Tag Archives: friends

பேஸ்புக் மூலம் புதிய நண்பர்களை பெற இந்த இணையதளம்.

964054_origபேஸ்புக் இப்போது ரொம்பவும் தான் பிரபலமாகிவிட்டது.யாரை கேட்டாலும் பேஸ்புக்கில் இருக்கிறார்கள்.அது தான் பேஸ்புக் மூலமே புதிய நண்பர்களை தேடிக்கொள்ள உதவுவதற்காக ஒரு இணையதளம் உருவாகியுள்ளது.

பேஸ்புக்கே நண்பர்களுக்கான வலைப்பின்னல் தானே,பிறகு அதன் மூலம் நண்பர்களை தேட தனியே ஒரு இணையதளம் எதற்கு என்று கேட்க தோன்றலாம்.

பேஸ்புக் நண்பர்களுக்கான இடம் என்ற போதிலும் பேஸ்புக்கின் உண்மையான பலம் நண்பர்கள் இல்லை.அதன் பலம் நண்பர்களின் நண்பர்கள்,அவர்களின் நண்பர்கள்! இவர்களில் இருந்து தான் புதிய நம்பகமான நண்பர்களை தேடித்தருவதாக சொல்கிறது ‘3 டிகிரீஸ் நேஷன்’ என்னும் அந்த இணையதளம்.

புதிய நகரத்துக்கு செல்லும் போது அங்கு பழகி கொள்ள புதிய நண்பர்கள் தேவை என்றாலோ அல்லது நண்பன் விஜய் போல ஒரு பிரண்ட் கிடைத்தால் நன்றாக இருக்கும் என்று நினைத்தாலோ இந்த தளம் அத்தகைய நண்பர்களை அடையாளம் காட்டுகிறது.அதுவும் நமது பேஸ்புக் வலைப்பின்னலில் இருந்து தேடித்தருகிறது.

புதிய நண்பர்கள் தேவை என்று விரும்பினால் சாட்டிங் செய்வது உட்பட பல வழிகள் இல்லாமல் இல்லை.இதற்காக என்றே சில பிரத்யேக இணையதளங்கள் இருக்கவும் செய்கின்றன.

ஆனால் அறிமுகம் இல்லாதவர்களோடு பேசிப்பழக தயாராக இருப்பவர்களுக்கு தான் இவை சரியாக இருக்கும்.நம்மில் பலர் நல்ல நண்பர்கள், நல்ல நண்பர்கள் மூலமே அறிமுகமாக வேண்டும் என்று தானே விரும்புவோம்.அதாவது நண்பர்கள் அல்லது தெரிந்தவர்கள் அறிமுகம் செய்து வைக்கும் நபர்களோடு கை குலுக்கி பேசுவது போன்ற ஒரு சகஜ உணர்வு எல்லோரிடமும் வந்துவிடாது.

யோசித்து பார்த்தால் நமது சிறந்த நண்பர்கள் இப்படி அறிமுகம் செய்யப்பட்டவர்களாகவே இருப்பார்கள்.

பேஸ்புக் வலைப்பின்னலின் அடிப்படை தத்துவமே இது தான்.நமது நண்பர்கள் அவர்களின் நண்பர்கள்…. இப்படி தான் பேஸ்புக் வலைப்பின்னல் பரந்து விரிகிறது.ஆனால் அவப்போடு இவர்களை நீங்கள் பிரண்டாக்கி கொள்ளலாம்,என்ன என்றால் உங்கள் இருவருக்கும் இடையே இத்தனை பொது நண்பர்கள் உள்ளனர் என்று பரிந்துரைப்பதை தவிர பேஸ்புக் இந்த நட்பு சங்கிலியை பயன்படுத்தி கொள்ள எதையும் செய்வதில்லை.

இந்த குறையை தான் 3 டிகிரீஸ் நேஷன் போக்குகிறது.பரஸ்பர நண்பர்கள் வலைப்பின்னலில் இருந்து புதிய நண்பர்களை இது சல்லடை போட்டு தேடித்தருகிறது.

எப்படி என்றால், முதலில் பேஸ்புக் நண்பர்களின் நட்பு பட்டியலில் இருந்து அவர்கள் நட்பு வட்டத்தில் உள்ளவர்கள்,அவர்களின் நட்பு வட்டங்களில் உள்ளவர்கள் என்று நண்பர்களின் நண்பர்களை எல்லாம் திரட்டிக்கொள்கிறது.இந்த பட்டியலை நாமே கூட தயார் செய்து விடலாம்.

ஆனால் இந்த நண்பர்கள் குவியலில் இருந்து நமக்கு பொருத்தமான நண்பர்களை தேடித்தருவது தான் இந்த தளத்தின் பணி.

இருப்பிடம் ,குணாதிசயம்,ரசனை,பழக்க வழக்கங்கள் என பல் வேறு அம்சங்களை அலசிப்பார்த்து தகுதி வாய்ந்த நண்பர்களை இந்த சேவை பரிந்துரைக்கிறது.

உதாரணமாக உங்கள் இருப்பிடம் அருகிலேயே உள்ள நண்பர்களை தேடிக்கொள்ளலாம்.புத்தகம் படிப்பாவர்கள் புத்தக ஆர்வம் உள்ளவர்களாக தேடிப்பார்க்கலாம்.அவர்கள் புதியவர்கள் என்றாலும் உங்கள் நண்பனின் நண்பர் என்பதால் அதை சொல்லியே நீங்கள் அறிமுகமாகலாம் என்பதோடு அவர்களை தொடர்பு கொள்வது பாதுகாப்பானதாகவும் இருக்கும்.

அதே போல திடிரென புதிய நகருக்கு செல்ல நேர்ந்தால் அங்கே நண்பர்களாக கூடியவர்கள் யாரேனும் உள்ளனரா என்று இந்த தளத்தின் வழியே தேடிப்பார்த்து தொடர்பு கொள்ளலாம்.

சொல்லப்போனால் இந்த தளத்தின் நிறுவனரான பிரயான் ஸ்கோர்டாடோ புதிய நகரம் ஒன்றுக்கு சென்றிருந்த போது அங்கே யாருமே நண்பர்கள் இல்லாத நிலையில் தனது நண்பரின் நண்பர் ஒருவர் அந்த நகரில் இருப்பதை நினைவில் கொண்டு அவரை தொடர்பு கொண்டு அறிமுகம் செய்து கொண்டார்.அதன் பிறகு இருவரும் நெருக்காமான நண்பர்களாகிவிட்டனர்.

யாம் பெற்ற இன்பம் பெறுக இவ்வையகம் என்ற நோக்கத்தில் இதே போல புதிய நண்பர்கள் எல்லோருக்கும் கிடைக்க வழி செய்யும் வகையில் பேஸ்புக் வலைப்பின்னலில் இருந்து நண்பர்களை தேடிக்கொள்ளும் சேவையை உருவாக்கினார்.

இணையதள முகவரி;http://www.3degreesnation.com/

இணையத்தில் உங்களுக்கான‌ விளம்பர பலகை.

tackk2
உங்களுக்கு என்று ஒரு இணைய வட்டம் இருக்கிறது.அந்த வட்டத்தில் உங்களுக்கு என்று நண்பர்கள் இருக்கின்றனர்.அந்த நண்பர்கள் நீங்கள் சொல்லப்போகும் விஷய்த்தை தெரிந்து கொள்ள ஆர்வத்தோடு இருக்கின்றனர்.உங்களுக்கும் கூட நண்பர்களோடு பகிர்ந்து கொள்வதற்கான விஷயங்கள் இருக்கின்றன.

இணைய வட்டம் என்னும் போது பேஸ்புக்,டிவிட்டர் சார்ந்த நண்பர்களை உள்ளடக்கிய உங்களுக்கான சமூக வலைப்பின்னல் என்று புரிந்து கொள்ளலாம்.

இப்போது இந்த வட்டத்தில் உங்களுக்கான விஷயங்களை பகிர்ந்து கொள்வதற்கான வண்ணமயமான இணைய பலகை ஒன்றை பார்க்கலாம். அந்த பலகையை உருவாக்கி கொள்வதும் சுவாரஸ்யமானது அதோடு மிகவும் சுலபமானது.

டேக்.காம் தளம் தான் இந்த இணைய பலகையை வழங்குகிறது.

இந்த இணைய பலகை கிட்டத்தட்ட இணைய அறிவிப்பு பலகை அல்லது தகவல் பலகை போன்றது தான்!

கடைகள்,ஓட்டலில் அறிவிப்பு பலகை வைக்கப்ப்டட்டிருக்கும் அல்லவா?அதே போல பள்ளிகள்,அலுவலகங்களில் அறிவிப்பு பலகை இருக்கும் அல்லவா?

இவை போன்ற ஒரு தகவல் பலகையை இணையத்தில் உருவாக்கி கொண்டு இணையத்தில் பகிர்ந்து கொள்ள உதவுவது தான் டேக்.காமின் சிறப்பு.

இந்த தளம் மூலம் அறிவிப்பு பலகையை உருவாக்கி கொள்ள கொஞ்சம் கூட கஷ்டப்பட வேண்டாம்.இவ்வளவு ஏன் உறுப்பினராக பதிவு செய்து கொள்ள கூட வேண்டாம்.

தளத்தின் நுழைந்ததுமே அதன் முகப்பு பக்கத்திலேயே உங்களுக்கான இணைய பலகை தோன்றும்.

அந்த பலகையில் தகவலுக்கான தலைப்பை டைப் செய்து தேவை என்றால் துணை தலைப்பையும் டைப் செய்து கொள்ள் வேண்டும்.அதன் பிறகு எந்த விஷயத்தை வெளியிட விருப்பமோ அதனை டைப் செய்ய வேண்டும்.இதற்குள் தகவலுக்கு இடையே வர வேண்டிய புகைப்படத்தையும் இணைத்து கொள்ளலாம்.

அவ்வளவு தான் உங்களுக்கான இணைய பலகை தயார்.நீங்கள் டைப் செய்யத்துவங்கியவுடனே உங்கள் பலகைக்கான இணைய முகவரி ஒன்றும் உருவாக்கப்பட்டு விடும் .அந்த முகவரியை உங்கள் இணைய வட்டத்தில் பகிர்ந்து கொள்ளலாம்.

பேஸ்புக் அல்லது டிவிட்டர் நண்பர்கள் அந்த இணைப்பை கிளிக் செய்தால் உங்கள் இணைய அல்லது தகவல் பலகையை பார்ப்பார்கள்.

நண்பர்களுக்கு எதை சொல்ல வேண்டுமோ அல்லது எந்த தகவலை வெளியிட வேண்டுமோ அவற்றை எல்லாம் இப்படி இணைய பலகை வழியே பகிர்ந்து கொள்ளலாம்.

இந்த இணைய பலகையை எப்படி பயன்படுத்தி கொள்வது என்பது உங்கள் கையில் தான் இருக்கிறது.காரணம் எப்படி வேண்டுமானாலும் பயன்படுத்தலாம் என்பதே விஷயம்.

உதாரண‌த்திற்கு திருமணத்திற்கான அழைப்பிதழை பகிர்ந்து கொள்ள விரும்பினால் திருமண அழைப்பு என்னும் தலைப்பில் ஒரு பலகையை உருவாக்கிவிட்டு அதில் திருமண பத்திரிகையையும் புகைப்படமாக இணைத்து நண்பர்களை அழைக்கலாம்.

இதே போல பிறந்த நாள் போன்ற நிகழ்ச்சிகளுக்கான அழைப்பிதழையும் வெளியிடலாம்.

ஏன்,ஏதேனும் பொருளை விற்க விரும்பினால் வரி விளம்பரமாக இந்த பலகையையே உருவாக்கி கொள்ளலாம்.

சுற்றுலா போய் வந்த அனுபவத்தை,இசை நிகழ்ச்சி பார்த்த அனுபவத்தை கூட இந்த பலகை வழியே பகிர்ந்து கொள்ளலாம்.

நண்பர்களுக்கு சுவாரஸ்யம் அளிக்ககூடும் என நினைக்கும் எந்த விஷயத்தையும் அவர்கள் தெரிந்து கொள்ள வேண்டும் என நினைக்கும் விவரங்களை இந்த பலகை வழியே தெரிவிக்கலாம்.

இந்த பலகையை உருவாக்கி கொள்வது தான் எளிதானது என்றாலும் அதன் உள்ளடக்கத்திலும் தோற்றத்திலும் கூடுதலாக அழகியல் அம்சங்கள் மற்றும் வடிவமைப்பு மாற்றங்களை செய்து கொள்ளலாம் என்பது இந்த தளம் தரும் இன்னொரு ஆச்சர்யம்.

ஆம் இணைய பலகையின் பின்னணி தோற்றம் உட்பட பல அம்சங்களை விருப்பத்திற்கு ஏற்ப தேர்வு செய்து கொள்ளலாம்.வலைப்பதிவுக்கான தோற்றத்தை தேர்வு செய்து கொள்வது போல இணைய பலகைக்கான தோற்றத்தை தேர்வு செய்து கொள்வதோடு அதன் வண்ணங்களையும் கூட தீர்மானித்து மாற்றிக்கொள்ளலாம்.

பலகையின் தன்மைக்கேற்ப பின்னணி வடிவத்தை தேர்வு செய்து கொள்ளலாம்.விடியோ போன்ற‌வற்றை இணைக்கும் வசதியும் இருக்கிறது.தகவல்கள் மற்றும் தலைப்புகளிம் எழுத்துரு வடிவத்தையும் இஷ்டம் போல மாற்றிக்கொள்ளலாம்.

கருத்துக்களை தெரிவிக்கும் வசதியும் இருக்கிறது.

இந்த பலகையை நண்பர்களோடு மட்டுமே பகிர்ந்து கொள்ளலாம்.விரும்பினால் இணையத்திலும் வெளியிடலாம்.

கிட்டத்தட்ட ஒரு வலைப்பதிவு போன்ற செறிவுடனேயே இந்த பலகையை வடிவமைத்து விடலாம்.

இப்படி பொதுவாக அனைவரோடும் பகிர்ந்து கொள்ளப்பட்ட பலகைகள் பல்வேறு தலைப்புகளின் கீழ் பட்டியலிடப்பட்டுள்ளது.அவற்றை ஒரு பார்வை பார்த்தால் இந்த தளத்தை எப்படி எல்லாம் பயன்படுத்தலாம் என ஒரு புரிதல் கிடைக்கும்.

பேஸ்புக்கும் டிவிட்டரும் உங்களுக்கான இணைய வட்டமாக இருக்கும் போது அதில் பகிர்ந்து கொள்ளும் விஷயத்தை இணைய தகவல் பல்கை வடிவில் பகிர உதவும் இந்த தளத்தை புத்தாண்டில் பயன்படுத்திப்பாருங்கள்.

இனிய புத்தாண்டும் வாழ்த்துக்கள்.

இணையதள முகவரி;http://tackk.com/

பேஸ்புக் நண்பர்களுக்கு பரிசளிக்க.

இதனை இவன் விரும்புவான் என்றறிந்து சரியான பரிசுப்பொருளை பரிசளிக்க முடிந்தால் சிறப்பாக தான் இருக்கும்.ஆனால் இதனை கண்டறிவது தான் சவாலான செயல்.

இதற்கு உதவுவதற்காக என்றே பரிசு பொருள் பரிந்துரைக்கும் இயந்திரங்கள் எத்தனையோ இருக்கின்றன.அவற்றில் பேஸ்பு நண்பர்களை மனதில் கொண்டு உருவாக்கப்பட்டுள்ளது கிப்டிவோ இணையதளம்.

பேஸ்புக் மூலம் உள்ளே நுழைந்தால் இந்த தளம் நீங்கள் சுட்டிக்காட்டும் பேஸ்புக் நண்பர்களுக்கு சிறந்த பரிசு எது என்பதை பரிந்துரைக்கிறது.

அதற்கு முன்னர் அந்த குறிப்பிட்ட நண்பருக்கு பிடித்த விஷயங்களை எல்லாம் குறிப்பிட்டால் அதற்கேற்ப பரிசு பொருள் பரிந்துரைக்கப்படுகிறது.நண்பர்களின் விடுப்பங்களை சுட்டிக்காட்ட அழகாக சினிமா,இசை,விளையாட்டு என பலவேறு வகையான துறைகள் சுட்டிக்காட்டப்படுகிறது.நண்பருக்கு பிடிக்காத விஷய்த்தை குறிப்பிட்டு அதனை விலக்கி கொள்ளச்செய்யும் வசதியும் இருக்கிறது.

பரிசுபொருளுக்கான பரிந்துரை படித்திருந்தால் அந்த பொருளை இணையத்தின் மூலமே ஆர்டர் செய்து கொள்ளலாம்.

இணையதள முகவரி;http://www.giftivo.com/

நான் வாங்க விரும்புவதெல்லாம்…;ஷாப்பிங் வலைப்பின்னல்


தேவைகளையும் விருப்பங்களையும் பட்டியலிட்டு பகிர்ந்து கொள்ள உதவும் இணையதளங்கள் இருக்கின்றன.இவை ஒவ்வொன்றும் ஒரு ரகம் .ஒவ்வொன்றும் ஒரு தேவையை நிறைவேற்றுகின்றன.

அதே போல வாங்க விரும்பும் பரிசுப்பொருட்களை பட்டியலிட்டு பகிர்ந்து கொண்டு அதன் மூலம் புதுமையான மற்றும் பயனுள்ள பரிசுப்பொருளை கண்டு கொள்ளும் உதவும் தளங்களும் இருக்கின்றன.

பரிசு பொருள் என்று இல்லை,பொதுவாக வாங்க விரும்பும் பொருட்களை பட்டியலிட்டு பகிர்ந்து கொள்ள உதவும் சமூகம் ஷாப்பிங் தளங்களும் இருக்கின்றன.

இவை எல்லாவற்றின் நோக்கமும் அடிப்படையில் ஒன்று தான்.இணையம் மூலம் விருப்பங்களை பகிர்ந்து கொண்டு அந்த பகிர்தல் மூலம் புதியவற்றை இனங்காண்பது தான் அது.

இந்த வகை தளங்களின் செயல்பாடுகளும் பொதுவானது தான்.விருப்பங்களை பட்டியலாக பகிர்ந்து கொள்வது.மற்றவர்களின் பட்டியலை பின் தொடர்ந்து அவர்கள் விருப்பங்களை அறிவது.அந்த அறிதல் மூலமாக புதிய யோசனைகளை பெறுவது.இவை தான் இந்த தளங்களின் அடிப்படை செயல்பாடு.

இதன் மூலம் இந்த தளங்கள் சாத்தியமாக்கும் சமூக தன்மையையும் அந்த சமூக தன்மை மூலமாக நிறைவேறும் தனிப்பட்ட தேவைகளும் அற்புதமானவை.

இந்த பிரிவில் புதுப்புது தளங்களும் அறிமுகமாகி கொண்டே தான் இருக்கின்றன.சில உண்மையிலேயே புதுமையானவை.சில ஏற்கனவே உள்ள தளங்களின் இன்னொரு வடிவமாக அலுப்பூட்டக்கூடியவை.

வான்ஸ்டர் இந்த பட்டியலில் புதிதாக சேர்ந்திருக்கிறது.

வான்ஸ்டரை முற்றிலும் புதுமையான சேவை என்று புகழவும் முடியாது.அதே நேரத்துல் ஏற்கனவே உள்ள சேவை தானே என்று புறந்தள்ளி விடவும் முடியாது.

நீங்கள் விரும்பும் எல்லாம் ஒரே இடத்தில் என அழைக்கும் வான்ஸ்டர் ,மூன்று வகையான தேவையை ஒரே நேரத்தில் நிறைவேற்றி கவனத்தை ஈர்க்கிறது.

இணைய பலகையான பின்ட்ரெஸ்ட்டின் தோற்றத்தை நினைவு படுத்தும் முகப்பு பக்கத்தை பெற்றுள்ள வான்ஸ்டர் என்ன செய்கிறது என்றால் உங்கள் விருப்பங்களுக்கான பட்டியலை உருவாக்கி கொள்ள உதவுகிறது.விருப்பங்கள் என்பது நீங்கள் வாங்க விரும்பும் பொருட்கள்.(பெரும்பாலும் இணையம் வழியே வாங்க விரும்புபவை).

புதிதாக வந்துள்ள செல்போனையோ அல்லது புத்தகத்தை வாங்க விரும்புகிறீர்களா,உடனே அதனை உங்கள் விருப்ப பட்டியலில் சேர்த்து கொள்ளலாம்.இதற்கென்றே புக்மார்க் வசதியும் இருக்கிறது.உறுப்பினராக சேர்ந்த பின் புக்மார்க் வசதியையும் உங்கள் பிரவுசரில் சேர்த்து கொண்டால் அதன்பிறகு இணையத்தில் உலாவும் போது வாங்க தூண்டும் பொருள் கண்ணில் பட்டல் அதன் மீது புக்மார்க்கை கிளிக் செய்தால் போதும் அந்த பொருள் தானாக உங்கள் விருப்ப பட்டியலில் சேர்ந்து விடும்.அதுவும் அதன் அழகான புகைப்படத்துடன்.

முகப்பு பக்கத்தில் இந்த புகைப்படங்களை தான் வரிசையாக பார்க்கலாம்.எந்த புகைப்படத்தை கிளிக் செய்தாலும் அத்ய் தொடர்பான விவரங்களை காணலாம்.அதாவது அந்த பொருளை வாங்க விரும்பி குறித்து வைத்தது யார்,வேறு யாரெல்லாம் அதனை வாங்க விருப்பம் தெரிவித்துள்ளனர் போன்ற விவரங்களை அறிந்து கொள்வதோடு அதனை எங்கே வாங்கலாம் என்ற தகவலையும் தெரிந்து கொள்ளலாம்.

முகப்பு பக்கத்தில் பகிரப்படும் வாங்குவதற்கான விருப்பங்களை பார்க்கும் போது புதிய பொருட்களை அறிமுகம் செய்து கொள்ளலாம் என்றால் புகைப்படங்களை கிளிக் செய்து பார்ப்பதன் மூலம் அவை மற்றவர்கள் மத்தியில் பிரபலமாக இருக்கிறதா என்றும் தெரிந்து கொள்ளலாம்.

பொருட்களின் கீழ் அவை பற்றிய கருத்துக்களையும் தெரிவிக்கலாம்.பொருட்கள் பற்றிய கூடுதல் தகவல் மற்றும் அவற்றின் பயன்பாடு குறித்து அறிய இந்த பின்னூட்டங்கள் உதவலாம்.

மற்றவர்கள் விருப்பம் தெரிவித்த பொருட்களை நாமும் விரும்பினால் ஒரே கிளிக்கில் நமது விருப்ப பட்டியலில் சேர்த்து விடலாம்.குறிப்பிட்ட ஒரு உறுப்பினரின் தேர்வுகள் வியக்க வைத்தால் அவரை பின் தொடர தீர்மானிக்கலாம்.அதன் பிறகு விரும்பும் புதிய பொருட்களை நாமும் உடனடியாக தெரிந்து கொள்ளலாம்.இந்த வலையில் வாங்கும் விருப்பத்திற்கான வலைப்பின்னலாக இந்த தளம் செயல்படுகிறது.

ஷாப்பிங்கில் நாட்டம் கொண்டவர்கள் பரிசளிக்க ஏற்ற புதிய பொருட்களை அறிமுகம் செய்து கொள்ள இந்த தளம் மிகவும் உதவியாக இருக்கும்.

அது மட்டும் அல்ல குறிப்பிட்ட பொருளை வாங்கலாமா வேண்டாமா என்ற சந்தேகம் இருந்தால்,அந்த கேள்வியை நமது நண்பர்கள் மத்தியில் கேட்டு கருத்து கணிப்பு நடத்தி அதனடிப்படையில் முடிவு செய்யலாம்.இது இந்த தளம் வழங்கும் இரண்டாவது வசதி.

அதே போல குறிப்பிட்ட பொருளை நண்பருக்கு வாங்கி பரிசளிக்க விரும்பி அதன் விலை கூடுதலாக இருப்பதாக நினைத்தால் மற்ற நண்பர்களோடு இணைந்து கூட்டாக அதனை வாங்கி கொடுக்கலாம்.இதற்கான ஒருங்கிணைப்பு வசதியையும் இந்த தளம் வழங்குகிறது.இது இந்த தளத்தின் மூன்றாவது வசதி.

இது தவிர பிறந்த நாள் மற்றும் திருமண நாள் போன்ற பரிசளிப்புக்கு ஏற்ற நாட்களை மறக்காமல் இருக்க நினைவூட்டும் வசதியும் இருக்கிறது.

பேஸ்புக் மூலமே உறுப்பினராகலாம்.தனியேவும் உறுப்பினராகலாம்.

இணையதள முகவரி;http://www.wantster.com/

பிரார்த்தனை செய்ய அழைக்கும் இணையதளம்


பிராத்தனைகள் மூலம் நண்பராகலாம் என்பது சாத்தியம் தான் என்று ஏற்கனவே பிரேட்டர் உணர்த்தியிருக்கிறது.இப்போது இந்த வரிசையில் இன்னொரு இணையதளமும் உதயமாகியிருக்கிறது.

இன்வைட் டூ பிரே என்னும் அந்த தளம் பிராத்தனை செய்ய நண்பர்களை அழைத்து அவர்களும் நம்மோடு சேர்ந்து பிராத்தனை செய்ய‌ உதவுகிறது.இதே போலவே நாமும் நன்பர்களின் பிராத்தனையில் பங்கேற்கலாம்.

கூட்டு பிராத்தனைகளில் நம்பிக்கை உள்ளவர்கள் இந்த தளத்தின் வழியே தங்கள் பிராத்தனைகளை நண்பர்களிடம் கொண்டு செல்லலாம்.இதற்காக செய்ய வேண்டியதெல்லாம் பேஸ்புக் கணக்கு மூலம் இந்த தளத்தில் உள்ளே நுழைவது தான்!.அதன் பிறகு மனதில் உள்ள பிராத்தனையை பதிவிட்டு நண்பர்களோடு பகிர்ந்து கொள்ளலாம்.

கூட்டு பிராத்தனையின் சக்தி அதிகரிக்க வேண்டும் என நினைத்தால் முதலிலேயே பேஸ்புக் நண்பர்களை இந்த தளத்திற்கு அழைத்து விடலாம்.

பிராத்தனைக்கான கோரிக்கையை பெறும் நண்பர்கள் தாங்களும் சேர்ந்து கடவுளிடம் பிராத்திக்கலாம்.தங்கள் நண்பர்களீடம் பகிர்ந்து கொள்ளலாம்.அப்படியே அந்த பிராத்தனைக்கு ஆதரவாக ஊக்கம் அல்லது ஆறுதல் தரும் வகையில் கருத்து தெரிவிக்கலாம்.

இந்த தளத்தில் யாரெல்லாம் பிராத்தனை கோரியுள்ளனர் என்று பார்த்து அவற்றில் உருக வைப்பவர்களை தொடர்பு கொண்டு பிராத்தனை செய்யலாம்.இப்படி பிராத்தனை மூலம் தொடர்பு கொள்வதன் வாயிலாகவே புதிய நண்பர்களை உண்டாக்கி கொள்ளலாம்.

இப்படி சேரும் நண்பர்கள் பொது பிராத்தனைகளில் ஈடுபடலாம்.

நண்பர்களில் யாரெல்லாம் நமக்காக பிராத்தனை செய்துள்ளனர் என்பதை தெரிந்து கொள்ளும் வசதியும் இருக்கிறது.நாம் எதெற்கெல்லாம் பிராத்தனை செய்துள்ளோம் என்று பார்க்கும் வசதியும் இருக்கிறது.

பிராத்தனைகளை பொதுவில் பகிர்ந்து கொள்ளலாம்,இல்லை நண்பர்களோடு மட்டும் பகிர்ந்து கொள்ளலாம்.அவரவர் விருப்பத்திற்கேற்ப இதனை தேர்வு செய்து கொள்ளலாம்.

பிரதானமாக கிறிஸ்துவ நம்பிக்கை கொண்டவர்களுக்கான தளம் போல அமைந்துள்ளது.ஆனால் பிராத்தனைகள் எல்லோருக்கும் பொதுவானது தானே.எல்லைகள் தாண்டி மொழிகள் கடந்து மதங்களுக்கு அப்பார்ப்பட்டு ஒன்று சேர்ந்து பிராத்தனை செய்யலாம் தானே.

பேஸ்புக்கிலும் டிவிட்டரிலும் எல்லாவற்றையும் பகிர்ந்து கொள்கிறோம்.இந்த தளம் மூலம் பிராத்தனையையும் பகிர்ந்து கொண்டு நண்பர்களாவோமே.

உலகில் பிராத்தனை செய்யத்தான் எத்தனை விஷயங்கள் இருக்கின்றன.

இப்போது சிவகாசி பட்டாசு ஆலை போன்ற கோர விபத்துக்கள் இனி நேராமல் இருக்க பிராத்தனை செய்வோம்!

இணையதள முகவரி;http://invitetopray.com/