Tag Archives: banks

ரொக்கமில்லா சமூகம் சாத்தியமா? அலசும் ‘டிஜிட்டல் பணம்” புத்தகம்

vanigaபணமதிப்பு நீக்க நடவடிக்கைக்கு பிறகு டிஜிட்டல் பரிவர்த்தனை தொடர்பான சர்ச்சையும், விவாதமும் தீவிரமடைந்து சற்று ஓய்ந்திருக்கிறது. இந்நிலையில், டிஜிட்டல் பரிவர்த்தனையை மையமாக கொண்டு டிஜிட்டல் பணம் புத்தகம் வெளியாகி இருக்கிறது. பத்திரிகையாளரும், தொழில்நுட்ப வலைப்பதிவாளருமான சைபர்சிம்மன் இந்த புத்தகத்தை எழுதியிருக்கிறார். கிழக்கு பதிப்பக வெளியீடாக இந்த நூல் வெளியாகி இருக்கிறது.

கடந்த நவம்பர் மாதம் அறிவிக்கப்பட்ட பண மதிப்பு நீக்க நடவடிக்கை பொதுமக்களுக்கு ஒரு பக்கம் பெரும் இன்னலை ஏற்படுத்தினாலும், டிஜிட்டல் பரிவர்த்தனையை சார்ந்த ரொக்கமில்லா சமூகம் தொடர்பான விவாதத்தையும் ஏற்படுத்தியது. இந்தியா போன்ற நாட்டில் முழுவதும் டிஜிட்டல் பரிவர்த்தனைக்கு மாறுவது சாத்தியம் தானா? எனும் கேள்வியும் பலரால் கேட்கப்பட்டது. இதற்கான பதில்கள் மாறுபட்ட நிலையில், எல்லாமே டிஜிட்டலுக்கு மாறிவரும் உலகில் பணமும் டிஜிட்டல்மயமாவது தவிக்க இயலாதது என வாதிடுகிறது ‘டிஜிட்டல் பணம்’ புத்தகம்.

நவீன தொழில்நுட்ப வளர்ச்சியின் காரணமாக உலகம் ரொக்கமில்லா சமூகத்தை நோக்கி முன்னேறிக்கொண்டிருப்பதை விவரிக்கும் இந்த புத்தகம், இந்தியா போன்ற நாடுகளில், இதற்கு கைகொடுக்க கூடிய மொபைல் பணம் தொடர்பான விரிவாக பேசுகிறது.

சாதாரண செல்போன் மூலம் டிஜிட்டல் பண பரிவர்த்தனையை சாத்தியமாக்கும் மொபைல் பணம் சார்ந்த முன்னோடி முயற்சிகள் பற்றி விரிவான கட்டுரைகள் இடம்பெற்றுள்ளன. மொபைல் பணம் சார்ந்த முன்னோடி முயற்சிகள் இந்தியாவில் நடைபெற்று வருவதை அடையாளம் கட்டுரைகள் நிச்சயம் வியப்பில் ஆழ்த்தும்.

 

இந்த புத்தகம் தொடர்பான கேள்விகளுக்கு சைபர்சிம்மன் அளித்த பதில்கள் வருமாறு:

டிஜிட்டல் பணம் புத்தகம் எழுதியது ஏன்?

பணமதிப்பு நீக்க நடவடிக்கை அறிவிக்கப்பட்ட பின், ரொக்க பணத்திற்கான தட்டுப்பாடு நிலவிய நிலையில், டிஜிட்டல் பரிவர்த்தனைக்கு மாறுவது தொடர்பான அவசியத்தை வலியுறுத்தி இந்த புத்தகத்தை எழுதுவதற்கான எண்ணம் உண்டானது. ஏடிஎம் வாயில்களில் நீண்ட வரிசையில் மக்கள் கால் கடுக்க காத்திருந்த நிலையில், பொது கருத்து டிஜிட்டல் பரிவர்த்தனைக்கு எதிராக அமைந்த நிலையில் இந்த புத்தகத்திற்கான தகவல் சேகரிப்பு மற்றும் ஆய்வில் ஈடுபட்டிருந்தேன்.

டிஜிட்டல் பணம் இந்தியாவுக்கு எல்லாம் சரிபட்டு வராது என பரவலாக கருதப்பட்ட சூழலில் இந்த புத்தகத்தை எழுத தீர்மானித்ததற்கு சில முக்கிய காரணங்கள் உண்டு. அவற்றில் முதன்மையானது கென்யாவில் எம்-பெசா எனும் மொபைல் பணம் பெரும் வெற்றி பெற்று ஒரு முன்னோடி முயற்சியாக இருந்ததை அறிந்திருந்தது தான். ஆப்பிரிக்க நாடான கென்யாவில் மொபைல் மூலமான பண பரிவர்த்தனை சரியாக வரும் எனில் இந்தியாவிலும் இந்த சிக்கலுக்கான பதில் மொபைல் பணமாக தான் இருக்க வேண்டும் என நம்பினேன்.

இங்கு கவனிக்க வேண்டிய விஷயம், மொபைல் பணம் என்பது பரவலாக அறியப்பட்ட மொபைல் வாலெட்டில் இருந்து வேறுபட்டது. இது சாதாரணா செல்போனிலேயே செயல்படக்கூடியது. அதனால் தான் எம்-பெசா கென்யாவில் வெற்றி பெற்று மற்ற ஏழை நாடுகளிலும் பரவலானது . உள்நாட்டு போரால் பாதிக்கப்பட்ட ஆப்கானிஸ்தான் மற்றும் சோமாலியாவிலும் மொபைல் பணம் செயல்படுத்தப்படுவதை கட்டுரைகள் வாயிலாக அறிய முடிந்தது.

எம்-பெசா பற்றிய புரிதலே இந்த புத்தகம் எழுத மூலக்காரணம். அதே போலவே தொழில்நுட்பத்தின் மீது எனக்கிருந்த ஆர்வமும், நம்பிக்கையும் மற்றொரு முக்கிய காரணமாக அமைந்தது. டிஜிட்டல்மயமாக்கலின் முக்கியத்துவம் மற்றும் தவிர்க்க இயலா தன்மையை அறிந்திருப்பதால் பணமும் டிஜிட்டல்மயமாக வேண்டும் என நினைத்தேன். அதுவே இந்த புத்தகத்தை எழுத மூலக்காரணம்.

moneyரொக்கமில்லா சமூகம் ஏன் தேவை என நினைக்கிறீர்கள்?

பண பரிவர்த்தனை தொடர்பான வரலாற்று செய்திகளை தேடிப்படித்த போது இன்னும் கூடுதல் புரிதல் கிடைத்தது. ரொக்கமில்லா சமூகம் எனும் கருத்தாக்கத்தின் துவக்கப்புள்ளி காசோலை இல்லா சமூகம் எனும் புள்ளியிலிருந்து துவங்குவதையும், கம்ப்யூட்டர்களின் வருகை மற்றும் பயன்பாடு இதற்கு முக்கிய காரணம் என்பதையும் அறிய முடிந்தது. இந்த வரலாறு பற்றிய கட்டுரைகள் புத்தகத்தின் துவக்கமாக அமைந்துள்ளன.

உண்மையில், தந்தி மூலமான தகவல் பரிமாற்றம் பண பரிவர்த்தனைக்கு உதவிய காலத்திலேயே பணம் டிஜிட்டல் மயமாவது துவங்கிவிட்டது. இப்போது நவீன தொழில்நுட்பம் இதை மேலும் செழுமையாக்கியுள்ளது.

இவைத்தவிர ஸ்வீடன் போன்ற நாடுகள் ரொக்கமில்லா சமூகத்திற்கு மாறியுள்ள தகவலும் என்னை ஈர்த்தன. ஸ்விடனில் ரொக்கமில்லா சமூகத்திற்கான கருத்தாக்கம் வேரூன்றிய விதமும், செயல்படுததப்படும் விதமும் தனிக்கட்டுரைகளாக அமைந்துள்ளன.

ஸ்வீடன் சரி, இந்தியாவுக்கு எப்படி பொருந்தும் என கேட்பர்வர்களுக்கு பதிலாக நம் நாட்டிலேயே விளிம்பு நிலை மக்களுக்கு மொபைல் பணம் மூலம் நிதிச்சேவைகளை கொண்டு சேர்க்கும் எகோ மணி, பீம் மணி போன்ற முயற்சிகள் அமைந்துள்ளன. இவை பற்றிய தனிக்கட்டுரைகள் உள்ளன. இது தவிர வங்கதேசத்தில் மொபைல் போனை ஏழைகளுக்கு கொண்டு சென்ற முன்னோடி தொழில்முனைவோரான இக்பால் காதீர் பற்றியும் எழுதியுள்ளேன்.

உண்மையில் ரொக்கமில்லா சமூகத்தின் சாத்தியம் பற்றிய வல்லுனர்கள் விவாதம் மற்றும் சந்தேகங்களை மீறி, மொபைல் பணம் சார்ந்த முன்னோடி முயற்சிகளில் ஈடுபட்டுள்ள தொலைநோக்கு மிக்க மனிதர்களின் முயற்சியே இந்த புத்தகத்தை எழுதும் உத்வேகத்தை தீவிரமாக்கியது.

அதென்ன மொபைல் பணம்?

இந்த புத்தகத்தை எழுதும் முயற்சியில் ஈடுபட்டிருந்த போது,  ரொக்கமில்லா சமூகத்தில் வாழந்து பார்த்த மனிதர்களின் பரிசோதனை முயற்சியும் அறிந்து கொள்ள முடிந்தது. முக்கியமாக பணத்தின் வரலாற்றை ஆய்வு செய்து எழுதிய பத்திரிகையாளர் டேவிட் வால்மனின் புத்தகம் பற்றி படித்தது கண்களை திறந்துவிட்டது போல இருந்தது. வால்மன் புத்தகம் மூலமே இந்தியாவில் மொபைல் பணம் முயற்சிகள் பற்றி அறிய முடிந்தது.

மொபைல் பணம் என்பது செல்போன் மூலமான டிஜிட்டல் பணவர்த்தனை. மொபைல் பணம் என்பது செல்போன் ரீசார்ஜ் செய்வது போலதான். சாதாரண செல்போனே இதற்கு போதும். இந்த வகை பரிவர்த்தனை வசதி மூலம் குக்கிராமங்களுக்கு கூட டிஜிட்டல் பரிவர்த்தனையை கொண்டு செல்லலாம். இதற்கு உதாரணமாக திகழும் இந்திய கிராமம் பற்றியும் புத்தகத்தில் தனிக்கட்டுரை இடம்பெற்றுள்ளது.

ரொக்கமில்லா சமூகத்தின் சாத்தியம் குறித்த அனைத்து அம்சங்களை எழுத விரும்பினாலும், அதன் மீதான சந்தேகங்களுக்கு பதிலாக அமையக்கூடிய மொபைல் பணம் பற்றிய முக்கிய கவனம் செலுத்தியுள்ளேன்.

இந்த புத்தகம் எழுதும் போக்கில், மொபைல் பணம் மூலம் ஏழை மக்களுக்கு நிதிச்சேவைகளை கொண்டு செல்லும் முயற்சிகள் பற்றியும், வங்கியில்லா வங்கிச்சேவைகள் பற்றியும் அறிந்து கொள்ள முடிந்தது. ஏழைகளுக்கு டிஜிட்டல் பணம் எல்லாம் சரிபட்டு வருமா என்பது தவறான கேள்வி. உண்மையில் டிஜிட்டல் பணம் மூலம் தான் ஏழைகளுக்கு அடிப்படை நிதிச்சேவைகளை அளிக்க முடியும் என்பது தான் இந்த புத்தகம் சொல்லும் சேதி.

இந்த புத்தகம் ரொக்கமில்லா சமூகத்திற்கு ஆதாரவானதா?

ஆம்.

இந்தியா போன்ற நாடுகளில் ரொக்கமில்லா சமூகம் எப்படி சாத்தியம்?

இதற்கான பதில் மொபைல் பணம் எனும் கருத்தாக்கத்தில் உள்ளது. அதை மையமாக கொண்ட முயற்சிகளை தான் இந்த புத்தகம் பேசுகிறது.

  • கிரெடிட் கார்டு, டெபிட் கார்டு எல்லோரிடமும் இல்லையே?

கார்டு தேவையில்லை. மொபைல் போதுமானது என்பதே இந்த புத்தகத்தின் அடிநாதம்.

 

  • ஸ்மார்ட்போனும் எல்லோரிடமும் இல்லையே?

தேவையில்லை. சாதாரண போனே போதும்.

  • எப்படி ?

கென்யாவின் மொபைல் பணமான எம்-பெசா இதற்கான உதாரணம்.

  • இந்தியாவில் யதார்த்தம் என்ன?

இந்தியாவிலும் எகோ மணி, பீம் மணி போன்ற முன்னோடி உதாரணங்கள் உள்ளன. இந்தியா மட்டும் அல்ல ஆப்கானிஸ்தான் , சோமாலிலாந்தில் முன்னோடி முயற்சிகள் மேற்கொள்ளபடுகின்றன.

  • ரொக்கமில்லா பரிவர்த்தனை ஏழைகளுக்கு பாதகமாக அமையாதா?

பரவலாக கருதப்படுவதற்கு மாறாக ரொகமில்லா பரிவர்த்தனை ஏழைகளுக்கு உதவக்கூடியது. மொபைல் பணம் என்பது ஏழைகளுக்கான வங்கிச்சேவைக்கான அடிப்படையாக பார்க்கபடுகிறது.

  • வங்கி சேவையை இன்னும் பரவலாகவில்லையே?

வங்கிச்சேவையை ஏழைகள் மற்றும் விளிம்பு நிலை மக்களுக்கு கொண்டு செல்ல செல்போன் உதவும். செல்போன் மாற்றத்திற்கான சாதமாக பார்க்கப்படுக்கிறது. மூன்றாம் உலக நாடுகளில் இதற்கான முன்னோடி முயற்சிகள் இருக்கின்றன.

  • இந்த புத்தகத்திற்கான அவசியம் என்ன?

உலகில் எல்லாம் டிஜிட்டல்மயமாகி வருகிறது. பணமும் டிஜிட்டல் மயமாவது தொழில்நுட்ப நோக்கில் தவிர்க்க இயலாதது. அதற்கு நாம் தயாராக வேண்டும். உலகின் பல்வேறு நாடுகளில் இந்த முயற்சி துவங்கிவிட்டது. நாமும் பின் தங்கியிருக்க முடியாது. அது மட்டும் அல்ல, பண பரிவர்த்தனையை டிஜிட்டல் மயமாக்க தொழில்நுட்பம் சார்ந்த பல முன்னோடி முயற்சிகள் மேற்கொள்ளப்பட்டு வருகின்றன. நாமும் அதில் இணைவதே சரி . இல்லை எனிம் தொழில்புரட்சி பேருந்தை தவறவிட்டது போல டிஜிட்டல் பண பேரூந்தை தவறவிட்டு பின்னால் ஓட வேண்டியிருக்கும்.

  • பணமதிப்பு நீக்க நடவடிக்கை பற்றி?

இந்த புத்தகம் அது பற்றி பேசவில்லை.

  • ஏன்?

இதன் மைய நோக்கம் அதுவல்ல. பண மதிப்பு நீக்க நடவடிக்கையின் போது அதிக கவனத்தையும், சர்சையையும், விவாதத்தையும் ஏற்படுத்திய ரொக்கமில்லா பரிவர்த்தனையின் சார்பு அம்சங்களை தொழில்நுட்ப நோக்கில் இந்த புத்தகம் பேசுகிறது.

  • பண மதிப்பு நீக்க நடவடிக்கை சரியானதா?

தெரியாது. ஆனால் அது மிக மோசமாக செயல்படுத்தப்பட்டது.

  • டிஜிட்டல் பணத்தில் வேறு என்ன சாதகம் உண்டு?

டிஜிட்டல் பணம் டிஜிட்டல் கடன், அனைவரிக்குமான வங்கி- நிதிச்சேவைகள் பற்றி எல்லாம் சிந்திக்க வைக்கிறது. நடைமுறையிலும் செயல்பட வைக்கிறது.

  • கருப்புபணம் ஒழியுமா?

ஓரளவு உதவலாம். ஆனால் கருப்பு பணம் வேறு பிரச்சனை.

  • டிஜிட்டல் பணம் பாதுகாப்பானதா?

பாதுகாப்பாக ஆக்குவதற்கான எல்லா வழிமுறைகளும் உள்ளன. ஆனால் சைபர் தாக்குதல், இணைய களவு உள்ளிட்ட ஆபத்துகள் உள்ளனை. அவற்றை எதிர்கொள்ள வேண்டும். ஆனால் இது டிஜிட்டல் யுகத்தின் பிரச்சனை. டிஜிட்டல் பணத்திற்கு மட்டும் உரியது அல்ல. டிஜிட்டல் பணம் இல்லாவிட்டாலும் கூட இத்தகைய ஆபத்துகள் உண்டு.

  • இந்த புத்தகத்தை படித்தால் டிஜிட்டல் பணத்திற்கு மாற முடியுமா?

இல்லை. டிஜிட்டல் பணம் தொடர்பாக உலகில், குறிப்பாக தொழில்நுட்ப உலகில் நடைபெறும் முன்னோடி முயற்சிகளை தெரிந்து கொண்டு நீங்களாக அதை நோக்கி முன்னேறலாம்.

 

 

’டிஜிட்டல் பணம்’

சைபர்சிம்மன்

கிழக்கு பதிப்பக வெளியீடு

விலை.ரூ150

 

—-

நன்றி; வணிகமணி இதழ் 

 

டிஜிட்டல் பணம் புத்தகம் எழுதியது ஏன்?

moneyபணமதிப்பு நீக்க நடவடிக்கை அறிவிக்கப்பட்ட பின், ரொக்க பணத்திற்கான தட்டுப்பாடு நிலவிய நிலையில், டிஜிட்டல் பரிவர்த்தனைக்கு மாறுவது தொடர்பான அவசியத்தை வலியுறுத்தி இந்த புத்தகத்தை எழுதுவதற்கான எண்ணம் உண்டானது. ஏடிஎம் வாயில்களில் நீண்ட வரிசையில் மக்கள் கால் கடுக்க காத்திருந்த நிலையில், பொது கருத்து டிஜிட்டல் பரிவர்த்தனைக்கு எதிராக அமைந்த நிலையில் இந்த புத்தகத்திற்கான தகவல் சேகரிப்பு மற்றும் ஆய்வில் ஈடுபட்டிருந்தேன்.

டிஜிட்டல் பணம் இந்தியாவுக்கு எல்லாம் சரிபட்டு வராது என பரவலாக கருதப்பட்ட சூழலில் இந்த புத்தகத்தை எழுத தீர்மானித்ததற்கு சில முக்கிய காரணங்கள் உண்டு. அவற்றில் முதன்மையானது கென்யாவில் எம்-பெசா எனும் மொபைல் பணம் பெரும் வெற்றி பெற்று ஒரு முன்னோடி முயற்சியாக இருந்ததை அறிந்திருந்தது தான். ஆப்பிரிக்க நாடான கென்யாவில் மொபைல் மூலமான பண பரிவர்த்தனை சரியாக வரும் எனில் இந்தியாவிலும் இந்த சிக்கலுக்கான பதில் மொபைல் பணமாக தான் இருக்க வேண்டும் என நம்பினேன்.

இங்கு கவனிக்க வேண்டிய விஷயம், மொபைல் பணம் என்பது பரவலாக அறியப்பட்ட மொபைல் வாலெட்டில் இருந்து வேறுபட்டது. இது சாதாரணா செல்போனிலேயே செயல்படக்கூடியது. அதனால் தான் எம்-பெசா கென்யாவில் வெற்றி பெற்று மற்ற ஏழை நாடுகளிலும் பரவலானது . உள்நாட்டு போரால் பாதிக்கப்பட்ட ஆப்கானிஸ்தான் மற்றும் சோமாலியாவிலும் மொபைல் பணம் செயல்படுத்தப்படுவதை கட்டுரைகள் வாயிலாக அறிய முடிந்தது.

எம்-பெசா

எம்-பெசா பற்றிய புரிதலே இந்த புத்தகம் எழுத மூலக்காரணம். அதே போலவே தொழில்நுட்பத்தின் மீது எனக்கிருந்த ஆர்வமும், நம்பிக்கையும் மற்றொரு முக்கிய காரணமாக அமைந்தது. டிஜிட்டல்மயமாக்கலின் முக்கியத்துவம் மற்றும் தவிர்க்க இயலா தன்மையை அறிந்திருப்பதால் பணமும் டிஜிட்டல்மயமாக வேண்டும் என நினைத்தேன்.

பண பரிவர்த்தனை தொடர்பான வரலாற்று செய்திகளை தேடிப்படித்த போது இன்னும் கூடுதல் புரிதல் கிடைத்தது. ரொக்கமில்லா சமூகம் எனும் கருத்தாக்கத்தின் துவக்கப்புள்ளி காசோலை இல்லா சமூகம் எனும் புள்ளியிலிருந்து துவங்குவதையும், கம்ப்யூட்டர்களின் வருகை மற்றும் பயன்பாடு இதற்கு முக்கிய காரணம் என்பதையும் அறிய முடிந்தது. இந்த வரலாறு பற்றிய கட்டுரைகள் புத்தகத்தின் துவக்கமாக அமைந்துள்ளன.

உண்மையில், தந்தி மூலமான தகவல் பரிமாற்றம் பண பரிவர்த்தனைக்கு உதவிய காலத்திலேயே பணம் டிஜிட்டல் மயமாவது துவங்கிவிட்டது. இப்போது நவீன தொழில்நுட்பம் இதை மேலும் செழுமையாக்கியுள்ளது.

இவைத்தவிர ஸ்வீடன் போன்ற நாடுகள் ரொக்கமில்லா சமூகத்திற்கு மாறியுள்ள தகவலும் என்னை ஈர்த்தன. ஸ்விடனில் ரொக்கமில்லா சமூகத்திற்கான கருத்தாக்கம் வேரூன்றிய விதமும், செயல்படுததப்படும் விதமும் தனிக்கட்டுரைகளாக அமைந்துள்ளன.

ஸ்வீடன் சரி, இந்தியாவுக்கு எப்படி பொருந்தும் என கேட்பர்வர்களுக்கு பதிலாக நம் நாட்டிலேயே விளிம்பு நிலை மக்களுக்கு மொபைல் பணம் மூலம் நிதிச்சேவைகளை கொண்டு சேர்க்கும் எகோ மணி, பீம் மணி போன்ற முயற்சிகள் அமைந்துள்ளன. இவை பற்றிய தனிக்கட்டுரைகள் உள்ளன.

ஏழைகளுக்கானது …

இது தவிர வங்கதேசத்தில் மொபைல் போனை ஏழைகளுக்கு கொண்டு சென்ற முன்னோடி தொழில்முனைவொரான இக்பால் காதீர் பற்றியும் எழுதியுள்ளேன்.

உண்மையில் ரொக்கமில்லா சமூகத்தின் சாத்தியம் பற்றிய வல்லுனர்கள் விவாதம் மற்றும் சந்தேகங்களை மீறி, மொபைல் பணம் சார்ந்த முன்னோடி முயற்சிகளில் ஈடுபட்டுள்ள தொலைநோக்கு மிக்க மனிதர்களின் முயற்சியே இந்த புத்தகத்தை எழுதும் உத்வேகத்தை தீவிரமாக்கியது.

இதனிடையே ரொக்கமில்லா சமூகத்தில் வாழந்து பார்த்த மனிதர்களின் பரிசோதனை முயற்சியும் அறிந்து கொள்ள முடிந்தது. முக்கியமாக பணத்தின் வரலாற்றை ஆய்வு செய்து எழுதிய பத்திரிகையாளர் டேவிட் வால்மனின் புத்தகம் பற்றி படித்தது கண்களை திறந்துவிட்டது போல இருந்தது. வால்மன் புத்தகம் மூலமே இந்தியாவில் மொபைல் பணம் முயற்சிகள் பற்றி அறிய முடிந்ததை என்னவென சொல்வது?

மொபைல் பணம் !

ரொக்கமில்லா சமூகத்தின் சாத்தியம் குறித்த அனைத்து அம்சங்களை எழுத விரும்பினாலும், அதன் மீதான சந்தேகங்களுக்கு பதிலாக அமையக்கூடிய மொபைல் பணம் பற்றிய முக்கிய கவனம் செலுத்தியுள்ளேன்.

இந்த புத்தகம் எழுதும் போக்கில், மொபைல் பணம் மூலம் ஏழை மக்களுக்கு நிதிச்சேவைகளை கொண்டு செல்லும் முயற்சிகள் பற்றியும், வங்கியில்லா வங்கிச்சேவைகள் பற்றியும் அறிந்து கொள்ள முடிந்தது. ஏழைகளுக்கு டிஜிட்டல் பணம் எல்லாம் சரிபட்டு வருமா என்பது தவறான கேள்வி. உண்மையில் டிஜிட்டல் பணம் மூலம் தான் ஏழைகளுக்கு அடிப்படை நிதிச்சேவைகளை அளிக்க முடியும் என்பது தான் இந்த புத்தகம் சொல்லும் சேதி.

புத்தகத்தை வாசித்துப்பார்த்து இதை ஏற்க முடிகிறதா என சொல்லுங்கள்.

 

அன்புடன் சைபர்சிம்மன்

 

டிஜிட்டல் பணம் –

கிழக்கு பதிப்பக வெளியீடு,

விலைரூ.150

60bb9aad-3a0d-42da-bd76-de08bbf09cbf

இமெயிலில் வரும் வில்லங்கங்கள் உஷார்

indexஇ-மெயில் மோசடிகள் மீண்டும் தலைப்புச்செய்திகளில் இடம் பிடிக்க துவங்கியுள்ளன;அமெரிக்காவின் பிரபலமான போர்ப்ஸ் பத்திரிகை இணையதளத்தில் இடம்பெற்றுள்ள கட்டுரை இப்படி தான் துவங்குகிறது!
பிஷிங் வகையான மோசடியை தான் இப்படி குறிப்பிடும் இந்த கட்டுரை முன்னணி பத்து மோசடிகளையும் பட்டியலிட்டு எச்சரித்துள்ளது.

இது அமெரிக்கர்களுக்கான எச்சரிக்கை என்று நம்மவர்கள் கண்டுகொள்ளாமல் இருக்க முடியாது.ஏனெனில் பிஷிங் மோசடி வையம் தழுவிய பிரச்சனையாக இருப்பதால் எல்லா நாடுகளில் உள்ள இணையவாசிகளும் இதற்கு இலக்காகும் ஆபத்து இருக்கிறது.அதோடு இந்தியாவில் இன்னமும் இந்த வகை மோசடி குறித்து பரவலான விழிப்புணர்வு இல்லாததால் நமக்கு இரட்டிப்பு ஆபத்து இருப்பதாக கூட சொல்லலாம்.
ஏற்கனவே பிஷிங் மோசடி இங்கு பலவிதமான பாதிப்பை ஏற்படுத்திக்கொண்டிருக்கிறது.அவற்றை பார்க்கும் முன்னர் முதலில் பிஷிங் என்றால் என்ன? என்று சுருக்கமாக பார்த்து விடலாம்.

பொய்யான இ-மெயில் மூலம் ஏமாற்றி பயனாளிகளிடம் இருந்து வங்கி கணக்கு எண்,பாஸ்வேர்டு போன்ற பாதுகாப்பான தகவல்களை கறந்து விடும் முயற்சிகளே பிஷிங் மோசடி என்று குறிப்பிடப்படுகிறது.
பெரும்பாலும் முன்னணி வங்கிகள் மற்றும் நிறுவனங்களிடம் இருந்து வந்திருக்கும் மெயில் போன்ற எண்ணத்தை ஏற்படுத்தும் இந்த மெயில்கள் இணையவாசிகள் தங்கள் வங்கி கணக்கு அல்லது கிரிடிட் கார்டு எண் மற்றும் பாஸ்வேர்டை சமர்பிக்குமாறு கேட்டுக்கொள்ளும்.

இவற்றை நிஜம் என நம்பி பாஸ்வேர்டு போன்ற விவரங்களை சமர்பித்தால் பின்னணியில் உள்ள டிஜிட்டல் களவானிகள் கைவரிசை காட்டி இணையவாசிகளின் கணக்கில் இருந்து பணத்தை அபகரித்து விடுவார்கள்.
வடிவமைப்பிலும் சரி,வாசகங்களிலும் சரி இந்த மெயில்கள் அச்சு அசல் உண்மையான மெயில்கள் போலவே தோற்றம் தரும் என்பதால் பல இணையவாசிகள் ஏமாறும் வாய்ப்பு இருக்கிறது.அதிலும் இவற்றின் உள்ளடக்கம் இணையவாசிகள் மத்தியில் ஒரு பதற்றத்தை ஏற்படுத்தி உடனே செயல்படும் வகையில் அமைந்திருக்கும் என்பதால் பார்த்தவுடன் ஒரு சிலர் யோசிக்காமலே பாஸ்வேர்டு உள்ளிட்ட விவரங்களை கண்ணை மூடிக்கொண்டு கொடுத்துவிடும் நிலை இருக்கிறது.உங்கள் வங்கி கணக்கு முடக்கப்பட உள்ளது, அதை தவிர்க்க இங்கே கிளிக் செய்து புதுப்பித்துக்கொள்ளவும் போன்ற எச்சரிக்கையை பார்த்தால் திடுக்கிடத்தானே செய்யும்.அது தான் பலரும் ஏமாறுகின்றனர்.

பல நேரங்களில் இவை பெரும் பரிசுத்தொகை விழுந்திருப்பதாக அறிவித்து அதைப்பெற வங்கி கணக்கு விவரங்கள் தேவை என ஆசை வலை விரிப்பதும் உண்டு.
சூழ்நிலைக்கு ஏற்ப அப்போதைய செய்திகளை பயன்படுத்திக்கொண்டு ஏமாற்றுவதும் நடக்கிறது.உதாரணத்திற்கு சில காலம் முன் யுடிஐ வங்கி ஆக்சிஸ் வங்கி என பெயர் மாறிய போது இதை பயன்படுத்திக்கொண்டு,பெயர் மாறிய வங்கியில் கணக்கை புதுப்பித்துக்கொள்ளவும் எனக்கூறி ஏமாற்ற முயற்சித்தனர். இந்த மெயிலுக்கும் ஆக்சிஸ் வங்கிக்கும் எந்த தொடர்பும் இல்லை.உண்மையில் ஒரு போதும் வங்கிகள் இது போன்ற மெயில்களை அனுப்புவதில்லை.பாஸ்வேர்டு போன்ற விவரங்களை வங்கிகள் இந்த முறையில் கேட்பதற்கான அவசியமே இல்லை.

ஆனால் இணையவாசிகளின் பலவீனத்தை பயன்படுத்திக்கொண்டு இ-மெயில் மூலம் வலைவிரிக்கும் முயற்சி டிஜிட்டல் களவானிகள் அதிகம் நாடும் உத்தியாகவே இருக்கிறது.
இந்தியாவை பொருத்தவரை இந்த வகையான சைபர் தாக்குதல்கள் நடப்பு ஆண்டில் இரு மடங்காகி இருப்பதாக பிரைஸ் வாட்டர் கூப்பர்ஸ் அறிக்கை தெரிவிக்கிறது. தனிநபர்கள் மட்டும் அல்லாமல் நிறுவனங்களும் இந்த தாக்குதலுக்கு இலக்காகின்றன.

இவ்வளவு ஏன்,சில மாதங்களுக்கு முன் கர்நாடக மாநில உயர் போலிஸ் அதிகாரி ஒருவரே இப்படி பிஷிங் தாக்குதலுக்கு உள்ளாகி கிரிடிட் கார்டு மூலம் 12,000 ரூபாயை இழ்ந்தார். தனியார் வங்கி வாடிக்கையாளர் ஒருவர் பிஷிங் மூலம் பணம் இழந்த சம்பவம் நீதிமன்ற வழக்காகி இருக்கிறது.
இதில் கவலை தரும் விஷயம் என்ன என்றால் இந்தியாவில் பிஷிங் மோசடிக்கு இலக்காகும் பலர் அது பற்றிய அறியாமலே இருப்பதாகவும், உண்மையில் பாதி அளவு மோசடிகளே புகார் செய்யப்படுவதாகவும் ஒரு அறிக்கை தெரிவிக்கிறது.

இந்தியாவில் டிஜிட்டல் மயம் தீவிரமாக வரும் நிலையிலும், இ-காமர்ஸ் மற்றும் டிஜிட்டல் வங்கிச்சேவை பயன்பாடு அதிகரித்து வரும் நிலையிலும் இத்தகையை மோசடிகள் அதிகரிப்பதற்கான அபாயம் உள்ளதாக சைபர் வல்லுனர்கள் எச்சரிக்கின்றனர்.

எனவே இணையவாசிகள் எச்சரிக்கையாக இருப்பது நல்லது.
பொதுவாக மோசடி மெயில் வலையில் விழாமல் இருக்க வல்லுனர்கள் சொல்லும் வழிகள் இவை:

* அறிமுகமில்லா இடங்களில் இருந்து வரும் மெயில்களை திறக்க வேண்டாம்.அவற்றில் உள்ள இணைப்புகளில் இன்னும் எச்சரிக்கை தேவை
* தனியே எட்டிப்பார்க்கும் பாப் அப் விண்டோ முலம் தகவல் கோரும் பக்கங்களில் எந்த விவரங்களையும் சமர்பிக்க வேண்டாம்.
* போன் அல்லது இ-மெயில் மூலம் பாஸ்வேர்டை தெரிவிக்க வேண்டாம்.
* பாஸ்வேர்ட் போன்றவை மிகவும் பாதுகாப்பானவை.வங்கி ஊழியர்களுக்கு கூட அவை தெரியாது, எனில் யாரோ கேட்கும் போது ஏன் கொடுக்க வேண்டும் என யோசியுங்கள்.
* மெயில் மற்றும் குறுஞ்செய்தி மூலம் வரும் இணைப்புகளை கிளிக் செய்ய வேண்டாம். அதிகாரபூர்வ இணைய முகவரிகளை நாடவும்.
* பாஸ்வேர்டு அடிக்கும் முன் முகவரியில் பாதுகாப்பு தன்மையை உணர்த்தும் கூடுதல் எஸ் ( ‘https://’ )இருக்கிறதா என உறுதி செய்து கொள்ளவும்.
ஒருவேளை உங்கள் வங்கியிடம் இருந்து மெயில் வந்திருக்கலாம் என சந்தேகம் இருந்தாலும் கூட அதனடிப்படையில் செயல்படும் முன் முதல் வங்கியை தொடர்பு கொண்டு உறுது செய்து கொள்ளுங்களேன்.

——-

தளம் புதிது:வரைபடத்தில் புகைப்பங்கள்

புகைப்பட பகிர்வு சேவைகளில் இன்ஸ்டாகிராம் கொடி கட்டி பறப்பது தெரிந்த விஷயம் தான். இன்ஸ்டாகிராமில் பகிரப்படும் புகைப்படங்களை பார்த்து ரசிக்க எத்தனையோ வழிகள் இருக்கின்றன. இப்போது இன்னும் ஒரு சுவாரஸ்யமான வழியாக வரைபடம் மீது புதிய இன்ஸ்டாகிராம் படஙளை கண்டு ரசிக்க வழி செய்கிறது இன்ஸ்டாமேப் இணையதளம்.
இந்த இணையதளம் இன்ஸ்டாகிராம் புகைப்படங்களை அவை எடுத்து வெளியிடப்பட்ட இடங்களின் அடிப்படையில் உலக வரைபடம் மீது சுட்டிக்காட்டுகிறது. ஆக இந்த தளத்தில் உங்கள் இருப்பிடத்தை தெரிவித்து அருகாமையில் எடுக்கப்பட்ட படங்களை பார்க்கலாம்.அல்லது உங்களுக்கு விருப்பமான இடங்களை தேர்வு செய்து அங்கு எடுக்கப்பட்ட படங்களை பார்த்து ரசிக்கலாம். இடத்தை தேர்வு செய்த பின் அதில் உள்ள காமிரா ஐகானை கிளிக் செய்தால் சரசரவென்று புகைப்படங்கள் தம்ப்நைல் காட்சிகளாக வரைபடம் மீது தோன்றுகின்றன. இன்ஸ்டாகிராம் படங்களை ரசிக்க அருமையான வழி! அதோடு பார்த்து ரசித்த படங்களை சமூக ஊடகங்களில் பகிரவும் செய்யலாம்.

இணையதள முகவரி: https://instmap.com/

——–
unnamed
செயலி புதிது; சுங்க வரி வழிகாட்டி

இந்தியாவுக்கு வருகை தரும் சுற்றுலா பயணிகளுக்கு சுங்க இலாக்கா வரி மற்றும் விதிமுறைகள் தொடர்பாக வழிகாட்டும் விவரங்களை அளிக்கிறது கஸ்டம் டிராவலர் கைடு இந்தியா செயலி. எளிமையான கேள்விகள் மூலம் இந்த செயலி விதிகள் மற்றும் வரிகளை விளக்கிச்சொல்கிறது.எந்த வகையான பொருட்களுக்கு இங்கு அனுமதி இல்லை என்பதையும் இதன் மூலம் தெரிந்து கொள்ளலாம்.ஏதேனும் சந்தேம் என்றால் இமெயில் மூலம் தொடர்பு கொள்ளும் வசதியும் கொடுக்கப்பட்டுள்ளது.
சுங்க வரிகளை கணக்கிடுவதற்கான கால்குலேட்டர் வசதியும் இருக்கிறது.கூகுள் பிளேஸ்டோரில் அறிமுகம் செய்யப்பட்டுள்ள இந்த செயலி விரைவில் மற்ற இயங்கு தளங்களுக்கும் அறிமுகமாக உள்ளது.
தரவிறக்கம் செய்ய:https://play.google.com/store/apps/details?id=in.eightbitsystems.customstravellerguide_india&hl=en

———

ஷிப்ட் கீ ரகசியங்கள்

எல்லா பிரவுசர்களிலும் விசைப்பலகை பயன்பாட்டிற்கான குறுக்கு வழிகள் உண்டு.இந்த குறுக்கு வழிகளில் சில பரவலாக அறியப்பட்டவை.பெரும்பாலானோரால் பயன்படுத்தப்படுபவை. ஆனால் பல அருமையான குறுக்கு வழிகள் இன்னமும் வெகுஜன பயன்பாட்டிற்கு வராமல் இணைய ரகசியங்களாகவே இருக்கின்றன.
அந்த வகையில் ஷிப்ட் கீ சார்ந்த சில முக்கிய பயன்பாட்டை மேக்யூஸ்ஆப் இணையதளம் அடையாளம் காட்டியுள்ளது.
sh
உங்கள் மவுசில் ஸ்கோரோல் வீல் எனும் சிறிய சக்கரம் இருப்பதை நீங்கள் கவனித்திருக்கலாம்.இணைய பக்கங்களை மேலும் கீழுமாக நகர்த்த இந்த சக்கரத்தை பயன்படுத்தலாம்.ஆனால் சில இணைய பக்கங்களில் பக்கவாட்டில் நகர்த்தும் தேவை ஏற்படலாம். இது போன்ற இணைய பக்கங்களில் உலாவும் போது ஷிப்ட் கீயை பிடித்தபடி மவுஸ் சக்கரத்தை நகர்த்தினால் போதும் இணைய பக்கத்தின் உள்ளடக்கம் பக்கவாட்டில் நகரும்.
அதே போல ஒன்றுக்கும் மேற்பட்ட டேப்களை பயன்படுத்தும் பழக்கம் உங்களில் பலருக்கு இருக்கலாம்.இப்படி பல இணையதளங்களை பயன்படுத்தும் போது தற்செயலாக ஒரு இணையதளத்தை மூடிவிடும் நிலை உண்டாகலாம்.அடடா பார்த்துக்கொண்டிருந்த பக்கத்தை மூடிவிட்டோமே என்று கவலை கொள்ள வேண்டாம்.இப்போதும் ஷிப்ட் கீ கைகொடுக்கும்.ஷிப்ட் கீ மற்றும் கண்ட்ரோல் கீயை பிடித்த படி ‘டி’ எழுத்தை அழுத்தினால் சற்று முன் மூடப்பட்ட இணையதளம் மீண்டும் தோன்றும்.அப்படியே பிடித்த படி ‘டி’ எழுத்தை அழுத்திக்கொண்டிருந்தால் வரிசையாக மூடப்பட்ட தளங்கள் தலைகீழ் வரிசையில் தோன்றும்.
எப்போதுமே ஒன்றுக்கும் மேற்பட்ட இணையதளங்களை திறந்து வைத்துக்கொள்ளும் பழக்கம் கொண்டவர்களுக்கு இந்த குறுக்கு வழி உற்சாகத்தை கொடுக்கும்.

தற்செயலாக ஸ்பேஸ் பாரை அழுத்தும் போது இணைய பக்கத்தின் கீழ்ப்பகுதிக்கு போய்விடுவதை நீங்க்ள் கவனித்திருக்கலாம்.இதையே ஷிப்ட் கீயை அழுத்திய படி செய்தால் மீண்டும் இணைய பக்கத்தின் மேலேறி வந்துவிடலாம்.
சற்றே நீளமான கட்டுரையை படித்ததும் ஒரே தாவலில் மேலே வர இந்த வசதி கைகொடுக்கும்.

———

நன்றி;தமிழ் இந்துவில் எழுதியது

vidya

கல்வி கடன் பெற வழிகாட்டும் இணையதளம்

கல்விகடன் தொடர்பான தகவல்களை பெறவும், கல்விக்கடனுக்காக விண்ணப்பிக்கவும் உதவும் இணையதளத்தை மத்திய அரசு துவங்கியுள்ளது.மாணவர்கள் கல்விக்கடன் பெறுவதில் வழிகாட்டியாக இருக்கும் வகையில் உருவாக்கப்பட்டுள்ள வித்யாலக்‌ஷ்மி (https://www.vidyalakshmi.co.in) எனும் பெயரிலான இந்த இணையதளம் சுதந்திர தினத்தன்று துவங்கி வைக்கப்பட்டுள்ளது.

மத்திய நிதி அமைச்சகம் சார்பில் அமைக்கப்பட்டுள்ள இந்த இணையதளத்தை என்.எஸ்.டி.எல். இ-கவர்னன்ஸ் அமைப்பு நிறுவி பராமரிக்க உள்ளது.மாணவர்களின் கல்வி கடன் தேவை தொடர்பான தகவல்களை ஒரே இடத்தில் அளிக்கும் நோக்கத்துடன் இந்த தளம் உருவாக்கப்பட்டுள்ளது. மேற்படிப்பிற்காக கல்வி கடன் பெற விரும்பும் மாணவர்கள் இந்த தளத்தில் பதிவு செய்து கொண்டு விண்ணப்பிக்கலாம். ஒரே விண்ணப்பம் மூலம் பல வங்கிகளுக்கு விண்ணபிக்க முடியும். மாண்வர்கள் கல்வி கடன் விண்ணபங்களையும் டவுண்லோடு செய்து கொள்ளலாம்.

13 வங்கிகள் தங்களது 22 கல்வி கடன் திட்டங்களை இந்த தளத்தில் இடம்பெற வைத்துள்ளன. 5 முக்கிய வங்கிகள் தங்கள் அமைப்பை இந்த தளத்துடன் இணைத்துள்ளன.
இதே போல மத்திய அரசு வழங்கும் கல்வி ஊக்கத்தொகை தொடர்பான தகவல்களையும் பெற முடியும்.
கல்வி கடன் தொடர்பான தகவல்களை பெறவும், விண்ணப்பிக்கவும் வழி செய்யும் இந்த வகையான இணையதளம் முதல் முறையாக உருவாக்கப்பட்டுள்ளதாக நிதி அமைச்சக செய்தி குறிப்பில் தெரிவிக்கப்பட்டுள்ளது.

வங்கிகள் கடனுக்கான விண்ணப்பங்களின் நிலை குறித்த தகவலையும் இதன் மூலம் தெரிவிக்கும் வசதி உள்ளது. மாணவர்கள் தங்கள் விண்ணப்பங்களின் நிலை மற்றும் சந்தேகங்கள் குறித்து இ-மெயில் மூலம் கோரிக்கை அனுப்பி விவரங்கள் பெறலாம்.

இணையதள முகவரி: https://www.vidyalakshmi.co.in

———