Tag Archives: dropbox

நண்பர்களோடு புகைப்படங்களை பகிர்ந்து கொள்ள புதிய வழி.

இணையத்தில் பார்க்கும் நல்ல புகைப்படத்தை நண்பரோடு பகிர்ந்து கொள்ள விரும்பினால் என்ன செய்வீர்கள்?இமெயில் மூலம் அந்த படத்தை அனுப்பி வைக்கலாம்.அல்லது டிராப் பாக்ஸ் போன்ற இணைய சேமிப்பு சேவைகளை பயன்படுத்தலாம்.

இரண்டு வழிகளுமே வேண்டாம் வேறு ஒரு எளிய வழி தேவை என நீங்கள் நினைத்தால் ஒய்பிக்ஸ்மீ இணையதளத்தை பயன்படுத்திப்பார்க்கலாம்.

எந்த புகைப்படடத்தை பகிர்ந்து கொள்ள நினைக்கிறீர்களோ அந்த படத்தை இந்த தளத்தில் பதிவேற்றலாம்.அல்லது புகைப்படத்தை இந்த தளத்தில் உள்ள வெற்று மேகம் போன்ற பகுதியில் அப்படியே இழுத்து கொண்டு வந்து வைத்துவிடலாம்.

அதன் பிறகு அந்த புகைப்படத்திற்கான இணைய முகவரி ஒன்று தரப்படும்.அந்த முகவரியை அனுப்பி வைத்தால் அதனை பெறும் நணபரும் அந்த முகவரி மூலமாக நீங்கள் பதிவேற்றிய பக்கத்தை அதில் உள்ள புகைப்படத்தோடு பார்க்கலாம்.

நண்பர் தன் பங்கிறகு புகைப்படத்தை பதிலுக்கு பகிர்ந்து கொள்ள விரும்பினாலும் இதே முறையில் புகைப்படத்தை பகிரலாம்.

இணையதளத்தை ஒரு முறை புதுப்பித்து கொண்டால் மீண்டும் புதிய முகவரியில் புதிய புகைப்படத்தை பகிர்ந்து கொள்ள தயாராகலாம்.

புகைப்படம் மட்டும் அல்லாமல் இணையதளங்களில் ஸ்கிரின்ஷாட் போன்றவற்றையும் இப்படி பகிர்ந்து கொள்ளலாம்.

இந்த சேவையை பயன்படுத்த எதையும் டவுண்லோடு செய்யும் அவசியம் இல்லை.கூகுலின் கிரோம் பிரவுசரில் அணுகினால் புகைப்படம் பதிவேற்றப்பட்டது தொடர்பான எச்சரிக்கை தகவலையும் பெறலாம்.

இணையதள முகவரி;http://ypix.me/17d5/

இணையத்தில் கோப்புகளை பெற புதிய வழி!


இணையம் வழியே கோப்புகளை அனுப்பி வைக்க உதவும் தளங்கள் நிறைய இருக்கின்றன. முதலில் அறிமுகமான யூசென்ட் இட் ல் துவங்கி பிரபலமான டிராப் பாக்ஸ்,சர்ச்சையில் சிக்கிய மெகா பலோடு என இந்த தளங்களீன் பட்டியல் கொஞ்சம் நீளமானது.

இமெயிலில் அனுப்ப முடியாத பெரிய கோப்புகளை பரிமாரிக்கொள்ள இந்த இணையதளங்கள் கைகொடுக்கின்றன.

ஆனால் இந்த கோப்பு பரிமாற்ற சேவையில் ஒரு சின்ன டிவிஸ்ட்டோட்டு ஒரு இணையதளம் அறிமுகமாகியிருக்கிறது.

சென்ட்பைல்ஸ்2மீ ;இது தான் அந்த தளத்தின் பெயர்.

அதன் பெயரை படித்தவுடனேயே அதன் செயல்பாட்டை புரிந்து கொண்டு விடலாம்.ஆம்,கோப்புகளை பெற இந்த தளம் உதவுகிறது.

மற்ற கோப்பு பரிமாற்ற தளங்கள் கோப்புகளை அனுப்பி வைக்க உதவுகின்றன என்றால் இந்த தளம் பிரதானமாக மற்றவர்களிடம் இருந்து கோப்புகளை பெற வழி செய்கிறது.

யாரிடமிருந்தாவது உங்களுக்கு கோப்பு தேவை என்று வைத்து கொள்ளுங்களேன் அப்போது இதில் நுழைந்து கோப்பை பெற விரும்புகிறேன் என குறிப்பிட்டு அதற்கான இணைய முகவரியை பெற்று கொள்ள வேண்டும்.அதன் பிறகு அந்த இணைய முகவரியை இமெயில் மூலம் யாரிடம் இருந்து கோப்பு தேவையோ அவருக்கு அனுப்பி வைக்க வேண்டும்.அதனை பெறுபவர் அந்த இணைய பக்கத்தில் கோப்பை பதிவேற்றினால் இமெயில் மூலம் தகவலோடு அந்த பக்கம் வந்து சேர்கிறது.

கோப்புகளை பதிவேற்றும் இணையதளங்களில் இருந்து நிச்சயம் மாறுபட்டசேவை தான்.மற்றவர்களிடம் இருந்து கோப்புகளை பெற சிறந்த வழியாகவும் தெரிகிறது.ஆனால் இலவசமானதா என்று தெரியவில்லை.இமெயிலை பதிவு செய்யுங்கள் விரைவில் அது பற்றி தகவல சொல்கிறோம் என்கிறது இந்த தளம்.

இணையதள முகவரி;http://sendfiles2.me/