Tag Archives: photos

திரட்டிகளின் அடுத்த வடிவம்.

minglewing
பின்ரெஸ்ட் போலவே இருக்கும் மற்றொரு தளம் ‘மிங்கில்விங்’.தோற்றத்தில் அச்சுஅசல் பின்ரெஸ்ட் போலவே இருந்தாலும் இந்த தளம் செயல்பாட்டில் கொஞ்சம் வேறுபடவே செய்கிறது.

முகப்பு பக்கத்தில் கட்டம் கட்டமாக‌ புகைப்படத்தோடு செய்திகளுக்கான இணைப்புகள் இடம் பெறுகின்றன.எல்லாமே பேஸ்புக்கில் பகிரப்பட்டவை.

பேஸ்புக்கில் பகிர்ந்தவற்றை மறுபடியும் இங்கே பகிர வேண்டும் என்று கேட்கலாம்.விஷயம் என்னவென்றால் சமுகவலைப்பின்னல் சேவையான பேஸ்புக் பிரதானமாக நண்பர்களுக்கான வலைப்பின்னல்.அதில் பகிர்பவை அதற்கான நட்பு வட்டத்திலேயே அடங்கிவிடும்.நல்ல விஷயங்களை ஏன் ஒரு சமூக வட்டத்திற்குள் சுருக்கி கொள்ள வேண்டும்.

அது தான்,நட்பு வட்டத்துக்கு வெளியே பகிர்ந்து கொள்வதற்கான வாய்ப்பை மிங்கில்விங் தருகிறது.பேஸ்புக் உறையாடல்களுக்கு சிறகு முளைக்க வைப்பதாக இந்த தளம் சொல்கிறது.அதாவது பேஸ்புக்கில் வெளியிடுபவற்றை உலகோடு பகிர்ந்து கொள்வதை இப்படி சிறகு முளைப்பதாக சொல்கிறது.தளத்தின் பெயரிலும் அந்த சிறகு ஒட்டிக்கொண்டிருக்கிறது.

பேஸ்புக் கணக்கை கொண்டே இந்த தளத்திலும் உறுப்பினராக பகிர்ந்து கொள்ளலாம்.செய்தி,கட்டுரை,வீடியோ என எதை வேண்டுமானலும் பகிரலாம்.

இந்த பகிர்வுகள் அவற்றுக்கு உரிய தலைப்பில் தனித்தனியே பட்டியலிடப்படுகின்றன.இசை,அரசியல்,பொழுதுபோக்கு,தொழில்நுட்பம் என அவரவர் விரும்பும் தலைப்பை தேர்வு செய்து அதில் உள்ள பகிர்வுகளை படிக்கலாம்.

உண்மையிலேயே சுவாரஸ்யமான பயனுள்ள இணைப்புகளுக்கு இவை அழைத்து செல்கின்றன.குறிப்பிட்ட ஒரு உறுப்பினரின் மற்ற பகிர்வுகளையும் பார்க்கலாம்.அவற்றுக்கு கருத்தும் தெரிவிக்கலாம்.

பின்ரெஸ்ட் தாக்கத்தை இந்த தளமும் மறுக்கவில்லை. சொல்லப்போனால் கொஞ்சம் ரெடிட்.கொஞ்சம் பின்ரெஸ்ட் இரண்டும் சேர்ந்த கலவை என்றே தன்னை வர்ணித்து கொள்கிறது.

மிகச்சரியான அறிமுகமும் கூட!

இணைய திரட்டியான ரெடிட் போலவே பயனுள்ள செய்திகளையும் இணைப்புகளையும் பகிர்ந்து கொள்ள உதவுகிறது.அவை அழகாக பின்ரெஸ்ட் போலவே தலைப்பின் கீழ் புகைப்படங்களோடு கட்டம் கட்டமாக அடுக்கப்படுகிறது.பார்வைக்கும் சரி தேர்வுக்கும் சரி இது மிகுந்த சுலபமாக இருப்பதை பயன்படுத்தி பார்த்தால் புரிந்து கொள்ளலாம்.

அந்த வகையில் திரட்டிகளின் அடுத்த வடிவம் என்று இதனை சொல்லலாம்.

இணைய முகவரி.http://minglewing.com/#

புகைப்படங்கள் மீது குறிப்பெழுத ஒரு இணையதளம்!

புகைப்படம் என்றாலே அதற்கான விளக்க குறிப்பு உடன் இருந்தால் தான் பயனுள்ளதாக இருக்கும்.புகைப்படம் எதை குறிக்கிறது,எங்கே எடுக்கப்பட்டது போன்ற விவரங்களை புரிய வைக்க விளக்க குறிப்புகள் மிகவும் அவசியம்.இந்த புகைப்பட குறிப்புகளை மேலும் ஒரு படி மேலே எடுத்து செல்ல உதவுகிறது சோட்டர்(

)இணையதளம்.

இந்த தளம் புகைப்படங்கள் மீது விருப்பம் போல விளக்க குறிப்புகளை இடம் பெற வைக்க கைகொடுக்கிறது.

பொதுவாக விளக்க குறிப்புகளை புகைப்படத்தின் கீழே சில வரிகளாக இடம் பெற வைக்கலாம்.பத்திரிகைகளிலும் இணையத்திலும் இத்தகைய குறிப்புகளை தான் அதிகம் பார்க்கலாம்.

ஆனால் சோட்டர் புகைப்படத்தின் மீதே குறிப்பெழுத உதவுகிறது.அதிலும் புகைப்படத்தின் எந்த பகுதியையும் அழகாக சுட்டிக்காட்டி அதன் அருகே பொருத்தமான குறிப்புகளை இடம் பெறசெய்யலாம்.

எந்த புகைப்படத்திற்கு குறிப்புகள் தேவையோ அதனை இந்த தளத்தில் பதிவேற்றி பின்னர் அதில் தேவையான பகுதியை வட்டமிட்டொ அல்லது சதுர வடிவிலோ சுட்டிக்காட்டி அதில் குறிப்பெழுதலாம்.குறிப்பிட்ட இடத்தில் அம்பு குறியையும் தோன்றச்செய்யலாம்.

சுட்டிக்காட்டும் பகுதிக்கான வண்ணத்தையும் கூட நாமே தேர்வு செய்து கொள்ளலாம்.தேவை என்றால் புகைப்படம் மீதே வரையவும் செய்யலாம்.

புகைப்படத்திற்கான குறிப்புகளை பூர்த்தி செய்த பின் அதனை அப்படியே சேமித்து வைத்து கொள்வதோடு நண்பர்களோடு பேஸ்புக் டிவிட்டர் மூலம் பகிர்ந்தும் கொள்ளலாம்.

புகைப்படங்களை கூடுதல் தகவல்களோடு பகிர்ந்து கொள்ள வேண்டும் என விரும்புகிறவர்களுக்கு மிகவும் பயனுள்ளதாக இருக்கும்.

http://szoter.com/#intro

இணையத்தை பூனை மயமாக்குங்கள்.


இணையம் பூனைகளால் நிரம்பியிருக்கிறது என்பது உங்களுக்கு தெரிந்திருக்கலாம்.சந்தேகம் இருந்தால் இணையத்தில் பூனை என்று தேடிப்பாருங்கள்.இணையவாசிகளுக்கு பூனைகள் மீது தனிப்பாசமும் ஈர்ப்பும் இருப்பது தெரியவரும்.

நீங்களும் கூட இப்படி பூனை பிரியராக இருந்தால் உங்கள் அபிமான தளங்களை பூனைமயமாக்கி பார்த்து ரசிக்கலாம்.அதாவது எந்த ஒரு தளத்திலும் உள்ள புகைப்படங்களை எல்லாம் பூனை படங்களால் நிரப்பி விடலாம்.

மியோபிபை என்னும் இணையதளம் ஜாலியான இந்த சேவையை வழங்குகிறது.இந்த தளத்தில் நீங்கள் பூனைமயமாக்க விரும்பும் இணையதளத்தின் முகவரியை சமர்பித்தால் போதும் அடுத்த நொடி அந்த தளத்தில் கட்டுரை செய்திகள் எல்லாவற்றையும் பூனை படம் கொண்டதாக மாற்றிவிடுகிறது.

இப்படி மாற்றப்பட்ட தளத்தில் பார்த்தால் நகரும் பூனை,ஓடும் பூனை,விளையாடும் பூனை என எல்லாம் ஒரே பூனைமயமாக இருக்கும்.பூனை புகைப்படம் மட்டும் அல்லாது பூனை வீடியோ,பூனை அனிமேஷன் என்று அசத்தாலாக இருக்கும்.

பிபிசி போன்ற பிரபலமான தளங்களை இந்த தளத்தில் சமர்பித்து பூனைகள் நிரம்பியதாக பார்க்கும் போது சுவாரஸ்யமாக தான் இருக்கிறது.

குறிப்பிட்ட பயன் என்று எதுவும் இல்லாவிட்டாலும் சுவாரஸ்யமான சேவை.இதிலும் பூனை பிரியர்கள் மிகவும் ரசிப்பார்கள்.

ஏற்கனவே அறிமுகம் செய்யப்பட்ட இணையபக்கங்கள் மீது குண்டுகளை வீசுவது போன்றதொரு சேவையே இது.ஆனால் ஒன்று இந்த சேவையின் பின்னே இருக்கும் மோபிபை என்னும் நிறுவனம் செல்போனுக்கான இணையதள வடிவமைப்பில் தீவிரமாக இயங்கி வருகிறது.

இணையதள முகவரி;http://meowbify.com/

பூனைகளுக்கும் இணையத்திற்குமான உறவை அறிய இதை படியுங்கள்;http://cybersimman.wordpress.com/2012/09/28/movies-4/

புகைப்படங்களை வீடியோவாக மாற்ற உதவும் ஸ்லைட்.லே

நம் இணைய வாழ்க்கையில் சேர்ந்து கொண்டே போகும் புகைப்படங்களை அழகிய வீடியோ தொகுப்பாக மாற்றித்த‌ரும் பிகோவிகோ போலவே ஸ்லைட்.லே தளமும் புகைப்படங்களை வீடியோ தொகுப்பாக மாற்றி இணையவெளி முழுவதும் பகிர்ந்து கொள்ள உதவுகிறது.

பிகோவிகோ தனிப்பட்ட புகைப்படங்களுக்கான சேவை போல தோன்றுகிறது என்றால் ஸ்லைட்.லே பொதுவில் பகிர்ந்து கொள்ளக்கூடிய புகைப்படங்களுக்கான சேவையாக காட்சி தருகிறது.

ஸ்லைட்.லே தளத்தின் முகப்பு பக்கம் முழுவதும் அழகிய புகைப்பட வீடியோ தொகுப்பாக காட்சி அளிக்கிறது.எல்லாமே பிரபல நட்சத்திரங்கள் அல்லது பாடகர்கள்,விளையாட்டு வீரர்களின் தொகுப்பாக இருக்கின்றன.அழகான இடங்கள் மற்றும் தனிநபர் படத்தொகுப்புகளும் கூட இருக்கின்றன.

இந்த சேவையை பயன்படுத்த துவங்குவதற்கு முன் இந்த தொகுப்புகளை பார்த்தாலே சொக்கிப்போய்விடுவோம்.இந்த பிரம்முப்புக்கு நடுவே இந்த தளத்தை எப்பைட்யெல்லாம் பயன்படுத்தலாம் என்ற புரிதலும் உண்டாகலாம்.

திரைப்படத்தில் ஒட்டி வெட்டப்பட்ட காட்சிகளை போல புகைப்படங்கள் நகரும்படங்களாக புகைப்பட கொலாஜாக தோன்றுவது கிரங்கடிக்கிறது.

அபிமான பாடகி அல்லது நடிகையின் விதவிதமான தோற்றத்தை நகரும் புகைப்படங்களாக பின்னணி இசையோடு பார்ப்பது சுவாரச்யமான அனுபவம் தான்.

நீங்களும் கூட இதே போன்ற புகைப்பட வீடியோ தொகுப்புகளை எளிதாக உருவாக்கி கொள்ளலாம்.

அதற்கு பேஸ்புக் மூலம் இந்த தளத்தில் நுழைந்தால் போதுமானது.அதன் பிறகு புதிய தொகுப்பை உருவாக்கவும் என்னும் பகுதியை கிளிக் செய்து விட்டு உங்களுக்கான புகைப்படங்களை தேர்வு செய்ய வேண்டியது தான்.புகைப்படங்களை எங்கிருந்து வேன்டுமானாலும் உருவலாம்.பேஸ்புக்கில் இருந்து புகைப்பட் சேவையான பிலிக்கரில் இருந்து,இன்ஸ்டாகிராமில் இருந்து என எங்கிருந்து வேண்டுமானாலும் எடுத்து கொள்ளலாம்.இவ்வளவு ஏன் இந்த தளம் மூலமே இணையத்தில் உள்ள புகைப்படங்களை தேடி எடுத்து தொகுக்கலாம்.

புகைப்படங்களை தேர்வு செய்த பின் அதற்கான பொருத்தமான பின்னணி இசையையும் தேர்வு செய்து சேர்த்து விட்டு ஒரே கிளிக்கில் நகரும் புகைப்பட தொகுப்பை உருவாக்கிவிடலாம்.பின்னணி வண்ண கோர்வையையும் கூட நாமே முடிவு செய்து கொள்ளலாம்.

இந்த புகைப்பட வீடியோ காட்சியை பேஸ்புக் ,டிவிட்டர் மூலம் நண்பர்களோடு பகிர்ந்து கொள்ளலாம்.இமெயில் மூலமும் பகிர்ந்து கொள்ளலாம்.இணைய முகவரியை பெறு அதனை வலைப்பதிவிலும் பகிர்ந்து கொள்ளலாம்.

இந்த தொகுப்புகள் தானாக தளத்திள் உள்ள தொகுப்புகளின் பட்டியலிலும் சேர்ந்து விடும்.எனவே மற்ற உறுப்பினர்களும் அவற்றை பார்த்து ரசிக்க முடியும் .கருத்து தெரிவிக்க முடியும்.

சமீபத்திய தொகுப்புகள்,மிகவும் பிரபலமானவை என்ற அடிப்படையிலும் புகைப்படங்கள பார்த்து ரசிக்கலாம்.அவற்றைன் வகைகளுக்கு ஏற்பவும் தொகுப்புகள் பட்டியலிடப்பட்டுள்ளன.

வெறும் புகைப்படங்களாக பார்ப்பதியும் பகிர்வதையும் விட இது போல புகைப்பட வீடியோ தொகுப்பாக பார்த்து ரசிக்க முடிவது மிகவும் சுவாரஸ்யமானது.

நடசத்திரங்கள் மட்டும் அல்லாது குறிப்பிட்ட நிகழ்வு சார்ந்த தொகுப்புகளையும் உருவாக்கலாம்.

இணையதள முகவரி;https://slide.ly/

புகைப்படங்களை வீடியோ தொகுப்பாக மாற்ற!.

முன் எப்போழுதையும் விட நம் வாழ்க்கையில் புகைப்படங்கள் அதிகரிக்கத்துவங்கியுள்ளன.செல்லிலும் காமிராவிலும் எடுத்த படங்கள் நம்மிடம் குவிந்து கிடக்கின்றன.அதே போல புகைப்படங்களை பகிர்ந்துகொள்வதற்கான வாய்ப்பும் அதிகரித்துள்ளன.முன்பெல்லாம் யாரவது புதியவ்ர்கள் வீட்டிற்கு வந்தால் தான் புகைப்பட ஆல்பத்தை எடுத்து காட்ட முற்படுவோம்.

இப்போது அப்படியில்லை,புகைப்படம் எடுத்த உடனே அத்னை பேஸ்புக்கில் பகிர்ந்து கொள்ள வாய்ப்புள்ளது.பிலிக்கரில் வெளியிடலாம்.டிவிட்டரிலும் பகிரலாம்.

ஆனால் வெறும் புகைப்படங்களை மட்டுமே பார்ப்பது சமயங்களில் அலுப்பூட்டலாம்.

இதுவே புகைப்படங்களை வீடியோ தொகுப்பாக பார்க்க முடிந்தால் எப்படி இருக்கும்?பிகோவிகோ தளம் இந்த மாயத்தை தான் நிகழ்த்தி காட்டுகிறது.

வீடியோ தொகுப்பு என்றால் டிவி நிகழ்ச்சிகளின் போது முக்கிய சம்பவங்களில் புகைப்படங்கள் ஒன்றன் பின் ஒன்றாக பொருத்தமான பின்னணி இசையோடு ஒரு தொடர் சித்திரம் போல தோன்றும் அல்லவா அதே போலவே நம வாழ்கை சார்ந்த புகைப்படங்களையும் இந்த தளம் வீடியோ தொகுப்பாக மாற்றித்தருகிறது.

இதற்காக பேஸ்புக் அல்லது பிலிக்கரில் உள்ள நமது புகைப்படங்களை இந்த தளத்தில் பதிவேற்றினால் போதும் அவற்றை வீடியோ தொகுப்பாக மாற்றை விடுகிறது.அதற்கு பொருத்தமான பின்னணி இசை சேர்ப்பதோடு நமது வாசகங்களை வர்ணனையாகவும் சேர்த்து மேலும் சுவை கூட்டலாம்.

இந்த வீடியோ தொகுப்பை பேஸ்புக் ,டிவிட்டர் மூலம் நண்பர்களுடன் பகிர்ந்து கொள்ளவும் செய்யலாம்.

http://www.picovico.com/