Tag Archives: desktop

வால்பேப்பரில் திரைப்படம் பார்க்க புதிய வசதி.

desktop-movie
கம்ப்யூட்டரில் பாட்டு கேட்டுக்கொண்டே கம்ப்யூட்டரை பயன்படுத்தலாம்.பலருக்கும் பரிட்சயமானது தான் இது.

இப்படி டெஸ்க்டாப்பில் மனதுக்கு பிடித்த பாடல்களை ஒலிக்கசெய்த படி வேலை பார்ப்பது இனிமையானதும் கூட!

ஆனால் கம்ப்யூட்டரில் திரைப்படம் பார்த்துக்கொண்டே வேலை பார்ப்பது சாத்தியமா?

டெஸ்க்டாப்பில் திரைப்படம் ஒடத்துவங்கிய பின் கம்ப்யூட்டர் திரையை அத்திரைப்படமே ஆக்கிரமித்து கொள்ளும் என்பதால் அதில் உள்ள மற்ற அம்சங்களை பயன்படுத்துவது என்பது கடினமானது. அதோடு படம் பார்த்து கொண்டே வேலை செய்வது என்பதும் கடினமானது தான்.

இருப்பினும் ஏதாவது காரணத்திற்காக டெஸ்க்டாப்பில் படம் பார்த்து கொண்டே கம்ப்யூட்டரிலும் சில வேலைகளை செய்து முடிக்க வேண்டும் என்று விரும்பினால் அதற்கான வழியும் இருக்கிறது.

டெஸ்க்டாப்மூவி என்னும் கம்ப்யூட்டர் செயலி இதனை சாத்தியமாக்குகிறது.இந்த செயலியை டவுண்லோடு செய்து கொண்டால் அதன் மூலம் கம்ப்யூட்டரில் திரைப்படங்களை வால்பேப்பராக பார்த்து ரசிக்கலாம்.

அழகிய புகைப்படங்களை டெஸ்க்டாப் வால்பேப்பராக வைத்து கொள்வது போல இந்த செயலி திரைப்படத்தையே வால்ப்பேப்பராக ஆக்கித்தருகிறது.

திரைப்படமே வால்பேப்பராக மாற்றப்படுவதால் டெஸ்க்டாப்பில் உள்ள மற்ற ஐக்கான்கள் எல்லாம் அப்படியே இருக்கும்.எனவே அவற்றில் எது தேவையோ அதனை கிளிக் செய்து பயன்படுத்தி கொள்ளலாம்.இந்த ஐக்கான்களின் விண்டோவின் அளவை இஷ்டம் போல மாற்றியமைத்து கொள்ளலாம் என்பதால் அவற்றை சின்னதாக்கி கொண்டு தொடர்ந்து திரைப்படத்தை பார்த்து கொண்டே இருக்கலாம்.

இந்த செயலி மூலமே படத்தின் இயக்கத்தையும் கட்டுப்படுத்தலாம்.

திரைப்படம் பார்த்து கொண்டே கம்ப்யூட்டரை பயன்படுத்துவது சரியாக இருக்குமா என்று தெரியவில்லை.ஆனால் அந்த வசதியை உருவாக்கி தருகிறது இந்த டெஸ்க்டாப்மூவி செயலி.

பால்கோசாப்ட் என்னும் இணையதளத்தில் இருந்து இதனை டவுண்லோடு செய்து கொள்ளலாம்.இதைத்தவிர மேலும் பல பயனுள்ள செயலிகள் இந்த தளத்தில் இருக்கின்றன.

இணையதள முகவரி;http://falcosoft.hu/softwares.html#desktopmovie

நான் பார்க்கும் இணையதளங்கள்.


திரைபகிர்வு(ஸ்கிரின் ஷேரிங்) இணைய சேவைகள் பற்றி நீங்கள் கேள்விப்பட்டிருக்கலாம்.

இணையத்தில் ஒருவர் பார்த்து கொண்டிருக்கும் இணையதளத்தை அப்படியே மற்றவர்களோடு பகிர்ந்து கொள்ள உதவும் தளங்களே திரை பகிர்வு சேவை என குறிப்பிடப்படுகிறது.இந்த தளங்களின் உபயத்தால் நீங்கள் பார்த்து கொண்டிருக்கும் இணையதளத்தை அதே நேரத்தில் உங்கள் நண்பர்களும் காணச்செய்யலாம்.

ஸ்கிரின்லீப் இணையதளமும் இத்தகைய திரை பகிர்வு சேவை தான்.ஆனால் மற்ற திரை பகிர்வு சேவைகளை விட இது எளிதானதாக இருக்கிறது.காரணம் இதனை பயன்படுத்த எதையும் டவுண்லோடு செய்யவோ இன்ஸ்டால் செய்யவோ தேவையில்லை.உறுப்பினராக பதிவு செய்து கொள்ளவும் அவசியமில்லை.(ஆனால் ஜாவா ஸ்கிரிட் வசதி தேவை)

இணையதளத்தை யாருடனாவது பகிர்ந்து கொள்ளும் தேவை ஏற்பட்டால் இந்த தளத்தில் உள்ள திரையை பகிரவும் என்னும் பட்டனை கிளிக் செய்தால் போதும் உங்களுக்கான இணைய முகவரி ஒன்று உருவாக்கி தரப்படுகிறது.அந்த முகவரியை நண்பர்களோடு பகிர்ந்து கொண்டால் அவர்களும் அதே இணையதளத்தை பார்க்க துவங்கலாம்.

இதே போலவே நண்பர்கள் பகிர்ந்து கொள்ளும் இணையதளத்தை அவர் அனுப்பும் இணைய முகவரி மூலம் நாமும் பார்க்கலாம்.

ஒரு குழுவாக பணியாற்ற விரும்புகிறவர்கள் வேறு வேறு இடங்களில் இருந்தால் இந்த சேவை மூலம் தாங்கள் பார்த்து கொண்டிருக்கும் இணையதளத்தை குழுவினரையும் பார்க்க செய்து கருத்து பரிமாற்றம் செய்து கொள்ளலாம்.

தொழில்நுட்ப விஷ்யங்களின் அனுபவம் இல்லாதவர்கள் தங்கள் கம்ப்யூட்டடில் ஏதேனும் பிரச்சனை என்று ஆலோசனை கேட்டால் அப்போது இந்த வசதியை பயன்படுத்தி கொண்டு இணைய பக்கத்தை பகிர்ந்த படி ஆலோசனை சொல்லலாம்.

மேலும் பலவிதங்களின் இந்த வசதியை பயன்படுத்த முடியும்.

உறுப்பினராகாமல் பயன்படுத்தும் எளிமை கொண்டது என்று பெருமை பட்டு கொள்ளும் ஸ்கிரின் லீப் தளம் புதிதாக ஜிமெயில் மூலம் உறுப்பினராகும் வசதியை அறிமுகம் செய்துள்ளது.இந்த சேவையை பயன்படுத்த இது அவசியம் இல்லை என்றாலும் உறுப்பினரானால் நண்பர்கள் பட்டியலை உருவாக்கி கொள்ளுதல் போன்ற கூடுதாலான அமசங்களை பயன்படுத்தி கொள்ளலாம்.

இணையதள முகவரி;http://www.screenleap.com/

டெஸ்க்டாப் வழி நன்கொடை!

உங்கள் டெஸ்க்டாப்பை தானமாக தருவதற்கு நீங்கள் தயாரா என்று கேட்கிறது டொனேட் யுவர் டெஸ்க்டாப் இணையதளம்.இதற்கு ஒப்புக்கொண்டால் நீங்கள் தேர்வு செய்யும் தொண்டு நிறுவனத்திற்கு உங்கள் சார்பில் நன்கொடை அளிக்கப்படும் என்றும் இந்த தளம் உக்கம் தருகிறது.

டெஸ்க்டாப்பை தருவது என்றால் நீங்கள் பயன்படுத்தும் கம்புயூட்டரை தூக்கி கொடுத்து விடுவது அல்ல!மாறாக உங்கள் டெஸ்க்டாப்பில் கொஞ்சம் இடம் கொடுப்பது அவ்வளவு தான்.

அதாவது உங்கள் டெஸ்க்டாப்பில் இந்த தளத்தில் உள்ள வால்பேப்பர்களை பயன்படுத்த ஒப்புக்கொண்டால் போதுமானது.

இந்த வால்பேப்பர்கள் எல்லாம் வழக்கமான வால்பேப்பர்கள் அல்ல;எல்லாமே வர்த்தக நிறுவங்களின் விளம்பரமாக தோன்றக்கூடிய வால்பேப்பர்கள்.இவற்றை பயன்படுத்துவதன் மூலம் உங்கள் டெஸ்க்டாப்பை அந்த நிறுவங்களின் விளம்பர பலகையாக நீங்கள் தோன்றச்செய்கிறீர்கள்.

இப்படி வர்த்தக நிறுவன விளம்பர பலகையாக உங்கள் டெஸ்க்டாப்பை மாற்றுவதற்கு கட்டணமாக அந்த நிறுவனங்கள் தர முன் வரும் தொகையில் இருந்து 75 சதவீதம் தொண்டு நிறுவனங்களுக்கு நன்கொடையாக வழங்கப்படுகிறது.

டெஸ்க்டாப்பை விளம்பர பலகை போல பயன்ப‌டுத்துவது அருமையான யோசனை தான் இல்லையா?

எப்படியும் கப்யூட்டர் வைத்திருப்பவர்கள் ஏதாவது ஒரு வால்பேப்பரை டெஸ்க்டாப் தோற்றமாக பயன்படுத்தப்போகின்றனர்.சில அடிக்கடி வால்பேப்பரை மாற்றும் பழக்கம் கொண்டிருக்கின்றனர்.இதற்காக அழகான வால்பேப்பர்களை வலைவீசி தேடுபவர்களும் இருக்கின்ற‌னர்.

இந்த தேவையை விளம்பர நோக்கோத்தோடு பயன்படுத்தி கொண்டால் என்ன என்னும் நோக்கத்தோடு ‘டொனேட் யுவர் டெஸ்க்டாப்’ தளம் பல வர்த்தக நிறுவன‌ங்களுடன் ஒப்பந்தம் செய்து கொண்டு அவற்றின் வால்பேப்பர்களை இணையவாசிகளுக்கு வழங்குகிறது.

அது மட்டும் அல்லாமல் இத‌ன் மூலம் வரும் வருவாயில் முக்கால் பகுதியை தொண்டு நிறுவனங்களுக்கு நன்கொடையாக வழங்குகிறது.இணையவாசிகள் தங்களுக்கு விருப்பமான தொண்டு நிறுவனத்தையும் தேர்வு செய்து கொள்ளும் வாய்ப்பு அளிக்கப்படுகிறது.

இணையவாசிகள் இதற்கு என்று எதையும் தனியே செய்ய வேண்டியதில்லை.இந்த தளத்தில் இருந்து வால்பேப்பரை பயன்படுத்த முன் வந்தால் போதுமானது.அதன் பிறகு தினம் ஒரு வால்பேப்பரால் உங்கள் டெஸ்க்டாப்பை இந்த தளம் அலங்கரிக்கச்செய்து விடும்.இந்த டெஸ்டாப் கம்ப்யூட்டரின் செய்லபாட்டை எந்த வித்ததிலும் பாதிக்காது என்று இந்த தளம் உறுதி அளிக்கிறது.அது மட்டும் அல்லாமல் வால்பேப்பர் ஒற்று வேலை பார்த்து அந்தரங்கமான தகவல்களையும் சேகரிக்காது என்றும் உறுதி அளிக்கிறது.

எனவே உங்கள் டெஸ்க்டாப்பை வால்பேப்பருக்கான பலகையாக தானமாக தர முன் வந்தீர்கள் என்றால் அதன் மூலமே நன்கொடை அளித்த திருப்தியையும் பெறலாம் என்கிறது இந்த தளம்.

நன்கொடை திரட்டும் முயற்சியில் நிச்சயம் இது ஒரு புதுமை தான்.

சும்மா இருக்கும் டெஸ்க்டாப்பை விளம்பர பலகையாக மாற்றி அதன் மூலம் தொண்டு நிறுவனங்களுக்கு தேவையான நிதியை பெற்றுத்தருவது வரவேற்கத்தக்கது தான்.

இந்த புதுமையான முயற்சி நியுசிலாந்தை அடிப்படையாக கொன்டு செயல்படுகிற‌து.எனவே இப்போதைக்கு நியூசிலாந்த்தில் உள்ளவர்கள் மட்டுமே இதனை பயன்படுத்த முடியும்.ஆனால் விரைவில் உலகம் முழுவதும் விரிவாக்கம் செய்ய திட்டம் உள்ளதாம்.

உங்களுக்கும் பங்கேற்க விருப்பம் இருந்தால் உங்கள் நாட்டை குறிப்பிட்டு பதி செய்து கொள்ளவும் அழைப்பு விடுக்கிறது இந்த தளம்.

இணையதள முகவரி;http://www.donateyourdesktop.co.nz/

இரண்டு லட்சம் வால்பேப்பர்களோடு அழைக்கும் இணையதளம்.

டெஸ்க்டாப்பின் பின்னணியில் தோன்றும் அழகான வால்பேப்பர்களை நினைத்த நேரத்தில் மாற்றிக்கொள்ளலாம் தான்.இது மிகவும் சுலபமானது.ஆனால் மனதுக்கு பிடித்தமான வடிவமைப்பில் வால்ப்பேப்பர்கள் கிடைப்பது அத்தனை சுலபமல்ல!.

காரணம் எப்போதுமே நமது டெஸ்க்டாப்பில் இருப்பதைவிட நண்பர்களின் டெஸ்க்டாப்பை அலங்கரித்து கொண்டிருக்கும் வால்பேப்பர் அழகாக இருப்பது போல தோன்றும்.அது மட்டும் அல்ல எந்த வால்பேப்ப்ர் என்றாலும் மீண்டும் மீண்டும் பார்த்து கொண்டிருந்தால் அலுப்பாக தான் இருக்கும்.

வால்பேப்பர்களை இன்டெர்நெட்டில் தேடிக்கொள்ளலாம் தான்.வால்பேப்பருக்கு என்றே பல இணையதளங்களும் இல்லாமல் இல்லை.ஆனால் பெரும்பாலான வால்பேப்பர் தளங்கள் ஒரே மாதிரியான தோற்றத்தில் அலுப்பூட்டக்கூடியதாகவே இருக்கின்றன.அவற்றில் தேடுவதே அயற்சியை தரலாம்.

ஆனால் வால்ப்பேப்பர்களுக்கான வால்பூப்பர் இணையதளம் அவ்வாறு இல்லாமல் கொஞ்சம் சுவாரஸ்யமானதாகவே இருக்கிறது.இந்த தளத்தை வால்பேப்பர்களுக்கான தேடியந்திரம் என்றோ அல்லது வால்பேப்பர்களுக்கான வலைவாசல் என்றோ சொல்லலாம்.

விருப்பமான வால்பேப்பரை இந்த தளத்தில் குறிச்சொல் மூலமாக தேடிக்கொள்ளலாம்.எந்த வகையான வால்பேப்பர் தேவையோ அதற்கான குறிச்சொல்லை டைப் செய்து தேடலாம் என்பதோடு வால்பேப்பரின் அளவு மற்றும் அதன் தோற்றத்தின் துல்லியம் (ரெஸல்யூஷன்)ஆகியவற்றை குறிப்பிட்டும் தேடும் வசதி இருப்பது நல்ல விஷயம்.எந்த வண்ணம் தேவை என்றும் தேடிக்கொள்ளலாம்.

டெஸ்க்டாப்பிற்கு மட்டும் அல்லாது செல்போன் மற்றும் ஸ்மார்ட்போனுக்கான வால்பேப்பரையும் தேடலாம் என்பது மேலும் சிறப்பானது.

இவற்றைத்தவிர முகப்பு பக்கத்திலேயே அழகான் வால்பேப்பர்கள் பட்டியலிடப்பட்டுள்ளன.அவற்றை பார்த்தும் தேர்வு செய்து கொள்ளலாம்.தவிர புதியவை ,மிகவும் பிரபலமானவை என்ற தலைப்பிலும் வால்பேப்பர்களை காணலாம்.

மொத்தம இரண்டு லட்சத்திற்கு மேலான அழகிய வால்ப்பேப்பர்களோடு அழைக்கிறது இந்த இணையதளம்.இனி நீங்களும் உங்கள் வால்பேப்பரை பார்த்து நண்பர்களை வியக்க வைத்து எங்கே கிடைத்தது என கேட்க வைக்கலாம்.

வால்பேப்பர் அழகாக இருக்க வேண்டும் எனபது ஒரு விஷயம் ஆனால் அந்த அழகு கவனத்தை திசை திருப்பாததாகமிருக்க வேண்டும் என்பது அதைவிட முக்கியம்.அலங்காரத்துக்கு மட்டுமே முக்கியத்துவம் கொடுத்து வண்ணமயமான வால்பேப்பரை தேர்வு செய்தால் அதுவே உருத்தலாகவும் அமைந்து விடுவதாக சிலர் கருதலாம்.

தவிர எளிமையே அழகு என்ற கருத்துப்படி பார்த்தால் வால்பேப்பர் ரொம்பவும் வண்ணமயமாக இல்லாமல் நேர்த்தியானதாக இருந்தால் போதும் என்ற கருதுபவர்களும் இருக்கலாம்.அலங்கார தோற்றத்தைவிட மாடர்ன் ஆர்ட் போல இருந்தால் நன்றாக இருக்க வேண்டும் என்றும் கருதுபவர்களுக்கு உற்சாகத்தை தரக்கூடிய வகையில் சிம்பிலான வால்பேப்பர்களை தருகிறது சிம்பில் டெஸ்க்டாப்ஸ் இணையதளம்.

கவனத்தை சிதறடிக்காத,அதே நேரத்தில் அலுப்பூட்டும் தோற்றமாகவும் இராத அழகான வால்பேபர்களின் தொகுப்பாக இந்த தளம் விளங்குகிறது.

இதில் உள்ள வால்பேப்பர்களை பார்க்கும் போதே அவற்றின் எளிமையும் கலை நேர்த்தியும் வியப்பில் ஆழ்த்திவிடும்.வேறும் புகைப்பட தோற்றங்களை விட படைபாட்ற்றல் மிக்க எளிய தோற்றங்கள் எத்தனை அற்புதமான்வை என்பதை இவை உணர்த்துகின்றன.

கைப்பட எழுத்தும் வாழ்த்துக்கு தனி மதிப்பு இருப்பது போல இங்கு உள்ள வால்பேப்பர்கள் எல்லாமே வாட்சன் என்பவரால் கைப்பட தேர்வு செய்யப்பட்டவை.

அதாவது ஓவியர்கள் போல அழகான டெஸ்க்டாப் வால்பேப்பர்களை உருவாக்கும் கலைஞர்கள் எல்லாம் இருக்கின்றனர்.அத்தகை கலைஞர்கள் உருவாக்கிய வால்பேப்பர் படைப்புகளை டாம் வாட்சன் என்பவர் இங்கே தொகுத்துள்ளார்.எல்லாமே இலவசம் தான்.ஆனால் வணிக நோக்கத்திற்கான பயன்பாட்டிற்கானவை அல்ல.

இணையதல முகவரி;http://wallpoper.com/

http://simpledesktops.com/

இணையதளங்களை கண்காணிக்க ஒரு இணையதளம்.

இன்டெர்நெட்டை திரும்பி பார்க்க உதவும் வேபேக் மெஷின் பற்றி நீங்கள் அறிந்திருக்கலாம்.இணையதளங்களின் கடந்த கால தோற்றங்களை சேமித்து வைக்கும் இந்த தளத்தை இணையத்தின் கால் இயந்திரம் என்றும் சொல்கின்றனர்.

ஒரு இணையதளம் குறிப்பிட்ட காலத்திற்கு முன் எப்படி இருந்தது என்று அறிய விரும்பினால் இந்த இயந்திரத்தின் மூலம் காலத்தில் பின்னோக்கி சென்று அந்த தளத்தின் அப்போதைய தோற்றத்தை பார்க்க முடியும்.

இந்த தளத்தை எத்தனை பேருக்கு தெரியும் என்று தெரியவில்லை.ஆனால் புதிதாக அறிமுகமாகியிருக்கும் டெய்லி ஸ்கிரீன்ஷாட் தளத்தை பார்க்கும் போது இந்த தளமே நினைவுக்கு வருகிறது.

டெய்லி ஸ்கிரீன்ஷாட் இணையதளம் குறிப்பிட்ட இணையதளங்களின் தோற்றத்தை பின் தொடர உதவுகிறது. அதாவது அந்த தளத்தை தினந்தோறும் கண்காணிக்க வழி செய்கிறது.

எந்த தளத்தை பின் தொடர விருப்பமோ அந்த தளத்தின் முகவரியை சமர்பித்தால் இந்த தளமானது அந்த தளத்தின் தோற்றத்தை தினந்தோறும் படம் பிடித்து காட்டுகிறது.இணையதள தோற்றத்தை அப்படியே படம் பிடித்து ஸ்கிரின் ஷாட்டாக பார்க்கலாம் அல்லாவா,அதே போலவே தளங்களின் ஸ்கிரின் ஷாட்டை சேமித்து வைக்கிறது இந்த தளம்.

இதன் மூலம் எந்த ஒரு இணையதளத்தில் ஏற்படும் மாற்றத்தையும் கண்காணித்து கொண்டே இருக்கலாம்.

இந்த சேவையை பலவிதங்களில் பயன்படுத்தலாம்.சொந்தமாக இணையதளம் வைத்திருப்பவர்கள் தங்கள் தளங்களின் பரிணாம வளர்ச்சியை இதன் மூலம் பின் தொடரலாம்.இணைய தள வடிவமைப்பாளர்களும் தாங்கள் உருவாக்கிய தளங்களின் செய்லபாட்டை அறிய இதனை பயன்படுத்தலாம்.

வர்த்தக நிறுவனங்கள் போட்டி நிறுவங்களின் தளங்கள் மீது ஒரு கண் வைத்திருக்கவும் இதனை பயன்படுத்தலாம்.

இணையவாசிகளும் தங்கள் அபிமான தளங்களின் தோற்றத்தை தினமும் கண்காணிக்கலாம்.ஆனால் கட்டண சேவை என்பதை மட்டும் நினைவில் கொள்ள வேண்டும்.

இணையதள முகவரி;http://dailyscreenshot.com/