Tag Archives: smart phones

1-psmartphones

கேட்ஜெட் உலக செய்திகள்

ஸ்மார்ட்போன் சந்தையில் எப்படியோ, இப்போதைக்கு ஸ்மார்ட்வாட்ச் சந்தையில் சாம்சங் முதலிடத்தை பிடித்திருக்கிறது. புள்ளிவிவரங்களுக்காக அறியப்படும் இணையதளமான ஸ்டாஸ்டா இந்த தகவலை தெரிவித்துள்ளது.
2014 ம் ஆண்டியில் சாம்சங் 12 லட்சம் ஸ்மார்ட்வாட்ச்களை விற்பனைஉ செய்துள்ளதாக ஸ்டாடிஸ்டா தெரிவிக்கிறது. இரண்டாவது இடத்தை பிடித்திருக்கும் நிறுவனம் கிக்ஸ்டாட்ர்ட்டர் செல்லப்பிள்ளையான பெப்பில். ஏழு லட்சம் வாட்ச்களை பெப்பில் விற்பனை செய்துள்ளது. ஃபிட்பிட் நிறுவனம் மூன்றாவது இடத்தில் உள்ளது. சோனி, லெனோனோ, எல்ஜி. போன்றவை வரிசையாக அடுத்த இடங்களில் உள்ளன்.
மொத்தமாக கடந்த ஆண்டு 68 லட்சம் ஸ்மார்ட்வாட்கள் விற்பனையாகி இருக்கின்றன. ஸ்மார்ட்வாட்சின் சராசரி விலை 189 டாலர் ( ரூ.11,800) என்றும் தெரிவிக்கப்பட்டுள்ளது. அடுத்த மாதம் இறுதியில் ஆப்பிளின் ஸ்மார்ட்வாட்ச் அறிமுகம் ஆகும் போது இந்த நிலை மாறக்கூடும். இதனிடையே சீன சந்தையில் இப்போதே ஆப்பிள் ஸ்மார்ட்வாட்ச் போன்ற தோற்றம் கொண்ட போலி ஸ்மார்ட்வாட்ச்கள் விற்பனைக்கு வந்துவிட்டன. வடிவமைப்பில் ஆப்பில் வாட்ச் போலவே தோற்றம் கொண்ட இவை ஆண்ட்ராய்டில் இயங்குகின்றன. 35 டாலரில் இருந்து கிடைக்கும் இந்த போலி வாட்ச்கள் மின்வணிக தளங்களும் விளம்பரம் செய்யப்பட்டுள்ளன.
சீன சந்தையில் தயாரிப்புகள் நகலெடுக்கப்படும் வேகம் மிரள வைப்ப்பதாக வல்லுனர்கள் தெரிவித்துள்ளனர்.
ஆப்பிள் வாட்ச் ஏப்ரல் 24 முதல் விற்பனைக்கு வரும் நாடுகளின் பட்டியலில் இந்தியா இல்லை. ஆனால் இந்தியாவில் உள்ள ஆப்பிள் வாட்ச் ஆர்வலர்கள் கவலைப்பட வேண்டாம் ஜூன் மாத வாக்கிலேயே இந்தியாவிலும் ஆப்பிள் வாட்சி அறிமுகமாகலாம் என்பது லேட்டஸ்ட்டாக கசிந்திருக்கும் தகவல்.

சார்ஜர் மட்டும் அல்ல!

சின்ன பெட்டி போல இருக்கும் வொண்டர்கியூப் (WonderCube ) சாதனம் பற்றி அநேகமாக எல்லா முக்கிய தொழில்நுட்ப இணையதளங்களிலும் செய்தி வெளியாகியிருக்கிறது. என்கேட்ஜட் தளம் இதை சூப்பர் கியூப் என குறிப்பிட்டுள்ளது. அப்படி என்ன செய்கிறது இந்த வொண்டர்கியூப் ? உண்மையில் , ஒன்றல்ல பலவித பயன்பாடுகளை கொண்டிருக்கிறது இது. இந்த கன சதுர சாதனத்தை எந்தப்பக்கம் பிரித்தாலும் ஒரு பயன்பாடு இருக்கிறது. ஒரு பக்கத்தில் கேபிள் இணைப்பு வசதி கொண்டிருப்பதால், லேப்டாப் போன்ற மற்ற சாதனங்களுடன் இணைக்க பயன்படுத்திக்கொள்ளலாம். கோப்புகளை பேக் அப் எடுக்கவும் இது பயன்படும். இதே முறையில் போனை சார்ஜ் செய்யவும் பயன்படுத்தலாம். ஸ்மார்டிபோனில் வீடியோ அல்லது புகைப்படம் பார்க்க விரும்பினால், இதை போன் பின்னே வைத்து ஸ்டாண்டாக பயன்படுத்தலாம். யு.எஸ்பி சாதனமாகவும் பயன்படுத்திக்கொள்ளலாம். மெமரி கார்டையும் இதில் பொருத்திக்கொள்ளலாம். இருளில் டார்ச்சாகவும் ஒளி பாய்ச்சும்.
எல்லாவற்றுக்கும் மேல் ஸ்மார்ட்போனில் சார்ஜ் தீர்ந்து போய்விட்டால் ஒரு 9 வோல்ட் பேட்டரியை இணைத்து அவசரகால சார்ஜராகவும் பயன்படுத்திக்கொள்ளலாம். எட்டுவிதமான மொபைல் பயன்பாடுகள் ஒரே சாதனத்தில் இருப்பதாக வொண்டர்கியூப் பெருமைப்பட்டுக்கொள்கிறது.
அழகாக சாவிக்கொத்தில் கோர்த்துக்கொண்டு எங்கும் எடுத்துச்செல்லலாம். இதுவே அழகான சாவிக்கொத்தாகவும் இருக்கும்.
இணைய நிதி திரட்டும் மேடையான இண்டிகோகோவில் அறிமுகமாகி இருக்கிறது இந்த வொண்டர்கியூப். முயற்சியை ஆதரிக்க விரும்புகிறவர்கள் முன்பதிவு செய்து கொண்டால் 40 டாலருக்கு இந்த சாதனம் அனுப்பி வைக்கப்படுமாம்!.
மேலும் தகவல்களுக்கு: https://www.indiegogo.com/projects/wondercube-8-mobile-essentials-in-one-cubic-inch

—–
வாட்ஸ் அப் அழைப்பு சேவை

மெசேஜிங் சேவைகளில் பிரபலமாக இருக்கும் வாட்ஸ் அப் குரல் வழி வசதி பற்றி கொஞ்ச காலமாகவே பேசப்பட்டு வருகிறது. இந்த வாட்ஸ் அப் காலிங் வசதி இப்போது பயனாளிகளுக்கு அறிமுகமாகியுள்ளது. வாட்ஸ் அப் மெசஞ்சரின் சமீபத்தில் வடிவில் இதை பயன்படுத்தலாம். ஆண்ட்ராய்டு போன்களில் கூகுள் பிளேவில் இருந்து இதை டவுண்லோடு செய்து கொள்ளலாம். (வர்ஷென் 2.11.561)
இந்த வசதியை நிறுவும் முறை சுபலமானது. முதலில் கூகுள் பிளேவில் இருந்து டவுண்லோடு செய்யவேண்டும். ஆனால் இதன் பிறகு வேறு ஒரு பயனாளியிடம் இருந்து அழைப்பு வந்தால் தான் இந்த சேவை ஆக்டிவேட் ஆகும். எனவே சக பயனாளிகளிடம் கோரிகை அவைத்து அவர்கள் அழைத்த பிறகு , வாட்ஸ் அப்பில் செய்லையில் அரட்டை வசதிக்கு அருகே கால் செய்யும் வசதியை பார்க்கலாம்.
அதிகார்பூர்வ செயலிகளை மட்டுமே வாட்ஸ் அப் அங்கீகரிப்பதால் கூகுளில் பிளேவில் இருந்து அல்லது வாட்ஸ் அப் இணையதளத்தில் இருந்து டவுண்லோடு செய்யவும்: இதனிடையே ஐபோனிலும் இந்த வசதியை வாட்ஸ் அப் அறிமுகம் செய்ய ஆயுத்தமாகி கொண்டிருப்பதாக தகவல்!
டவுண்லோடு செய்ய; https://play.google.com/store/apps/details?id=com.whatsapp&hl=en

——-

போனுக்கு இரண்டாம் திரை

யோட்டோ போனி இரட்டைத்திரை அம்சம் பிடித்திருந்தால், அதே போன்ற அம்சத்தை மற்ற ஸ்மார்ட்போனிலும் கொண்டு வர வழி இருக்கிறது தெரியுமா? இன்க் கேஸ் பிளஸ் ( InkCase Plus) தான் அந்த வழி. இங்க் கேஸ் பிளஸ் ஆண்ட்ராய்டு ஸ்மார்ட்போன்களுக்கான கேஸ் போன்றது. கேஸ் மட்டும் அல்ல, இதுவே இன்னொரு திரையாக இருக்கும். பிரதான திரையில் பேட்டரியை மிச்சம் செய்ய இதை பயன்படுத்தலாம். டிஸ்பிளேவில் நோட்டிப்பிகேஷன் தெரியும். முக்கிய செயலிகளை பயன்படுத்தலாம். புகைப்படங்களை பார்க்கலம். மின்னூல்களை படிக்கலாம்., 3.5 இன்ச் அகலம் கொண்டது. இதிலேயே பேட்டரி உள்ளது. ப்ளூடூத் வசதியும் கொண்டிருக்கிறது. பிடித்தமான புகைப்படங்களை இதில் தோன்றச்செய்யலாம். தனியே மின்னூல் வாசிப்பாகவும் ( இபுக் ரீடர்) பயன்படுத்தலாம். ஸ்மார்ட்போனுக்கான பாதுகாப்பாகவும் ஒருக்கும். இரண்டாம் திரையாகவும் இருக்கும். தனியாகவும் பயன்படுத்தலாம், பிட்கேசுடம் சேர்ந்தும் பயன்படுத்தலாம். கிக்ஸ்டார்ட்டர் இணைதளம் மூலம் கடந்த ஆண்டு அறிமுகமான இது இப்போது பொதுவான பயனாளிகளுக்கும் விற்பனைக்கு வந்திருக்கிறது. சிங்கப்பூரைச்சேர்ந்த ஆகிசிஸ் ( Oaxis) நிறுவன தயாரிப்பு; இதற்கான துணை செயலியும் இருக்கிறது.
மேலும் தகவல்களுக்கு: http://www.oaxis.com/shop/product_detail.php?id=16

———–

கார்பனின் புதிய போன்

கார்பன் நிறுவனம் தனது டைட்டானியம் ஸ்மார்ட்போன் வரிசையில் டைட்டனியம் மேக் டு ( Titanium Mach Two) புதிய போனை அறிமுகம் செய்துள்ளது. 112 கிராம் எடை கொண்ட இது கோரிங் கொரில்லா கிலாஸ் 3 கொண்டுள்ளது. இதனால் கீறல் விழ வாய்ப்பில்லை என்கிறது,.
5 இன்ச் டிஸ்பிளேவுடன் 8 மெகாபிக்சல் முன் பக்க மற்றும் பின் பக்க காமிரா இருக்கின்றன. 1.4GHz ஆக்டா கோர் பிராசஸர் கொண்டுள்ளது. ஆண்ட்ராய்டு கிட்கேட் 4.4. வர்ஷன் என்றாலும் ஆண்ட்ராய்டு லாலிபாப்பிற்கு மேம்படுத்திக்கொள்ளலாம். 8 ஜிபி சேமிப்புத்திறன் மற்றும் மைக்ரோ எஸ்டி கார்டு வசதியும் கொண்டுள்ளது. இரட்டை சிம்முடன் அடர் நீள நிறத்தில் கிடைக்கிறது. விலை. ரூ. 10,490.

—-

லாவாவின் புதிய அறிமுகம்

லாவா தனது பியல் சீரிசில் இரண்டு புதிய ஸ்மார்ட்போன்களை அறிமுகம் செய்துள்ளது. ஐரிஸ் பியல் 10 மற்றும் ஐரிஸ் பியல் 25 (Iris Fuel 25 )ஆகிய் இஒந்த போன்கள் மேம்பட்ட பேட்டரி ஆற்றலை கொண்டிருப்பதாக லாவா தெரிவிக்கிறது. ஐரிஸ் பியல் 10 மாதிரி 4.5 இன்ச் டிஸ்பிளே கொண்டிருக்கிறது. நல்ல ரிசல்யூஷன் கொண்டது. 5 மெகாபிக்சல் பின் பக்க காமிரா மற்றும் 2 மெகாபிக்சல் முன் பக்க காமிரா கொண்டிருக்கிறது. இதன் பின் பக்கத்தில் செல்ஃபிக்கான தனி பட்டன் இருகிறதார். புகைப்படத்தை குரல் வழியே கட்டுப்படுதலாம்.
ஆண்ட்ராய்டு கிட்கேட் 4.4. கொண்டுள்ளது.பின்னர் ஆண்ட்ராய்டு லாலிபாப்பிற்கு மேம்படுத்திக்கொள்ளலாம். 3ஜி வசதி கொண்டது.
ஐரிஸ் பியல் 25 மாதிரி 5 இன்ச் டிஸ்பிளே கொண்டிருக்கிறது. காமிரா சிப் சென்சார் கொண்ட பின் பக்க காமிரா மற்றும் முன் பக்க காமிரா உள்ளது. இதன் பேட்டரி 15 நிமிட தொடர் பேசும் ஆற்றல் கொண்டதாக லாவா சொல்கிறது. 4 ஜிபி சேமிப்புத்திறன் கொண்டது. ரூ.6,541 மற்றும் ரூ.5,666 விலையில் கிடைக்கின்றன.

—-

தமிழ் இந்துவில் எழுதியது

1look

கூட்டத்தில் நண்பர்களை தேட உதவும் எளிமையான செயலி

இதோ இன்னொரு முட்டாள்தனமான செயலி, ஆனால் இதை நிச்சயம் நீங்கள் விரும்புவீர்கள் – இப்படி தான் ஸ்மார்ட்போன் உலகிற்கான புதிய செயலியான லுக்பாரை (LookFor ) அதனை உருவாக்கியுள்ள லோகன் ரைலே அறிமுகம் செய்கிறார்.

எல்லாமே ஸ்மார்ட் அடைமொழியுடன் அறிமுகமாகி கொண்டிருக்கும் உலகில் ஸ்மார்ட்போன்களின் உலகில் மட்டும் முட்டாள்த்தனம் எனும் வர்னணை மிகவும் பிடித்தமானதாக இருக்கிறது. பல வடிவமைப்பாளர்கள், புத்திசாலித்தனமானது என்றெல்லாம் மார்தட்டிக்கொள்ளாமல், இது கொஞ்சம் மடத்தனமான செயலி என்று சற்றே கூலாக தங்கள் புதிய செயலிகளை முன் வைக்கின்றனர்.

அதாவது, எங்கள் செயலி அதை செய்யும், இதை செய்யும் என்றெல்லாம் ஓவராக பேசமாமல், கொஞ்சம் விளையாட்டுத்தனமாக முட்டாள் செயலிகளாக இவை அறிமுகம் செய்யப்பட்டாலும் இவை முற்றிலும் பயனில்லாதவை என்று சொல்லிவிட முடியாது. இந்த செயலிகளும் நிச்சயம் பயனுள்ளவை தான்,.ஆனால் அந்த பயன்பாடு குறிப்பிட்ட நோக்கம் மற்றும் வரம்பு சார்ந்தது.

எல்லாவற்றுக்கும் மேல் இந்த செயலிகள் நிச்சயம் முதல் பார்வையில் உங்களை கவர்ந்திழுத்து குறைந்தபட்சம் அட போட வைக்கும்.
சமீபத்திய அறிமுகமான லுக் பார் இதற்கு அழகான உதாரணம்.
உலகின் மடத்தனமான இந்த செயலி, எந்த கூட்டத்திலும் உங்கள் நண்பர்களை அடையாளம் காண உதவுகிறது. எப்படி?
1look1
இந்த செயலியை பயன்படுத்த தீர்மானித்து அதை டவுன்லோடு செய்து கொண்டால் அதில் தேர்வு செய்ய அதிக அம்சங்க்ள் கிடையாது.அதில் இருப்பதெல்லாம் வண்ணங்கள் தான். அந்த வண்ணத்தில் ஒன்றை தேர்வு செய்து கொண்டால் உங்கள் போன் திரை அந்த வண்ணத்தில் பளிச் என கண் சிமிட்டும். அவ்வளவு தான் இந்த செயலி!
இதனால் என்ன பயன்? கூட்டமான இடங்களில் உங்கள் நண்பர்களை தேட இதை பயன்படுத்தலாம். அதாவது, பலர் கூடியுள்ள இடங்களில் இந்த செயலியை கிளிக் செய்து போனை கையுயர்த்தி காட்டினால், கூட்டத்தில் எங்கோ இருக்கும் நண்பர்களுக்கு, இதே நானிருக்கிறேன் என வண்ண போன் சிமிட்டல் மூலம் உணர்த்தலாம்.
இதெல்லாம் ஒரு செயலியா என கேட்கத்தோன்றுகிறதா? உண்மை தான் என இதன் உரிமையாளர் ரைலேவும் ஒப்புக்கொள்கிறார். ஆனாலும், கூட்டம் நிறைந்த இசை கச்சேரிகளிலோ, திரையரங்களிலோ உங்களை நண்பர்களுக்கு உணர்த்த இது கைகொடுக்கும் என்று நம்புகிறார்.

தேவைப்பட்டால் நண்பர்களுக்கு இந்த செயலி பற்றி குறுஞ்செய்தி அனுப்பி அதில் வண்ணத்தையும் குறிப்பிட்டு பின்னர் போனை உயர்த்தி காட்டலாம் என்கிறார்.
கூட்டம் நிறைந்த இடங்களில் நண்பர்களை தேட இது நிச்சயம் பயன்படும் என்று ரைலே உறுதியுடன் சொல்கிறார். ஏனெனில் அவருக்கு இப்படி ஒரு தேவை ஏற்பட்டதால் தான் இந்த செயலியை உருவாக்கும் எண்ணமே உண்டானதாம்.

இசை விழா ஒன்றில் பங்கேற்ற போது அந்த கூட்டத்தில் நண்பர்கள் இருக்கின்றனரா என தேடிப்பார்க்க ஒரு எளிய வழி தேவை என உணர்ந்த போது , இப்படி போனை உயர்த்தி காட்டி உணர்த்தலாம் என தோன்றியதாக ரைலே கூறியுள்ளார்.

அதன் பிறகு இந்த எண்ணத்துடன் இணைய நிதி திரட்டும் மேடையான கிக்ஸ்டார்ட்டரில் இரு பக்கத்தை அமைத்து ஆதரவு திரட்டி இப்போது ஐஒஎஸ் மற்றும் ஆண்ட்ராய்டிற்காக லுக் பார் செயலியை அறிமுகம் செய்துள்ளார்- மிகவும் புத்திசாலித்தனமாக முட்டாள் செயலி எனும் வர்னணையுடன்!.

லுக் பார் செயலி:https://play.google.com/store/apps/details?id=lookfor.retroproof.net.lookfor

——

ஆண்ட்ராய்டு ஒன் அடுத்த அலை

சோனியின் ஸ்மார்ட்கிளாஸ்

இன்னும் ஸ்மார்ட்வாட்களின் பயன்பாட்டையே முழுமையாக கண்டுபிடித்தாகவில்லை, அதற்குள் ஸ்மார்ட் கிளாஸ்களின் வரிசை ஆரம்பமாகி இருக்கிறது. ஏற்கனவே கூகிள் கிளாஸ் அறிமுகமாகி இருக்கிறது. சீனத்து கூகிளான பெய்டுவும் ஒரு ஸ்மார்ட்கிளாஸ் மாதிரியை உருவாக்கி இருக்கிறது. இப்போது சோனி நிறுவனமும் தன் பங்கிற்கு ஸ்மார்ட்கிளாசை களமிறக்கியிருக்கிறது. பெர்லின் தொழில்நுட்ப கண்காட்சியில் அறிமுகம் செய்யப்பட்ட சோனியின் ஸ்மார்ட் ஐகிளாஸ் , இப்போது டவலப்பர்களின் ஆதரவை நாடியுள்ளது. இந்த கிளாசில் செயல்படக்கூடிய செயலிகளை (ஆப்ஸ்0 உருவாக்க ஊக்குவிப்பதற்காக இந்த முயற்சியில் சோனி இறங்கியுள்ளது.
வடிவமப்பு நேர்த்தி இல்லாவிட்டாலும் சோனியின் ஸ்மார்ட்கிளாஸ் ஹோலோகிராபிக் டிஸ்பிளேவை கொண்டிருப்பதை முக்கியமாக சொல்கின்றனர். இதன் பொருள் இதில் உள்ள லென்ஸ் 85 சதவீதம் ஊடுருவி பார்க்க கூடியதாக இருக்கும். ஹோலோகிராம் நுட்பம் கொண்ட இந்த லென்ஸ்கள் காண்பவர் நோக்கும் பொருள் தொடர்பான தகவல்களை பார்க்கும் காட்சி மீதே ஓட வைக்கும். இவை இடைஞ்சல் ஏற்படுத்தாமல் இருக்கும் என்றும் சோனி சொல்கிறது. ஸ்மார்ட்போனுடன் இணைந்து இது செயல்படுகிறது. ஆண்ட்ராய்டு சாதனங்களுடன் பொருந்தக்கூடியதாக இருக்கும் .
இமேஜ் சென்சார், 3-மெகாபிக்சல் காமிரா, கைரோஸ்கோப், மின்னணு காம்பஸ் மற்றும் மைக் உள்ளிட்ட அம்சங்களை இந்த கிளாஸ் கொண்டிருக்கிறது. சோனி இப்போதே இந்த கிளாசை மெய்நிகர் வடிவில் டவலப்பர்களுக்கு வெள்ளோட்டம் காட்டி வருகிறது. ஆண்டு இறுதியில் டவலப்பர் வர்ஷன் மற்றும் அடுத்த ஆண்டு துவக்கத்தில் நுகர்வோருக்கான மாதிரி சந்தைக்கு வரலாம் என்றும் சொல்லப்படுகிறது.

———’’’

ஐபோனுக்குள் என்ன இருக்கு!
1-ihone teradown
ஐபோன் 6 மற்றும் ஐபோன் பிளஸ் ஆகச்சிறந்த ஐபோனா? மற்ற ஸ்மார்ட்போன்களுடன் எப்படி ஒப்பிட்டு நிற்கிறது என்றெல்லாம் சூடான விவாதம் நடந்து கொண்டிருக்க, முதல் 3 நாட்களில் பத்து மில்லியன் புதிய போன்கள் விற்று தீர்ந்திருப்பதாக ஆப்பிள் நிறுவனம் தெரிவித்துள்ளது. ஏற்கனவே முன்பதிவு மூலம் 4 மில்லியன் ஆர்டர் கிடைத்ததாக ஆப்பிள் தெரிவித்த நிலையில் இந்த தகவல். ஐபோன் மற்றும் ஐபோன் பிளஸ் இரண்டு, சேர்ந்து அமெரிக்க உள்ளிட்ட 10 நாடுகளில் பத்து நாடுகளில் இந்த விற்பனை எண்ணிக்கையை தொட்டிருக்கிறது. சீனாவும் சேர்ந்திருந்தால் இந்த எண்ணிக்கை மேலும் அதிமாகி இருக்கும் என்று ஆப்பிள் நோக்கர்கள் சொல்கின்றனர். கட்டுப்பாடு காரணங்களுக்காக சீனாவில் இன்னும் ஐபோன் 6 அறிமுகமாகவில்ல.
எல்லம் சரி ஐபோன் 6 இந்தியாவில் எப்போது கிடைக்கும் என்பது தொடர்பாக மாறுபட்ட தகவல்கள் வெளியாகி கொணிடிருக்கின்றன. தீபாவளிக்கு முன் என்று ஒரு தகவல் தெரிவித்தது. ஆனால் அதன் பிறகு ஆப்பிள் தளத்திலேயே அந்த தகவல் காணவில்லை. இப்போது நவம்பரில் வரலாம் என ஒரு தகவல். நிற்க மின் வணிக தளம் ஒன்றில் ரூ.99,999 ஐபோன் 6 வாங்கலாம் என தெரிவிக்கப்பட்டுள்ளதாகவும் ஒரு தகவல். கள்ளச்சந்தையில் ஒரு 1,20,000-1,40,000 விலைக்கு கிடைப்பதாகவும் சொல்லப்படுகிறது.
ஐபோனில் அப்படி என்ன தான் இருக்கிறது என்று அறிய ஆர்வமா? ஐபிக்ஸிட் இணையதளம் புதிய ஐபோனை அக்குவேறு அணி வேராக பிரித்து காட்டியிருக்கிறது. தொழில்நுட்ப சாதனங்களை இப்படி பார்ட் பார்ட்டாக பிரித்து காட்டி அதன் பயன்பாட்டுத்தன்மை பற்றி தீர்ப்பு அளிக்க புகழ் பெற்ற இணையதளம் இது. ஐபோன் 6-ல் மிகப்பெரிய பேட்டரி இருக்கிறது என்பது உள்ளிட்ட பல தகவல்களை இந்த தளத்தின் அறிக்கை தெரிவிக்கிறது. ஐபோனுக்குள் பார்க்க ஆர்வமா? https://www.ifixit.com/Teardown/iPhone+6+Plus+Teardown/29206

———–

ஆண்ட்ராய்டு ஒன் அடுத்த அலை
ஆண்ட்ராய்டு ஒன் ஸ்மார்ட்போன்களின் முதல் வரிசை அறிமுகமான பரபரப்பு கூட அடங்கவில்லை,அதற்குள் அடுத்த வரிசை ஆண்ட்ராய்டு ஒன் போன்கள் இந்த ஆண்டு இறுதிக்குள் அறிமுகமாகலாம் எனும் தகவல் வெளியாகியுள்ளது.
கூகிள் ஆண்ட்ராய்டு ஒன் ஸ்மார்ட்போன்கள் மீது பெரிய அளவில் நம்பிக்கை வைத்திருக்கிறது. அதற்கேற்ப இந்தியா உள்ளிட்ட ஆசிய நாடுகளை குறி வைத்து பெரிய அளவில் திட்டமும் வகுத்துள்ளது.
முதல் அறிமுக கூட்டணியில் அங்கம் வகித்த கார்பன் நிறுவனம் டிசம்பர் மாதவாக்கில் இரண்டாவது ஸ்மார்ட்போனை அறிமுகம் செய்ய இருப்பதாக ஆஸ்ட்ராய்டு ஓஎஸ் தளம் தெரிவிக்கிறது. தொடர்ந்து ஸ்பைஸ் நிறுவனமும் ஆண்ட்ராய்டு ஒன் போனை அறிமுகம் செய்ய இருப்பதாக அந்த செய்தி தெரிவிக்கிறது. அதே போல குறைந்த விலை போனுக்கு பெயர் பெற்ற இண்டெக்ஸ் நிறுவனமும் தன் பங்கு அறிமுகத்திற்கு தயாராகி கொண்டிருக்கிறது.இவை அடுத்த ஆண்டு துவக்கத்தில் நிகழலாம். முதல் அறிமுகங்கள் மீடியாடெக் சிப்களை கொண்டுள்ளன. இனி குவால்காம் சிப்களும் இடம்பெறலாம் என்றும் சொல்லப்படுகிறது.
இன்னொரு தகவல் ஆண்ட்ராய்டு ஒன் போன்களுக்கான தேவை 2 மில்லியன் வரை இருக்கலாம் என தெரிவிக்கிறது. ஆண்ட்ராய்டு ஒன் போன்களில் மைக்ரோமேக்ஸ் அறிமுகம் முதல் சில மணிநேரத்திலேயே விற்றுத்தீர்ந்துவிட்டதாகவும் கூறப்படுகிறது.

————-

ஆண்களே உஷார்!

ஸ்மார்ட்போன்களை மறந்து தொலைத்த அனுபவம் பலருக்கு இருக்கலாம். ஆனால் இந்த விஷயத்தில் ஆண்கள் கொஞ்சம் எச்சரிக்கையாக இருப்பது நல்லது. ஏனெனில் பெண்களைவிட ஆண்களே ஸ்மார்ட்போன் உள்ளிட்ட சாதனங்களை தவறவிடும் வாய்ப்பு இருக்கிறது. – அப்படி தான் அமெரிக்காவில் நடத்தப்பட்ட ஹாரிஸ் போல் எனும் கணிப்பு தெரிவிக்கிறது.
இந்த கணிப்பில் பங்கேற்ற ஆண்களில் 46 சதவீதம் பேர் ஸ்மார்ட்போன் ,லேப்டாப் உள்ளிட்டவற்றை தொலைத்து விடுவதற்கான வாய்ப்பு இருப்பதாக தெரிவித்துள்ளனர். பெண்களில் இது 27 சதவீதம் தான். அது மட்டும் அல்ல இளம் வயதுள்ள ஆண்களில் இந்த எண்ணிக்கை 60 சதவீதமாக இருக்கிறது. பலரும் ஸ்மார்ட்போனில் நிறுவன தகவல்களை பயன்படுத்துவதால் போன் இழப்பு என்பது தனிப்பட்ட இழப்பு மட்டும் அல்ல, அது அவர்கள் பணியாற்றும் நிறுவங்களையும் பாதிக்கலாம் .
இதற்கு முன்னர் நடத்தப்ப்ட்ட ஆய்வு ஒன்று லேப்டாப் போன்றவை தொலைவதால் நிறுவனங்களுக்கு சராசரியாக 50,000 டாலர் இழப்பு ஏற்படுவதாக தெரிவித்தது.
ஆக, காசு கொடுத்து ஸ்மார்ட்போன் வாங்கினால் மட்டும் போதாது அதை பாதுக்காப்பதிலும் கவனமாக இருக்க வேண்டும்!.

———–

வருகிறது டைசன் ஸ்மார்ட்போன்

1-tizenசாம்சங் நிறுவனம் டைச்ன் ( Tizen ) ஓஎஸ்-ஐ மறந்து விட்டதாக நினைத்துக்கொண்டிருக்கும் போது சமீபத்திய செய்தி டைசன் ஸ்மார்ட்போனை அந்த நிறுவனம் அறிமுகம் செய்யலாம் என தெரிவிக்கிறது. சாம்சங்கின் பெரும்பாலான ஸ்மார்ட்போன்கள் ஆண்ட்ராய்டு இயங்கு தளத்தை அடிப்படையாக கொண்டிருந்தாலும் , டைசன் இயங்கு தளம் மீதும் அதற்கு ஆர்வம் இருக்கிறது. ஏற்கனவே ஸ்மார்ட்வாட்சில் டைசன் இயங்கு தளம் பயன்படுத்தப்பட்டுள்ளது. ஆனால் , சாம்சங் இசட் எனும் டைசன் ஸ்மார்ட்போன் அறிமுகமாகி விற்பனைக்கு வராமலே விலக்கி கொள்ளப்பட்டது.
இந்நிலையில் டைசன் ஸ்மார்ட்போனை அறிமுகம் செய்ய சாம்சங் முழுவீச்சில் தயாராகி கொண்டிருப்பதாக சொல்லப்படுகிறது. இந்த டைசன் போன் நவம்பர் மாதவாக்கில் அறிமுகம் ஆகலாம் என்றும் இந்திய சந்தையில் தான் இந்த அறிமுகம் நிகழ இருப்பதாகவும் செய்திகள் வெளியாகி உள்ளன.
இதனிடையே ஜிவி மொபைல்ஸ் (Jivi ) நிறுவனம் ரூ.1,999 விலைக்கு ஸ்மார்ட் போனை அறிமுகம் செய்துள்ளது. சந்தையில் உள்ள விலை மலிவான ஆண்ட்ராய்டு போன் இது என்கிறது ஜிவி நிறுவனம். ஜிவி ஜேஎஸ்பி 20 எனும் இந்த போன் 3.5 இன்ச் டிஸ்பிளே கொண்டது. 1 GHz பிராசஸர் மற்றும் ஆண்ட்ராய்ட் ஜிஞ்சர்பேர்ட் கொண்டது. இரட்டை சிம், வைபீ மற்றும் புளுடூத் தொண்டது.
இன்னொரு பக்கம் டேட்டாவிண்ட நிறுவனமும் தீபாவளி வாக்கில் 2,000 ரூபாய் விலையில் ஸ்மார்ட்போன்களை கொண்டு வர இருப்பதாக தெரிவித்துள்ளது. ஆக குறைந்த விலையில் ஸ்மார்ட்போன்களை எதிர்பார்த்திருப்பவர்களுக்கு கொண்டாட்டம் தான்!

—-
1-checky
உங்களுக்காக ஒரு செயலி

ஸ்மார்ட்போன் என்று இருந்தால் அடிக்கடி கையில் எடுத்து பார்க்க தோன்றதான் செய்யும். மையில் பார்க்க, குறுஞ்சிய்தி பார்க்க, பேஸ்புக் அல்லது வாட்ஸ் அப் பார்க்க என்று ஸ்மார்ட்போனை பார்த்துக்கொண்டே இருப்பது பலருக்கு வழக்கமாகி விட்டது. இதன் விளைவாக சிலருக்கு கால் வராது போது கூட போனை எடுத்துபார்க்க தோன்றலாம்.
சரி, நீங்கள் எத்தனை முறை ஸ்மார்ட்போனை எடுத்து பார்க்கிறீர்கள் என்று அறிய விருப்பமா? அதற்காக என்றே ஒரு செயலி அறிமுகமாகி இருக்கிறது. செக்கி ( http://www.checkyapp.com/) எனும் அந்த செயலி ( ஆப்) நீங்கள் எத்தனை முறை போனை அன்லாக் செய்கிறீர்கள் என்று கண்டறிந்து சொல்கிறது.
ஆண்ட்ராய்டு, ஐஓஎஸ் இரண்டிலும் செயல்படுகிறது.
எத்தனை முறை போனை அன்லாக் செய்கிறீர்கள் என்று மட்டும் அல்ல எதற்காக எல்லாம் போனை பயன்படுத்துகிறீர்கள் என்று அறியலமாம்!.

———-

நன்றி; தமிழ் இந்து

ஸ்மார்ட்போன் நடைபாதையும் செல்போன் தொப்பியும்.

ஸ்மார்ட்போன் பாதை!
chinese-phone-laneகையில் இருக்கும் போனை பார்த்துக்கொண்டே நடப்பதும், காரோட்டுவதும் நவீன கால பிரச்சனைகள். எப்போதும் ஸ்மார்ட்போனும் சாதாரன போனும் கையில் இருக்கும் பழக்கத்தின் விளைவான இந்த பிரச்சனைக்கு சீனாவில் புதிய வழி கண்டுபடித்துள்ளனர்- ஸ்மார்ட்போன் நடைபாதை தான் அது. ஸ்மார்ட்போனை பார்த்துக்கொண்டே நடக்கும் பழக்கம் கொண்டவர்களுக்காக என்று சீனாவின் சாங்கியிங் (Chongqing ) நகரில் உள்ள பிரபலமான பொழுதுபோக்கு பகுதியின் நடைபாதையில் இடம் ஒதுக்கியுள்ளனர். இந்த பாதையில் 50 மீட்டர் ஸ்மார்ட்போனும் கண்ணுமாக இருப்பவர்களுகாக ஒதுக்கப்பட்டுள்ளது. அருகே உள்ள 50 மீட்டரில் செல்போன் பயன்படுத்தக்கூடாது. ஸ்மார்ட்போனை பாதையில் ஆங்கிலத்திலும் சீன மொழியிலும் ,இதற்கான அறிவிப்பு நீங்களே பொறுப்பு எனும் எச்சரிக்கை பாணியில் எழுதப்பட்டுள்ளது. அருகிலேயே ,சீனாவின் முதல் செல்போன் நடைபாதை என்றும் குறிப்பிடப்பட்டுள்ளது. புதுமையான இந்த யோசனையை செல்போனை பார்த்து கொண்டே நடப்பதில் உள்ள ஆபத்தை உணர்த்துவதற்காக என்றும் விளக்கம் அளிக்கப்பட்டுள்ளது. சில மாதங்களுக்கு முன் நேஷனல் ஜியாக்ரபிக் தொலைக்காட்சி சார்பில் அமெரிக்காவின் பின்பற்றப்பட்ட யோசனையின் உந்துதலால் இந்த திட்டம் சீனாவில் அமலுக்கு வந்துள்ளதாக கூறப்படுகிறது. சீனாவின் டிவிட்டரான வெய்போவில் இளசுகள் பலரும் மூழ்கி கிடப்பதும் அவர்களில் பலர் நடந்து கொண்டே குறும்பதிவு அனுப்பும் வழக்கம் கொண்டிருப்பதும் இதற்கான முக்கிய காரணம் என்று சொல்லப்படுகிறது.

ஸ்மார்ட்போன் அடிமைகள்!

ஸ்மார்ட்போன் தாக்கம் தொடர்பாக சமீபத்தில் நடத்தப்பட்ட ஆய்வு கவலை தரும் தகவலை தெரிவிக்கிறது. கல்லூரி மாணவ,மாணவிகளில் 75 சதவீதம் பேர் ஸ்மார்ட்போனை சார்ந்து இருப்பது என்று அந்த ஆய்வு தெரிவிக்கிறது. அவர்களில் 5 பேரில் ஒருவர் ஸ்மார்ட்போன் இல்லாமல் நான் இல்லை என்று சொல்லும் அளவுக்கு இருப்பதாகவும் தெரிவிக்கப்பட்டுள்ளது. 86 சதவீதம் பேர் ஸ்மார்ட்போனை இரவில் தூங்கும் போது கைக்கு அருகிலேயே வைத்திருப்பதாகவும், 81 சதவீதம் பேர் போனை இழந்தால் பெரும் நெருக்கடிக்கு ஆளாவதாகவும் இந்த ஆய்வில் தெரிவித்துள்ளனர்.
இன்னும் மோசம் என்ன தெரியுமா, ஆயிவில் பங்கேற்றவர்களில் 63 சதவீதம் பேர் போன் ஒலிக்காத நேரங்களில் கூட அது ஒலிப்பது போல உணர்வதாக தெரிவித்துள்ளது தான். இன்னும் 55 சதவீதம் பேர் பிரச்சனைகளில் இருந்து தப்பிக்க அல்லது மோசமான மனநிலையில் இருந்து விடுபட ஸ்மார்ட்போனில் தஞ்சம் அடைவதாக கூறியுள்ளனர்.
ஸ்மார்ட்போனை சார்ந்திருப்பதற்கான காரணம் நடைமுறை சார்ந்த்தாகவும் இருப்பதாக இந்த ஆய்வு தெரிவிக்கிறது. பெண்கள் கையில் போன் வைத்திருக்கும் போது பாதுகாப்புடன் உணர்வதை இதற்கான உதாரணமாக ஆய்வு தெரிவிக்கிறது.
மேலும் ஸ்மார்ட்போன் தாக்கத்தால் எதுவுமே உடனடியாக கிடைக்க வேண்டும் என்ற உணர்வும் ஏற்பட்டு வருவதாக தெரியவந்துள்ளது.
அமெரிக்க மாணவர்கள் மத்தியில் இந்த ஆய்வு நடதப்பட்டுள்ளது. ஆனால் மிக சுலபமாக நம் நாட்டு மாணவர்களுக்கும் பொருந்தக்கூடியது தான் இல்லையா?
அலபாமா பலகலைக்கழக ஆய்வாளர்கள் சார்பில் நடத்தப்பட்ட இந்த ஆய்வு மாணவர்களுக்கான தேசிய சஞ்சிகையில் வெளியாக உள்ளது. ஆய்வின் தலைப்பு; ஸ்மார்ட்போன் மோகம் பற்றிய உண்மைகள்!.

செல்ஃபீ தொப்பி-செல்பீ காமிரா !
Acer-Selfie-4செல்ஃபீ என்று சொல்லப்படும் சுயபடங்களின் மோகம் அல்லது ஆர்வம் தீவிரமாகி கொண்டே தான் போகிறது. இதற்கு ஈடு கொடுக்கும் வகையில் புதுப்புது சாதனங்களும் அறிமுகமாகி கொண்டிருக்கின்றன. செல்ஃபீ போன்கள், செல்ஃபீ பிரெஷ் என தொடரும் இந்த வரிசையில் சமீபத்திய வரவு செல்ஃபி தொப்பி. கம்ப்யூட்டர் மற்றும் டேப்லெட் தயாரிப்பில் புகழ்பெற்ற ஏசர் நிறுவனத்தின் யு.கே பிரிவு இந்த செல்ஃபீ தொப்பியை அறிமுகம் செய்துள்ளது. புகழ்பெற்ற பேஷன் வடிவமைப்பாளர் ஒருவருடன் இணைந்து உருவாக்கப்பட்டூள்ள இந்த அகண்ட தொப்பில் இணைக்கப்பட்டுள்ள டேப்லெட்டை கொண்டு அழகான சுயபடத்தை எடுத்துக்கொள்ளலாமாம்.
லண்டன் பேஷன் வாரத்தில் காட்சிக்கு வைக்கப்பட்டுள்ளது இந்த செல்ஃபீ தொப்பி.
செல்ஃபீ தாக்கத்தின் இன்னொரு அடையாளம் காமிரா தயாரிப்பு நிறுவனமான நிக்கான் செல்ஃபீ வசதி கொண்ட காமிராவை அறிமுகம் செய்துள்ளது. அதன் புதிய கூல்பிக்ஸ் காமிரா (Coolpix S6900. ) சுயபடம் எடுப்பதற்கான டச்ஸ்கிரீன் வசதி கொண்ட எல்சிடி திரையை கொண்டுள்ளது. ஏற்கனவே கேனானின் பவர்ஷாட் காமிராவில் இதே போல செல்ஃபீக்கான வசதி உள்ளது. இதன் பின்பக்கத்தில் உள்ள எல்சிடி திரை மூலம் சூப்பராக சுயபடம் எடுக்கலாமாம்.

Apple-iPhone-Pricesஐபோன் 6 அறிமுகமும் வரவேற்பும்
ஒரு வழியாக ஐபோன் 6 அறிமுகமாகி விட்டது. பரவலாக கணிக்கப்பட்டது போலவே ஐபோன் 6 மற்றும் சற்றே பெரிய அளவில் ஐபோன் பிளஸ் ஆகியவற்றை ஆப்பிள் 9 ந் தேதி ஆப்பிள் அறிமுகம் செய்தது. கூடவே ஆப்பிள் வாட்ச் மற்றும் சொல்போனில் பணம் செலுத்தும் வசதியும் அறிமுகம் செய்யப்பட்டது. ஆப்பிள் வாட்ச் அடுத்த ஆண்டு தான் விற்பனைக்கு வருகிறது. ஆனால் அதன் தோற்றமும், வடிவமைப்பும் பலரை கவர்ந்துள்ளது. அறிமுக விழாவில் இது வரையான ஐபோன்களிலேயே சிறந்ததாக ஐபோன் 6 உருவாக்கப்பட்டுள்ளதாக ஆப்பிள் சி.இ.ஓ டிம் குக் கூறினார். ஆப்பிள் அபிமானிகள் இதை ஏற்றுக்கொண்டுள்ளனர் போலும். அது தான் ஐபோன் 6 மற்றும் ஐபோன் பிளஸ் ஆகியவற்றின் முன்பதிவில் இதுவரை இல்லாத அளவுக்கு24 மணி நேரத்தில் 4 மில்லியன் போன்கள் விற்றிருப்பதாக ஆப்பிள் தெரிவித்துள்ளது. 2 ஆண்டுகளுக்கு முன் ஐபோன் 5 முதல் நாளில் 2 மில்லியன் விற்பனை ஆனதாக ஆப்பிள் தெரிவித்துள்ளது.
முன்பதிவில் ஐபோன் 6 மாதிரியை விட அளவில் பெரிய ( விலையும் அதிகம்) ஐபோன் பிளசுக்கு தான் அதிக மதிப்பு இருந்த்தாக சொல்லப்படுகிறது.
இதனிடையே பெரிய திரை போன்ற அம்சங்களை சுட்டிக்காட்டி இதெல்லாம் 2 ஆண்டுகளுக்கு முன்னரே நெக்சஸ் போனில் இருந்தது தானே என்று ஆண்ட்ராய்டு அபிமானிகள் சிலர் கேலி செய்கின்றனர் .தொழில்நுட்ப இதழ் ஒன்று இரண்டு போனின் அம்சங்களையும் ஒப்பிட்டு வெளியிட்ட வரைபட சித்திரத்தை அவர்கள் ஆதாரமாக காட்டுகின்றனர்.
எது எப்படியோ, ஐபோன் 6 மற்ற ஐபோன்கள் போல தாமதமாக அல்லாமல் சிக்கிரமே இந்தியாவுக்கு வருகிறது. அடுத்த மாதம் இந்தியாவில் ஐபோன்6 வருகிறது. அதற்கு முன்னதாக ஐபோன் 5 மாதிரிகளின் விலையும் குறைக்கப்பட்டுள்ளது.
அது மட்டும் அல்ல, ஆப்பிள் சி.இ.ஓ டிம் குக் வதந்திகளால் ஊகிக்க முடியாத தயாரிப்புகளை ஆப்பிள் உருவாக்கி கொண்டிருப்பதாக பேட்டி ஒன்றில் கூறியிருக்கிறார். இவை ஒருபுறம் இருக்க, ஆப்பிளின் மறுமலர்ச்சிக்கு வித்திட்ட எம்பி3 சாதனமான ஐபாடுகளின் நிலை என்ன என்று இசைப்பிரியர்கள் பலர் ஏக்கத்துடன் கேட்கின்றனர். ஐபாடுகளில் புதிய ரகம் எதுவும் அறிமுகமாகமல் இருப்பதால் ஆப்பிள் இதற்கு ஓசைப்படாமல் குட்பை சொல்ல இருக்கிறதா என்றும் சந்தேகிக்கின்றனர். ஆனால் ஸ்மார்ட்போன் யுகத்தில் ஐபாடுக்கு இடம் இருக்கிறதா ? இருந்தும் இது பற்றி வயர்டு இதழில் வெளியாகி இருக்கும் கட்டுரை ஐபாடு பிரியர்களுக்கு ஆன்ந்தம் அளிக்கும்: http://www.wired.com/2014/09/rip-ipod/

கிழக்கிற்காக ஒரு ஸ்மார்ட்போன்!
எதிர்பார்க்கப்பட்டது போலவே கூகிள் ஆண்ட்ராய்டு ஒன் ஸ்மார்ட்போன்களை இந்தியாவில் அறிமுகம் செய்திருக்கிறது. கார்பன் ( ஸ்பார்கில் வி), ஸ்பைஸ் (டிரிம் யூனோ ) மற்றும் மைக்ரோமேக்ஸ் (கேன்வாஸ் ஏ1 ) ஆகிய இந்திய செல்போன் தயாரிப்பு நிறுவனங்களுடன் இணைந்து இவை அறிமுகம் செய்யப்பட்டுள்ளன. மூன்று போன்களுமே ஆன்லைன் மூலம் விற்பனைக்கு வந்துள்ளன. ஸ்பைஸ் மற்றும் கார்ப்ன் ஆண்ட்ராய்டு ஒன் போன்களை பிலிகார்ட் மற்றும் ஸ்னேப்டீல் மின்வணிக தளங்கள் மூலமும் மைக்ரோம்கேஸ் போனை அமேசான் இந்திய தளம் மூலமும் வாங்கலாம். ஸ்பைஸ் போனின் விலை ரூ.6299. மைக்ரோமேக்ஸ் விலை ரூ. 6,499. கார்பன் போனின் விலை ரூ.6399 .
மூன்று போன்களுமே அடிப்படையில் பொதுவான அமசங்களை கொண்டிருக்கின்றன. மூன்றுமே இரட்டை சிம்கள் கொண்டவை, 4.5 இன்ச் டிஸ்பிலே கொண்டவை, முன் பக்க மற்றும் பின் பக்க காமிராக்களுடன் 1 ஜிபி ரேம் மற்றும் 1700mAh பேட்டரி கொண்டவை. 1.3GHz பிராசஸர் கொண்டிருக்கின்றன.
இரட்டை சிம் மற்றும் மெமரி கார்டு வசதி இந்தியாவுக்காக என சேர்க்கப்பட்டுள்ளன.
வாங்ககூடிய விலையில் சிறந்த ஸ்மார்ட்போன்கள் எனும் கருத்துடன் கூகிள் இந்த போன்களை அறிமுகம் செய்துள்ளது. இந்த போன்களின் விலையை விட குறைந்த விலையில் ஸ்மார்ட்போன்கள் சந்தையில் இருந்தாலும் இந்தியா போன்ற நாடுகளின் தேவைக்கு ஏற்ற வகையில் பிரத்யேகமான ஆண்ட்ராய்டு வடிவம் மற்றும் வன்பொருள் வடிவமைப்பு கொண்டிருப்பதாக கூகிள் தெரிவிக்கிறது.
ஆண்ட்ராய்டு ஒன் போனில் கவனிக்கத்தக்க விஷயம் என்ன என்றால் இவை இந்திய சந்தையில் முதன் முதலாக அறிமுகமாகி இருக்கிறது. இந்திய சந்தையில் இருந்து தான் இந்தோனேசியா, பிலிப்பைன்ஸ்,பாகிஸ்தான் மற்றும் நேபாளம் உள்ளிட்ட நாடுகளுக்கு அறிமுகமாக உள்ளது. மற்ற நிறுவனங்களுடன் இணைந்தும் இவை அறிமுகமாக உள்ளன. இவை மேற்கத்திய சந்தையில் அறிமுகமாகுமா ?என்று தெரியவில்லை . அடிப்படையில் கிழக்கில் உள்ள நாடுகளுக்கான போன் இது. இந்தியா இதன் மையமாக உள்ளது.
ஆண்ட்ராய்டு ஒன் அறிமுகம் தொடர்பான மற்ற முக்கிய அம்சங்கள் 2 ஆண்டுகளுக்கு சாப்ட்வேர் அப்டேட் வசதி மற்றும் ஆப்லைனில் யூடியூப் வீடியோ பார்க்கும் வசதி.

டாப் டென்னில் இந்தியா!
ஸ்மார்ட்போன் பயன்பாட்டை பொருத்தவரை இந்தியா 4 வது இடத்தில் இருப்பதாக சர்வதேச அமைப்பான ஜி.எஸ்.எம்.ஏ தெரிவித்துள்ளது. இந்தியாவில் 111 மில்லியன் ஸ்மார்ட்போன் இணைப்புகள் இருப்பதாக இதன் சமீபத்திய அறிக்கை தெரிவிக்கிறது. சீனா ,அமெரிக்கா மற்றும் பிரேசிலுக்கு அடுத்தபடியாக இந்தியா உள்ளது.
ஸ்மார்ட்போனின் எதிர்கால போக்குகள் மற்றும் கணிப்புகள் தொடர்பான அறிக்கையாக இது அமைந்துள்ளது. 2020 வாக்கில் ஸ்மார்ட்போன் இணைப்புகளில் ஐந்தில் நான்கு இணைப்புகள் வளரும் நாடுகளில் இருந்து வரும் என தெரிவிக்கும் இந்த அறிக்கை மூன்று போனில் 2 ஸ்மார்ட்போனாக இருக்கும் என்றும் சொல்கிறது.
ஸ்மார்ட்போன்களின் சராசரி விற்பனை விலை குறைந்து வருவது மற்றும் பட்ஜெட் போன்களுக்கான தேவை ஆகியவை இந்த வளர்ச்சிக்க காரணங்களாகும்.
அடுத்த 18 மாதங்களில் மட்டும் 1 புதிய பில்லியன் ஸ்மார்ட்போன் இணைப்புகள் உருவாகும் என்றும் இந்த அறிக்கையில் குறிப்பிடப்பட்டுள்ளது.

————
தமிழ் இந்துவுக்காக எழுதியது. நன்றி தமிழ் இந்து.

தியேட்டரில் டிவிட்டர் இருக்கைகள்!

tweet_seat-4f6cceb-introஅநேகமாக சென்னை சத்யம் திரையரங்கில் அந்த வசதி முதலில் அறிமுகமாகலாம். ஸ்மார்ட் போனும் கையுமாக வருபவர்கள் டிவிட்டர் செய்து கொள்வதற்கான இருக்கைகளை அமைப்பது தான் அந்த வசதி.

இப்படி டிவிட்டர் செய்பவர்களுக்காக என்றே தனி இருக்கைகளை ஒதுக்கும் வழக்கம் அமெரிக்க கலை அரங்குகளில் பிரபலமாகி வருகிறது.சமீபத்தில் கூட அமெரிக்காவின் மின்னேசோட்டாவில் உள்ள கலை அரங்கில் டிவிட்டர் செய்வதற்கான பிரத்யேக இருக்கை பகுதி உருவாக்கப்பட்டுள்ளது.

இதன் தொடர்ச்சியாக திரையரங்குகளிலும் கூட டிவிட்டர் இருக்கைகள் அமைக்கப்படலாம்.

எதையும் டிவிட்டரில் பகிர்ந்து கொள்ளும் பழக்கம் பரவலாகி வருவதன் விளைவாக சமூகத்தில் ஏற்பட்டு வரும் பல்வேறு மாற்றங்களில் ஒன்றாக கலை அரங்குகளிலும் டிவிட்டருக்கு இடம் கிடைத்திருக்கிறது.

ஒரு விதத்தில் பார்த்தால் இதனை தலைகீழ் மாற்றம் என்று சொல்லலாம்.செல்போன் அறிமுகமாகி அவை பிரபலமாகத்துவங்கிய காலத்தில் அரங்கங்களில் நிகழ்ச்சி துவங்கும் முன் தயவு செய்து உங்கள் செல்போனை அனைத்து வைக்கவும் என்று வேண்டுகோள் வைக்கப்படுவது வழக்கமாக இருந்தது.இன்னும் கூட பல அரங்குகளில் இந்த அறிவிப்பை கேட்கலாம்.

ஆனால் குறும்பதிவு சேவையான டிவிட்டரின் செல்வாக்கு அரங்குகளில் டிவிட்டர் செய்பவர்களுக்கு என்று தனி இடத்தை ஒதுக்க வைத்திருக்கிறது.

திரைப்பட அனுபவத்தில் டிவிட்டர் பிரிக்க முடியாத அம்சமாக மாறியிருப்பதே இதற்கு காரணம் என்று சொல்லலாம்.

ஆம்,திரைப்படத்தை பார்த்த‌தும் வீட்டுக்கு போன பின் நண்பர்களிடம் படம் பற்றிய கருத்துக்களை பகிர்ந்து கொண்டது அந்த காலம்.இப்போதெல்லாம் படம் பார்த்தவுடன் தங்கள் கருத்தை டிவிட்டர் கணக்கு வழியே குறும்பதிவாக தியேட்டரை விட்டு வெளியே வந்தவுடனேயே பகிர்ந்து கொண்டு விடுகின்ற‌னர்.அந்த கருத்துக்களை பலரும் அமோதித்து ரிடிவீட் செய்கின்றனர்.இல்லை மறுத்து பதில் குறும்பதிவிடுகின்ற‌னர்.

ஆக,படத்தின் முதல் காட்சி முடிந்தவுடனேயே படம் எப்படி என்னும் கருத்து ரசிகர்களின் குறும்பதிவுகளாக உருவாக்கப்பட்டு விடுகிறது.உண்மையில் டிவிட்டரில் வெளியாகும் கருத்துக்கள் ஒரு படத்தின் வெற்றி தோல்வியை நிர்ணயிக்ககூடியதாக கூட அமைந்து விடுகிறது.

நிற்க இதன் அடுத்த கட்டமாக இப்போதெல்லாம் படம் முடியும் வரை கூட இல்லை,இடைவேளையின் போதே படம் எப்படி என்னும் கணிப்பை குறும்பதிவுகளாக பகிரத்துவங்கி விட்டனர்.

குறிப்பாக இளம் ரசிகர்களிடையே இப்படி படம் பார்த்தவுடன் அல்லது படம் பார்க்கும் போதே விமர்சன கருத்துக்களை பகிர்ந்து கொள்வது பிரபலமாக உள்ளது.அதிலும் டிவிட்டர் செய்யக்கூடிய ஸ்மார்ட்போன்கள் மேலும் பரவலாக துவங்கியுள்ள நிலையில் திரையரங்கில் இருந்து டிவிட்டர் செய்வதும் அதிகரித்துள்ளது.

இப்படி ரசிகர்களில் பலர் ஸ்மார்ட்போனோடு வரும் போது அவர்களுக்கு தனி மரியாதை தந்தால் என்ன என்ற எண்ணம் உண்டாக கூடிய‌து இயல்பானதாகவே தோன்றுகிறது.

முதன் முதலில் 2009 ம் ஆண்டில் அமெரிக்காவின் கன்சாஸ் நகரில் ஒபாரா இசை நாடக நிகழ்ச்சியின் போது அரங்கில் 100 இருக்கைகள் டிவிட்டர் செய்பவர்களுக்காக ஒதுக்கப்பட்டது.

பாரம்பரிய இசை வடிவமான ஒபரா நிகழ்ச்சிகளுக்கு ஆதரவு குறைந்து வரும் நிலையில் இளம் ரசிகர்களை கவர்ந்திருக்கும் விளம்பர யுக்தியாக இந்த டிவிட்டர் இருக்கைகள் பயன்படுத்தப்பட்டன.

டிவிட்டர் யுகத்திற்கே ஏற்ற புத்திசாலித்தனமான யுக்தியாக இது பாராட்டப்பட்டாலும் இசை நாடகம் நடுவே டிவிட்டர் செய்ய அனுமதிப்பது அந்த நாடகத்தின் ரசனையை கொல்லும் செயல் என்றும் கடுமையாக விமர்சிக்கப்பட்டது.அதிலும் குறிப்பாக ஒபாராவின் பாரம்பரிய ரசிகர்கள் ,நாடகத்தின் நடுவே போனை கையில் வைத்து கொண்டு டிவிட்டர் செய்வதை ரசனைக்கு விரோதமானதாக கருதி கடுமையாக விமர்சித்தனர்.குறும்பதிவில் கவனம் செலுத்தினால் நாடகத்தின் நுணுக்கங்களை ரசிப்பது எப்படி என்று அவர்கள் கேள்வி எழுப்பினர்.

விமர்சன‌ங்களை மீறி இந்த யுக்தி மெல்ல பரவலாக துவங்கியது.ஒரு கட்டத்தில் புகழ் பெற்ற பிராட்வே திரையரங்கிலும் டிவிட்டர் இருக்கைகள் அமைக்கப்பட்டன.

தொடர்ந்து சில திரையரங்குகள் மற்றும் விளையாட்டு மைதானங்களிலும் இத்தகைய டிவிட்டர் இருக்கைகள் அமைக்கப்பட்டன.புது யுக ரசிகர்களை கவர்வதற்கான புதுமையான முயற்சியாக இவை மேற்கொள்ளப்பட்டு வருகின்றன.’

எல்லா நிகழ்வுகள் பற்றியும் முதல் கருத்துக்கள் டிவிட்டரில் வெளியாகி வரும் நிலையில் திரையரங்கம் போன்றவற்றில் டிவிட்டர் செய்பவர்களுக்கு என்று தனி இருக்கைகள் அமைக்கப்படுவது ஏற்றுக்கொள்ளகூடியதாகவே கருதப்படுகிறது.

ஆக இந்த வழக்கம் வெகு விரைவில் இங்கும் பிரபலமாகலாம்.

திரையரங்கம் சார்ந்த தொழில்நுட்பங்களை முதலில் அறிமுகம் செய்வதில் முன்னணியில் இருக்கும் சத்யம் திரையரங்கம் இந்த வசதியையும் முதலில் அறிமுகம் செய்யலாம்.