Tag Archives: software

ஒரு கிளிக் புகைப்பட எடிட்டிங் சேவை.

இது காமிரா யுகம்.பலரும் கையில் டிஜிட்டல் காமிராவோ செல்போன் காமிராவோ வைத்திருக்கிறோம்.அவற்றால் எல்லா நிகழ்வுகளையும் படம் எடுத்து பேஸ்புக்கிலும் டிவிட்டரிலும் இமியிலிலும் பகிர்ந்து கொண்டிருக்கிறோம்.

புகைப்படங்களை எடுப்பதும் பகிர்வதும் எளிதாகி இருப்பது போல அவற்றை திருத்துவதும் தான் எளிதாகியிருக்கிறது.அதாவது எடிட் செய்வது.புகைப்படத்தின் பின்னணி மற்றும் வண்ணங்களை திருத்தி புகைப்படத்தை மெருகேற்றுவது.

இதற்கான சாதங்களும் சாப்ட்வேரும் அநேகம் இருக்கின்றன என்றாலும் அவற்றை பயன்படுத்த பயிற்சியும் தேர்ச்சியும் அவசியம்.

அத்தகைய பயிற்சியும் தேர்ச்சியும் இல்லாமல் புகைப்படங்களை மெருகேற்றும் ஆர்வம் மட்டுமே உள்ளவர்களுக்காக ஆன்லை புகைப்பட எடிட்டிங் சேவைகள் இருக்கவே இருக்கின்றன.அதாவது இணையத்தின் மூலமே புகைப்படங்களை திருத்தி மேம்படுத்தி கொள்ளலாம்.

இந்த வசதியை தான் வழங்குகிறது பிக்புல் இணையதளம்.

ஒரு கிளிக் புகைப்பட எடிட்டிங் என்று வர்ணிக்க கூடிய இந்த தளம் மிக எளிதாக புகைப்படங்களை திருத்தி கொள்ள வழி செய்கிறது.

இதற்காக புகைப்படத்தை இந்த தளத்தில் பதிவேற்றிவிட்டு,அதற்கு தேவையான பின்னணி அமைப்பு மற்றும் இதர திருத்தங்களை தேர்வு செய்து கொள்ளலாம்.

திருத்தங்கள் என்று வரும் போது புகைப்படத்தின் அழகை மேம்படுத்த தொழில்முறையாக மேற்கொள்ளப்படும் பல்வேறு யுத்திகளை உள்ளடக்கியது.எல்லாவற்றையும் ஒரே கிளிக்கில் செய்து முடித்துவிடலாம்.

இவற்றை தேர்வு செய்து புகைப்படத்தை அழகாக்கி கொண்ட பிறகு அதனை அப்படியே கம்ப்யூட்டரில் சேமித்து கொள்ளலாம்.அப்படியே இமெயில் பேஸ்புக் வழியே நண்பர்களோடு பகிர்ந்து கொள்ளலாம்.

இணையதள முகவரி;http://www.picfull.com/

இணையதளங்களின் சுருக்கத்தை வாசிக்க!

கட்டுரைகளுக்கு சம்மரைசர் செய்வதை இணையதளங்களுக்கு கிரக்ஸ்பாட் செய்கிறது.

அதாவது நீளமான கட்டுரைகளை முழுவதும் படிப்பதற்கான பொறுமை அல்லது அவகாசம் இல்லாதவர்களுக்கு எப்படி அந்த கட்டுரையின் சாரம்சத்தை ஒரு சில வரிகளில் சம்மரைசர் சுருக்கு தருகிறதோ அதே போல கிரக்ஸ்பாட் இணையதளங்களில் உள்ள விஷயத்தை இணையவாசிகளுக்கு அழகாக சுருக்கி தருகிறது.

கிரக்ஸ்பாட் மூலமாக எந்த ஒரு இணையதளத்தையும் முழுமையாக படித்துப்பார்க்கமலேயே அந்த தளத்தின் சாரம்சத்தை மட்டும் தெரிந்து கொள்ளலாம்.

அந்த வகையில் இதனை இணையதள சுருக்க சேவை என்று வர்ணிக்கலாம்.

இணையத்தில் உலாவும் போது இது போன்ற ஒரு சுருக்க சேவை எந்த அளவுக்கு பயனுள்ளதாக இருக்ககூடும் என்பதை சொல்லாலமே விளங்கி கொள்ளலாம்.

இணையத்தில் உலாவும் போது எப்படியும் நாம் தேடிச்செல்லும் இணையதளங்கள் தவிர வேறு பல தளங்களும் குறுக்கிடவே செய்யும்.அந்த தளங்களில் பல பயனுள்ளதாக இருக்கலாம்.ஆனால் கண்ணில் படும் தளங்களை எல்லாம் பார்த்து படித்து கொண்டிருந்தால் நேரம் விரயம் ஆகலாம்.

அதற்காக எந்த இணையதளத்தையும் ஏறெடுத்து பார்க்காமல் இருந்தால் நல்ல தளங்களை கோட்டை விட நேரலாம்.

இது போன்ற நேரங்களில் கை கொடுப்பதற்காக என்றே கிரக்ஸ்பாட் சேவை உருவாக்கப்பட்டுள்ளது.

பரிசிலனையில் உள்ள இணையதளத்தை முழுமையாக படித்து பார்க்கா விட்டாலும் அதன் பயன்பாட்டு தன்மையை புரிந்து கொள்ளும் வகையில் அந்த தளத்தின் சாரம்சத்தை இந்த சேவை சுருக்கு தருகிறது.

இந்த சேவையை பயன்படுத்த விரும்பினால் முதலில் இதனை புக்மார்க் வசதியாக டவுண்லோடு செய்து கொள்ள வேண்டும்.அதன் பிறகு எப்போது இணையதளத்தின் சுருக்கம் தேவைப்பட்டாலும் அந்த தளத்தின் மீது புக்மார்க் வசதியை கிளிக் செய்தால் போதும் உடனே இந்த சேவை அந்த தளத்தின் உள்ளடக்கத்தை சுருக்கு சில வரிகளாக முன் வைத்து விடுகிறது.

இணையதள சுருக்கத்தின் அருகே அந்த தளம் சார்ந்த குறிச்சொற்களும் இடம் பெறுகின்றன.குறிச்சொற்களை கிளிக் செய்தால் அந்த சொல் சார்ந்த சாரம்சத்தை பெறலாம்.

இணையத்தை ஆய்வு நோக்கில் பயன்படுத்தும் வழக்கம் கொண்டவர்கள் மற்றும் இணையத்தில் உலாவும் போது அதிக அளவிலான தளங்களை பார்க்கும் வழக்கம் கொண்டவர்களுக்கு இந்த சேவை மிகவும் பயனுள்ளதாக இருக்கும்.

செயற்கை அறிவு என்று சொல்லப்படும் கோட்பாட்டை பயன்படுத்தி இந்த சேவை உருவாக்கப்பட்டுள்ளதாக தெரிவிக்கப்பட்டுள்ளது.

ஒரு கட்டுரை அல்லது இனையதளத்தின் சாரம்சத்தை சுருக்கி தருவது என்பது மிகவும் சவாலான விஷயம் தான்.தேர்ச்சி மிக்க மனிதர்கள் செய்யக்கூடிய இந்த செயலை ஒரு சாப்ட்வேர் சிறப்பாக செய்ய முடியுமா என்ற கேள்வி எழுந்தாலும் அடிப்படையில் இந்த சேவைகள் சுவாரஸ்யமானவை,நம்பிக்கை தருபவை.

இனையதள முகவரி;http://www.cruxbot.com/index.html

உங்களை போல ஒருவனை கண்டுபிடிக்க ஒரு இணையதளம்.

பொதுவாக நாம் ஒத்த கருத்து உள்ளவர்களை தான் இணையத்தில் வலைவீசி தேடிக்கொண்டிருக்கிறோம்.நட்பு கொள்வதற்கும் கருத்து பரிமாற்றத்திற்கும் கருத்தொற்றுமையும் ஒரே மாதிரியான ரசனையும் அவசியம் என்பதால் பேஸ்புக்கிலும் சரி டிவிட்டரிலும் சரி நம்மை போலவே சிந்திப்பவர்களை தான் தேடிக்கொண்டிருக்கிறோம்.

இந்த தேடலை இன்னும் கொஞ்சம் சுவாரஸ்யம் ஆக்கும் வகையில் உங்களை போல உள்ளவர்களை தேட வழி செய்கிறது ‘பைன்ட் பை பேஸ்’ இணையதளம்.

உங்களை போல உள்ளவர்கள் என்றால் உருவத்தில் உங்களைப்போலவே இருப்பவர்கள்.

ஒரே போன்ற தோற்றம் கொண்டவர்கள் உலகில் ஏழு பேர் இருப்பதாக ஒரு கருத்து உண்டல்லவா?இது சரியா தவாறா தெரியாது,ஆனால் சில நேர நேரங்களில் ஒருவரை போலவே தோற்றம் தரக்கூடிய இன்னொருவரை நாமே பார்த்து வியந்திருப்போம்.ஏன் உங்களிடமே கூட யாரேனும் ஒருவர் உன்னைபோல ஒருவன் உண்டு என கூறியிருக்கலாம்.

எது எப்படியிருந்தாலும் நம்மை போலவே ஒருவரை பார்க்க முடிவது கொஞ்சம் சுவாரஸ்யமனது தான்.

இந்த சுவாரஸ்யத்தை முழ்வீச்சில் அளிக்கிறது ‘பைன்ட் பை பேஸ்’ இணையதளம்.

இந்த தளத்தில் யார் தங்கள் புகைப்படத்தை சமர்பித்தாலும் அவரைப்போலவே தோற்றம் கொண்டுள்ள வேறொருவரை இந்த தளம் கண்டுபிடித்து தருகிறது.அப்படியே அவரது பேஸ்புக் பக்கத்தையும் முன் வைக்கிறது.அதன் பிறகு உருவ ஒற்றுமையை ரசித்து வியந்தபடி பேஸ்புக் மூலம் தொடர்பு கொள்லலாம்.இந்த இணைப்பை சக பேஸ்புக் நண்பர்களோடு பகிர்ந்து கொள்ளலாம்.

புகைப்படத்தை வைத்து கொண்டு அதே போன்ற உருவ அமைப்பு உள்ளவர்களை தேடுவது எப்படி சாத்தியமாகிற்து என்ற வியப்பு ஏற்பட்டால்,பேசியல் ரிககனேஷன் என்று சொல்லப்படும் முக உணர்வு சாப்ட்வேர் உதவியோடு இந்த தளம் செயல்படுகிறது.

இந்த முக உணர்வு தொழில்நுட்பம் இப்போது இணையத்தில் பரப்ரப்பாக பேசப்படுகிறது.ஒருவரது முகலட்சனத்தின் தனித்தன்மை வாய்ந்த அம்சங்களை கொண்டு அந்த முகத்தை உணரக்கூடிய இந்த தொழில்நுட்பம் எதிர்காலத்தில் பலவிதங்களில் பயன்படுத்தக்கூடும் என்று எதிர்பார்க்கப்படுகிறது.இதில் பல சர்ச்சைகளும் இருக்கின்றன.

இதனிடையே இந்த தொழில்நுட்பத்தின் அடிப்படையில் சுவாரஸ்யமான சேவையாக மைன் பை பேஸ் தளம் உருவாக்கப்பட்டுள்ளது.செல்போனில் பயன்படுத்தக்கூடிய செயலியும் இருக்கிறது.

நீங்களும் பயன்படுத்தி பார்த்தி இந்த தொழில்நுட்பம் சுவாரஸ்யமானதாக இருக்கிறதா,துல்லியமானதாக இருக்கிறதா என் சொல்லுங்கள்!.

இணையதள முகவரி;http://www.findbyface.com/#&slider1=1

கட்டுரைகளை சீர் தூக்கி பார்க்கும் இணையதள‌ம்.


நீளமான(ஆங்கில) கட்டுரையை படிப்பதற்கு முன் அதன் தரத்தை பரிசோதிக்க விரும்புகிறீர்களா?அதாவது அந்த கட்டுரை வாசிப்புக்கு உகந்ததா என்பதை அறிந்து கொள்ள விரும்புகிறீர்களா?

ஆம் என்றால் தி ஆர்டிகல் செக்கர் இணையதளம் அதற்காக என்றே உருவாக்கப்பட்டுள்ளது.

எந்த நீளமான கட்டுரையையும் இந்த தளத்தில் சமர்பித்தால் அந்த கட்டுரை எந்த அளவுக்கு வாசிப்புக்கு உகந்தது என்று இந்த தளம் சீர் தூக்கி பார்த்து சொல்கிறது.அந்த கட்டுரையின் வாசிப்பு தன்மையை சதவீத கணக்கில் மதிப்பீட்டு சொல்கிறது.

கட்டுரையை முழுவதும் அலசி ஆராய்ந்து அது சுவாரஸ்யமானதா,வாசிக்க தக்கதா,இலக்கண ரீதியிலானதா என்பது உடப்ட ஐந்து அம்சங்களின் அடிப்படையில் அந்த கட்டுரையை மதிப்பிட்டு அதன் தரத்தை முன் வைக்கிறது.

ஒவ்வொரு அம்சத்தின் உட்கூறுகள் பற்றியும் விரிவான குறிப்புகளும் தரப்படுகிறது.

இணையம் மோசமான கட்டுரைகளால் நிறைந்திருப்பதால் நல்ல கட்டுரையை கண்டறிய இது போன்ற சீர் தூக்கி பார்க்கும் வழி அவசியம் என்று இந்த தளம் சொல்கிறது.

முகப்பு பக்கத்தில் பரிசோத‌னைக்கு உடப்ப‌டுத்த‌ப்பட்ட கட்டுரைகள் அவற்றின் மதிப்பீட்டின் அடிப்படையில் வரிசையாக பட்டியலிடப்பட்டுள்ளன.இணையத்தில் செய்திகளையும் கட்டுரைகளையும் விதவிதமாக பட்டியலிடும் தளங்கள் எத்தனையோ இருக்கின்றன.ஆனால் கட்டுரைகளின் வாசிப்பு தன்மையின் அடிப்படையில் இந்த பட்டியல் கொஞ்சம் வித்தியாசமாகவே உள்ளது.

இண்டெர்நெட்டில் மோசமாக எழுதப்பட்ட கட்டுரைகள் குவிந்து கிடக்கின்றன என்பது உண்மை தான்.கூகுல் விளம்பரத்தின் மூலம் காசு பார்ப்பதற்காக என்றே அவசர கதியில் எழுதப்பட்ட‌ கட்டுரைகள் வேறு இருக்கின்றன.என‌வே நல்ல கட்டுரையாக தேடிப்பிடித்து படிக்க வேண்டும் என்ற விழிப்புணர்வும் அவசியம் தான்.

அந்த வகையில் ஒரு கட்டுரை நல்ல கட்டுரை தானா என்று சரி பார்த்து சொல்லக்கூடிய இணைய சேவை சுவாரஸ்யமானது தான்.

ஆனால் சாப்ட்வேர் அலசல் மூலம் ஒரு கட்டுரையின் வாசிப்பு அனுபவத்தை மதிப்பிட்டுவிட முடியுமா?மனித மனதின் ரசனை நுட்பங்களை சாப்ட்வேர் அறியுமா என்ன? என்று கேட்கலாம்

அது மட்டும் அல்லாமல் சாப்ட்வேர் ஒரு கட்டுரையை அலசி ஆராய்ந்து அது 74 சதவீதம் வாசிப்பு தகுதி கொண்டது என்று சொல்லும் போது அதனை எப்படி புரிந்து கொள்வது?

இப்படி பல கேள்விகள் இருந்தாலும் கூட கட்டுரைகளின் வாசிப்பு தன்மையை சாப்ட்வேர் கொண்டு அலசி பார்ப்பது புதுமையான முயற்சி தான்.

சாப்ட்வேர் மூலம் வாசிப்பு அனுபவத்தை மேம்படுத்த உதவும் சேவைகள் வர்சியைல் ஒன்றாக இதனை கருதலாம்.ஏற்கனவே சாப்ட்வேர் மூலம் நீளமான கட்டுரைகளை முழுவதும் படிக்காமல் அத சாரம்சத்தை ஒரு சில வரிகளில் தெரிந்து கொள்ள உதவும் சம்மரைசர் தளமும் இருக்கிறது.அந்த வரிசையில் தான் இந்த தளம் சேர்ந்திருக்கிறது.

ஆய்வு மாணவர்கள்,எப்போதாவது படிப்பவர்கள் போன்றவர்களுக்கு இந்த சேவை உதவக்கூடும்.மற்றபடி வாசிப்பு தேர்ச்சி கொண்டவர்கள் ஒரு கட்டுரையை படிக்க துவங்கும் போதே அதனை தொடர்ந்து படிக்கலாமா அல்லது தூக்கி போட்டு விடலாமா என்று சுலபமாக முடிவுக்கு வந்து விடுவார்கள்.

இணையள முகவரி;http://the-article-checker.com/

சிறு நிறுவனங்களுக்கான அருமையான செயலி:ஹனிடேஸ்க் நிறுவனருடன் நேர்காணல்.

தேவைகள் தான் கண்டுபிடிப்புகளுக்கான தாய் என்பார்கள்.வலைப்பதிவு யுகத்தின் துவக்கமான பிலாகர் சாப்ட்வேர் அதன் மூல நிறுவன‌ உழியர்களின் தேவைக்காக உருவாக்கப்பட்டு பின்னர் எலோருக்குமானது.பிலாகரை தந்த இவான் வில்லியம்ஸ் பின்னர் ஓடியோ நிறுவனத்தை துவங்கிய போது தங்கள் குழுவினரிடையே தொடர்பு கொள்வதற்கான சுலபமான வழியாக உருவாக்கப்பட்ட குறும்பதிவு சேவை தான் உலகம் போற்றும் டிவிட்டராக உருவானது.

இதே போலவே தனிநபர்களுக்கான இணைய குறிப்பேடாக உருவாக்கப்பட்ட நியாபக் செயலியை உருவாக்கிய ஒரு குழுவாக தங்கள் செய‌ல்பாடுகளை நிர்வகிக்க ஒரு செயலியை தேடிய போது அவர்களின் ஆறு மாத கால உழைப்பின் பயனாக உருவானது ஹனிடேஸ்க் செயலி.

குழுவாக அல்லது அணியாக பணியாற்றுபவ‌ர்களின் செயல்பாடுகளை ஒருங்கிணைக்க உருவாக்கப்பட்ட இந்த இணைய செயலி சிறு மற்றும் நடுத்தர நிறுவனங்களில் பணியாற்றுபவர்களின் தேவையை மிக அழகாக பூர்த்திச் செய்கிறது.

தனி நபர்களுக்கு எப்படி நேர நிர்வாகம் முக்கியமோ அதே போல குழுவாக செயல்படுபவர்களுக்கு தங்களிடையேயான அணி நிர்வாகம் மிக முக்கியம்.

கூரிப்பிட்ட திட்டத்தில் பணியாற்றுபவர்கள் பரஸ்பரம் தொடர்பு கொள்ள வேண்டிய தேவையையும் கருத்து பறிமாற்றத்தையும் முன்னேற்றத்தை கண்கானிப்பதையும் இந்த செயலி எளிமையாக்கி தந்துள்ளது.

டீம் கொலேபிரேஷன் என்றூ சொல்லப்படும் இத்தகைய ஒருங்கினைப்புக்கு உதவும் செயலிகள் பல இருந்தாலும் ஹனிடேஸ்க் அவற்றை எல்லாம் விட மிகவும் எளிமையானது என்பதோடு இது நம்மூர் தயாரிப்பு என்பது பெருமைக்குறிய விஷ‌யம்.

தமிழகத்தின் ஈரோட்டை சேர்ந்த மென்பொருள் நிபுனர்களான வசந்த மற்றும் சுரேந்தர் ஆகிய இருவரும் இணைந்து உருவாக்கிய வீஹீட்ஸ் டெக்னாலஜி சொல்யூஷன்ஸ் நிறுவத்தினால் உருவாக்கப்பட்ட செயலி இது.

ஹனிடேஸ்க் செயலி மற்றும் நிறுவனத்தின் நோக்கம் மற்றும் செயல்பாடுகள் பற்றி இதன் நிறுவனர்களில் ஒருவரான வசந்தின் விரிவான் இமெயில் நேர்காணல் இதோ;.

1.ஹனிடேஸ்க் செயலியின் நோக்கம் என்ன?
வர்த்தக நிறுவனங்கள் அல்லது குழுவாக செயல்படும் எவரும் ஹனிடேஸ்க் செயலியின் மூலம் அவர்களது தினசரி செயல்களையும், குழுவின் நடவடிக்கைகளையும் திரண்பட ஒருங்கிணைத்து, அன்றாட வேலைகளை விரைவிலும், துரிதமாகவும் முடிக்க வழி வகுக்கிறது. மேலும் குழுவில் நடக்கும் செயல்களை நொடிக்கு நொடி தெரிந்து கொள்ளவும், அவர்களது வேலை திறனை கண்காணிக்கவும் உதவி புரிகிறது.

2.ஹனிடேஸ்க் செயலி யாருக்கானது?
தற்போது நாங்கள் ஹனிடேஸ்க் செயலியை உலகளாவிய எந்தவொரு சிறு/நடுத்தர வர்த்தக நிறுவனங்களும்(SME-Small/Medium Enterprises) மற்றும் தொழில்நுட்ப ஸ்டார்ட்-அப்ஸ்(Technology Start-Ups) பயன்படுத்தும் வகையில் உருவாக்கி உள்ளோம்.

3.ஹனிடேஸ்க் செயலி உருவான‌ விதம்?

நியாபக் செயலியின் உருவாக்கத்திற்கு பிறகு எங்களது நிறுவனத்தின் குழு எண்ணிக்கை இருவரில் இருந்து ஆறு நபராக உயர்ந்தது. எனவே எங்களது ஒவ்வொருவரின் வேலைகளையும் ஒழுங்கு படுத்த ஒரு தீர்வு தேவைபட்டது. எனவே இணையத்தில் உள்ள குழுவுக்கான கொலாபிரேஷன் செயலிகளை சோதித்து பார்த்தோம். ஆனால் பல செயலிகளின் பயன்பாடுகள் மிகவும் கடினமாகவும், குழுவின் செயல்களை ஒருங்கிணைக்க தவறியதாகவும் மற்றும் அவர்களது செயலியின் விலையும் மிகவும் அதிகமாக இருந்தது. எனவே குழுவுக்கான கொலாபிரேஷன் செயலி சந்தை இன்னும் முழுமை அடையவில்லை என்பதை உணர்ந்து ஆரம்பித்து 6 மாதங்கள் உழைப்பிற்கு பின்பு உருவானதே ஹனிடேஸ்க்.

4.ஹனிடேஸ்க் செயலி பிரதானமாக ஐடி துறையினருக்கானது போல தோன்றுகிறதே,அதை யாரெல்லாம் பயன்படுத்தலாம்?எப்படி பயன்படுத்தலாம்?

நான் முன்பு கூறியது போல குழுவாக செயல்படும் எவரும் ஹனிடேஸ்க் செயலியினை பயன்படுத்துமாறு வடிவமைத்து உள்ளோம்.
உதாரணமாக, நமது தமிழ் பதிவர்கள் தொடர்ந்து மாதம் ஒரு முறையாவது பதிவர்கள் சந்திப்பு நிகழ்ச்சியினை நடத்துகின்றனர். ஹனிடேஸ்க் செயலி மூலம் பதிவர்கள் சந்திப்பு ஒருங்கிணைப்பாளர் நிகழ்ச்சியின் செயல்களையும், வேலைகளையும் அழகாக பிரித்து அந்தந்த நபர்களிடம் தந்துவிட்டு செயலி மூலம் வேலைகள் எவ்வளவு முடிந்து உள்ளது, முடியாத வேலைகளை திரண்பட விரைவாக முடிக்க என்ன வழிகள் உள்ளன என அனைத்து விசயங்களையும் தெளிவாக கண்காணிக்க முடியும்.

5.இந்த செயலி எந்த தேவையை நிறைவேற்றுகிறது?

நிறுவனங்களின் திறன் உற்பத்தியை(Productivity) மற்றும் நிறுவனங்களில் உள்ள அணிகள் இடையேயான தொடர்பினை(Communication) அதிகபடுத்தி அவர்களின் உற்பத்தி திறனையும் அதிகபடுத்தும் தேவையை ஹனிடாஸ்க் சிறப்பாக நிறைவேற்றும்.

7.தனிநபர்கள் இதனை பயன்ப‌டுத்த முடியுமா?

தற்போது ஹனிடாஸ்க் ஒரு குழுவாக பயன்படுத்துவோற்கு ஏற்ற வகையில் வடிவமைக்கப்பட்டுள்ளது. தனி நபர்கள் அதிகமாக உபயோகிக்கும் பட்சத்தில் சில அம்சங்களை கொண்டு வரும் எண்ணம் இருக்கிறது.

8.குடும்ப உறுப்பினர்கள் இதனை பயன்படுத்தும் சாத்தியம் உள்ளதா?

உள்ளது. உதாரணமாக, உங்கள் குடும்பத்தினருடன் சுற்றுலா செல்லும் பணிகளை ஹனிடாஸ்க் மூலம் ஒருங்கிணைக்க முடியும். இது போல் பல அன்றாட தேவைகளை இதில் உள்ளடக்க முடியும்.

9.இமெயில் மூலம் தகவல்களை உள்ளீஇடுன் செய்வது போல பேஸ்புக் ,டிவிட்டர் மூலம் செய்வது சாத்தியமா?

கண்டிப்பாக முடியும். ஃபேஸ்புக், ட்விட்டர் ஆகியவற்றின் ஸ்டேட்டஸ்களின்(Status) ஹாஷ்டேகினை (#Hashtag) உபயோகபடுத்தி ஹனிடாஸ்க் செயலியில் தகவல்களை உள்ளிடலாம். இந்த அம்சத்தை எங்களது வெர்ஷன் இரண்டில்(V2.0) வெளியிட உள்ளோம். இது மட்டும் அல்லாமல் உங்கள் அலைபேசியின் குறுந்தகவல் மூலமாக தகவல்களை உள்ளிடவும், செயலியில் இருந்து அலைபேசியில் பெறவும் வசதிகளை உருவாக்கி வருகிறோம்.

10.இது வரை செயலிக்கான வரவேற்பு உள்ளது?

வெளியிட்ட ஒரு மாதத்தில் பல்வேறு தரப்பில் இருந்து நல்ல கருத்துகளையும், பாராட்டுகளையும் பெற்று வருகிறது ஹனிடாஸ்க்.
இன்று வரை 250 பயினிட்டார்கள் பயன்படுத்தி வருகின்றனர், அதில் 89 நிறுவனங்களும் அடக்கம். ஸ்டார்ட்அப் சமூகத்தின் சில கருத்துகள் பின்வருமாறு:
01. http://yourstory.in/2012/07/vheeds-team-management-honeytask/
02. http://www.pluggd.in/team-collaboration-tool-honeytask-297/
03. http://www.techinasia.com/honeytask-productivity-platform-india/

மேலும் இது வரை இரண்டு ஏஞ்சல் இன்வெஸ்டோர்ஸ்(Angel Investors) ஹனிடாஸ்க்கில் முதலீடு செய்ய விருப்பம் தெரிவித்து உள்ளனர்.

11.மற்ற ஒருங்கிணைப்பு செயலிகளோடு ஒப்பிடும் போது இதன் சிறப்புக்கள் என்ன?

பல்வேறு அம்சங்களை(Project Management, Task Control, Time Tracking, Chat, Reports, Team management) ஒருங்கிணைத்து ஒரே செயலினியுள் இதுவரை யாரும் தந்திராத வகையில் எளிமையாகவும், அனைவரும் உபயோகிக்கும் வகையில் விலை குறைவாகவும் தருவதே எங்களது குறிக்கோளாக வைத்து உள்ளோம். மற்ற செயலிகள் மேற் சொன்ன அம்சங்களை தனியாகவவோ, சில அம்சங்களை மட்டும் சேர்த்தே இதுவரை வழங்கி வருகின்றன.

12.செயலியை பயன்படுத்தியவர்களின் கருத்துக்கள் என்ன?

பல்வேறு பயனீட்டாளர்கள் செயலியை உபயோக படுத்த எளிமையாக இருப்பதாகவும், சிலர் மிகவும் வேகமாக இயங்குவதாகவும் தெரிவிதுள்ளனர். சிலர் தங்களக்கு செயலியில் பயன்படுத்தி உள்ள வண்ணங்கள் கொஞ்சம் மென்மையாக இருந்தால் நன்றாக இருக்கும் என்றும் தெரிவித்தனர், அனைத்து கருத்துகளையும் உட்கொண்டு எங்களது அடுத்த வெர்ஷன் உருவாகி வருகிறது.

13.அடுத்த கட்ட திட்டம் மற்றும் மேம்பாடு முயற்சிகள் என்ன?

கூகிள், ஃபேஸ்புக், ட்விட்டர், ட்ராப்பாக்ஸ் போன்ற திர்ட் பார்ட்டி அப்ளிகேஷன் (Third Party Applications) உடன் செயலியை ஒருங்கிணைக்க உள்ளோம். மேலும் அண்ட்ரோயாட், ஆப்பிள் (Android,iOS) ஆகிய இயங்கு பொருள் சாதனங்களில் செயலியினை கொண்டு வர உள்ளோம்.

14.சாப்ட்வேர் குறித்த உங்கள் நிறுவன அணுகுமுறை என்ன?

மென்பொருள் என்பது நமது அன்றாட வேலைகளை எளிதாகவும், விரைவாகவும் முடிக்க உதவும் ஒரு பொருளாகதான் நாங்கள் கருதுகிறோம். மேலும் மென்பொருள்களும், இணைய வசதிகளும் இந்தியாவில் வளர்ந்த நகரங்களுக்கு மட்டும் உரித்தானது என்பதை மாற்றவே ஈரோட்டில் எங்களது மென்பொருள் நிறுவனத்தை நடத்தி வருகிறோம். விரைவில் ஈரோடு மாநகரத்திற்கான ஒரு மென்பொருளை உருவாக்க உள்ளோம்.

15.வேறு முயற்சிகள் என்ன என்ன?

ஹனிடாஸ்கின் முழுமையான உருவாக்கத்திருக்கு பின்பு எங்களது நீண்ட நாள் எண்ணமான ஈரோடு மாநகரத்திற்கான ஒரு மென்பொருளை உருவாக்க உள்ளோம். இந்த மென்பொருள் மூலம் அனைத்து வர்த்தக நிறுவனங்களையும் மக்களின் பயன்பாட்டிற்காக ஒரே இடத்தில்(Platform) மென்பொருள் மூலம் இணைக்க உள்ளோம். இதன் மூலம் மக்களும், வணிக நிறுவனங்களும் பெரிதும் பயனடைய வாய்ப்பு உள்ளது.

மேலும் ஈரோடு கல்லூரி மாணவர்களிடயே ஸ்டார்ட்அப்(Startup) மற்றும் இணைய செயலிகள் (Web Products) குறித்து ஆர்வத்தை ஏற்படுத்தும் நிகழ்ச்சிகளை நடத்த எண்ணி உள்ளோம். இதன் மூலம் நமது தமிழகத்தில் இருந்தும் அடுத்த கூகிள் அல்லது ஃபேஸ்புக் போன்றவற்றை உருவாக்க முடியும் என நம்புகிறோம்.

16.நிறுவனம் உருவான விதம்?

நான் மற்றும் எனது நண்பன் சுரேந்தர் ஆகிய இருவரும் எங்களது பொறியியல் படிப்பிற்கு பிறகு(2007) ஹைத்ராபாத்தில் உள்ள ஒரு மென்பொருள் நிறுவனத்தில் மூன்று ஆண்டுகள் வேலை பார்த்தோம்.2010’ல் இந்தியாவில் ஸ்டார்ட்அப் (Technology startup) கலாச்சாரம் மெல்ல மெல்ல உருவாக ஆரம்பித்தது. அது எங்களை மிகவும் கவர்ந்தது. எனவே நாங்கள் இருவரும் எங்களது வேலையை இராஜினாமா செய்துவிட்டு புதிதாக ஏதேனும் தொழில்நுட்பத்தில் சாதிக்க வேண்டும் என நினைத்து எங்களது சொந்த ஊரான ஈரோடு வந்தோம்.

வந்த பின் முதல் ஆறு மாதங்கள் எங்கள் வாழ்வின் கடினமான காலம் என்றே சொல்ல வேண்டும். எங்கு ஆரம்பிப்பது, எதை செய்வது என தெரியாமல் மிகவும் கஷ்டபட்டோம். தெரிந்தவர்களுக்கும், நண்பர்களுக்கும் அவர்களது தொழிலுக்கான இணைய வடிவமைப்பு(Web Design) செய்து தந்தோம். இருந்தும் எங்கள் மனது திருப்தி அடையவில்லை. அதில் பெரிய வருமானமும் வரவில்லை.

சரி, மீண்டும் ஏதேனும் ஒரு மென்பொருள் நிறுவனத்தில் சேரலாம் என முடிவெடுத்த போது எங்கள் நண்பன் ஒருவன் அவனது தொழிலின் தினசரி விவரங்களை(Current Bill, Phone Bill, Salary Dispatch, personal works, insurance dues) ஞாபகம் படுத்த ஒரு மென்பொருள் செய்து தருமாறு கேட்டுக்கொண்டான். அப்போதுதான் நாங்கள் இருவரும் நினைத்தோம், இதே தேவைகளுடன் பலர் கண்டிப்பாக இருப்பார்கள். ஏன் இதை மென்பொருளாக இல்லாமல் ஒரு இணைய செயலியாக செய்ய கூடாது என நினைத்தோம். 2 மாதங்கள் இதற்காக செயல்பட்டு இருவரும் நியாபக் ‘NYABAG’ என்னும் இணைய செயலினை வெளியிட்டோம். நாங்கள் எதிர்ப்பார்க்காத வகையில் நியாபக் சிறந்த வரவேற்பு பெற்றது. அதை தொடர்ந்து நடந்த மாற்றமே எங்களது இன்றைய நிறுவனம் VHEEDS TECHNOLOGY SOLUTIONS.

இந்த இரண்டு வருடங்கள் எங்களையும், எங்கள் கனவுகளையும் புரிந்து கொண்ட எங்கள் பெற்றோருக்கு நாங்கள் மிகவும் நன்றி கடன் பட்டுள்ளோம்.

17.நியாபக் செயலி பற்றியும் விரிவாக குறிப்பிடவும்.

நான் மேலே கூறியது போல ஒருவரது பெர்சனல் விஷயங்களை மறக்காமல் ஞாபகம் வைத்துக்கொள்ள உருவாக்கியதுதான் நியாபக் செயலி. நீங்கள் உங்களது வேலைகளையும், முக்கியமான தினங்களையும் மறக்காமல் உங்களது மெயில் பாக்ஸிலோ, அலைபேசியின் மூலமாகவோ தெரிந்துக்கொள்ள நியாபக் உதவி புரியும். மேலும் உங்களது அன்றான நிகழ்வுகளை சேமித்து வைத்துக்கொள்ளும் டைரியாகவும் செயல்படும். இத்தனை வசதிகள் கொண்ட செயலி முற்றிலும் இலவசம் என்பது இதன் சிறந்த அம்சமாகும்.

இன்று வரை நியாபக் செயலினை 2647 பயனீட்டாளர்கள், 56 நாடுகளில் இருந்து பயன்படுத்தி வருகின்றனர்.

—————–

https://honeytask.com/