தை விரிவாக பார்க்கலாம். அந்த சொல்லின் சரியான உச்சரிப்பையும் ஆடியோவாக கேட்கலாம். இதே பக்கத்தில் பார்த்தீர்கள் என்றால், ஒவ்வொரு சொல்லுக்கும் , வார்த்தை ஆராய்ச்சி, வார்த்தை வரலாறு ,வார்த்தை பாகங்கள் ஆகிய வசதிகள் இருப்பதை பார்க்கலாம். இதில் வார்த்தை ஆராய்சியை கிளிக் செய்தால் அந்த சொல்லின் பயன்பாடு தொடர்பான வாக்கியங்களை பார்க்கலாம். வாரத்தை வரலாறு அந்த சொல் தோன்றிய விதம் பற்றி தெரிந்து கொள்ளலாம். வார்த்தை பாகங்கள் பகுதியில் எந்த ஒரு சொல்லையும் பகுதி பகுதியாக பிரித்து பொருள் சொல்லப்படுகிறது.

இது வார்த்தை தேடலுக்கானது. முகப்பு பக்கத்தில் வார்த்தைகளுக்கான வழிகாட்டி எனும் வர்ணனையோடு பலவேறு தலைப்புகள் கொடுக்கப்பட்டிருக்கும். வரலாறு, மனித உடல், பொருளாதாரம என பல தலைப்புகளை பார்க்கலாம். எந்த தலைப்பை கிளிக் செய்தாலும் அந்த தலைப்புக்கான முக்கிய சொற்களின் பட்டியல் வந்துநிற்கும். அந்த சொற்களுக்கான பொருளை கிளிக் செய்து தெரிந்து கொள்ளலாம். வார்த்தைகளின் தங்கச்சுரங்கம் என்று இந்த வசதியை இந்த தளம் குறிப்பிடுகிறது. இதை பயன்படுத்திப்பார்ப்பு சுவாரஸ்யமானது என்பதோடு தினமும் புதிய சொற்களை அறிமுகம் செய்து கொள்ளலாம். வார்த்தை விளையாட்டு புதிர்களும் இதில் உண்டு. சிறுவர்களுக்கான தனி பகுதியில் இருக்கிறது. அதில் எல்லாமே காட்சிகளாக விளக்கப்பட்டிருக்கும்.
ஸ்னேப்பி வேர்ட்ஸ் ( http://www.snappywords.com/) அகராதி இன்னும் கூட சுவாரஸ்யமானது.

இதில் எந்த வார்த்தையை சமர்பித்தாலும் அந்த சொல்லை மையமாக வைத்துக்கொண்டு தொடர்புடைய சொற்களை வரைபட சித்திரமாக காட்டுகிறது. சொற்களின் அருகே மவுசை கொண்டு சென்றாலே அவற்றுக்கான விளக்கத்தை பார்க்கலாம். அந்த வார்த்தையில் கிளிக் செய்தால் , அந்த சொலை மையமாக கொண்ட வார்த்தை சித்திரத்தையும் பார்க்கலாம். ஒரு வார்த்தை மட்டும் அல்ல இரு வார்த்தை சொற்களையும் இப்படி தேடிப்பார்க்கலாம். இந்த சித்திரத்தில் சொற்களின் தன்மைக்கு ஏற்ப தனித்தனி வண்ணங்களிலும் அடையாளம் காட்டப்படுகின்றன. அதாவது வினைச்சொல் என்றால் ஒரு வண்ணம். பெயர்ச்சொல் என்றால் ஒரு வண்ணம். ஆங்கில சொற்களின் பயன்பாட்டை காட்சிரீதியாக மிக அழகாக புரிய வைக்கிறது இந்த அகராதி.
காட்பிரைனி (http://www.gotbrainy.com/ ) அகராதி சொற்களுக்கான விளக்கத்தை அளிப்பதுடன் அதை புகைப்படமாகவும் காண்பித்து வியக்க வைக்கிறது. சொற்களின் அர்தத்தை விளக்கும் இந்த படங்கள் மூலம் சொற்களின் பயன்பாட்டை இன்னும் கூட தெளிவாக புரிந்து கொள்ளலாம். இந்த புகைப்படங்கள் பெரும்பாலும் இணையவாசிகளால் சமர்பிக்கப்பட்டவை.

அகராதிகளை பயன்படுத்துவது இத்தனை சுவாரஸ்யமானதா என்று வியப்பை ஏற்படுத்தி , வார்த்தைகளுக்கு பொருள் தேடும் ஆர்வத்தையும் இந்த அகராதிகள் உருவாக்கும். அப்படியே உங்களை ஆங்கில புலியாகவும் ஆக்கிவிடும்.

விளையாட்டாக ஆங்கிலம் கற்க அருமையான இணையதளம்.

hippoஇப்போது நாம் பார்க்கப்போகும் இணையதளம் நிச்சயம் உங்களுக்கு பிடித்திருக்கும். இந்த தளத்தின் பெயரே சுவாரஸ்யமானது. வேர்டு ஹிப்போ – இது தான் தளத்தின் பெயர். அதாவது வார்த்தை நீர்யானை. ஜாலியான பெயராக தான் இருக்கு இல்லையா

இந்த தளத்தில் நுழைந்ததுமே அழகிய நீர்யானை பொம்மையை பார்க்கலாம். அந்த நீர்யானை படத்துக்கு கீழே தான் விஷயமே இருக்கு. ஆங்கிலத்தில் உங்களுக்கு ஏதாவது ஒரு வார்த்தையின் அர்த்தம் தெரியனும் வைச்சுக்கங்க, அந்த வார்த்தையை நீர்யானை படத்துக்கு கீழே உள்ள கட்டத்தில் டைப் செய்தால் போதும் . அந்த வார்த்தைக்கான அர்த்தம் வந்து நிற்கும். அட, இதற்கு தான் ஆன்லைன் அகராதிகள் இருக்கேன்னு நீங்கள் நினைக்கலாம். இந்த தளம் அதுக்கு மேலே. ஒரு வார்த்தையை வைத்துக்கொண்டு இந்த தளத்தில் என்ன எல்லாம் செய்யலாம் என்று தெரிந்து கொண்டால் அசந்து போவீங்க.

இதில் வார்த்தையை டைப் செய்ததுமே , அந்த வார்த்தை தொடர்பாக உங்களுக்கு என்ன தேவை என்று கேட்கப்படும். அதாவது அந்த வார்த்தைக்கான எதிர் சொல் வேணுமா ? அல்லது அதற்கான இன்னொரு வார்த்தை வேணுமா? இல்லை அந்த சொல்லுடன் எதுகை மோனை நயத்துடன் சேர்ந்து ஒலிக்க கூடிய சொற்கள் தேவையா ? இப்படி பலவிதமான தேர்வுகள் கொடுகப்பட்டிருக்கும். இதற்காகவே தனியே ஒரு பட்டியல் இருக்கு. அவற்றில் உங்களுக்கு தேவையானதை கிளிக் செய்தால் , அதற்கான பதில் அடுத்த பக்கமாக வந்து நிற்கும்.

நீங்கள் கேட்ட பதிலோடு இருக்கும் இந்த புதிய பக்கத்தை பார்த்தால் அப்படியே அசந்து போயிடுவீங்க ! ஏன்னா, நீங்க தேடிய பதிலும் கச்சிதமாக இருக்கும். அதே நேரத்தில் நீங்கள் தேடாத பலவிஷயங்களுக்கான பரிந்துரைகளும் இருக்கும். இந்த பரிந்துரைகளை ஒவ்வொன்றாக கிளிக் செய்தால் அந்த வார்த்தை தொடர்பான அநேக பயன்பாடுகள் அத்துபடியாகிவிடும்.

உதாரணத்துக்கு ஒரு வார்த்தையை தேடிப்பார்ப்போமா ? இண்டரியேக்டிவ் ( interactive )  – ’இரண்டு நபர்கள் அல்லது பொருட்கள் பரஸ்பரம் பாதிப்பு கொண்டிருப்பது’ என்று இந்த சொல்லுக்கு அர்த்தம் சொல்லப்படுகிறது. கம்ப்யூட்டர் உலகில் அதிகம் பயன்படுத்தப்பும் சொல்லாகவும் இருப்பதால் அந்த பயன்பாடு பற்றிய பொருளும் இடம்பெற்றுள்ளது.

சரி, இந்த வார்த்தைக்கு அர்த்தம் கிடைச்சாச்சு. அடுத்து என்ன ?

இண்டரியேக்டிவ் போலவே வேறு வார்த்தைகள் என்ன என்ன ? இதற்கான எதிர் பதம் என்ன ? அவற்றையும் தேடிப்பார்க்கலாம். ஏற்கனவே சொன்னது போலவே இந்த பக்கத்திலேயே இவற்றுக்கான பரிந்துரைகள் இருக்கு. அவற்றில் தேவையானதை கிளிக் செய்தால் போதும். கம்யூனிகேட்டிங் ( communicating) கொலாப்ரேட்டி

ஆதரவு கோரும் புதிய தமிழ் அகராதி.

தமில் மொழியை வளமாக்க உங்கள் பங்களிப்பு தேவைப்படுகிறது என்னும் அழைப்போடு புதிய அகராதி பற்றிய இந்த பதிவை துவக்கலாம்.காரணம் இந்த அகராதியின் நோக்கமும் அது தான்.

ஆம் தமிழில் முற்றிலும் திறந்த தன்மை கொண்ட அகராதியாக இந்த புதிய அகராதி உருவாக்கப்பட்டு வருகிறது.அதாவது விக்கி பாணியில் இணையவாசிகளின் பங்களிப்போடு உருவாக்கப்பட்டு வரும் அகராதி இது.

மற்ற இணைய அகராதிகள் போல இல்லாமல் இதில் இணையவாசிகளே புதிய சொற்களை சமர்பித்து அதற்கான பொருளையும் குறிப்பிடலாம்.விக்கி பாணியிலான அகராதி என்பதால் அந்த சொல்லுக்கான அர்தத்தில் திருத்தம் இருந்தால் சக இணையவாசிகளே அந்த திருத்ததை சமர்பிக்கலாம்.

இவ்வாறு இணையவாசிகளின் பங்களிப்போடு இந்த இணைய அகராதி வளர்ந்து வருகிறது.

புதிய சொற்களை யார் வேண்டுமானாலும் சேர்க்கலாம்.இதற்காக என்றே புதிய சொற்கள் பகுதி உள்ளது.புதிய சொல்,அதற்கான அர்த்தம்,இணையான ஆங்கில சொல் ஆகிய விவரங்களை இந்த பகுதியில் தெரிவித்து அந்த சொல்லை சமர்பிக்கலாம்.

மேலதிக விவரங்களாக அந்த சொல்லை பயன்படுத்துவது தொடர்பான உதாரணம் மற்றும் ஒத்த சொற்கள்,எதிர் சொற்கள் போன்றவற்றையும் இடம் பெற வைக்கலாம்.வேற்று மொழி அர்த்தங்களையும் குறிப்பிடலாம்.

அதே நேரத்தில் ஏதேனும் சொல்லுக்கான பொருள் தெரியாமல் இருந்தால் அந்த சொல்லை பொது மன்றத்தில் சமர்பித்து அர்த்தம் கேட்கலாம்.அந்த சொல்லை அறிந்தவர்கள் அதற்கான பதிலை அளிப்பார்கள்.பதில் அளிக்கப்படும் சொற்கள் பச்சை நிறத்தில் டிக் போடப்பட்டு காட்சி தருகின்றன.

திறந்த தன்மை கொண்ட அகராதி என்பதால் இந்த வகையான சொற்கள் மட்டுமே என்ற எந்த வகையான கட்டுப்பாடும் இல்லாமல் எந்த வகையான சொற்களையும் சமர்பிக்கலாம்.புதிய அகராதியின் நோக்கத்தை விளக்கும் பகுதியில் இது பற்றி தெளிவாகவே குறிப்பிடப்பட்டுள்ளது.

எந்த மொழியும் காலத்திற்கேற்ப மாறு வருவதால் அதில் பழைய சொற்கள் மறைந்து புதிய சொற்கள் இணைவது இயல்பானது தான்.இந்த உண்மையை புரிந்து கொண்டு மக்களினால் உருவாக்கப்படும் முற்றிலும் திறந்த சொற்களஞ்சியமாக இலக்கிய சொற்களில் இருந்து பேச்சு வழக்குச் சொற்கள், கலைச்சொற்கள், தொழில் நுட்ப்ப சொற்கள் என தமிழில் அடங்கும் அனைத்து விதமான சொற்களுமே இச் சொற்களஞ்சியத்தினில் உள்ளடக்கப்பட்டுவருகின்றதாக குறிப்பிடப்பட்டுள்ளது.

உலகம் முழுவதும் 60 க்கும் மேற்பட்ட நாடுகளில் தமிழ் மொழி பல்வேறு விதங்களில் பேசப்பட்டு வரும் நிலையில் அவை எல்லாவற்றையும் இன்றைய மற்றும் நாளைய தலைமுறைக்காக இங்கு திரட்டப்படுவதாகவும் குறிப்பிடப்பட்டுள்ளது.

பேச்சு தமிழ் சொற்களை சேர்ப்பது சிலருக்கு உடன்பாடு இல்லாமல் இருக்கலாம்.அதற்கான விளக்கமும் அளிக்கப்பட்டுள்ளது.

அகராதியில் எந்த சொற்களையும் இணைக்கலாம் என்றாலும் அடுத்தவரை தூண்டும் அல்லது புண்படுத்தும் நோக்கிலான சொற்களுக்கு மட்டும் இடமில்லை என தெளிவாக குறிப்பிடப்பட்டுள்ளது.இத்தகைய அவச்சொற்களை கண்டால் அது குறித்து எச்சரிக்கை செய்து நீக்கச்செய்யலாம்.

அகராதியில் இனைக்கப்படும் சொற்கள் முகப்பு பக்கத்தில் வரிசையாக இடம் பெறுகின்றன.இனையவாசிகளின் வாக்குகளும் அவற்றுடன் இணைக்கப்பட்டுள்ளன.புதிதாக சேர்க்கப்பட்ட வரிசயில் மட்டும் அல்லாது அகர வரிசைப்படியும் சொற்களை காணும் வசதி உள்ளது.தேவையான சொற்களை தேடும் வசதியும் உள்ளது.

சொற்களை சம்ர்பித்து பங்களிப்பவர்களின் பெயர்களும் குறிப்பிடப்படுவதோடு அதிகம் பங்களிப்பவர்களின் பெயர்கள் வகை மேகங்களாகவும் சுட்டிக்காட்டப்படுகின்றன.

தமிழில் நல்ல இணைய அகராதிகள் இருந்தாலும் இணையவாசிகளின் பங்களிப்போடு முற்றிலும் திறந்த மக்கள் அகராதியாக உருவாகும் இந்த புதிய அகராதியை மனதார வரவேற்கலாம்.

ஆங்கிலத்தில் பீட்ட என்று புதிய தளங்களில் குறிப்பிடப்படுவது போல பரிட்சாத்தம் என்று குறிப்பிடப்பட்டுள்ள இந்த அகராதியில் இது வரை1600 க்கும் அதிகமான சொற்கள் இணைக்கப்பட்டுள்ளன.இந்த எண்ணைக்கை லட்சக்கனக்கை எட்டுமானால் தமிழ் மொழியின் பரந்து விரிந்த தனமையை இணையத்தில் கண்டு மகிழலாம்..

தமிழ் ஆர்வம் கொண்டவர்கள் ஆதரித்தால் நன்றாக இருக்கும்.இது போன்ற இணைய முயற்சிகள் ஒரு இயக்கம் போலவே வேகம் பெற வேண்டும்.

அகராதியை ஆதரிக்க:http://www.agaraathi.com/index.php

அகராதி இல்லாத (இணைய)அகராதி.

அகராதிகளை கேள்வி கேட்க முடியாது.அவற்றுடன் உரையாடுவதற்கில்லை.அகராதிகளுக்கு ஒரு நம்பகத்தனமையும் அதன் விளைவாக ஒருவித அதிகாரபூர்வ தனமையும் இருக்கிறது.அகராதிகள் கராரானவை.ஒரு சொல் என்றால் அவை சொல்வ‌து தான் பொருள்.அதனால் தான் எப்போதும் சட்டம் பேசுவது போல பேசுபவர்களை அகராதி பிடித்தவர்கள் என்று சொல்வதுண்டு.

இணைய யுகத்திலும் இன்னும் நிபுணர்கள் கையிலேயே இருக்கும் பொருட்களில் அகராதியும் ஒன்று.அகராதி தயாரிக்க மொழியில் நிபுணத்துவமும் புலமையும் தேவை.

ஆனால் சோ சிலேங்க் இணைய அகராதி இதனை மாற்றி காட்டுகிறது. ஆங்கில சொற்கலூக்கான பொருள் தரும் இந்த அகராதியை பொருத்தவரை ஒரு சொல்லுக்கு பலவிதமான பொருட்கள் உண்டு.அதாவது ஒரே சொல்லை பலவிதமாக வரையறுக்கலாம்.எது சிறந்த பொருள் தருகிற்தோ அதனை ஏற்றுக்கொள்ளலாம்.

இதை மக்கள் அகராதி என்றும் சொல்லலாம்.காரணம் இந்த அகாராதியில் இணையவாசிகளே சொற்களுக்கான பொருட்களை சம்ர்பிக்கலாம்.இந்த அக‌ராதியில் இடம் பெற்றுள்ளவை எல்லாமே இணையவாசிகளால் சம‌ர்பிக்கப்பட்ட அர்த்தங்கள் தான்.நீங்கள் நினைத்தாலும் இதில் ஒரு வார்த்தையை சேர்க்கலாம்,ஏற்கனவே உள்ள சொல்லுக்கு உங்கள் அர்த்ததை சமர்பிக்க‌லாம்.

எனவே இதில் எந்த சொல்லுக்கும் இது தான் என்ற வரையறுக்கப்பட்ட பொருள் கிடையாது.அதாவது சொல்லின் பொருள் மாறுவதில்லை,ஆனால் அவ‌ற்றை விளக்கும் விதம் மாறுபடலாம்.

இணையவாசிகள் ஏற்கனவே உள்ள சொற்களுக்கும் தங்களின் விளக்கத்தை சம‌ர்பிக்கலாம்.ஒரு சொல்லுக்கு எத்தனை விதமான விளக்கத்தை அளிக்க முடியுமோ அத்தனை விளக்கத்தை அளிப்பது தான் இந்த அகராதியின் நோக்கம்.எந்த விளக்கமாக இருந்தாலும் குறிப்பிட்ட சொல்லின் பொருளை எளிதாக புரிந்து கொள்ளக்கூடியதாக இருக்க வேண்டும்.

ஒரு சொல்லுக்கு பல வித விளக்கங்கள் இருந்தாலும் அவை அந்த சொல்லை புரிந்து கொள்ள எந்த அளவுக்கு உதவுகின்றன என்பதன் அடிப்படையில் மதிப்பிடப்பட்டுள்ளன.

கிட்டத்தட்ட 60 லட்சம் வார்த்தைகளுக்கு மேல் பட்டியலிடப்பட்டுள்ளன.அக‌ர வரிசைப்படி சொற்களை அணுகலாம்.சமீபத்தில் சமர்பிக்கப்பட்ட சொற்களும் பட்டியலிடப்படுகின்ற‌ன.

அகராதியின் பொருள் புரிய வைப்பது தான் என்பதை கருத்தில் கொண்டு பார்த்தால் அகராதிகளுக்கான ஜனநாயகமயமான முயற்சி தான்.

இணையவாசிகள் உருவாக்கும் அகராதி தான் என்ற போதிலும் தவறான தன்மையோ சொற்களின் பொருளை மலினப்படுத்தும் முயற்சியோ இருப்பதாக‌ தெரியவில்லை.நடைமுறை வாழ்க்கை சார்ந்த உதாரணங்களோடு சொற்களின் அர்தத்தை புரிந்து கொள்ளும் விதத்தை எளிமையாக்கும் முயற்சியாகவே தோன்றுகிறது.

மரபின் மீது நம்பிக்கை கொண்டவர்களை இந்த அகராதி கொஞ்சம் அதிர்ச்சிக்கு ஆளாக்கினாலும் எதிலும் எளிமையை எதிர்பார்ப்பவர்கள் இதனை ஆதரிக்கலாம்.

இணையதள் முகவரி;http://www.soslang.com/