Tag Archives: christmas

l1

இணையத்தை கலக்கும் லெகோ விவசாயி

கிறிஸ்துமஸ் பண்டிகை என்றதுமே கிறிஸ்துமஸ் மரமும், கேக்கும்,நட்சத்திரமும் தான் நினைவுக்கு வரும். ஆனால் ஆஸ்திரேலியா இளம் பெண் விவசாயி ஒருவர் தனது லெகோ விவசாயி மூலம் கிறிஸ்துமஸ் பண்டிகையை புதுமையாக வரவேற்றிருக்கிறார்.
அதென்ன லெகோ விவசாயி என்று கேட்கலாம் . சிறுவர்கள் விளையாட ஆசையோடு பயன்படுத்தும் லெகோ செங்கற்களை கொண்டு உருவாக்கப்பட்ட பொம்மை விவசாயி தான் இந்த லெகோ விவசாயி.
ஆஸ்திரேலியாவின் நியூ சவுத் வேல்ஸ் பகுதியை சேர்ந்த 24 வயது இளம் பெண்ணான எய்மீ ஸ்னோடன் ( Aimee Snowden ) தான் இந்த லேகோ பொம்மை விவசாயியை உருவாக்கி இருக்கிறார். எய்மீ தற்கால தலைமுறையை சேர்ந்தவராக இருந்தாலும் நவீன வாழ்க்கை மோகத்தால் அடித்துச்செல்லப்படாமல் விவசாயத்தின் மீது ஆர்வம் கொண்டிருக்கிறார். அவரது குடும்பமே விவசாய குடும்பம் என்பதால் தங்கள் பண்ணையேலேயே அவர் விவசாயம் மேற்கொண்டு வருகிறார்.
விவசாயம் தவிர ஏய்மீக்கு இணையத்திலும் ஆர்வம் அதிகம். லொகோ பொம்மைகள் மீதும் சிறுவயதில் இருந்தே ஈடுபாடு அதிகம். புகைப்படக்கலையும் பிடிக்கும். இவை எல்லாவற்றின் கலைவயாக உருவானவர் தான் லெகோ விவசாயி –

l2
ஆனால் இந்த லெகோ விவசாயின் விளையாட்டு முயற்சி அல்ல. விவசாயத்தையும்,விவசாயியையும் கொண்டாடும் வித்தியாசமான முயற்சி.
இங்கு லெகோ பொம்மை கலாச்சாரம் பற்றி கொஞ்சம் தெரிந்து கொள்ள வேண்டும். லெகோ செங்கற்கள் சிறுவர்களுக்கான விளையாட்டு பொம்மைகள் தான் என்றாலும் அவை பெரியவர்களாலும் புதுமையான முறையில் பயன்படுத்தப்பட்டு வருகிறது. லெகோ செங்கற்களின் எளிமையான மற்றும் வளைந்து கொடுக்கும் தன்மை அவற்றை கொஞ்சம் கற்பனை சேர்த்து படைப்பாற்றலை வெளிப்படுத்தி பயன்படுத்தவும் வழி செய்கிறது. இதற்கு அழகான உதாரணங்கள் பல இருக்கின்றன.
இவற்றில் ஒரு அழகான உதாரணம் தான் லெகோ விவசாயிக்கான விதையாக எய்மீ மனதில் விழுந்தது. அந்த உதாரணம் லெகோ பயணிகள் (http://legotravellers.com/) . ஸ்காட்லாந்தை பூர்விகமாக கொண்ட கிரேக் மற்றும் லின்சே தான் இந்த லெகோ பயணிகளை உருவாக்கியவர்கள். இந்த பயணிகளும் லெகோ பொம்மைகள் தான் . அதாவது லெகோ செங்கற்களை கொண்டு சுற்றுலா பயணிகள் போன உருவாக்கப்பட்ட பொம்மைகள். ( ஒரு ஆண், ஒரு பெண்)
பொதுவாக சுற்றுலா பயணிகள் மத்தியில் தாங்கள் செல்லும் இடங்களின் பின்னணியில் புகைப்படம் எடுத்துக்கொள்ளும் வழக்கம் இருக்கிறது இல்லையா? அதிலும் இப்போது செல்ஃபீ மோகம் பிடித்தாட்டும் நிலையில் எங்கு சென்றாலும் எல்லோரும் முதலில் ஒரு சுயபடத்தை எடுத்துக்கொள்கின்றனர்.
கிரேக்,லின்சே ஜோடியும் இப்படி உலக சுற்றுலாவுக்கு புறப்பட்ட போது இந்த பழக்கத்தில் இருந்து மாறுபட்டு தங்கள் பயண அனுபவத்தை புதுமையான முறையில் படமாக்கி பகிர்ந்து கொண்டனர். அதாவது தங்களை புகைப்படம் எடுத்துக்கொள்ளாமல் எல்லா இடங்களிலும் அந்த இடத்தில் தாங்கள் உருவாக்கி லெகோ பயண ஜோடியை நிற்க வைத்து புகைப்படம் எடுத்தனர்.
ஒவ்வொரு ஊரிலும் அதன் பின்னணிக்கு ஏற்ப பொருத்தமான முறையில் லெகோ பயண ஜோடியை தயார் செய்து போஸ் கொடுக்க வைத்து படமெடுத்தனர். இந்த பயண புகைப்படங்கள் அவர்கள் பார்த்து ரசித்த இடங்களை அழகாக படம் படித்திருக்கும் .ஆனால் அதில் அவர்கள் இடம்பெறுவதற்கு பதில் அவர்கள் பிரதிநிதிகளாக லெகோ பொம்மை பயணிகள் காட்சி அளிப்பார்கள்.
இந்த லெகோ பயண புகைப்படங்களை இந்த ஜோடி இணையத்தில் பகிர்ந்து கொண்ட போது பலரும் கவரப்பட்டனர். பேஸ்புக்கில் இந்த படங்களுக்கு லைக்குகள் குவிந்தன. பலரும் ஆர்வத்துடன் இந்த பயண புகைப்படங்களை பின் தொடர்ந்தனர். இதன் விளைவாக இந்த ஜோடி லேகோ டிராவலர்ஸ் எனும் இணையதளத்தையே அமைத்துவிட்டது.
அட புதுமையான ஐடியாவாக இருக்கிறதே என்று லெகோ பயணிகள் புகைப்படங்களை பலரும் பார்த்து ரசித்து பாராட்டினர். இவர்களில் ஒருவரான எயிமீ இந்த ஐடியாவை ரசித்ததுடன் நில்லாமல் தானும் இதே போல செய்யலாமே என ஊக்கம் பெற்றார்.
எய்மீக்கும் லெகோ பொம்மைகள் மற்றும் புகைப்படக்கலை இரண்டிலுமே மோகம் இருந்தது. இரண்டையும் இணைத்து தான் நேசிக்கும் விவசாயத்திற்காக ஏதவாது செய்ய விரும்பினார். அவர் அடிக்கடி புழங்கும் புகைப்பட பகிர்வு சேவையான இன்ஸ்டாகிராமில் லெகோ குழுக்கள் பல இருந்தாலும் விவசாயம் சார்ந்து எதுவுமில்லை. அப்போது தான் அவருக்கு லெகோ பொம்மை விவசாயியை உருவாக்கும் எண்ணம் பிறந்தது.
லெகோ பொம்மை விவசாயியை தங்கள் பண்ணையில் பணி புரிவது போல படம் பிடித்து அதை புகைப்படங்களாக பகிர்ந்து கொள்ளத்துவங்கினார். விவசாய பண்ணையில் என்ன நடக்கிறது என்பதை மற்றவர்களுக்கு இதன் மூலம் உணர்த்த முடியும் என அவர் நம்பினார்.
இப்படி தான் அவரது லெகோவிவசாயி வலைப்பதிவு ஆரம்பமானது.
கடந்த செப்டம்பர் மாதம் முதல் பண்ணை நிலத்தில் லெகோ விவசாயியை பலவித வேலைகளில் ஈடுபட வைத்து அவர் படங்களாக பகிர்ந்து கொண்டு வருகிறார். இந்த புதுமையான முயற்சிக்கு அமோக வரவேற்பு கிடைத்துள்ளது அவரை உற்சாகத்தில் ஆழ்த்தியுள்ளது.
இந்த மகிழ்ச்சியுடன் தான் அவர், ஆஸ்திரேலிய வழக்கப்பட கிறிஸ்துமஸ் பண்டிகைக்கு முந்தைய 12 நாள் கொண்டாட்டத்தையும் லெகோ விவசாயி மூலம் வெளிப்படுத்தியிருக்கிறார். கடந்த 10 தேதி முதல் லெகோ விவசாயியை வயல்வெளியில் கிறிஸ்துமஸ் கொண்டாட்டத்தில் ஈடுபட வைத்து ஒவ்வொரு நாளும் அதை புகைப்படமாக எடுத்து வெளியிட்டிருக்கிறார்.
முதல் நாள் அன்று விவசாயி மழையில் நனைந்தபடி இருப்பதில் துவங்கும் இந்த கொண்டாட்டம் 12 ம் நாள் வயலில் நண்பர்கள் ஒன்றாக புகைப்டம் எடுத்துக்கொள்வதுடன் முடிந்திருக்கிறது. நடுவே விவசாயி பாசனம் செய்வதும் ,அறுவடைக்கு தயாரான கதிரை பார்த்து மகிழ்வதுமான படங்கள் செம கியூட்டாக இருக்கிறது.
விவசாயத்தின் மீது ஆர்வத்தை இப்படி ஒரு வழியா என வியக்க வைக்கிறார் ஏய்மீ ஸ்னோடன்!.

 

லெகோவிசாயியின் இணைய வீடு: http://www.legofarmer.com/

லெகோ பயணிகளின் இணைய வீடு: http://legotravellers.com/

———–

 

விகடன்.காமில் எழுதியது.

 

( இது போன்ற புதுமையான முயற்சியில் ஈடுபட்டு கவனத்தை ஈர்த்து வருபவர்கள் மீது எனக்கு எப்போதுமே ஆர்வம் அதிகம். இவர்கள் இணையத்தின் எல்லையில்லா சாத்தியங்களை உணர்த்தி வருகின்றனர். இவர்களே இணைய நட்சத்திரங்களாக உருவாகின்றனர். இத்தகைய இணைய நெட்சத்திரங்கள் பற்றிய விரிவான ஊக்கம் அளிக்கும் அறிமுகத்துடன் எனது இரண்டாவது புத்தகமான நெட்சத்திரங்கள் உருவாகி இருக்கிறது. சென்னை புத்தக கண்காட்சியை முன்னிட்டு வெளியாகி இருக்கும் நூல் இது.

நெட்சத்திரங்கள் புத்தகம் பற்றி மேலும் விவரம் தேவை எனில் இமெயிலில் தொடர்பு கொள்ளலாம் )

 

லெகோ பயணிகள் பற்றிய முந்தைய பதிவை படிக்க விருப்பமா; http://cybersimman.com/2014/05/21/travel-5/

 

இது டிவிட்டர் பழிக்கு பழி!

உங்களுக்கு அநீதி இழைக்கப்பட்டதாக உணர்ந்தீர்கள் என்றால் ட்விட்டரில் கோபத்தை வெளிப்படுத்துங்கள். நியாயம் கிடைக்கிறதோ இல்லையோ , நீங்களும் ட்விட்டர் நட்சத்திரமாகலாம். பிரிட்டனை சேர்ந்த சமையல் கலைஞர் ஒருவர் இப்படி தான் ட்விட்டரில் தனது மனக்குமுறலை வெளிப்படுத்தி பரவலான ஆதரவையும் பாராட்டையும் பெற்றிருக்கிறார். இன்று அவர் பணியாளர்களுக்கு , குறிப்பாக சமையல் கலைஞர்களுக்கு ஏற்படும் அநீதிக்கு குரல் கொடுப்பவராக போற்றப்படுகிறார்.

ஜிம் நைட் எனும் அந்த இளம் சமையல் கலைஞர் பிரிட்டனில் உள்ள தி பிளஃப் பப் எனும் ரெஸ்டாரண்டில் தலைமை சமையல் கலைஞராக இருந்தார். கடந்த 15 ந் தேதி அவர் வேலையில் இருந்து நீக்கப்பட்டார். கிறிஸ்துமஸ் பண்டிகையை முன்னிட்டு விடுமுறை கேட்டதற்காகவும்  அதை ஒட்டிய ஞாயிற்றுக்கிழமை பணியாற்ற மறுத்ததற்காகவும் அவர் மீது நிர்வாகம் இந்த நடவடிக்கை எடுத்தது. கிறிஸ்துமஸ் பண்டிகையை முன்னிட்டு தலைமை சமையல் கலைஞர் பணியில் இருக்க வேண்டும் என்று நிர்வாகம் எதிர்பார்த்தது. ஆனால் ஜிம் நைட் கிறிஸ்துமஸ் பண்டிகையை தன் குடும்பத்துடன் கொண்டாடி விரும்பினார். இதனால் விடுமுறையில் பணியாற்ற முடியாது என மறுத்திருக்கிறார். வேலையில் இருந்தும் நீக்கப்பட்டிருக்கிறார்.

நிறுவனங்களில் பணியாற்றும் பலருக்கு ஏற்படும் நிலை தான் இது. ஆனால் எதிர்ப்பையும் தெரிவித்து வேலையையும் இழந்து நின்றால் என்ன செய்வது ? தனிமையில் புலம்பலாம். நண்பர்களிடம் குமுறலை வெளிப்படுத்தலாம். வேறு என்ன செய்து விட முடியும்? ஜிம் நைட் தனக்கு ஏற்பட்டதாக கருதிய அநீதியை நினைத்து புலம்பிக்கொண்டிருக்கவில்லை. போர்க்கொடியும் தூக்கவில்லை .மாறாக தனது நிலையை ட்விட்டரில் வெளிப்படுத்தினார்.

அவர் பணியாற்றிய பிளஃப் பப்பிற்கு ட்விட்டர் பக்கம் இருக்கிறது. அந்த ட்விட்டர் பக்கத்தில் அவர் மனக்குமுறலை குறும்பதிவுகளாக பகிர்ந்து கொண்டார்.

’ எங்கள் சமையல் கலைஞரை வேலையில் இருந்து நீக்கிவிட்டோம் என்று தெரிவித்துக்கொள்கிறோம்..’ இது தான் அவரது முதல் குறும்பதிவு. நைட் உண்மையில் புத்திசாலி தான். அதனால் தான் என்னை அநியாயமாக வேலையில் இருந்து நீக்கிவிட்டார்கள் என்பது போல குறும்பதிவு செய்யாமல் , நிறுவனமே அவரை நீக்கியது பற்றி அறிவிப்பது போல குறும்பதிவு செய்தார்.

இது எந்த அளவுக்கு சக்தி வாய்ந்ததாக அமைந்தது என்று அடுத்த குறும்பதிவுகளை பார்த்தால் தெரியும். ’ துரதிர்ஷ்டவசமாக அவர் வார இறுதியில் விடுமுறை கேட்டார். குடும்பத்தை காரணம் காட்டி கிறிஸ்துமஸ் அன்று விடுமுறை கேட்டார் . அதனால் நீக்கி விட்டோம்’. இது அடுத்த குறும்பதிவு. ’ஆம், கிறிஸ்துமஸ் பண்டிகைக்கு ஒரு வாரம் முன்னதாக இந்த நடவடிக்கை எடுத்திருக்கிறோம்.’’ அவருக்கு 7.5  மாத குழந்தை இருந்தால் எங்களுக்கு என்ன ?’ இப்படி அடுத்த இரண்டு குறும்பதிவுகளில் நிறுவனம் தெரிவிப்பது போலவே தனக்கு ஏற்பட்ட நிலையை அவர் உணர்த்திவிட்டார். கடைசி குறு

கிறிஸ்துமஸ் மகிழ்ச்சி தந்த டிவிட்டர் நெகிழ்ச்சி.

BcWKTKSIEAAN9eTஉறவினர்களை விட நண்பர்களை நம்பலாம் என்று பலரும் பல நேரங்களில் சொல்வது எந்த அளவுக்கு உண்மையானது என்று தெரியாது.ஆனால், டிட்டர் பயனாளிகளை பொருத்தவரை பல நேரங்களில் தங்கள் டிவிட்டர் நண்பர்களிடம் உதவி கேட்பதே இயல்பானதாக இருக்கிறது. இதற்கான சமீபத்தில் உதாரணமாக இங்கிலாந்தை சேர்ந்த டிவிட்டர் பயனாளி ஒருவர் புயலில் சிக்க கொண்ட தனது தாத்தாவுக்கு உதவ முடியுமா ? என்று டிவிட்டரில் வேண்டுகோள் விடுத்து அதற்கான பலனையும் பெற்றிருக்கிறார்.
லண்டன் நகரில் வசிக்கும் அலெக்சிஸ் எனும் அந்த மனிதர் , கிறிஸ்துமஸ் பண்டிகைக்கு முந்தைய தினம் மிகுந்த மன உளைச்சலுக்கு இலக்கானார். டெவான் பகுதியில் உள்ள டைவர்டன் எனும் சிற்றூரில் வசிக்கும் அவரது தாத்தா புயலில் சிக்கி தவித்தது தான் இதற்கு காரணம். வெளியே புயல் வீசியதால் வீட்டுக்குள்ளேயே சிக்கி கொண்ட பெரியவர் உணவு இல்லாமல் அவதிப்பட்டிருக்கிறார். பேரன் அலெக்சியாலும் உடனடியாக சென்று தாத்தாவுக்கு உதவ முடியாத நிலை. இந்த இக்கட்டான நிலையில் அவருக்கு இயல்பாக ட்விட்டரில் உதவி கேட்கலாம் என்று தோன்றியது. உடனே ஒரு குறும்பதிவு மூலம் வேண்டுகோள் விடுத்தார். ’ டிவிட்டர் # உதவவும். என் தாத்தா புயல் காரணமாக டெவனில் தனியே சிக்கியிருக்கிறார். #டைவர்டன் அருகே உள்ள யாரேனும் அவருக்கு உணவு கொண்டு தர முடியுமா? ‘ இது தான் அந்த குறும்பதிவு.
அலெக்சிக்கு டிவிட்டரில் 3000 க்கும் அதிகமான நண்பர்கள் இருக்கின்றனர் ( பின் தொடர்பாளர்கள்). இந்த கோரிக்கையை பார்த்ததுமே அவர்களில் பலர் டிவிட்டர் வழக்கப்படி இந்த கோரிக்கையை தங்கள் டிவிட்டர் நண்பர்களுக்கு ரிடிவீட் செய்தனர். ஆக அலெக்சி தாத்தாவுக்கு உதவி தேவை எனும் செய்தி உடனடியாக டிவிட்டர்வெளியில் பரவியது.
இதனிடையே பிலேர் (https://twitter.com/red_hairy_blair ) என்பவர் இந்த செய்திக்கு தன்னால் உதவிக்கு ஏற்பாடு செய்ய முடியும் என பதில் அளித்தார். அலெக்சி தாத்தா வசிக்கும் பகுதியில் தான் தனது அம்மா வசிப்பதாகவும் அவரை கொண்டு உணவு வழங்க சொல்வதாகவும் கூறியிருந்தார்.அது மட்டும் அல்ல அடுத்த ஒரு மணி நேரத்தில் அதை நிறைவேற்றவும் செய்தார்.
டிவிட்டர் நண்பர்கள் மீது நம்பிக்கை வைத்து கேட்டதற்கு கைமேல் பலனாக உதவி கிடைத்ததும் அலெக்சி நெகிழ்ந்து போனார். இந்த மகிழ்ச்சியை டிவிட்டர் மூலம் பகிர்ந்து கொண்டார். ’ எல்லோருக்கும் நன்றி, இத்தகைய இதமான ஆதரவுக்கும் அற்புதமான மனிதர்களிடம் இருந்து வந்த ஆறுதலும் அருமையாக இருக்கிறது’ என்று அவர் கூறியிருந்தார்.
’ தாத்தாவுக்கு உணவு கிடைத்துவிட்டது. அந்த அழகான பெண்மணி மலர்களுடன் சென்று உதவியிருக்கிறார். இது எப்படி நிகழந்தது என்று தாத்தாவுக்கு தெரியாது’ என்று அடுத்த குறும்பதிவில் தெரிவித்திருந்தார். எல்லோருக்கும் கிறிஸ்துமஸ் வாழ்த்துக்கள் என்றும் மகிழ்ச்சியுடன் கூறியிருந்தார்.
இதற்கு ஏற்பாடு செய்திருந்த பிலேருக்கும் நன்றி கூறி குறும்பதிவிட்டார். ’ என் தாத்தா திகைத்து போயிருக்கிறார். உங்கள் அம்மா டெஸ்கோ நிறுவனத்தில் வேலை பார்ப்பதாக நினைத்து கொண்டிருக்கிறார் . உங்கள் அம்மா இணையத்தில் பிரபலமாகி விட்டார் ‘. உங்கள் அம்மா தான் என் தாத்தாவுக்கு உதவ வந்த கிறிஸ்துமஸ் தாத்தா என்றும் கூறியிருந்தார்.
டிவிட்டர் மூலம் வேண்டுகோள் விடுக்கப்பட்ட அதை பார்த்து யாரோ ஒருவரின் அம்மா உணவு கொண்டு வந்து கொடுத்த அற்புதம் அந்த பெரியவருக்கு புரியவில்லை. ஏதோ மாயம் நிகழ்ந்திருக்கிறது என்று மட்டும் உணர்ந்திருக்கிறார்.
டிவிட்டர் மூலம் உதவி கோரி அது சாத்த

_57534081_queen

இ புக் வடிவில் மகாராணியின் கிறிஸ்துமஸ் வாழ்த்து.

அனைவருக்கும் கிறிஸ்துமஸ் நல்வாழ்த்துக்கள்!

இந்த கிறிஸ்துமஸ் பண்டிகை இ புக் பிரியர்களுக்கு விஷேசமானது என்று தான் சொல்ல வேண்டும்.அதிலும் இங்கிலாந்து அரச அகுடும்பத்தின் மீது மதிப்பும் விசுவாசமும் கொன்டிருப்பவர்களுக்கு இன்னும் விஷேசமானது!

காரணம் இந்த கிறிஸ்துமஸ் திருநாளுக்கான மகாராணியின் வாழ்த்து செய்தியை அவர்கள் இ புக் வடிவில் படித்து மகிழலாம்.இ காமார்ஸ் ராட்சனான அமேசான் தந்து இ புக் ரீடரான கிண்டிலில் மகாராணியின் கிறிஸ்துமஸ் வாழ்த்து செய்தியை
இ புக் வடிவில் வெளியிட்டுள்ளது.இதற்காக அமேசான் இங்கிலாந்து அரண்மனையோடு பிரத்யேக ஒப்பந்தம் செய்து கொண்டு வாழ்த்து செய்தியை இபுக் வடிவில் வெளியிடும் அனுமதி பெற்றுள்ளது.மகராணியின் வாழ்த்து செய்தியை இபுக்காக கிண்டில் உரிமையாளர்கள் இலவசமாக டவுண்லோடு செய்து படித்து கொள்ளலாம் என்றும் அமேசான் அறிவித்துள்ளது.

அமேசானின் இந்த அறிவிப்பு இ புக் துறையை ஆர்வத்தோடு கவனித்து வருபவர்களை வியப்பில் ஆழத்தி அமேசான் அசத்திவிட்டது என்று சொல்ல வைத்திருக்கிறது.அதே நேரத்தில் இபுக் ரீடர் தயாரிப்பில் ஈடுபட்டுள்ள போட்டி நிறுவனங்களை கோட்டை விட்டோமே என்று நொந்து போகவும் வைத்திருக்கிறது.

கிறிஸ்துமஸ் திருநாளை முன்னிட்டு பரஸ்ப்ரம் வாழ்த்துக்களை பரிமாறிக்கொன்டாலும் கத்தோலிக்க மத்ததலைவரான போப்பாண்டவரின் வாழ்த்து செய்தி மிகவும் விஷேசமானது. அதே போல இங்கிலாந்து மகாராணி இரண்டாம் எலிசிபெத்தின் வாழ்த்து செய்தியை விஷேசமானது.

இந்த ஆண்டு மகாராணியின் கிறிஸ்த்மஸ் வாழ்த்த இபுக்காக வழங்கினால் என்ன என்று அமேசானுக்கு தோன்றியதில் எந்த ஆச்சர்யமும் இல்லை.இது புதுமையாக மட்டும் அல்ல புது யுக்ச்த்திற்கு ஏற்றதாக இருக்கும் என்று அமேசான் நினைத்திருக்க வேண்டும்.

அமேசானின் இந்த கோரிக்கையை இங்கிலாந்து அரண்மனை ஏற்றுக்கொண்டதிலும் எந்த வியப்பும் இல்லை.

மகாராணியின் வாழ்த்துகளையும் பேச்சுக்களையும் மக்களோடு பகிர்ந்து கொள்வதில் நவீன வழிகளை பயன்படுத்தி கொள்வதில் அரண்மணை எப்போதுமே தயக்கம் காட்டியது இல்லை.

மகாராணி எலிசிபெத்தும் தொழில்நுட்பத்தை அரவணைத்து கொள்வதில் தயக்கம் காட்டியத்தில்லை என்பதோடு தொழில்நுட்பத்தை பயன்படுத்துவதில் முன்னோடியாகவும் இருந்து வருகிறார்.

இமெயில் அறிமுகமான காலத்திலேயே அவர் இமெயிலை பயன்படுத்த துவங்கிவிட்டார்.பின்னர் பாட்காஸ்டிங் பிரபமான கால்த்தில் 2006ல் மகாராணியின் உரை பாட்காஸ்டிங் வடிவில் வெளியானது.அடுத்த ஆண்டே அவரது பேச்சு யூடுயூப்பில் வெளியானது.இப்போது மகராணிக்கு என தனியே யூடியூப் சேனல் இருப்பதோடு டிவிட்டர் பக்கமும் இருக்கிறது.

ஆக நவீன தகவல் தொழில்நுட்ப வழிகளை பயன்படுத்திகொள்வதில் மகாராணிக்கு நீண்ட நெடிய பாரம்பரியம் இருக்கிறது.

எனவே கிறிஸ்துமஸ் வாழ்த்து செய்தியை இபுக் வடிவில் வழங்கலாம் என அமேசான் முன் வைத்த யோசனையை மகாராணி ஏற்றுக்கொண்டதில் வியப்பில்லை தான்.

நாளிதழ்,தொலைக்காட்சி மூலம் வாழ்த்து சொல்வது போல இபுக் வடிவிலும் வாழ்த்து மக்களை சென்றடைவது காலத்திற்கேற்ற செயல் என்றே மகாராணியும் அரண்மனை நிர்வாகமும் கருதியிருக்க வேண்டும்.

இபுக் சந்தையும் அதற்கான ரீடர்களின் போட்டியும் வளர்ந்து வரும் நிலையில் அமேசானின் இந்த செயல் ஒரு சின்ன புரட்சியாகவே கருதப்படுகிறது.அமேசான் மகாராணியின் இந்த ஆண்டு கிறிஸ்துமஸ் செய்தியை இபுக்க்காக வழங்குவதோடு இது வரையான வாழ்த்து செய்திகளையும் படிக்ககூடிய வசதியை தந்துள்ளது.

ஸ்மார்ட் போனில் எஸ் எம் எஸ் வாழ்த்துக்களை படித்து மகிழ்வது போல இபுக் ரீடரில் கிறிஸ்துமஸ் வாழ்த்தை படிக்க வாய்ப்பு கிடைத்திருப்பது உற்சாகம் தரக்கூடியது தானே.