Tag Archives: sandy

புயலுக்கு பின் ஒரு இணையதளம்.

தானே புயலால் பாதிக்கப்பட்டவர்களுக்கு நிவாரண உதவி அளிப்பதற்காகவோ நேசக்கரம் நீட்டுவதற்காக ஒரு இணையதளம் கூட உருவாக்கப்படவில்லை. ஆனால் அமெரிக்காவை உலுக்கிய சாண்டி சூறாவளியால் பாதிக்கப்பட்டவர்களுக்கு உதவுவதற்கான இணைய முயற்சிகள் தொடர்ந்து கொண்டே இருக்கின்றன.

இதற்கான சமீபத்திய உதாரணம் சூறாவளியால் பாதிக்கப்பட்டவர்களுக்கு விடுமுறை கால பரிசளிக்க உதவுவதற்காக துவக்கப்பட்டுள்ள சீக்ரெட் சாண்டி இணையதளம்.

ஒட்டுமொத்த அமெரிக்காவும் கிறிஸ்துமஸ் பண்டிகையை கொண்டாட தயாராகி கொண்டிருக்கிருக்கும் நிலையில் சூறாவளியால் பாதிக்கப்பட்டவர்களும் இந்த கொண்டாட்டத்தில் பங்கேற்க கை கொடுக்கும் வகையில் இந்த தளம் துவக்கப்பட்டுள்ளது.

கிறிஸ்துமஸ் காலம் மகிழ்ச்சிக்கும் பரிசளிப்பதற்குமான காலம்.எல்லோரும் கிறிஸ்துமசுக்காக குடும்ப உறுப்பினர்களுக்கும் நண்பர்களுக்கும் பரிசளித்து மகிழ்வார்கள்.ஆனால் சாண்டி சூறாவளி உலுக்கி போட்ட பகுதிகளில் இருப்பவர்கள் இயல்பு வாழ்க்கைக்கு திரும்பவே போராடி கொண்டிருக்கும் போது கிறிஸ்துமஸ் விழாவை கோலகலமாக கொண்டாடுவது எப்படி?

அதனால் சுறாவளியால் பாதிக்கப்பட்டவர்களுக்கு கைதூக்கி விடுவதற்காக என்று சீக்ரெட்சாண்டி தளம் உருவாக்கப்பட்டுள்ளது.

தாரள மனம் கொண்டவர்கள் இந்த தளத்தின் மூலம் சூறாவளியால் பாதிக்கப்பட்டவர்களுக்கு தங்களால் இயன்ற பரிசுகளை வழங்கி கிறிஸ்துமஸ் கொண்டாட்டத்திற்கு உதவலாம்.

அதாவது கிறிஸ்துமஸ் பண்டிகையின் போது சான்டா கிளாஸ் வடிவில் பரிசளிப்பது போல இந்த தளத்தின் வாயிலாக ரகசிய சான்டாவாக மாறி முன் பின் அறிமுகம் இல்லாதவர்களுக்கு பரிசளித்து மகிழலாம்.

அதே போல சூறாவளியால் பாதிக்கப்பட்டு பிறர் உதவியை எதிர்பார்த்திருப்பவர்கள் தங்களுக்கு தேவைப்படும் உதவியையும் இந்த தளம் மூலம் தெரிவிக்கலாம்.இதற்கு என்று உள்ள உதவி கோரும் பகுதியில் தங்களது கோரிக்கையை சமர்பிக்கலாம்.இதே போல உதவ தயாராக இருப்பவர்கள் அதனை தெரிவிப்பதற்கான பகுதியும் இருக்கிறது.

இந்த தளம் இரு தரப்பினருக்கும் இடையே பாலமாக இருந்து உதவி தேவைபடுபவருடன் உதவ தயராக இருப்பவர்களை இணைத்து வைக்கிறது.

இந்த பண்டிகை காலத்தை சாண்டி சுறாவளியால் பாதிக்கப்பட்டவர்களுடன் இணைந்து கொண்டாடுங்கள் என்று அழைப்பு விடுக்கும் இந்த தளத்தை ஜாய் ஹாவுங் என்பவரும் அவரது நண்பருமான கிம்பர்லி பெர்டியும் இணைந்து தளத்தை அமைத்துள்ளனர்.

பண்டிகை காலம் என்பதே பரஸ்பரம் பரிசளித்து மகிழ்வதற்கான வாய்ப்பை உருவாக்கித்தரும் காலம் என்னும் போது அந்த மகிழ்ச்சியோடு மனநிறைவை ஏற்படுத்தி தரும் வகையில் சூறாவளி பாதிப்பால் கிறிஸ்துமசை கொண்டாட முடியாமல் தவிப்பவர்களுக்கு நேசக்கரம் நீட்டி உதவும் வகையில் அமைக்கப்பட்டுள்ள இந்த தளம் பாராட்டத்தக்க முயற்சி தானே.

இணையதள முகவரி;http://secretsandy.org/

—————

இதே போலவே சாண்டி சூறாவளியால் பாதிக்கப்பட்டவர்களுக்கு உதவுவதற்காக அமைக்கப்பட்ட தளம் பற்றிய முந்தைய பதிவு…..
சூறாவளிக்கு பின் இணையத்தில் துளிர்த்த மனிதநேயம்.

சூறாவளிக்கு பின் இணையத்தில் துளிர்த்த மனிதநேயம்.


‘ஏர்பிஎன்பி’ இணைய உலகின் நவீன வெற்றிக்கதைகளில் ஒன்று.இணையவாசிகள் தங்கள் வீடுகளில் உள்ள கூடுதல் இடத்தை மற்றவர்களுக்கு இணையம் மூலம் தங்கி கொள்ள தற்காலிகமாக வாடகைக்கு விட வழி செய்யும் தளம் இது.அதே போல இணையவாசிகள் ஓட்டல் விடுதி போன்றவற்றில் தங்குவதற்கு பதிலாக இந்த தளத்தின் மூலம் உறுப்பினர்களின் வீடுகளில் தங்கி கொள்ளலாம்.

தற்காலத்தில் பயணங்களின் போது தங்குவதற்கான இடத்தை தேர்வு செய்யும் வித்ததையே மாற்றியமைத்து இருப்பதாக கருதப்படும் ஏர்பிஎன்பி இணையதளம் அறிமுகமில்லாதவர்களை வீடுகளில் தங்க வைப்பது பாதுக்கப்பானது தானா என்னும் கேள்வியை மீறி மாபெரும் வெற்றி பெற்றிருக்கிறது.

இணைய உலகில் இதன் தாக்கமும் வீச்சும் பற்றி நிறையவே அலசி ஆராயலாம்.

புறக்கணிக்க முடியாத இணைய சக்தியாக உருவெடுத்துள்ள இந்த தளம் அமெருக்காவை உலுக்கிய சாண்டி சூறாவளி தாக்குதலுக்கு பின் மனிதநேயத்தை துளிர்க்க வைத்து மனதார பாராட்டுக்க்களையும பெற்றிருக்கிறது.

சூப்பர் புயல் என்று வர்ணிக்கப்பட்ட சாண்டி புயல் நியூயார்க்,நியூஜெஸ்ஸி உள்ளிட்ட நகரங்களில் பெரும் பாதிப்பை ஏற்படுத்தி ஓய்ந்தது.இதன் கோரத்தாண்டவத்தின் போது நகரமே வெள்ளத்தில் மிதந்ததோடு மின்சாரம் துண்டிக்கப்பட்டு இருளில் மூழ்கியது.

புயலின் தீவிரம் ஓய்ந்த பிறகும் பாதிப்பு குறைந்து விடவில்லை.வெள்ளம் சூழந்த பகுதிகளில் பல்லாயிரக்கணக்கானோர் வீடுகளை இழந்து தவிக்கின்றனர்.

இப்படி வீடில்லாமல் தவிப்பவர்களுக்கு தங்குவதற்கான கூறையை ஏற்படுத்தி தரும் முயற்சியில் தான் ஏர்பிஎன்பி தளம் ஈடுபட்டுள்ளது.

கூடுதலாக உள்ள அறைகளை பகிர்ந்து கொள்ள தயாராக இருப்பவர்களோடு தங்குவதற்காக இடம் தேடுபவர்களை இணைத்து வைப்பது போல சூறாவளியால் வீடிழந்து தவிப்பவர்களுக்கு தங்களிடம் கூடுதலாக உள்ள அறையை அளிக்க முன்வருபவர்களை இணைத்து வைப்பதன் மூலம் காலத்தின் செய்த உதவியை அளித்து வருகிறது இந்த தளம் .

வழக்கமாக அறைகளுக்கு என்று குறிப்பிட்ட கட்டணம் வாடகையாக வசூலிக்கப்படும் .ஆனால் சூறாவளியால் பாதிக்கப்பட்டவர்களுக்கு வாடகை இல்லாமல் இலவசமாக அறைகள் அளிக்கப்படுகிறது.

நியூயார்க் பகுதியில் உள்ள தளத்தின் உறுப்பினர்கள் தங்களிடம் உள்ள கூடுதல் அறையை புயலால் பாதிக்கப்பட்டவர்களுக்கு இலவச‌மாக வழங்க முன வந்து அதனை பட்டியலிடலாம்.தற்காலிக தங்குமிடத்தை தேடி கொண்டிருப்பவர்கள் இவற்றில் இருந்து தங்களுக்கான இடத்தை தேர்வு செய்து கொள்ளலாம்.அவர்களும் தங்களுக்கு இடம் தேவை என்னும் கோரிக்கையை பட்டியலிடலாம்.

பேரிடர் காலங்களில் அரசாங்கம் வழங்கும் உதவிகள் மட்டும் நிச்சயம் போதாது.மனிதருக்கு மனிதர் பரஸ்பரம் செய்யும் உதவிகளே நிலைமையை சமாளிக்க பேருதவியாக அமையும்.

அதிலும் இணைய உலகில் இணையதங்கள பரஸ்பர உதவிக்கான புதிய வாயில்களை அகல திறக்கும் ஆற்றல் படைத்தாதாக இருக்கின்றன.

அந்த வகையில் ஏர்பினெபி தளம் சாண்டி சூறாவளியால் வீடிழ்ந்தவர்களுக்கு நியூயார்க் நகரவாசிகள் தங்கள் வீடுகளின் கதவை அகல திறந்து விட வழி செய்து மகத்தான உதவி செய்து வருகிறது.

பகிர்ந்து கொள்வோம்,நல்லது செய்வோம் என அழைப்பு விடுக்கும் இந்த தளம் இது வரை 400 க்கும் மேற்ப்படவ்ர்களுக்கு இலவச தங்குமிடம் பெற்றுதந்த்துள்ளது.

ஆபத்து காலத்தில் கைகொடுக்க கூடிய ஆற்றல் தொழில்நுட்பத்திற்கு இருப்பதை உணர்த்தும் மற்றொரு அழகான உதாரணம் இது.

இணையதள முகவரி;https://www.airbnb.com/sandy