Tag Archives: love

டிவிட்டரில் காதல் லைவ் ரிலே!

திரைப்படங்களில் காதலனோ காதலியோ ஐ லவ் யூ என்று ஊருக்கே கேட்கும் படி உற்சாகமாக கத்தி சொல்லியதுண்டு.சில துடுக்கான காதலர்கள் மைக் வைத்தும் காதலை வெளிப்படுத்தியதுண்டு.எல்லாம் காதலில் புதுமையை புகுத்துவதற்கான இயக்குனர்களின் முயற்சிகள் தான் .

ஆனால் கனடாவில் காதலன் ஒருவர் தனது காதலை டிவிட்டரில் லைவ் ரிலே செய்து ஆயிரக்கணக்கானோரை தனது காதல் யாத்திரையை பின் தொடர வைத்திருக்கிறார்.திரைபட கதைகளையே மிஞ்சி விடும் அளவுக்கு அவரது காதல் கதை சுவாரஸ்யமாகவும் அமைந்திருக்கிறது.

கனடாவின் வின்னிபெக நகரை சேர்ந்த மைக் டுயர்சன் என்னும் அந்த வாலிபர் ஜேனல்லே ப்ரீட் என்னும் அழகான இளம் பெண்ணை காதலித்து வந்தார்.கிட்டத்தட்ட மூன்று ஆண்டுகளுக்கு முன் மலர்ந்து காதல் இது.

மேல்நாட்டினரின் டேட்டிங் கலாச்சாரப்படி இருவரும் சந்தித்து பேசி காதலர்களாகி இருந்தனர்.இந்நிலையில் காதலித்தது போதும் கல்யாணம் செய்து கொள்ளலாம் என மைக் தீர்மானித்தார்.தனது திர்மானத்தை காதலியிடம் சொல்லி அவளது சம்மதத்தை பெறுவது என்றும் முடிவு செய்து கொண்டார்.

பொதுவாக காதலர்கள் இப்படி திருமணம் செய்து கொள்ள சம்மதம் கேட்பதை கொஞ்சம் ரொமேன்டிக்காகவே செய்ய விரும்புவார்கள்.முற்றிலும் எதிர்பார்க்காத தருணத்தில் யூகிக்க முடியாத விதத்தில் காதலை சொல்லி திருமணத்திற்காக கையை கோருவதை என்றும் மறக்க முடியாத வகையில் காவியமயமாக்கவே விரும்புவார்கள்.

இந்த ஆனந்த அதிர்ச்சியை காதலிக்கு தருவதற்காக காதலர்கள் ஓராயிரம் புதுமையான வழிகளை கடை பிடித்துள்ளனர்.

மைக்கும் இதே போல புதுமையான வழியை பின்பற்றி தனது காதலை வெளிப்படுத்தி காதலியை ஆச்சர்யத்திலும் ஆனந்ததிலும் ஆழ்த்து அவளது சம்மத்தை பெற விரும்பினார்.இதற்காக அவர் இது வரை யாருமே முயன்றிறாத வழியை தேர்வு செய்தார்.

அந்த வழி டிவிட்டர் வழியே காதலை லைவ் ரிலே செய்வது!

அதாவது ஆயிரம் பேர் படைச்சூழ காதலியிடம் சென்று காதலை சொன்னால் எப்படி இருக்கும்?அதே போல மைக் டிவிட்டர் மூலம் நண்பர்களை பின் தொடர செய்து காதலியிடம் தனது விருப்பத்தை தெரிவிக்க முடிவு செய்தார்.

எப்படி என்றால் காதலியிடம் தனது மனதை தெரிவிக்கும் வரை தான் எடுத்து வைக்கும் ஓவ்வொரு அடியையும் டிவிட்டரில் பகிர்ந்து கொள்வது என முடிவு செய்து கொண்டார்.காதலியிடம் திருமண கோரிக்கையை முன் வைப்பது என தீர்மானித்த அன்று மாலை அவர டிவிட்டரில் இந்த எண்ணத்தை வெளிப்படுத்தினார்.

நாளை என் காதலியிடம் என்னை மணக்க சம்மதமா என கேட்கப்போகிறேன்,இந்த பயணத்தை அப்படியே டிவிட்டரில் பகிர்ந்து கொள்ளவும் போகிறேன் என்று குறிப்பிட்டிருந்தவர் விருப்பம் உள்ளவர்கள் பின்தொடர வசதியாக மைக் பிரபோசாஸ் என்னும் ஹாஷ்டேகையும் உருவாக்கி இருந்தார்.

அதோடு மறுநாள் தனது காதலியை எங்கெல்லாம் அழைத்து செல்ல திட்டமிட்டிருக்கிறேன் என்ற விவரங்களையும் டிவிட்டர் வழியே குறும்பதிவுகளாக பகிர்ந்து கொண்டவர் தங்கள் காதல் பிளேஷ்பேக்கையும் பகிர்ந்து கொண்டார்.

பராகுவே நாட்டில் தான் அவளை சந்தித்தேன் ,5 ஆயிரம் பேருக்கு மத்தியில் அவளை பார்த்த போதே என்னவள் என்பது தெரிந்து விட்டது என முதல் சந்திப்பை வர்ணித்திருந்தார்.

மைக்கின் இந்த காதல் திட்டத்தை டிவிட்டரில் படித்தவர்களுக்கு அவரது காதல் மீது ஆர்வம் உன்டானது.மனிதர் எப்படி காதலை சொல்கிறார் என்று தெரிந்து கொள்ளும் ஆர்வத்தோடு பலர் டிவிட்டரில் அவரை பின் தொடர துவங்கினார்.
மைக்கும் அந்த ஆர்வத்துக்கு தீனி போடும் வகையில் மறு நாள் காதலியை சந்திததில் துவங்கி அவளோடு செல்லும் இடங்களை எல்லாம் டிவிட்டரில் பகிர்ந்து கொண்டே வந்தார்.

அதனை படித்து கொண்டிருந்த பின் தொடர்பாளர்களுக்கு இந்த காதலர்கள் மீது ஈடுபாடும் பிடிப்பும் உண்டானது.திரைப்படத்தில் இளஞ்ஜோடியின் காதல் என்ன ஆகும் என தெரிந்து கொள்ளும் ஆர்வத்தோடு கதையில் ஒன்று விடுவது போல பலரும் மைக்கின் விவரிப்பில் ஒன்றிப்போயினர்.

ஸ்டெல்லா என்னும் பின் தொடர்பாளர் ஒருவர் மைக்கின் காதலை ஜேன் ஏற்று கொள்கிறாளா என்று தெரிந்து கொள்ளும் வரையில் இருக்கும் இடத்தை விட்டு எழுத்திருக்க மாட்டேன் என்று லேப்டாப் முன்னரே அமர்ந்து கொண்டு விட்டார் என்றால் பின் தொடர்பாளர்களின் ஆர்வத்தை புரிந்து கொள்ளுங்கள்.

கிட்டத்தட்ட 12 மணி நேரம் தனது எண்ணங்களை பகிர்ந்து கொன்ட பிறகு மைக் காதலை சொல்லிவிட்டேன்,அவளும் ஏற்று கொண்டு விட்டால் என மகிழ்ச்சியோடு அறிவித்தார்.அப்போது ஆயிரத்துக்கும் மேற்பட்ட பின் தொடர்பாளர்களும் அதை படித்து விட்டு ஒரு காதல் ஜெயித்த மகிழ்ச்சியில் மிதந்தனர்.பலர் டிவிட்டர் மூலமே வாழ்த்தும் தெரிவித்தனர்.

இப்படி பலர் தங்கள் காதல் மிது ஆர்வம் காட்டியதை மைக்கே எதிர்பார்க்கவில்லை.நெகிழ்ச்சியோடு அவர்களுக்கு நன்றி தெரிவித்து கொண்ட மைக் அடுத்த சில நாட்கள் காதலியுடன் மட்டும் கழிக்க போவதாக அறிவித்தார்.அதாவது டிவிட்டர் பதிவுகள் இல்லாமல் காதலியோடு இருக்கப்போவதாக தெரிவித்தார்.

என்ன தான் இருந்தாலும் ஆயிரக்கனக்கானோர் ஒருவரின் காதலில் ஆர்வம் கொண்டு அது வெற்றியில் முடிகிறதா,கல்யாண செய்தி வருகிறதா என காத்திருப்பது மிகவும் சுவாரஸ்யமானது தானே.மைக் டிவிட்டர் மூலம் இந்த சுவாரஸ்யத்தை தேடிக்கொண்டிருக்கிறார்.

ஆனால் இதில் மேலும் சுவாரஸ்யம் என்னவென்றால் மைக் இப்படி காதல் பயணத்தை டிவிட்டரில் லைவ் ரிலே செயதது அவரது காதலிக்கு தெரியவே தெரியாதாம்.மைக் அடிக்கடி செல்போனை பயன்படுத்துவதை பார்த்து அவர் முதலில் செல்போனை தூக்கி வீசுங்கள் என்று அன்பு கட்டளை வேறு போட்டிருகிறார்.ஆனால் மைக் தான் சமார்த்தியமாக சமாளித்து தனது காதலை மறக்க முடியாத அனுபவமாக மாற்றியிருக்கிறார்.

wah

அன்பை தெரிவிக்க ஒரு இணைய‌ விண்ணப்ப படிவம்

இந்த தளத்தை பற்றி அறிவதற்கு முன்பாக உங்கள் வாழ்க்கையை கொஞ்சம் ரீவைன்டு செய்து கொள்ளுங்கள்.வாழ்கையில் யாருக்கு நீங்கள் நன்றிக்கடன் பட்டிருக்கிறீர்கள் என்று யோசித்து பாருங்கள்.அதாவது யார் உங்கள் மீது அதிக தாக்கம் செலுத்தியுள்ளனர் என்று நினைத்து பாருங்கள்.

யாரை நீங்கள் மிகவும் நேசிக்கிறீர்கள்,உயர்வாக கருதுகிறீர்கள் என்றெல்லாம் யோசித்து பார்த்து கொள்ளுங்கள்.

காரணம் இந்த தளம் உங்கள் வாழ்வில் உள்ள இத்தகைய நபர்கள் மீதான உங்கள் அன்பை பகிர்ந்து கொள்வதற்கானது.

நீங்கள் யாரை மிகவும் நேசிக்கிறீர்களோ அவர்களிடம் அதனை தெரிவியுங்கள் என்று அழைக்கும் இந்த தளம் நாளை என்பது இல்லாமலேயே போய்விடலாம் என்பதால் இன்றே உங்கள் அபிமானத்தை சொல்லி விடுங்கள் என்று அச்சுறுத்துவது போலவும் சொல்கிறது.

இந்த எச்சரிக்கை கொஞ்சம் சோகமயமாக அமைந்தாலும் இந்த தளம் தூண்டுகோளாக அமையும் விஷயம் கொஞ்சம் அற்புதமானது.

ஒவ்வொருவரும் தங்கள் வாழ்கையில் யாரை முக்கியமாக கருதுகின்றனறோ அவர்கள் மீதான அன்பையும் பாதிப்பையும் பகிர்ந்து கொள்ள இந்த தளம் உதவுகிறது.

சாதனையாளர்கள் மற்றும் நட்சத்திரங்கள் பேட்டிகளின் போது தங்கள் வாழ்கையில் மாற்றியமைத்தவர்களை நன்றியுடன் நினைவு கூர்வது உண்டல்லவா?

அதே போல கூட நமது வாழ்க்கையிலும் முக்கியமான நபர்கள் இருக்கத்தான் செய்வார்கள்.அவர் யாராக வேண்டுமானாலும் இருக்கலாம்.பள்ளி பருவத்தில் நமது திறமையை கண்டுபிடித்து ஊக்குவித்த ஆசிரியராக,நண்பன் போல பழகி தோளில் கைப்போட்டு நல்ல விஷயங்களை அடையாளம் காட்டிய சகோதரனாக,இலக்கிய உலகிற்கான ஜன்னலை திறந்து விட்ட நண்பனாக,அன்பின் மொழியை கற்றுத்தந்த ஸ்நேகிதியாக,பொறுமையின் அருமையை உபதேசித்த சித்தப்பா என வாழ்க்கையில் நம்மை பாதித்தவர் யாராக வேண்டுமானாலும் இருக்கலாம்.

கொஞ்சம் யோசித்தால் இப்படி நமக்கான குனங்களையும் தருணங்களையும் சுட்டிக்காட்டிய அன்பான மனிதர்கள் பலர் இருக்கலாம்.இவர்கள் மீதான நமது அன்பையும் நன்றி பெருக்ககையும் ஏன் மனதுக்குள் பூட்டி வைக்க வேண்டும்.அவர்களிடமே பகிர்ந்து கொண்டால் என்ன?

ஆனால் இது அத்தனை சுலபமானது அல்ல தான்.திடீரென ஒருவரிடம் போய் அவர்கள் மீதான அபிமானத்தை வெளிப்படுத்த தயக்கமாக இருக்கலாம்.ஆனால் சொல்லமலே விட்டு விட்டால் அது இழப்பு தானே.அதோடு இதற்கான நேரம் வரும் என்றும் காத்திருக்க முடியாதே!.

இந்த தளம் சொல்வது போல இத்தகைய அன்பை ஒரு எஸ் எம் எஸ் மூலமோ ஒரு இமெயில் மூலமோ தெரிவிப்பது மிகவும் செயற்கையாக இருக்கலாம்.டிவிட்டரில் சொல்ல்வது மிகவும் பகிரங்கமாகி விடலாம்.அதனால் தான் நம்மை பாதித்தவர்கள் மீதான அன்பையும் நேசத்தையும் பகிர்ந்து கொள்வதற்கான அழகான வழியை இந்த தளம் உருவாக்கியுள்ளது.

யாருக்கு அன்பை சொல்லப்போகிறோம் என்பதை மட்டும் தீர்மானித்து கொண்டால் போதும் மற்ற விஷய‌ங்களுக்கு எல்லாம் இந்த தள‌மே வழி செய்கிறது.

இதற்காக‌ என்றே விண்ணப்ப படிவம் போன்ற ஒரு படிவம் இருக்கிறது.அதில் யாருக்கு அன்பை சொல்லப்போகிறோமோ அவரது பெயரை குறிப்பிட்டு விட்டு அதன் கிழே உள்ள கட்டங்களில் நமது உணர்வுகளை தெரிவிக்கலாம்.

உள்ளத்து உணர்வை தெரிவிக்க வார்த்தைகளுக்கும் வாக்கியங்களுக்கும் தடுமாற நேராமல் சுலபமாக அவற்றை தெரிவிக்கும் வகையில் வரிசையாக இந்த கட்டங்கள் அமைந்துள்ளன.

முதல் கட்டம் நான் என்று ஆரம்பமாகிற‌து.அதில் நான் ஏன் உங்களை முக்கியமாக கருதுகிறேன் என்ற‌ விவர‌த்தை தெரிவித்து விட்டு நீங்கள் என துவங்கும் அடுத்த கட்டத்தில் அவர்கள் நம் மீது தாக்கம் செய்த வித்ததை குறிப்பிடலாம்.

நாம் என துவங்கும் அடுத்த கட்டத்தில் இருவரும் இணைந்து அனுபவித்த உணர்வுகளை பகிர்ந்து கொள்ளலாம்.

தொடர்ந்து மறக்க முடியாதவை மற்றும் நன்றிக்குறியவற்றை பகிர்ந்து கொள்ள்லாம்.அப்படியே அவர்களிடம் பிடித்தவற்றையும் நேசிப்பவற்றையும் பகிர்ந்து கொள்ளலாம்.

பக்கம் பக்கமாக் எழுதினாலும் சொல்ல முடியாதவற்றை இந்த படிவத்தை பூர்த்தி செய்வது மூலம் வெளிப்படுத்தி விடலாம்.

எல்லாவ‌ற்றையும் முடித்து விட்டு உங்கள் அன்புக்குறிய என்று கையெசுத்திட்டு உரியவருக்கு அனுப்பி வைக்கலாம்.

அன்பை சொல்வது நல்லது தானே.

இணையதள முகவ‌ரி;http://www.wyah.com/

—————

அன்பை சொல்ல இதோ இன்னொரு வழி.’;http://cybersimman.wordpress.com/2010/08/14/love-4/

சாட்ரவுலெட் கல்யாணம்.

இணைய கல்யாணங்களில் இன்னொரு கல்யாணமும் சேர்ந்திருக்கிறது.இணைய அரட்டை சேவையான சாட்டர‌வுலெட் மூலம் சந்தித்த ஜோடி திருமணம் செய்து கொண்டிருக்கிறது.அதுவும் சாட்ரவுலெட் மூலம் கலயாணம் செய்து கொண்ட உலகின் முதல் ஜோடி என்ற பெருமையோடு!

சாட்ரவுலெட் மிகவும் சுவாரஸ்யமான ஆனால் கொஞ்சம் வில்லங்கமான சேவை.

வெப்கேம் வழியே அரட்டை அடிப்பதற்கு வழி செய்யும் சாட்ரவுலெட் இந்த தொடர்பை ஏற்படுத்தி தரும் விதம் தான் அதனை பிரபலமாக்கியது.மற்ற அரட்டை தளங்களில் இருந்து அதனை தனித்து நிறகவும் செய்தது.

பொதுவாக அரட்டை தளங்களில் யாருடன் அரட்டை அடிப்பது என்பதை உறுப்பினர்கள் தீர்மானித்து கொள்ள முடியும்.சாட்ரவுலெட்டில் அந்த கதை இல்லை.சாட்ரவுலெட்டில் யாருடன் அரட்டை போகிறோ, என்பது யாருக்குமே தெரியாது.இந்த தளத்தில் அரட்டைக்காக யாருடன் தொடர்பு கிடைக்கும் என்பது முற்றிலும் தற்செயலானது.

வெப்கேமும் கையுமாக இந்த தளத்தில் நுழைந்தால் சக உறுப்பினர்கள் யாரையாவது சந்திக்கலாம்.அவர்களோடு அரட்டை அடிக்கலாம்.யார் என்பது எந்த அடிப்படையும் இல்லாமல் சீட்டு குலுக்கி போடுவது போல தீர்மானிக்கப்படுவது தான்.எனவே யாரை வேண்டுமானாலும் சந்திக்க நேரலாம்.

சந்திக்கும் நபரை பிடிக்கவில்லை என்றால் அப்படியே கிளிக் செய்து அடுத்த நபரை சந்திக்கலாம்.அவரும் யாரோவாக தான் இருப்பார்.

யாரை சந்திக்க போகிறோம் என தெரியாமல் யாரையாவது சந்தித்து பேச முடிவதே இந்த தளத்தின் தனிச்சிறப்பாக கருதப்படுகிறது.உலகின் வெவேறு பகுதிகளை சேர்ந்தவர்களை சந்திக்கலாம் என்பதால் முற்றிலும் புதிய மனிதர்களை புதிய கலாச்சாரத்தை சேர்ந்தவர்களை அறிமுகம் செய்து கொள்ள வாய்ப்பிருப்பது இந்த தளத்தின் பலமாக கருதப்படுகிறது.

ஆனால் இந்த தற்செயல் தன்மை சுவாரஸ்யமானது எனறு மட்டும் சொல்லிவிட முடியாது.சில நேரங்களில் வில்லங்கமான மனிதர்களை சந்திக்க நேரலாம்.அவர்களில் செய‌ல்கள் அருவருக்க வைக்கலாம்.இந்த தளத்தில் வெப்கேம் விகாரங்களை வெளிப்படுத்தியவர்களும் இருக்கின்றனர்.

ஆனால் மன்ம் திறந்து பேசுபாவ‌ர்களையும் நெகிழ செய்யக்கூடியவ‌ர்களையும் சந்திக்கலாம் .பேசுவதற்கு யாராவது கிடைக்க மாட்டார்களா என்று ஏங்கித்தவிப்பாவர்களையும் எதிர் கொள்ளலாம்.சிரிக்க சிரிக்க பேசி ரசிக்க வைப்பவர்களையும் சந்திக்கலாம்.

இவையெல்லாம் சாட்ரவுலெட் மகிமைகள்.

ஆனால் இந்த தளம் வழியே காதல் மலர்ந்ததாக இது வரை எந்த தகவலும் இல்லை.இப்போது இந்த தளத்தில் சந்தித்து கண்டதும் காதல் கொண்டு கல்யாணமும் செய்து கொண்டுள்ள ஜோடி பற்றி சுவாரஸ்யமான கதை வெளீயாகியுள்ளது.

சாட்ரவுலெட்டின் முதல் காதல் கதை என்னும் அடைமொழியை பெற்றுள்ள இந்த காதல் கதை உணமையிலேயே வித்தியாசமமான‌து தான்.

இபடி சாட்ரவுலெட் மூலம் இணைந்திருக்கும் காதல் ஜோடி அமெரிக்காவை சேர்ந்த சியோபன் மற்றும் பிரிட்ட்னை சேர்ந்த அலெக்ஸ் ரோட்ஜர்ஸ்.

இந்த இருவருமே சாட்ரவுலெட் மூலம் சந்தித்த போது முதல் பார்வையிலேயே காதல் கொண்டு விட்டனராம்.அதுவும் எப்படி வெப்கேமை விட்டு பார்வையை எடுக்க முடியாத படி தொடர்ந்து ஆறு மணி நேரம் உரையாடி மகிழ்ந்துள்ளனர்.இரவில் ஆரம்பித்த உரையாடல் மறு நாள் விடியும் வரை தொடர்ந்திருக்கிறது.

முதலில் பார்த்ததுமே அவளது அழகில் விழுந்து விட்டேன் என்று அலெக்சும்,அவரை கண்டதும் பிடித்து போனது என்று சியோபனும் இந்த காதல் சந்திப்பு பற்றி மகிழ்ச்சியோடு குறிப்பிடுகின்றனர்.

இந்த காதல் உரையாடலுக்கு நடுவே எங்காவது தப்பித்தவறி அடுத்த பட்டனை கிளிக் செய்து தொடர்பை இழந்து விடப்போகிறோம் என்ற அச்சத்தில் தவித்தனராம்.இத‌னால் பரஸ்பரம் பேஸ்புக்கில் நண்பர்களாகி இருக்கின்றனர்.அதன் பிறகு ஸ்கைப்பிலும் பேஸ்புக்கிலுமாக காதல் வளர்ந்திருக்கிறது.

பின்னர் அலெக்ஸ் பிரிட்டனில் இருந்து அமெரிக்க பறந்து சென்று காதலியின் குடும்பத்தை சந்தித்து திருமணத்திற்கு சம்மதமும் பெற்றிருக்கிறார்.

கடந்த ஆக்ஸ்டு மாதம் திருமணம் நடைபெற்றது,இதற்கிடையே சியோபன் தான் பார்த்து கொண்டிருந்த வேலையை விட்டு விட்டு லண்டனுக்கு குடி பெயர்ந்து விட்டார்.

சாட்ரவுலெடில் சந்தித்து தம்பதிகளானது தங்கள் அதிர்ஷடம் என்று இருவரும் உற்சாக‌மாக சொல்கின்றனர்.

பேஸ்புக்கோ சாட்ரவுலெட்டோ எதுவுமே பயன்படுத்தும்க் விதத்தில் தான் இருக்கிறது அல்லவா?

இணையதள முகவரி;http://chatroulette.com/

—–

சாட்ரவுலெட் தொடர்பான மற்றொரு பதிவு.http://cybersimman.wordpress.com/2012/03/30/share-3/

———-
மேலும் ஒரு சாட்ரவுலெட் தொடர்பான பதிவு.http://cybersimman.wordpress.com/2010/10/02/twitter-78/

காதலுக்கு இன்னொரு வாய்ப்பு தரும் இணையதளம்.

இந்த இணையதளம் எல்லோருக்குமானது அல்ல!இந்த தளாத்தை பயன்படுத்த நீங்கள் இளைஞ‌ராக(இளைஞியாக‌) இருக்க வேண்டும்.அல்லது மனதளவில் இளமை மிக்கவராக இருக்க வேண்டும்.அல்லது காதலிக்க தயாராக இருக்க வேண்டும்.

இன்னும் சரியாக சொல்வதாயின் காதலியை/(காதலனை) தவறவிட்டு தேடிக்கொண்டிருக்க வேண்டும்.காரணம் இந்த தளத்தின் நோக்கமே பிரிய நேர்ந்த காதலர்கள் பரஸ்பரம் சந்திக்க வாய்ப்பு ஏற்படுத்து கொடுப்பது தான்.பிரிய நேர்ந்த காதலர்கள் என்றால் ஒரு முறை பார்த்து மறுமுறை சந்திக்கும் வாய்ப்பு கிடைக்காத துரதிர்ஷ்டசாலிகள் என்று பொருள்.

கண்டதும் காதல்,காணமலே காதல் என்று காதலில் பல வகை இருப்பது போல கண்டதும் காதல் கொண்டு அதை உணராமல் போய் பின்னர் தவிக்கும் ரகமும் இருக்கிற‌து.

பஸ்சிலோ ,ரெயிலிலோ வேறு ஏதேனும் பொது இடத்தில் வேலைக்கு அவசரமாக சென்று கொண்டிருக்கும் போது தேவதை போல ஒரு அழகியை பார்த்து லயிக்க நேரலாம்.ஏன் திரையரங்கிலோ,மாநாட்டிலோ மனதை மயக்ககூடிய ஒரு யவதியை காணலாம்.பார்ப்போம் பேசிக்கொண்டிருப்போம்,ஆனால் தொடர்பு முகவரியை கூட கேட்க சந்தர்ப்பம் இருக்காது.

பின்னர் வீட்டிற்கு வந்த பின் அந்த தேவதையின் தோற்றம் அப்படியே நெஞ்செல்லாம் நிறைந்திருக்கும்.கண்ணை மூடினால் கூட அவள் உருவமே வந்து நிற்கும்.அப்படியே மனது படபடக்கும் அலைபாயும்.ஆனால் தொடர்பு கொள்ள வழி இல்லாமல் ஏங்கும்.

உள்ளூரில் வெளியூரில் வெளிநாட்டில் எங்கு வேண்டுமானாலும் இந்த‌ அனுபவம் ஏற்படலாம்.

பொதுவாக‌ ஆண்கள் இந்த அவதிக்கு உள்ளாவது உண்டென்றாலும் பெண்களுக்கும் இத்தகைய அனுபவம் ஏற்படலாம்.

இப்படி ஒரு முறை பார்த்து உள்ளத்தில் பதிந்து போன‌வர்களை மறுமுறை சந்திக்க முடியாதா என ஏங்கி கொண்டிருப்பவர்களை ஒரு கணம் நினைத்து பாருங்கள்.அவர்களின் நிலை பரிதாபகரமானது தான்.உள்ளம் கவர்ந்தவளை மீண்டும் பார்க்க முடியுமா என்பது தெரியாமலேயே பரிதவித்து கொன்டிருக்க வேண்டியது தான்.

இப்படி பஸ் ஸ்டான்டில் பார்த்த பெண்ணை காதலோடு தேடி திரிந்து அலைந்து கடைசியில் கண்டுபிடித்து விடுவது தமிழ் சினிமாவில் வேண்டுமானாலும் சாத்தியம் ,நிஜ வாழ்க்கையில்?

காலம் அதிர்ஷ்ட கதவை திறந்து விட்டால் லட்சத்தில் ஒருவருக்கு முதல் முறை பார்த்தவரை இரண்டாம் முறை பார்க்கும் வாய்ப்பு கிடைக்கலாம்.இந்த இரண்டாம் முறை வாய்ப்பை தவறவிட்ட எல்லோருக்குமே ஏற்படுத்தி தரும் நோக்கத்தோடு உருவாக்கப்பட்டுள்ளது 1மிஸ்டு1 இணையதளம்.

தவறவிட்ட அன்புள்ளத்தை மீண்டும் தேடி கண்டுபிடிக்க கை கொடுக்கிறது இந்த தளம்.

எப்படி என்றால் ,எங்கோ ஒருவளை பார்த்தவ‌ர்கள் பின்னர் பார்க்க வாய்ப்பில்லாமல் போன அந்த நபர் பற்றிய விவரத்தை இந்த தள‌த்தில் தெரிவிக்கலாம்.எந்த நாட்டில் எந்த இடத்தில் எப்போது பார்த்தோம் என்பதை தெரிவித்து அப்போது அணிந்திருந்த உடை போன்ற‌வற்றையும் குறிப்பிடலாம்.சந்தித்து பேசியிருந்தால் அது தொடர்பான விவர‌த்தையும் குறிப்பிடலாம்.வாய்ப்பிருந்தால் தங்கள் புகைப்படத்தியும் இணைக்கலாம்.

அதன் பிறகு எப்போதாவது அந்த நபர் இந்த‌ தளத்திற்கு விஜயம் செய்தால் இந்த விவரத்தை பார்த்து நெகிழ்ந்து போய் தொடர்பு கொள்ளும் வாய்ப்புள்ளது.

இந்டஹ் நம்பிக்கையில் தான் ,நியூயார்க்கின் மான்ஹட்டன் பகுதியில் புத்தக கடையில் இருந்து வெளியே வரும் போது உன்னைப்பார்த்தேன்,உனக்கு நீண்ட அழகான கூந்தல்,நாம் இருவருமே பயண வழிகாட்டியை தேடிக்கொண்டிருந்தோம்,உன்னை மீண்டும் பார்க்க துடித்து கொண்டிருக்கிறேன் என்று அமெரிக்க வாலிபர் ஒருவர் தனது காதலியை தேடிக்கொண்டிருக்கிறார்.

இதே போல மேலும் பலர் இந்த தளத்தில் தங்கள் என்றோ சந்தித்த தேவதைகளை தேடி கொண்டிருக்கின்ற‌னர்.

யாரேனும் நம்மை இப்படி தேடிக்கொண்டிருக்க கூடும் என்று நம்புகிற‌வர்களும் இந்த‌ தளத்தில் தாங்கள் தேடப்படுகிறோமா என தேடிப்பார்க்கலாம்.

ஒரு முறை சந்திதவர்கள் மீண்டும் சந்திக்க விரும்பினால் அந்த ஆசை நிறைவேறாமால் போககூடாதுஎன்பதை உறுதி செய்வதே இந்த தளத்தின் நோக்கமாக உள்ளது.

இந்த தளத்தின் நிறுவனர்களான சைமன் கான் ம‌ற்றும் யோனு சோ தம்பதி சிறுவயதில் ஒன்றாக படித்து பின்னர் பிரிந்துவிட்டனராம்.அதன் பிற‌கு தற்செயலாக பல ஆண்டுகள்கழித்து சந்தித்த போது த‌ங்கலுக்குள் இருந்த காதலை உணர்ந்து கொண்டனராம்.இந்த இனிய அனுபவத்தால் யாம் பெற்ற இன்பம் பெறுக இவ்வையகம் என பிரிந்தவர்கள் மீண்டும் சேர்வதற்கான இணைப்பு பாலமாக இந்த தளத்தை அமைத்துள்ள‌னர்.

இதெல்லாம் நடைமுறை சாத்தியாமா என்று கேட்கலாம்.எல்லாமே இணையத்தில் பகிர்ந்து கொள்ளப்படும் காலாத்தில் என்றோ எங்கோ பார்த்து மனதை பறிகொடுத்தர் பற்றிய தகவலையும் இணையத்தில் வெளியிட்டு தேடுவது இயல்பானது தானே.

நிறக் இந்த தளத்தின் மூலமான தேடல் பலனளிக்க ஒரு யுக்தி இருக்கிற‌து.அதை இந்த தளம் ஒரு விரலால் கண்ணை துடைத்து சைகை செய்வது என்று குறிப்பிடுகிற‌து.எப்போதாவது பொது இடத்தில் பார்க்கும் யாரையேனும் மீண்டும் சந்திக்க வேன்டும் என்று விரும்பினால் அவரை பார்த்து ஒரு கையால் க‌ண்ணை துடைத்து கொண்டால் என்னை பற்றி 1மிஸ்டு 1 தளத்தில் குரிப்ப்டுஙக்ள் என்று சொல்வதாக அர்த்தமாம்.எப்படி?

இணையதள‌ முகவரி;http://www.1missed1.com

——–

கிட்டத்தட்ட இதே போன்ற இணையதளம் தான் இதுவும்.ஆனால் நட்பை தேடுவதற்கானது.http://cybersimman.wordpress.com/2011/10/28/find/

காதலிக்க கற்றுக்கொள்ளுங்கள்!

நாட்டுப்புற பாடல்கள் தொகுக்கப்பட்டுள்ளன.இலக்கியவாதிகளின் கடிதங்கள் தொகுக்கப்பட்டுள்ளன.இன்னும் பலவிதமான தொகுப்பு முயற்சிகள் மேற்கொள்ளப்பாட்டுள்ளன.

இவற்றை போலவே பெண் பார்க்கும் அனுபவங்கள் தொகுக்கப்பட்டால் எப்படி இருக்கும்?

இந்த கேள்விக்கான பதிலை யோசித்து கொண்டே டேட்டிங் டயாஸ்டர்ஸ் தளத்திற்கு சென்றால் அதில் லயித்து போய்விடுவீர்கள்.அட நமக்கும் இதே போன்ற தளம் இருந்தால் நன்றாக இருக்குமே என்று ஏங்குவீர்கள்.காரணம் இந்த தளம் தொகுத்தளிக்கும் டேட்டிங் அனுபவங்கள் அத்தனை வண்ணமயமாக இருப்பது தான்.

டேட்டிங் அனுபவங்கள் என்பதைவிட டேட்டிங் கசந்த அனுபவங்கள்.அதாவது முதல் டேட்டிங்கில் தங்களுக்கு வாய்த்த துணையால் நொந்து போனவர்கள் பகிர்ந்து கொண்ட அனுபவங்கள்.

மேட் பார் ஈச் அதர் என்னும் ஜோடி பொருத்தம் எல்லோருக்கும் அமைந்து விடுவதில்லை. ஆனால் ஐயோ சாமி ஆளை விடு என தலை தெறிக்க ஓடும் அளவுக்கு சிலருக்கு முதல் டேட்டிங் அமைந்து விடுவதுண்டு.இந்த மறக்க முடியாத அனுபவங்கள் பற்றி அவர்களும் தங்கள் நட்பு வட்டாரத்தில் பகிர்ந்து கொள்வார்கள்.இவற்றை கேட்கும் போதே இப்படி எல்லாம் கூட நடக்குமா என்று வியப்பும் திகைப்பபும் ஏற்படலாம்.

சில விசித்திரமான இருக்கலாம்.சில விநோதமாக இருக்கலாம்.சில திகைப்பாக இருக்கலாம்.ஒவ்வொருவர் அனுபவமும் ஒரு விதமானது .

இத்தகைய டேட்டிங் அனுபவங்களை பகிர்ந்து கொள்வதற்காக என்றே டேட்டிங் டயாஸ்டர்ஸ் தளம் அமைக்கப்பட்டுள்ளது.

ஆண்கள்,பெண்கள் இருபாலரும் தங்களுக்கு ஏற்பட்ட மோசமான டேட்டிங் அனுபவங்களை இதில் பகிர்ந்து கொண்டு வருகின்றனர்.

இந்த அனுபவங்களை படிக்கும் போது சுவையாக மட்டும் அல்ல மனிதர்களில் எத்தனை வித்தியாசமானவர்கள் எல்லாம் இருக்கின்ற்னர் என்ற வியப்பும் ஏற்படுகிறது.மனிதர்கள் எப்படி எல்லாம் நடந்து கொள்கின்றனர் என்ற எண்ணமும் உண்டாகிறது.

உதாரணத்திற்கு இந்த அனுபவத்தை பாருங்கள்.

‘அவள் என்னை வீட்டிற்கு வரச்சொல்லியிருந்தாள்.அதை ஏற்று வீட்டிற்கு சென்ற போது அவள் அப்பா வரவேற்றார்.வீட்டினுள் அவள் குடும்பமே இருந்தது.அவர்கள் அனைவருக்கு என்னை பற்றி எல்லா விவரங்களும் தெரிந்திருந்தன.அப்பா.அம்மா,தங்கை,அண்ணன்,சித்தி என எல்லோரும் என்னிடம் 15 நிமிடங்கள் விசாரணை நடத்தினர்.அது வரை அவள் வெளியே வரவேயில்லை’.

இது ஆணின் புலம்பல் என்றால் இந்த இளம்பெண்ணின் அனுபவம் இப்பைட் இருக்கிறது.முதல் டேட்டிங்கில் சந்தித்த வாலிபர் தன்னுடையை ஸ்பீக்கர் அமைப்பை பார்க்க விருப்பமா என்று கேட்டிருக்கிறார்.இளம் பெண்ணும் ஆர்வத்தோடு ஒப்புகொண்டு வீட்டிற்கு சென்றிருக்கிறார்.அங்கே ஒரு ஸ்பீக்கருக்கு பதில் 5 ஸ்பீக்கர்கள் இருந்தன.வாலிபரோ அவளிடம் பாடல் சிடிக்களை கொடுத்து கேட்க சொல்லி ஒவ்வொரு பாட்டிற்கும் ஒவ்வொரு ஸ்பீக்கரில் வரும் ஒலிகளை குறித்து தருமாறு கேட்டிருக்கிறார்.அதனடிப்படையில் பாடல்களை தேர்வு செய்வதாக கூறியிருக்கிறார்.

அந்த பெண்ணின் நிலை பரிதாபமாக தான் இருந்திருக்கும் அல்லவா?

இப்படி விதவிதமான டேட்டிங் அனுபவங்கள் பகிர்ந்து கொள்ளப்பட்டுள்ளன.

ஒரு வாலிபர் முதல் டேட்டிங்கில் 15 வது நிமிடத்தில் உன்னால் குழந்தை பெற்று கொள்ள முடியுமா என கேட்டிருக்கிறார்.

இன்னொரு வாலிபரோ ரெஸ்டாரண்டில் அரை மணி நேரம் பேசிய பிறகு உனது பக்கவாட்டு தோற்றம் நன்றாக இல்லை இந்த பக்கம் பந்து அமர்ந்து கொள் என்று கூறியிருக்கிறார்.

இன்னொரு பெண்ணோ தனது வயது பற்றி பொய் சொல்லி ஏமாற்றி வாலிபரோடு அதை பொருட்படுத்தாமல் பேசி விட்டு திரும்பியிருக்கிறார்.மறுநாள் அந்த நபர் அவளது தோழியிடம் பேசிக்கொண்டிருந்த போது தான் எதிராபார்த்த அளவுக்கு அவள் இல்லை என்றும் டேட்டிங் மிகவும் ஏமாற்றம் தந்தாதாகவும் கூறினாராம்.

வரிசையாக இந்த அனுபவங்களை படித்து பார்க்கும் போது மனிதர்களில் பல நிறங்கள் இருப்பதை புரிந்து கொள்ளலாம்.

டேட்டிங்கில் ஒருவர் நடந்து கொள்வது அவர்களின் சுயநலத்தையும்,தன்முனைப்பையும்,பக்குவமின்மையையும்,அறியாமையையும் இன்னும் பிற மனித இயல்புகளையும் உணர்த்துகின்றன.

இளசுகளுக்கு இவை ஒரு பாடமாக கூட அமையலாம்.இந்த அனுபவங்கள் மூல ம் காதலில் பல விஷயங்களை கற்றுக்கொள்ளலாம்.

ஆர்வம் உள்ளவர்கள் இவற்றுக்கு கருத்தும் தெரிவிக்கலாம்.வாக்களிக்கவும் செய்யலாம்.

யோசித்து பாருங்கள் நம்மூர் பெண் பார்க்கும் படலங்களும் இதே போல சுவாரஸ்யமானவை தான்.அவற்றை எல்லாம் தொகுத்தால் நம்மவர்களின் போதாமைகளையும் அறியாமைகளையும் அதில் காணலாம்.

நமது கலாச்சாரம் மற்றும் சமூகம் பற்றிய நுட்பமான செய்திகளையும் அவை முன்வைக்கும்.

இணையதள முகவரி;http://www.datingdisasters.me/