Tag Archives: plan

பிண்டிரெஸ்ட் மூலம் கோடை விடுமுறையை திட்டமிடுவது எப்படி ?

pinகோடை விடுமுறை காலம். சுற்றுலா பயணங்களுக்கான காலம். இந்த ஆண்டு விடுமுறையை கழிக்க எங்கே செல்லலாம் என்பதை ஏற்கனவே தீர்மானித்திருந்தால் பயண டிக்கெட்டை முன்பதிவு செய்வது, தங்கிமிட வசதியை முன்பதிவு செய்வது போன்றவற்றை எல்லாம் இருந்த இடத்தில் இருந்தே இணையம் மூலம் செய்து விடலாம் என்பது உங்களுக்குத்தெரியும் . சுற்றுலா செல்லும் ஊர்களில் பார்க்க வேண்டிய இடங்கள் பற்றியும் அவற்றின் சிறப்புகள் பற்றியும் இணையம் மூலமே ஆய்வு செய்து தகவல்களை தெரிந்து கொள்ளலாம். இப்படி முன்கூட்டியே திட்டமிட்டு, முன்னதகாவே தகவல்களை தெரிந்து கொண்டு செல்லும் போது எந்த டென்ஷனும் இல்லாமல் சுற்றுலாவை அனுபவிக்கலாம்.

சுற்றுலா ஆய்வு

சரி,சுற்றுலா செல்வதற்கான இடத்தையே தேர்வு செய்ய முடியாமல் குழப்பமாக இருக்கிறதா? கவலையே வேண்டாம், நம் விருப்பத்திற்கு ஏற்ற சுற்றுலா தலங்களை தேர்வு செய்வதற்கான ஆய்வையும் இணையம் மூலமே மேற்கொள்ளலாம். இதற்காக என்றே பிரத்யேகமாக பல பயண இணையதளங்கள் இருக்கின்றன. இந்த ஆய்வை கொஞ்சம் சுவாரஸ்யமான முறையில் வண்ணமயமாக மேற்கொள்ள விரும்பினால் , இருக்கவே இருக்கிறது பிண்டிரெஸ்ட் சேவை.
பிண்டிரெஸ்ட் சேவை பற்றி நீங்கள் அறிந்திருக்கலாம். இதுவும் பேஸ்புக் போல சமூக வலைப்பின்னல் சேவை தான். ஆனால் கொஞ்சம் வித்தியாசமானது. இந்த சேவையில் புகைப்படங்கள் தான் எல்லாம். புகைப்படங்களை பின் செய்வதன் முலம் இதில் தகவல்களை தெரிந்து கொள்ளலாம்.பகிர்ந்து கொள்ளலாம்.
பிண்டிரெஸ்ட் பலவிதங்களில் பயன்பட்டு வருகிறது. இளம் பெண்கள் திருமண ஏற்பாடுகளை திட்டமிட பிண்ட்ரெஸ்ட்டை பயன்படுத்துகின்றனர். வீடுகளுக்கு உள் அலங்காரம் செய்ய தேவையான ஊக்கம் மற்றும் யோசனைகளை பெற பயன்படுத்துகின்றனர். இதே போலவே சுற்றுலா பயணங்களை திட்டமிடவும் பிண்டிரெஸ்ட்டை அழகாக பயன்படுத்தலாம்.
சுற்றுலா செல்வதற்கான இடத்தை தேர்வு செய்வதில் துவங்கி அந்த இட்த்தின் சிறப்புகளை தெரிந்து கொள்வது வரை அனைத்தையும் பிண்ட்ட்ரெஸ்ட் பலகை மூலமே செய்துவிடலாம்.

பிண்டிரெஸ்ட் ஒரு அறிமுகம்

முதலில் பிண்டிரெஸ் சேவை பற்றி சுருக்கமாக அறிமுக்ம் செய்து கொள்ளலாம். பிண்டிரெஸ்ட் இணைய குறிப்பு பலகை என்று குறிப்பிடப்படுகிறது. அதாவது இணையத்தில் நமக்கான பலகையை உருவாக்கி அதில் தேவையான விவரங்களை புகைப்படம் வாயிலாக குறித்து வைத்துக்கொள்ளலாம். இதை பின் செய்வது என பிண்டிரெஸ்ட் குறிப்பிடுகிறது. பள்ளி ,கல்லூரிகளில் அறிவிப்பு பலகையில் தகவல்க்ளை குறித்து வைப்பது போல இதில் நமக்கான பலகையில் புகைப்பட தகவல்களை குறித்து வைத்துக்கொள்ளலாம். எந்த தலைப்பின் கீழும் பலகையை உருவாக்கலாம். இந்த பலகையை மற்றவர்களிடன் பகிர்ந்து கொள்ளலாம். அவர்கள் பலகையில் பிடித்த தகவல்களை நாமும் பின் செய்து கொள்ளலாம். டிவிட்டர் போலவே இதிலும் சக உறுப்பினர்களை பின்தொடர்லாம். இப்படி புகைப்படம் சார்ந்த சுவாரஸ்யமான சமூக வலைப்பின்னல் சேவையாக பிண்டிரெஸ்ட் இருக்கிறது. சில மாதங்களுக்கு முன் இருப்பிடம் சார்ந்த தகவல் பரிமாற்றத்துக்கான பிலேஸ்பின்ஸ் வசதி அறிமுகம் செய்யபட்டது.

பிண்டெர்ஸ்ட் வழி திட்டமிடல்

பிண்டிரெஸ்ட் அறிமுகம் செய்துள்ள பிலேஸ்பின்ஸ் வசதி தான் இப்போது பயண திட்டமிடலுக்கு அருமையாக கைகொடுக்கிறது. பிண்டிரெஸ்ட்டில் வழக்கமாக புகைப்படங்களை பின் செய்து கொள்ளலாம். தொடர்புடை புகைப்படங்களையும் பின் செய்து கொள்ளலாம். இந்த புகைப்படங்களில் இருப்பிடம் சார்ந்த தகவல்களை இணைப்பதற்கும் அந்த புகைப

இது தம்பதிகளுக்கான பேஸ்புக்.

couple

 நண்பர்களோடு தொடர்பு கொள்ளவும் புதிய நண்பர்களை தேடி கொள்ளவும் பேஸ்புக் அருமையானது.பேஸ்புக் என்றாலே நண்பர்கள் தானே!
பேஸ்புக் போலவே இன்னும் பலவிதமான வலைப்பின்னல் சேவைகள் இருக்கின்றன.குறிப்பிட்ட விருப்பங்களின் அடிப்படையிலான தொடர்புகளை தேடிக்கொள்ளவும் அந்த துறை சார்ந்த நட்பு வளர்க்கவும் இவை உதவுகின்றன.

ஆனால் குடும்பத்திற்குள் இதே போல தொடர்பு கொள்ளவும் கருத்து பரிமாற்றம் செய்து கொள்ளவும் ஒரு வலைப்பின்னல் இல்லையே என்ற குறையை போக்கிகொள்ளும் வகையில் கப்புல் ஸ்டிரீட் சேவை அறிமுகமாகியிருக்கிறது.

இரண்டு நபர்களுக்கான வலைப்பின்னல் என்று வர்ணிக்கப்படும் இந்த செவை கணவன் ,மனைவிக்கு இடையே பேஸ்புக் பாணியிலான கருத்து பரிமாற்றத்தை சாத்தியமாக்குகிறது.அந்த வகையில் இதனை தம்பதிக்கான பேஸ்புக் என்று சொல்லலாம்.

பேஸ்புக் போன சமூக வலைப்பின்னல் தளங்கள் நாம் தொடர்பு கொள்ளும் விதத்தையும் நட்பு பாராட்டும் வித்த்தையும் மாற்றி அமைத்து வரும் நிலையில் நண்பர்களோடு தொடர்பில் இருப்பது எளிதாகியிருக்கிறது ,அதே அளவுக்கு தமபதிகளுக்கு இடையிலான கருத்து பரிமாற்றத்தை கொண்டு வர வேண்டாமா என்னும் கேள்வியோடு இந்த சேவை உருவாக்கப்பட்டுள்ளது.

ஒரே வீட்டில் வசிக்கும் தம்பதிகள் தான் பார்த்து கொள்ளவும் பேசிக்கொள்ளவும் எண்ணற்ற வாய்ப்புகள் இருக்கும் போது இதற்கென தனியே வலைப்பின்னல் சேவை தேவையா என்ற கேள்வி எழலாம்.

ஆனால் இணைய யுகத்தில் இல்லறத்தையும் இணையத்திற்கு கொண்டு வருவது எந்த அளவுக்கு பொருத்தமானது என்பதை தம்பதிகள் இந்த தளத்தை பயன்படுத்தி பார்த்தால் புரிந்து கொள்ளலாம்.

இந்த தளத்தில் உறுப்பினரானவுடன் பேஸ்புக் போன்ற ஒரு பக்கம் வந்து நிற்கிறது.பேஸ்புக் சுவற்றில் தகவல்களை பகிர்ந்து கொள்வது போலவே இதிலும் தகவல்களை பகிர்ந்து கொள்ளலாம்.என்ன பேஸ்புக்கில் சுவர் தகவல்களை நண்பர்கள் எல்லோரும் பார்க்கலாம்,கருத்து தெரிவிக்கலாம்.இந்த தளத்தில் உறுப்பினரின் வாழ்க்கை துணை மட்டுமே பார்க்க முடியும்.(அதற்கு முன்பாக இமெயில் மூலம் உறுப்பினர்கள் தங்கள் வாழ்க்கை துனைக்கு அழைப்பு விடுத்து இந்த தளத்தில் சேர்த்து கொள்ள வேண்டும்.அதன் பிறகு கணவனுக்கும் மனைவிக்கும் இரு பக்கத்திலும் அறிமுக பகுதி உருவாக்கப்படுகிறது)

கணவன் அலுவலகத்திற்கு சென்றதுமே வேலைக்கு நடுவே மனைவிக்கு இந்த சுவர் மூலம் ஒரு ஹாய் சொல்லலாம்,சாப்பிட்டாச்சா என்று நலம் விசாரிக்கலாம்.மனைவியும் தன் பங்கிற்கு தகவலை சுவரில் குறிப்பிடலாம்.கணவனோ மனைவியோ வெளியூருக்கு சென்றிருக்கும் போது இந்த சுவர் பரிமாற்றம் மிகவும் பயனுள்ளதாக இருக்கும்.

அன்பை வெளிப்படுத்த, முக்கிய தகவல்களை பகிர்ந்து கொள்ள என எத்தனையோ வழிகளில் தம்பதிகள் இதனை பயன்படுத்தி கொள்ளலாம்.

தகவல்களோடு புகைப்படங்களையும் பகிர்ந்து கொள்ளலாம்.

பரிமாற்றத்திற்கு  கை கொடுப்பதோடு இந்த தளம் நின்று விடவில்லை.தம்பதிகள் இதன் மூலமே தங்கள் வாழ்க்கையையும் செலவுகளையும் திட்டமிட்டு கொள்ளலாம்.

இதற்காக நாட்காட்டி உள்ளிட்டவை தனியே இருக்கின்றன.நாட்காட்டியில் திருமண நாள் போன்ற தினங்களை குறித்து வைக்கலாம்.அதோடு நிகழ்ச்சிகளையும் குறித்து வைக்கலாம்.அதே போல செய்ய வேண்டிய வேலைகளையும் குறித்து வைக்கலாம்.அதாவது ஷாப்பிங்,வீடு வேலைகள் போன்றவை.செலவுகளை குறித்து வைப்பதற்கான பகுதியும் இருக்கிறது.இந்த பகுதி மூலம் குடும்ப செலவுகளை அழகாக திட்டமிட்டு கொள்ளலாம்.செலவுகளின் விவரங்களையும் எப்போ

வாங்க திட்டமிடலாம்,அழைக்கும் இணையதளம்.

<dailyp>

திட்டமிட்டு செயல்பட உதவும் இணையதளம் இதைவிட எளிமையாக இருக்க முடியாது என்று சொல்ல வைக்கிறது டெய்லிடுடூ.காம்.

அழகான வெள்ளைக்காகிதம் போன்ற முகப்பு பக்கம்,அதன் நடுவே உங்களுக்கான குறிப்பேடு.இவ்வள்வு தான் இந்த தளம். இந்த குறிப்பேட்டில் தான் இன்று செய்ய வேண்டும் என நினைக்கும் பணிகளை எல்லாம் நீங்கள் குறித்து வைத்துக்கொள்ள வேண்டும்.மற்றபடி உங்களுக்கான குறிப்பேட்டை உருவாக்கி கொள்ள தனியே கணக்கு துவங்க வேண்டிய அவசியம் இல்லை. ஆக பாஸ்வேர்டை நினைவில் கொள்ள வேண்டி தொல்லையும் இல்லை.

திட்டமிட்டு செயல்படுவது என தீர்மானித்தவுடன்,இந்த தளத்தில் உங்களுக்கான குறிப்பேட்டில் ஒவ்வொரு தினத்திற்கான பணிகளை குறித்து வைக்ககத்துவங்கி விடலாம்.செய்ய நினைப்பதை டைப் செய்து சேமிக்க என கிளிக் செய்தால் போதும், அந்த கட்டளை நம் நினைவூட்டலுக்காக காத்திருக்கும்.இப்படி ஒவ்வொரு செய‌லையும் சேமித்துக்கொள்ளலாம்.

டைப் செய்யத்துவங்கியதுமே நமக்கான தனி இணைய முகவரி உருவாக்கப்பட்டு விடுகிறது.அடுத்த முறையில் இருந்து அந்த பிரத்யேக ,முகவரியில் உள்ள குறிப்பேட்டை பயன்படுத்தலாம். தின‌மும் செய்ய விரும்புவதை இப்படி டைப் செய்து குறித்து கொள்ளலாம். அதன் பிறகு இந்த குறிப்பேட்டை பார்த்து என்ன செய்ய வேண்டும் என்பதை நினைவில் கொள்ளலாம். செய்து முடித்தால் அதையும் குறித்து கொள்ளலாம்.

புதிய பணிகளை குறித்து வைக்க,திருத்த என்னும் இடத்தில் கிளிக் செய்தால் பழைய குறிப்பேடு வந்து நிற்கிறது.அதில் நாட்காட்டி போல வரிசையாக தேதி அடிப்படையில் குறித்து வைத்த பணிகளை காணலாம்.

திட்டமிடலை எப்படி நிறைவேற்றியிருக்கிறோம் என பத்து நாள் கழித்தோ ,மாத கடைசியிலோ சரி பார்த்துக்கொள்ளலாம்.

எளிமையான தளம் என்றாலும் நேர்த்தியானது. ஆங்கிலத்தில் தான் டைப் செய்ய வேண்டும். ஆனால் தமிழில் பயன்படுத்த விரும்பினால் வேறு ஒரு செயலியில் டைப் செய்து இங்கே பேஸ்ட் செய்து கொள்ளலாம்.

பயன்படுத்தி பாருங்கள். திட்டமிடல் உங்களுக்கு வெற்றி தரட்டும்.

திட்டமிட… http://www.dailytodo.org

நான் செய்ய நினைப்பதெல்லாம்,இணையதள‌ம்

திட்டமிட்டு செயல்படும் விருப்பத்தையும்,அதற்கேற்ப நினைத்ததை செய்து முடித்து முன்னேறும் துடிப்பையும் தனிப்பட்ட அனுபவமாக மட்டுமே நினைத்து விட வேண்டியதில்லை.செய்ய நினைப்பவற்றை நண்பர்களோடு பகிர்ந்து கொண்டு அவர்கள் தரும் ஊக்கத்தோடு அதை சாதித்தும் காட்டலாம்.

கோன்னாஸ்பியர் இணையதளம் இந்த நம்பிக்கையில் தான் துவக்கப்பட்டுள்ளது.செய்ய விரும்பும் செயல்களையும் சமூக மயமாக்க வந்திருக்கும் சேவை இது.

அதாவது பகிர்தலின் மகத்துவத்தை செய்து முடிக்க நினைப்பவற்றிலும் நிகழ்த்தி காட்ட விரும்பும் சேவை!

எதையும் மறக்காமல் இருக்க சிறிய காகிதத்தில் குறித்து வைத்து கொள்வது போல செய்து முடிக்க நினைப்பவற்றை குறித்து வைத்து கொள்வது அவற்றை மறந்து விடாமல் இருப்பதற்கான எளிய வழியாக கருதப்படுகிறது.இப்படி செய்ய நினைப்பவற்றை குறித்து கொள்ள உதவும் குறிப்பேடுகளாக செய்ல்படும் இணைய சேவைகளும் இருக்கின்றன.

ஆனால் செய்ய நினைப்பவற்றை குறித்து வைத்தால் மட்டும் போதுமா?அதற்கான ஊக்கம் இருந்தால் இன்னும் சிறப்பாக இருக்கும் தானே.

அதை தான் கோன்னாஸ்பியர் செய்ய முயல்கிறது.எப்படி என்றால், நாம் செய்ய நினைப்பவற்றை பிறருடன் பகிர்ந்து கொள்வதன் மூலம் அவற்றுக்கான ஊக்கத்தை பெற வழி செய்கிறது.

அந்த வகையில் செய்ய விரும்பும் செயல்களை பகிர்ந்து கொள்வதற்கான பேஸ்புக் என்றும் சொல்லலாம்.

எதை செய்ய நினைக்கிறோமோ அதனை உறுப்பினர்கள் இந்த தளத்தில் வெளியிடலாம்.அதாவது பகிர்ந்து கொள்ளலாம்.

எந்த செயலை வேண்டுமானாலும் வெளியிடலாம்.பேஸ்புக்கில் இருப்பது போன்ற கட்டத்தில் செயல்களை வெளியிட்ட பிறகு அதனை பேஸ்புக் கணக்கு மூலம் நண்பர்கள் வட்டத்திலும் பகிர்ந்து கொள்ளலாம்.

இதன் மூலம் நண்பர்கள் உங்கள் நோக்கத்தை தெரிந்து கொள்ள முடியும்.அது குறித்து கருத்து சொல்லி ஊக்குவிக்கவும் முடியும்.

உங்கள் நண்பர்கள் மட்டும் அல்ல,இந்த தளத்தின் மூலம் புதிய நண்பர்களை தேடிக்கொண்டு அவர்களின் ஊக்கத்தையும் பெறலாம் என்பது தான் இந்த தளத்தின் சிறப்பம்சம்.

நான் செய்ய நினைப்பதெல்லாம் என்று பகிர்ந்து கொண்ட பிறகு நம்மை போல தங்களது திட்டங்களை பகிர்ந்து கொண்ட மற்ற உறுப்பினர்களின் செயல்களை படித்து பார்க்கலாம்.அந்த செயல்களுக்கு ஆதரவாக கருத்தும் தெரிவிக்கலாம்.அவர்களது செயல் பிடித்திருந்தால் அவர்களை பின் தொடரவும் செய்யலாம்.

இதே போலவே நம்மையும் மற்றவர்கள் பின் தொடர முன்வரலாம்.இது புதிய நட்புக்கு வழிவகுக்கும்.செயல்களை மையமாக கொண்ட நட்பு.ஊக்கம் தரக்கூடிய நட்பும் கூட!

மற்ற உறுப்பினர்களின் செயல்களை படித்து பார்ப்பதன் மூலமாக நம்க்கு தோன்றாத புதிய விஷயங்களையும் தெரிந்து கொள்ளலாம்.இவ்வளவு ஏன் நமது நகரில் நடக்ககூடிய சுவாரஸ்யமான விஷயங்கள் குறித்தும் கூட இந்த பகிர்வுகள் மூலம் தெரிந்து கொள்ளலாம்.

நமக்கு நாமே ஒரு இலக்கை நிர்ணயித்து கொண்டு அதனை தனியே அடைய முயல்வதை விட மனதில் உள்ள எண்ணங்களை மற்றவர்களோடு பகிர்ந்து கொண்டு அவர்களின் கருத்துக்கள் மற்றும் தோளில் தட்டி கொடுக்கும் ஊக்கத்தோடு அதனை நிறைவேற்ற முயல்வது சுவாரஸ்யமானது தானே.

இந்த தளத்தில் விதவிதமான மனிதர்களை சந்திக்கலாம்.அவர்கள் வாயிலாக புது வகையான செய்லகளையும் அறிமுகம் செய்து கொள்ளலாம்.குறிப்பிட்ட செயலின் பின்னே உள்ள சிந்தனை கவர்ந்தால் அந்த எண்ணத்திற்குறியவரோடு தொடர்பு ஏற்படுத்தி கொள்ளலாம்.நமக்கும் கூட இத்தகைய நண்பர்கள் கிடைக்கலாம்.

ஒரு கட்டத்தில் இந்த தளத்தில் செய்லகளை வெளியிடும் வழக்கம் தவிர்க்க இயலாத பழக்கமாகவும் மாறிவிடலாம்.அது மேலும் உத்வேகத்தை தரக்கூடும்.

செயல்கள் சார்ந்த இந்த சமுக வலைப்பின்னல் தளம் சுவார்ஸ்யமானது.ஆனால் இதற்கென கணிசமான உறுப்பினர்கள் உருவானால் தான் இது பயனுள்ளதாக இருக்கும்.

இணையதள முகவரி;http://www.gonnasphere.com/

u

உங்களுக்கேற்ற நிகழ்ச்சிகளை பரிந்துரைக்கும் இணையதளம்.

நிகழ்ச்சிகளை நீங்கள் தேடி செல்வதற்கு பதில் நிகழ்ச்சிகள் உங்களை தேடி வந்தால் எப்படி இருக்கும்?யூ பிளான் மீ தளம் இதை தான் அழகாக செய்கிற‌து.

அதாவது எந்த நிகழ்ச்சிகள் உங்கள் ரசனைக்கு ஏற்ற வகையில் இருக்குமோ அந்த நிகழ்ச்சிகளை அந்த தளம் பரிந்துரைக்கிறது.அந்த வகையில் நிகழ்ச்சிகளுக்கான பன்டோரா என்று இந்த தளம் வர்ணிக்கப்படுகிறது.

பன்டோரா பரிந்துரை சேவைகளின் முன்னோடி என்பதை நீங்கள் அறிந்திருக்கலாம்.நீங்கள் விரும்பி கேட்ட பாடல்களை சொன்னால் அதனடிப்படையில் நீங்கள் விரும்பி கேட்ககூடிய பாட‌ல்களை பரிந்துரைப்பதே பன்டோரவின் சிறப்பம்சம்.

இது வியப்பை அளித்தாலும் பன்டோரா இசை ரசனையின் நுட்பங்களை அலசி ஆராய்ந்து புரிந்து கொள்ளக்கூடிய சாப்ட்வேரின் உதவியோடு பிடித்தமான பாடல்களை பரிந்துரைக்கிறது.

பன்டோரா பாணியில் ஒருவரின் ரச‌னை மற்றும் விருப்பங்கள் அடிப்படையில் அவருக்கு பிடிக்ககூடிய விஷயங்களை பரிந்துரைக்கும் சேவைகள் எல்லா துறைகளிலும் உதயமாகி இருக்கின்றன.இப்போது நிகழ்ச்சிகளை அறிந்து கொள்வதிலும் யூ பிளான் மீ மூலமாக இந்த பரிந்துரைக்கும் வசதி அறிமுகமாகியுள்ளது.

இன்றைய நிகழ்ச்சிகளை இணைய யுகத்திற்கு ஏற்ப மேம்படுத்தியுள்ள சேவையாக இது அமைந்துள்ளது.ஒருவரது பகுதியில் நடைபெறும் நிகழ்ச்சிகளை அறிந்து கொள்ள உதவும் தளங்கள் விதவிதமாக இருக்கின்றன.இவற்றின் மூலம் ஒருவர் தனது பகுதியில் நடைபெறும் சுவாரஸ்யமான‌ பயனுள்ள நிகழ்ச்சிகளை எளிதாக கண்டு கொள்ளலாம்.

இன்றைய நிகழ்ச்சிகளை இந்த தளங்கள் விரிவாக பட்டியலிட்டாலும் இவற்றில் இருந்து ஒருவர் தனக்கு பொருத்தமான நிகழ்ச்சிகளை தேடி கண்டு பிடிக்க வேண்டும்.இந்த தேடலில் விருப்பமில்லாத,தேவையில்லாத நிகழ்ச்சிகளையும் மேய்ந்தாக வேண்டும்.

இதற்கு மாறாக நிகழ்ச்சிகளே உங்களை கண்டுகொள்ள உதவும் சேவையை தான் யூ பிளான் மீ தளம் சாத்தியமாக்குகிறது.

இந்த சேவையை பயன்படுத்தி கொள்ள விரும்பும் உறுப்பினர்கள் செய்ய வேண்டியதெல்லாம் இந்த தளத்தில் உள்ள நிகழ்ச்சிகள் பட்டியலில் உங்களுக்கு பிடித்தமானதை தேர்வு செய்ய வேண்டும்.இதன் மூலம் உங்களது விருப்பமும் எதிர்பார்ப்பும் என்ன என்பதை இந்த தளம் புரிந்து கொண்டு அடுத்த முறை அத்தகைய நிகழ்ச்சிகள் வரும் போது அவற்றை மட்டும் உங்களுக்கு பரிந்துரைக்கும்.

இலக்கிய ஆர்வம் உள்ளவரின் நண்பர் இலக்கிய கூட்டம் பற்றி கேள்விபட்டால் அவரிடம் அதனை பரிந்துரைப்பார் அல்லவா அதே போல தான் இந்த தளமும் ஒருவருக்கு பிடிக்ககூடிய நிகழ்ச்சிகளை தனது பட்டியலில் இருந்து தேர்வு செய்து பரிந்துரைக்கிற‌து.

பரிந்துரைகள் எந்த அளவுக்கு துல்லியமானதாக இருக்கும் என்பது ஆய்வுக்குறிய விஷய‌ம் என்றாலும் ஒருவரின் விருப்பத்தின் அடிப்படையில் அவருக்கான நிகழ்ச்சிகளை பரிந்துரைக்கும் கருத்தாக்கம் பயனுள்ளது என்பதில் சந்தேகமில்லை.

ஆனால் இந்த பரிந்துரைகள் துல்லியமானதாக மேலும் சில வழிகள் இருக்கின்றன.ஒவ்வொரு முறை நிகழ்ச்சிகள் பரிந்துரைக்க்ப்படும் போது அந்த பரிந்துரையை ஏற்கிறீர்களா அல்லது பயனற்ரது என நிராகரிக்கிறிர்களா என குறிப்பிட வேண்டும்.இந்த தகவல்களின் அடிப்படையில் பயனாளிகளின் ரசனை பற்றிய புரிதலை இந்த தளத்தின் பின்னே உள்ள சாப்ட்வேர் மேலும் கூர்மையாக்கி கொள்ளும்.

அது மட்டும் அல்ல இந்த தளத்துடன் உங்கள் பேஸ்புக் கணக்கை இணைக்கும் பட்சத்தில் பேஸ்புக்கில் நீங்கள் உங்களுக்கு பிடித்தமான ரெஸ்டார்ண்ட் மற்றும் நிகழ்ச்சிகளை குறிப்பிடும் போது அதனையும் கவனத்தில் கொண்டு உங்களுக்கேற்ற நிகழ்ச்சியை இந்த தளம் பரிந்துரைக்கும்.

நிகழ்ச்சி தேர்வுகளை பேஸ்புக் மற்றும் டிவிட்டர் நண்பர்களோடும் பகிர்ந்து கொள்ளலாம்.தேர்வு செய்யும் நிகழ்ச்சிகள் அழகாக நாட்காட்டியில் சேமிக்கப்பட்டு விடுகின்றன.எனவே நாட்காட்டியை பார்ப்பதன் மூலமே நிகழ்ச்சிகள் என்று எங்கே இருக்கின்ற‌ன என்பதை தெரிந்து கொள்ளலாம்.

விளையாட்டு,உணவு(ரெஸ்டார்ன்ட்),டிவி நிகழ்ச்சிகள்,இரவு வாழ்க்கை மற்றும் இதர நிகழ்ச்சிகள் என ஐந்து பிரிவுகளின் கீழ் நிகச்சிகள் பட்டியலிடப்பட்டுள்ளன.ஆம் உங்களுக்கு பிடித்தமான டிவி நிகழ்ச்சிகளையும் இந்த தளம் மூலமாக அறிந்து கொள்ளலாம்.

அமெரிக்க நகரங்களை மையமாக கொண்ட சேவை என்றாலும் கருத்தாக்க அளவில் நாமும் தெரிந்து கொள்ள வேண்டிய தளம் தான்.

தனிநப‌ர்களின் தேவையையும் எதிர்பார்ப்பையும் புரிந்து கொன்டு அதற்கேற்ற தனிப்பட்ட பரிந்துரைகளை வழங்கும் சேவைகளுக்கான அழகிய உதாரணம் தானே இந்த தளம்.

இணையதள முக‌வரி;http://www.uplanme.com/#