Tag Archives: password

வலுவான பாஸ்வேர்டை உருவாக்கும் வழிகள்!

BN-UO739_80807p_HD_20170807010616பாஸ்வேர்டு என்பது இமெயில் உள்ளிட்ட இணைய சேவைகளுக்கான திறவுகோள் மட்டும் அல்ல அவற்றுக்கான பூட்டும் தான். எனவே நீங்கள் பயன்படுத்தும் பாஸ்வேர்டு வலுவானதாக இருப்பது மிகவும் அவசியம். இல்லை எனில் பாஸ்வேர்டு பூட்டு ஹேக்கர்களால் உடைக்கப்பட்டு, உள்ளே நுழைந்து விபரீதத்தை ஏற்படுத்தும் அபாயம் இருக்கிறது. இமெயில் பாஸ்வேர்டு களவாடப்பட்டால் உங்கள் தனிப்பட்ட தகவல்கள் பறிபோகலாம். இணைய வங்கிச்சேவைக்கான பாஸ்பேர்டு களவு போனால் பொருளதாரரீதியாக பெரும் இழப்பு ஏற்படலாம். அது மட்டும் அல்ல, ஒரே பாஸ்வேர்டை பல சேவைகளுக்கான திறவுகோளாக பயன்படுத்தும் வழக்கம் இருந்தால், ஒரு பாஸ்வேர்டு திருடப்பட்டால், நீங்கள் பயன்படுத்தும் ஒட்டுமொத்த இணைய சேவைகளுக்கான பின் வாசல் கதவை ஹேக்கர்களுக்கு திறந்து வைத்தது போலாகிவிடும்.

இணைய வாழ்க்கையின் பாதுகாப்பு பாஸ்வேர்டின் பாதுகாப்பில் இருக்கிறது. எனவே வலுவான பாஸ்வேர்டை உருவாக்கி கொள்வதற்கான அடிப்படைகள் நீங்கள் அறிந்திருக்க வேண்டும். இந்த நோக்கில் அனைவரும் தெரிந்து கொள்ள வேண்டிய வழிகள் என வல்லுனர்களால் முன்வைக்கப்படும் குறிப்புகள் இதோ:

நூறு யூகங்கள்

வலுவான பாஸ்வேர்டுக்கான அடிப்படை விதி மிகவும் எளிதானது. அந்த பாஸ்வேர்டு எளிதாக யூகித்து அறியும் வகையில் இருக்க கூடாது. ஒரு பாஸ்வேர்டு எளிதாக யூகிக்க கூடியதா என அறியவும் எளிதான வழி இருக்கிறது. பாஸ்வேர்டு எதுவாக இருந்தாலும், அது நூறு யூகங்களை தாக்குப்பிடிக்க கூடியதாக இருக்க வேண்டும் என்பது தான் அது.

அதாவது நீங்கள் பயன்படுத்தும் பாஸ்வேர்டு என்னவாக இருக்கும் என ஒருவர் வரிசையாக யூகிக்க முற்பட்டால், நூறு முறை யூகித்தாலும் அவரால் பாஸ்வேர்டை கண்டுபிடிக்க முடியாமல் இருக்க வேண்டும். பெரும்பாலானோர் பாஸ்வேர்டை தேர்வு செய்யும் போது, பெயர், பிறந்த தேதி, முக்கிய நிகழ்வுகள் போன்றவற்றின் அடிப்படையிலேயே பாஸ்வேர்டை அமைப்பதால், ஒருவரைப்பற்றிய தனிப்பட்ட தகவல்களை சமூக ஊடகங்களில் இருந்து திரட்டினால், அவற்றைக்கொண்டு என்ன பாஸ்வேர்டு அமைக்கப்பட்டிருக்கலாம் என யூகித்துவிட வாய்ப்பிருக்கிறது. 73 சதவீத ,முயற்சிகளில் ஹேக்கர்கள் பயனாளிகள் பாஸ்வேர்டை சரியாக கணித்துவிடும் வாய்ப்பிருக்கிறது என சைபர் வல்லுனர்கள் சொல்வதை இங்கே நினைத்துப்பார்க்க வேண்டும்.

பேஸ்புக் போன்ற சமூக ஊடகங்களில் பகிரப்படும் விஷயங்களை கொண்டு ஒருவரைப்பற்றிய தகவல்களை எளிதாக திரட்டிவிடலாம். ஆக, பொதுவெளியில் இருக்க கூடிய தகவல்களை எல்லாம் தவிர்த்து விட்டு உங்களுக்கான பாஸ்வேர்டை உருவாக்க முயற்சிக்கவும்.

சொற்றொடர் வழி

பாஸ்வேர்டை உருவாக்க அகராதி சொற்களை நாடக்கூடாது என்பது பொதுவான விதி. ஏனெனில் ஹேக்கர்கள் பயன்படுத்தும் உத்திகளில், அகராதி சொற்களை எல்லாம் முயன்று பார்க்கும் டிக்‌ஷனரி அட்டாக் மிகவும் பிரபலமானது. அதனால் தான் பாஸ்வேர்டை யோசிக்கும் போது, உங்களுக்கான பிரத்யேக சொற்றடர் ஒன்றை தேர்வு செய்து, அந்த தொடரில் இடம்பெறும் வார்த்தைகளின் முதல் எழுத்துக்களை சேர்த்து பாஸ்வேர்டை அமைக்கலாம் என்கின்றனர். இதை நீங்கள் நினைவில் கொள்வது எளிது. ஆனால் மற்றவர்கள் யூகித்து அறிவது கடினம். மானே தேனே பொன் மானே போட்டுக்கொள்வது போல, இடையே அடைப்பு குறிகள் மற்றும் எண்களை சேர்த்துக்கொள்ளலாம்.

நீளம் முக்கியம்

பெரும்பாலான இணைய சேவைகள் பாஸ்வேர்டு குறைந்தபட்சம் 8 எழுத்துக்கள் கொண்டதாக இருக்க வேண்டும் என வலியுறுத்தினாலும், உண்மையில் பாஸ்வேர்டு இன்னும் நீளமாக இருந்தால் நல்லது என்கின்றனர். அதிகபட்சம் 64 எழுத்துகள் கொண்டிருந்தாலும் பாதகம் இல்லை என்று வலியுறுத்தப்படுகிறது. பாஸ்வேர்டு எழுத்துக்களுக்கு நடுவே வெற்றிடத்தையும் பயன்படுத்தலாம். ஒரு மைய பொருளின் அடிப்படையில் பாஸ்வேர்டை தொடர் வார்த்தைகள் கொண்டதாகவும் அமைக்கலாம்.

உதாரணத்திற்கு செல்லப்பிராணி பிரியர்கள் தாங்கள் வளர்த்த செல்லப்பிராணிகளின் பெயர்களை எல்லாம் வரிசையாக பயன்படுத்தலாம்.

மாற்றம் தேவையா?

பாஸ்வேர்டு பாலபாடங்களில் ஒன்றாக இவற்றை அடிக்கடி மாற்றிக்கொண்டிருக்க வேண்டும் என சொல்லப்படுவது இப்போது மாறியிருக்கிறது. தேவையில்லாமல் பாஸ்வேர்டை மாற்ற வேண்டிய அவசியமில்லை. உங்கள் பாஸ்வேர்டு தாக்குதலுக்கு உள்ளாகி இருக்கலாம் எனும் சந்தேகம் எழும் போது மட்டும் மாற்றினால் போதுமானது. ஜிமெயில் உள்ளிட்ட சேவைகளில், சந்தேகத்திற்கு உரிய செயல்பாடுகள் இருந்தாலே எச்சரிக்கை தகவல் அனுப்பி வைக்கப்படுவதை நீங்கள் அறிந்திருக்கலாம். இது போன்ற நேரங்கள் உடனடியாக பாஸ்வேர்டை மாற்ற வேண்டியிருக்கலாம். அதே போல, பாஸ்வேர்டு கொள்ளை பற்றி பெரிய அளவில் செய்தி வெளியாகும் போது உங்கள் கணக்கு பாதுகாப்பாக இருக்கிறதா என உறுதி செய்து கொள்வது நல்லது.

நினைவில் நிற்கும் ரகசியம்

பாஸ்வேர்டை துண்டு சீட்டில் எழுதி வைப்பது நல்ல பழக்கம் இல்லை, தவிர்க்கப்பட வேண்டும் என்கின்றனர். எனவே தனித்தன்மை வாய்ந்த பாஸ்வேர்டை உருவாக்கினால் அது நினைவில் நிற்கும் ரகசியமாக அமையும். இல்லை எனில் பாஸ்வேர்டு நிர்வாகத்திற்கான பாஸ்வேர்டு மேனேஜர் மென்பொருள்களை பயன்படுத்தலாம்.

பாஸ்வேர்டை உருவாக்கும் போது, ஒரு எண், ஒரு சிறப்பு குறியீடு, பெரிய மற்றும் சிறிய எழுத்து வேறுபாடு ஆகியவற்றையும் பயன்படுத்தலாம்.

இரண்டு அடுக்கு பாதுகாப்பு

பாஸ்வேர்டு வலுவாக இருந்தால் மட்டும் போதாது. அதற்கு கூடுதல் அரணும் தேவை. இதை தான் டுபேக்டர் ஆதண்டிகேஷன் என்கின்றனர். அதாவது இரண்டு அடுக்கு பாதுகாப்பு. பாஸ்வேர்டை டைப் செய்த பிறகு இமெயில் அல்லது குறுஞ்செய்தி அல்லது செயலி வழியே தனி குறியீட்டை பெற்று அதை உள்ளீடு செய்து கணக்கின் உள்ளே நுழைவதை இது குறிக்கிறது. இணைய கில்லாடிகள் தாக்குதல் நடத்தியதை நீங்கள் உடனடியாக அறியாமலே இருக்கும் வாய்ப்பு இருப்பதால் பாஸ்வேர்டுக்கு இத்தகைய இரண்டு அடுக்கு பாதுகாப்பு இருப்பது நல்லது. பாஸ்வேர்டு மாற்ற முயற்சிக்கப்பட்டால் அல்லது புதிய சாதனம்., புதிய இருப்பிடத்தில் இருந்து கணக்கை அணுக முயன்றாலும் இந்த முறையில் எச்சரிக்கை செய்யப்படும்.

 

 

தளம் புதிது; நீங்களும் வடிவமைப்பாளராகலாம்!

போட்டோஷாப், கிராபிக்ஸ் போன்ற எந்த நுணுக்கங்களையும் அறியாமல், அழகான வடிவமைப்புகளை உருவாக்கி கொள்ள வழி செய்கிறது கிரெல்லோ இணையதளம்.

இந்த தளத்தில் உள்ள வடிவமைப்புகளை ( டெம்பிளேட்) தேர்வு செய்து அதில் பின்னணியை மாற்றுவது, வாசகங்களை சேர்ப்பது மூலம் பயனாளிகள் தங்களுக்கான புதிய வடிவமைப்புகளை உருவாக்கி கொள்ளலாம். பேஸ்புக் பதிவுகளுக்கான வடிவமைப்பு, இன்ஸ்டாகிராம் பகிர்வுக்கான வடிவமைப்பு போன்றவற்றை இந்த தளம் மூலம் எளிதாக உருவாக்கி கொள்ளலாம். போஸ்டர்களையும் வடிவமைக்கலாம். அனிமேஷன் சித்திரங்களையும் உருவாக்கி கொள்ளும் வசதி இருக்கிறது. நூற்றுக்கணக்கான டெம்பிளேட்கள் உள்ளன. அவற்றில் இருந்து விரும்பியதை தேர்வு செய்து தேவையான மாற்றங்களை செய்து கொள்ளலாம். ஏற்கனவே உருவாக்கப்பட்டுள்ள வடிவமைப்புகளை பார்த்தும் ஊக்கம் பெறலாம். கட்டணச்சேவையில் கூடுதல் வசதிகள் உண்டு. சமூக ஊடக பகிர்வு முதல் வலைப்பதிவு வரை பலவற்றில் பயன்படுத்தலாம்.

இணைய முகவரி: https://crello.com/home/

 

செயலி புதிது; கலைகளுக்கு ஸ்கேன் செய்யவும்

செயலி உலகில் ஷாஸம் செயலி மிகவும் பிரபலமானது. இசை கண்டறிதல் செயலி என வர்ணிக்கப்படும் ஷாஸம், இசை மெட்டுகள் அல்லது ஒலி குறிப்புகளை கேட்டு அதற்குறிய பாடல் எது என்பது உள்ளிட்ட விவரங்களை அளிக்க வல்லது. இதே போலவே, கலைப்படைப்புகளை ஸ்மார்ட்போன் மூலம் ஸ்கேன் செய்து அவை தொடர்பான விவரங்களை அளிக்கும் வகையில் ஸ்மார்ட்டிபை செயலி உருவாக்கப்பட்டுள்ளது.

உலகின் புகழ்பெற்ற அருங்காட்சியகங்களுக்கு செல்லும் போது, அங்குள்ள கலைப்படைப்புகள் தொடர்பாக தகவல்கள் தேவை எனில், இந்த செயலியால் அந்த படைப்புகளை ஸ்கேன் செய்தால் போதும், அவை தொடர்பான தகவல்கள் திரையில் தோன்றும். குறிப்பிட்ட அந்த படைப்பை உருவாக்கிய கலைஞரின் நேர்காணலையும் அணுகலாம். உலகின் முன்னணி அருங்காட்சியகங்கள் பலவற்றில் இந்த செயலி செயல்படுகிறது. இந்த பட்டியலில் மேலும் பல அருங்காட்சியகங்கள் இணைக்கப்படும் வாய்ப்புள்ளது. ஆண்ட்ராய்டு மற்றும் ஐபோனில் செயல்படுகிறது.

மேலும் தகவல்களுக்கு: https://smartify.org/

 

 

தகவல் புதிது: பொய் செய்தியின் தாக்கம்

இணைய உலகில் பெரும் பிரச்சனையாக உருவாகி இருக்கும் பொய் செய்தி எனப்படும் ஃபேக் நியூஸ் சவாலை சமாளிக்க பேஸ்புக், கூகுள், உள்ளிட்ட நிறுவனங்கள் பெரும்பாடு பட்டுக்கொண்டிருக்கின்றன. இந்த பிரச்சனை இணையத்தின் நம்பகத்தன்மைக்கான சவாலாகவும் அமைந்துள்ளது. இந்நிலையில் காலின்ஸ் அகராதி இந்த ஆண்டுக்கான சொல்லாக ஃபேக் நியூசை தேர்வு செய்வதாக அறிவித்துள்ளது. இன்ஸ்டா, யூனிகார்ன், ஆண்டிபா உள்ளிட்ட பல வார்த்தைகளை பின்னுக்குத்தள்ளி ஃபேக் நியூஸ் முதலிடத்தை பெற்றுள்ளது. செய்தி வெளியீடு எனும் போர்வையில், பரப்பபடும், தவறான, பெரும்பாலான நேரங்களில் பரபரப்பானதாக அமையும் தகவல்களை பொய்ச்செய்தி என காலின்ஸ் அகராதி குறிப்பிடுகிறது.

மேலும் தகவல்களுக்கு: https://www.collinsdictionary.com/woty

 

நன்றி; தழிம் இந்துவில் எழுதியது.

வலுவான பாஸ்வேர்டை உருவாக்க புதிய வழி

 

password_1494375453216_59357265_ver1.0_640_480பாஸ்வேர்டு விஷயத்தில் அலட்சியம், அறியாமை இரண்டுமே ஆபத்தானது. ஏனெனில் இவை தாக்காளர்களின் வேலையை இன்னும் சுலபமாக்குகின்றன. பாஸ்வேர்ட் கொள்ள தொடர்பாக அடிக்கடி வெளியாகும் செய்திகள் மூலம் இதை உணரலாம். அதாவது தாக்காளர்கள் இணையதளங்களில் கண்ணம் வைத்து லட்சக்கணக்கில் பாஸ்வேர்டுகளை அள்ளிச்செல்வது தொடர்பான செய்திகள். ஒரு சில முறை தாக்காளர்கள் தாங்கள் அள்ளிய பாஸ்வேர்ட்களை எல்லாம் இணைய பொது வெளியில் காட்சிக்கு வைத்து, இவை எல்லாம் தான் உங்கள் பாஸ்வேர்டு பார்த்துக்கொள்ளுங்கள் என்று சொல்வது உண்டு.

இணைய அமைப்பில் உள்ள ஓட்டைகளில் நுழையும் சாமர்த்தியம் தாக்காளர்களுக்கு கைகொடுத்தாலும், உண்மையில் பாஸ்வேர்டு பயன்பாடு தொடர்பான அடிப்படை விழிப்புணர்வு இல்லாமல் இருப்பது மற்றும் அப்படியே விழிப்புணர்வு இருந்தாலும் அதை கடைப்பிடிப்பதில் அலட்சியம் காட்டும் இணையவாசிகளின் போக்கே தாக்காளர்களுக்கு அணுகூலமாக அமைந்து விடுகிறது.

உங்கள் பாஸ்வேர்ட் பாதுகாப்பானதாக இருப்பதை உறுதி செய்து கொள்ள அது வலுவானதாக இருக்க வேண்டும் என்று வல்லுனர்கள் அலுக்காமல் சலிக்காமல் வலியுறுத்தி வருகின்றனர். வழக்கமான பதங்களை பயன்படுத்த வேண்டாம், அகராதி சொற்கள் வேண்டாம், குறைந்தது எட்டு எழுத்துக்களாவது இருக்க வேண்டும்… என நல்ல பாஸ்வேர்டுக்கான முக்கிய அம்சங்களையும் எடுத்துக்கூறி வருகின்றனர். பலரும் இவற்றை அறிந்திருப்பதில்லை. அப்படியே அறிந்திருந்தாலும், தங்கள் பாஸ்வேர்ட்களை வலுவாக்கி கொள்வதில் ஆர்வம் காட்டாமல் இருக்கின்றனர். அதைவிட மோசமாக, ஒவ்வொரு சேவைக்கும் தனித்தனி பாஸ்வேர்டு தேவை எனும் அறிவுரையை காற்றில் பறக்க விட்டு, ஒரே பாஸ்வேர்டை எல்லா சேவைகளிலும் பயன்படுத்தும் வழக்கமும் பலருக்கு இருக்கிறது.

இப்படி பாஸ்வேர்ட் சார்ந்த பிரச்சனைகளுக்கு தீர்வு காண வல்லுனர்களும், ஆய்வாளர்களும் ஓயாமல் உழைந்து, அலுக்காமல் புதிய தீர்வுகளை முன்வைத்து வருகின்றனர். இந்த வகையில், அமெரிக்காவின் கார்னகி மெலான் பல்கலைக்கழக ஆய்வாளர்கள் மற்றும் சிக்காகோ பல்கலைக்கழக ஆய்வாளர்கள் இணைந்து, பாஸ்வேர்ட் வலுவானதா என பரிசோதித்து சொல்லும் புதிய சேவை ஒன்றை உருவாக்கியுள்ளனர்.

இணையவாசிகள் தாங்கள் உருவாக்க விரும்பும் பாஸ்வேர்டை இந்த சேவைக்கான தளத்தில் டைப் செய்தால், அது எந்த அளவு வலுவானது என்று உணர்த்தப்படுகிறது. இந்த வகை சேவை ஒன்றும் புதிதல்ல தான். பாஸ்வேர்டு வலுவானதா என்பதை கண்டறிந்து சொல்லும் இந்த வகை சேவை பாஸ்வேர்டு மீட்டர் என குறிப்பிடப்படுகின்றன. இதற்கென தனியே இணையதளங்களும் இருக்கின்றன. இவ்வளவு ஏன், கூகுள் உள்ளிட்ட இணைய சேவைகள் இது போன்ற பாஸ்வேர்டு மீட்டரை தங்கள் பாஸ்வேர்டு உருவாக்க பக்கத்திலேயே ஒருங்கிணைத்துள்ளன. புதிய பாஸ்வேர்ட்டை தட்டச்சு செய்யும் போதே, அது எந்த அளவு வலுவானது என உணர்த்தப்படுகின்றன.

உங்கள் பாஸ்வேர்டு பலவீனமானது, அதை மேலும் வலுவாக்க முயற்சி செய்யுங்கள் எனும் செய்தியை தெரிவிப்பதே பாஸ்வேர்டு மீட்டரின் நோக்கம். ஆனால் இந்த மீட்டர்கள் எல்லாவற்றுக்குமே ஒரு பொதுவான பலவீனம் உண்டு. இவை பாஸ்வேர்டுகள் பலவீனமானவை என்று சொல்கின்றனவேத்தவிர, வலுவான பாஸ்வேர்ட்களை உருவாக்க என்ன செய்ய வேண்டும் என்று வழிகாட்டுவதில்லை. ஒரு பாஸ்வேர்டை உருவாக்கும் போது அது, வலுவானதா என சோதித்துப்பார்ப்பது நல்லது தான். ஆனால் அது நோஞ்சான் பாஸ்வேர்டு என்று தெரிந்தால், பயில்வான் பாஸ்வேர்டை உருவாக்குவது எப்படி என்று தெரிய வேண்டும் அல்லவா?

இந்த குறையை போக்கும் வகையில் கார்னகி மெலான் பல்கலைக்கழக ஆய்வாளர்கள் உருவாக்கிய புதிய பாஸ்வேர்டு மீட்டர் சேவை அமைந்துள்ளது. இந்த சேவை, புதிய பாஸ்வேர்டு வலுவானதா என்பதை உணர்த்துவதோடு, அதற்கான காரணங்களையும் புரிய வைக்கிறது. அதோடு பாஸ்வேர்டை வலுவாக்குவதற்கான ஆலோசனைகளையும் வழங்குகிறது.

இந்த சேவையின் இணைய பக்கத்தில், பாஸ்வேர்டு உருவாக்கத்திற்கான மாதிரி அமைப்பு கொடுக்கப்பட்டுள்ளது. அதில் பயணர் பெயரை குறிப்பிட்டு விட்டு பாஸ்வேர்டை உருவாக்க வேண்டும். பாஸ்வேர்டு எழுத்துக்களை அடித்துக்கொண்டிருக்கும் போதே, அவற்றின் பாதுகாப்பு தன்மையை உணர்த்துவதோடு, அதற்கான காரணங்களையும் தெரிவிக்கிறது. உதாரணத்திற்கு வழக்கத்தில் உள்ள வார்த்தைகளை குறிக்க கூடிய எழுத்துக்கள் எனில் அதை சுட்டிக்காட்டி, பொதுவான பதங்கள் அல்லது அகராதி வார்த்தைகள் தாக்காளர்களால் எளிதில் ஊகித்துவிடக்கூடியவை என தெரிவிக்கப்படுகிறது. இதற்காக என்று அருகே தனியே ஒரு பெட்டி தோன்றுகிறது. அதில் கிளிக் செய்தால் பாஸ்வேர்டு தொடர்பான மதிப்பீட்டை தெரிந்து கொள்ளலாம்.

பாஸ்வேர்டின் பலவீனம் வண்ணத்தில் உணர்த்தப்படுகிறது. முழுவதும் வலுவான பாஸ்வேர்டு உருவாக்கப்படும் வரை இந்த வண்ண எச்சரிக்கை தொடர்கிறது. ஆக, இந்த சேவை மூலம் ஒருவர் தான் உருவாக்கும் பாஸ்வேர்டு வலுவானதா எனத்தெரிந்து கொள்வதோடு, அது ஏன் வலுவானதாக அமையவில்லை என்பதையும் தெரிந்து கொள்ளலாம். இவற்றை புரிந்து கொண்ட பின், வலுவான பாஸ்வேர்டை உருவாக்குவதற்கான வழிகளையும் தெரிந்து கொள்ளலாம்.

இந்த சேவை, செயற்கை நுண்ணறிவு முறையில் உருவாக்கப்பட்டுள்ளது. 35 மில்லியனுக்கும் மேலான பாஸ்வேர்டுகள் மற்றும் பத்து மில்லியனுக்கும் மேலான இயற்கையான சொற்களை இதன் பின்னே உள்ள செயற்கை நுண்ணறிவு அலசி ஆராய்ந்து வைத்திருக்கிறது. ஒவ்வொரு முறை பாஸ்வேர்டு அடிக்கப்படும் போதும், அதன் போக்கை ஊகித்து, தன் வசம் உள்ள பாஸ்வேர்டு அமைப்புகளுடன் ஒப்பட்டு, அவற்றின் தன்மையை உணர்த்தி ஆலோசனை வழங்குகிறது.

பாஸ்வேர்டு தன்மை தொடர்பான விரிவான ஆய்வு நடத்தி இந்த மீட்டரை ஆய்வாளர்கள் உருவாக்கியுள்ளனர். ஆயிரக்கணக்கான பயணர்கள் மத்தியில் இதை வெள்ளோட்டமும் பார்த்துள்ளனர். சோதனை முறையில் பயன்படுத்திப்பார்த்தவர்களில் பெரும்பாலானோர், பாஸ்வேர்டு மோசம் என்று சொன்னதோடு விட்டுவிடாமல், அது தொடர்பான விளக்கத்தை அளிப்பது பயனுள்ளதாக இருப்பதாக தெரிவித்துள்ளனர். இதன் மூலம் வலுவான பாஸ்வேர்டின் தன்மை குறித்து அறிந்து கொள்ள முடிவதாகவும் தெரிவித்துள்ளனர். பெரிய எழுத்துக்களை பயன்படுத்துவது, எண்களை இடையே பயன்படுத்துவது, குறியீடுகளை கலந்து பயன்படுத்துவது போன்ற கருத்தாக்கங்களையும் புரிந்து கொள்ள முடிவதாக தெரிவித்துள்ளனர்.

அதைவிட முக்கியமாக இதை பயன்படுத்திய பலரும், முன் இருந்ததைவிட மேம்பட்ட பாஸ்வேர்டை உருவாக்கி கொள்ள முடிந்துள்ளதாகவும் தெரிவித்துள்ளனர்.

நீங்களும் கூட முயன்று பார்க்கலாம்: https://cups.cs.cmu.edu/meter/

 

பாதுகாப்பாக வீடியோக்களை பார்க்கும் வழி

தளம் புதிது: பாதுகாப்பாக வீடியோக்களை பார்க்கும் வழி
safeshare_logo

இணையத்தில் வீடியோக்களை பார்க்க எத்தனையோ வழிகள் இருக்கின்றன. இவற்றில் யூடியூப் நன்கறியப்பட்டதாக இருக்கிறது. யூடியூப் தவிர விமியோ உள்ளிட்ட வீடியோ பகிர்வு சேவைகளும் இருக்கின்றன.
யூடியூப்பில் எல்லா வகையான வீடியோக்களையும் பார்த்து ரசிக்கலாம் என்றாலும், இடையூறாக தோன்றும் விளம்பரங்களை பொறுத்துக்கொள்ள வேண்டும். எனினும் விளம்பரங்கள் இல்லாமல் வீடியோக்கள் பார்க்க விரும்பினால் சேப்ஷேர்.டிவி இணையதளம் அதற்கு வழிகாட்டுகிறது.
யூடியூப் வீடியோவுக்கான இணைப்பை இந்த தளத்தில் சமர்பித்தால் அதில் உள்ள விளம்பரங்களை நீக்கி வீட்டு, இடையூறு இல்லாமல் பார்க்க கூடிய வடிவில் மாற்றித்தருகிறது. இந்த இணைப்பை மற்றவர்களுடன் பகிர்ந்து கொள்ளவும் செய்யலாம்.
விளம்பரங்களை நீக்குவதோடு, தொடர்புடைய வீடியோக்களையும் நீக்கி விடுவதால் சிறுவர், சிறுமியர்களுக்கு இந்த இணைப்புகளை நம்பி பரிந்துரைக்கலாம். நாம் தேர்வு செய்ய வீடியோவை மட்டும் அவர்கள் பார்க்க முடியும். அந்த வகையில் இந்த சேவை மிகவும் பாதுகாப்பானது. யூடியூப்பில் உள்ள பாதுகாப்பு வசதியை விட இது சிறந்த்து என்கிறது சேப்ஷேர் தளம். எனவே கல்வி சார்ந்த வீடியோக்களை பரிந்துரைக்க இந்த வசதி மிகவும் ஏற்றது. வீடியோவின் துவக்கம் மற்றும் முடிவையும் தீர்மானிக்கும் வசதி இருக்கிறது.
யூடியூப் வீடியோ மட்டும் அல்லாமல் விமியோ தளத்தில் உள்ள வீடியோக்களையும் இப்படி பகிர்ந்து கொள்ளலாம்.

இணைய முகவரி: http://safeshare.tv/

செயலி புதிது: உள்ளங்கையில் விக்கிபீடியா’

wikipedia-android
கட்டற்ற கலைக்களஞ்சியமான விக்கிபீடியாவை ஸ்மார்ட்போன்களில் செயலி வடிவிலும் அணுகலாம் என்பது உங்களுக்கு தெரிந்திருக்கும். இப்போது, ஆண்ட்ராய்டு போன்களுக்கான விக்கிபீடியா செயலி புதுப்பிக்கப்பட்டுள்ளது. புதிய வடிவில் மாற்றி அமைக்கப்பட்ட முகப்பு பக்கம் மற்றும் கூடுதல் அம்சங்கள் இடம்பெற்றுள்ளன.
செயலியை திறந்ததும் தோன்றும் முகப்பு பக்கத்தில் தேடல் வசதி பிரதானமாக இருக்கிறது. இங்கிருந்தே வேண்டிய கட்டுரைகளை தேட்த்துவங்கலாம். குரல் வழி தேடலுக்கான வசதியும் இருக்கிறது.
தேடல் பகுதிக்கு கீழ், பிரபலமாக உள்ள கட்டுரைகள், செய்திகள் மற்றும் ஒளிபடங்கள் பரிந்துரைக்கப்படுகின்றன. வாசிக்கும் கட்டுரைகளுக்கு தொடர்புடைய கட்டுரைகளும் பரிந்துரைக்கப்படுகின்றன.
முகப்பு பக்கத்தை விருப்பத்திற்கு ஏற்ப மாற்றி அமைத்துக்கொள்ளும் வசதியும் இருக்கிறது. இதன் மூலம் அதிகம் பயன்படுத்தாத அம்சங்களை விலக்கி விடலாம்.
வாசித்துக்கொண்டிருக்கும் கட்டுரைகளை சேமித்து வைத்து பின்னர் படிக்கும் வசதியும் இருக்கிறது. இணைய இணைப்பு இல்லாவிட்டாலும் கூட சேமிக்கப்பட்ட கட்டுரையை வாசிக்கலாம்.
கட்டுரைகளின் மொழியையும் மாற்றி அமைத்துக்கொள்ளலாம். பின்னணி மற்றும் எழுத்துரு அளவிலும் மாற்றங்களை செய்யலாம்.

மேலும் விவரங்களுக்கு: https://play.google.com/store/apps/details?id=org.wikipedia

==

வீடியோ புதிது: நலமாய் இருப்பதன் அறிகுறிகள்
2
வாழ்க்கையில் எப்போது வேண்டுமானாலும் பிரச்சனைகள் வரலாம். அப்படி பிரச்சனைகள் வரும் போது உடலும் உள்ளமும் சோர்ந்து போகலாம். ஆனால், வாட்டும் பிரச்சனைகளால் சோர்வுக்கு உள்ளாகி இருக்கும் போது அதிலிருந்து மீண்டு வர விரும்பினால், பவர் ஆப் பாசிடிவிட்டு உருவாக்கியுள்ள வீடியோவை பார்த்து ஊக்கம் பெறலாம்.
ஒருவரது சோர்வான மனநிலைக்கான காரணம் என்னவாக இருந்தாலும் சரி, அதைப்பற்றி கவலைப்படாமல் உற்சாகமாக இருப்பதற்கான பத்து காரணங்களை இந்த வீடியோ சுட்டிக்காட்டுகிறது.
சொந்தமாக குடியிருக்க விடு இருப்பது, குடிப்பதற்கு நல்ல தண்ணீர் கிடைப்பது, அக்கறை கொள்ள யாரேனும் இருப்பது .. என நீளும் இந்த காரணங்களை யாராலும் மறுத்து சொல்ல முடியாது.
ஊக்கம் தருவதோடு, சிந்திக்கவும் வைக்கிறது இந்த வீடியோ.

வீடியோவைக்காண: https://www.youtube.com/watch?v=mQonlXk_FBM

பாஸ்வேர்டு குறிப்புகள்

இணைய உலகில் சைபர் தாக்குதல்கள் அதிகரித்து வரும் நிலையில் பாஸ்வேர்ட்களின் முக்கியத்துவதும் அதிகரித்திருக்கிறது. பாஸ்வேர்ட் பாதுகாப்பு தொடர்பான விழிப்புணர்வும் அதிகரித்துள்ளது.
பலரும் வலுவான பாஸ்வேர்டு உருவாக்கி கொள்வதன் அவசியத்தை உணர்ந்துள்ளனர். இல்லை என்றாலும் கூட, இணைய சேவைகளில் உறுப்பினராக பதிவு செய்யும் போது, உங்கள் பாஸ்வேர்டு பலவீனமானதாக இருக்கிறது, இன்னும் வலுவாக்கவும் எனும் குறிப்பை அடிக்கடி பார்க்க நேரிடலாம்.இதனால் குழப்பமும் உண்டாகலாம்.
வலுவான பாஸ்வேர்டை உருவாக்குவது எப்படி எனும் கேள்வி உங்களுக்கும் இருந்தால், அதற்கு சில எளிதான வழிகள் இருக்கின்றன. எழுத்துக்களை மட்டும் பயன்படுத்தாமல், எண்கள், குறியீடுகள் போன்றவற்றை பயன்படுத்தவும். பெரிய எழுத்துக்கள், சிறிய எழுத்துக்கள் போன்றவற்றை இடையிடையே பயன்படுத்தவும். உருவ எழுத்துக்களையும் பயன்படுத்தலாம்.
உங்கள் பெயர், நிறுவன பெயர் , குடும்பத்தினர் பெயர் போன்றவற்றை தவிர்த்து விட வேண்டும். அகராதியில் உள்ள வார்த்தைகளையும் விட்டுவிட வேண்டும். அதோடு ஓவ்வொரு சேவைக்கும் தனித்தனி பாஸ்வேர்டை பயன்படுத்த வேண்டும்.
அதோடு வழக்கமாக பயன்படுத்தப்படும் பாஸ்வேர்ட்களின் பக்கம் போகாமல் இருக்க வேண்டும்.

நீங்கள் தவிர்க்க வேண்டிய பாஸ்வேர்டு தவறுகள்!

screen322x572
பாஸ்வேர்டு தொடர்பாக பல பிரபலமான நகைச்சுவை துணுக்குகள் இணையத்தில் உலா வருகின்றன. அவற்றில் ஒன்று, சரியில்லாதது என்பதற்கான ஆங்கில சொல்லான இன்கரக்ட் எனும் வார்த்தையை பாஸ்வேர்டாக மாற்றிக்கொண்டுவிட்டேன் ஏனெனில், பாஸ்வேர்டை மறந்துவிட்டால், உங்கள் பாஸ்வேர்ட் சரியில்லை என நினைவுபடுத்தும்” என்பதாகும்.இந்த துணுக்கு சிரிக்கவும் வைக்கும். கொஞ்சம் யோசிக்கவும் வைக்கும்.

ஆனால் பாஸ்வேர்டுகளை விளையாட்டாக எடுத்துக்கொள்வதற்கில்லை. அவை தான் உங்கள் இணைய பாதுகாப்பிற்கான சாவி. இந்த சாவியை கவனமாக கையாள்வது அவசியம். இல்லை எனில் அது இணைய கள்வர்கள் கையில் சென்றுவிடும் அபாயம் இருக்கிறது.

பாஸ்வேர்டு அடிப்படை
பொதுவாக பாதுகாப்பான பாஸ்வேர்டுக்கு சொல்லப்படும் அடிப்படையான விஷயங்கள் உங்களுக்கு தெரிந்திருக்கலாம். ஆனால் இணையம் வளர்ந்து கொண்டே இருக்கும் நிலையில், இணைய பாதுகாப்பிற்கான சவால்களும் அதிகரித்து வருவதால் பாஸ்வேர்டு பாதுகாப்பையும் நீங்கள் அப்டேட் செய்து கொள்ள வேண்டியிருக்கிறது.

உதாரணத்திற்கு வலுவான பாஸ்வேர்டுக்கான அடிப்படை விதியை எடுத்துக்கொள்வோம். ஒரு காலத்தில் பார்த்தீர்கள் என்றால் நல்ல பாஸ்வேர்டு குறைந்த ஆறு எழுத்துக்களை கொண்டதாக இருக்க வேண்டும் என்று சொல்லப்பட்டது. அதற்கும் குறைவாக எழுத்துக்கள் இருந்தால், அவை எளிதாக ஊகிக்கப்படும் அபாயம் இருப்பதாக கருதப்பட்டது.

ஆனால் இன்றைய தாக்காளர்களோ, ஆறு எழுத்து பாஸ்வேர்ட்களை கூட மிக எளிதாக ஊகித்துவிடக்கூடிய அளவுக்கு அவர்கள் கையாளும் கம்ப்யூட்டர்கள் ஆற்றல் கொண்டிருக்கின்றன. எனவே இப்போது பாஸ்வேர்டுகள் குறைந்த பட்சம் 8 எழுத்துக்களை கொண்டதாக இருக்க வேண்டும். 10 முதல் 12 எழுத்துகள் கொண்டதாக இருந்தால் இன்னும் நல்லது. மிகவும் முக்கிய வாந்த கணக்குகளுக்கானது என்றால் தயங்காமல் 14 முதல் 16 எழுத்துக்களில் பாஸ்வேர்டை அமைத்துக்கொள்ளலாம் என்று வல்லுனர்கள் சொல்கின்றனர்.

பாஸ்வேர்டின் நீளம்
ஆக, பாஸ்வேர்டுக்கான நீளம் பற்றிய உங்கள் எண்ணத்தை முதலில் மாற்றிக்கொள்ளுங்கள்.
அடுத்ததாக செய்ய வேண்டிய விஷயம், உங்கள் பாஸ்வேர்டு குழப்பமானதாக இருக்க வேண்டும். அதாவது பாஸ்வேர்டு எளிதாக இருக்க கூடாது. 1 முதல் 12 வரை கொண்ட எண்களை வைத்துக்கொள்வதோ, ஆங்கில அகர வரிசையில் முதல் 8 எழுத்துக்களை வைத்துக்கொள்வதோ நல்ல பாஸ்வேர்டாகிவிடாது. பாஸ்வேர்டு பூட்டை உடைக்கும் தாக்காளர்கள் இவற்றை எல்லாம் நொடியில் ஊகித்துவிடுவார்கள். இதை தவிர்க்க, வெறும் எழுத்துக்களை கொண்டு மட்டுமே பாஸ்வேர்டு அமைக்காமல், இடையே எண்கள், நிறுத்தல் குறிகள் மற்றும் சிறப்பு குறியீடுகளை பயன்படுத்துங்கள்.

முதலில் சில எழுத்துக்கள் அதை தொடர்ந்து சில எண்கள், அதன் பிறகு சிறப்பு குறியீடுகள், பின் மீண்டும் சில எண்கள் இறுதியில் சில எழுத்துக்கள் … இப்படி இருந்தால் உங்கள் பாஸ்வேர்டு பாதுகாப்பில் பல படிகளை கொண்டிருக்கிறது என பொருள்.

இதற்கான எளிய வழி, வார்த்தைகளை கொண்டு பாஸ்வேர்டை யோசிக்காமல், ஒரு ஆங்கில் சொற்றொடரை எடுத்துக்கொண்டு அதில் உள்ள வார்த்தைகளின் முதல் எழுத்துக்களை மட்டும் வரிசையாக எழுதிவிட்டு பின்னர் இடையிடையே எண்களையும், நிறுத்தல் குறிகளையும் சேர்க்கலாம் என்கின்றனர். இந்த முறை பாஸ்பிரேஸ் என குறிப்பிடப்படுகிறது. பாஸ்வேர்டு பார்ப்பதற்கு படு சிக்கலாக தோன்றும். ஆனால் அதன் அடிப்படையாக அமைந்த சொற்றொடரை கொண்டு பாஸ்வேர்டை மறக்காமலும் இருக்கலாம்.

ஒரே பாஸ்வேர்டா?
நீளமான பாஸ்வேர்டுகளை அமைப்பதில் உள்ள சிக்கல் என்ன என்றால் அவற்றில் நினைவில் வைத்துக்கொள்வது கஷ்டமாக இருக்கும் என்பது தான். பாஸ்வேர்டு தொடர்பாக பலரும் செய்யும் இரண்டு தவறுகளுக்கு இது வழிவகுக்கலாம். ஒன்று, அது தான் சூப்பர் ஸ்டிராங் பாஸ்வேர்டு உருவாக்கியாச்சே என்ற நம்பிக்கையில், எல்லா இணைய சேவைகளுக்கும் அதே பாஸ்வேர்டை பயன்படுத்த தோன்றும். இது நடைமுறையில் எளிதாக இருக்கலாம் என்றாலும் மிகவும் ஆபத்தானது. ஏனெனில் ஒரு சேவையில் பாஸ்வேர்டு திருடப்படும் நிலை ஏற்பட்டால், அந்த ஒரு கள்ளச்சாவியை கொண்டே விஷமிகள் ஒருவரது மற்ற இணைய சேவைகளுக்கு உள்ளேயும் எளிதாக நுழைந்துவிடுவார்கள்.

இமெயிலுக்கான பாஸ்வேர்டு மெயிலுக்கானதாக மட்டுமே இருக்க வேண்டும். பேஸ்புக்கிறக்ம், டிவிட்டருக்கும், இன்னும் பிற இணைய சேவைகளுக்கும் கட்டாயம் தனிதனிதனி பாஸ்வேர்டு தேவை. வேண்டுமானால், ஒரு அடிப்படை பாஸ்வேர்டை உருவாக்கிவிட்டு, ஒவ்வொரு சேவைக்கும் ஒரு சிறிய மாற்றம் செய்து அவற்றை பயன்படுத்தலாம்.

ஆனால், இப்படி தனித்தனியே பல பாஸ்வேர்டுகளை உருவாக்கி கொள்ளும் போது, அவற்றை எல்லாம் ஒரு காகிதத்தில் குறித்து வைக்கும் எண்ணம் இயல்பாக எழலாம். இதைவிட ஆபத்தானது எதுவும் இல்லை என்று இணைய பாதுகாப்பில் அடிக்கடி வலியுறுத்தப்படுகிறது.

பாஸ்வேர்டு மேனேஜர்
தாக்காளர்கள் உங்கள் கம்ப்யூட்டரில் கைவரிசை காட்டலாமே தவிர, உங்கள் மேஜையில் கைவிட்டு இந்த காகிதத்தை எடுக்க முடியாது தான். ஆனால் உங்கள் வீட்டிற்கு வரும் வேறு யாரேனும் கையில் கிடைத்தால் சிக்கலாகலாம். நினைவில்லாமல் இவற்றை தூக்கி வீசினாலும் பிரச்சனை ஆகலாம். நிறைய பாஸ்வேர்டுகளை நினைவில் கொள்ள வேண்டிய நிலை ஏற்பட்டால் பாஸ்வேர்டு மேனேஜர் சேவைகளை நாடலாம். இணையத்தில் நிறைய பாஸ்வேர்டு மேனேஜர் சேவைகள் உள்ளன. அவற்றை பரிசிலித்துப்பாருங்கள்.
பாஸ்வேர்டு மேனேஜர் மென்பொருள்களை பயன்படுத்தினாலும் சரி, பாஸ்வேர்ட்களை நீங்கள் தான் கவனமாக பராமரிக்க வேண்டும்.

அதாவது, தேவை எனில் பாஸ்வேர்ட்களை மாற்றிக்கொள்ள வேண்டும். ஒவ்வொரு 3 மாதங்கள் அல்லது ஆறு மாதங்களுக்கு ஒரு முறை பாஸ்வேர்டுகளை மாற்றுவது நல்லது எனும் கருத்து முன்வைக்கப்படுகிறது. இப்படி அடிக்கடி மாற்றுவது நல்லதல்ல என்ற கருத்தும் சொல்லப்படுகிறது என்றாலும், நிச்சயமாக ஆண்டு கணக்கில் ஒரே பாஸ்வேர்டை பயன்படுத்துவது பாதுப்பானது இல்லை. சில ஆண்டுகளுக்கு ஒரு முறையேனும் உங்கள் பாஸ்வேர்டை தூசி தட்டி அப்டேட் செய்து விட வேண்டும். அதிலும் குறிப்பாக, இமெயில் சேவைகளில் இருந்து உங்கள் கணக்கில் சந்தேகத்திற்கு உரிய நடவடிக்கை நிகழ்ந்துள்ளது, பாஸ்வேர்டை மாற்றுங்கள் என எச்சரிக்கை வந்தால் அலட்சியம் செய்யக்கூடாது.

பாஸ்வேர்டு ஆய்வுகள்!
நிற்க, இணையவாசிகளை இத்தகைய சிக்கல்களில் இருந்து எல்லாம் விடுவிக்கும் வகையில், ஓயாமல் பாஸ்வேர்டு ஆய்வுகளும் நடைபெற்றுக்கொண்டிருக்கின்றன.
பயனாளிகளுக்கு எளிதான ஆனால் தாக்காளர்கள் கைவைக்க முடியாத பாஸ்வேர்டை உருவாக்குவது தொடர்பாக என்ன எல்லாம் மாற்றுவழி சாத்தியம் எனும் திசையிலும் ஆய்வுகள் நடக்கின்றன.
இவற்றில் சுவாரஸ்யமான ஒன்று, பயனாளிகளின் மண்டை ஓட்டை பாஸ்வேர்டுக்கான மாற்றாக பயன்படுத்த முடியுமா?என்பதாகும்.

அமெரிக்காவின் பிங்காம்டன் பல்கலைக்கழகத்தை சேர்ந்த ஆய்வாளர்கள், பிரபலங்கள், உணவு வகைகள் போன்ற புகைப்படங்களை பார்க்கும் போது முளை அவற்றை எதிர்கொள்ளும் விதத்தையே பாஸ்வேர்டாக்க முடியுமா எனும் கேள்வியுடன் ஆய்வை மேற்கொண்டுள்ளனர். ஒவ்வொருவரது மூளையும், இந்த தகவல்களை எதிர்கொள்ளும் விதம் தனித்தன்மை மிக்கதாக இருப்பதால், இந்த முறையையே பாஸ்வேர்டாக பயன்படுத்த முடியும் என கருதுகின்றனர்.

இதே போல ஜெர்மனி பல்கலைக்கழக ஆய்வாளர்கள் மண்டை ஓட்டுக்குள் ஒலி மோதி திரும்பிம் வித்தியாசங்களை கணக்கிட்டி அதை பாஸ்வேர்டாக மாற்ற முடியுமா என ஆய்வு செய்து வருகின்றனர்.

தமிழ் இந்துவில் எழுதியது.

காவலருக்கு உதவிக்கு வந்த இணையம்

Officer-Hickeyகாவல் அதிகாரி மேத்யூ ஹிக்கி இணையத்தின் உதவியால் நெகிழ்ந்து போயிருக்கிறார். அவர் மட்டு அல்ல, செல்லப்பிராணிகள் மீது பாசம் கொண்ட பலரும் நெகிழ்ந்து போயிருக்கின்றனர். ஹிக்கிக்கு இணையம் மூலம் முகம் தெரியாத பலர் உதவிய விதத்தை தெரிந்து கொண்டால் நீங்களும் கூட இதே உணர்வை பெறுவீர்கள்.
அமெரிக்காவின் ஓஹியோ மாகாணத்தில் உள்ள மெரியேட்டா நகரில் காவல்துறை அதிகாரியாக பணியாற்றிக்கொண்டிருந்தார். 30 ஆண்டு கால பணிக்குப்பிறகு ஹிக்கி சமீபத்தில் ஓய்வு பெற்றார்.

ஹிக்கி தனது பணியை மிகவும் நேசித்தவர்.பணியில் தனது சகாவாக இருந்த அஜெக்சையும் மிகவும் நேசித்தார். ஓய்வுக்கு பிறகு அஜெக்சும்,தானும் இணைந்திருக்கலாம் என்று நினைத்துக்கொண்டிருந்தார். ஆனால் கவால்துறை விதிகளால் அது சாத்தியமில்லை என அறிந்த போது நொந்துபோனார்.

அஜெக்ஸ் அவருடன் பணியாற்றிய பயிற்சி நாய்.அஜெக்சை தனது சகாவாகவும், நண்பனாகவும் கருதியிருந்தார். அதனால் தான் ஓயவுக்குப்பின் அஜெக்சை தானே பரமரிக்க விரும்பினார்.
ஆனால் சட்டங்களும்,விதிகளும் சில நேரங்களில் விசித்திரமானவை அல்லவா?

ஹிக்கி பணியில் இருந்து ஓய்வு பெற்றுவிட்டாரே தவிர,அஜெக்ஸ் இன்னமும் ஓய்வு பெறாமல் பணியில் இருப்பதால் அதனை அவரிடம் ஒப்படைக்க முடியாது என காவல்துறை சார்பில் மறுப்பு தெரிவிக்கப்பட்டது.
இத்தனைக்கும் ஹிக்கி, அந்த நாயை தன்னுடனே வைத்துக்கொள்வதற்காக அதை விலைக்கு வாங்கி கொள்ளவும் தயாராக இருந்தார். ஆனால் நாயை விற்பதாக இருந்தாலும் ஏலம் மூலம் மட்டுமே அளிக்க முடியும் என காவல் துறை தரப்பில் தெரிவிக்கப்பட்டது.

இதனால் அதிகாரி சிக்கி சோகத்தில் மூழகியிருந்த நிலையில் இந்த செய்தி உள்ளூர் வட்டாரங்கள் பரவிய போது, உள்ளூர்வாசிகள் அவரது ஏக்கத்தையும்,ஏமாற்றத்தையும் புரிந்து கொண்டு அவருக்கு மனமிறன்கினர். ஆனால் அத்துடன் நிற்கவில்லை, மாற்றத்திற்கான இணைய கோரிக்கைகளை சமர்பித்து ஆதரவு திரட்டுவதற்கான சேஞ்ச்.ஆர்க் தளத்தின் மூலம் ஹிக்கிக்கு ஆதரவாக ஒரு கோரிக்கை மனுவை உருவாக்கினார். ஹிக்கியிடமே அஜெக்ஸ் ஒப்படைக்கப்பட வேண்டும் என கோரிய அந்த மனுவில் 24,000 பேருக்கு மேல் கையெழுத்திட்டு இந்த கோரிக்கைய வலியுறுத்தினர்.

இதனிடையே உள்ளூர்வாசிகள் பலரும், பேஸ்புக் மூலமும் நகரசபை மற்றும் காவல்துறைக்கு எதிராக தங்கள் கருத்துக்களை பதிவு செய்திருந்தனர். இணையவாசிகள் இத்துடன் நிற்கவில்லை. ஒருவேளை அஜெக்ஸ் ஏலம்விடப்பட்டால், அதை அதிகாரி ஹிக்கியே வெற்றிகரமாக ஏலம் எடுக்க உதவுவதற்காக நிதி திரட்டித்தரவும் கோஃபண்ட் மீ இணையதளத்தில் ஒரு கோரிக்கை பக்கத்தை அமைத்து நிதி திரட்டினர்.

இதற்கும் ஆதரவு குவிந்தது. நான்கே நாட்களுக்களில் 68,000 டாலர்களுக்கு மேல் நிதி குவிந்துவிட்டது. ( ஏலம் போக எஞ்சிய தொகை நாய்களின் நலனுக்கான அமைப்பிற்கு நன்கொடையாக அளிக்கப்படும் என தெரிவிக்கப்பட்டுள்ளது).
நிச்சயம் ஹிக்கி இப்படி ஒரு ஆதரவை முகம் தெரியாத மனிதர்களிடம் இருந்து எதிர்பார்த்திருக்க மாட்டார்.
இந்த இணைய பக்கத்தில் நூற்றுக்கணக்கானோர் அஜெக்சை ஹிக்கியே தொடர்ந்து வளர்க்கும் உரிமையும்,நியாயமும் உள்ளவர் என்று கருத்து தெரிவித்துள்ளனர். மனிதர்களுக்கும், அவர்களால் வளர்க்கப்படும் செல்லப்பிராணிகளுக்கும் ஏற்படும் விஷேச பிணைப்பையும், அதற்கு குறுக்கே விதிகள் நிற்க கூடாது எனும் கருத்தையும் அவை பலவிதங்களில் பிரதிபலிக்கின்றன.

இந்த பிரச்சனையில் தற்போதைய நிலை என்ன என்ற அப்டேட்டும் அந்த பக்கத்தில் இடம்பெற்று வருகின்றன.
இணையத்தின் ஆற்றலை உணர்த்தும் எண்ணற்ற உதாரணங்களில் இந்த நிகழ்வும் இணைந்துள்ளது.
ஹிக்கிக்காக நிதி திரட்ட உருவாக்கப்பட்ட இணைய பக்கம்; https://www.gofundme.com/yumeagsk

———–
regret
வீடியோ புதிது; வாழ்க்கை பாடம்

வாழ்க்கையில் செய்யத்தவறியதற்காக நீங்கள் மிகவும் வருந்தும் விஷயம் எது? இந்த கேள்வி எப்போதாவது உங்கள் மனதில் தோன்றியதுண்டா? இந்த கேள்வி கேட்கப்பட்டால் உங்கள் பதில் என்னவாக இருக்கும்?
யூடியூப் வீடியோ ஒன்று இதே கேள்வியை கேட்கும் வகையில் உருவாக்கப்பட்டுள்ளது.அமெரிக்காவில் உள்ள சமூக செய்தி நிறுவனமான ஏபிளஸ் இந்த வீடியோவை உருவாக்கி பதிவேற்றியுள்ளது.

இந்த வீடியோவுக்காக நியூயார்க் நகரின் மையப்பகுதியில் பெரிய கரும் பலைகை வைக்கப்பட்டு அதில், உங்கள் வாழ்க்கையில் செய்யத்தவறியதற்காக நீங்கள் மிகவும் வருந்தும் விஷயம் எது? எனும் கேள்வி எழுதப்பட்டிருந்தது.
இந்த பலைகையை பார்க்கத்துவங்கும் நபர்கள் ஆர்ம்ப தயக்கத்திற்கு பிறகு அதில் வந்து தங்களி மனதில் உள்ள வருத்தங்களை எழுதத்துவங்கினர்.

கனவுகளை பின் தொடரமால் போனது, மருத்துவக்கல்லூரியில் சேராமல் போனது,மேலும் தீவிரமாக அன்பு செலுத்த தவறியது… என வரிசையாக ஒவ்வொருவரும் தங்கள் மனதில் உள்ள வருத்தங்களை வார்த்தைகளாக எழுதுகின்றனர்.

வீடியோவின் நடுவில், எல்லோரு மனதிலும் உள்ள வருதங்களில் உள்ள பொதுத்தன்மை சுட்டிக்காட்டப்படுகிறது. செய்யத்தவறிய செயல்களும்,பேசத்தவறிய வார்த்தைகளும் ,மேற்கொள்ள மறந்த கனவுகளும் தான் அவை என குறிப்பிடப்படும் போது உள்ளத்தை லேசாக அசைத்து பார்க்கவே செய்கிறது.

இப்படி வருத்தமாக நினைவுகளில் மூழ்கச்செய்யும் வீடியோவில் அதன் பிறகு ஒரு சின்ன திருப்பம் வருகிறது.
அந்த கரும்பலகையில் உள்ளவை எல்லாம் அழிக்கப்பட்டு முற்றிலும் புதிய கரும் பலைகை தோன்றுகிறது. அதைத்தொடந்து ஒவ்வொரு தினமும் ,அதில் நீங்கள் செய்யாததற்கு வருந்தும் விஷயங்களை செய்யுங்கள் எனும் ஊக்கம் தரும் வாசகத்துடன் வீடியோ முடிகிறது.இது போல மேலும் பல வீடியோக்கள் இந்த சமூக செய்தி தளத்தின் யூடியூப் சேனலில் உள்ளன.

நீங்களும் பார்த்து ஊக்கம் பெறுங்கள்; https://www.youtube.com/watch?v=R45HcYA8uRA

தளம் புதிது; கோப்பு நோக்கி

இணையத்தில் உலாவும் போது குறிப்பிட்ட வடிவிலான கோப்புகளை பார்ப்பதில் சிக்கலை உணர்ந்த அனுபவம் உங்களுக்கு இருக்கலாம். வழக்கமான வடிவிலான கோப்புகள் எனில் கிளிக் செய்தவுடன் திறக்கப்பட்டுவிடும். ஆனால் ஜிபி பைல் போல வேறு விதமான வடிவங்களில் இருந்தால் அவற்றை திறப்பதற்காகவே தனி மென்பொருளை நாட வேண்டும். இமெயிலில் வரும் கோப்பு வடிவங்களில் கூட இது போன்ற சிக்கலை நீங்கள் உணர்ந்திருக்கலாம்.

இது போன்ற நேரங்களில் குறிப்பிட்ட அந்த கோப்பு வடிவத்தை திறந்து பயன்படுத்த ஏற்ற மென்பொருளை இனி நீங்கள் தேடி அலைய வேண்டாம்.டாக்ஸ் ஆல்லைன் வியூவர் மூலம் எந்த வடிவிலான கோப்பையும் நீங்கள் எளிதில் பயன்படுத்தலாம். இதற்காக எந்த மென்பொருளும் தேவையில்லை. இந்த தளத்தில் இருந்து கோப்புகளை திறப்பதற்கான சேவையை டவுண்லோடு செய்து நிறுவிக்கொண்டால் போதும். உங்கள் பிரவுசரில் நீட்டிப்பு சேவையாக இது செயல்படும். அதன் பிறகு எந்த வடிவில் கோப்பை பெற்றாலும் அதன் மீது, இந்த சேவையின் ஐகானை கிளிக் செய்தால் போதும் அது திறக்கப்பட்டுவிடும். பிரவசரில் இருந்தே இதனை பயன்படுத்தலாம்.

இணையதள முகவரி: dov.parishod.com/

செயலி புதிது; செய்திகளை டாஸ் செய்யவும்

indexஇன்ஷார்ட்ஸ் செயலியை நீங்கள் அறிந்திருக்கலாம்; பயன்படுத்தியும் வரலாம். செய்தி திரட்டி வகையை சேர்ந்த இந்த செயலி, முக்கிய செய்திகளை 60 வார்த்தைகளில் சுருக்கமாக தெரிந்து கொள்ளும் சேவையை அளித்து செய்திப்பசியை தீர்க்கிறது;நேரத்தையும் மிச்சமாக்கி தருகிறது.

இப்போது இன்ஷார்ட்ஸ் தனது வாசகர்களுக்காக டாஸ் எனும் புதிய வசதியை அறிமுகம் செய்திருக்கிறது. வாசகர்கள் தாங்கள் முக்கியமாக கருதும் செய்தியை டாஸ் செய்யலாம்.அதாவது அந்த செய்தியை தங்கள் தொடர்பு பட்டியலில் உள்ளவர்களுடன் பகிர்ந்து கொள்ளலாம். ( அவர்களும் இன்ஷார்ட்ஸ் பயனாளிகளாக இருக்க வேண்டும்).

நண்பர்களுக்கு முக்கிய செய்திகளை நோட்டிபிகேஷன் வடிவில் தெரிவிக்கும் வசதி இது.
பொதுவாக எல்லா செய்தி தளங்களுமே வெளிடத்தக்க செய்திகளை தேர்வு செய்ய ஒரு அளவுகோள் வைத்திருக்கின்றன.அதனடிப்படையில் தான் செய்திகளை தேர்வு செய்கின்றன,நிராகரிக்கின்றன; முன்னிறுத்துகின்றன.

இந்த தேர்வை கொஞ்சம் ஜனநாயகமயமாக்கும் வகையில், பயனாளிகள் தாங்கள் முக்கியமாக கருதும் செய்திகளை நண்பர்கள் வட்டத்தில் பகிர்ந்து கொள்ளும் வகையில் டாஸ் வசதியை அறிமுகம் செய்துள்ளதாக் இன்ஷார்ட்ஸ் வலைப்பதிவு தெரிவிக்கிறது. ஆண்ட்ராய்டு மற்றும் ஐபோனில் செயல்படும் இந்த வசதியை பயன்படுத்த முதலில் பயனாளிகள் தங்கள் மொபைல் எண் மூலம் பதிவு செய்து கொள்ள வேண்டும்.

மேலும் விவரங்களுக்கு: http://blog.inshorts.com/2016/01/introducing-toss-without-the-jargon/

பாஸ்வேர்டு எச்சரிக்கை

மோசமான பாஸ்வேர்டுகளின் பட்டியல் மீண்டும் வெளியாகி இருக்கிறது. இந்த பட்டியல் இணைய உலகின் மோசமான பாஸ்வேர்டுகளை அடையாளம் காட்டுகிறது. அதோடு கடந்த ஆண்டு போலவே 12346 என்பதும் பாஸ்வேர்டு என்பதுமே மிக மோசமான பாஸ்வேர்டாக இருப்பதையும் உணர்த்துகிறது.ஸ்பிலேஷ் டேட்டா எனும் நிறுவனம் கடந்த சில ஆண்டுகளாக இந்த பட்டியலை வெளியிட்டு வருகிறது. இணையத்தில் பயன்படுத்தப்படும் பாஸ்வேர்டுகள் பாதுகாப்பானதாக இருக்க வேண்டும் என்பது பலவிதங்களில் வலியுறுத்தப்படுகிறது. இல்லை என்றால் தாக்காளர்கள் மற்றும் இதர இணைய களவாணிகள் கைகளில் சிக்கும் வாய்ப்பு இருப்பது பற்றியும் தொடர்ந்து எச்சரிக்கப்பட்டு வருகிறது.

இந்த எச்சரிக்கையை மீறி பலரும் பாஸ்வேர்டு விஷயத்தில் அலட்சியமாகவே இருக்கின்றனர். அதன் விளைவு தான் மிக மிக எளிதாக ஊகித்துவிடக்கூடிய எண்களின் வரிசை, வெல்கம், பேஸ்பால் மற்றும் பாஸ்வேர்டு போன்றவற்றை பாஸ்வேர்டாக பயன்படுத்தும் பழக்கமும் தொடர்கிறது.

இது போன்ற பலவீனமான பாஸ்வேர்டுகளையே மோசமான பாஸ்வேர்டுகளாக ஸ்பிளேஷ் டேட்டா பட்டியலிட்டுள்ளது. கடந்த ஆண்டில் இணையத்தில் நடத்தப்பட்ட தாக்குதல் மற்றும் பாஸ்வேர்டு திருட்டுகளின் போது பகிரங்கமாக தெரியவந்த பாஸ்வேர்டுகளில் இருந்து இந்த பட்டியல் தயாரிக்ப்பட்டுள்ளது என்பது தான் கவனிக்க வேண்டிய விஷயம். எனவே உங்கள் பாஸ்வேர்டு நிலை குறித்தி அறிய இந்த பட்டியலையுக் கொஞ்சம் பார்த்துக்கொள்ளுங்கள்; https://www.teamsid.com/worst-passwords-2015/