Tag Archives: spam

சில்லென்று ஒரு இமெயில் அனுப்புவது எப்படி?

coldmailஇமெயில் உலகில் ஸ்பேம் மெயில்கள் மிகவும் பிரசித்தமானது. அழையா விருந்தாளிகளாக இன்பாக்சை வந்தடையும் இந்த வகை வீணான விளம்பர மெயில்களை இமெயில் முகவரி பெட்டியில் நீங்கள் பலமுறை எதிர்கொண்டிருக்கலாம். சில நேரங்களில் இத்தையை குப்பை மெயில்கள் கோபத்தின் உச்சிக்கே கூட கொண்டு செல்லலாம்.

ஸ்பேம் மெயில்கள் போலவே இன்னொரு வகையான மெயில்கள் இருக்கின்றன தெரியுமா? இந்த வகை மெயில்களையும், அவற்றை அனுப்பி வைக்கும் நுணுக்கங்களையும் அறிந்து வைத்திருப்பது, வேலை வாய்ப்பு தேடல் முதல் வலைப்பின்னலுக்கான வலை வீச்சு வரை பலவிதங்களில் உதவியாக இருக்கும்.

அதென்ன இமெயில் வகை என்று கேட்கிறீர்களா?  கோல்ட் இமெயில்கள் தான் அவை. தமிழில் குளிர் இமெயில் என பொருள் கொள்ள முடியாது. இதமில்லா இமெயில் என வேண்டுமானாலும் வைத்துக்கொள்ளலாம்.  இப்படி ஒரு இமெயிலை ஏன் அனுப்ப வேண்டும்? அதனால் என்ன பலன்?

இதமில்லா இமெயில்களை அனுப்பி வைப்பதற்கான அவசியம் இருக்கிறது. சரியான முறையில் அனுப்பி வைத்தால் இவற்றுக்கு நல்ல பலனும் கிடைக்கும்!

பொதுவாக தெரிந்தவர்களுக்கும், நண்பர்களுக்கும் தான் இமெயில் அனுப்புவது வழக்கம். அல்லது அலுவல் நோக்கில் வந்துள்ள மெயில்களுக்கு பதில் அனுப்பி வைப்போம். இவ்வாறு இல்லாமல் முன்பின் அறிமுகம் இல்லாத ஒருவருக்கு அவர் நம்மிடம் இருந்து மெயில் வரக்கூடும் என்று எதிர்பார்க்காத நிலையில், இமெயில் அனுப்பி வைப்பதை தான் ஆங்கிலத்தில் கோல்ட் இமெயில் என்கின்றனர். அறிமுகம் இல்லாத ஒருவரை தொலைபேசியில் அழைத்து பேசுவது கோல்ட் கால் என சொல்லப்படுவதை போல, அனுமதி இல்லாமல் அனுப்பபடும் மெயில்கள் கோல்ட் மெயில் என சொல்லப்படுகின்றன.

எதிர்பார்ப்பு இல்லாத போது நிகழும் அறிமுகம் ஊடுருவல் என்பதால் இதமானவை அல்ல என்பதை உணர்த்த கோல்ட் என குறிப்பிடப்படுகிறது.

அனுமதி இல்லாமல் அனுப்பி வைக்கப்பட்டாலும், இந்த வகை இமெயில்கள் அழையா விருந்தாளிகளாக கருதப்படும் ஸ்பேம் மெயில்களில் இருந்து வேறுபட்டவை. ஏனெனில் இவை விளம்பர நோக்கில் அனுப்பி வைக்கப்படுபவை அல்ல. அதைவிட முக்கியமாக, ஆயிரக்கணக்கானோருக்கு அனுப்பி வைப்போம், யாராவது ஒரு சிலர் பார்த்தாலும் லாபமே என்ற மலிவான மார்கெட்டிங் உத்தி போல இல்லாமல், இவை குறிப்பிட்ட ஒருவருக்கு மட்டுமே அனுப்பி வைக்கப்படுபவை என்பதோடு, அவரிடம் இருந்து பதிலை முக்கியமாக எதிர்பார்ப்பவை. எனவே, தேவையான நேரங்களில் இந்த உத்தியை தாராளமாக பயன்படுத்தலாம்.

உதாரணமாக, ஒரு நிறுவனத்தில் வேலைவாய்ப்புக்கான நுழைவு தேவை எனில் அங்குள்ள உயர் அதிகாரி ஒருவருக்கு இமெயில் அனுப்பி வைக்கலாம். புதிய முயற்சிக்கான ஆதரவு தேவை எனில், முன்பின் தெரியாத பெரிய மனிதரிடம் இமெயிலில் உதவி கோரலாம். இயக்குராகும் கனவில் இருப்பவர்கள் பிரபல தயாரிப்பாளருக்கு குறும்பட இணைப்புடன் வாய்ப்பு கேட்கும் இமெயில் அனுப்பலாம். இப்படி எண்ணற்ற தருணங்களில் குறிப்பிட்ட நோக்கத்திற்காக அறிமுகம் இல்லாதவர்களுக்கு அனுமதி இல்லாமலே இமெயில் அனுப்பி வைக்கலாம்.

இது இமெயில் உலகில் ஏற்றுக்கொள்ளப்பட்ட உத்தியாகவே இருக்கிறது. கூகுளில் கோல்ட் இமெயில் எனும் பதத்தை தேடிப்பார்த்தால், சிறிந்த முறையில் கோல்ட் மெயில் அனுப்புவதி எப்படி என வழிகாட்டும் கட்டுரைகள் அணிவகுத்தி நிற்பதை பார்க்கலாம். எனவே இது இமெயில் கலையில் அவசியம் கற்றுக்கொள்ள வேண்டிய கலை.

இந்த நுணுக்கங்களை விளக்கும் பல்வேறு கட்டுரைகளில் பொதுவாக காணப்படும் முக்கிய அம்சங்களை பார்க்கலாம்:

தலைப்பு முக்கியம்: நீங்கள் யார் என்பது தெரியாததால் உங்கள் மெயிலை பார்த்ததுமே அதை அலட்சியம் செய்ய அல்லது டெலிட் செய்யத்தோன்றலாம். அதற்குள் நீங்கள் கவனத்தை ஈர்த்தாக வேண்டும். இமெயிலுக்கான தலைப்பு மூலம் அதை செய்ய வேண்டும். மெயிலின் நோக்கம், உள்ளடக்கம் ஆகியவற்றை தலைப்பு கச்சிதமாக தெரிவிக்க வேண்டும். கொஞ்சம் கவனத்தை ஈர்க்கும் வகையில் இருந்தாலும் நல்லது. ஆனால் மிகை வார்த்தைகளோ, அலங்காரமோ தேவையில்லை. இத்தகைய தலைப்புக்கு கொஞ்சம் யோசிக்க வேண்டும்.

நீங்கள் யார்? தலைப்பு மூலம் கவனத்தை ஈர்த்த சில நொடிகளில் நீங்கள் யார் என்பதை தெரிவித்து விட வேண்டும். அதற்கான அறிமுகம் இமெயிலில் இருக்க வேண்டும். மெயில் பெறுபவருக்கு நீங்கள் அறிமுகம் இல்லாத நபர் என்பதால் இது மிகவும் முக்கியம். அதோடு உங்களைப்பற்றிய அறிமுகம் ஒரு நம்பகத்தன்மையை கொடுக்கும். இதை செய்ய சிறந்த வழி, இருவருக்கும் பொதுவாக அறிமுகமான ஒருவரை சுட்டிக்காட்டலாம். அப்படி யாரும் இல்லாவிட்டால், மெயில் அனுப்பும் நபர் பற்றி நன்றாக ஆய்வு செய்து அடிப்படை தகவல்களை தெரிந்து கொண்டு அவருக்கு ஏற்ற வகையில் தகவல்களை தெரிவிக்க வேண்டும்.

சிக்கனம் முக்கியம்: இனி உங்களுக்கு என்ன தேவை என்பதை தெரிவிக்க வேண்டும். சுற்றி வளைக்காமல் நேரடியாக விஷயத்திற்கு வர வேண்டும். இரண்டு, மூன்று பத்திகளில் விஷயத்தை முடித்துக்கொள்ள வேண்டும். ஏனெனில் அதற்கு மேல் நீளும் மெயில்கள் அநேகமாக படிக்கப்படும் வாய்ப்பில்லை. தவிர அவரது நேரத்தை அதிகம் எடுத்துக்கொள்வதும் முறையல்ல.

நெத்தியடி கோரிக்கை; சுருக்கமான வார்த்தைகளில் நீங்கள் எதிர்பார்ப்பது என்ன என்பதை தெரிவிக்க வேண்டும். இந்த கோரிக்கை எளிமையானதாக, மறுக்கப்பட முடியாததாக இருந்தால் இன்னும் சிறப்பு. உதாரணத்திற்கு உங்கள் நிறுவனத்தில் வேலை கிடைக்குமா என கேட்பதைவிட, உங்கள் நிறுவன கலாச்சாரம் பற்றி அறிய பத்து நிமிடம் உங்களை சந்தித்து பேச இயலுமா என கேட்கலாம்.

கொஞ்சம் புகழுங்கள்: கேட்டத்து கிடைக்கும் என்றால் நீங்கள் ஏதாவது கொடுக்கத்தயாராக இருக்க வேண்டும். அப்படி ஏதேனும் உங்களிடம் இருக்கிறதா என பார்த்து அதை குறிப்பிடவும். உதாரணத்திற்கு பிரபல இயக்குனர் எனில், இணைய விஷமிகள் பற்றி புலம்பியிருந்தால், அதில் இருந்து தற்காத்துக்கொள்ளும் இணையவழிகளை குறிப்பிடலாம். இப்படி எதுவும் இல்லாவிட்டாலும் பரவாயில்லை, அவரைப்பற்றி புகழ்ச்சியாக நான்கு வார்த்தைகள் கூறுங்கள். ஆனால் இவை வெறும் புகழ்ச்சியாக இல்லாமல், இயல்பானதாக, அவரைப்பற்றிய சரியான புரிதல் அடிப்படையில் இருக்க வேண்டும்.

தனிப்பட்ட தன்மை: நீங்கள் தொடர்பு கொள்ளும் நபரை பற்றி இயன்ற அளவு ஆய்வு செய்து அவருக்கு ஏற்ற வகையில் தனிப்பட்ட முறையில் உங்கள் கோரிக்கையை வைக்கவும்.

எப்போதேனும் தேவை ஏற்பட்டால் இப்படி ஒரு மெயிலை அனுப்பி பாருங்கள். ஒரு சிறு குறிப்பு; இணையத்தில் தேடினால், சிறந்த கோல்ட் இமெயில்களை அனுப்புவதற்கான குறிப்புகள் மட்டும் அல்ல, இதற்கான இமெயில் வடிவங்களே கூட கொட்டிக்கிடக்கின்றன. ஆனால் ஒரு போதும் அவற்றை பயன்படுத்த முயற்சிக்க வேண்டாம். ஏனெனில் இந்த வகை மெயிலின் பலமே, பெறுபவருக்கு ஏற்ற வகையில் அதை நீங்கள் தனிப்பட்ட தன்மையோடு அனுப்புவதில் தான் இருக்கிறது.

இன்னொரு குறிப்பு, இப்படி ஆயிரம் மெயில்களை அனுப்பி வைத்து அதனடிப்படையில் ஆயுவு செய்து ஸ்மார்ட் கட்ஸ் எனும் புத்தகத்தை ஷேன் ஸ்னோ எனும் பத்திரிகையாளர் எழுதியிருக்கிறார்;. goo.gl/LQ5Gz8

உதவக்கூடிய கட்டுரை: goo.gl/LcY3pF

 

நன்றி; தமிழ் இந்து இளமை புதுமையில் எழுதியது.

இமெயில் வாசிக்கப்பட்டதா என அறிவது எப்படி? சில வழிகள்! பல கேள்விகள்!

bananatag_01-100612056-large.idgeநான் அனுப்பிய இமெயில் திறக்கப்பட்டு, படிக்கப்பட்டதா என்பதை அறிவது எப்படி?
இமெயில் பயனாளிகள் பலருக்கும் கேட்கக்கூடிய கேள்வி தான் இது. இந்த கேள்விக்கான தேவையை எளிதாக புரிந்து கொள்ளலாம். மிகவும் முக்கியமான மெயிலை அனுப்பும் நிலையில் ஒருவர் அது வாசிக்கப்பட்டதா? என்பதை அறிந்து கொள்ள ஆர்வம் காட்டலாம். அந்த மெயிலுக்கான பதில் மிகவும் எதிர்பார்க்கப்படும் நிலையிலும் இவ்வாறு ஆர்வம் ஏற்படலாம். பொதுவாகவே, ஒருவர் படிக்கப்பட வேண்டும் என்பதற்காக தானே மெனக்கெட்டு மெயில் அனுப்புகிறார். எனவே அது வாசிக்கப்பட்டதா என்பதை தெரிந்து கொள்ளும் ஆர்வம் இயல்பானதே!

இமெயில் பயனாளிகளில் எத்தனை பேருக்கு இந்த கேள்வி எழுகிறது? எப்போது எழுகிறது என்பவை சுவாரஸ்யமான துணை கேள்விகள்!

இப்போது, இமெயில் வாசிக்கப்பட்டதா என்பதை அறியும் வழி இருக்கிறதா? எனும் ஆரம்ப கேள்விக்கான பதிலை பார்க்கலாம். இந்த கேள்விக்கான பதில் எளிமையானது மற்றும் சிக்கலானது. எளிமையான பதில், இமெயில் வாசிக்கப்பட்டதை அறிய வழி இருக்கிறது. ஆனால் அது உங்கள் இமெயில் சேவையில் இல்லை; தனியே நாடப்பட வேண்டும். அதாவது இந்த வசதியை அளிப்பதற்கு என்றே தனியே இணையதளங்கள் இருக்கின்றன.

இத்தகைய சேவைகளை பட்டியலிட்டு அவை செயல்படும் விதம் பற்றி விளக்குவதற்கு முன் அடிப்படையான சில விஷயங்களை தெரிந்து கொள்ள வேண்டும். ஏனெனில் இமெயில் வாசிக்கப்பட்டதா? என்பதை அறியும் வசதி இமெயில் கண்காணிப்பு என்றே குறிப்பிடப்படுகிறது. ஆங்கிலத்தில் இமெயில் டிராக்கிங் என்று சொல்லப்படுகிறது. கண்காணிப்பு என்றவுடன் ஒற்று அறிவது அல்லது உளவு பார்ப்பதுடன் ஒப்பிட முடியாது என்றாலும் கூட, இமெயில் வாசிக்கப்பட்டதா என்பதை அறிவதற்கான வழிகள் அனைத்தும் ஒருவிதத்தில் கண்காணிப்பு என்று சொல்லக்கூடிய உத்தியையே பின்பற்றுகின்றன. அதனால் தான் இந்த பதில் சிக்கலானதாகவும் அமைகிறது.
வழக்கமாக யார் இமெயில் அனுப்பி வைத்தாலும் சரி, பெறுபவர் அதை உடனடியாக படித்துப்பார்கலாம், அல்லது தாமதமாக படிக்கலாம். இல்லை படிக்காமலே டெலிட் செய்து விடலாம். இது அவரது விருப்பம் மற்றும் உரிமை. அனுப்புகிறவர் இமெயில் பெறும் போதும் இது பொருந்தும்.

பொதுவான இமெயில் அமைப்பில், மெயில் வாசிக்கப்பட்டதா என்பதை உணரும் வழி இல்லை. அவுட்லுக் போன்ற இமெயில் சேவையில், இதை உறுதி செய்து கொள்வதற்காக, பெறப்பட்டது என்பதை தெரிவிக்கும் வசதி இருக்கிறது. ஆனால் இந்த வசதியை ஏற்று பதில் தெரிவிப்பது மறுமுனையில் இருப்பவரின் விருப்பம் சார்ந்தது. இந்த வசதியை பிளாக் செய்வதற்கான வழியும் இருக்கிறது. எனவே, இதற்கான நேரடி வழி இல்லை.
இந்த இடத்தில் தான் இமெயில் டிராக்கிங் சேவைகள் வருகின்றன். பனானாடேக், பூமாரங், ட்டிதேரீட் இட் ஸ்டீரிக், காண்டாக்ட் மன்கி மற்றும் இன்னும் பிற பல சேவைகள் இந்த வசதியை அளிக்கின்றன. குரோம் பிரவுசருக்கான நீட்டிப்பு மூலம் இந்த வசதியை அளிக்கும் சேவைகளும் கூட இருக்கின்றன.

இந்த சேவைகளை பயன்படுத்தும் போது அவை ஒருவர் அனுப்பும் இமெயிலில் சின்னதாக ஒரு புகைப்பட குறியீட்டை இடம்பெறச்செய்கின்றன. கண்ணுக்குத்தெரியாத புள்ளியாக கூட அது இருக்கலாம். அதில் இருக்கும் எச்.டி.எம்.எல் குறியீடு மூலம் மெயில் பிரிக்கப்பட்டதும், சர்வருக்கு தகவல் தெரிவிக்கப்படும். இந்த தகவல் பயனாளிக்கும் தெரிவிக்கப்படும்.

இதே முறையில் இமெயிலில் அனுப்பும் இணைப்புகள் கிளிக் செய்யப்பட்டதா என்பதை அறியவும் தனியே ஒரு குறியீடு இணைக்கப்படுகிறது. இந்த சேவைகளின் மூலம் இமெயில் எப்போது பிரிக்கப்பட்டது என்பதையும், அதன் இணைப்புகள் கிளிக் செய்யப்பட்டதா என்பதையும் அறியலாம். பொதுவாக மார்க்கெட்டிங் நோக்கில் இமெயில்களை கூட்டம், கூட்டமாக அனுப்பி வைப்பவர்கள் தங்கள் முயற்சியின் பலனை அறிய இந்த சேவைகளை பயன்படுத்துகின்றன. தனி நபர்களும் கூட இந்த சேவையை பயன்படுத்தலாம். இவற்றில் இலவச சேவைகளும் இருக்கின்றன, கட்டண சேவைகளும் இருக்கின்றன. இது தொடர்பான இணைப்பு: http://www.computerworld.com/article/2979569/web-browsers/review-6-chrome-extensions-let-you-track-your-gmail.html

ஆனால் இதை கூட நூறு சதவீதம் உத்திரவாதமானது என்று சொல்வதற்கில்லை. டிராக்கிங் சேவைகள் அதிகபட்சமாக இமெயில் திறக்கப்பட்ட தகவலை தெரிவிக்கின்றன. ஆனால் அது வாசிக்கப்பட்டதன் அடையாளமாக அமையுமா என்பது கேள்விக்குறி தான். அதை மெயில் பெற்றவர் மட்டும் தான் உறுதி செய்ய முடியும்.

இமெயிலின் அத்தனை வசதிகளையும் மீறி இது நிச்சயம் இமெயிலின் குறை தான். இல்லை அப்படியும் சொல்வதற்கில்லை. உண்மையில் இது இமெயில் பயன்படுத்தப்படும் விதத்தின் பக்கவிளைவாக உண்டான பிரச்சனை. இமெயில் அடிப்படையில் இலவசமாக இருப்பதால், அதை தகவல் தொடர்புக்காக மட்டும் அல்லாமல், மார்க்கெட்டிங் மற்றும் விளம்பர நோக்கிலும் பயன்படுத்தி வருகின்றனர். காசா, பணமா, ஒரு இமெயில் தானே என வர்த்தக நிறுவனங்கள் கூட்டமாக மெயில்களை அனுப்பி வைக்கின்றன. இவை த்தவிர மோசடி மெயில்கள், வில்லங்க மெயில்கள், மால்வேர் வாகன மெயில்கள் என பல ரகங்கள் இருக்கின்றன. இவை எல்லாமுமாக சேர்ந்து ஸ்பேம் எனப்படும் குப்பை மெயில்களாக வகைப்படுத்தப்படுகின்றன.

இத்தகைய குப்பை மெயில்களில் இருந்து பயனாளிகளுக்கு பாதுகாப்பு தேவைப்படவே செய்கிறது. இதன் விளைவாகவே மெயில்களை படித்துவிட்டோம் என தெரிவிக்கும் வசதி செயலிழக்க செய்யப்பட்டுள்ளது. இதன் விளைவை உண்மையான அக்கரையோடு தங்கள் மெயிலுக்கான எதிர்வினையை தெரிந்து கொள்ள நினைப்பவர்களும் அனுபவிக்க வேண்டியிருக்கிறது.

இதற்கான மூன்றாம் தரப்பு தீர்வாகனே மெயில் டிராக்கிங் சேவைகள் அமைகின்றன. ஆனால் அதிலும் சிக்கல்கள் இல்லாமல் இல்லை. இது போன்ற சேவைகள் மூலம் மெயில் பிரிக்கட்ட நேரத்தை அறிவதோடு, அவை பிரிக்கப்பட்ட இடத்தை கூட அறியலாம். இது தனியுரிமை மீறலுக்கு வழிவகுக்கலாம். மேலும் இணைய விஷமிகள் இதை தவறான நோக்கத்தில் பயன்படுத்தும் வாய்ப்பும் இருக்கிறது. எனவே இமெயில் டிராக்கிங் சேவையை பயன்படுத்தும் எண்ணம் இருந்தால், அதை மெயில் அனுப்பும் போது தெரிவித்துவிடுவது சிறந்த இணைய அறமாக இருக்கும். அதிலும் வர்த்தக நிறுவனத்தில் இருந்து கொண்டு இதை செய்யும் நிலையில் நிச்சயம் இது தொடர்பான நிறுவன கொள்கையை அறிந்திருப்பது நல்லது.

பயனாளிகள் நோக்கில் பார்த்தால், இன்பாக்ஸ் தேடி வரும் இமெயிலுக்குள் இப்படி ஒரு வசதி இருப்பதும் அதை அறியாமல் இருப்பதும் திடுக்கிட வைக்கலாம். ஆனால் நல்லவேளையாக இதை தடுக்கும் வசதியும் இல்லாமல் இல்லை. ஜிமெயில் உள்ளிட்ட பெரும்பாலான மெயில் சேவைகளில் செட்டிங் பகுதிக்கு சென்று , புகைப்படம் போன்றவை இணைக்கப்பட்டிருக்கும் நிலையில் அவை தானாக திறக்கப்படாமல், புகைப்பட இணைப்பை திறக்கலாமா என அனுமதி கேட்டு அதன் பிறகே செயல்படும் வகையில் அமைத்துக்கொள்ளலாம். இது தொடர்பான இணைப்பு: http://bgr.com/2015/11/19/how-to-stop-email-tracking/

நல்ல பாஸ்வேர்டை உருவாக்குவது எப்படி?

1pwgஒரு நல்ல பாஸ்வேர்டு எவராலும் யூகித்து அறிய முடியாததாக இருக்க வேண்டும்.அதே நேரத்தில் உருவாக்கியவரால் எளிதில் நினைவில் கொள்ளக்கூடியதாக இருக்க வேண்டும்.இந்த இரண்டு குணாதிசயங்களும் கொண்ட பாஸ்வேர்டை உருவாக்குவது சவால் தான். ஆனால் சாத்தியமில்லாதது இல்லை.

பாதுகாப்பான பாஸ்வேர்டுக்கு பல அம்சங்களை சொல்கின்றனர்.தனிப்பட்ட விஷயங்கள் சார்ந்ததாக பாஸ்வேர்டு இருக்க கூடாது.அகராதி சொற்கள் கூடவே கூடாது.பொதுவாக பலரும் பயன்படுத்தும் பதங்களை சுத்தமாக‌ தவிர்த்துவிட வேண்டும்.இப்படி நிபந்தனை போன்ற பல அம்சங்கள் வலியுறுத்தப்படுகின்றன.

இவை போதாதென்று பாஸ்வேர்டில் எண்கள் இருக்க வேண்டும்,பெரிய எழுத்து சின்ன எழுத்து வேறுபாடு இருக்க வேண்டும் என்று அவற்றை சிக்கலானதாக மாற்றவும் வலியுறுத்துகின்றனர். பாஸ்வேர்டுகளை யூகித்தறிய முயலும் தாக்காளர்களிடம் இருந்து தப்பிக்க இவையெல்லாம் அவசியம்.

எல்லாம் சரி,ஆனால் இத்தகைய சிக்கலான பாஸ்வேர்டை நினைவில் கொள்வது எப்படி? பாஸ்வேர்டு ஆலோசனையில் அவற்றை காகிதத்தில் எழுதியும் வைத்து கொள்வது தடை செய்யப்பட்டுள்ளது.இது மட்டுமா எல்லா இணைய சேவைகளுக்கும் ஒரே பாஸ்வேர்டு கூடாது,வெவ்வேறு பாஸ்வேர்டு தேவை என்று சொல்லப்படுவதும் ஏற்கக்கூடியதாகவே இருக்கிறது.ஆனால் ஒன்றுக்கும் மேற்பட்ட சிக்கலான பாஸ்வேர்டுகளை மனப்பாடம் செய்து கொள்வது என்றால் படிக்காத மாணவனுக்கு தேர்வை நினைத்து உண்டாகும் அச்சம் அல்லாவா ஏற்பட்டு விடுகிறது.

ஆனால் இந்த அலவுக்கு பாஸ்வேர்ட் பாதுகாப்பிற்காக அஞ்சி நடுங்க வேண்டியதில்லை. பாஸ்வேர்டையும் எளிமையாக்காமல் அதே நேரத்தில் அதன் பாதுகாப்பு அம்சத்தியும் நீர்த்து போகச்செய்யாமல் நல்ல பாஸ்வேர்டை அமைத்து கொள்ள எளிய வழி இருக்கிறது.

பாஸ்வேர்டை நேரடியாக தேர்வு செய்யாமல் அடிப்படையாக ஒரு சொல் அல்லது சொற்றடரை வைத்துக்கொண்டு அதன் மீது மாற்றங்களை செய்வதன் மூலம் பாஸ்வேர்டை உருவாக்கி கொள்ளலாம். உதாரணத்திற்கு சாலிட் எனும் ஆங்கில சொல் அடிப்படை பாஸ்வேர்டு சொல் என  வைத்துக்கொள்வோம். இப்போது இதில் உள்ள ஆங்கில் எழுத்துக்களை எல்லாம் எண்களாக மாற்றி அதை பாஸ்வேர்டாக்கி கொள்ளலாம்.அல்லது முதல் மற்றும் கடைசி எழுத்தை எண்ணாக மாற்றலாம். அதே போல அந்த சொல்லை அப்படியே தலைக்கீழாக எழுதி வைத்துக்கொண்டால் அதுவும் நல்ல பாஸ்வேர்டாக இருக்கும்.

அடிப்படையான சொல் நினைவில் நிற்கும் என்பதால் அதில் செய்த மாற்றங்களை மட்டும் வைத்துக்கொண்டு பாஸ்வேர்டை மறக்காமல் இருக்கலாம். கொஞ்சம் கற்பனையை பயன்படுத்தி படைப்பாற்றலோடு மாற்றங்களை செய்தால் மற்றவர்களால யூகிக்க முடியாத பாஸ்வேர்டை எளிதாக அமைத்துக்கொள்ளலாம்.

இதே யுக்தியை இன்னும் ஒரு படி மேலே சென்று பயன்படுத்தலாம். அடிப்படை சொல்லுக்கு பதிலாக ஒரு சொற்றடரை தேர்வு செய்து கொள்ளலாம். அந்த சொற்றொடர் நீங்கள் உருவாக்கிய வாசக‌மாகவோ கவிதை வரியாக‌வோ இருக்கலாம். இந்த சொற்றொடரில் உள்ள சொற்களின் முதல் எழுத்தை மட்டும் ஒன்றாக சேர்த்தால் வலுவான பாஸ்வேர்டு தயாராகி விடும்.இந்த சொற்றொடரில் எண்கள் இடம்பெற்றால் இன்னும் விஷேசம்.

இந்த ஒரு வாசகத்தை வைத்துக்கொண்டு ஒவ்வொரு இணைய சேவைக்கும் ஏற்ப சின்ன மாற்றத்தை செய்து வெவ்வேறு பாஸ்வேர்டை உ

இணையத்தில் பாதுகாப்பாக தேட!.

கூகுல் உள்ளிட்ட பல தேடியந்திரங்கள் உங்கள் கம்ப்யூட்டரில் குக்கீஸ் எனப்படும் சாப்ட்வேர் உளவாளிகளை ஒளிய வைத்து தகவல்களை சேகரித்து கொண்டே இருப்படு உங்களுக்கு தெரிந்திருக்கலாம்.தெரியும் தான் ஆனால் என்ன செய்வது என்று நீங்கள் ஆற்றாமையோடோ அல்லது இது தான் இணைய நிதர்சனம் என்றோ நினைத்து கொண்டிருந்தால்,பாதுகாப்பான தேடலில் ஈடுபட உங்களுக்கு உதவ இணையதளங்கள் இருக்கின்றன என்பதை தெரிந்து கொள்ளுங்கள்.

குகூன் இந்த வகையான இணையதளம் தான்.

குகூன் என்ன செய்கிறது என்றால் நீங்கள் தேடும் போது தேடியந்திரங்களோ இணையதளங்களோ குக்கீஸ் மூலம் உங்கள் இணைய செயல்பாடுகளை கண்காணிக்க முடியாமல் செய்கிறது.இதன் மூலம் உங்களை பற்றிய தகவல்கள் சேகரிக்கப்படுவதையும் தடுக்கிற‌து.

அடு மட்டும் அல்ல,இணையம் மூலம் வைரஸ் மற்றும் மால்வேர் போன்றவை உள்ளே வராமலும் இது தடுக்கிற‌து.

மேலும் ஒரு மாற்று இமெயிலையும் உருவாக்கி தந்து குப்பை மெயிகளிலும் இருந்து காப்பாற்றுகிற‌து.

உங்கள் இணைய அந்தரங்கத்தை கட்டி காக்க உதவும் சேவையான இதனை பிரவுசர் நீட்டிப்பாக டவுண்லோடு செய்து கொள்ளலாம்.

இணையதள முகவரி;https://getcocoon.com/

————-

இணையவாசிகள் பற்றி தகவல் சேகரிக்கும் கூகுல் போன்ற தேடியந்திரங்களுக்கு மாற்று தேடியந்திரம் இது…http://cybersimman.wordpress.com/2012/01/21/search-31/

bouncr-logo-top

குப்பை மெயில்களை தடுக்க புதிய வழி.

ஸ்பேம் என்று சொல்லப்படும் தேவையில்லாத இமெயில்களை தவிர்க்க விரும்பினால் இமெயில் முகவரியை பகிர்ந்து கொள்ளும் விஷய‌த்தில் கொஞ்சம் எச்சரிக்கையாக இருப்பதை தவிர வேறு வழியில்லை.ஆனால் இணையத்தில் உலாவும் போது ஏதாவது ஒரு காரணத்திற்காக இமெயில் முகவரியை சம்ர்பிப்பது தவிர்க்க இயலாததாக இருக்கிறது.

இது போன்ற நேரங்களில் தயக்கமில்லாமல் பயன் படுத்துவதற்காக என்றே தற்காலிக இமெயில் சேவைகளும் உருவாக்கப்பட்டுள்ளன.

டட்மெயில்,நாட் ஷேரிங் மை இன்போ என்று பல இணையதளங்கள் வேண்டாத மெயில்களில் இருந்தும் விளம்பர மெயில்களில் இருந்தும் பாதுகாப்பு அளிக்கின்றன.

இந்த வரிசையில் நிச்சயம் மேலும் ஒரு புதிய இணையதளம் உற்சாகத்தை தராது என்ற போதிலும் பவுன்சர் தளத்தை அப்படி அலட்சியப்படுத்தி விட முடியாது.காரணம் இமெயில் தடுப்பில் இது கொஞ்சம் புதுமையான வழியை பின்பற்றுகிற‌து.

பவுன்சர் புதிதாக ஒரு மாற்று இமெயிலை உருவாக்கித்தாராமல் உங்கள் இமெயில் முகவரியையே மாற்றித்தருகிரது.அதாவது பிட்.லே போன்ற இமெயில் சுருக்க சேவையை போல இதுவும் இமெயில் முகவ‌ரியை சுருக்கி தருகிற‌து.

இதற்காக இந்த தளத்தில் இமெயில் முகவ‌ரியை சமர்பித்தவுடன் அதனை அழகாக சுருக்கி தருகிறது.தேவைப்பட்டால் இந்த முகவ்ரியை விருப்பத்திற்கு ஏற்ப மாற்றிக்கொள்ளலாம்.

அதன் பிறகு எந்த தளத்தில் இமெயில் முகவரியை சம‌ர்பிக்க வேண்டியிருந்தாலும் இந்த சுருக்கமான முகவரியை அளித்தால் போதும்.

பதில் மெயில்கள் பவுன்சர் முகவரி வழியே உங்கள் இன்பாக்சை வந்தடைந்து விடும்.ஆனால் உங்கள் உண்மையான இமெயில் முகவரி யாருக்கும் தெரியாது.பாதுகாப்பாகவே இருக்கும்.

இந்த தளம் சுருக்கப்பட்ட இமெயில் முகவ‌ரியை அதிலிருந்தே டிவிட்டர் அல்லது பேஸ்புக்கில் பகிர்ந்து கொள்ளலாம்.

பவுன்சர் முகவரியை எப்போது வேண்டுமானாலும் ரத்து செய்து விடலாம்.அதே போல எத்தனை முகவரிகளை வேண்டுமானாலும் உருவாக்கி கொள்ளலாம்.

சுவாரஸ்யமான பயனுள்ள சேவை.

இமெயில் முகவரியை பெற;http://boun.cr/

————-

இதையும் படித்துபாருங்கள்;வேண்டாத மெயில்களை எதிர்த்து போராடும் இணையவீரர்.