Category Archives: செல்பேசி

உன்னை நான் கண்காணித்தேன்

செல்போன் யுகத்தில், பிள்ளை களுக்கு செல்போன் வாங்கித் தரலாமா? வேண்டாமா? எனும் குழப்பமும், தடுமாற்றமும் பல பெற்றோர்களை வாட்டிக் கொண்டிருக்கிறது.
.
எல்லோரும் கையில் செல்போன் வைத்திருப்பதால் பிள்ளைகள் தங்களுக்கும் ஒரு செல்போன் வேண்டும் என்று கேட்டு நச்சரிப்பதை எல்லா வீடுகளிலும் பார்க்கலாம்.

ஆனால் இந்த கோரிக்கைக்கு உடன்படுவது எல்லா பெற்றோர் களுக்கும் சாத்தியமாவதில்லை. செல்போனால் ஏற்படக் கூடிய நன்மைகளை நன்கு அறிந்திருக்கும் அதே நேரத்தில் அதனால் ஏற்படக் கூடிய தீமைகளையும் பெற்றோர்கள் அறிந்திருப்பதால் பிள்ளைகள் கையில் செல்போனை கொடுப்ப தில் நிறையவே தயக்கம் இருக்கிறது.

பிள்ளைகளுக்கு செல்போனை வாங்கிக் கொடுத்து விட்டால் அவர்கள் பாதுகாப்பு பற்றி நிம்மதியாக இருக்கலாம். எப்போது வேண்டுமானாலும் தொடர்பு கொண்டு பேசலாம் என்பதால் பிள்ளைகளின் இருப்பிடம் மற்றும் அவர்கள் செல்லுமிடம் குறித்து அறிந்து கொள்ளலாம்.

அவசரம் அவசரமாக தொடர்பு கொள்ள நினைத்தாலும் உடனே தொடர்பு கொள்ள முடியும். இந்த காரணங்களுக்காக செல்போன் வாங்கி கொடுத்தால் நல்லது என்று எண்ணத் தோன்றும்.

ஆனால் அதே நேரத்தில் பிள்ளை கள் கையில் செல்போன் வைத்திருப் பதால் அதனை அவர்கள் தவறாக பயன்படுத்தும் வாய்ப்பு இருப்பதை நினைத்து கவலைப் படவும் வேண்டியிருக்கிறது.

செல்போன் வருவதற்கு முன்பாக பிள்ளைகள் பேசுவதை வைத்துக் கொண்டே அவர்களின் பழக்க வழக்கங்களை பெற்றோர்கள் கண் காணிப்பதற்கு வாய்ப்பு இருந்தது. ஆனால் இன்று பிள்ளைகள் செல்போனில் ரகசியமாக பேசிக் கொள்வதால் அவர்களின் தொடர்பு விவரங்கள் பற்றி பெற்றோர்கள் அறிந்து கொள்ள முடிவதில்லை.

மேலும் செல்போன் மூலம் யாரை வேண்டுமானாலும் எளிதாக தொடர்பு கொள்ளலாம் என்பதால் பிள்ளைகள் வம்பில் மாட்டிக் கொள்ளும் வாய்ப்பும் இருக்கிறது. அதோடு படிப்பு கெட்டுப் போகிறது.

அது மட்டுமல்லாமல் பிள்ளைகள் செல்போன் பேசிக் கொண்டே சாலையை கடந்து செல்வது, வாகனம் ஓட்டிச் செல்வது போன்ற செயல்களில் ஈடுபடுவது உயி ருக்கே ஆபத்தாக முடியலாம். இதற்கு பல சோகக் கதைகள் உதாரணமாக இருக்கின்றன.
இப்படி பல பாதகமான விஷயங் கள் பெற்றோர் மனதை உலுக்கிக் கொண்டிருக்கிறது. எனவேதான் செல்போன் வாங்கித் தருவது பலருக்கு தயக்கம் இருக்கிறது.

பெற்றோர்களின் இந்த குழப்பத் திற்கு தீர்வு காணும் வகையில் அருமையான சாப்ட்வேர் ஒன்று அறிமுகமாகி இருக்கிறது.

மைகிட்ஈஸ்சேப்.காம் எனும் இணையதளம் அறிமுகம் செய் துள்ள இந்த சாப்ட்வேர் மூலம் பெற் றோர்கள் எந்தவித தயக்கமுமின்றி தங்களது பிள்ளைகளுக்கு செல் போனை வாங்கி கொடுத்து விட லாம். அதே நேரத்தில் அவர்கள் மீது ஒரு கண்ணையும் வைத்திருக்கலாம்.
இந்த சாப்ட்வேரின் உதவியோடு பெற்றோர்கள் தங்களது பிள்ளை களின் செல்போன் பயன்பாட்டை கண்காணித்துக் கொண்டே இருக்க முடியும்.

வாகனம் ஓட்டியபடி அவர்கள் போன் செய்தாலோ, சாலையை கடந்தாலோ இந்த சாப்ட்வேர் பெற்றோர்களுக்கு தகவல் தெரிவித்து விடும்.

அதே போல இந்த சாப்ட்வேரில் பிள்ளைகள் எப்போது செல்போ னில் பேசலாம் என்பதை குறிப்பிட முடியும். இந்த நேரத்தை கடந்து பிள்ளைகள் செல்போனில் பேசி னால் பெற்றோர்களுக்கு தெரிவிக்கப் பட்டு விடும்.

பேசினால்தானே வம்பு என்று பிள்ளைகள் எஸ்எம்எஸ் செய்திக ளாக அனுப்பி வைத்தும் தப்பித்துக் கொள்ள முடியாது. எஸ்.எம்.எஸ்.சில் தவறான வார்த்தைகளை பயன் படுத்தினால் இந்த சாப்ட்வேர் கண்டுபிடித்து சொல்லி விடும். இவ்வாறு சுமார் 1500 வார்த்தை களை இந்த சாப்ட்வேர் கவனித்துக் கொண்டு இருக்கும். அவற்றில் எதை பயன்படுத்தினாலும் பெற் றோர்களுக்கு தகவல் அனுப்பி விடும்.

இந்த கட்டுப்பாட்டை மீறி தவறான எஸ்எம்எஸ் அல்லது விவ காரமான எஸ்எம்எஸ் பிள்ளைகளின் செல்போனிலிருந்து அனுப்பப்படு வதற்கான வாய்ப்பு இல்லை.
மைகிட்ஈஸ்சேப்.காம் தளத்தில் சென்று அதிலுள்ள விண்ணப்பப் படிவத்தை பூர்த்தி செய்து சமர்ப் பிப்பதன் மூலம் இந்த சாப்ட்வேரை பயன்படுத்திக் கொள்ளலாம்.

பிள்ளையின் பெயர், செல்போன் மாதிரி, செல்போன் தயாரிப்பு நிறுவனத்தின் பெயர், செல்போன் சேவை நிறுவனத்தின் பெயர் ஆகிய விவரங்களை பூர்த்தி செய்து இந்த படிவத்தை சமர்ப்பித்தால் சாப்ட் வேரை பயன்படுத்திக் கொள்ள முடியும்.

அமெரிக்காவை மையமாக கொண்டு இந்த சாப்ட்வேர் அறிமுகம் செய்யப்பட்டுள்ளது. இந்த சாப்ட்வேர் இருக்கும் தைரியத் தோடு பெற்றோர்கள் பிள்ளைகளின் கையில் செல்போனை ஒப்படைக்கலாம்.

நிச்சயமாக இந்த இணையதளத் தையும், இந்த சாப்ட்வேரையும் பெற்றோர்கள் விரும்பவே செய்வார்கள். ஆனால் பிள்ளைகள் இதனை நேசிப்பார்களா என்பதை உறுதியாக சொல்வதற்கில்லை.

————

link;
www.mykidissafe.com

செல்லுக்கு நான் அடிமை

அந்த 16 வயது கொரிய மாணவியின் கைகள் நடுங்க தொடங்கிவிட்டது. அவரால் அதற்கு மேலும் தாக்குப்பிடிக்க முடியவில்லை.தனது ஆசிரியரிடம் கெஞ்சுகிறார். ஆசிரியரோ முடியவே முடியாது என்று தீர்மானமாக மறுத்து விடுகிறார். அந்த மாணவி செய்வது அறியாமல் கண்ணீர் விட்டு அழுது புலம்புகிறார்.
.
இப்படி பரிதாபத்துக்கு ஆளான மாணவி, ஏதோ போதை பழக்கத்திற்கு இலக்காணவர் என்று நீங்கள் நினைத்தால், அது தவறு. போதை பழக்கத்தால்தான் அந்த மாணவி இப்படி கண்ணீர் விட்டு கலங்கும் நிலைக்கு தள்ளப்பட்டார். என்றாலும் அவர் மதுவுக்கோ அல்லது வேறு எந்த போதை மருந்துக்கோ அடிமையானவர் அல்ல. அவர் செல்போனுக்கு அடிமையானவர்.

செல்போனுக்கு யாராவது அடிமையாக முடியுமா என்று உங்களுக்கு சந்தேகம் ஏற்படலாம். இப்படி செல்போனுக்கு அடிமை யாவது சாத்தியமே. தென்கொரியாவில் ஆயிரக்கணக் கான செல்போன் அடிமைகள் இருக்கின்றனர். அந்நாட்டில் உள்ள 75 சதவிகிதம் பேர் செல்போன் கையில் இல்லை என்றால், ஏதோ குறைந்தது போல உணர்வு ஏற்பட்டு விடுகிறது என்று தெரிவித்துள்ளனர்.

செல்போன் இல்லாமல் நானில்லை என்று சொல்லும் நிலையிலேயே பல தென்கொரியர்கள் இருக்கின்றனர். தென்கொரியா உலகிலேயே மிகவும் ஹைடெக் தேசம் என்பதால் இதில் எந்த வியப்பும் இல்லை. அந்நாடு இன்டெர்நெட் பயன்பாட்டில் முன்னணியில் இருக்கிறது. அதே போல செல்போன் பயன்பாட்டிலும் முன்னணியில் இருக்கிறது. செல்போன் இல்லாமல் அந்நாட்டில் இருப்பவர்கள் எதையுமே செய்ய முடியாத நிலைக்கு வந்து விட்டனர்.

அத்தகைய ஒரு மாணவியின் நிலையைத்தான் மேலே நீங்கள் பார்த்தீர்கள். அந்த மாணவி பள்ளியில் செல்போன் பயன்படுத்திய போது ஆசிரியரிடம் பிடிபட்டார். வகுப்பின் நடுவே பாடத்தை கவனிக்காமல் செல்போனில் பேசி கொண்டிருந்ததால் கோபமடைந்த அந்த ஆசிரியை, மாணவியின் செல்போனை பறிமுதல் செய்து விட்டார்.

அதன் பிறகு அந்த மாணவிக்கு என்ன செய்வதென்றே தெரியவில்லை. சிறிது நேரம் திகைத்து நின்ற அவர், வகுப்பு முடிந்ததும் ஆசிரியையிடம் சென்று செல்போனை தருமாறு கேட்டு கொண்டார். இனி வகுப்பில் செல்போன் பேச மாட்டேன் என்றும் அவர் உறுதி அளித்திருக்கிறார். ஆனாலும் ஆசிரியர் இதனை ஏற்க மறுத்து விட்டார். மறுநாள் போன் கிடைக்காததால் அந்த மாணவியின் கைகள் எல்லாம் நடுங்கத் தொடங்கிவிட்டது.

கண்களில் நீர் வடிந்து கொண்டே இருந்தது. இந்த நிலையை பார்த்து மனமிறங்கிய ஆசிரியர், அவரிடம் செல்போனை ஒப்படைத்து விட்டார். பல தென்கொரிய இளைஞர்கள் இத்தகைய நிலைக்குத்தான் ஆளாகி வருகின்றனர். அவர்களை பொறுத்தவரை செல்போன் இல்லாமல் ஒரு நிமிடம் கூட இருக்க முடியாத நிலை ஏற்பட்டிருக்கிறது. இது உலகம் முழுவதும் உள்ள பிரச்சனை தான்.

இளைய தலைமுறையினர் செல்போனுக்கு அடிமையாவதும், அதனால் பல பிரச்சனைகளும் ஏற்படுவதும் இந்தியா உள்ளிட்ட நாடுகள் எதிர்கொண்டு வருகின்றன. இது மட்டுமல்லாமல் செல்போன்கள், தவறான விஷயங் களுக்கு பயன்படுத்தப்படுவதும் கவலையை ஏற்படுத்தியுள்ளது. இதற்கு தீர்வு என்ன என்று யோசிப்பவர்கள் செல்போனுக்கு தடை விதிப்பதையே சரியான நடவடிக்கையாக சொல்கின்றனர்.

அதன்படி பல நகரங்களில் பள்ளிகள் மற்றும் கல்லூரிகளில் செல்போனுக்கு தடை விதிக்கப்பட்டுள்ளது. இந்த பட்டியல் நீண்டுகொண்டே போகும் என்றுதான் தோன்றுகிறது. இந்த பிரச்சனையால் தென் கொரியா தீவிரமாக பாதிக்கப்பட்டாலும் இத்தகைய தடையை அந்நாடு பிறப்பிக்கவில்லை என்பது கவனிக்க வேண்டிய விஷயம். அதற்கு மாறாக செல்போனுக்கு அடிமையாவ திலிருந்து மாணவர்களை மீட்பதற் கான நடவடிக்கையில் அந்நாடு இறங்கியுள்ளது.

இந்த நோக்கத்தோடு அந்நாட்டைச் சேர்ந்த ஸ்கூல் பியூட்டிபுல் மூவ்மென்ட் என்னும் அமைப்பு மாணவர்களுக்கான செல்போன் பயிற்சி முகாமை நடத்தி வருகிறது. இந்த பயிற்சி முகாமின் நோக்கம் என்னவென்றால் சரியான முறையில் செல்போன் பயன்படுத் துவது எப்படி என்று மாணவர்களுக்கு கற்றுத்தருவதே ஆகும்.

இதில் 12 பள்ளிகள் விரும்பி சேர்ந்திருக்கின்றனர். அடுத்த 2 மாதங்களுக்கு இந்த பயிற்சி முகாம் நடைபெற உள்ளது. இந்த பயிற்சி முகாமின் போது மாணவர்களிடம் செல்போன் பயன்பாடு தொடர்பான விவாதமும் நடத்தப்பட உள்ளது. செல்போனால் அவர்கள் எப்படி பாதிக்கப்படுகின்றனர், அதற்கான தீர்வு என்ன என்பது போன்ற விஷயங்கள் விவாதிக்கப்பட உள்ளது.

மாணவர்களின் பிரச்சனையை, மாணவர்களை கொண்டே தீர்க்கும் நோக்கத்தோடு இந்த முகாம் நடைபெறுகிறது. செல்போன் சார்ந்த நாகரிக நடவடிக்கைகளை பின்பற்றுவது பற்றி அந்த முகாமில் வலியுறுத்தப்பட உள்ளது. உதாரணத்திற்கு மாணவர்கள் பள்ளிக்கு செல்போன் எடுத்து வரும்போது, வகுப்பு தொடங்கும் முன்பாக அதனை ஆசிரியர்களிடம் ஒப்படைத்து விடுவது உள்ளிட்ட பல்வேறு நடவடிக்கைகள் பரிந்துரைக்கப்பட உள்ளன.

இப்படி செய்வதன் மூலமாக செல்போன்கள் மூலமாக ஏற்படும் விரும்பத்தகாத செயல்களை தவிர்க்கலாம். அதே நேரத்தில் செல்போன்களால் ஏற்படக் கூடிய நன்மையையும் இழக்காமல் இருக்கலாம். இந்த விஷயத்தில் தென் கொரியா மேற்கொண்டுள்ள நடவடிக்கை ஒரு முன்மாதிரி என்றுதான் சொல்ல வேண்டும்.

பாட்காஸ்டிங் கேட்க வா

பாட்காஸ்டிங் பிரியர்களுக்கு நற்செய்தியாகவும், அதேபோல செல்போன் வைத்திருப்பவர்களுக்கும் நல்ல செய்தியாக புதியதொரு சேவை அறிமுகமாகியிருக்கிறது.
பாட்காஸ்டிங் மற்றும் செல்போன் இந்த இரண்டையும் இணைக்கும் விதமாக உருவாக்கப்பட்டுள்ள இந்த சேவை கொஞ்சம் தாமதமாக அறிமுக மாகியிருக்கிறது என்றுதான் சொல்ல வேண்டும். காரணம் பாட்காஸ்டிங் பிரபலமானபோதே இந்த சேவை அறிமுகமாகியிருக்க வேண்டும். அல்லது குறைந்தபட்சம் செல்போனில் பாடல்கள் கேட்பது, பிரபலமான உடனேயேனும் இந்த சேவை அறிமுகாகியிருக்க வேண்டும்

யாருக்கும் தோன்றவில்லையா? என்ன என்று தெரியவில்லை. செல்போன் மூலம் பாட்காஸ்டிங்கை கேட்க வழி செய்யும் இந்த சேவை தற்போதுதான் அறிமுகமாகியிருக் கிறது. ஃபோன் ஷோ டாட்காம் என்னும் இணையதளம் இந்த சேவையை அறிமுகம் செய்திருக்கிறது.

பாட்காஸ்டிங் பற்றி அறிந்தவர்க ளுக்கு இந்த சேவையின் மகத்துவம் எளிதாக புரிந்துவிடும். இன்டெர்நெட் மூலம் ஆடியோ நிகழ்ச்சிகளை தருவித்து கேட்கும் வசதி பாட்காஸ்டிங் என்று குறிப்பிடப் படுகிறது.

தனி நபர்கள் வானொலி என்றும் வர்ணிக்கப்படும் பாட்காஸ்டிங் பற்றி பரபரப்பாக பேசப்பட்டாலும், இந்த பிரிவில் புதுமையான பல நிகழ்ச்சிகள் அறிமுகமானாலும், எதிர்பார்த்த அளவுக்கு பாட்காஸ்டிங் பெரிய அளவில் வெற்றிபெறவில்லை.

ஆரம்ப கால பரபரப்பு அடங்கிப்போய் பாட்காஸ்டிங் பற்றி பேச்சு, மூச்சு இல்லாமல் இருந்தது. இந்த நிலையில் தான் ஃபோன் ஷோ சேவை மீண்டும் பாட்காஸ்டிங்கை முன்னுக்கு கொண்டு வந்திருக்கிறது.

ஆயிரத்துக்கும் மேற்பட்ட பாட் காஸ்டிங் வகைகள் இருந்தாலும், அதன் நிகழ்ச்சிகளை டவுன்லோடு செய்து கேட்பதற்கான முறை என்னவோ ஒன்றுதான். பாட்காஸ்டிங் சேவை வழங்கும் தளங்களில் உறுப்பினராக பகிர்ந்துகொண்டால், அந்த ஆடியோ கோப்பை செய்தி யோடை வசதியாக டவுன்லோடு செய்து விரும்பும் நேரத்தில் கேட்கலாம். நல்ல பாட் காஸ்டிங் நிகழ்ச்சிகளை தொகுத்தளிப்ப தற்கான சிறந்த திரட்டிகளும் இருக்கின்றன.

ஆனால் பாட்காஸ்டிங்கை பொதுவாக நம்முடைய கம்ப்யூட்டர் மூலம்தான் கேட்கலாம். இப்போது செல் போன்களில் எம்பி3 கோப்புகள் மூலம் பாடல்களை கேட்டு ரசிப்பது மிகவும் பரவலாகி இருக்கும் நிலையில், செல்போனிலேயே பாட்காஸ்டிங் நிகழ்ச்சிகளை கேட்க முடிவது உண்மை யிலேயே பயனுள்ள சேவைதான்.

ஃபோன் ஷோ இணையதளம் இந்த சேவையைதான் வழங்குகிறது. தங்களுடைய செல்போனில் பாட் காஸ்டிங் நிகழ்ச்சிகளை கேட்டு ரசிக்க விரும்புகிறவர்கள் இந்த தளத்தில் பதிவு செய்து கொள்ளவேண்டும்.

பதிவு செய்து கொள்வதற்காக செல்போன் நம்பரை மட்டும் குறிப்பிட் டால் போதும் வேறு எந்த விவரங்களை யும் சமர்ப்பிக்க வேண்டிய அவசியம் இல்லை. அதன்பிறகு பாட்காஸ்டிங் நிகழ்ச்சி பற்றிய தகவல் எஸ்எம்எஸ் மூலம் அனுப்பி வைக்கப்படும் எஸ்எம்எஸ் ல் குறிப்பிடப்பட்டுள்ள பாட்காஸ்டிங் நிகழ்ச்சியை கேட்க விரும்பினால் அதில் உள்ள தொலை பேசி எண்ணுக்கு டயல் செய்தால் பாட்காஸ்டிங் நிகழ்ச்சி செல்போனில் கேட்கத்தொடங்கி விடும்.

அதன்பிறகு செல்போனில் உள்ள பட்டன்களை அழுத்துவதன் மூலம் அடுத்த நிகழ்ச்சியை கேட்பதோ அல்லது முந்தைய நிகழ்ச்சிக்கு செல்வதோ அல்லது வேறு நிகழ்ச்சிக்கு தாவுவதோ சுலபமானது.

கேட்கும் நிகழ்ச்சி பிடித்திருந்தால், நண்பர்களுக்கு அதனை பார்வர்டு செய்யலாம்.
பாட் காஸ்டிங் ஏற்படுத்தி தரும் சுதந்திரத்தைப் பயன்படுத்திக் கொண்டு வித விதமான நிகழ்ச்சிகளை தனி நபர்கள் பாட்காஸ்ட் செய்து வருகின்றனர்.

வெறும் பாட்டு கேட்பதைவிட இத்தகைய நிகழ்ச்சிகளை செல்போன் மூலம் கேட்டு ரசிக்க முடிவது சிறப்பானதுதானே. அமெரிக்காவை சேர்ந்த எரிக் ஸ்குவாட்ஸ் மற்றும் மிக் வால்ப் ஆகிய தொழில்நுட்ப நிபுணர்கள் இந்த சேவையை உருவாக்கியுள்ளனர்.

வீடியோ கோப்புகளை டவுன்லோடு செய்து பார்ப்பது பரவலாக உள்ள நிலையில், ஆடியோ கோப்புகளுக்கு இத்தகைய முக்கியத்துவம் இல்லாமல் இருப்பதை உணர்ந்து இந்த இருவரும் ஃபோன் ஷோ சேவையை உருவாக்கியதாக தெரிவிக்கின்றனர். முதல்கட்டமாக அமெரிக்காவில் உள்ள செல்போன் பயனீட்டாளர்களுக்கு இந்த சேவை அறிமுகமாகி
இருக்கிறது.

இதன் வெற்றியைப்பொறுத்து மற்ற நாடுகளிலும் இந்த சேவை அறிமுகம் ஆகலாம்.
ஃபோன் ஷோ தளத்தின் மூலம் பாட்காஸ்டிங்கை செல்போனில் டவுன்லோடு செய்து கொள்வது சுலபமானது. அது மட்டுமல்லாமல், பாட்காஸ்டிங் நிகழ்ச்சிகளை தேடிப் பார்ப்பதும் மிகவும் சுலபமானது.

பாட்காஸ்டிங் நிகழ்ச்சிகளின் வகைகளை குறிப்பிடும் பல்வேறு தலைப்புகளின் கீழ் நிகழ்ச்சிகள் பட்டியலிடப்பட்டுள்ளன. அவற்றை கிளிக் செய்து விருப்பமான நிகழ்ச்சி களை தேர்வு செய்து கொள்ளலாம்.

அது மட்டுமல்லாமல் பாட்காஸ்டிங் செய்து வருபவர்கள் தங்களது நிகழ்ச்சிகளையும் இதில் சமர்ப்பிக்கலாம். அந்த வகையில் பாட்காஸ்டிங் தயாரிப்பாளர்கள் மற்றும் ரசிகர்கள் ஆகிய இருவருக்கு இடையே யான பாலமாகவும் இந்த தளம் செயல்படுகிறது. விளம்பரத்தின் மூலம் வருவாயை தேடிக்கொள்ளும் நம்பிக்கை இருப்ப தால் இந்த சேவையை ஃபோன் ஷோ இலவசமாகவே வழங்குகிறது.
————–

link;www.foneshow.com

எஸ்.எம்.எஸ். நிபுணர்கள்

 

பல லட்சம் ஆண்டுகளுக்கு முன்னர்  நம்முடைய மூதாதையர்கள் தீயை கண்டுபிடிப்பதற்கு முன்னர் இருளில் எப்படி அவதிப்பட்டனரோ, இதே போலத்தான் நாம் இன்று நகர காட்டில்  திண்டாடிக் கொண்டிருக்கிறோம் என்று சொன்னால் ஒப்புக் கொள்வீர்களா?
நீங்கள் ஒப்புக் கொள்கிறீர்களோ இல்லையோ, புதிய இணைய தளம் ஒன்று இப்படி தான் நினைக்கிறது.

அது மட்டுமல்ல நகர காட்டில் உங்களது திண்டாட்டத்தை போக்குவதற்கான சேவையையும் அறிமுகம் செய்வதாக அந்த தளம் கூறுகிறது.  டெக்ஸ்பர்ட்ஸ் டாட்காம் என்பது அந்த தளத்தின் முகவரி. 

டெக்ஸ்பர்ட்ஸ் என்பது புதுவகையான வார்த்தை  பிரயோகம்தான்.  எக்ஸ்பர்ட்ஸ் என்ற  ஆங்கில வார்த்தைக்கு நிபுணர் என்ற பொருள்வரும். இதன் அடிப்படையில் பார்த்தால் டெக்ஸ்பர்ட்ஸ்  என்றால் டெக்ஸ்டிங் என்று குறிப்பிடப்படும் எஸ்எம்எஸ் தொடர்பான விஷயங்களில் நிபுணர் என்று அர்த்தம். இத்தகைய நிபுணர்களை கொண்டிருப்பதால்தான் இந்த தளம் தன்னை டெக்ஸ்பர்ட்ஸ்  என்று  அழைத்து கொள்கிறது.

இந்த நிபுணர்கள் என்ன செய்கிறார்கள்? நீங்கள் எந்த கேள்வி கேட்டாலும் அதற்கு சரியான பதிலை அளிக்கிறார்கள் என்கிறது இந்த தளம். உங்கள் கேள்வி எதுவாக வேண்டுமானாலும் இருக்கலாம். அந்த கேள்விக்கு ஐந்தே நிமிடத்தில் இந்த தளம் தன்னுடைய நிபுணர்களின் மூலம்  பதிலளித்து விடுகிறது. பதில்கள் எஸ்.எம்.எஸ். மூலம் வந்து சேர்கின்றன.

இன்டெர்நெட்டில் தகவல்கள் கொட்டிக்கிடக்கின்றன. அதனை  தேடுவதற்கான  வழிகளும் அநேகம் இருக்கின்றன. என்றாலும், உடனடியாக தேவைப்படக் கூடிய  நேரத்தில் தகவல்களை  தேடிக் கொண்டிருப்பதை விட,  கேட்டதும் கிடைப்பதே பயனுள்ளதாக இருக்கும்.  இந்த கருத்தை அடிப்படையாக கொண்டு  செல்போன் மூலம் தகவல்களை கேட்டு பெறும் சேவை அறிமுகமானது.

அறிமுகம் இல்லாத நகரத்தில் இருக்கும் போது அங்கே ஓட்டல் அல்லது அலுவலக கட்டிடம் போன்ற விவரங்களை உடனடியாக தெரிந்து கொள்ளவிரும்பினால் இன்டெர் நெட்டின் பின்னே அலைந்து கொண்டிருப்பது  சரியல்ல. இத்தகைய நேரங்களில் செல்போன் மூலம்  தேவைப்படும் தகவலை  கேள்வியாக அனுப்பி வைத்தால் உடனடியாக பதில் கிடைக்கும்.  இத்தகைய சேவையை  82 ஆஸ்க் என்னும் இணைய தளம் வழங்கி வந்தது.
இந்த இணைய தளம் இணையவாசிகள் கேட்கும் கேள்விகளுக்கு தன்னுடைய ஊழியர்கள் மூலம் பதில்களை தேடி தந்து கொண்டிருந்தது.

இப்படி பதில்களை தேடுவதன் மூலம் ஊழியர்கள் தனி நிபுணத்துவம் பெற்றதால், அதனை உரிய முறையில் பயன்படுத்தி கொள் ளும் நோக்கோடு இந்த தளம்  டெக்ஸ்பர்ட்ஸ்  என்னும் பெயரில் மறு அவதாரம் எடுத்துள்ளது.

இப்போது இந்த தளத்தில் கேள்வி களை கேட்டால்  ஐந்தே நிமிடத்தில் சரியான பதில் கிடைத்துவிடும் என்று அந்த தளம் சொல்கிறது. இதற்காக கட்டணம் செலுத்த வேண்டும்.
இந்த சேவையின் மகிமையை உணர்த்தத்தான் இந்ததளம், நம்முடைய முன்னோர்கள் எப்படி  அவதிப்பட்டனரோ  அதே போலத்தான் நாமும் இன்று   சரியான தகவல்களை உடனடியாக பெற முடியாமல்  அவதிப்பட்டு கொண்டிருப்பதாக கூறுகிறது. அதற்கு தீர்வாக இந்த சேவையை அறிமுகம் செய்திருக்கிறது.

இணையவாசிகள்  இதனை  ஏற்று கொள்கிறார்களோ இல்லையோ, இந்த தளம் இன்டெர்நெட் உலகில் பெரும் பரபரப்புக்கு மத்தியில் மறு அவதாரம் எடுத்திருக்கிறது.

முழு வீச்சில் அறிமுகம் ஆவதற்கு முன்னர், அதிக விவரங்கள் இல்லாமல் ஒரு இணைய தளத்தை அமைத்து, முட்டாள்கள் யோசித்து கொண்டிருப்பார்கள். புத்திசாலி யாரிடமாவது கேட்பான் என்னும் வாசகத்தை மட்டும்  தளத்தின் முகப்பு பக்கத்தில் இடம் பெற்றுள்ளது.
 இது பற்றி மேலும் விவரம் அறிய வேண்டும் என்றால் ஆகஸ்ட் 14ந் தேதி வரை காத்திருங்கள் என்று குறிப்பிட்டிருந்தது. 

இதனால் ஒருவித எதிர்பார்ப்பு ஏற்பட்ட நிலையில், ஆகஸ்ட் 14ந் தேதி செல்போன் மூலம் தகவல்களை கேட்டு பெறும்  சேவை அறிமுகமானது. பல இணையவாசிகளுக்கு  இதனால் ஏமாற்றம் ஏற்பட்டிருக்கலாம். காரணம் இந்த சேவை ஒன்றும் முற்றிலும் புதிதானதல்ல. ஏற்கனவே பல  இணைய தளங்கள்  இது போன்ற சேவையை வழங்கி வருகின்றன.  மோசியோடாட்காம் அதில் ஒன்று.  இந்த தளத்தின் மூலம் கேள்வி கேட்டால், யாராவது ஒருவர் அதற்கான  பதிலை தேடி சமர்ப்பிப்பார்.  ஆனால் இவற்றை யெல்லாம் விட துல்லிய மானதாகவும்,  மேம்பட்டதாகவும் தனது சேவை இருப்பதாக டெக்ஸ் பர்ட்ஸ்  தளம் கூறிக்கொள்கிறது.

செல்போனை மீட்கும் சாப்ட்வேர்

செல்போன் காணாமல் போய்விட்டது என்றால் உங்களால் அதிகபட்சம் செய்யக்கூடியது என்ன? வருத்தப்படுவது மற்றும் புலம்புவதை எல்லாம் செய்து முடித்த பிறகு, அல்லது அதற்கு முன்பாகவோ செல்போன் சேவை நிறுவனத்தை தொடர்பு கொண்டு உங்கள் எண்ணை செயல்படாமல் முடக்கி வைப்பது மட்டும் தான்.

.
தொலைந்த/திருடப்பட்ட செல்போன் திரும்ப கிடைக்கக்கூடும் என்ற நம்பிக்கை உங்களுக்கு இருந்தால், அருகே உள்ள காவல் நிலையத்தில் புகார் செய்து ஒரு எப்ஐஆர் பதிவு செய்து கொள்ளலாம்.

ஒருசில செல்போன் சேவை நிறுவனங்கள் செல்போன் நம்பரை முடக்குவதற்கே எப்ஐஆர் நகலை கேட்கின்றன. எனவே, செல்போன் திரும்ப கிடைக்கும் இல்லாவிட்டாலும் இதற்காகவேனும் எப்ஐஆர் பதிவு செய்ய வேண்டும்.

இதற்கு மேல் அதிகம் செய்வதற்கு இல்லை. வேண்டுமானால் செல்போனை திருடிச் சென்ற நபரை மனதார வசைபாடலாம்.  செல்போன் உரிமையாளர்கள் பலருக்கு இந்த நிலை ஏற்பட்டிருக்கிறது. ஆனால் இப்படி செல்போனை பறிகொடுப்பவர்கள், அதனை நினைத்து நொந்து கொள்ள வேண்டிய நிலை இனி இல்லை.
தொலைந்த செல்போன்களை மீட்டுத் தரக்கூடிய விசேஷ சாப்ட்வேர்கள் தற்போது அறிமுகமாகி இருக்கின்றன. இந்த சாப்ட்வேர்களை செல்போனில் டவுன்லோடு செய்து கொண்டால், செல்போன் உங்கள் கையை விட்டு போகும் நேரத்தில் அது இருக்கும் இடத்தை சாப்ட்வேர் காண்பித்து விடும்தொலைந்து போகும் செல்போன்கள் நவீன வாழ்க்கையின் புதிய பிரச்சனையாக உருவாகியிருக்கும் நிலை இவற்றுக்கு தீர்வு காண தொழில்நுட்பத்தை உதவிக்கு அழைக்கும் நோக்கத்தோடு செல்போன் மீட்பு சாப்ட்வேர்கள் உருவாக்கப்பட்டுள்ளன.

மும்பையை சேர்ந்த மைக்ரோ டெக்னாலஜிஸ் நிறுவனம் லாஸ்ட் மொபைல் டிராகிங் சாப்ட்வேர் என்னும் பெயரில் இத்தகைய விசேஷ சாப்ட்வேரை உருவாக்கியுள்ளது.

இந்த சாப்ட்வேரை செல்போனில் டவுன்லோடு செய்து கொண்டால், அது செல்போன் காணாமல் போவதை கண்காணித்து கொண்டே இருக்கும். அதாவது, உங்களுடைய போன் வேறொருவர் கைக்கு சென்று அவர் அதிலிருந்த சிம்கார்டை தூக்கியெறிந்து விட்டு புதிய சிம்கார்டை பயன்படுத்த தொடங்குவார் அல்லவா? இப்படி புதிய சிம்கார்டு நுழைக்க பட்டதுமே இந்த சாப்ட்வேர் உங்களுக்கு எஸ்எம்எஸ் அல்லது இமெயில் மூலம் தகவல் அனுப்பிவிடும்.

இதற்காக பதிவு செய்யும் போதே மாற்று தொலைபேசி எண் மற்றும் இமெயில் முகவரியை சமர்ப்பிக்க வேண்டும். புதிய சிம்கார்டு பயன்படுத்தப்படுகிறது என்னும் தகவல் தெரிவிக்கப்படுவதோடு, அந்த போன் எந்த இடத்தில் இருக்கிறது என்னும் விவரமும் தெரிவிக்கப்படும்.

அந்த விவரத்தை காவல் நிலையத்தில் தெரிவித்து செல்போனை மீட்க முயற்சிக்கலாம். ஆச்சரியப்படும் வகையில் இந்த சாப்ட்வேரை பயன்படுத்திய ஒருசிலர் தொலைந்த செல்போனை மீட்டியிருக்கின்றனர்.

ஆனால் ஒன்று இதற்கு சேவை கட்டணமாக வருடத்திற்கு 399 ரூபாய் செலுத்த வேண்டும்.
இதேபோல் பிபிஎல் மொபைல்ஸ், ஜிஎஸ்எம் போன்களுக்காக ஒரு சாப்ட்வேரை அறிமுகம் செய்துள்ளது. ஒரேமுறை 149 ரூபாய் கட்டணம் செலுத்தி இதனை பயன்படுத்திக் கொள்ளலாம்.

கட்டணம் செலுத்த தயங்குபவர்களுக்காக என்று டெக்ஸ் மொபைல், எம் கார்டு என்னும் இலவச சாப்ட்வேரை அறிமுகம் செய்திருக்கிறது. இந்த சாப்ட்வேர்களை எல்லாம் மிஞ்சும் வகையில் செயல்படக்கூடிய வர்ச்சுவல் மொபைல் செக்யூரிட்டி சாப்ட்வேரை இன்னோவா டெக்னாலஜிஸ் அறிமுகம் செய்திருக்கிறது.

இந்த சாப்ட்வேர், உங்களது போனில் இருந்தால் அது தொலைந்து/திருடப்பட்டு வேறொருவரால் பயன்படுத்தப்படும் போது அதுபற்றிய விவரம் எஸ்எம்எஸ் மூலம் தெரிவிக்கப்படுவதோடு, போனிலிருந்த செல்போன் முகவரிகள், புகைப்படங்கள், வீடியோக்கள் ஆகியவையும் பாதுகாக்கப்படுகிறது.

இந்த சாப்ட்வேர் செல்போனை பயன்படுத்துபவர் இருப்பிடத்தை தெரிவிப்பதோடு, அவர் எந்த எண்ணுக்கெல்லாம் அழைத்து பேசுகிறார் என்ற விவரத்தையும் அனுப்பி வைக்கிறது. அதுமட்டுமல்ல லவுடு ஸ்பீக்கர் வசதி மூலம் போனை எடுத்தவர் என்னவெல்லாம் பேசுகிறார் என்பதையும் கண்காணிக்க முடியும்.

இந்த தகவல்களை எல்லாம் காவலர்களிடம் தெரிவித்து போனை மீட்பது சுலபம். ஒரேமுறை 349 ரூபாய் கட்டணம் செலுத்தி இதனை பயன்படுத்தலாம். அற்புதமான சாப்ட்வேராக இருக்கிறதே என்று நீங்கள் நினைக்கலாம். அதில் எந்த சந்தேகமும் இல்லை.

ஆனால் ஒரே பிரச்சனை என்னவென்றால் இந்த சாப்ட்வேர்கள் பெரும்பாலும் நவீன வசதி கொண்ட செல்போன்களில் மட்டுமே செயல்படக் கூடியவை என்பது மட்டும்தான்.
எனவே இவற்றை வாங்குவதற்கு முன்பாக இந்த சாப்ட்வேர் உங்கள் செல்போனில் செல்லுபடியாகுமா என்று பார்த்துக் கொள்ள வேண்டும்.

இல்லையென்றால்,  முதலில் இத்தகைய கண்காணிப்பு சாப்ட்வேர் செயல்படக்கூடிய நவீன போன்களை வாங்கிக் கொள்ள வேண்டும.