Tag Archives: family

இது தம்பதிகளுக்கான பேஸ்புக்.

couple

 நண்பர்களோடு தொடர்பு கொள்ளவும் புதிய நண்பர்களை தேடி கொள்ளவும் பேஸ்புக் அருமையானது.பேஸ்புக் என்றாலே நண்பர்கள் தானே!
பேஸ்புக் போலவே இன்னும் பலவிதமான வலைப்பின்னல் சேவைகள் இருக்கின்றன.குறிப்பிட்ட விருப்பங்களின் அடிப்படையிலான தொடர்புகளை தேடிக்கொள்ளவும் அந்த துறை சார்ந்த நட்பு வளர்க்கவும் இவை உதவுகின்றன.

ஆனால் குடும்பத்திற்குள் இதே போல தொடர்பு கொள்ளவும் கருத்து பரிமாற்றம் செய்து கொள்ளவும் ஒரு வலைப்பின்னல் இல்லையே என்ற குறையை போக்கிகொள்ளும் வகையில் கப்புல் ஸ்டிரீட் சேவை அறிமுகமாகியிருக்கிறது.

இரண்டு நபர்களுக்கான வலைப்பின்னல் என்று வர்ணிக்கப்படும் இந்த செவை கணவன் ,மனைவிக்கு இடையே பேஸ்புக் பாணியிலான கருத்து பரிமாற்றத்தை சாத்தியமாக்குகிறது.அந்த வகையில் இதனை தம்பதிக்கான பேஸ்புக் என்று சொல்லலாம்.

பேஸ்புக் போன சமூக வலைப்பின்னல் தளங்கள் நாம் தொடர்பு கொள்ளும் விதத்தையும் நட்பு பாராட்டும் வித்த்தையும் மாற்றி அமைத்து வரும் நிலையில் நண்பர்களோடு தொடர்பில் இருப்பது எளிதாகியிருக்கிறது ,அதே அளவுக்கு தமபதிகளுக்கு இடையிலான கருத்து பரிமாற்றத்தை கொண்டு வர வேண்டாமா என்னும் கேள்வியோடு இந்த சேவை உருவாக்கப்பட்டுள்ளது.

ஒரே வீட்டில் வசிக்கும் தம்பதிகள் தான் பார்த்து கொள்ளவும் பேசிக்கொள்ளவும் எண்ணற்ற வாய்ப்புகள் இருக்கும் போது இதற்கென தனியே வலைப்பின்னல் சேவை தேவையா என்ற கேள்வி எழலாம்.

ஆனால் இணைய யுகத்தில் இல்லறத்தையும் இணையத்திற்கு கொண்டு வருவது எந்த அளவுக்கு பொருத்தமானது என்பதை தம்பதிகள் இந்த தளத்தை பயன்படுத்தி பார்த்தால் புரிந்து கொள்ளலாம்.

இந்த தளத்தில் உறுப்பினரானவுடன் பேஸ்புக் போன்ற ஒரு பக்கம் வந்து நிற்கிறது.பேஸ்புக் சுவற்றில் தகவல்களை பகிர்ந்து கொள்வது போலவே இதிலும் தகவல்களை பகிர்ந்து கொள்ளலாம்.என்ன பேஸ்புக்கில் சுவர் தகவல்களை நண்பர்கள் எல்லோரும் பார்க்கலாம்,கருத்து தெரிவிக்கலாம்.இந்த தளத்தில் உறுப்பினரின் வாழ்க்கை துணை மட்டுமே பார்க்க முடியும்.(அதற்கு முன்பாக இமெயில் மூலம் உறுப்பினர்கள் தங்கள் வாழ்க்கை துனைக்கு அழைப்பு விடுத்து இந்த தளத்தில் சேர்த்து கொள்ள வேண்டும்.அதன் பிறகு கணவனுக்கும் மனைவிக்கும் இரு பக்கத்திலும் அறிமுக பகுதி உருவாக்கப்படுகிறது)

கணவன் அலுவலகத்திற்கு சென்றதுமே வேலைக்கு நடுவே மனைவிக்கு இந்த சுவர் மூலம் ஒரு ஹாய் சொல்லலாம்,சாப்பிட்டாச்சா என்று நலம் விசாரிக்கலாம்.மனைவியும் தன் பங்கிற்கு தகவலை சுவரில் குறிப்பிடலாம்.கணவனோ மனைவியோ வெளியூருக்கு சென்றிருக்கும் போது இந்த சுவர் பரிமாற்றம் மிகவும் பயனுள்ளதாக இருக்கும்.

அன்பை வெளிப்படுத்த, முக்கிய தகவல்களை பகிர்ந்து கொள்ள என எத்தனையோ வழிகளில் தம்பதிகள் இதனை பயன்படுத்தி கொள்ளலாம்.

தகவல்களோடு புகைப்படங்களையும் பகிர்ந்து கொள்ளலாம்.

பரிமாற்றத்திற்கு  கை கொடுப்பதோடு இந்த தளம் நின்று விடவில்லை.தம்பதிகள் இதன் மூலமே தங்கள் வாழ்க்கையையும் செலவுகளையும் திட்டமிட்டு கொள்ளலாம்.

இதற்காக நாட்காட்டி உள்ளிட்டவை தனியே இருக்கின்றன.நாட்காட்டியில் திருமண நாள் போன்ற தினங்களை குறித்து வைக்கலாம்.அதோடு நிகழ்ச்சிகளையும் குறித்து வைக்கலாம்.அதே போல செய்ய வேண்டிய வேலைகளையும் குறித்து வைக்கலாம்.அதாவது ஷாப்பிங்,வீடு வேலைகள் போன்றவை.செலவுகளை குறித்து வைப்பதற்கான பகுதியும் இருக்கிறது.இந்த பகுதி மூலம் குடும்ப செலவுகளை அழகாக திட்டமிட்டு கொள்ளலாம்.செலவுகளின் விவரங்களையும் எப்போ

120103_FAM_twitterCloser

அம்மா டிவிட்டரில் என்னை பின் தொடர்ந்த போது!

டிவிட்டரில் நண்பர்களை ஆர்வத்தோடு பின் தொடர்கிறோம்.பின்தொடர்பவர்களை நண்பர்களாக்கி கொள்கிறோம்.ஆனால் பெற்றோர்களையோ அல்லது சகோதரர்களையோ டிவிட்டரில் பிந்தொடர நினைத்திருக்கிறோமா?இப்படி அப்பாவையோ அல்லது அம்மாவையோ டிவிட்டரில் பின் தொடர்ந்தால் எப்படி இருக்கும் என்று யோசித்திருக்கிறோமா?

அப்பாவையோ அம்மாவையோ டிவிட்டரில் பின் தொடர்வது வெறும் புதுமை அல்ல;அது எத்தனை அற்புதமான அனுபவமாக இருக்ககூடும் என்பதை அமெரிக்காவை சேர்ந்த மயா கவுர்னியேரி அழகாக விவரித்திருக்கிறார்.

டிவிட்டர் அம்மாவை மேலும் சரியாக புரிய வைத்ததாக மீண்டும் அம்மாவோடு ஒன்ற வைத்ததாக அவர் குறிப்பிடுகிறார்.இதனை விவரித்து அவர் எழுதியுள்ள கட்டுரையை நவீன இலக்கியம் என்றே சொல்ல வேண்டும்.

டிவிட்டர் திறக்ககூடிய புதிய வாயில்கள் பற்றி உணர்த்தும் அழகான கட்டுரை அது.டிவிட்டர் எத்தகைய தரிசனத்தை தரக்கூடும் என்றும் உணர்த்தவும் செய்யும் கட்டுரை.

டிவிட்டரால் உண்டான சின்ன சங்கடத்தோடு தான் கட்டுரையை அவர் ஆரம்பிக்கிறார்.

டிவிட்டரில் அம்மா அவரை பின் தொடர்த்துவங்கியதுமே மற்றவர்கள் பின் தொடர்வதற்கும் அம்மா பின்தொடர்வதற்கும் வேறுபாடு இருக்கிறது என அவர் புரிந்து கொண்டார்.

விஷய்ம் இது தான்,டிவிட்டரில் தோழி ஒருவரது சகோதரார் அழகாக இருப்பதாக மயா குறும்பதிவு செய்திருந்தார்.அதை படித்து விட்டு அவரது அம்மா,ரொம்ப அழகோ எனப்து போல கேட்டிரிந்தார்.மகள் வேறொரு ஆண் மகனின் அழகை வர்ணிப்பதை நாசுக்காக அவர் கேள்விக்குள்ளாகி இருந்தார்.

அம்மாவை பின்னூட்டத்தை படித்து நாக்கை கடித்து கொண்ட மயா,அந்த குறும்ப்திவை டெலிட் செய்து விட்டார். அதன் பிறகு தனது பகிர்வுகளில் கவனமாக இருக்கத்துவங்கினார்.

ஒரு நாள் அம்மாவின் குறும்பதிவுகளை கூர்ந்து கவனித்து கொண்டிருந்த போது தாய் தன்னை பற்றிய அறிமுக குறிப்பில் ஓவியர் என்ற வார்த்தையை சேர்த்திருப்பதை பார்த்து ஆச்சர்யமடைந்தார்.தாய் தன்னை ஓவியர் என்று அழைத்து கொள்ள விரும்புவதை புரிந்து கொண்ட மயா அம்மாவின் இந்த விருப்பத்தை தெரிந்து கொள்ளாமல் போனோமே என்று வருத்தப்பட்டார்.

அமாவை பற்றி இன்னும் என்னவெல்லாம் தனக்கு தெரியவில்லை என்று அறிந்து கொள்வதற்காக தொடர்ந்து ஆர்வத்தோடு அம்மா குறும்பதிவுகளை படித்து வந்தார்.

ஒரு குறும்பதிவில் அம்மா புகைப்படக்கலையில் ஆர்வம் வந்திருப்பது பற்றி குறிப்பிடிருந்தார்.

மற்றொரு பதிவில் சவான்னா என்னும் நகரை விரும்புவதாக குறிப்பிட்டதை அப்டித்து வியந்து போனார்.எப்போதுமே நியூயார்க் நகரை புகந்து பேசும் அம்மா சவான்னாவின் தன்மையை விரும்பத்துவங்கியிருந்தது புதிய செய்தியாக இருந்தது.

அப்போது தான் அம்மாவுக்கும் தனக்கும் இடையே இடைவெளி ஏற்பட்டிருப்பதை அவர் புரிந்து கொண்டார். ஒருவரை ஒருவர் புரிந்து கொள்ளும் ஆர்வத்தோடு கேள்விகளை கேட்டு பல காலமாகிவிட்டது என்பதையும் உணர்ந்து கொண்டார்.

அருகருகே இருந்தும் பாசத்தோடு பல விஷயங்களை பேசியும் கூட அம்மாவை பற்றி தெரிந்து கொள்ளாத விஷயங்கள் இருக்கின்றன என்பது அவரை குற்ற உணர்ச்சிக்கு உள்ளாக்கியது.

அந்த வருத்ததோடு அம்மாவின் புகைப்பட கலை ஆர்வம் பற்றி விசாரித்து இமெயில் ஒன்றை அனுப்பினார்.பொதுவாக அவரது அம்மா இமெயில்களுக்கு பதில் அளிக்க சில நாட்கள் எடுத்து கொள்வது வழக்கம்.ஆனால் இந்த மெயில்லுக்கு மட்டும் அன்றைய தினமே பதில் அனுப்பியிருந்தார்.அதில் புகைப்படக்கலையில் தனக்குள்ள ஆர்வத்தை வரித்திருந்ததோடு ஏற்கனவே தான் எடுத்திருந்த புகைப்படங்கள் பற்றியும் குறிப்பிட்டிருந்தார்.

மேலும் புகைப்படக்கலை எப்படி தன்னையே மறு அறிமுகம் செய்து கொள்ள உதவுகிறது என்றும் எழுதியிருந்தார்.

இவற்றை எல்லாம் நாம் எப்படி கவனிக்க தவறினோம் என்ற எண்ணம் மயாவுக்கு மீண்டும் உண்டானது.

அப்போது தான் டிவிட்டர் அம்மாவிடம் தன்னை மீண்டும் நெருக்கமாக வைத்திருக்கிறது என்பதை உணர்ந்தார்.