Tag Archives: quote

happy new year 2015 god krishna wallpaper

புத்தாண்டு வாழ்த்துக்கள் -சிறந்த இணையதளங்கள்

[highlight txtcolor=”#eeee22″]ஆண்டின் ஒவ்வொரு நாளும் சிறந்த தினமே என்று உங்கள் இதயத்தில் எழுதி கொள்ளுங்கள் -[/highlight] எமர்சன்

புத்தாண்டு தொடர்பான சிறந்த இணையதளம் எது?  புத்தாண்டு வாழ்த்து சொல்வதும் , புத்தாண்டு வால்பேப்பர்களும் தான் உங்கள் மனதில் இருக்கின்றன என்றால் இந்த கேள்விக்கான பதில் http://www.happynewyear2015wallpaper.com/ . புத்தாண்டு இணையதளங்களில் மனதில் கொள்ள வேண்டிய விஷயம் என்ன என்றால் , அவை நிஜ தளங்களா? அல்லது நிழல் தளங்களா என்று புரியாத குழப்பம் தான்.  நிழல் தளங்கள் என்றால் புத்தாண்டு தொடர்பான குறிச்சொல் மூலம் கிடைக்கும் இணைய போக்குவரத்தை பயன்படுத்திக்கொண்டு விளம்பரம் மூலம் பணம் சம்பாதிப்பதற்காக அமைக்கப்பட்ட தளங்கள். இவற்றில் புத்தாண்டு குறிச்சொல்லை முன்னிலை படுத்தும் வகையில் ஏதேனும் தகவல் இருக்குமே தவிர ஊக்கமோ உற்சாகமோ தரக்கூடியவை அதிகம் இராது.

இப்படி புத்தாண்டு 2015 எனும் பெயரை தாங்கிய தளங்கள் பல இருக்கின்றன. மேலே சொன்ன இணையதளமும் இதே ரகமோ என சந்தேக்க வைத்தாலும் அதில் உள்ள தகவல்கள் புத்தாண்டை மெருக்கூட்டக்கூடிய வகையிலேயே இருக்கின்றன. புத்தாண்டு கொண்டாட்ட புகப்படங்கள், புத்தாண்டு மேற்கொள்கள், புத்தாண்டு வாழ்த்துக்கள் என வண்ணமயமாக இருக்கிறது இந்த தளம். குறிப்பாக புத்தாண்டு வால்பேப்பர்கள் அருமை. இந்தியா சார்ந்த வால்பேப்பர்களும் இருக்கின்றன. ஒவ்வொருவருக்கும் எப்படி புத்தாண்டு வாழ்த்து சொல்வது என்ற விவரமும் இருக்கிறது. புத்தாண்டில் உலா வந்தால் ஏமாற்றம் அளிக்காது. விளம்பரத்திற்காக அமைக்கப்ப்ட்டிருக்குமோ என்ற எண்ண்ணத்தை அளித்தாலும் இந்த தளம் அதை ஓரளவு நேர்மையுடன் நிறைவேற்றுவதை, விளம்பர்த்துக்காக மட்டுமே அமைக்கப்பட்டுள்ளது என்பதை அப்பட்டமாக உணர்த்தும் இந்த தளம் ; http://www.happynew-year.com/ மூலம் தெரிந்து கொள்ளலாம்.

இருக்கட்டும் , புத்தாண்டு தொடர்பாக அறிந்து கொள்ள வேண்டிய இரண்டு பொதுவான இணையதளங்களை பார்க்கலாம். ஒன்று டைம் அண்ட் டேட்.காம். இணையத்தின் மிக பழமையான இணையதளம் இது. உலகின் நேரம் காட்டி!. இந்த தளத்தில் உலகின் ஒவ்வொரு மூளையிலும் தற்போதைய நேரம் ,பல்வேறு டைம்சோன் ,நாட்காட்டி என பல விஷயங்களை தெரிந்து கொள்ளலாம். அவசியம் புக்மார்க் செய்ய வேண்டிய தளங்களில் முதம் 25 இடங்களில் எதில் வேண்டுமானலும் இந்த தளத்தை சேர்ந்த்துக்கொள்ளலாம். அது மட்டும் அல்ல புத்தாண்டை முன்னிட்டு விஷேச தகவலையும் இந்த தளம் அளிக்கிறது; புத்தாண்டி கவுண்டவுனை வழங்கியது. கவுண்டவுன் முடிந்து விட்டாலும் இதில் 2015 நாட்காட்டியை பார்க்கலாம்; http://www.timeanddate.com/calendar/?year=2015

இதே போல புத்தாண்டில் நினைவில் கொள்ள வேண்டிய இன்னொரு தளம் பிரைனிகோட்; இந்த தளம் புத்தாண்டுடன் நேரடியாக தொடர்புடையது அல்ல. இது மேற்காள்களுக்கான தளம். மேற்கோள்கள் அல்லது மொன்மொழிகளுககான தேடியந்திரம் மற்றும் வலைவாசலாக இந்த தளம் விளங்குகிறது. பொன்மொழிகளுக்கான தளம் எப்படி இருக்க வேண்டும் என்பதற்கு உதாரணமாக அமையும் இந்த தளம் எந்த குறிச்சொல்லுக்கான மேற்கோள்களையும் கொண்டிருக்கிறது.  புத்தாண்டு என தேடிப்பார்த்தால் புத்தாண்டு தொடர்பான அருமையான பொன்மொழிகளை காணலாம்.

கிழே ஆங்கில கவிஞர் டெனிசனின் புத்தாண்டு மேற்கோள்; http://www.brainyquote.com/quotes/quotes/a/alfredlord676236.html?src=t_newyears

வரவிருக்கும் ஆண்டுக்குள் இருந்து நம்பிக்கை புன்சிரிப்புடன் கிசுகிசுக்குகிறது; இது மகிழ்ச்சியாக இருக்கும்- டெனிசன்

அனைவருக்கும் புத்தாண்டு வாழ்த்துக்கள்.

மேலும் பயனுள்ள இணையதளங்கல், இணைய போக்குகள் மற்றும் இணைய கட்டுரைகளுடன் புதிய பகுதிகளுடன் தொடர்ந்து சந்திப்பொம்.- அன்புடன் சிம்மன்

 

பொன்மொழிகளுக்கான இரண்டு இணையதளங்கள்

qபொன்மொழிகளுக்கான இணையதளங்களில் தாட்ஜாய் ( http://thoughtjoy.com/) மற்றும் கோட்ஸ்4ஆல் (http://quotes4all.net/ ) இடையே போட்டியே வைக்கலாம் , இந்த இரண்டு இணையதளங்களில் எது மிக எளிமையாக இருக்கிறது என்று ? அந்த அளவுக்கு இரண்டு தளங்களும் நேர்த்தியான எளிமையோடு அமைந்துள்ளன.

தாட்ஜாய் , பொன்மொழி தேடியந்திரமாக வரவேற்கிறது. முகப்பு பக்கம் அத்தனை எளிமை. நடுநாயகமாக ஒரு தேடல் கட்டம். அதில் பொன்மொழிகளை தேடலாம். அதன் கீழே பொன்மொழிகளை ,மூன்று விதமான தலைப்புகளில் பட்டியலாக பார்க்கலாம். அருகிலேயே டிவிட்டர் அல்லது பேஸ்புக் மூலம் தினம் ஒரு பொன்மொழி பெறும் வசதி இருக்கிறது. அவ்வளவு தான் இந்த பொன்மொழி தளம். ஆனால் இஷ்டம் போல பொன்மொழிகளை தேடிக்கொண்டே இருக்கலாம். குறிப்பிட்ட பொன்மொழி தேவை என்றால் தேடல் கட்டத்தை பயன்படுத்தலாம் .அல்லது, பொன்மொழி வகைகள் அல்லது பொன்மொழி சொன்னவர்கள் பட்டியலை கிளிக் செய்து வரிசையாக பொன்மொழிகளை பார்த்துக்கொண்டே இருக்கலாம். பொன்மொழி வகைகள் ஆங்கில அகர வரிசைப்படி அமைந்துள்ளன. ஒவ்வொரு தலைப்பாக பார்த்தால் நேரம் போவதே தெரியாது.

கோட்ஸ்பாரால்  தளமும் இதே முறையில் ஆனால் கொஞ்ச்ம் மாறுபட்டு இருக்கிறது. ( http://quotes4all.net/) . இதன் முகப்பு பக்கம் வரிசையாக பொன்மொழிகளுடன் வரவேற்கிறது. அந்த பொன்மொழிகளை படித்து ரசித்த பின், கீழ் பகுதியில் கிளிக் செய்தாலும் சரி அல்லது மேலே உள்ள பகுதிக்கு சென்றாலும் சரி பொன்மொழிகளின் உலகம் அகல விரிகிறது. கீழ்ப்பகுதியில் இணையவாசிகள் மத்தியில் பிரபலமாக உள்ள பொன்மொழி வகைகள் குறிப்பிடப்பட்டுள்ளன. அவற்றை கிளிக் செய்து பார்க்கலாம். அதற்கும் கீழே மேலும் பொன்மொழிகளுக்கான வாயில் ஒரு கிளிக்கில் திறக்கிறது. தளத்தின் மேல் பகுதியில் பார்த்தால், ஆங்கில எழுத்துக்களின் அகர வரிசை கண்களை உறுத்தாத வகையில் தரப்பட்டுள்ளது. எந்த எழுத்தை கிளிக் செய்தாலும் அந்த எழுத்தியில் துவங்கும் பொன்மொழிகளை காணலாம்.

பொன்மொழிகளை மதிப்பீடு செய்யும் வசதியும் இருக்கிறது. எளிமையான அமைப்பை மீறி இந்த தளங்களில் இருககூடிய செழுமை வியப்பானது.

தினம் தினம் விஜயம் செய்ய வேண்டிய தளங்கள் இவை . காலையில் ஒரு சில நிமிடங்களையாவது செலவிடுங்கள். இல்லை, அவப்போது நேரம் கிடைக்கும் போது சென்றுப்பாருங்கள் .உங்கள் வாழ்க்கை ஊக்கம் பெறட்டும்.

———-

தினமும் பொன்மொழியுடன் துவக்க விருப்பமா? கோட்சீக்ரெட் உட்பட சிறந்த பொன்மொழி இணையதள அறிமுகங்களுக்கு :

பேஸ்புக்கில் பொன்மொழிகளை பகிர்ந்து கொள்ள!.

பேஸ்புக் பகிர்வுகள் சுய தம்பட்டமாகவோ அல்லது சுய செய்திகளாக தான் இருக்க வேண்டுமா என்ன?அழகான பொன்மொழிகளையும் சிந்த்தனையை தூண்டக்கூடியகருத்துக்களையும் பேஸ்புக்கில் பகிர்ந்து கொள்ளலாம்.

இந்த பொன்மொழிகளை வழக்கமான செய்தியாக பகிர்ந்து கொள்ளாமல் அழகிய இணைய போஸ்டராக பகிர்ந்து கொள்ள முடிந்தால் இன்னும் சிறப்பாக இருக்கும்.அதாவது அவற்றுக்கு என தனி வடிவமைப்பு மற்றும் பிரத்யேக எழுத்துருக்களோடு பொன்மொழிகளை வெளியிட முடிந்தால் எளிதாக கவனத்தை ஈர்க்கலாம்.

இன்ஸ்பிரபிள் இணையதளம் இதை தான் சாத்தியமாக்குகிறது.

மேற்கோள்களை உருவாக்கவும் என்னும் பகுதிக்கு சென்றால் வரும் கட்டத்தில் நமக்கான வாசகத்தை பூர்த்தி செய்து விட்டு கீழே பெயரையும் குறிப்பிட்டால் அந்த வாசகத்தை அழகான இணைய போஸ்டராக மாற்றித்தருகிறது.

இறுதி வடிவத்தை தேர்வு செய்யும் முன் வடிவமைப்பை மாற்றவும் வாசகத்தை மாற்றவும் வாய்ப்பு தரப்படுகிறது.

பொன்மொழிகளை அல்லது நீங்கள் பகிர்ந்து கொள்ள விரும்பும் சிந்தனையை இப்படி மாற்றி பேஸ்புக் வாயிலாக பகிர்ந்து கொள்ளலாம்.

இந்த பொன்மொழிகளை பேஸ்புக்கில் மட்டும் அல்ல டிவிட்டரில் குரும்பதிவுகளாகவும் பகிர்ந்து கொள்ளலாம்.டெஸ்க்டாப்பில் ஸ்கீரின் சேவர் போலவும் செல்போன் திரையிக்காக ஸ்கீரின் சேவராகவும் கூட பகிர்ந்து கொள்ளலாம்.

வெளியிடுவதில் மட்டும் தான் ஆர்வம் என்றால் இந்த வசதியை பயன்படுத்தி பொன்மொழிகளை தயார் செய்து கொன்டு விடலாம்.இல்லை என்றால் இந்த தளத்தில் சக உறுப்பினர்கள் பகிர்ந்து கொண்டுள்ள மொழிகளை ஆர்வத்தோடு மேயலாம்.சமீபத்திய மொழிகள்,பிரபலமான மொழிகள்,அதிகம் பகிரப்பட்டவை போன்ற தலைப்புகளில் மொழிகளை காணலாம்.

இவற்றில் விரும்பிய மொழிகளை படித்த பின் அவை பற்றி நமது கருத்துக்களையும் பகிர்ந்து கொள்ளலாம்.

புதிய பின்மொழிகளை தெரிந்து கொள்ள இது சுவாரஸ்யமான வழியாக இருக்கிறது.

பத்து இருவது என பொன்மொழிகளை பகிர்ந்து கொண்ட உறுப்பினர்கள் எல்லாம் இருக்கின்றனர்.ஆக உங்களுக்கும் கூட அந்த பழக்கம் தொற்றிக்கொள்ளலாம்.

பேஸ்புக்கில் நம்மூர் பொன்மொழிகளையும் பழமொழிகளையும் பகிர்ந்து கொள்ளவும் இது சிறந்த வழி.

இணையதள முகவரி;http://inspirably.com/

பொன்மொழிகளுக்கான தேடியந்திரம்.

பொன்மொழி பிரியர்கள் ‘கோட் ஆல்பம்’ இணையதளத்தை பெரிதும் விரும்பக்கூடும்.காரணம் பொன்மொழிகள் மற்றும் மேற்கோள்களுக்கான தேடலை அந்த அளவுக்கு எளிமையாகவும் அதே நேரத்தில் நேர்த்தியாகவும் இது நிறைவேற்றி தருகிறது.

தோற்றத்திலும் உள்ளடக்கத்திலும் எல்லா பொன்மொழி தளங்கள் போன்றது என்றாலும் கூடுதல் அம்சங்களோடு செறிவானதாக உருவாக்கப்படுள்ளது கோட் ஆல்பம்.

வெறும் பொன்மொழிகளின் பட்டியலாக இல்லாமல் தேவைக்கேற்ற வகையில் பொன்மொழிகளை தேடிக்கொள்ளும் வகையில் இது அமைந்துள்ளது.பொன்மொழிகளை இதில் பலவிதங்களில் தேடலாம்.குறிப்பிட்ட தலைப்புகளின் கீழான பொன்மொழிகள் தேவை என்றால் பொன்மொழி வகைகளை கிளிக் செய்து தேடிக்கொள்ளலாம்.இல்லை குறிப்பிட்ட மேதை அல்லது எழுத்தாளர்களின் பெயரை குறிப்பிட்டு அவர்கள் சொன்ன பொன்மொழிகளாக தேடிக்கொள்ளலாம்.எழுத்தாளர்கள் மற்றும் தலைப்புகளின் பட்டியலும் தனியே கொடுக்கப்பட்டுள்ளது.

இவற்றை தவிர குறிப்பிட்ட குறிச்சொல்லிற்கான பொன்மொழிகளையும் தேடலாம்.

எந்த குறிப்பிட்ட தேவையும் இல்லை கருத்தை அகவரும் பொன்மொழி தேவை என்றாலும் ஏதோ ஒரு பொன்மொழியை காண்பிக்க சொல்லலாம்.சிறிய பொன்மொழிகள் ஒரு வரி பொன்மொழி ஆகியவற்றையும் குறிப்பிட்டு தேடலாம்.

இன்னுமொரு சிறப்பம்சமாக பொன்மொழி நாட்காட்டி அமைந்துள்ளது.நாட்காட்டியில் குறிப்பிட்ட நாளில் பிறந்த மேதைகளின் பொன்மொழிகளை இந்த நாட்காட்டி காட்டுகிறது.

அடுத்த முறை மேற்கோள் காட்ட பொருத்தமான பொன்மொழிகள் தேவைப்பட்டாலோ அல்லது மேதைகளின் அனுபவ வார்த்தைகளை படித்து ஊக்கம் பெறவோ விரும்பினால் இந்த தளத்தை பயன்படுத்தி பாருங்கள்!

இணையதள முகவரி;http://www.quotealbum.com/

————-
பொன்மொழிகள் வழங்கும் இணையதளம் தொடர்பான என் முந்தைய பதிவு பதிவு;http://cybersimman.wordpress.com/2011/09/17/quote-3/

தமிழில் தினமும் பொன்மொழிகளை பகிர்ந்து கொள்ளும் வலைப்பதிவு;http://ponmozi.blogspot.in/

இசை மேதைகளின் பொன்மொழிகளை தரும் இனையதளம் .

விழித்து கொள்ளுங்கள்,எழுந்து நில்லுங்கள்,உங்கள் உரிமைக்காக போராடுங்கள்;விழித்து கொள்ளுங்கள்,எழுந்து நில்லுங்கள் ஒரு போதும் போராடுவதை விட்டு விடாதீர்கள்’

இந்த வாசகம் ரெகே மன்னன் பாப் மார்லேவின் பொன்மொழிகளில் ஒன்று.

மார்லே வெறும் பாடகர் மட்டும் அல்ல;இசையின் மூலம் விடுதலையையும்,போராட்ட குணத்தையும் வலியுறுத்திய போராளி அவர்.இசையின் மூலம் சிந்தித்தவர் மார்லே.அவரது ஒவ்வொரு வார்த்தையும் ஊக்கம் தரக்கூடியது.

இந்த பிரகாசமான எதிர்காலத்தில் கடந்த கால சோகத்தை நீங்கள் மறந்து விடலாம் என்று ஊக்கப்படுத்தியவர் மார்லே.

இதுவும் மார்லேவின் பொன்மொழி தான்.இதே போல மார்லே உதிர்த்த பொன்மொழிகள் அநேகம் உள்ளன.

ஒவ்வொரு மனிதனும் தனக்கான விதியை தானே தீர்மானித்து கொள்ளூம் உரிமை பெற்றிருக்கிறான் என்னும் முழக்கமும் அவரது பொன்மொழி தான்.

வாழ்ந்து மடிவதற்கானது வாழ்கை என்று கற்பிக்கும் அமைப்பிற்கு எதிரானது எனது இசை!என்று அறிவித்தவர் மார்லே.

இசை போராளியான மார்லே மட்டும் அல்ல இசையை ஒரு வேள்வியாக நினைத்த அவரைப்போன்ற எல்லா மகத்தான பாடகர்களுமே தங்களது சிந்தனைகளை மறக்க முடியாத வாசகங்களாக விட்டுச்சென்றுள்ளனர்.

இப்படி இசை மேதைகளின் பிரபலமான மேற்கோள்களின் இருப்பிடமாக விளங்குகிறது ஜாஸ் கோட்ஸ் இணையதளம்.

மார்லேவின் மொழிகளை இந்த தளத்தில் காண முடியாது என்றாலும் ஜாஸ் இசை வடிவில் சிறந்து விளங்கிய மேதைகளின் பொன்மொழிகளை இந்த தளத்தில் காண‌லாம்.ஆம் இந்த தளம் ஜாஸ் இசையில் புகழ் பெற்று விளங்கிய பாடகர்களின் மேற்கோள்களை தொகுத்தளிக்கிறது.

அந்த வகையில் ஜாஸ் இசை பிரியர்களுக்கு இந்த தளம் மகிழ்ச்சியை தரலாம்.தங்களுடைய அபிமான ஜாஸ் இசை கலைஞர்களின் சிந்தனை சிதறல்களை இந்த தளத்தின் மூலம் தெரிந்து கொள்ளலாம்.

மற்ற இசை பிரியர்களுக்கும் இந்த தளம் மகிழ்ச்சியையே தரக்கூடும்.இசை மேதைகளின் மேற்கோள்கள் எல்ல்லோருக்கும் பொருந்தக்கூடியது தானே.

உதாரனத்திற்கு பிரபல ஜாஸ் இசை கலைஞரான லூயிஸ் ஆம்ஸ்டிராங்கின் மேற்கோளான ‘ஜாஸ் இதயத்திலிருந்து வருகிறடு,ஜாஸ் மூலம் வாழ்லாம்,ஜாஸ் இசையை நேசியுங்கள்’ என்னும் கருத்து எவரையும் கவரக்கூடியது தானே.

அதே போல சார்லி பார்கர் என்னும் பாடகரின்,முதன் முதலில் இசையை கேட்ட போது அது மிகவும் தூய்மையானதாக இருக்க வேண்டும்,துல்லியமானதாக,மக்கள் ரசிக்க கூடியதாக இருக்க வேண்டும் அழகானதாக இருக்க வேண்டும் என நினைத்தேன்’ என்று சொல்லியதை படிக்கும் போது அவரது இசை கொள்கையும் கோட்பாடும் புரிகிறது அல்லவா?

எனவே ஜாஸ் கலைஞர்கள் பொன்மொழிகள் மட்டுமே அடங்கியது என்ற போதிலும் மேதைகளின் சிந்தனைகளை அறிய விரும்பும் எவரையும் இந்த தளம் கவரும்.இதில் உள்ள பொன்மொழிகள் ஊக்கத்தையும் தரும்,வாழ்க்கையை பற்றிய புதிய ஒளிக்கீற்றையும் மின்னச்செய்யும்.

‘இசை தினசரி வாக்கையின் அழுக்குகளை கழுவிச்செல்கிறது’என்னும் பாடகர் ஆர்ட் பேக்கேவின் கருத்து இதற்கு உதாரணம் தானே.

‘எப்போதுமே முன்னோக்கி பாருங்கள்,ஒரு போதும் பின்னோக்கி பார்க்காதீர்கள்’என்னும் பாடகர் மைல்ஸ் டேவிசின் கருத்து இன்னொரு அழகான உதாரணம்.

மிக எளீமையான வடிவமைப்பு கொண்ட இந்த தளத்தில் பிரப்லமான ஜாஸ் படக்ர்களின் பொன்மைகளை படித்து ஊக்கம் பெறலாம்.உங்களூக்கு தெரிந்த மொழிகளை பரிந்துரைக்கும் வ‌சதியும் உள்ளது.

முடிக்கும் முன் மீண்டும் ஒரு மார்லே பொன்மொழி ;’இசை உங்களை தாங்கும் போது எந்த வலியையும் நீங்கள் உணராததே இசையின் தனித்தன்மை’

இணையதள முகவரி;http://jazz-quotes.com/

———–
பொன்மொழி தொடராபான முந்தைய பதிவு;http://cybersimman.wordpress.com/2011/12/21/quote-4/

——–
மேலும் ஒரு பொன்மொழி பதிவு.http://cybersimman.wordpress.com/2011/12/22/quote-5/