கூகுல் தரும் நஷ்டஈடு

ஜிமெயில் சேவையில் ஏற்பட்ட பாதிப்புக்கு நஷ்டஈடு தருவதாக கூகுல் அறிவித்துள்ளது.
கூகுலின் பிரபலமான ஜிமெயில் சேவையில் சமீபத்தில் பாதிப்பு ஏற்பட்டது. இதன் காரணமாக இரண்டரை மணி நேரத்திற்கு மேல் ஜி மெயில் சேவையை பயன்படுத்த முடியாத நிலை ஏற்பட்டது.
இதற்கு கூகுல் மன்னிப்பு கேட்டிருந்தது. பராமரிப்பின் போது ஏற்பட்ட மனித தவறால் இது நேர்ந்தது என்று கூகுல் தெரிவித்திருந்தது.
இந்நிலையில் கூகுல் ஜிமெயில் கோளாறால் ஏற்பட்ட பாதிப்புக்கு நஷ்டஈடு வழங்குவதாக அறிவித்துள்ளது.
பயனாளர்கள் ஒவ்வொருவருக்கும் 2.05 டாலர்கள் அளவிற்கு நஷ்டஈடு வழங்குவதாக கூகுல் தெரிவித்துள்ளது.
நிற்க. இந்த நஷ்டஈடு இலவச ஜிமெயில் சேவையை பயன்படுத்து வோருக்கு பொருந்தாது. நிறுவனங் களுக்கு என்று கூகுல் வழங்கும் கட்டணம் செலுத்தி பயன்படுத்தும் பிரத்யேக ஜிமெயில் சேவைக்கு மட்டுமே இது பொருந்தும்.
நஷ்டஈடு, பணமாக வழங்கப்படு வதற்கு பதிலாக 15 நாள் கூடுதல் சேவை இலவசமாக வழங்கப்படும். ஜிமெயில் பாதிப்பால் வாடிக்கை யாளர்களுக்கு ஏற்பட்ட இழப்பை கூகுல் உணர்ந்திருப்பதாகவும் அதன் விளைவாகவே இந்த நஷ்டஈடு அறிவிக்கப்பட்டிருப்பதாகவும் கூறப்பட்டுள்ளது.
கூகுல் சேவையில் எப்போது குறைபாடு ஏற்பட்டாலும், கூகுல் அதற்கு முறைப்படி வருத்தம் தெரிவிப்பதோடு வாடிக்கை யாளருக்கு ஏற்பட்ட பாதிப்பை உளப்பூர்வமாக உணர்வதாகவும் தெரிவிப்பதாக இன்டெர்நெட் உலக நிபுணர்கள் கருத்து தெரிவிக்கின்றனர்

Leave a Reply

Your email address will not be published. Required fields are marked *