Tag Archives: security

பாஸ்வேர்டு மரம் வளர்போம்.

password-tree

உங்களிடம் குறைந்தது பத்து பாஸ்வேர்டாவது இருக்கலாம்.எல்லோரும் பயன்படுத்தும் ஜீமெயிலுக்கான பாஸ்வேர்டு.வலைப்பதிவாளர் என்றால் அதற்கொரு பாஸ்வேர்டு.பேஸ்புக்,லின்க்டுஇன் போன்ற சமூக வலைப்பின்னல் சேவைகளுக்கான பாஸ்வேர்டு,அமேசான்,பிலிப்கார்ட் போன்ற இகாமர்ஸ்தளங்களுக்கான பாஸ்வேர்டு,யூடியூப்பிற்கான பாஸ்வேர்டு,புக்மார்ன்கிங் சேவைகளுக்கான பாஸ்வேர்டு,ரீடர் சேவைகளுக்கான பாஸ்வேர்டு … இப்படி அடுக்கி கொண்டே போகலாம்.

அநேகமாக மொத்தம் எத்தனை முகவரி கணக்குகள் இருக்கின்றன,எத்தனி பாஸ்வேர்டுகள் இருக்கின்றன என்பதே கூட உங்களுக்கு தெரியாமல் இருக்கலாம்.சில பாஸ்வேர்டுகள் நீங்கள் மறந்தும் போயிருக்கலாம்.

பாஸ்வேர்டுகளை மறக்காமல் நினைவில் கொள்ள சரியான வழியை கடைபிடிப்பது அவசியமாகிற‌து.நிச்சயம் நீங்களும் ஒரு வழியை வைத்திருக்கலாம்.அல்லது ஒரு சிறந்த வழியை தேடிக்கொண்டிருக்கலாம்.அப்படி என்றால் நீங்கள் பாஸ்வேர்டு மரம் வளர்க்கலாம்.

பாஸ்வேர்டு மரம் என்பது ஒருவரிடம் உள்ள அனைத்து பயனாளர் முகவரி மற்றும் அவற்றுக்கான பாஸ்வேர்டுகளை குறித்து வைப்பதற்கான வரைபட சித்திரம்.பிரபல தொழில்நுட்ப வலைப்பதிவரான அமீத் அக‌ர்வால் தனக்காக உருவாக்கி வைத்திருக்கும் வரைபடம் இது.

ஒன்றுக்கு மேற்பட்ட பாஸ்வேர்டுகள் இருக்கும் போது அவற்றை காகிதத்தில் குறித்து வைக்க தோன்றும். என்ன தான், பாஸ்வேர்டுகளை குறித்து வைத்தாலும் எந்த சேவைக்கு எந்த பாஸ்வேர்டு என்று கண்டுபிடிப்பது கடினமாக இருக்கலாம்.

ஆனால் பாஸ்வேர்டுகளை வ‌ரைபட சித்திரமாக குறித்து வைக்கும் போது இந்த சங்கடம் இல்லை.

வரைபடத்தின் மையமாக உங்கள் பெயர்.அதை சுற்றிலும்  நீங்கள் பயன்படுத்தும் பல்வேறு பயனர் வகைகளை குறித்து வைக்க வேண்டும்.உதாரணத்திற்கு நடுவில் இருந்து கோடு இழுத்து அதன் மீது கம்பயூட்டர் என்று குறிப்பிட வேண்டும். பிறகு கம்ப்யூட்டடில் இருந்து ஒரு கிளை கோடு இழுத்து உங்களீடம் உள்ள கம்ப்யூட்டர் சார்ந்த பயனர் கண‌க்கு மற்றும் பாஸ்வேர்டுகளை குறித்து வைக்க வேண்டும்.

அடுத்ததாக‌ இமெயிலுக்கு ஒரு கோடி .அதிலிருந்து, ஜிமெயில்,யாஹூமெயில் ஆகியவற்றின் பாஸ்வேர்டுகளை குறித்து வைக்கலாம்.அப்படியே கூகுலுக்கு என்று த‌னி கிலை உருவாக்கி கூகுல் சார்ந்த சேவைகளுக்கான பாஸ்வேர்டை குறித்து வைக்கக‌லாம்.இப்படியே வீடியோ சேவைகளுக்கான பாஸ்வேர்டுகள், கோப்புகளுக்கான பாஸ்வேர்டு,சமூக தளங்களூக்கான பாஸ்வேர்டு என்று ஒவ்வொரு வகைக்கும் ஒரு கிளை இழுத்து அதில் பாஸ்வேர்டுகளை குறிக்கலாம்.

இந்த சித்திரம் பாஸ்வேர்டு மரம் போலவே அழகாக தோற்றம் தருவதோடு எந்த கணக்கிறகான பாஸ்வேர்டு எங்கிருக்கிறது என உடனே கண்டு பிடித்து விடலாம்.

இந்த யுக்தி அட நன்றாக இருக்கிற‌தே என வியக்க வைத்தால் அமீத் அகர்வாலுக்கு ஒரு சபாஷ் போடுங்கள்!.

———–
http://www.labnol.org/tech/password-tree/19764/

பாஸ்வேர்டு பறவை தெரியுமா?

1passw

ஒரு நல்ல பாஸ்வேர்டுக்கு என்று சொல்லப்படும் அனைத்து குனாதிசயங்களும் பொருந்தக்கூடிய வலுவான பாஸ்வேர்டை உருவாக்குவது கொஞ்சம் கடினமானது தான்.அந்த க்ஷ்டம் வேண்டாம்,ஆனால் நல்ல பாஸ்வேர்டு தேவை என நினைத்தால் பாஸ்வேர்டு பறவை உருவாக்கித்தரும் தளங்களை நாடலாம்.பாஸ்வேர்டு ஜெனரேட்டர் என்று சொல்லப்படும் பாஸ்வேர்டு உருவாக்கும் தளங்கள் ரகத்தை சேர்ந்த இந்த பாஸ்வேர்டு பறவை உங்களுக்காக வலுவான பாஸ்வேர்டை உருவாக்கி தருகிறது.அதுவும் மிக எளிதாக.

உங்களுக்கு பிடித்த பெயர் என்ன உங்களுக்கு பிடித்த சொல் என்ன ஆகிய கேள்விகளை கேட்டு அதனடிப்படையில் புதிய பாஸ்வேர்டை உருவாக்கி தருகிறது.பாஸ்வேர்டில் எண்களும் இடம்பெறுவதற்காக உங்களுக்கு பிடித்தமான தேதியையும் குறிப்பிடலாம்.

இவற்றுக்கான கட்டங்களில் விவரங்களை டைப் செய்து காத்திருந்தால் புதிய பாஸ்வேர்டு வந்து நிற்கிற‌து.

இணையதள முகவ‌ரி:http://passwordbird.com/

உங்கள் பாஸ்வேர்டை நீங்கள் மாற்ற வேண்டுமா?

ku-xlarge

உங்கள் பாஸ்வேர்டை மாற்றுவதற்கான நேரம் வந்து விட்டதா? இப்படி எப்போதேனும் யோசித்திருக்கிறீகளா? இல்லை என்றால் இப்போதே யோசியுங்கள்!.அப்படியே இந்த கேள்விக்கு விடை தெரிந்து கொள்வதற்காக , நான் எனது பாஸ்வேர்டை மாற்ற வேண்டுமா? என்னும் தளத்திற்கு சென்று பாருங்கள்.

மேலே சொன்ன கேள்விக்காகவே உருவாக்கப்பட்டுள்ள இணையதளம் இது.அதாவது உங்கள் பாஸ்வேர்டை மாற்ற வேண்டுமா? என்னும் கேள்விக்கு நீங்கள் மேற்கொள்ள வேண்டிய நடவடிக்கையை இந்த தளம் பதிலாக சொல்கிறது.

இதன் பொருள் உங்கள் பாஸ்வேர்டு திருட்டு அல்லது ஹேக்கர்களின் தாக்குதலுக்கு இலக்காகி இருக்கிறதா?என்று கண்டறிந்து சொல்கிறது.

நம்மூர் நாளிதழ்களை பிரிந்தால் பூட்டிய வீட்டில் பத்து பவுன் திருட்டு போன்ற செய்திகள் இடம் பெற்றிருப்பது போல , இப்போதெல்லாம் இணைய உலகில் குறிப்பிட்ட நிறுவனத்தின் மீது ஹேக்கர்கள் தாக்குதல், சில லட்சம் பாஸ்வேர்டுகள் திருட்டு எனும் வகையிலான செய்தியை படிக்க நேர்கிறது.

டிவிட்டர்,இன்ஸ்டாகிராம்,பேஸ்புக் என பல இணைய நிறுவங்களின் கணக்குகள் இப்படி தாக்குதலுக்கு ஆளாகியிருக்கின்றன. இனியும் ஆளாகலாம்.வக்கி கணக்குகள், கிரிடிட் கார்ட்டு எண்களும் களவாடப்படுகின்றன.

இது உலகின் எங்கே ஒரு மூலையில் நடக்கும் சம்பவம் என நாம் அலட்சியம் செய்வதற்கில்லை.இப்படி திருடப்பட்ட கணக்குகளில் நம்முடைய இமெயிலும் கூட இருக்கலாம்.அல்லது,நம்முடைய இமெயில் இந்த இன்னலுக்கு ஆளாகவில்லை,பாதுகாப்பாக தான் இருக்கிறது என்று உறுதி செய்து கொள்வது நல்லது தானே!.

இந்த நிம்மதியை தான், ஷுட் ஐ சேஞ் மை பாஸ்வேர்டு தளம் அளிக்கிறது. இந்த தளத்தில் உங்கள் இமெயில் முகவரியை சமர்பித்தால், அதை பரிசிலித்து தாக்குதலுக்கு ஆளாகியிருக்கிறாதா இல்லையா என்று பதில் சொல்கிறது. இணைய தாக்குதலுக்கு இலக்கான லட்சக்கணக்கான இமெயில் முகவரி பட்டியலோடு ஒப்பிட்டு பார்த்து பதில் இந்ப பதிலை அளிக்கிறது. இமெயில் தாக்குதலுக்கு ஆளாகியிருப்பதாக சொல்லப்பட்டால் உடனடியாக பாஸ்வேர்டை மாற்றிக்கொள்ள வேண்டும்.

இப்படி பாஸ்வேர்டை பரிசோதிப்பது இலவச சேவை .ஆனால், கட்டணம் செலுத்தினால் ஓயாமல் உங்கள் இமெயில் முகவ‌ரியை கண்காணித்து அது தாக்குதலுக்கு இலக்ககானால் உரிய நேரத்தில் எச்சரிக்கை செய்யப்படுகிறது.

இணையதள முகவ‌ரி:https://shouldichangemypassword.com/

உங்கள் பாஸ்வேர்டை பாதுகாக்க!

dict

பாதுகாப்பான பாஸ்வேர்டை உருவாக்கும் போது கவனத்தில் கொள்ள வேண்டிய விஷயமாக முதலில் குறிப்பிடப்படுவது, ‘நீங்கள் பாஸ்வேர்டாக தேர்வு செய்யும் சொல் அகராதியில் கண்டெக்க கூடியதாக‌ இருக்க கூடாது’ என்பதே. பாஸ்வேர்டு உருவாக்கத்தில் இது மீறக்கூடாத விதி!

இதற்கான காரணம் மிகவும் எளிதாக புரிந்து கொள்ளக்கூடியது. பாஸ்வேர்டு திருட்டை தடுக்க வேண்டும் என்றால், அது மற்றவர்களால் எளிதாக யூகிக்க முடியாததாக இருக்க வேண்டும்.இல்லை என்றால் அடு என்னவாக இருக்கும் என்று யூகித்து அறிந்து விடலாம். யோசித்து பாருங்கள், பாஸ்வேர்டு அகராதியில் இடம் பெற்றிருக்க கூடிய சொல் என்றால் அதை எவரும் யூகித்து விடலாமே.பெரும்பாலான பாஸ்வேர்டு திருட்டுக்கள் இப்படி தான் நடக்கின்றன.

ஆக, ஒருவரது பாஸ்வேர்டை கண்டுபிடிக்க வேண்டும் என்றால் பொறுமையாக அகராதியில் உள்ள ஒவ்வொரு சொல்லாக டைப் செய்து கொண்டிருந்தால் போதும், அந்த கடவுச்சொல் கண்டறியப்பட்டு விடும்.அதாவது அகராதியில் உள்ள சொல் பாஸ்வேர்டாக தேர்வு செய்யப்பட்டிருந்தால்!. அதனால் தான் பாஸ்வேர்டு பாதுகாப்பு நிர்வாகிகள், அகராதியில் இருக்கும் சொல்லை பாஸ்வேர்டாக தேர்வு செய்ய வேண்டால் என்கின்றனர்.பாஸ்வேர்டு என்பது எளிதில் நினைவில் நிற்க கூடியதாக இருக்க வேன்டும் என்பதால் பலரும் அகராதி சொற்களை தேர்வு செய்து கொள்கின்றனர்.இது பாஸ்வேர்டு திருடர்டகளுக்கு வசதியாக போய்விடுகிறது.

எல்லாம் சரி, அகராதியில் உள்ள ஒவ்வொரு சொல்லாக டைப் செய்து பார்த்து கொண்டிருப்பது சாத்தியமா என்ற அப்பாவித்தனமான கேள்வியும் எழலாம்.இதற்காக என்று சின்னதாக ஒரு புரோகிராம் எழுதினால் அது சில நொடிகளில் முழு அகராதி சொற்களையும் டைப் செய்து பார்த்து சொல்லி விடுமே. இது தான் நடக்கிறது. இந்த செயலுக்கு அகராதி தாக்குதல் என்று பெயரும் வைத்துள்ளனர்.

ஆயிரக்கணக்கான பாஸ்வேர்டு திருடு பற்றிய செய்திகள் படிக்கிறோம் அல்லவா? அநேகமாக அவற்றின் பின்னே எல்லாம் இது போன்ற அகராதி தாக்குதல் நடந்திருக்கலாம்.

பாஸ்வேர்டு பற்றி காம்பிரிட்ஜ் பலகலைக்கழக் கம்ப்யூட்டர் விஞ்ஞானி ஜோசப் பானிய என்பவர் ஆய்வு நடத்தினார்.7 கோட யாஹூ பயனாளிகளின் பாஸ்வேர்ட்களை அலசி ஆராய்ந்து மேற்கொள்ளப்பட்ட அந்த ஆய்வில் ,அகராதியில் உள்ள ஆயிரம் வழக்கமான சொற்களை கொண்டு பத்து சதவீத பயனாளிகளின் பாஸ்வேர்டை யாரும் யூகித்து விடலாம் என்று தெரிய வந்தது. பெரும்பாலானோர் பெரும்பாலுல் பயன்படுத்தப்படும் சொற்களை பாஸ்வேர்டாக தேர்வு செய்வதே இதற்கு காரண‌ம்.

இதனாம் தான் அகராதி சொற்களை பாஸ்வேர்டாக தவிர்க்க வேண்டும் என்கின்றனர்.

இதே காரணத்தினால் தான், பலரும் யூகித்து விடக்கூடிய தனிப்பட்ட விவரங்களான பெயர், பிறந்த தேதி போன்றவற்றையும் பாஸ்வேர்டாக தேர்வு செய்ய கூடாது என்கின்றனர்.

சரி, அப்படியென்றால் நல்ல பாஸ்வேர்டு எப்படி இருக்க வேண்டும். இந்த பாஸ்வேர்டு வரிசையில் தொடர்ந்து பார்ப்போம்.

பாஸ்வேர்டு பரிசோதனை இணையதளம்

இணையத்தில் நீங்கள் அதிகம் பயன்படுத்துவது பாஸ்வேர்டு தான். நீங்கள் அதிகம் தெரிந்து கொள்ள வேண்டியதும் பாஸ்வேர்டு பற்றி தான். பாதுகாப்பான பாஸ்வேர்டின் அவசியம், எவராலும் உடைக்க முடியாத வலுவான பாஸ்வேர்டு எப்படி இருக்க வேண்டும் என்று தொடர்ந்து பார்க்கலாம்.

இந்த வரிசையில் முதல் பதிவான பாஸ்வேர்டு குணாதிசயங்களில் பாஸ்வேர்டுக்கான இலக்கன குறிப்புகளை காணலாம்.மேற்கொண்டு பார்ப்பதற்கு முன் பாஸ்வேர்டு தொடர்பான பயனுள்ள தளங்களின் வரிசையில் முதல் தளத்தை அறிமுகம் செய்து கொள்ளலாம்.

பாஸ்வேர்டு பரிசோதனை.

பாஸ்வேர்டு பற்றி தெரிந்து கொண்டாயிற்று!. அடுத்து உங்கள் பாஸ்வேர்டு எந்த அளவுக்கு பாதுகாப்பானதாக இருக்கிறது என தெரிந்து கொள்ள வேண்டாமா? இந்த கேள்விக்கு பதில் தருகிறது, இதே கேள்வியை பெயராக கொண்ட இணையதளம்: ஹவ் செக்யூர் ஈஸ் மை பாஸ்வேர்ட்?

இந்த தளத்தின் முகப்பு பக்கத்தில் உங்கள் பாஸ்வேர்டை சமர்பித்தால், அதன் பல்வேறு அம்சங்களை அலசி பார்த்து அந்த பாஸ்வேர்டு எந்த அளவுக்கு பாதுகாப்பாடது என இந்த தளம் அறிக்கை தருகிற‌து.

நேர்மையான தளம்.

மிகவும் எளிமையான தளம். உங்களை பாஸ்வேர்டின் தன்மையை பரிசோதித்து சொல்லும் இந்த தளம் கொஞ்சம் நேர்மையானதும் கூட! பாஸ்வேர்டை சமர்பிக்கும் முன் கொஞ்சம் யோசிக்க சொல்கிறது இந்த தளம். ‘இந்த தளம் உங்கள் பாஸ்வேர்டை திருடிக்கொள்ளலாம்’ என்னும் எச்சரிக்கை வாசகம் முகப்பு பக்கத்திலேயே இடம் பெறுகிறது.இப்படி அதிர்ச்சி அளித்தாலும், இல்லை ,நாங்கள் அதை செய்யப்போவதில்லை,ஆனால் உங்கள் பாஸ்வேர்டை எங்கே எல்லாம் டைப் செய்கிறீர்கள் என்பதில் கவனமாக இருங்கள் என்று அறிவுறுத்துகிற‌து.

பாஸ்வேர்டு விஷயத்தில் எச்சரிக்கையாக இருக்க வேண்டும் எனும் இந்த குறிப்பை படித்த பிறகு இதில் பாதுகாப்பு சோதனைகாக பாஸ்வேர்டை சமர்பித்து பார்க்கலாம்.அல்லது, உண்மை தான் ,எதற்கு ரிஸ்க் என்று பாஸ்வேர்டை சமர்பிக்காம‌லும் இருக்கலாம்.

எப்படி பார்த்தாலும்,பாஸ்வேர்டு எளிதில் கள‌வாடப்படலாம் என அறிந்திருப்பதே முக்கியம்.

———-

https://howsecureismypassword.net/