Tag Archives: shortcut

இமெயிலில் இடம்பெற வேண்டிய சுருக்கங்கள்!


Inbox-Zero
மெயில் வாயிலாக தொடர்பு கொள்ளும் போது நினைவில் கொள்ள வேண்டிய விஷயங்கள் பல இருக்கின்றன. உதாரணமாக யாருக்கு மெயில் அனுப்புவதாக இருந்தாலும் சரி, மெயிலில் என்ன இருக்கிறது என்பதை அதன் உள்ளட்டக்க தலைப்பு பகுதியிலேயே தெரிவித்துவிட வேண்டும். இமெயிலை பெறுபவர் இதன் மூலம் தலைப்பை பார்த்ததுமே மெயிலின் தன்மையை தெரிந்து கொண்டு அதற்கேற்ப செயல்படலாம். அதே போல, ரிப்லை ஆல், எனும் அனைவருக்கும் பதில் அளிக்கும் வசதியை கவனமாக பயன்படுத்த வேண்டும். அலுவலகத்தில் குழு மெயில் அனுப்பும் போது, தேவையில்லாமல் மேலதிகாரியையையும் அதில் இணைப்பதை தவிர்க்க வேண்டும். மேலும் கொத்தாக மெயில் அனுப்பும் போது, பிசிசி (BCC ) வசதியை பயன்படுத்தினால், வேறு யாருக்கு எல்லாம் அதே மெயில் அனுப்ப பட்டுள்ளது என்பதை மெயிலை பெறுபவர்கள் பார்க்க முடியாது.

இப்படி இமெயில் தொடர்பான நுணுக்கங்களை அடுக்கி கொண்டே போகலாம். இவை பொதுவாக இமெயில் நாகரீகம் என குறிப்பிடப்படுகின்றன. நீங்கள் அனுப்பும் இமெயில் தவறாமல் வாசிக்கப்பட்டு பதில் அளிக்கப்பட விரும்பினால் இந்த இமெயில் நாகரீங்களை அறிந்து வைத்திருப்பது நல்லது.

இந்த பட்டியலில் இமெயிலுக்கான சுருக்க பெயர்களையும் சேர்த்துக்கொள்ள வேண்டும்.

அதென்ன இமெயில் சுருக்க பெயர்கள்? இமெயிலின் உள்ளடக்க தலைப்புடன் ஒட்டிக்கொள்ளும் வகையில் இடம்பெறச்செய்யும் முதல் எழுத்து சுருக்கங்களை தான் இப்படி குறிப்பிடுகின்றனர். நீங்களே கூட, இ.ஒ.டி ( ), என்றோ அல்லது எல்.எம்.கே ( ) போன்ற சுருக்கங்களை இமெயிலில் பார்த்திருக்கலாம்.  மெயிலை பார்க்கும் போதே அதன் உள்ளடக்கம். மெயிலின் நோக்கம் தொடர்பான தகவல்களை உணர்த்துவதற்காகவே இந்த சுருக்க பெயர்களை பயன்படுத்துகின்றனர்.

இதன் பயன்பாட்டில் நீங்களும் தேர்ச்சி பெற விரும்பினால், மெயிலில் அடிக்கடி பயன்படுத்தப்படும் சுருக்க பெயர்களுக்கான விளக்கம் இதோ:

அலுவலகத்தில் இல்லை:

இமெயிலில் உள்ள அணுகூலம் என்னவெனில் எந்த இடத்தில் இருந்தும், எந்த நேரத்திலும் பதில் அளிக்கலாம் என்பது தான். ஆக, அலுவலக மெயிலுக்கு நீங்கள் வீட்டில் இருந்தும் பதில் அளிக்கலாம். விடுமுறை பயணத்திற்கு இடையிலும் பதில் அளிக்கலாம். ஆனால், இவ்வாறு அலுவலகத்திற்கு வெளியில் இருந்து பதில் அளிக்கும் போது, நீங்கள் அலுவலகத்தில் இல்லை என்பதை உணர்த்துவிடுவது நல்லது. ஏனெனில், மெயிலை பெறுபவர் உடனடியாக பதிலை எதிர்பார்த்தால் அல்லது உங்களுடன் தொடர்பு கொண்டு பேச முடிந்தால் சிக்கலாகலாம்.

எனவே, நீங்கள் அலுவலகத்திற்கு வெளியே இருந்து மெயில் அனுப்புவதை குறிப்பிடுவது அவசியமாகிறது. இமெயில் தலைப்புடன், அலுவலகத்தில் இல்லை என்பதை (அவுட் ஆப் ஆபிஸ்) OOO எனும் சுருக்க எழுத்துகளை சேர்த்துக்கொள்வது மூலம் இதை உணர்த்திவிடலாம்.  இதை தானியங்கி பதிலாகவும் அமைத்துக்கொள்ளலாம்.

இதே போலவே, வீட்டில் இருந்து பணியாற்றினால், ஒர்கிங் பிரம் ஹோம் என்பதை WFH மூலம் உணர்த்தலாம்.

தலைப்பே செய்தி

சில நேரங்களில் இமெயில் செய்தியை ரத்தினச்சுருக்கமாக சில வரிகளில் அனுபலாம். இன்னும் சில நேரங்களில் தலைப்பிலேயே செய்தியை சொல்லிவிடலாம். அப்படியிருக்க மெயிலை பெறுபவர் அதை தேவையில்லாமல் ஓபன் செய்ய வேண்டாமே. எனவே தான், தலைப்பில் செய்தியை சொல்லிவிட்டு, இறுதியில், எண்ட் ஆப் மெசேஜ் (EOM ) என குறிப்பிட்டுவிடலாம்.

இதே போல மெயிலுக்கு நிச்சயம் பதில் தேவை எனில் தயவு செய்து பதில் அளிக்கவும் என்பதை PRB என குறிப்பிடலாம். தேவை எனில் பதில் எதிர்பார்க்கும் நேரத்தையும் சேர்த்துக்கொள்ளலாம். இதற்கு மாறாக நீங்கள் தகவல் தான் தெரிவிக்கிறீர்கள், அதற்கு அவசியம் பதில் எதிர்பார்க்கவில்லை எனிலை அதையும், நோ ரிப்ளை நெசஸரி- NRN என தெரிவிக்கலாம். உதாரணத்திற்கு மதியம் உணவுவேளையில் சந்திக்கிறேன், NRN  என குறிப்பிடலாம்.

வில்லங்க மெயில்

சில நேரகங்களில் அலுவலக சகாவுக்கு சும்மா ஜாலியான அல்லது கேளிக்கை மெயிலை அனுப்பி வைக்கலாம். அந்த மெயிலை உங்கள் சகா விஷயம் தெரியாமல் பலர் முன்னிலையில் திறந்து படித்தால் வில்லங்கமாகிவிடாதா? அது தான், இது போன்ற மெயிலை அனுப்பும் போது அலுவலக சூழலில் பிரிப்பது பாதுகாப்பானது அல்லது என்பதை NSFW என உணர்த்தலாம். நாட் சேப் டூ ஓபன் இன் ஒர்க் என்பதன் சுருக்கம் இது. இன்னும் சில நேரங்களில் பார்ப்பதற்கு வில்லங்கமாக தோன்றினாலும் பணிச்சூழலில் படிக்கும் வகையான தகவல்களை சேப் டூ ஓபன் (SFW) என உணர்த்தலாம். இதே போலவே பெறுபவருக்கு மட்டுமான தகவல் என்பதை பார் யுவர் இன்பமேஷன் ( FYI) என குறிப்பிடலாம். இதற்கு மாறாக இமெயில் தொடர்பான நடவடிக்கை தேவை எனில் அதையும் ஆக்‌ஷன் ரிக்வயர்டு (AR) என குறிப்பிடலாம்.

வெளியே செல்கிறேன்.

அலுவலக விஷயம் தொடர்பாக காலையில் மெயில் அனுப்புகிறீர்கள். ஆனால் மாலையில் நீங்கள் சீக்கிரம் வீட்டிற்கு செல்ல இருக்கிறீர்கள் எனில், அந்த தகவலையும் மெயிலில் லீவிங் ஏர்லி டுடே (LET ) என குறிப்பிடலாம். முக்கியமாக தொடர்பு கொள்ள வேண்டும் எனில் சக ஊழியர்கள் மாலை வரை காத்திருந்து ஏமாறாமல் இருக்க இந்த குறிப்பு உதவும்.

மிக முக்கியமான விஷயங்களை நீளமான மெயிலை அனுப்புவதாக இருந்தால் டூ லாங் டூ ரீட் (TLTR) என குறிப்பால் உணர்த்தலாம். முதலில் அனுப்பிய மெயிலில் குறிப்பிட மறந்த விஷயத்தை தெரிவிக்க அடுத்ததாக ஒரு மெயில் அனுப்புவதாக இருந்தால், பை தி வே (BTW ) மூலம் அதை தெளிவுபடுத்திவிடலாம்.

என்ன பதில்?

எல்லா மெயில்களும் பதில் வேண்டி நிற்பவை அல்ல. இன்னும் சில மெயில்களுக்கு பதிலை ஆம் அல்லது இல்லை என தெரிவித்தால் போதும். பெரும்பாலும் மெயில் மூலம் கேள்வி கேட்கும் போது, ஆம் அல்லது இல்லை எனும் பதில் போதும் எனில், Y/N (Yes or No?) என குறிப்பிட்டால் விஷயம் முடிந்தது.

அலுவல் நோக்கிலோ அல்லது தனிப்பட்ட நோக்கிலோ இமெயிலை பயன்படுத்தும் போது, தகவல் தொடர்பை இன்னும் சிறப்பாக்கி கொள்ள இந்த குறிப்புகள் உதவும் என்கின்றன் இமெயில் வல்லுனர்கள். Y/N!

டக் டக் கோவில் புதிய தேடல் வசதி

duckடக் டக் கோ கூகுலுக்கு மாற்றாக சொல்லப்படும் தேடியந்திரம் . பிரதான தேடல் தவிர சின்ன சின்ன தேடல் வசதிகளை அறிமுகம் செய்வதிலும் கூகுல் போலவே தான் இருக்கிறது டக் டக் கோ! உதாரணத்துக்கு நேரடியாக தேடும் வசதி.

அதாவது , குறிப்பிட்ட இணையதளங்களில் தேட வேண்டும் என்றால் அந்த தளத்திற்கு சென்று தான் தேட வேண்டும் என்ற அவசியம் இல்லாமலேயே , டக் டக் கோவில் இருந்தே அதில் தேடிக்கொள்ளலாம். தேடலுக்கான குறிச்சொல்லுடன் குறிப்பிட்ட அந்த இணையதளத்தின் பெயரையும் சேர்த்து டைப் செய்தால் , நமது தேடலுக்கான அந்த இணையதள முடிவுகள் டக் டக் கோ பக்கத்திலேயே வந்து நிற்கும். இந்த வசதியை ஐபேங்! என்று டக் டக் கோ குறிப்பிடுகிறது. இதற்கும் ஒரு உதாரணம் பார்க்கலாம். தொழில்நுட்ப வலைப்பதிவான மேக்யூஸ் ஆப் ( இந்த வசதி பற்றி அறிமுகம் செய்த தளம்) தளத்தில் ஐபோன் அல்லது ஆண்ட்ராய்டு ( நடுநிலை!) பற்றிய கட்டுரைகளை தேட விரும்பினால், டக் டக் கோவில் ஐபோன் அல்லது ஆண்ட்ராய்டு என டைப் செய்து கூடவே மேக்யூஸ் ஆப்! என குறிப்பிட்டால் போதும், இந்த தளத்தில் உள்ள தொடர்புடைய கட்டுரைகளை எல்லாம் பார்க்கலாம்.

இது போல நூற்றுக்கணக்கான இணையதளங்கள் பெயரை அடைப்புக்குறியிட்டு தேடும் வசதி இருக்கிறது. இணையதளங்கள் மட்டும் அல்ல, பல பொதுவான குறிச்சொற்களையும் இவ்வாறு தேடலாம். எடுத்துக்காட்டாக புகைப்படங்களை தேட வேண்டும் என்றால் குறிச்சொல்லுடன் இமேஜஸ் எனும் சொல்லை அடைப்புக்குறியுடன் சேர்த்துக்கொள்ள வேண்டும். இந்த வசதிக்கான விரிவான பட்டியலையும் டக் டக் கோ கொடுத்துள்ளது: https://duckduckgo.com/bang.html#menu

தேடிப்பார்த்து சொல்லுங்கள். டக் டக் கோ பற்றிய விரிவான அறிமுகம் தேவையா? இந்த முந்தைய பதிவு பயனுள்ளதாக இருக்கும் :கூகுலுக்கு குட்பை சொல்லுங்கள்: அழைக்கும் புதிய தேடியந்திரம்

கம்ப்யூட்டரில் கோப்புகளை சேமிக்கசரியான வழி எது ?

desநீங்கள் கம்ப்யூட்டர் பயன்படுத்துபவராக இருந்தால் உங்களிடமும் அந்த பழக்கம் இருக்கலாம். அது, கோப்புகளை டெஸ்க்டாப்பில் சேமித்து வைக்கும் பழக்கம். கம்ப்யூட்டர் வைத்திருக்கும் எல்லோரும் செய்வது தான் இது. இப்படி டெஸ்க்டாப்பில் கோப்புகளை சேமித்து வைப்பது எளிதானது, இயலாபாது. சுலபமானது ! அதே நேரத்தில் பாதகமானது என்றும் நிபுணர்கள் சொல்கின்றனர். இமெயிலில் வரும் இணைப்புகளில் துவங்கி , இணையத்தில் டவுண்லோடு செய்யும் புகைப்படம் மற்றும் யூடியூப் வீடியோ என எல்லாவற்றையும் டெஸ்க்டாப்பிலேயே சேமித்து வைப்பது எளிதானது தான். அடுத்த முறை தேவைப்படும் போது எளிதாக கண்ணில் படும். அதோடு ஒரே கிளிக்கில் சேமித்துவிடலாம். தனியே கோப்புகளை தேடி அதற்கென பெயரிட வேண்டிய தேவை கிடையாது.
கோப்புகளை டெஸ்க்டாப்பில் சேமித்து வைப்பதில் உள்ள இது போன்ற சாதகங்கள் எல்லோருக்கும் தெரிந்தது தான். டெஸ்க்டாப்பில் சேமித்து வைப்பது அதனால் தானே! பலரது கம்ப்யூட்டரை பார்த்தாலே இதை தெரிந்து கொள்ளலாம்.டெஸ்க்டாப் முழுவதும் தபால்தலை ஒட்டப்பட்டது போல ஐகான்களாக காட்சி அளிக்கும். சிலர் டெஸ்க்டாப் முழுவதும் இப்படி ஐகான்களாக நிரப்பியிருப்பார்கள். இவற்றில் பெரும்பாலானவை சேமிக்கப்பட்ட கோப்புகள் தான் !

ஆனால் டெஸ்க்டாப் சேமிப்பில் பாதகமான அம்சங்களும் பல இருக்கின்றன தெரியுமா? முதல் பாதிப்பு உங்களுக்கே தெரிந்திருக்கலாம்.கோப்புகளை அடுக்கி கொண்டே இருந்தால் அது உங்கள் டெஸ்க்டாப்பின் தோற்றத்தை பாதிக்கும். கோப்புகள் நிறைந்த டெஸ்க்டாப் கூட்டப்படாத குப்பைகள் நிறைந்த அறை போல சுத்தமில்லாமல் காட்சி அளிக்கலாம். எனினும் இந்த அழகியல் பாதிப்பு கூட பெரிய விஷயமல்ல, டெஸ்க்டாப் கோப்புகள் கம்ப்யூட்டரின் வேகத்தை மட்டுப்படுத்தலாம் என்கிறது ’தி கம்ப்யூட்டர் டியூட்டர்’ இணையதளம். டெஸ்க்டாப் சேமிப்பு தொடர்பான பி.சி வேர்ல்டு கட்டுரை இந்த முறையில் சாதகங்களை விட பாதகங்களே அதிகம் என எச்சரிக்கிறது. கோப்புகள் அதிகரிக்கும் போது குழப்பமாகி எந்த கோப்பு எங்கிருக்கிறது எனத்தெரியாமல் போய்விடலாம் என்பது மட்டும் அல்ல, டெஸ்க்டாப்பில் உள்ள கோப்புகளுக்கு பாதுகாப்பும் கிடையாது ,பேக் அப்பும் கிடையாது என்பது தான் முக்கியமாக கவனிக்க வேண்டியது.
கம்ப்யூட்டரில் வைரஸ் தாக்குதல் போன்ற பாதிப்புகள் ஏற்பட்டால் முதலில் டெஸ்க்டாப்பில் உள்ளவற்றை தான் பதம் பார்க்கும். கோப்புகளை பேக் அப் எடுக்க பயன்படுத்தும் புரோகிம்களும் பெரும்பாலும் டெஸ்க்டாப்பில் உள்ளவற்றை சேமிப்பதில்லை. எனவே , ஏதேனும் பாதிப்பு என்றால் டெஸ்க்டாப் கோப்புகளை இழக்க நேரலாம். அவற்றி திரும்ப பெற முடியாது. அதனால் தான் கோப்புகளை வைப்பதற்கு டெஸ்க்டாப் ஏற்ற இடம் இல்லை என்கின்றனர் நிபுணர்கள்.de

சரி கோப்புகளை எங்கே சேமித்து வைப்பது? கம்யூட்டரின் ஹார்ட் டிஸ்க் தான் ஏற்ற இடம் என்கின்றனர். ஹார்ட் டிஸ்க்கிலும் ஒரே இடத்தில் எல்லா கோப்புகளை சேமிக்க கூடாது ,வெவ்வேறு இடங்களில் வைக்க வேண்டும் என்கின்றனர். நீதி முதலீட்டுக்கான ஆலோசனை போல தான் இதுவும். மூதலீட்டுக்கு பாதுகாப்பு தேவை என்றால் எல்லா சேமிப்பையும் ஒரே வழியில் சேமித்து வைக்கமால், வைப்பு நிதியில் கொஞ்சம், பங்குச்சந்தையில் கொஞ்சம், தங்கத்தில் கொஞ்சம் என பிரித்து முதலீடு செய்ய வேண்டும் என்பார்கள். அதே போல தான் ஹார்ட் டிரைவில் சேமித்து வைக்கும் போதும் , அதில் உள்ள சி அல்லது டி பகுதியிலோ

ஒரு கிளிக் இணைய சேவை.

இணையத்தில் அடுத்து ,அடுத்து என கிளிக் செய்து கொண்டிருப்பதற்கு வாழ்க்கையில் நேரமே இல்லை என்று சொல்கிறது பேஜ் ஜிப்பர் இணையதளம்.

இணையத்திற்கான குறுக்கு வழி வேவைகளில் இதுவும் ஒன்று.உண்மையில் குறுக்கு வழி சேவை இல்லை,சில குறுக்கு வழிகளை நேராக்கும் சேவை என்றும் சொல்லலாம்.

இந்த இணையதளம் என்ன செய்கிறது என்பதை தெரிந்து கொண்டால் ,இது மிகவும் தேவையான சேவை என்று அமோதிப்பீர்கள்.

அப்படி என்ன செய்கிறது என்று கேட்டால் ஓயாமல் கிளிக் செய்து படிக்க வேண்டிய இணைய பக்கங்களை ஒரே கிளிக்கில்,அதாவது ஒரே பக்கத்தில் சுலபமாக படிக்க வழி செய்கிறது பேஜ் ஜிப்பர்.

பெரும்பாலான இணையதளங்களில் ஒரே கட்டுரை பல பகுதிகளாக பிரிக்கப்பட்டு தொடர் பக்கங்களாக கொடுக்கப்பட்டிருப்பதை நீங்கள் பார்த்திருக்கலாம்.பார்த்து வெறுத்திருக்கலாம்.

முதல் பகுதியை படித்து முடித்த உடன் அதன் கீழே உள்ள அடுத்து பகுதியை கிளிக் செய்தால் தான் அடுத்த பகுதியை படிக்க முடியும்.நீளமான கட்டுரை என்றால் அடுத்து அடுத்து என கிளிக் செய்து கொண்டே இருக்க வேண்டும்.

நீளமான,ஆழமான செறிவான கட்டுரை என்றால் அதனை ஒரே பக்கத்தில் தராமல் சில பகுதிகளாக பிரித்து அளிக்கப்பட்டிருப்பது புரிந்து கொள்ளகூடியது தான்.இத்தகைய கட்டுரைகளில் கூட அதனை ஒரே பக்கத்தில் படிப்பதற்கான வசதி கொடுக்கப்பட்டிருக்கும்.

ஆனால் பல கட்டுரைகள் தேவையில்லாமல் பல பகுதிகளாக பிரித்து தரப்பட்டிருக்கும்.இவை கிளிக் விகிதத்தை அதிகரிப்பதற்கான மலிவான உத்தியே தவிர வேறில்லை.கட்டுரைகள் மட்டும் அல்லாமல் டாப் டென் அல்லது டாப் 50 போன்ற பரிந்துரை கட்டுரைகளும் இதே போல பல பகுதிகளாக பிரிக்கப்பட்டிருக்கும்.

ஒவ்வொரு பகுதியாக கிளிக் செய்து ஒவ்வொரு பரிந்துரையாக படிக்க வேண்டும்.ஒவ்வொருவரும் பல இணையதளங்களை பறவை பார்வையாக பார்த்து வரும் போது இப்படி ஒரே கட்டுரையில் நேரத்தை செலவிடுவது வெறுப்பை ஏற்படுத்தும்.

இது போன்ற நேரங்களில் இணையவாசிகள் கொஞ்சம் ஆவேசமாகி இந்த கட்டுரையே வேண்டாம் என வெளியேறிவிடுவதும் உண்டு.

பேஜ் ஜிப்பரை பயன்படுத்த துவங்கிவிட்டால் இப்படி கோபத்தில் வெளியேற வேண்டாம்.காரணம் இந்த சேவை பல பக்கங்களாக பிரிந்து கிடக்கும் கட்டுரைகளை ஒரே பக்கத்தில் படிக்க உதவுகிறது.உங்கள் பிரவுசருக்கான டூல்பாராக கிடைக்கும் இதனை டவுண்லோடு செய்து கொண்டுவிட்டால் போதும்,அதன் பிறகு எப்போதெல்லாம் தொல்லை தரும் பல பகுதி கட்டுரைகளை பார்க்கிறீர்களோ,அப்பொதெல்லாம் இந்த டூல் பாரை கிளிக் செய்தால் போதும் அது தானாக அடுத்து பகுதியில் அந்த பக்கம் விரிந்து கொண்டே போக வழி செய்து தொட்ர்சியாக படிக்க வைக்கும்.

மாமுலான இணைய பக்கங்கள் மட்டும் அல்லாது புகைப்பட கேலரி தளங்களையும் இந்த சேவை மூலம் பார்வையிடலாம்.அடுத்த புகைப்படத்தை கிளிக் செய்யாமலேயே வரிசையாக புகைப்படங்களை பார்த்து ரசிக்கலாம்.

அதே போல இணைய விவாத குழுக்களிலும் இந்த சேவையை பயன்படுத்தி அனைத்து கருத்துக்களையும் ஒரே பக்கத்தில் பார்வையிடலாம்.

விலம்பரங்கள் இல்லாமல் விரும்பிய வண்ணம் இணைய பக்கங்களை அச்சிட்டு கொள்ள உதவும் பிரின்ட் வாட் யூ லைக் தளத்தின் உப சேவை இந்த பயனுள்ள இணையதளம்.பயன்படுத்தி பாருங்கள்.

பிரின்ட் வாட் யூ லைக் சேவை எந்த இணைய பக்கத்திலும் அதில் உள்ள விளம்பரங்கள் மற்றும் தேவையில்லாத விவரங்களை தவிர்த்துவிட்டு தேவையான் பகுதிய மட்டும் அச்சிட்டு கொள்ள வழி செய்கிறது.இணைய பக்கங்களை அச்சிட்டு பயன்படுத்துபவர்களுக்கு மிகவும் பயனுள்ளதாக இருக்கும் இது.

இணையதள முகவரி;http://www.printwhatyoulike.com/pagezipper