Tag Archives: author

பொன்மொழிகளுக்கான தேடியந்திரம்.

பொன்மொழி பிரியர்கள் ‘கோட் ஆல்பம்’ இணையதளத்தை பெரிதும் விரும்பக்கூடும்.காரணம் பொன்மொழிகள் மற்றும் மேற்கோள்களுக்கான தேடலை அந்த அளவுக்கு எளிமையாகவும் அதே நேரத்தில் நேர்த்தியாகவும் இது நிறைவேற்றி தருகிறது.

தோற்றத்திலும் உள்ளடக்கத்திலும் எல்லா பொன்மொழி தளங்கள் போன்றது என்றாலும் கூடுதல் அம்சங்களோடு செறிவானதாக உருவாக்கப்படுள்ளது கோட் ஆல்பம்.

வெறும் பொன்மொழிகளின் பட்டியலாக இல்லாமல் தேவைக்கேற்ற வகையில் பொன்மொழிகளை தேடிக்கொள்ளும் வகையில் இது அமைந்துள்ளது.பொன்மொழிகளை இதில் பலவிதங்களில் தேடலாம்.குறிப்பிட்ட தலைப்புகளின் கீழான பொன்மொழிகள் தேவை என்றால் பொன்மொழி வகைகளை கிளிக் செய்து தேடிக்கொள்ளலாம்.இல்லை குறிப்பிட்ட மேதை அல்லது எழுத்தாளர்களின் பெயரை குறிப்பிட்டு அவர்கள் சொன்ன பொன்மொழிகளாக தேடிக்கொள்ளலாம்.எழுத்தாளர்கள் மற்றும் தலைப்புகளின் பட்டியலும் தனியே கொடுக்கப்பட்டுள்ளது.

இவற்றை தவிர குறிப்பிட்ட குறிச்சொல்லிற்கான பொன்மொழிகளையும் தேடலாம்.

எந்த குறிப்பிட்ட தேவையும் இல்லை கருத்தை அகவரும் பொன்மொழி தேவை என்றாலும் ஏதோ ஒரு பொன்மொழியை காண்பிக்க சொல்லலாம்.சிறிய பொன்மொழிகள் ஒரு வரி பொன்மொழி ஆகியவற்றையும் குறிப்பிட்டு தேடலாம்.

இன்னுமொரு சிறப்பம்சமாக பொன்மொழி நாட்காட்டி அமைந்துள்ளது.நாட்காட்டியில் குறிப்பிட்ட நாளில் பிறந்த மேதைகளின் பொன்மொழிகளை இந்த நாட்காட்டி காட்டுகிறது.

அடுத்த முறை மேற்கோள் காட்ட பொருத்தமான பொன்மொழிகள் தேவைப்பட்டாலோ அல்லது மேதைகளின் அனுபவ வார்த்தைகளை படித்து ஊக்கம் பெறவோ விரும்பினால் இந்த தளத்தை பயன்படுத்தி பாருங்கள்!

இணையதள முகவரி;http://www.quotealbum.com/

————-
பொன்மொழிகள் வழங்கும் இணையதளம் தொடர்பான என் முந்தைய பதிவு பதிவு;http://cybersimman.wordpress.com/2011/09/17/quote-3/

தமிழில் தினமும் பொன்மொழிகளை பகிர்ந்து கொள்ளும் வலைப்பதிவு;http://ponmozi.blogspot.in/

@Penguinusa-Twitter-Book-Club-Penguin-Group-USA-2-1-520x214

டிவிட்டரில் பென்குவின் புத்தக குழு;புதுமையான முயற்சி.

டிவிட்டரை எத்தனையோ விதங்களில் பயன்படுத்தலாம்.சொல்லப்போனால் டிவிட்டரை எப்படி எல்லாம் பயன்படுத்தலாம் என்பதை உணர்த்தும் வகையில் புதுப்புது முயற்சிகள் மேற்கொள்ளப்பட்டு வருகின்றன.

அந்த வகையில் புகழ்பெற்ற பென்குவின் பதிப்பகம் டிவிட்டர் சார்ந்த புதுமையான‌ முயற்சியில் ஈடுபட்டுள்ளது.டிவிட்டரில் புத்தக வாசிப்பு குழுவை துவக்குவதாக பென்குவின்(அமெரிக்க பிரிவு) அறிவித்துள்ளது

பதிப்பக உலகில் வாசிப்பு குழுக்கள் மிகவும் பிரபலமானவை.ஒவ்வொரு மாதமும் குறிப்பிட்ட புத்தகத்தை தேர்வு செய்து அதற்கான வாசிப்பு அரங்கையும் உண்டாக்கி வாசகர்களை அழைத்து அந்த புத்தகம் தொட‌ர்பான விவாத‌த்தில் பங்கேற்க வைப்பது இந்த வாசிப்பு குழுக்களின் நோக்கம்.இந்த குழுக்கள் மூலம் வாச்கர்கள் புதிய புத்தகங்களை வாசிக்க செய்ய முடியும்.வெறும் விற்பனை நோக்கத்தோடு நின்றுவிடாமல் புத்தக வாசிப்பு சார்ந்த அனுபவங்களையும் கருத்துக்களையும் பகிர்ந்து கொள்ள செய்து புரிதலை ஏற்படுத்தவும் இந்த குழுக்கள் கைகொடுக்கின்ற‌ன.

பல பதிப்பகங்கள் எழுத்தாளர்களை அழைத்து வந்து புத்தக வாசிப்பு மற்றும் விவாதத்திற்கு ஏற்பாடு செய்து எழுத்தாளர் வாசக‌ர்கள் இடையே உற‌வையும் வலுப்படுத்துவதுண்டு.

பெரும்பாலும் புத்தக விற்பனை நிலையங்களில் இந்த நிகழ்ச்சிகள் நடைபெறுவது வழக்கம்.

இப்போது பென்குவின் மிகவும் புத்திசாலித்தனமாக இந்த வாசிப்பு குழுவை டிவிட்டர் உலகிற்கு கொண்டு வந்துள்ளது.

பென்குவின் என்ன செய்ய திட்டமிட்டுள்ளது என்றால் மாதம் ஒரு புத்தகத்தை தேர்வு செய்து வாசிப்புக்காக புத்தகமாக அறிவிக்கும்.வாசக‌ர்கள் அந்த புத்தகத்தை படித்து விட்டு தங்கள் கருத்துக்களை பென்குவின் டிவிட்டர் பக்கத்தில் பகிர்ந்து கொள்ளலாம்.ஒரே பொருள் சார்ந்த கருத்துக்களை திரட்ட உதவும் டிவிட்டர் உலக் வழக்க‍ப்படி வாசகர்கள் தங்கள் குறும்பதிவுகளை #ரீட்பென்குவின் என்னும் ஹாஷ்டேக் அடையாளத்தோடு பதிவிட வேண்டும்.

மற்ற வாசக‌ர்களும் இந்த பதிவுகளை பின்தொடர்ந்து விவாதத்தில் பங்கேற்கலாம்.அவர்களும் குறும்ப‌திவிடலாம்.இந்த விவாத்ததை வழி நடத்தும் வகையில் பென்குவின் சார்பில் புத்தகம் பற்றிய கருத்துக்களும் பகிர்ந்து கொள்ளப்படும்.

மாத முடிவில் புத்தகத்தின் எழுத்தாளரும் விருந்தினாரக அழைக்கப்பட்டு வாச‌கர்களோடு அவரும் உரையாடுவார்.டிவிட்டர் பதிவுகள் வழியே தான்!

வாசக்ர்கள் கேட்கும் டிவிட்டர் கேள்விகளுக்கு எழுத்தாளர் டிவிட்டர் வழியே பதில்களை தருவார்.

இந்த வாசிப்பு குழுவின் துவக்கமாக எலினார் பிரவுன் என்னும் எழுத்தாளர் எழுதிய தி வயர்டு சிஸ்டர்ஸ் என்னும் புத்தகம் தேர்வு செய்யப்பட்டுள்ளது.அவரது புத்தகம் பற்றி குறும்பதிவுகள் பகிரப்பட்டு வருகின்றன.வாசகர் பலரும் இத‌னை வரவேற்றுள்ளனர்.

புத்தகங்கள் பற்றி மோசமான அவதூறான கருத்துக்களை மட்டும் தவிர்க்குமாறு பென்குவின் கேட்டுக்கொண்டுள்ளது.

இலக்கிய உலகில் புதிய முயற்சி தான்.நிச்சயம் எழுத்தாலர் மார்கரெட் அட்வுட் இந்த முயற்சியை மனதார பாராட்டி வரவேற்பார்.ஏன் என்று அடுத்த பதிவில் பார்க்கலாம்.

நம்மூர் பதிப்பகங்களும் இது போன்ற முயற்சியில் ஈடுபடலாம்.குறிப்பாக கிழக்கு,உயிர்மை போன்ற இணைய பரிட்சய‌ம் மிக்க பதிப்பகங்கள் இதனை முன்னெடுக்கலாம்.

பென்குவின் டிவிட்டர் முகவரி;https://twitter.com/PenguinUSA

title

20 ஆயிரம் புத்தகங்களோடு அழைக்கும் இணையதளம்.

இணையத்தில் புத்தகம் படிக்க உதவும் தளங்களை பொருத்தவரை ரீட் எனி புக் தளத்தை அடித்து கொள்ள முடியாது.கிடைக்கும் புத்தகங்களின் வகைகளிம் சரி அவற்றை இணையத்தில் படிக்க கூடிய அனுபவத்திலும் சரி இந்த தளம் விஷேசமானது.

புதிய புத்தக சேவை தளமான ஹாட் ப்ரி புக்ஸ் தளத்தை இதற்கு நிகரானது என்று சொல்ல முடியாவிட்டாலும் இணையத்தில் புத்தகம் படிக்க விரும்பினால் இந்த தளத்தையும் குறித்து வைத்து கொள்ளலாம்.

20 ஆயிரம் புத்தகங்களோடு அழைக்கும் இந்த தளம் அவற்றை இ புக் வடிவில் அப்படியே படிக்க உதவுகிற‌து.வடிவமைப்பில் பெரிதாக அலங்காரம் எல்லாம் இல்லாமல் மிக எளிமையாகவே இருக்கிறது.அந்த எளிமையும் பளிச் என கவரகூடிய ரகம் அல்ல.

புத்தகங்கள் வரிசையாக அட்டை படங்கலோடு பட்டியலிட்பபட்டுள்ளன.டாப் டென் புத்தகங்கள், டாப் டென் எழுத்தாள‌ர்கள் என தனித்தனியே பட்டியலிடப்பட்டுள்ளன.அவற்றின் கீழே தனியே வகைகள் மற்றும் எழுத்தாளர்கள் என்ற அட்டவனையும் இருக்கிறது.

எந்த புத்தகத்தை கிளிக் செய்தாலும் அவற்றின் பக்கங்கள் அப்படியே நீள்கின்றன.

நிச்சயமாக ரீட் எனி புக் வழங்கும் அழகான ரீடரோடு ஒப்பிட்டால் இது ஒன்றுமே இல்லை.ரீட் எனி புக்கில் புத்தகங்களை படிக்க தனியே ரீடர் இருப்பதோடு அந்த ரீடரும் கிளிக் செய்தவுடன் பக்கத்திலேயே தோன்றும்.இதனால ஏற்படக்கூடிய வாசிப்பு அனுபவம் தொடர்ந்து படிக்க தூண்டும்.

அந்த வகையில் ஹாட் ப்ரி புக்ஸ் தளம் மிக சாதாரணமாக இருந்தாலும் இந்த தளத்திலும் அழகான ஒரு சேவை இருக்கிற‌து.எந்த புத்தகத்தை படிக்க வேண்டும் என்று தெரிந்திருந்தால் இந்த தளத்தில் அந்த புத்தகம் இருக்கிறதா எனேஉ தேடிப்பார்த்து கொள்ளலாம்.

ஆனால் என்ன புத்தகத்தை படிக்கலாம் என்று தீர்மானிக்க முடியாத குழப்பம் இருந்தால் கவலையே வேண்டாம்,சும்மா என்னும் (ரேன்டம்)பகுதியில் கிளிக் செய்தால் இந்த தளமாக ஒரு புத்தகத்தை தேர்வு செய்து அதன பக்கங்களை படிக்க தருகிற‌து.என்ன புத்தகம் வரப்போகிற‌து என்று தெரியாமல் கிளிக்ச் எய்து விட்டௌ காத்திருக்கும் போது ஏதாவது ஒரு புத்தகம் முன்வைக்கப்படுவது சுவாரஸ்யம் தானே.

சில நேரங்களில் வரிசையாக கிளிக் செய்து கொண்டே இருந்தால் அடுத்தடுத்து பல புதிய புத்தகங்களை அறிமுகம் செய்து கொள்ளலாம்.

இந்த தளம் தரும் மற்றொரு வசதி இ புக வடிவில் படித்து கொண்டிருக்கும் போது ஏதாவது வார்த்தை புரியாவிட்டால் அதன் மீது கிளிக் செய்தால் அதற்கான அர்த்தம் வந்து நிற்கிற‌து.இந்த தளத்தில் உள்ள வை எலாமே ஆங்கில புத்தகங்கள் என்னும் போது இந்த அகராதி சேவை பயனுள்ளது என்பதை சொல்ல வேண்டாம்.

புரியாத சொற்களுக்கு பொருள் தேட அங்கும் எங்கும் அலையாமல் இங்கேயே தெரிந்து கொள்ளலாம்.

இணையதள முகவரி;http://www.hotfreebooks.com/