Tag Archives: chennai

வரலாற்று வரைபடங்களுக்கான இணையதளம்

mapsவரைபடங்கள் மீது, அதிலும் வரலாற்று கால வரைபடங்கள் மீது ஆர்வம் கொண்டவர்களுக்கு ஓல்டுமேப்ஸ்ஆன்லைன் இணையதளம் ஏற்றதாக இருக்கும். பெயர் உணர்த்துவது போலவே இந்த தளம் பழைய வரைபடங்களின் இருப்பிடமாக திகழ்கிறது.

இந்த தளத்தில் வரலாற்று கால வரைப்படங்களை தேடிப்பார்க்கலாம். வரலாற்றின் குறிப்பிட்ட காலம் கட்டம் அல்லது குறிப்பிட்ட இடத்தை தெரிவித்து தேடும் வசதி இருக்கிறது.

தேடலில் ஈடுபடும் போதே அந்த கால சென்னை தொடர்பான பல்வேறு வரைபடங்களி பரிந்துரைக்கப்படுகிறது. தென்னக ரெயில்வே, தென்னிந்தியா, மலபார், கோரமண்டல் என பல விதமான வரைபடங்களை பார்க்க முடிகிறது.

வரலாற்று ஆர்வம் கொண்டவர்களுக்கு இந்த தளம் பொக்கிஷமாக அமையும். வரைபடங்களை அச்சிட்டுக்கொள்ளும் வசதியும் இருக்கிறது. ஆண்ட்ராய்டு மற்றும் ஐபோன்களுக்கான செயலி வடிவமும் இருக்கிறது.

 

இணைய முகவரி: http://www.oldmapsonline.org/

 

செயலி புதிது: கேரளா சுற்றுலா அழைக்கிறது

go-kerala-app-1210x500சுற்றுலா தொடர்பான தகவல்களை எளிதாக செயலி மூலம் பெறுவதை தான் ஸ்மார்ட்போன் பிரியர்கள் எதிர்பார்க்கின்றனர். இவர்களுக்கு உதவும் வகையில் கேரள மாநில சுற்றுலாத்துறை, மாநில சுற்றுலா தொடர்பான தகவல்களை உள்ளங்கையில் கொண்டு வரும் வகையில் விசிட் கேரளா அட்வென்சர் எனும் செயலியை அறிமுகம் செய்துள்ளது.

இந்த செயலி மூலம் கேரளாவில் உள்ள சுற்றுலா மையங்கள் தொடர்பான தகவல்களை தெரிந்து கொண்டு பயணங்களை திட்டமிடலாம். ஒவ்வொரு இடம் தொடர்பான தகவல்களோடு ஒளிப்படங்கள் மற்றும்க் வீடியோக்களையும் காணலாம்.

மேலும் தகவல்கள் விளையாட்டு பாணியில் சுவாரஸ்யமாக அளிக்கப்பட்டுள்ளன. சலுகை கூப்பன்களை பெறும் வாய்ப்பும் உள்ளது.

சுற்றுலா ஏற்பாட்டாளர்கள் மற்றும் ஒட்டல்கள் அளிக்கும் சலுகைகளையும் பெறும் வாய்ப்புள்ளது.

 

மேலும் விவரங்களுக்கு: https://www.keralatourism.org/

 

g5

கூகுளை வழி நடித்தும் தமிழர் சுந்தர் பிச்சையின் வெற்றிக்கதை

g3
உலகிற்கே வழிகாட்டும் தேடியந்திர நிறுவனமாக கூகுளை வழிநடத்தும் பொறுப்பு தமிழரான சுந்தர் பிச்சையிடம் ஒப்படைக்கப்பட்டிருக்கிறது. இணைய உலகின் முன்னணி நிறுவனங்களில் ஒன்றாக இருக்கும் கூகுள், அடுத்த கட்ட வளர்ச்சியை குறி வைத்து மாபெரும் சீரமைப்பு திட்டத்தை வகுத்துள்ள நிலையில், புதிதாக தாய் நிறுவனம் ஒன்று உருவாக்கப்பட்டிருந்தாலும் அதன் கீழ் இயங்கும் மணி மகுடமான கூகுளுக்கு தலைமை ஏற்கும் பொறுப்பு சுந்தர் பிச்சையை தேடி வந்திருக்கிறது. சாப்ட்வேர் கனவுகளுடன் அமெரிக்க சென்று அந்நாட்டின் முன்னணி நிறுவனத்தின் தலைமை பதவிக்கு வந்திருக்கும் இந்த தமிழரின் வெற்றிக்கதை இது;

இந்தியர்கள் சாப்ட்வேர் புலிகள் என்பது தெரிந்த விஷயம் தான்.இந்திய சாப்ட்வேர் வல்லுனர்கள் பன்னாட்டு நிறுவனங்களில் வேலைக்கு சேருவது எல்லாம் இப்போது செய்தி அல்ல; அந்த நிறுவனங்களை வழிநடத்தும் பெறும் அளவுக்கு அவர்கள் ஆற்றப் பெற்றிருப்பது தான் செய்தி. ஏற்கனவே முன்னணி சாப்ட்வேர் நிறுவனமான மைக்ரோசாப்டின் தலைமை செயல் அதிகாரியாக இந்தியரான சத்யா நாதெள்ளா இருந்து வருகிறார். சவாலான சூழலில் அவர் மைக்ரோசாப்டை வளர்ச்சிப்பாதையில் அழைத்துச்செல்கிறார். இப்போது இன்னொரு முன்னணி நிறுவனமான கூகுளுக்கு தலைமை ஏற்கும் பொறுப்பு இந்தியரான சுந்தர் பிச்சையை தேடி வந்திருக்கிறது. இவர் சென்னையில் பிறந்து வளர்ந்த பச்சைத்தமிழர் என்பது கூடுதல் சிறப்பு.
இணைய உலகில் கூகுளை தெரியாதவர்களே இருக்க முடியாது. இணையத்தில் தகவல்களை தேட கூகுள் தேடியந்திரத்தை தான் பெரும்பாலானோர் பயன்படுத்துகின்றனர். எது தேவை என்றாலும் கூகுளிடம் கேளுங்கள் என்று சொல்வது பலருக்கு இயல்பாக இருக்கிறது.

கூகுள் சாம்ப்ராஜ்யம்

கூகுள் நம்பர் ஒன் தேடியந்திரமாக இருப்பதில் கூட வியப்பில்லை. தேடல் தவிர இ-மெயில் சேவை, பிரவுசர், இயங்கு தளம், கோப்பு பகிர்வு சேவை என்று எண்ணற்ற பிரிவுகளில் அது செல்வாக்கு பெற்றிருக்கிறது.இவற்றில் பெரும்பாலானவற்றில் கூகுள் ஆதிக்கம் செலுத்துகிறது. இ-மெயில் சேவையில் அதன் ஜி-மெயில் தான் முன்னணியில் இருக்கிறது. பிரவுசர்களில் கூகுள் குரோம் தான் அதிகம் பயன்பட்ய்த்தப்படுகிறது. அதன் கோப்பு பகிர்வு சேவையான கூகுள் டிரைவும் சந்தையில் முன்னோடியான டிராப்பாக்சிற்கு நிகராக உள்ளது.
மேலும், ஸ்மார்ட்போன் உலகில் கூகுளின் ஆண்ட்ராய்டு இயங்கு தளம் ஆதிக்கம் செலுத்துகிறது. இவை தவிர கூகுள் ரோபோக்கள் உருவாக்கம், தானாக இயங்கும் கார்கள், பலூன் மூலம் இணைய வசதி என பல சோதனை முறையிலான மற்றும் ஆய்வு நோக்கிலான திட்டங்களிலும் கவனம் செலுத்து வருகிறது.
சுருக்கமாக சொல்வது என்றால் இணைய உலகில் கூகுள் ஒரு சாம்ப்ராஜ்யமாக இருக்கிறது. இந்த இணைய சாம்பிராஜ்யம் லாரி பேஜ் மற்றும் செர்ஜி பிரின் ஆகிய இரண்டு இளைஞர்களால் துவக்கப்பட்டது. துவக்கத்தில் தூய்மையான தேடிய்ந்திரமாக இருந்த கூகுள், மிகச்சிறந்த தேடல் அனுபவத்தை வழங்கி முன்னணி தேடியந்திரமாக உருவானது. அதன் பிறகு தேடலை மையமாக கொண்டு இ-மெயில் உள்ளிட்ட துணை சேவைகளை அறிமுகம் செய்து தனது செல்வாக்கை பல துறைகளில் விரிவாக்கம் செய்து கொண்டது.இன்று கூகுள் கால் வைக்காத துறையே கிடையாது என்று சொல்லும் வகையில் பல்வேறு துறைகளில் ஈடுபட்டிருக்கிறது.
இன்னும் வளர்ச்சி எனும் குறிக்கோளுடன் கூகுள் துடிப்புடன்
g4
திடீர் சீரமைப்பு
செயல்பட்டுக்கொண்டிருக்கும் நிலையில் தான் கடந்த ஆகஸ்ட் 11 ம் தேதி அந்த அறிவிப்பு வெளியானது. கூகுள் நிறுவனத்தி அதிரடி சீரமைப்பு மேற்கொள்ளப்படுவதற்கான அந்த அறிவிப்பை நிறுவனர்களில் ஒருவரான லாரி பேஜ் வெளியிட்டார். கூகுளுக்கு புதிதாக தாய் நிறுவனம் ஒன்று உருவாக்கப்படுக்கிறது என்பது அந்த சீரமைப்பின் மையம். புதிய தாய் நிறுவனம் ஆல்பபெட் என அழைக்கப்படும். கூகுள் அதன் துணை நிறுவனமாக தனியே இயங்கும். ஜி-மெயில், ஆண்ட்ராய்டு , யூடியூப் உள்ளிட்ட சேவைகளில் கூகுள் வசம் இருக்கும். ஆய்வு திட்டங்கள் மற்றும் ரோபோ பிரிவு உள்ளிட்டவை தாய நிறுவனத்தின் கீழ் இயங்கும் என தெரிவிக்கப்பட்டிருந்தது.
தாய் நிறுவனமான அல்பபெட் தனது தலைமையில் இயங்கும் என அறிவித்த லாரி பேஜ், கூகுள் நிறுவனம் இந்தியரான சுந்தர் பிச்சையின் கீழ் இயங்கும் என அறிவித்தார். 2004 ம் ஆண்டு கூகுள் நிறுவனத்தில் பணிக்கு சேர்ந்து தனது திறமையால் வேகமாக முன்னேறிய சுந்தர் பிச்சை மூத்த துணைத்தலைவர்களில் ஒருவராக இருந்தார்.நிறுவனத்தின் தயாரிப்பு புரிவுக்கு பொறுப்பேற்றிருந்தவர் சி.இ.ஓ லாரி பேஜின் நம்பிக்கைக்கு உரியவராகவும் இருந்தார். ஆண்ட்ராய்டு வளர்ச்சியிலும் அவருக்கு முக்கிய பங்கு இருந்தது.
இந்த நிலையில் கூகுள் சி.இ.ஓ எனும் மகுடத்தை அவருக்கு லாரி பேஜ் சூட்டியிருக்கிறார்.பிரம்மாண்டமான வளர்ச்சி திட்டம் வகுக்கப்பட்டிருக்கும் நிலையில் கூகுளை வழிநடத்தும் பொறுப்பு சுந்தர் பிச்சையிடம் ஒப்படைக்கப்பட்டுள்ளது.
கூகுளின் திடீர் முடிவு ஆச்சர்யத்தை அளித்தாலும் அதன் தேர்வு கைத்தட்டல்களையே பெற்று வருகிறது. சபாஷ் சரியான நபரிடம் தான் நிறுவனம் ஒப்படைக்கப்பட்டிருக்கிறது என பலரும் கருத்து தெரிவித்துள்ளனர். மைக்ரோசாப்ட் சி.இ.ஓ சத்யா நாதெள்ளா மற்றும் ஆப்பிள் சி.இ.ஓ டிம் குக் ஆகியோர் சுந்தர் பிச்சைக்கு வாழ்த்து தெரிவித்துள்ளனர். மேலும் வாழ்த்துக்கள் குவிகின்றன. இதனிடையே , மற்றொரு முன்னணி இணைய நிறுவனமான டிவிட்டர் தனது தலைமை பதவிக்காக சுந்தர் பிச்சையை கொத்திச்செல்ல குறி வைத்திருந்தது, அதனை அறிந்தே அவரை தக்க வைத்துக்கொள்ளும் வகையில் அவர் சி.இ.ஓவாக நியமிக்கப்பட்டார் எனும் செய்தியும் வெளியானது.

பிச்சை தேர்வு ஏன்?
கூகுளின் இந்த முடிவுக்கு மேலும் பல காரணங்கள் கூறப்படுகின்றன. ஐரோப்பாவில் அதன் தேடல் உத்திக்கு எதிராக நடைபெற்றும் வரும் வழக்கில் அபராதம் விதிக்கப்பட வாய்ப்புள்ளதால் அதன் பாதிப்பில் இருந்து தப்பிக்க கூகுள் தனி நிறுவனமாக ஆக்கப்பட்டிருப்பதாக கூறப்படுகிறது. கூகுள் பல துறைகளில் செயல்பாடுகளை கொண்டிருக்கும் நிலையில் கவனத்தை கூர்மையாக்கி கொள்ள துணை நிறுவனத்தை உருவாக்குவது உதவும் என கருதப்படுகிறது. மேலும் நிறுவனர்கள் இருவரும் ஆய்வு சார்ந்து முயற்சிகளில் அதிகம் கவனம் செலுத்தி எதிர்கால வளர்ச்சியை உறுதி செய்யவும் இது வித்திடும் என கருதப்படுகிறது. காரணம் என்னவாக இருந்தாலும் சரி, துணை நிறுவனமாக்கப்பட்ட கூகுளை வழிநடத்தும் பொறுப்பிற்கு சுந்தர் பிச்சை தகுதியானவராகவும், பொருத்தமானவராகவும் கருதப்பட்டிருக்கிறார் என்பதில் மாற்று கருத்து கிடையாது.
சுந்தர் பிச்சையின் ஆற்றல் மற்றும் ஈடுபாடு தங்களுக்கு மிகுந்த உற்சாகத்தை அளிப்பதாக கூறிய லாரி பேஜ், சுந்தர் பிச்சை போல திறமை வாய்ந்த ஒருவர் கூகுள் நிறுவனத்தை வழிநடத்த கிடைத்திருப்பது அதிர்ஷ்டம் என்றும் அவர் பாராட்டியது குறிப்பிடத்தக்கது.
சுந்தர் பிச்சை இந்த இடத்திற்கு உயர்ந்தது எப்படி? இதற்கான ஆற்றலும் திறமையும் அவரிடம் இயல்பாக இருந்ததை அவரது வாழ்க்கை உணர்த்துகிறது.
சுந்தர் பிச்சை சென்னையில் சாதாரண குடும்ப்பத்தில் பிறந்து வளர்ந்தவர். ( அவர் பிறந்த இடம் தொடர்பான சர்ச்சை இணையத்தில் இருக்கிறது). அவரது தாய் ஸ்டெனோகிரபராக பணியாற்றினார். தந்தை ரகுநாத பிச்சை ஜெனரல் எலக்ட்ரிக் நிறுவனத்தில் பொறியாளராக பணியாற்றினார். சிறு வயதில் அவர்கள் வீட்டில் டிவி கூட கிடையாது.

தொழில்நுட்ப ஆர்வம்
சிறுவனாக இருந்த போதே தனது பொறியல் வேலையில் மகனுக்கு ஆர்வம் இருந்ததாக ரகுநாத பிச்சை பேட்டி ஒன்றில் கூறியிருக்கிறார்.
தொழில்நுட்பத்துடனான முதல் அறிமுகம் பிச்சைக்கு 12 வயதில் நிகழ்ந்தது. அப்போது வாங்கிய தொலைபேசி தான் அது. சுந்தர் பிச்சை தொலைபேசி மீது ஈடுபாட்டை வளர்த்துக்கொண்டதோடு அதில் டயல் செய்யப்படும் ஒவ்வொரு எண்ணையும் நினைவில் நிறுத்துக்கொள்ளும் ஆற்றல் கொண்டிருந்தார். தொலைபேசி எண் ஏதாவது மறந்துவிட்டால் மாமா தன்னிடம் கேட்பார் என்று சுந்தர் பிச்சை இந்த ஆற்றல் பற்றி நினைவு கூர்ந்துள்ளார்.
இந்த ஆற்றல் அவருக்கு இன்று பணிசூழலில் கைகொடுக்கும் அம்சங்களில் ஒன்றாக இருப்பதை சக ஊழியர் ஒருவர் தெரிவித்துள்ளார். ஒரு முறை கூகுள் ஆலோசனை கூட்டம் ஒன்றில் குரல் வழி தேடல் பற்றிய விவாதம் வந்த போது அது தொடர்பான புள்ளி விவரங்களை பிச்சை அப்படியே ஒப்பித்திருக்கிறார். இந்த பிரிவிற்கு தலைமை வகிக்கும் பொறியாளருக்கு கூட அந்த விவரங்கள் தெரிந்திருக்கவில்லை. இப்படி பிச்சை தன்னுடன் பணியாற்றும் ஊழியர்களை தனது ஆற்றலால் பல முறை வியக்க வைத்திருக்கிறார்.

ஐஐடியில் இருந்து
பள்ளிப்படிப்பை முடித்த்தும் புகழ் பெற்ற ஐஐடி கராக்பூரில் பொறியியல் பட்டம் பெற்ற பிச்சை, ஸ்காலர்ஷிப் பெற்று அமெரிக்காவின் ஸ்டாட்போர்டிற்கு உயர் கல்விக்காக சென்றார். அமெரிக்க பயணச்செலவுக்காக அவரது குடும்பல் கடன் வாங்க வேண்டியிருந்தது, பெரும்பாலான இந்திய குடும்பங்கள் போலவே பெற்றோர் தனது எதிர்காலத்திற்காக தங்கள் தேவைகளை குறைத்துக்கொண்டு பல தியாகங்களை செய்ததாக பிச்சை குறிப்பிடுகிறார்.
1993 ல் அவர் ஸ்டான்போர்டில் படிக்கத்துவங்கினார். அப்போது தனக்கு தேவைப்பட்ட பேக்பாக் சாதனத்தை வாங்க வசதியில்லாமல் இணையத்தின் மூலம் ஏற்கனவே பயன்படுத்திய ஒன்றை குறைந்த விலைக்கு வாங்கினார். பிச்சை முதலில் ஸ்டான்போர்டில் பிஎச்டி பட்டம் பெற்று கல்வித்துறையில் தான் பணியாற்ற திட்டமிட்டிருந்தார்.
ஆனால் இந்த திட்டத்தை மாற்றிக்கொண்டு சிலிக்கான் வேலி நிறுவனம் ஒன்றில் பொறியாளராக வேலைக்கு சேர்ந்தார். பின்னர் எம்பிஏ பட்டம் பெற்று மெக்கின்சி நிறுவனத்தில் ஆலோசகராக பணியாற்றினார்.
இதனிடையே தனது காதலியான அஞ்சலியையும் திருமணம் செய்து கொண்டார்.
2004 ல் அவர் தேடியந்திர நிறுவனமான கூகுளில் சேர்ந்தார். அதிலிருந்து நிறுவன ஏணியில் ஏறிக்கொண்டே இருந்தார். முதலில் தேடல் சார்ந்த உப சேவை ஒன்றில் பணியாற்றினார். டூல் பார் எனும் இந்த சேவை பிரவுசரில் இருந்தே தேடுவதை சாத்தியமாக்கியது. இந்த கால கட்டத்தில் தான் பிச்சை கூகுளி சொந்தமாக பிரவுசரை உருவாக்க வேண்டும் என நிறுவரான லாரி பேஜிடம் வலியுறுத்தினார். அப்போதைய தலைவரான எரிக் ஸ்கிமிட் இதற்கு எதிர்ப்பு தெரிவித்தாலும் லாரி பேஜ் பச்சைக்கொடி காட்டினார். இதன் பயனாக தான் கூகுள் குரோம் பிரவுசர் உண்டானது. பிரவுசர் பரப்பில் கூகுளுக்கு வெற்றியையும் கொடுத்தது.இப்போது சந்தையின் 32 சதவீத பங்கு குரோம் வசம் இருக்கிறது.
குரோமை அடிப்படையாக கொண்டு லேப்டாப்களுக்கான இயங்கு தளத்தை உருவாக்கும் பிச்சையின் யோசனையும் நல்ல பலனை கொடுத்தது.

ஆண்ட்ராய்டு பொறுப்பு
2008ல் ஆண்ட்ராய்டு போன்கள் அறிமுகம் போது அதன் செயல்பாட்டிலும் பிச்சை முக்கிய பங்கு வகித்தார். ஆண்ட்ராய்டை உருவாக்கிய ரூபின் அதை கூகுளிடம் விற்றுவிட்டு தொடர்ந்து அதன் மேம்பாட்டில் கவனம் செலுத்தி வந்தார். ரூபினுக்கும் கூகுள் குழுவினருக்கும் ஆண்ட்ராய்டு தொடர்பாக மோதல் ஏற்பட்ட போதெல்லாம் பிச்சை தான் அதை திறம்பட சமாளித்து இருக்கிறார். இறுதியில் ஆண்ட்ராய்டும் பிச்சையின் பொறுப்பில் ஒப்படைக்கப்பட்டது.
பின்னர் நிறுவன பிராடக்ட் பிரிவுக்கு பொறுப்பேற்றுக்கொண்ட பிச்சை அதன் மூத்த துணைத்தலைவராக உயர்ந்தார். சமீப காலமாக ஆண்ட்ராய்டு தொடர்பாக முக்கிய அறிமுகங்களை பிச்சையே வெளியிட்டு வந்தார்.
புதிய திட்டம் பற்றிய அறிவிப்பில் லாரி பேஜ், என்னைவிட அதிகமாக நிறுவன தயாரிப்புகள் பற்றி பேசி வருவதாகவும், தன்னைவிட சிறப்பாக பேசி வருவதாகவும் பாராட்டியது குறிப்பிடத்தக்கது.
இந்த பின்னணியில் தான் சுந்தர் பிச்சை 43 வது வயதில் கூகுள் சி.இ.ஒ வாகி இருக்கிறார்.
ஒல்லியான தோற்றத்துடன் , தாடியுடன் சிரித்த முகத்துடன் காணப்படும் சுந்தர் பிச்சை கூகுள் ஊழியர்கள் மத்தியில் அன்பிற்கும் , மதிப்பிற்கும் உரியவராக கருதப்படுகிறார். அவரை எளிதாக அணுக முடிவதாக பலரும் பாராட்டுகின்றனர். மேலும் அவரது அரவணைத்து போகும் ஆற்றலும் முக்கியமாக சொல்லப்படுகிறது. நிறுவன சிக்கல்களை அவர் லாவகமான எதிர்கொள்ளும் விதமும் குறிப்பிட்த்தக்கதாக சொல்லப்படுகிறது. ஒருமுறை ஆண்ட்ராய்டு பயன்பாடு தொடர்பாக சாம்சங் நிறுவனத்துடன் பிரச்சனை வந்த போது பிச்சை தான் அதை திறம்பட கையாண்டு தீர்த்து வைத்திருக்கிறார். அன்பான தந்தையாகவும் இருக்கும் சுந்தர் பிச்சை இணைய உலகிலும் விரும்ப்படுகிறார் . இப்போது கூகுள் நிறுவனத்தில் உச்சிக்கு வந்து, சிலிக்கான் வேலியில் சாதிக்க முடியும் என்ற நம்பிக்கையை இந்தியர்கள் மத்தியில் இன்னமும் ஆழமாக விதைத்திருக்கிறார்.

—————-
\

சொந்த ஊர் பற்றை பறைசாற்ற ஒரு இணையதளம்.

அடிப்படையில் மிக மிக எளிமையானது ஆனாலும் முதல் பார்வையிலேயே கவர்ந்து விடக்கூடிய அளவுக்கு அழகான கருத்தாக்கத்தை கொண்டது.ஐலோசி (http://ilocy.com/)இணையதளம் இப்படி தான் பிரம்மிக்க வைக்கிறது.

இந்த உலகில் சொந்த ஊர் மீது பற்றும் பாசமும் இல்லாதவர் யார் சொல்லுங்கள்.சொந்த ஊர் மீதான் பாசத்தை பகிர்ந்து கொள்ள வழி செய்வது தான் இந்த தளத்தின் நோக்கம்.

உங்கள் ஊரை நேசிக்கிறீர்களா என்று கேட்கும் இந்த தளம் அதற்கான காரண‌த்தை பகிர்ந்து கொள்ள வைக்கிறது.அதாவது உங்கள் சொந்த ஊரை நீங்கள் ஏன் விரும்புகிறீர்கள் என்று இந்த தளத்தில் தெரிவிக்கலாம்./

இதற்காக இரண்டு சின்ன கட்டங்கள் கொடுக்கப்பட்டுள்ளது.முதல் கட்டத்தில் உங்கள் சொந்த ஊரை குறிப்பிட்டு விட்டு அதன் கீசே உள்ள கட்டத்தில் அந்த ஊரை நீங்கள் விரும்புவதற்கான காரணத்தை குறிப்பிடலாம்.

இவ்வாறு சொந்த ஊர் பற்றி எல்லோரும் பகிர்ந்து கொள்ளும் தகவல்கள் அருகிலேயே ஊர் பட்டியலாக கொடுக்கப்பட்டுள்ளது.மிகவும் நேசிக்கப்படும் ஊர்கள் என்னும் அந்த பட்டியலை கிளிக் செய்து பார்த்தால் ஒவ்வொரு நகரங்கள் பற்றி அதன் விரும்பிகள் தெரிவித்துள்ள கருத்துக்களை தெரிந்து கொள்ளலாம்.

டிவிட்டர்,பேஸ்புக் போன்ற சேவைகள் எல்லாவற்றையும் பகிர்ந்து கொள்ள வழி செய்கின்றன.இருந்தாலும் சொந்த ஊரு மீதான பற்றை சுருக்கமால நச்சென நாலு வரியில் பகிர்ந்து கொள்ளும் வாய்ப்பு சிறந்தது தானே.

சொந்த ஊர் பற்றிய கருத்துக்களை படித்து பார்த்த பின் அது தொடர்பாக கருத்துக்களையும் தெரிவிக்கலாம்.அந்த ஊரை பற்றிய உங்கள் எண்ணத்தையும் பகிர்ந்து கொள்ளலாம்.அல்லது அந்த கருத்தை பேஸ்புக் பாணியில் லைக் செய்து ஆதரவு தெரிவிக்கலாம்.

அது மட்டும் அல்ல ஒவ்வொரு ஊர் தொடர்பாக மேலும் பல எண்ணங்களை பகிர்ந்து கொள்ளும் வசதி இருக்கிறது.

அந்த நகரில் பிடித்த விஷயத்தை சொன்ன பிறகு அந்த நகரம் தொடர்பாக இன்னும் நினைவில் இருக்கும் கருத்துக்களை பகிர்ந்து கொள்ளலாம்.அந்த நகரம் பற்றி மற்றவர் எண்ணங்களையும் வெளியிடலாம்.எல்லாவற்றுக்கும் தனித்தனி பட்டன்கள் இருக்கிறன.

நகரின் சிறப்புகளை வெளியிடுவது மட்டும் அல்ல குறிப்பிட்ட நகரங்கள் பற்றிய தகவல்களையும் கேட்டு பெறலாம்.இதற்காக என்றே நகரை பற்றி தெரிய வேண்டிய விஷயங்கள்,நகரில் எதிர்பார்ப்பவை,நகரில் செல்ல விரும்பும் இடம் ஆகியவற்றை தெரிந்து கொள்வதற்கான பகுதிகளும் இருக்கின்றன.

இந்த வசதி மூலம் இந்த தளத்தை நகரம் பற்றிய தகவலக்ளை திரட்டும் கையேடாகவும் பயன்படுத்தி கொள்ளலாம்.

இத்துடன் முடிந்துவிடவில்லை.நகரில் இப்போது இருக்கும் இடத்தை,இருந்த இடத்தையும் கூட பகிர்ந்து கொள்ளலாம்.

எல்லா தகவ்லகளுமே கூகுல் வரைப்படத்தின் மீது அழகாக பொருத்து காட்டப்படுகிறது.

சொந்த ஊர மீதான உணர்வு பூர்வமான பற்றை வெளிப்படுத்த வாய்ப்பை ஏற்படுத்து தந்து அதன் மூலம் ஒவ்வொரு நகரம் சார்ந்த தகவல்களை விரிவாக தெரிந்து கொள்ள வழி செய்து வியக்க வைக்கிறது இந்த தளம்.

உலக நகரங்களுக்கான செழுமையான் கையேடாக மாறும் வாய்ப்பை கொண்டுள்ள இந்த தளம் இப்போது தான் துவக்கப்பட்டுள்ளது என்பதால் பெரிய அளவில் நகரங்கள் இடம் பெறவில்லை.

குறிப்பாக இந்திய நகரங்கள் பற்றிய பதிவு இல்லை.எனவே நம்மவர்கள் சென்னை பற்றியும் மதுரை தேனி நெல்லை பற்றியும் பகிர்ந்து கொள்ளலாம்.

இணையதள முகவரி;http://ilocy.com/

———

சொந்த ஊர் தொடர்பான உணர்வுபூர்வமான பதிவு,படித்துப்பாருங்கள்.;http://vivasaayi.blogspot.in/2011/11/blog-post_21.html

புதிய நாவல்களை அறிய உதவும் இணையதளம்.

புதிய நாவல்களை அறிமுகம் செய்து கொள்ள சுவாரஸ்யமான வழியை முன் வைக்கிறது நாவல்ஸ் ஆன் லொகேஷன் இணையதளம்.

நாவலின் தலைப்பு தான் அதன் உள்ளடக்கமே.நாவலின் லொகேஷன் அதாவது இருப்பிடம் எதுவோ அதனடிப்படையில் நாவலை அடையாளம் கண்டு கொள்ள இந்த தளாம் உதவுகிறது.மிக அழகாக கூகுல் வரைப்படத்தின் மீது நாவல்களில் வரும் இருப்பிடத்தை பொருத்தி அந்த இடத்தில் கிளிக் செய்தால் நாவலை தெரிந்து கொள்ளும் வகையில் இந்த தளம் அமைக்கப்பட்டுள்ளது.

எனவே எந்த இடத்தில் கிளிக் செய்தாலும் அந்த இடத்தை மையமாக கொண்டு எழுதப்பட்ட நாவல் பற்றிய விவரம் தோன்றுகிறது.அந்த எழுத்தாளரின் பிற நாவல்களையும் அறிந்து கொள்ளலாம்.அதோடு அந்த இடத்தை மையமாக வைத்து எழுதப்பட்ட பிற நாவல்களையும் தெரிந்து கொள்ளலாம்.

எந்த நகரம் பற்றி படிக்க விருப்பமோ அந்த நகரின் பெயரை குறிப்பிட்டு தேடும் வசதியும் இருக்கிறது.

நாவல்கள் எல்லாமே இருப்பிடம் சார்ந்தவை தான்.ஜாய்ஸின் யுலிசஸ் என்றதுமே டப்ளின் தான் நினைவிக்கு வரும்.தி.ஜானகிராமன் என்றதுமே தஞ்சாவூர் நினைவுக்கு வருவது போல வண்ணதாசன் என்றதுமே நெல்லை நினைவுக்கு வருவது போல.ஆக இருப்பிடத்தை தொடக்கப்புள்ளியாக வைத்து கொண்டு நாவலை தேடுவது நல்ல விஷயம் தான்.

புதிய நாவல்களை அறிமுகம் செய்து கொள்ள இது புதிய வழி தான்.

இந்த தளத்தின் இன்னொரு சிறப்பம்சம் உறுப்பினர்கள் தாங்களும் நாவல்களை சமர்பிக்கலாம் என்பது தான்.

நாவ்ல்களை தேட;http://novelsonlocation.com/