Tag Archives: virus

ரான்சம்வேர் தாக்குதல்: தப்பிக்க என்ன வழி?

rஇணையத்தை உலுக்கி இருக்கும் வான்னகிரை ரான்சம்வேர் வைரஸ் தாக்குதல் இணையவாசிகள் மத்தியில் அச்சத்தை ஏற்படுத்தியிருக்கும் நிலையில், நோமோர்ரேன்சம்.ஆர்க் இணையதளத்தை அவசியம் தெரிந்து கொள்ள வேண்டும்.

மால்வேர் எனும் தீய நோக்கிலான மென்பொருள்கள் வடிவில் கம்ப்யூட்டருக்குள் நுழைந்து, அதனை தற்காலிகமாக முடக்கி அல்லது, அதில் உள்ள கோப்புகளை அணுக முடியாமல் செய்து விட்டு, இந்த தாக்குதலில் இருந்து விடுபட பினைத்தொகை கேட்டு மிரட்டும் உத்தியுடன் நடைபெறும் தாக்குதல் ரான்சம்வேர் என குறிப்பிடப்படுகிறது.

இந்த வகையான தாக்குதலுக்கு இலக்காகும் நிறுவனங்கள் மற்றும் தனிநபர்களுக்கான புகலிடமாக உருவாக்கப்பட்டது நோமோர்ரேன்சம்.ஆர்க் இணையதளம். யூரோப்போல் ,நெதர்லாந்து காவல்துறை மற்றும் வைரஸ் தடுப்பு நிறுவனங்களான காஸ்பர்ஸ்கை, இண்டெல் செக்யூரிட்டி ஆகியவை இணைந்து இந்த இணையதளத்தை உருவாக்கியுள்ளன.

ரான்சம்வேர் தாக்கினால், பினைத்தொகை கொடுக்க வேண்டாம் என்று வலியுறுத்தும் இந்த தளம், ஏற்கனவே நன்கறியப்பட்ட ரான்சம்வேர் தாக்குதல்களில் இருந்து விடுபடுவதற்கான சாவியை வழங்குகிறது. புதிய தாக்குதலில் இருந்து தப்பிப்பதற்கான வழிமுறைகளையும் தெரிவித்துள்ளது.

இந்த வகை தாக்குதல்களுக்கு தற்காப்பே சிறந்தது என்றாலும், தற்போதைய வான்ன கிரை தாக்குதலில் பாதிக்கப்பட்டவர்களுக்கு வழிகாட்டும் வகையில் இந்த தளம் சில முக்கிய குறிப்புகளை வெளியிட்டுள்ளது.

அவற்றில் முதன்மையானது, mb v1 செயலிழக்கச்செய்வதன் மூலம் இந்த வைரஸ் பரவுவதை தடுக்கலாம் என்பதாகும். மேலும் மைக்ரோசாப்ட் வெளியிட்டுள்ள பாதுகாப்பு பேட்சை உடனே பயன்படுத்த வேண்டும்.

மேலும் சில தற்காப்பு வழிமுறைகளையும் வெளியிட்டுள்ளது: https://www.nomoreransom.org/prevention-advice.html

 

இது தொடர்பான முந்தைய கட்டுரை: http://bit.ly/2pOjlVU

ஒரே கேள்வி இணையதளம்.

இந்த இணையதளம் எனக்கு மட்டும் தான் பிரச்சனையாக இருக்கிறதா அல்லது எல்லோருக்குமே பிரச்சனையாக இருக்கிறதா?

இணையத்தில் எல்லோருக்கும் எப்போதாவது எழக்கூடிய கேள்வி தான் இது.

குறிப்பிட்ட இணையதளத்தை பயன்படுத்த முற்படும் போது ,அதன் முகப்பு பக்கம் தோன்றுவதில் சிக்கல் ஏற்பட்டால் இவ்வாறு கேட்க தோன்றும்.சில நேரங்களில் இணைய இணைப்பில் அல்லது பிரவுசர் அமைப்பில் ஏதாவது கோளாறு என்றாலும் இணையதளத்தை பயன்படுத்துவதில் சிக்கல் ஏற்படலாம்.

இன்னும் சில நேரங்களில் குறிப்பிட்ட அந்த இணையதளத்தில் ஏதாவது தொழில்நுட்ப சிக்கல் என்றாலோ அல்லது அந்த இணையதளம் முடக்கப்பட்டிருந்தாலோ அதனை அணுக முடியாமல் போகலாம்.

இது போன்ற நேரங்களில் பிரச்சனை தங்கள் இணைப்பிலா அல்லது அந்த இணையதளத்திலா என்ற குழப்பமும் தடுமாற்றமும் இணையவாசிகளுக்கு ஏற்படலாம்.

இந்த குழப்பத்திற்கான பதிலை தான் ஈஸ் டவுன் ஆர் பிலாக்ட் தளம் அளிக்கிறது.

அதாவது குறிப்பிட்ட இணையதளம் முடக்கப்பட்டுள்ளதா அல்லது அதில் ஏதாவது பிரச்ச்னையா என்ற கேள்விக்கு பதில் அளிக்கிறது.

எந்த இணையதளம் பற்றி அறிய விருப்பமோ அந்த தளத்தின் முகவரியை இந்த தளத்தில் சமர்பித்தால் இணைய உலகில் அந்த தளத்தின் தற்போதைய நிலை என்ன என்று இந்த சொல்லி விடுகிறது.

அந்த தளம் முடக்கப்பட்டிருந்தால் அது பற்றி தகவல் சொல்கிறது.இல்லை என்றால் அந்த தளம் இயங்கி கொண்டிருக்கிறது என பதில் அளிக்கிறது.

எனவே ஏதாவது தளத்தை காண்பதில் சிக்கல் ஏற்பட்டால் அந்த தளத்திற்கு ஏதாவது பிரச்சனையா என்று இதன் மூலம் தெரிந்து கொண்டு விடலாம்.

ஒரு பக்கம் பல்வேறு தணிக்கை காரணங்களுக்காக இணையதளங்கள் முடக்ப்பட்டு கொண்டே இருக்கின்றன.இன்னொரு பக்கம் தொழில்நுட்ப சிக்கல் காரணமாக இணையதளங்களை அணுகுவதில் சிக்கல் ஏற்படலாம்.

இரண்டுக்கும் நடுவே சிக்கி கொண்டு இணையவாசிகள் அல்லபடுவதற்கு மாறாக ஒரு இணையதளத்தை அணுக முடியாமல் போனால் அந்த நிலை தனக்கு மட்டும் தானா அல்லது எல்லோருக்குமானதா என்று அறிந்து கொள்ளலாம்.

ஆனால் ஒன்று இந்த தளம் இந்த ஒற்றை கேள்விக்கு மட்டும் தான் பதில் அளிக்கிறது.இணையதளம் முடக்கப்பட்டிருந்தால் அதற்கான காரணத்தையோ தீர்வையோ இது தருவதாக சொல்லவில்லை.

ஆனால் பயனுள்ள இணையதளம் என்பதில் சந்தேகமில்லை.

பல நேரங்களில் வைரஸ் பாதிப்புகளால் கூட இணையதளங்கள் பாராமுகம் காட்டலாம்.எனவே இந்த தளத்தில் பரிசோதித்து பார்ப்பதன் மூலம் என்ன பிரச்ச்னை என்பதை சரியாக தெரிந்து கொள்ளலாம்.

அதோடு இதில் பரிசோதிக்கப்பட்ட இணையதளங்களின் பட்டியலும் முகப்பு பக்கத்திலேயே கொடுக்கப்பட்டுள்ளது.அந்த பட்டியலை ஒரு பார்வை பார்த்தால் இணையதளங்களின் நிலை பற்றியும் தெரிந்து கொள்ளலாம்.

இணையதள முகவரி;http://isdownorblocked.com/

மேலும் ஒரு இணைய பாதுகாப்பு சேவை.


ஒரு காலத்தில் இணைய முகவரி சுருக்க சேவைகளாக அறிமுகமாகி கொண்டிருந்தன.முதலில் பிட்.லே அதன் பிறகு பிட்.லே போன்ற இதர சேவைகள் என இணைய முகவரி சுருக்க சேவைகள் அடுத்தடுத்து அறிமுகமான நிலையில் கூகுலும் தன் பங்கிற்கு கூ.குல் முகவரி சுருக்க சேவையை அறிமுகம் செய்தது.

இந்த போக்கின் தலை கீழ் வடிவமாக இப்போது இணைய முகவரி சுருக்க நீக்க சேவைகள் அறிமுகமாகி கொண்டிருக்கின்றன.

இணைய முகவரி சுருக்க நீக்க சேவைகள் என்றால் சுருக்கப்பட்ட இணைய முகவரிகள் பின்னே உள்ள இணையதளங்கள் பாதுகாப்பானவையா என்று எச்சரிக்கும் சேவைகள்.

சுருக்கப்பட்ட முகவரிகள் பின்னே வைரஸ் அல்லடு வில்லங்க தளங்கள் ஒளிந்திருக்கலாம் என்பதால் அவற்றை கிளிக் செய்வதற்கு முன் அவை எப்படிப்பட்ட தளங்கள் என்பதை உறுதி செய்து கொள்வது அவசியமாகிறது.

இந்த சேவையை தான் ஐலவ்லாங்யூஆரெல் போன்ற தளங்கள் வழங்கி வருகின்றன.

இந்த வரிசையில் மேலும் இரு இணையதளம் உதயமாகியிருக்கிறது.

அன்ஷார்ட்டன்.இட் என்னும் பெயரிலான இந்த தளம் சுருக்கப்பட்ட முகவரிகள் பின்னே உள்ள தளங்களின் தன்மை குறித்து தகவல்களை வழங்குகிறது.

அடிப்படையில் ஐலவ்லாங்யூஆரெல் போன்றது தான் என்றாலும் இந்த தளம் முகவரி சுருக்கத்தின் பின்னே உள்ள மூல தளத்தை அடையாளம் கண்டு சொல்வதோடு அந்த தளம் பற்றிய அறிமுக குறிப்பையும் வழங்குகிறது.

அது மட்டும் அல்லாமல் அந்த தளத்தின் பாதுகாப்பு தன்மை குறித்த மதிப்பீட்டையும் வழங்கி அந்த தள்த்தின் திரை தோற்றத்தையும் சின்னதாக முன்னோட்டம் காட்டுகிறது.

இப்படி இணையதளத்தின் சுருக்கமான ஜாதகத்தையே தெரிந்து கொண்டு அதன் பிறகு அந்த தளத்திற்கு விஜயம் செய்யும் வாய்ப்பை தருகிறது.

இவை எல்லாம் கூடுதல் வசதிகள்.

மேலும் குறிப்பிட்ட அந்த தளம் ஆபத்தான தளங்கள் பட்டியலில் இருக்கிறதா என்ற தகவலையும் த‌ருகிறது.

மற்ற சேவைகள் போலவே இதிலும் இணைய முகவ‌ரி சுருக்கத்தை சமர்பித்து அதன் பின்னணியை தெரிந்து கொள்ள வேண்டும்.

இப்போதோ இப்படி முகவரியை சம‌ர்பிக்கும் தேவை கூட இல்லாமல் புக்மார்கிக் சேவை போலவே பிரவுசரிலேயே இதனை இணைத்து கொண்டு பயன்படுத்தும் வசதி உருவாக்கப்பட்டுள்ளது.

ஆக இணைய முகவரி சுருக்கத்தை எங்கேனும் பார்த்தால் புக்மார்க்கை கிளிக் செய்தால் போதும் அதன் இணைய ஜாதக சுருக்கத்தை பார்த்து விடலாம்.

இணையதள முகவரி;http://unshorten.it/index.php

——————
இணைய முகவரி சுருக்க நீக்க சேவைகள் பற்றிய இந்த முந்தைய பதிவையும் வாசிக்கவும்;மறைந்திருந்து பார்க்கும் இணையதளங்கள்

;

மறைந்திருந்து பார்க்கும் இணையதளங்கள்

இணையத்தில் எப்போதுமே எச்சரிக்கையாக இருப்பது நல்லது.காரணம் வைரஸ் வில்லங்கங்கள் எப்போது வரும் எப்படி வரும் என்று சொல்லவே முடியாது.அதோடு மால்வேர் ,ஸ்பைவேர் போன்ற வில்லங்கங்களும் இருக்கின்றன.இவை போதாதென்று பிஷிங் மோசடி இமெயில் மோசடி உள்ளிட்ட அபாயங்களும் அப்பாவி இணையவாசிகளி குறி வைத்து காத்திருக்கின்றன.

எனவே தான் ‘ஐ லவ் லாங் யூ ஆர் எல்’ இணையதளம் எந்த சுருக்கமான முகவரியையும் நேரடியாக திறந்து உள்ளே சென்று விடாதீர்கள் என்று ஆலோசனை சொல்கிறது.அதற்கு மாறாக முதலில் சுருக்கமான முகவ்ரிகளுக்கு பின்னே உள்ள பெரிய முகவரி என்ன என்பதை தெரிந்து கொண்டு உள்ளே செல்லுங்கள் என்று சொல்கிறது.பெரிய முகவரி என்றால் இணையதளங்களின் மூல முகவரி!

டிவிட்டர் யுகத்தில் நீள்மான இணைய முகவரியை அப்படியே பகிர்ந்து கொள்ளும் தேவை இல்லாமல் அவற்றின் சுருக்கங்களை மட்டுமே பகிர்ந்து கொள்ள உதவும் இணைய முகவரி சுருக்க சேவைகள் அறிமுகமாகி பிரபலமாகி பரவலாயின.

140 எழுத்துக்களுக்கு கருத்துக்களை பகிர்ந்து கொள்ள முயலும் போது இணைய முகவரி சுருக்கமாக இருப்பதும் பேருதவியாக தான் இருக்கின்றன.ஆனால் இந்த சுருக்கமான முகவரிக்கு பின்னே எதிர்பாராத வில்லங்கங்களும் இருக்கலாம்.

காரணம் பிஷிங் என்னும் இணைய கடத்தலில் ஈடுபடும் மோசடி பேர்வழிகள் சுருக்கமான முகவரிக்கு பின்னே மறைந்திருக்கலாம்.நீங்களும் தெரியாமல் அதை கிளிக் செய்தால் வலை விரித்து காத்திருக்கும் இணையயதளத்திற்கு சென்று மாட்டிக்கொள்ள நேரலாம்.
இப்படியாக மால்வேர் ,ஸ்பைவேர் போன்ற வில்லங்கள் உளவு சாப்ட்வேர்களின் தாக்குதலுக்கு இலக்காகலாம்.பொதுவாக‌ வைரஸ் தடுப்பு சேவைகள் சுருக்கப்பட்ட முகவரிகளை கண்காணிப்பதில்லை என்பதால் ஸ்பைவேர்கள் சுலபமாக உள்ளே நுழைந்து விடுகின்றன.

இன்னும் பல மோசடி முயற்சிகள் சுருக்கப்பட்ட முகவரிகள் பின்னே மறைந்திருக்கலாம்.

ஆகையால் தான் எந்த சுருக்கப்பட்ட முகவரிகளை பார்த்தாலும் முதலில் அதன் பின்னே உள்ள மூல முகவரியை பார்த்து அது சரியான இணையதளம் தானா என்பதை உறுதி செய்து கொள்ளுங்கள் என்று எச்சரிக்கிறது ஐ லவ் லாங் யூ ஆர் எல் இணைய சேவை.

இந்த தளத்திற்கு ஏன் இந்த அக்கறை வேறு எந்த தளத்திற்கும் இல்லாத அக்கறை என்று பராசக்தி பாணியில் கேட்டால் ,இப்படி சுருக்கமான முகவரிகளின் பின்னே உள்ள முழுமையான முகவரி என்ன என்பதை அடையாளம் காட்டும் சேவையை இந்த தளம் வழங்குகிறது என்பதே விஷயம்.

சுருக்கமான முகவரிகளின் பின்னே உள்ள இணையதளம் எது என்பதை அடையாளம் காட்டுவது தான் இந்த தளத்தின் நோக்கமே.இமெயிலிலோ டிவிட்டர் இனைப்பிலோ சுருக்கமான இணைய முகவரியை பார்த்தால் அதனை இந்த தளத்தில் சம்ர்பித்தால் அதன் பின்னே உள்ள தளம் எது என்பதை இது சொல்லி விடுகிறது.

இப்படி அவசரப்படாமல் மூல முகவரியை அறிந்து கொண்டு அவற்ரை பயன்ப‌டுத்த துவங்கினால் முகவரி சுருக்கம் என்னும் முகமுடியின் கீழ் மறைந்திருக்கும் மோசடி தளங்களின் வலையில் சிக்காமல் இருக்கலாம்.

அவசியமான சேவை தான்.இந்த அவசிய‌த்தை இந்த தளம் புகைப்பட சித்திரங்களாக அழகாக விளக்கியிருக்கும் விதமும் அருமை.

லாங் யூ ஆர் எல் தளமும் இதே போன்ற சேவையை வ‌ழங்குகிறது.சுருக்கமான இணையதள முகவரிகளை பயன்படுத்துவதற்கு முன் நீங்கள் எந்த தளத்திற்கு அழைத்து செல்லப்பட இருக்கிறிர்கள் என்னும் முன்னோட்டத்தை இந்த தளம் காட்டுகிறது.

இணையதள முகவரி;http://www.ilovelongurl.com/

http://www.longurl.org/