Tag Archives: clock

NM_16Ahmed10

அறிவியல் ஆர்வத்தால் கைதான மாணவருக்கு ஆதரவாக இணைய குரல் !

அறிவியலில் ஆர்வம் உள்ள எந்த மாணவனும் செய்யக்கூடிய ஒரு விஷயத்தை தான் அமெரிக்காவின் 14 வயது மாணவரான அகமதுவும் செய்தார். ஆனால் அகமது உருவாக்கிய மின்னணு கடிகாரம் அவர் கைது செய்யப்பட்டு கைவிலங்கு மாட்டப்படும் சூழலை உருவாக்கியது. இப்போது அகமதுவுக்காக இணையம் குரல் கொடுத்து வருவதோடு, அமெரிக்க அதிபர் ஒபாமா, பேஸ்புக் நிறுவனர் ஜக்கர்பர்க் ஆகியோரின் ஆதரவும் கிடைத்திருக்கிறது.

மாணவர் அகமது நிச்சயம் கடிகாரத்தை உருவாக்கியதற்காக கைது செய்யப்படுவோம் என எதிர்பார்த்திருக்க மாட்டார். ஆனால் அது தான் நடந்தது. அகமது முகமது அவரது முழுப்பெயர் .அமெரிக்காவின் டெக்சாஸ் மாகாண புறநகர் பகுதியான இர்விங்கில் உள்ள மெக் ஆர்த்தர் உயர்நிலைப்பள்ளியில் படித்து வருகிறார். அறிவியல் மற்றும் தொழில்நுட்பத்தில் ஆர்வம் கொண்ட அகமது நாசா அமைப்பின் சின்னம் பொறித்த டி-ஷர்ட்டை விரும்பி அணிபவர். புகழ்பெற்ற எம்.ஐ.டி பல்கலையில் மேற்படிப்பு படிக்க வேண்டும் என்ற இலக்கு கொண்டவர்.கடந்த சில தினங்களுக்கு முன் அகமது, வீட்டிலேயே உருவாக்கி மின்னணு கடிகாரத்தை பள்ளிக்கு கொண்டு வந்து தனது வகுப்பு ஆசிரியரிடம் மிகுந்த ஆர்வத்துடன் காண்பித்திருக்கிறார்.இந்த தொழில்நுட்ப சாகசத்திற்காக ஆசிரியரின் பாராட்டு கிடைக்கும் என்று அவர் எதிர்பார்த்திருக்க வேண்டும்.
ஆனால், ஒரு சின்ன சூட்கேசில் இருந்த அந்த அமைப்பை பார்த்ததும் பள்ளி ஆசிரியருக்கு சந்தேகம் தான் உண்டானது. இதற்குள் இன்னொரு ஆசிரியர் இது பற்றி பள்ளி நிர்வாகத்திற்கு தகவல் தெரிவித்தார். அவர்கள் காவல்துறைக்கு தகவல் தெரிவிக்க, அன்று மாலையே அகமது கைது செய்யப்பட்டார். பள்ளியில் இருந்து இடைநீக்கமும் செய்யப்பட்டார்.

அகமது உருவாக்கிய மின்னணு கடிகாரம் வெடிகுண்டாக இருக்கலாம் எனும் சந்தேகமே இதற்கு காரணம். நிச்சயமாக இந்த சந்தேகத்தின் பின்னே அகமதுவின் பெயரும் ஒரு முக்கிய காரணமாக அமைந்தது.
14 வயது பள்ளி மாணவர் அறிவியல் ஆர்வத்தை வெளிப்படுத்தியதற்காக பாராட்டி ஊக்குவிக்கப்படுவதற்கு பதில் கைது செய்யப்பட்டு கைவிலங்கு மாட்டப்பட்ட சம்பவம் அமெரிக்காவை அதிர்ச்சியில் ஆழ்த்தியது.இந்த சம்பவம் பெரும் விவாதத்தையும் ஏற்படுத்தியது.

அகமNM_16Ahmed1து அவரது இஸ்லாமிய மத பின்னணி காரணமாகவே இந்த சந்தேகத்திற்கு இலக்காகி இருக்கிறார் என்பது இன்னும் அதிர்ச்சியை ஏற்படுத்தியது. இஸ்லாமிய மத்த்தை சேர்ந்த எல்லோரையும் தீவிரவாத கண்ணோட்டத்தில் பார்க்கும் தட்டையான மனநிலையின் வெளிப்பாடாக இந்த சம்பவம் அமைந்திருப்பதாக பலரும் விமர்சித்தனர்.

இந்த கைது பற்றி நாளிதழ்களில் வெளியான செய்தி ,அமெரிக்காவில் நிலவும் சார்பு நிலை பற்றிய விவாதத்தை தீவிரமாக்கியது.
நடந்த சம்பவம் மாணவர் அகமதுவிற்கு அதர்சியாக இருந்திருக்கும். அவரது குடும்பத்தினர் செய்தியாளர்களை சந்தித்து நடந்த சம்பவம் குறித்து ஆதங்கத்துடன் விளக்கம் அளித்தனர்.

ஆனால் இதற்குள் அகமதுவுக்கு ஆதரவு குவியத்துவங்கியது.இணையத்தில் பலரும் அகமதுவுக்கு நேர்ந்த கதி குறித்து அதிர்ச்சி தெரிவித்தனர். பள்ளி மாணவனின் ஆர்வத்தை பார்க்காமல் அவனது மத பின்னணியில் கவனம் செலுத்து சந்தேக்கிக்கும் போக்கை பலரும் கடுமையாக குறை கூறினர். இந்த நிலைக்கு இலக்கான அப்பாவி மாணவர் அகமதுவுக்கு ஆதரவாக குரல் கொடுக்கும் வகையில் #IStandWithAhmed எனும் ஹாஷ்டேகை உருவாக்கி தங்கள் கருத்துக்களை பகிர்ந்து கொண்டனர்.இணையவாசிகள் மட்டும் அல்லாமல் விஞ்ஞானிகள் உள்ளிட்டோரும் இந்த ஹாஷ்டேகுடன் தங்கள் கருத்துக்களை பகிர்ந்து கொண்டு அகமதுவுக்கு ஆதரவு தெரிவித்தனர்.
இளம் கண்டுபிடிப்பாளராக அகமதுவை ஊக்குவிப்பதற்கு பதில் ஒரு பள்ளி மாணவரை தீவிரவாதியாக பார்ப்பது சரியா எனும் விதமாக பலரும் கேள்வி எழுப்பினர். வெள்ளை மாணவர் ஒருவர் இது போல செய்திருந்தால் பாராட்டி இருப்பீர்கள் அல்லவா என்பது போலவும் சிலர் ஆவேசமாக கேட்டிருந்தனர்.
டிவிட்டர் உள்ளிட்ட சமூக தளங்களில் இப்படி ஆதரவு குவிந்த நிலையில். அமெரிக்க அதிபர் பாரக் ஒபாமாவும் மாணவர் அகமதுவுக்கு ஆதரவு தெரிவித்தார். ஒபாமா தனது டிவிட்டர் பக்கத்தில் , அகமதுவின் கடிகார கண்டுபிடிப்பை பாராட்டியுள்ளதோடு வெள்ளை மாளிகைக்கும் அழைப்பு விடுத்திருந்தார்.

அதே போல பேஸ்புக் நிறுவனம் மார்க் ஜக்கர்பர்கும், மாணவர் அகமதுவுக்கு ஆதரவு தெரிவித்து பேஸ்புக் நிறுவன தலைமையகத்தில அவரை வரவேற்க தயராக இருப்பதாக கூறியிருந்தார். அமெரிக்க அதிபர் தேர்தல் வேட்பாளர் ஹிலாரி கிளிண்டனும் அக்மதுவுக்கு ஆதரவு தெரிவித்துள்ளார். ஆதரவு பெருகி வருகிறது.
இப்படி பெருகும் ஆதரவு மாணவர் அகமதுவை ஹிரோவாக்கி இருக்கிறது. நிச்சயம் இந்த ஆதரவையும் அவர் எதிர்பார்த்திருக்க மாட்டார். ஆனால் இணையம் அவருக்கு ஆதரவாக குரல் கொடுத்து புகழையும் தேடித்தந்திருக்கிறது.

அகமது குடும்பத்தினர் இந்த நிகழ்வு தொடர்பாக @IStandWithAhmed எனும் பெயரில் டிவிட்டர் கணக்கு துவங்கி இந்த நிகழ்வை பதிவு செய்து வருகின்றனர்.

நன்றி;விகடன்.காமில் எழுதியது

கண்களுக்கு ஓய்வு அளிக்க உதவும் இணையதள‌ம்.


கம்ப்யூட்டரையே பார்த்து கொண்டிருப்பவர்களே உங்கள் கொஞ்சம் கண்களையும் பார்த்து கொள்ளுங்கள் என்று கரிசனத்தோடு சொல்லும் எச்சரிக்கும் தளங்களில் ஐபிரேக் மிகவும் எளிதானது.அதே நேரத்தில் நெத்தியடியாக அதன் நோக்கத்தை நிறைவேற்றுகிறது.

ஓயாத கம்ப்யூட்டர் பயன்பாடு கண்களுக்கு அயர்ச்சியை கொடுக்க கூடியது என்பதை நீங்கள் அறிந்திருக்கலாம்.இடைவெளி இல்லாமல் கம்ப்யூட்டர் மானிட்டரையே பார்த்து கொண்டிருப்பதால் கண்களின் ஆரோக்கியம் பாதிக்கபடுகிறது என்பதும் உங்களுக்கு தெரிந்திருக்கலாம்.

ஏற்கனவே கண்களில் எரிச்சல்,தலைவலி போன்ற கஷ்டங்களை நீங்கள் அனுபவித்து வரலாம்.

எல்லாம் சரி தான் ஆனால் கம்ப்யூட்டரை பயன்பாட்டை கைவிட முடியாதே என்று நீங்கள் குறைப்பட்டு கொள்ளலாம்.

நவீன வாழ்க்கையில் கம்ப்யூட்டர் பயன்பாடு தவிர்க்க இயலாதது தான் என்றாலும் நீடித்த கம்யூட்டர் பயன்பாட்டால் கணகளுக்கு ஏற்படக்கூடிய பாதிப்புகள் தவிர்க்க கூடியதே!.

இதற்கு செய்ய வேண்டியதெல்லாம் கம்ப்யூட்டர் பயன்படுத்தும் போது இடையிடையே கண்களுக்கு தகுத்த ஓய்வு அளிப்பது தான்.அதாவது ஓயாமல் கம்ப்யூட்டர் திரையையே பார்த்து கொண்டிருக்காமல் நடுவே சிறிது நேரம் மானிட்டடரில் இருந்து கண் பார்வையை விலக்கி கண்களை வேறு திசையில் பார்த்தால் போதுமானது.

ஆனால் இதை மறக்காமல் செய்ய வேண்டும்.இப்படி மறக்காமல் இருக்க நினைவூட்ட உண்டாக்கப்பட்டுள்ள சேவை தான் ஐபிரேக் இணையதளம் .

உங்கள் கண்களுக்கு ஓய்வு தேவை என்று சொல்லும் இந்த தளம் ஒவ்வொரு 20 நிமிடத்திற்கும் குறைந்தது 20 நொடிகளாவ‌து 20 அடி தூரத்தில் உள்ள ஏதாவது ஒரு பொருளை பாருங்கள் என்று இதற்கு வழிகாட்டவும் செய்கிறது.

இந்த‌ அறிவிப்பை அழகிய பின்னணிக்கி நடுவே முகப்பு பக்கத்தின் நடுவே கொண்டுள்ள இந்த தளம் அதன் அருகிலேயே அடுத்த ஓய்விற்கான நேரத்தை காட்டிக்கொண்டே இருக்கிறது.இந்த தளத்தை செயல்படுத்தி வைத்தால் சரியான நேரத்தில் கண்களுக்கு ஓய்வளிக்க நினைவூட்டுகிறது.

கம்ப்யூட்டரோடு கணகளையும் கவனியுங்கள்.

இணையதள முகவரி;http://www.eye-break.tk/

முட்டை வேக வைக்கும் அறிவியல் கற்றுத்தரும் இணையதளம்.

முட்டை வேக வைப்பதற்கான நேரத்தை கணக்கிட உதவும் எக்வாட்சர்ஸ் இணையதளம் பற்றி நண்பர் வின்மணி ஏற்கனவே எழுதியுள்ளார்.இப்போது நானும் அதே இணையதளம் பற்றி எழுதுவதற்கு காரணம்,இதே போன்ற நேரம் கணக்கிடும் இணையதளங்கள் பற்றி தொடர்ந்து எழுதலாம் என்ற திட்டம் தான்.(அந்த அளவுக்கு விதவிதமான நேரம் கணக்கிட உதவும் இணையதள‌ங்கள் இருக்கின்றன)

அதோடு எக்வாட்சர்ஸ் இணையதளத்தில பலரும் கவனிக்காத இன்னொரு அழகான விஷயமும் இருக்கிறது.அதனை சுட்டிக்காட்டவும் தான் இந்த பதிவு.

முட்டையின் அளவையும் அது பிரிட்ஜிலிருந்து எடுக்கப்பட்டதா போன்ற தகவலை தெரிவித்தால் அந்த முட்டையை வேக வைப்பதற்கு எவ்வளவு நேரம் ஆகும் என தெரிவிப்பதோடு அதற்கான நேரத்தையும் காட்டுகிறது.நேரம் முடிந்ததும் அதையும் உணர்த்துகிறது.இடைப்பட்ட நேரத்தில் அழகான யூடியூப் வீடியோவும் ஒளிபரப்பாகிற‌து.

முட்டை வேக வைப்பதற்கு எல்லாம் நேரம் கணக்கிட்டு கொண்டிருக்க வேண்டுமா என்று சிலர் கேட்கலாம்.குறிப்பாக சமையல் கலையில் அனுப‌வம் மிக்கவர்கள் அலட்சியமாகவே கேட்கலாம்.

ஆனால் முட்டையை கச்சிதமாக வேக வைக்க தேவைப்படும் நேரத்தை சரியாக கணக்கிட்டு சொன்னால் நன்றாக இருக்கும் என்று நினைப்பவர்கள் பலர் இருக்கின்றனர்.அதிலும் சிலர் முட்டையை வேக வைப்பதற்கு ஏதாவது சூத்திரம் இருக்கிறதா என்றும் கேட்கக்கூடும்.

உண்மையிலேயே அப்படி ஒருவர் கேட்டிருக்கிறார்.அந்த கேள்விக்கு ஒருவர் மிகவும் விரிவாக பதிலும் அளித்திருக்கிறார்.முட்டை வேக வைக்கும் அறிவியலை விளக்கும் அந்த விரிவான கட்டுரையையும் இந்த தளத்தில் பார்க்கலாம்.

முட்டிஅயை வேக வைக்கும் முன் இதனை படியுங்கள் என்னும் சிறிய அறிமுகத்தோடு இந்த கட்டுரைக்கான இணைப்பு முகப்பு பக்கத்தில் கொடுக்கப்பட்டுள்ளது.

இந்த இணைப்பை கிளிக் செய்தால் முட்டியை வேக வைப்பதில் உள்ள அறிவியல் செயல்பாடு அழகாக விளக்கப்பட்டுள்ளது.கட்டுரையின் ஆரம்பத்தில் முட்டையை வேக வைப்பதற்கான கணித சூத்திரமும் கொடுக்கப்பட்டுள்ளது.

ஆக முட்டை வேக வைப்பதை சாதாரணமாக நினைக்க முடியாது தான் இல்லையா?

முட்டையை வேக வைக்க ஏதேனும் கனித சூத்திரம் இருக்கிறதா என கேட்டு நியூ சயின்டிஸ்ட் இதழில் வெளியான கடிதஅத்திற்கு பதிலாக ஏன் இல்லை என்று கேட்டு டாக்டர் சார்லஸ் வில்லியம் இந்த கட்டுரையை எழுதியுள்ளார்.

இந்த கட்டுரையின் போக்கிலேயே முட்டியை வேக வைக்கும் கலை தொடர்பாக கற்றுத்தரும் லார்ன்2.காம் தளத்திற்கு இணைப்பு தரப்பட்டுள்ளது.அதோடு இந்த‌ கட்டுரையோடே முட்டை வேக வைப்பதற்கான நிபுணர் ஒருவரின் கையேடும் இடம் பெற்றுள்ளது.டெல்டா என்னும் பெண்மணி எழுதியுள்ள அந்த கட்டுரையை படிக்கும் போது முட்டையை வேக வைப்பதில் இத்தனை நுணுக்கங்கள் இருக்கின்றனவா என்ற வியப்பு ஏற்படுகிறது.

இணையதள முகவரி;http://www.eggwatchers.com/

http://newton.ex.ac.uk/teaching/cdhw/egg/

afday

எங்கெங்கு காணினும் கலைகளடா!

பரிசுப்பொருட்களை வாங்க நினைக்கும் போது ஒரு குழப்பம் வரும் அல்லவா?வழக்கமான பொருட்களாக இல்லாமல் வித்தியாசமான பயனுள்ள பொருட்களை பரிசளித்தால் நன்றாக இருக்கும் என்று நினைப்போம் ஆனால் அவற்றை எங்கே வாங்குவது என தெரியாமல் தவிப்போம் அல்லவா?

இத்தகைய குழப்பம் உள்ளவர்கள் ஆப் டே தளத்திற்கு சென்றால் சொக்கிப்போய் விடுவார்கள்.அதே போல கலை உள்ளம் கொண்டவர்களும் இந்த தளத்தை பார்த்தால் மகிழ்ச்சி அடைவார்கள்.

இ காமர்ஸ் என்று சொல்லப்படும் இணைய வணிக வகையை சேர்ந்த இந்த தளம் இந்திய கலைப்பொருட்களை விற்பனை செய்கிறது.

கலைப்பொருட்கள் என்றால் பொதுவாக ஒரு கண்ணோட்டம் இருக்கும் அல்லவா! அத்தகைய வரையரை எதுவும் இல்லாமல் பாரம்பரிய வகையில் இருந்து நவீன வகை வரை எல்லா வகையான கலைப்பொருட்களும் இங்கே இடம் பெறுகின்ற‌ன.வித்தியாசமானவை ,விநோதமானவையும் இதில் அடங்கும்.

அதற்கேற்ப எங்கெங்கும் கலைகள்,என்பதே இந்த தளத்தின் கொள்கையாக இருக்கிறது.நம்மை சுற்றி எல்லா இடங்களிலும் கலைகள் எல்லா வடிவிலும் இருக்கின்றன என்று சொல்லும் இந்த தளம் சிலையிலும் கலையை காணலாம்,மோதிரத்திலும் காணலாம் என்கிற‌து. இப்படி கலையை காணக்கூடிய பொருட்களை எல்லாம் விற்பனை செய்வதற்கான களமாக இந்த தளம் உருவாக்கப்பட்டுள்ளது.அதாவது தினசரி வாழ்கையிலேயே கலைகளை காண முடியும் .இதன் ஆங்கில வாசகமான ஆர்ட் பார் எவ்ரிடே என்பதன் சுருக்கமே தளத்தின் இணைய முகவரி.

அதோடு இந்திய கைவினை கலைஞர்களும் படைப்பாற்றலோடு விதவிதமான கலைப்பொருட்களை உருவாக்கி வருகின்றனர்.இந்த பொருட்களுக்கான இணைய சந்தையாகவும் ஆப் டே செயல்ப‌டுகிறது.கலைப்பொருட்களை யாரும் எவரும் சுலபமாக வாங்கி கொள்வதற்கான வழியாகவும் இந்த தளம் விளங்குகிறது.

கலை ஆர்வம் கொண்டவ‌ர்களை முதல் பார்வையிலேயே கவர்ந்துவிடக்கூடிய வகையில் எளிமையான ,நேர்த்தியான முறையில் கலை பொருட்கள் முகப்பு பக்கத்தில் பட்டியலிடப்பட்டுள்ளன.

முதலில் நச்சென ஒர் பொருள் இடம் பெறுகிறது.புகைப்படத்தோடு அதன் விவரங்களும் விலையும் கொடுக்கப்பட்டுள்ளது .அதன் கீழே வரிசையாக புகைப்படத்தோடு பொருட்கள் பட்டியல் தொடர்கின்றன.எந்த பொருள் கவர்கிறதோ அதனை கிளிக் செய்து மேலும் விவரங்களை தெரிந்து கொள்ளலாம்.

அருகிலேயே பொருட்கள் அவற்றின் வகைகளுக்கு ஏற்பவும் பட்டியலிடப்பட்டுள்ளன.கைப்பைகள்,ஓவியங்கள்,நகைகள்,விளையாடு பொருட்கள்,கல்வி பொருட்கள்,கடிகார‌ங்கள்,காகித பொருட்கள் என பல வகை பொருட்கள் பட்டியலில் உள்ளன.மேலும் சுடுமண் பொம்மைகள்,விளக்குகள்,வீடுகளுக்கான அலங்கார‌ பொருட்கள் ஆகியவகையும் உள்ளன.

ஓவ்வொரு பொருளாக கிளிக் செய்து பார்த்தால் ஏதோ கலை கூடத்தை சுற்றி பார்த்த உண‌ர்வு ஏற்படுகிறது.ஒவ்வொரு பொருளும் தன் கவண்ணத்திலும் பயன்பாட்டு தன்மையிலும் கவர்ந்திழுக்கின்றன.

வித்தியாசமான் சுவர் கடிகாரம்,அலங்கார கைப்பை,சிறுவர்களுக்கான பென்சில் பாக்ஸ் ,ஓவியம் போன்ற‌ அஞ்சல் அட்டை,மர கார் பொம்மை என எல்லா பொருட்களுமே கண்ணையும் கருத்தையும் கவர்கின்றன.விலையும் கையை கடிக்காமல் தான் இருப்பதாக‌ தோன்றுகிறது.

வீட்டு உபயோகத்திற்கும் வாங்கலாம்.மற்றவர்களுக்கு பரிசளிக்கவும் வாங்கலாம்.இணையம் வழி ஷாப்பிங் மட்டும் அல்லாமல் ஆர்டர் செய்து விட்டு டெலிவரியின் போது பணம் தரும் வசதியும் உள்ளது.

ஐஐஎம் பட்டதாரியான ராஷ்மி என்னும் பெண்மணி இந்த தளத்தை நடத்திவருகிறார்.ராஜஸ்தான்,பஞ்சாப்,ஜம்மு ஆகிய இடங்களில் பயணம் செய்த போது பார்க்க நேர்ந்த பல வகையான கலைகள் தன்னை கவர்ந்ததாகவும் கலைப்பொருட்கள் விற்பனை செய்யும் கடைகளில் இவற்றை பெரும்பாலும் காண முடியாமல் போனதையும் பார்த்து இந்த இடைவெளியை போக்கும் வகையில் ஆப் டே தளத்தை துவக்கியதாக ராஷ்மி உற்சாகமாக் கூறுகிறார்.

இணையதள முக‌வரி;http://www.afday.com/