Tag Archives: dairy

சுலபமாக சுயசரிதை எழுத உதவும் இணையதளம்.


நீங்களும் கூட சுயசரிதை எழுதலாம் என்று உற்சாகம் அளிக்கும் இணையதளங்களின் வரிசையில் யுஷுவல் வேர்ட்ஸ் தளமும் வருகிறது.

சுயசரிதை என்றவுடன் ஏதோ பிரபலங்களுக்கும் சாதித்தவர்களுக்கும் மட்டும் சொந்தமான விஷயம் என்று ஒதுங்கி விட வேண்டும்.சாமான்யர்களும் தங்கள் வாழ்கை நிகழ்வுகளை பதிவு செய்து வைக்கலாம்.டைரி எழுதுவதன் நோக்கமே அது தான்.

வாழ்க்கையில் நடந்தவற்றையும்,நினைவுகளையும்,செய்ய நினைத்தவற்றையும் டைரியில் குறித்து வைத்தால கால போக்கில் அதுவே வாழ்க்கை பெட்டகமாக மாறிவிடலாம்.

டைரியை புரட்டிப்பார்த்து ஒருவரது வாழ்க்கை திரும்பி பார்க்கும் வாய்ப்பு சினிமா நாயகர்களுக்கு மட்டும் தான் கிடைக்க வேண்டுமா என்ன?சாமான்யர்களும் டைரி எழுதி வைத்தால் அதனை பின்னர் புரட்டிப்பார்த்தால் சுவாரஸ்யமாகவே இருக்கும்.

டைரியின் மகத்துவத்தையும் முக்கியத்துவத்தையும் பலரும் அறிந்திருந்தாலும் எல்லோருமே டைரி எழுதுவதில்லை.சோம்பல் ஒரு காரணம் என்றால் நம்ம வாழ்க்கையில் எல்லாம் என்ன இருக்கு என்ற சுய அலட்சியமும் இன்னொரு காரணம்.

ஆனால் இணைய யுகத்தில் உங்கள் வரலாற்றை எழுத வாருங்கள் என்று ஊக்கமளிக்கும் இணையதளங்கள் இருக்கவே செய்கின்றன.

பதிவும் பகிர்வும் தான் இன்றைய இணைய உலகின் தாரக மந்திரமாக இருப்பதால் சொந்த வாழ்க்கை நிகழ்வுகளை பகிர்ந்து கொள்ள உதவும் இணையதளங்களும் அதிக அளவில் உருவாக்கப்பட்டுள்ளன.

இதை தான் விஷுவல் வேர்ட்ஸ் தளமும் செய்கிறது.

உங்கள் வாழ்க்கை பற்றிய எல்லாவற்றையும் பகிர்ந்து கொள்வதற்கான இடமாக அமைந்துள்ள இந்த தளம் ஒருவரது கடந்த கால மற்றும் நிகழ்கால நிகழ்வுகளின் அனுபவங்களை பதிவு செய்து கொள்ள உதவுகிறது.

டைரி எழுதும் போது ஏற்படக்கூடிய இயல்பான சோம்பல் மற்றும் இன்னும் பிற தடைகளை எளிதாக கடந்து முன்னேறக்கூடிய வகையில் இந்த தளத்தின் மூலம் வாழ்க்கை அனுபவங்களை பகிர்ந்து கொள்வது மிகவும் சுலபமானது.

வாழ்கையை பதிவு செய்வது என்றவுடன் எந்த நிகழ்வை எல்லாம் எழுதுவது என்னும் குழ்ப்பம் ஏற்படகூடும் என்றால் அந்த நிகழ்வுகளை எப்படி எழுதுவது என்பது அதைவிட குழப்பமாக இருக்கலாம்.

ஆனால் இந்த தளத்தில் அந்த பிரச்னையே இல்லை.பேஸ்புக் பதிவு எழுதுவது போல என்ன நடந்தது அல்லது என்ன நினைத்தோம் போன்றவற்றை எழுதிவிடலாம்.

தினமும் நடப்பவற்றில் முக்கியமானவற்றை பதிவு செய்து கொண்டே வரலாம்.நாளடைவில் இந்த பதிவுகளே சுய வரலாற்று குறிப்புகள் போல செறிவாக காட்சி அளிக்கத்துவங்கிவிடும்.

இந்த பதிவுகளை அப்படியே அடுக்கு கொண்டு போகாமல் எண்ணங்கள்,நிகழ்வுகள்,இலக்குகள்,கணவுகள்,திட்டங்கள் என தனித்தனியே வகைப்படுத்தி கொள்ளலாம் என்பது தான் மிகவும் விஷேசமானது.

எல்லோருக்கும் சில இலக்குகளும் கணவுகளும் இருக்கும் தானே.அதே போல எண்ணங்களும் திட்டங்களும் இருக்கும் தானே.அவற்றை எல்லாம் தனித்தனியே பதிவு செய்து கொள்ளலாம்.

ஆக இந்த பதிவுகள் அனுபவ பகிர்வுகளாக இருப்பதோடு ஒருவரின் மனதில் உள்ள இலக்குகள் மற்றும் கணவுகளை குறித்து வைக்கும் இடமாகவும் அமைந்துள்ளது.திட்டமிடலிலும் இது உதவலாம்.

நாமே பின்னோக்கி பார்க்கும் போது என்ன நினைத்தோம் எதை செய்தோம் என்று அறிந்து கொள்ள முடியும்.

ஒவ்வொருவருக்கான பக்கத்தில் அவரைப்பற்றிய சுயவிவர குறிப்புகளின் கீழ் இந்த பதிவுகள் குறிப்பிட்ட வகைகளில் கீழ் அழகாக இடம் பெறுகிறது.ஒவ்வொரு தலைப்பிலும் என்ன இருக்கின்றன் என்பதையும் பார்த்து தெரிந்து கொள்ளலாம்.

இதன் பயனாக யாராவது பார்க்கும் போதே அந்த பக்கத்திற்கு உரியவரின் எண்னங்கள் என்ன,இலக்குகள் எவை,இதுவரை அவர் என்ன செய்துள்ளார் என்பது போன்ற தகவல்களை தெரிந்து கொண்டு விடலாம்.

இந்த பதிவுகளின் நோக்கமே பகிர்வு என்பதால் இந்த தன்மை பலவிதங்களில் கைகொடுக்கும்.

அதாவது சுயசரிதை குறிப்புகளை பதிவு செய்ய துவங்கியதுமே இந்த பதிவுகளை நண்பர்கள் வட்டத்தில் பகிர்ந்து கொள்ளத்துவங்கி விடலாம்.அவர்களும் நம்மை பற்றி தெரிந்து கொண்டு அதற்கேற்ப ஊக்கமளிக்கலாம்.அது மட்டும் அல்ல தளத்தின் மற்ற உறுப்பினர்களும் நமது அனுபவங்களையும் இலக்குகளையும் படித்துவிட்டு அது பற்றி கருத்து கூறி ஊக்கப்படுத்தலாம்.நாமும் கூட மற்றவர்களின் பக்கங்களை பார்வையிட்டு கருத்து சொல்லலாம்.

ஒரே மாதிரியான எண்ணங்கள் மற்றும் இலக்கு கொண்டவர்கள் இந்த கருத்து பரிமாற்றத்தின் மூலம் நண்பர்களாகலாம்.இதன் மூலம் புதிய நண்பர்களை பெறலாம்.புதிய நண்பர்கள் மூலம் இலக்குகளை அடையலாம்.

இந்த தளத்தின் மற்றொரு சிறப்பம்சம் பகிர்வுகளை அலசி ஆராய்ந்து அவற்றின் தன்மையின் அடிப்படையில் புள்ளிவிவரங்களையும் இது முன்வைப்பது தான்.உதாரணத்திற்கு ஒருவர் கணவுகளின் கீழும் திட்டங்களின் கீழும் அதிகம் பகிர்ந்து கொண்டுள்ளார் என புள்ளி விவரம் சுட்டிக்காட்டலாம்.அதே போல ஒட்டுமொத்தமாக தளத்தில் எந்த வகையான பகிர்வுகள் அதிகம் உள்ளன என்ற புள்ளிவிவரமும் முகப்பு பகத்தில் தோன்று கொண்டே இருக்கின்றன.

இந்த அம்சம் பகிர்வுகளை மேலும் உயிரோட்டமானதாக மாற்றுகிறது.

இணையதள முகவரி;http://www.usualwords.com/login

சோம்பேறிகளுக்கான இணைய டைரி.

நல்ல எழுத்துக்களை உருவாக்க நினைப்பவர்களை விட வணிக ரீதியாக எழுதிகுவிக்கும் எழுத்தாகர்களிடம் உள்ள எழுத்து பழக்கம் பாராட்டத்தக்கது என்னும் பொருளில் எழுத்தாளர் சுந்தர ராமசாமி ஒரு முறை குறிப்பிட்டுள்ளார்.எழுத்து பழக்கம் என்பது தொடர்ந்து எழுதுவதை என்று புரிந்து கொள்ளலாம்.

வணிக நோக்கில் எழுதுபவர்கள் சோம்பல் இல்லாமல் தினமும் ஒரு பக்கமாவது எழுதி விடுபவர்களாக இருக்கின்றனர் என்பது சு ரா வின் கருத்து.ஆனால் படைப்பாளிகளிடமே இத்தகைய சுறுசுறுப்பை காண முடியாமல் சோம்பலே அதிக இருப்பது என்பது அவரது ஆதங்கம்.

எழுத்து என்பது கலை தான் என்ற போதிலும் அதனை பட்டைத்தீட்டிக்கொள்ள படைப்பாற்றலோடு கொஞ்ச்ம பயிற்சியும் தேவை என்னும் சு ரா வின் கருத்தோடு எனக்கும் உடன்பாடு உள்ளது.

நல்ல எழுத்தாளர்கள் தினமும் ஒரு பக்கமாவது எழுதி பார்த்துவிட வேண்டும் என்று கூறும் சு ரா வின் கருத்து இணைய உலகிற்கும் பொருந்தும்.

யோசித்துப்பாருங்கள் இணையம் நமது கருத்துக்களை பதிவு செய்யவும் பகிரவும் எத்தனை வசதிகளை தந்துள்ளது.வலைப்பதிவு மூலமாக வாழ்க்கை வரலாற்றை எழுதுகிறோமோ இல்லையோ முக்கிய அனுபவங்களை பதிவு செய்யலாம்.டைரி எழுதுவது போல மனதில் தோன்றுவதை குறித்து வைத்து கொள்ள உதவும் இணைய சேவைகள் இருக்கின்றன.

தினமும் புகைப்பத்தோடு வாழ்க்கை நிகழ்வுகளை பதிவு செய்ய தூண்டும் தளங்களும் இருக்கின்றன.எனன் இருந்து என்ன பயன்,எதையும் இடைவிடாமல் செய்யும் குணம் தான் இல்லையே.சோம்பலும் மறதியும் வழிமறித்து கொள்வதால் இத்தகைய சேவைகளை பயன்படுத்தி கொள்ளும் சுறுசுறுப்பு கிடைக்கப்பெறுவது பெரும் பாடாக அல்லவா இருக்கிறது.

இத்தகைய சோம்பேறிகளுக்காக என்றே அருமையான ஒரு இணைய டைரி சேவை அறிமுகமாகியுள்ளது.

வாழ்க்கை குறிப்புகளை எழுத உதவும் அந்த தளம் நாள் தவறாமல் அதனை எழுதி முடிக்கவும் வழி செய்கிறது.டிவிட்டர் யுகத்தில் பலரும் மறந்து விட்ட இமெயில் துணையோடு இதனை அழகாக நிறைவேற்றுகிறது இந்த இணையதளம்.அதற்கேற்ப மிகவும் பொருத்தமாக மெயில்டைரி என்றே பெயர் சூட்டப்பட்டுள்ளது.

மெயில் டைரியில் தினமும் உங்கள் வாழ்வனுபவத்தை நீங்கள் குறித்து வைக்கலாம்.டைரி எழுதுவது போல தான் என்றாலும் ஒரு நாள் உற்சாகமாக ஆரம்பித்து விட்டு மாறுநாளே மறந்து போய்விடும் அபாயம் இந்த சேவையில் இல்லை.

காரணம் இந்த தளம் தினமும் இமெயில் வாயிலாக நினைவூட்டிக்கொண்டே இருக்கும்.இதில் உறுப்பினர்களாக பதிவு செய்து கொண்ட நாள்தோறும் இமெயில் வாயிலாக இன்றைய தினம் என்ன நடந்தது என்று கேள்வியை இந்த தளம் கேட்கும் .அதற்கு பதில் அளிப்பதற்காக கொஞ்சம் யோசித்து பார்த்து முக்கிய நிகழ்வுகளை குறித்து வைக்கலாம்.

நாட்காட்டி வசதியோடு இபப்டி குறிப்புகளை இடம் பெறச்செய்வதற்கான வசதியும் உள்ளது.

இது தான் என்று இல்லாமல் எல்லா வகையான விஷயங்களையும் இதில்,பகிர்ந்து கொள்ளலாம்.அனுபவங்களை மட்டும் அல்லாமல் செய்ய வேண்டும் என்று நினைப்பவற்றையும் பகிர்ந்து கொள்ளலாம்.புகைப்படங்களையும் சேர்த்து கொள்ளலாம்.செல்போனில் இருந்தும் அனுபவங்களை அப்டேட் செய்யலாம்.

ஒரு கட்டத்திற்கு பின் திரும்பி பாத்தால் இந்த பதிவுகள் செறிவானவையாக வியக்க வைக்கலாம்.பிள்ளைகளிடமோ நண்பர்களிடமோ காட்டி மகிழ கூடியவையாக இருப்பதோடு நமக்கே பயனுள்ளதாக இருக்கலாம்.

நினைத்தை அடையவும் இந்த தளம் கைகொடுக்கும்.யார் கண்டது உங்கள் அனுபவங்கள் ஒரு ஆழமான நாவலுக்கு உரியதாக கூட இருக்கலாம்.

டைரி எழுதுவதன் அருமையை புரிந்து கொள்ள பிரும்புகிறவர்கள் அனந்தரஙக பிள்ளை டைரி பற்றி எழுத்தாளர் பிரபஞ்சன் எழுதியுள்ள குறிப்புகளை படித்து பார்க்க வேண்டும்.

டைரி எழுத இனைய முகவரி;http://maildiary.net/

டிவிட்டர் டைரி எழுதுங்கள்

டிவிட்டரில் வெளியாகும் குறும்பதிவுகளை பலவிதங்களில் பயன்படுத்தலாம்.டிவிட்டரை ஒரு டைரி போல கூட பயன்படுத்தலாம்.

டிவிட்டரில் பகிர்ந்து கொள்ளும் குறும்பதிவுகளை திரும்பி பார்க்கையில் அவற்றில் சில டைரி பதிவுகள் போலவும் அமைந்திருப்பதை உணரலாம்.

ஆனால் டைரி என்பது பகிர்ந்து கொள்வதற்கானது அல்ல என்னும் போது டிவிட்டரின் பகிர்தல் தன்மை அதற்கு எதிராகவே அமையும்.

இருப்பினும்  டிவிட்டர் மூலம் டைரி எழுதுவது போல தகவல்களை பதிவு செய்து அந்த பதிவுகளை உங்களுக்கு மட்டுமானதாகவே வைத்திருக்க விரும்பினால் அதற்காக என்றே ஒரு இணையதளம் உருவாக்கப்பட்டுள்ளது.

கரெண்ட்.ஐம் என்னும் அந்த தளத்தை டிவிட்டர் டைரி போல பயன்படுத்தலாம்.அதாவ‌து இந்த தளத்தில் உறுப்பினராக பதிவு செய்து கொண்டு டிவிட்டர் குறும்பதிவுகளை வெளீயிடுவது போலவே நிகழ்வுகளையும் எண்னங்களையும் குறித்து வைக்கலாம்.ஆனால் இவை எதுவுமே மற்றவர்களின் பார்வைக்கு வராது.

எப்படி டைரி நமக்கு மட்டுமானதாகவே இருக்குமோ அதே போல இந்த பதிவுகளும் பயனாளிகள் மட்டுமே பார்க்க கூடியதாக இருக்கும்.

எஸ் எம் எஸ் .குறும்பதிவு யுகத்தில் இப்படி டிவிட்டரில் டைரி எழுதுவதும் பொருத்தமாக தான் இருக்கும்.

இணைய‌தள முகவரி;http://www.current.im