Tag Archives: speech

உரையாற்றும் நேரத்தை கணக்கிட உதவும் தளம்

speechinminutes.com
சின்னதாக உரை நிகழ்த்துவதாக இருந்தாலும் சரி, பொது நிகழ்ச்சியில் மேடையேறி பேசுவதாக இருந்தாலும் சரி, தயாரிப்பு மிகவும் முக்கியம். என்ன பேசப்போகிறோம், எப்படி பேசப்போகிறோம் என்பதை குறிப்பெடுத்துக்கொள்ள வேண்டும். முடிந்தால் முழு உரையையும் எழுதி வைத்துக்கொள்ளலாம்.

ஆனால் உரையை எழுதி வைத்துக்கொள்வதில் ஒரு சின்ன சிக்கல் இருக்கிறது. உரையின் அளவு, பேசுவதற்கான நேரத்திற்கு ஏற்ப இருக்க வேண்டும். இதை அறிவது எப்படி? நீளமாக தயாரித்து விட்டால், உரிய நேரத்தில் உரையை முடிப்பது கடினம். மாறாக குறைவாக தயாரித்திருந்தால், நேரம் முடிவதற்கு முன் பேச்சு முடிந்துவிடும். எனவே தயாரித்து வைத்திருக்கும் உரை பேச இருக்கும் நேரத்திற்கு சரியாக அமைந்துள்ளதா என கணக்கிட்டு பார்க்க முடிந்தால் நன்றாக இருக்கும்.

மேடையில் பேசுவது போலவே ஏற்ற இறக்கமாக பேசிப்பார்த்து எவ்வளவு நேரம் ஆகியறது என கடிகாரத்தை வைத்து கணக்கு பார்ப்பது ஒரு வழி. அதைவிட எளிதான வழி ஆன்லைனில் இருக்கிறது. ஸ்பீச் இன் மினிட்ஸ்.காம் இணையதளம், எழுதி வைத்திருக்கும் உரையில் உள்ள வார்த்தைகளை தெரிவித்தால் அதை பேச எவ்வளவு நேரம் ஆகும் என கணக்கிட்டு சொல்கிறது.

சராசரியாக 130 வார்த்தைகளை பேச ஒரு நிமிடம் ஆகலாம் எனும் கணக்கின் அடிப்படையில் இந்த தளம் செயல்படுகிறது. இதில் உள்ள தேடல் கட்டத்தில் உரையின் வார்த்தைகளை சமர்பித்தால் அதற்கான நேரத்தை சொல்கிறது. ஒரு நிமிடத்தில் 130 வார்தைகளை படிக்க முடியும் எனும் கணக்கின் அடிப்படையில் இது அமைகிறது. இதை மெதுவான வாசிப்பு (100 வார்த்தைகள்) என்றோ அல்லது வேகமான வாசிப்பு ( 160 வார்த்தைகள்) என்றோ மாற்றிக்கொள்ளலாம்.

துல்லியமான கணிப்பு என்று சொல்ல முடியாவிட்டாலும் உத்தேசமான இந்த கணிப்பு நிச்சயம் பேச்சாளர்களுக்கு உதவியாக இருக்கும்.
உரை நிகழ்த்த என்றில்லை, அலுவலக கூட்டத்தில் பேச, காட்சி விளக்கம் செய்ய தயாராகவும் இதை பயன்படுத்திக்கொள்ளலாம்.
இணையதள முகவரி:http://www.speechinminutes.com/

ha

செயற்கை அறிவால் மனிதகுலத்துக்கு ஆபத்து; ஸ்டீபன் ஹாகிங் எச்சரிக்கை!

1hவிஞ்ஞானி ஸ்டீபன் ஹாகிங் ஒரு விஷயத்தை சொல்கிறார் என்றால் அதை அலட்சியப்படுத்த முடியாது. ஹாக்கிங்கின் சமீபத்திய கருத்து செயற்கை அறிவு பற்றி அச்சம் கொள்ள வைக்கிறது.
முழு அளவிலான செயற்கை அறிவு வளர்ச்சி மனிதகுலத்துக்கே முடிவுகட்டிவிடலாம் என ஹாகிங் கூறியுள்ளார். தொழில்நுட்பம் தானாக சிந்திக்க கற்றுக்கொள்ளும் மற்றும் சூழலுக்கு ஏற்ப மாற்றிக்கொள்ளும் தன்மை பெற்று வருவதும் மனிதகுலத்தின் எதிர்காலத்தை கேள்விகுறியாக்க கூடியது என்றும் அவர் எச்சரித்துள்ளார்.
ஹாகிங்கின் கருத்து திகிலூட்டக்கூடியதாக இருந்தாலும் , தொழில்நுட்பத்தின் உதவியேடனேயே அவர் இந்த கருத்துக்களை வெளியிட்டிருக்கிறார் என்பது தான் கவனிக்க வேண்டிய விஷயம். அந்த காரணத்தினாலேயே அவரது எச்சரிக்கை கூடுதல் கவனம் பெறுகிறது.

பிரிட்டனைச்சேர்ந்த கோட்பாடு சார்ந்த விஞ்ஞானியான ஸ்டீபன் ஹாகிங் சமகாலத்து முக்கிய அறிவியல் சிந்தனையாளர்களில் ஒருவராக கருதப்படுகிறார். ஐன்ஸ்டினை போன்ற விஞ்ஞானி என்று போற்றப்படும் ஹாகிங்கின் அறிவியலும் வியக்க வைக்க கூடியது. அதைவிட அவரது வாழ்க்கை வியக்க வைக்க கூடியது.
நரம்பு மண்டல இயக்கத்தை பாதிக்கும் ஏ.எல்.எஸ் எனும் நோய் பாதிப்பு அவரது பேச்சு மற்றும் சுந்திரமான இயக்கத்தை முடக்கியுள்ளது. ஆனால் அவரது சிந்தனையை நோயால் முடக்க முடியாத நிலையில் ஹாகிங் நவீன சாப்ட்வேர் மூலம் தனது சிந்தனைகளை வெளிப்படுத்தி வருகிறார்.
கண்ணத்தில் பொருத்தப்பட்ட சென்சார் மூலம் அவர் எண்ணங்களால் சாப்ட்வேரை இயக்கி எழுதுகிறார். பேசுகிறார். தொடர்ந்து இயங்கி ஊக்கம் அளித்து வருகிறார்.

இந்நிலையில் பேராசிரியர் ஹாங்கிற்காக புதிய தகவல் தொடர்பு நுட்பத்தை இண்டெல் நிறுவனம் உருவாக்கியுள்ளது. Assistive Context Aware Toolkit (ACAT) என்று சொல்லப்படும் இந்த நவீன தொழில்நுப்டம் , ஸ்மார்ட்போனில் பயன்படுத்தப்படும் ஸ்விப்ட்கீ நுட்பத்துடன் இணைந்து செயல்படுகிறது. இந்த நுட்பம் ஹாகிங் செயல்பாடுகளை கவனித்து அவர் சிந்திக்கும் முறையை புரிந்து கொண்டு அவர் அடுத்ததாக என்ன வார்த்தையை டைப் செய்யப்போகிறார் என ஊகித்து சொல்லக்கூடியது. இதன் காரணமாக ஹாகிங்கால் முன்பை விட 20 சதவீதம் வேகமாக டைப் செய்ய முடியும். இந்த தகவல் அவரது ஸ்பீச் சிந்தசைசருடன் இணைக்கப்பட்டு ரோபோ குரலை உருவாக்கிறது. இதன் மூலம் அவர் தனது லேப்டாப் வழியே மற்றவர்களுடன் தொடர்பு கொள்ள முடிகிறது.

ஹாங்கி இணையத்தை பயன்படுத்துவது உட்பட பல செயல்களை இந்த புதிய சாப்ட்வேர் அமைப்பு தானியங்கிமயமாக்கி உள்ளது.
இந்த நுட்பம் அறிமுகம் செய்யப்பட்ட லண்டன் நிகழ்ச்சியில் பேசிய ஹாங்கிங், டிஜிட்டல் உதவியாளர் தொழில்நுப்டங்களாம் சிரி, கூகிள் நவ் மற்றும் கார்டனா ஆகியவை வருங்காலத்தில் நிகழக்கூடிய தொழில்நுட்ப போட்டியின் ஆரம்ப அறிகுறி என்று கூறினார். ஆனால் வருங்காலத்தில் நிகழக்கூடிய சாத்தியங்களுக்கு எல்லையே இல்லை என்று கூறிய ஹாகிங், மனித மூளையை மிஞ்சக்கூடிய திறன் படைத்த கம்ப்யூட்டர்களை உருவாக்குவது சாத்தியமாகலாம் என்றார்.

ஆர்டிபிஷியல் இண்டலிஜென்ஸ் எனப்படும் செயற்கை அறிவின் முழு அளவிலான வளர்ச்சி மனித குலத்திற்கு முடிவு கட்டும் ஆபத்து இருப்பதாகவும் ஹாகிங் பிபிசிக்கு அளித்த பேட்டியில் கூறியுள்ளார்.
ஆனால் இந்த தொழில்நுட்பத்திற்கு போர்,நோய் மற்றும் வறுமையை ஒழிக்கும் ஆற்றல் இருப்பதாகவும் கூறினார்.
மருத்துவத்தால் என்னை குணப்படுத்த முடியாததால் தொழில்நுட்பத்தின் உதவியுடன் தொடர்பு கொள்கிறேன் என்று கூறிய ஹாகிங் , இந்த புதிய தொழில்நுட்ப அமைப்பு ஆயிரக்கணக்கான மாற்றுத்திறனாளி மனிதர்களுக்கு உதவியாக இருக்கும் என்றும் தகவல் தொடர்பில் இருந்த எல்லைகளை உடைத்தெரியும் என்றும் தெரிவித்தார்.
ஹாகிங் போலவே சமீபத்தில் இணைய தொழில்முனைவோரான எலோன் மஸ்க் செயற்கை அறிவு பற்றி எச்சரிக்கை செய்திருந்தது குறிப்பிடத்தக்கது.

————–

ஸ்டீபன் ஹாங்கின் பிபிசி பேட்டி; http://www.bbc.com/news/technology-30290540

———-

நன்றி. விகடன்.காம்
—-

நெட்சத்திரங்கள் புத்தகம் பற்றி இன்று தகவல் விடுமுறை; இன்று ஒரு கேள்வி மட்டும். மஹிர் காக்ரியை உங்களுக்கு தெரியுமா? அவரும் ஒரு நெட்சத்திரம் தான். ஒரு க்ளு மனிதர் துருக்கி காரர். தகவல் தெரிந்தவர்கள் சொல்லலாம். நாளை காக்ரி பற்றிய தகவலை பகிர்கிறேன்.

அன்புடன் சிம்மன்

காஸ்ட்ரோ மகளோடு டிவிட்டரில் விவாதம்.

பிரபலங்கள் டிவிட்டரில் அடியெடுத்து வைக்கும் போது கைத்தட்டியும் வரவேற்பார்கள்.சட்டையை பிடித்து கேட்பது போல கேள்வியும் கேட்பார்கள்.அது தான் டிவிட்டர் ராஜ்யம்.

அதிபர் மகளாக இருந்தாலும் சரி டிவிட்டரில் நிற்க வைத்து கேள்வி கேட்க தயங்க மாட்டார்கள்.கியூபா அதிபர் ரவுல் காஸ்ட்ரோவின் மகள் மரியேலா கஸ்ட்ரோ இந்த நிலையை தான் எதிர் கொண்டிருக்கிறார்.

மரியேலா கியூபாவின் பாலியல் கல்வித்துறை அமைச்சராக இருக்கிறார்.நெதர்லாந்து நாட்டுக்கு சென்றிருந்த போது அவர் அளித்த பேட்டியில் சில க‌ருத்துக்கள் திரித்தி வெளியிடப்பட்டு விட்டதாக கருதிய மரியேலா அதனை நேர் செய்வதற்காக டிவிட்டரில் தனக்கான பக்கத்தை துவக்கி விளக்கம் அளிக்க முற்பட்டார்.

கியுபாவில் இண்டெர்நெட் பயன்பாடும் குறைவு.இண்டெர்நெட் சுத‌ந்திரமும் மிக மோசம் என்ற கருத்து உண்டு.எனவே டிவிட்டர் போன்ற வெளிப்படையான கருத்து மரிமாற்றத்திற்கு வழி வகுக்கும் குறும்பதிவு சேவையான டிவிட்டரில் அதிபரின் மகள் அடியெடுத்து வைத்தால் அது நிச்சயம் பெரிய‌ செய்தி தான்.

ஆனால் காஸ்ட்ரோ மகள் டிவிட்டர் செய்கிறார் என்ற செய்தி பரபரப்பை ஏற்படுத்துவதற்கு முன் டிவிட்டரில் அவரோடு அதிருப்தியாளர் ஒருவர் விவாதத்தில் ஈடுபட்டது தான் பெரிதாக‌ பேசப்பட்டது.

கம்யூனிச நாடான கியூபா தனது மக்களின் சுதந்திரத்தை கட்டுப்படுத்தி வைத்திருப்பதாக ஒரு விமர்சன‌ம் உண்டு.மேற்‌கத்திய நாடுகள் கியூபாவுக்கு எதிராக அடிக்கடி முன்வைக்கும் வாதமும் இது தான்.

கியுப்பாவில் எதிர்ப்பு குரலுக்கோ மாற்று கருத்துக்கோ இடமில்லை என்ற குற்றசாட்டும் கூறப்படுகிறது.இத்தகைய எண்ணம் கொண்டவ‌ர்கள் கியூபாவிலும் உள்ளனர்.அதிருப்தியாளர்கள் என்று சொல்லப்படும் இந்த பிரிவை சேர்ந்தவர் சான்சஸ்.

கியூபா இடமளிக்காவிட்டாலும் எதிர்ப்பு கருத்தை மிக உறுதியாக பதிவு செய்பவராக கருதப்படும் சான்சஸ் அந்நாட்டின் புகழ்பெற்ற அதிருப்தி வலைப்பதிவாள‌ரும் கூட.டிவிட்டரிலும் அவருக்கு பக்கம் உள்ள‌து.

காஸ்ட்ரோ மகள் டிவிட்டரில் அடியெடுத்து வைத்திருக்கும் செய்தியை கேள்வி பட்டதுமே அவர‌து எதிர்ப்பு குணம் விழித்து கொண்டது.உடனே காஸ்ட்ரோ மகளுக்கு டிவிட்டரில் கேல்வி கனைகளை தொடுக்க தயாராகிவிட்டார்.

காஸ்ட்ரோ மகள் டிவிட்டர் கணக்கை துவக்கியிருப்பதாக சொல்கிறார்கள்.எல்லாம் சரி கியூபா மக்கள் தங்கள் சிறைகளில் இருந்து எப்போது வெளியே வருவார்கள் என்று அவர் டிவிட்டர் மூலம் கேள்வி எழுப்பினார்.கியூபா மக்கள் எல்லாவிதங்களிலும் கட்டுப்படுத்தப்படுவதை நையாண்டி செய்யும் வகையில் இவ்வாறு கேள்வி கேட்ட சான்சஸ் ,டிவிட்டரின் பன்முக உலகிறகு நல்வரவு.இங்கே யாரும் என வாயை மூட‌ முடியாது. வெளிநாடு செல்ல தடை விதிக்க முடியாது என்று இரன்டாவது டிவிட்டர் செய்தியை தட்டி விட்டார்.

அதோடு காஸ்ட்ரோ மகளின் ஓரின‌ச்சேர்க்கை ஆதரவு நிலையை மனதில் வைத்து கொண்டு அதெப்படி ஒரு விஷயத்தில் சுதந்திர சிந்தனை இருக்கும் மற்ற விஷயங்களில் இருக்காது.சகிப்புத்தன்மை முழுமையாக அல்லவா இருக்க வேண்டும் என்றும் கேட்டிருந்தார்.

இப்படி கேட்கப்படுவோம் என மரியேலா எதிர்பார்த்தாரா என்பது தெரியவில்லை.ஆனால் அதிருப்தியாளர் ஒருவரின் கேள்விக்கு அவர் பதில் அளிக்க வேண்டிய நிலை வந்தது.

சகிப்புத்தன்மை பற்றிய உங்கல் நிலைப்பாடு கடந்த கால ஆட்சியாளர்களின் எண்ணத்தையே பிரதிபலிப்பதாக அவர் பதில் அளித்தார்.தொடர்ந்து கேள்விகள் வந்த போது மேற்கத்திய நாடுகளின் தூண்டுதலால் இப்படி எதிர்ப்பு தெரிவிப்பதாக மரியேலா சன்சசுக்கு பதிலடி கொடுத்தார்.

ஆனால் சன்சசோ அசரவில்லை.கம்யூனிஸ்ட் கட்சியில் உள்ள எல்லோரும் டிவிட்டரில் வந்தால் அல்லது தான்.நிஜத்தில் சொல்ல அனுமதிக்க்ப்படாத கருத்துக்களை டிவிட்டரில் நாங்கள் உரக்க சொல்லுவோம் என்று அவர் மேலும் ஒரு பதிவை வெளியிட்டார்.

டிவிட்டரில் மட்டும் அல்ல எதிர்காலத்தில் எல்லா இடங்களிலும் மாற்று குர‌லை கேட்க வேண்டிய காலம் வரும் என்றும் ஆவேசமாக சொல்லியிருந்தார்.

டிவிட்டரின் சுதந்திரத்தை பயன்படுத்தி கியூபாவில் கருத்து சுதந்திரத்தை அனுமதிக்க வேண்டும் என்ர கருத்தை அதிருப்தியாலரான சான்சஸ் காஸ்ட்ரோ மகளுடனான விவாத‌த்தின் மூலம் உலகிறகு உணர்த்திவிட்டார்.

ஒபாமா பற்றி டிவிட்டர் என்ன நினைக்கிறது.

obasmaதிரைப்படங்களின் வெற்றி தோல்வியை இப்போது டிவிட்டர் தான் நிர்ணயிக்கிறது என்கின்ற‌னர்.படம் பார்த்த உடனேயே படம் பற்றி உள்ளத்தில் தோன்றுவதை ரசிகர்கள் டிவிட்டரில் பதிவு செய்து விடுவது அந்தபடத்தை பார்க்கலாமா? வேண்டாமா?என முடிவெடுக்க வைத்து விடுகிறது.

பட தாயாரிப்பு நிறுவனங்களின் மார்க்கெட்டிங் முயற்சியை மீறி ரசிகர்கள் தங்கள் டிவீட்களிலேயே தன் வெற்றி தோல்வியை தீர்மானித்து விடுகின்றன.நாளிதழ் விமர்சனங்கள், வலைப்பதிவு விமர்சனங்கள் கூட பிறகு தான் வெளியாகின்றன.ஆனால் டிவிட்டர் விமர்சனங்கள் தியேட்டரிலிருந்தே வெளியாகி படம் குறித்த பொது அபிப்ராயத்தை உண‌ர்த்திவிடுகின்றன.

டிவிட்டர் விமர்சனத்தை எப்படி சமாளிப்பதென பட நிறுவனங்கள் குழ‌ம்பித்த‌விப்ப‌து ஒரு புற‌மிருக்க‌ டிவிட்ட‌ர் க‌ருத்துக்களால் அர‌சிய‌ல் த‌லைவ‌ர்க‌ளின் செய‌ல்பாடுக‌ள் எந்த அளவுக்கு வரவேற்பை பெர்றுள்ளன என க‌ண்ட‌றிய‌ முடியும் தெரியுமா?

உதார‌ண‌த்திற்கு அர‌சைய‌ல் த‌லைவ‌ர் ஒருவ‌ர் எதிர்கால‌ திட்ட‌ம் குறித்து முக்கிய‌ உரை நிக‌ழ்த்துவ‌தாக‌ வைத்துக்கொள்வோம்.அந்த‌ உரை ம‌க்க‌ள் ம‌த்தியில் எத்த‌கைய‌ பாதிப்பை ஏற்ப‌டுத்திய‌து என்ப‌தை டிவிட்ட‌ரை பார்த்தே தெரிந்து கொண்டு விட‌லாம்.

எப்ப‌டி என்கிறிர்க‌ளா?

உரையை கேட்ட‌வுட‌னே ப‌ல‌ரும் அதௌ ப‌ர்றி தாங்க‌ள் என்ன‌ நினைக்கிறோம் என்ப‌தை டிவிட்ட‌ரில் ப‌திவு செய்ய‌ப்போகின்ற‌ன‌ர்.ஆஹா பேச்சு பிர‌மாதம்,என்ப‌தில் துவ‌ங்கி பெரும் ஏமாற்ற‌ம் என்ப‌து வ‌ரை உரையை பாராட்டியும் விம‌ர்சித்தும் க‌ருத்துக்க‌ளை டிவிட்ட‌ர் செய்ய‌லாம்.

இத்த‌கைய‌ டிவிட்ட‌ர் க‌ருத்துக்களை அல‌சி ஆராய்வ‌த‌ன் மூல‌ம் த‌லைவ‌ரின் உரை எந்த‌ அள‌வுக்கு தாக்க‌த்தை ஏற்ப‌டுத்திய‌து என‌ தெரிந்துகொள்லாம். மேற்பூச்சோ மிகைப்ப‌டுத்த‌லோ இல்லாம‌ல் உள்ள‌தை உள்ள‌ ப‌டி பிர‌திப‌லிக்கும் க‌ண்ணாடியாக‌ டிவிட்ட‌ர் க‌ருத்துக்க‌ள் அமைய‌லாம்.

ச‌மீப‌த்தில் அமெரிக்க‌ அதிப‌ர் சுகாதார‌ சீர்திருத்த‌ திட்ட‌ம் தொட‌ர்பாக நாடாளும‌ன்ற‌த்தில் உரை நிக‌ழ்த்திய‌ போது அவ‌ர‌து உரை ஏற்ப‌டுத்திய‌ தாக்க‌த்தை இப்ப‌டி டிவிட்ட‌ர் க‌ருத்துக்க‌ளின் மூல‌ம் அறிய‌ முடிந்த‌தாக‌ சொல்கிறார்க‌ள்.உரை நிக‌ழ்த்த‌ப்ப‌ட்ட‌ பின் டிவிட்ட‌ரில் ப‌திவான‌ க‌ருத்துக்க‌லை வைத்துக்கொண்டு பார்த்த‌ போது 36 ச‌த‌வீத‌ம் பேர் அத‌னை ஆத‌ரித்த‌தும் 32 ச‌த‌வீத‌ம் பேர் விம‌ர்சித்த‌தும் தெரிய‌ வ‌ந்துள்ள‌து.

ஒபாமாவின் சுகாதார‌ திட்ட‌ம் பெரும் ச‌ர்ச்சையை ஏற்ப‌டுத்தியுள்ள‌ நிலையில் அத‌னை ஆதிரித்து அவ‌ர் ஆற்றிஅய‌ உரை ம‌க்க‌ள் ம‌ன்ற‌த்தில் வ‌ர‌வேற்பை பெற்ற‌தா என்ப‌தை டிவிட்ட‌ர் ச‌ரியாக‌ ப‌ட‌ம் பிடித்து காட்டிய‌தாக‌ க‌ருத‌ப்ப‌டுகிற‌து.

ஆக‌ டிவிட்ட‌ரை இனி உல‌கின் ம‌ன‌சாட்சியாக‌ க‌ருத‌லாம் போல்.