Tag Archives: space

1flag

கிரவுட்பண்டிங் மூலம் உருவாகும் உலகின் மிகப்பெரிய தேசியக்கொடி!

கத்தான முயற்சி அது. முடிவடையும் போது பிரம்மாண்டமாகவும் இருக்கும். பிரமிக்கவும் வைக்கும். உலகின் மிகப்பெரிய தேசியக்கொடியை உருவாக்குவதற்கான திட்டமாக தென்னாப்பிரிக்காவில் மேற்கொள்ளப்பட்டு வரும் இந்த முயற்சியில் உலக நாடுகளை சேர்ந்தவர்களும் பங்கேற்கலாம். ஆம் , இந்த பிரம்மாண்ட கொடி கிரவுட்பண்டிங் முறையில் உருவாக்கப்பட்டு வருகிறது. இந்த தேசியக்கொடி நிறைவடையும் போது விண்வெளியில் இருந்து பார்த்தாலே தெரியக்கூடிய அளவுக்கு மெகா அளவில் இருக்கும். பிரம்மாண்டம் மட்டும் அல்ல அந்த கொடியின் சிறப்பம்சம்.

வறட்சிக்கும், வறுமைக்கும் அறியப்படும் பாலைவனப்பகுதியில் வேலைவாய்ப்புக்கு வித்திடும் திட்டமாகவும் , சுற்றுச்சூழலுக்கு நலன் பயக்கும் பசுமை திட்டமாகும் அமையும். தென்னாப்பிரிக்காவுக்கு சுற்றுலா பயணிகளை கவர்ந்திழுக்கும் வகையிலும் இந்த கொடி அமைந்திருக்கும். முற்றிலும் செடிகளால் அமைய இருக்கும் பசுமையான தேசியக்கொடி இது. ஆம், தென்னாப்பிரிக்காவின் தேசியக்கொடியை பிரதிபலிக்கும் வண்ணங்களை கொண்ட செடிகள் அந்த கொடியின் அமைப்பிலான வடிவமைப்பில் வளர்க்கப்பட இருக்கின்றன.

1flagஅருகில் இருந்து பார்த்தால் தோட்டம் போல் இருக்கும். ஆனால் பறவை பார்வை பார்த்தால், தென்னாப்பிரிக்க தேசியக்கொடி பூமி மீது படர்ந்திருப்பது போல தெரியும் – இது அந்த கொடியின் அற்புதம். தென்னாப்பிரிக்காவின் முக்கிய நகரான கேப்டவுன் மற்றும் தலைநகர் ஜோகன்னஸ்பர்க் இடையிலான வறண்ட நிலப்பகுதியான காரூவில் உள்ள கேம்டேபூ நகராட்சியில் இந்த கொடி உருவாக்கப்பட்டு வருகிறது. கொடியின் மொத்த பரப்பு 66 ஹெக்டேர். அதாவது 163 ஏக்கர்கள். கிட்டத்தட்ட 66 கால்பந்து மைதானங்களின் பரப்பு! இந்த பரப்பில் 25 லட்சம் சிவப்பு, மஞ்சள், நீலம் மற்றும் பச்சை ஆகிய வண்ணத்திலான பாலைவனச்செடிகள் வளர்க்கப்பட்டு வருகின்றன. இந்த செடிகள் தான் கொடியாக இருக்கின்றன. தென்னாப்பிரிக்க தேசியக்கொடி அமைப்பில் உள்ள கருப்பு முக்கோணப்பகுதியில் பெரிய அளவிலான சோலார் மின் நிலையம் அமைக்கப்பட உள்ளது.

இந்த மின் நிலையம் சுற்றியுள்ள பகுதியில் மின் தேவையை பூர்த்தி செய்யும் என எதிர்பார்க்கப்படுகிறது. செடிகளுக்கான நீர்த்தேவையும் மழைநீர் சேமிப்பு மூலம் நிறைவேற்றப்பட உள்ளது. ஆக, புதுமையான இந்த திட்டம் வேலைவாய்ப்பு, சுற்றுலா மேம்பாடு, சுற்றுச்சூழல் பாதுகாப்பு என பலவித நோக்கங்களை கொண்ட லட்சிய திட்டமாகவும் இருக்கிறது. செடி வளர்ப்பு மற்றும் பராமரிப்பு மூலம் இந்த நகராட்சியில் உள்ள 700 பேருக்கு வேலை வாய்ப்பு கிடைக்கும் என்று கருதப்படுகிறது. வேலையில்லா திண்டாட்டம் 40 சதவீதமாக இருக்கும் பகுதி என்பதால் இது இப்ப்குதியின் வறுமையை போக்கும் என கருதப்படுகிறது.

அதோடு இந்த பிரம்மாண்டமான பசுமைக்கொடியை பார்ப்பதற்காக என்றே சுற்றுலா பயணிகளை ஈர்க்க முடியும் என நம்ப படுகிறது. கொடியை விண்ணில் இருந்து தான் பார்க்க முடியும் என்பதால் இதற்காக என்றே இப்பகுதியில் ஹாட் ஏர் பலூன் உலாக்களுக்கும் ஏற்பாடு செய்ய திட்டமிடப்பட்டுள்ளது. இந்த செடிகள் மண்ணுக்கு உரிய ஊட்டச்சத்தை அளிப்பதோடு , கரியமில வாயுவை உறிஞ்சிக்கொண்டு சுற்றுச்சூழல் பாதிப்பையும் குறைக்கும் என்று கருதப்படுகிறது. சுற்றுச்சூழலுக்கும் கைகொடுப்பதோடு பொருளாதார வளர்சிக்கும் உதவக்கூடிய மிகபெரிய திட்டமாக கருதப்படுகிறது. முழுவீச்சில் செடிகளும், கொடியும் தயாராகி வருகின்றன.

1flag2road-trip-1எல்லாம் சரி, இந்த திட்டம் உருவானது எப்படி? இதன் பின்னே இருப்பது யார்?

2010 ல் நடந்த கால்பந்து உலக கோப்பை போட்டியின் போது தான் இந்த திட்டத்திற்கான விதை உருவானது. கால்பந்து திருவிழாவை முன்னிட்டு தென்னாப்பிரிக்காவுக்கு உலகம் முழுவதிலும் இருந்து கால்பந்து ரசிகர்களும் சுற்றுலா பயணிகளும் வந்து குவிந்தனர். உலக கோப்பை தென்னாப்பிரிக்க மக்கள் மத்தியிலும் உற்சாகத்தை ஏற்படுத்தியது. தேசியக்கொடி அனைவரையும் ஒன்றிணைக்கும் சின்னமாக இருந்தது. எப்சிபி தென்னாப்பிரிக்கா எனும் விளம்பர நிறுவனம் இந்த உணர்வை மையமாக கொண்டு, உலக கோப்பை முடிந்ததும் ’கொடி தொடர்ந்து பறக்கட்டும்’ எனும் கோஷத்தோடு விளம்பர திட்டம் ஒன்றை மேற்கொண்டது. இந்த திட்டம் பெரும் வரவேற்பை பெற்றது. இந்த விளம்பரத்தை உருவாக்கிய லைபர்மேன் எனும் அதிகாரியை நிறுவன சி.இ.ஓ அழைத்து பாராட்டு தெரிவித்தார். அத்தோடு நிற்காமல், இந்த உணர்வை எதிர்காலத்திலும் நிலைத்து நிற்கும் வகையில் புதுமையான ஒரு திட்டத்தை உருவாக்குமாறு கேட்டுக்கொண்டார். இதற்காக லைபர்மேன் உருவாக்கியது தான் ,விண்ணில் இருந்து பார்த்தால் தெரியக்கூடிய பிரம்மாண்ட தேசியக்கொடியை உருவாக்கும் திட்டம்.

ஜெயண்ட் பிளாக் ஆப் தென்னாப்பிரிக்கா எனும் பெயரில் இந்த திட்டம் செயல்படுததப்பட்டு வருகிறது. இதற்காக அறக்கட்டளை ஒன்றும் ஏற்படுத்தப்பட்டுள்ளது. இந்த திட்டதிற்கு தேவையான நிதியில் முதல் கட்ட தொகை வர்த்தக நிறுவனங்களிடம் இருந்து பெறப்பட்டுள்ளன. அடுத்த கட்ட நிதி பொது மக்களிடம் இருந்து கோரப்படுகிறது.

கிரவுட்பண்டிங் முறையில் இந்த நிதியை திரட்ட ஜெயண்ட்பிளாக் எனும் பெயரில் இணையதளமும் அமைக்கப்பட்டுள்ளது. ( இந்த இணையதளத்தின் முகப்பு பக்கத்தில் இருக்கும் தென்னாப்பிரிக்க தேசியக்கொடி மீது கிளிக் செய்தால் கொடியின் வண்ணங்களுக்கான பாலைவனச்செடிகளின் தோற்றம் வருகிறது. இதன் மூலம் கொடி எப்படி உருவாகும் என்பதை உணரலாம்). கொடியின் பின்னே உள்ள லட்சிய திட்டத்தை விவரிக்கும் இந்த இணையதளம் , கொடியின் அங்கமான செடிகளை வளர்க்க நிதி கோருகிறது. விருப்பம் உள்ளவர்கள், ஒரு செடியை வாங்கி வாங்கி தத்தெடுக்கலாம். பல காலத்திற்கு அந்த செடி உங்கள் பெயர் சொல்லிக்கொண்டிருக்கும் என அழைப்பு விடுக்கப்பட்டுள்ளது. தென்னாபிரிக்க பகுதியில் சமூக மாற்றத்திற்கும் சுற்றுச்சூழல் நலனுக்கும் வித்திடக்கூடிய இந்த பிரம்மாண்ட தேசியக்கொடி உலக உளவிலான கூட்டு முயற்சிக்கும் சான்றாக விளங்கும் என தெரிவிக்கப்பட்டுள்ளது.

இணையதள முகவரி; https://www.giantflag.co.za/

1-space

இமெயில் மூலம் வின்வெளியில் அச்சான சாதனம் – 3டிபிரிண்ட்ங் அற்புதம்

தொழில்நுட்பம் வின்னைத்தாண்டி வளர்ந்திருக்கிறது. இதற்கான சமீபத்திய உதாரணம் வின்வெளியில் இருக்கும் வின்வெளி வீரருக்கு சாக்கெட் சாதனம் ஒன்று தேவைப்பட்ட போது நாசா அதற்கான வடிவமைப்பை இங்கிந்திருந்து இமெயில் மூலம் அனுப்பி வைத்து அங்கே அதை முப்பரிமான அச்சில் உருவாக்கி கொள்ள வைத்து வியக்க வைத்திருக்கிறது.
வின்வெளியில் முப்பரிமான அச்சில் உருவாக்கப்பட்ட இந்த முதல் சாதனம் 3டி பிரிண்டிங் என்று சொல்லப்படும் இந்த தொழில்நுட்பம் எந்த அளவுக்கு பயனுள்ளதாக இருக்கும் என்பதற்கான அழகான உதாரணமாக கருதப்படுகிறது.
சாப்ட்வேர் வடிவமைப்பு மூலம் ஒருவொரு அடுக்காக பொருளை அச்சு அசலாக உருவாக்கும் முறையில் 3டி பிரிண்டிங் செயல்படுகிறது. இந்த முப்பரிமான அச்சு முறையின் பயன்பாடு பலதுறைகளில் புரட்சிகரமானதாக அமையும் என கணிக்கப்பட்டுள்ளது.

1-space2
இதற்கு உதாரணமாக அமைவது போல சமீபத்தில் வின்வெளியில் உள்ள சர்வதேச வின்வெளி ஆய்வு மைத்தில் தேவைப்பட்ட பொருளை நாசா இமெயில் மூலம் அனுப்பி வைத்திருக்கிறது. அதாவது அந்த பொருளுக்கான வடிவமைப்பை அனுப்பி அதை வின்வெளியில் முப்பரிமான அச்சில் உருவாக்கி கொள்ள வைத்திருக்கிறது.
அமெரிக்கா உள்ளிட்ட நாடுகள் இணைந்து வின்வெளி ஆய்வுக்காக சர்வதேச வின்வெளி ஆய்வு மையத்தை அமைத்துள்ளன. வின்வெளி வீரர்கள் ஆய்வு பணிக்காகவும், பராபரிப்பு பணிக்காகவும் இந்த வின்வெளி மையத்திற்கு டூர் அடித்துவிட்டு வருவதுண்டு. குறிப்பிட்ட காலத்திற்கு அங்கேயே வீரர்கள் தங்கி விட்டு வருவார்கள்.
இப்படி வின்வெளியில் தங்கியிருக்கும் வீரர்களுக்கு ஏதேனும் பொருள் தேவை என்றால் அதை உடனே அனுப்பி வைத்துவிட முடியாது. அடுத்த முறை வின்வெளிக்கு வின்களத்தை அனுப்பும் போது தான் பொருளை அனுப்பி வைக்க முடியும். ஆக வின்வெளி வீரர் மாதக்கணக்கில் காத்திருக்க வேண்டியதில்லை.
இனி அந்த கவலை கிடையாது. புதிய பொருள் தேவைப்பட்டால் ஒரு கோரிக்கை வைத்தால் போதும் இக்கிருந்து ஒரு இமெயிலில் அந்த பொருளுக்கான வடிவமைப்பை அனுப்பி விடலாம். அந்த வடிவமைப்பை கொண்டு வின்வெளியில் இருக்கும் 3டி பிரிண்டரில் பொருளை அச்சிட்டு பயன்படுத்திக்கொள்ளலாம்.
இப்படி தான் சமீபத்தில் வின்வெளியில் இருக்கும் பேரி வில்மூர் எனும் வின்வெளி வீரருக்கு சாக்கெட் ரென்ச் எனும் சாதனம் தேவைப்பட்ட போது நாசா அதற்கான சாப்ட்வேர் வடிவமைப்பை இமெயிலில் அனுப்பி வைத்திருக்கிறது. ஏற்கனவே வின்வெளிக்கு அனுப்பி வைக்கப்பட்ட 3 டி பிரிண்டர் மூலம் வில்மூர் தனக்கு தேவைப்பட்ட சாக்கெட்டை உருவாக்கி கொண்டு விட்டார். ( ஜிரோ கிராவிட்டியில் செயல்படக்கூடிய பிரத்யேக் பிரிண்டர் இது).
வின்வெளியில் செயல்படும் 3டி பிரிண்ட்ங் சாதனங்களை உருவாக்கும் மேட் இன் ஸ்பேசஸ் நிறுவனம் நாசா கோரிக்கையை ஏற்று இந்த வடிவமைப்பை உருவாக்கி ஜி-கோடு முறையில் அனுப்பி வைத்திருக்கிறது. இது பற்றி நிறுவன இணை நிறுவனர் மைக் சென் விரிவான கட்டுரை ஒன்றை மீடியம் வலைப்பதிவு சேவையில் எழுதியுள்ளார்.
வின்வெளி மையத்தில் இது வரை அச்சிடப்பட்ட 21 பொருட்களை ( மற்ற 20 பொருட்களுக்கான வடிவமைப்பு பிரிண்டருடன் அனுப்ப பட்டன) மீண்டும் பூமிக்கு கொண்டு வந்து வின்வெளியில் அச்சிடும் பொருட்களின் தன்மை மற்றும் அவற்றுக்கான மாற்றம் குறித்து மேட் இன் ஸ்பேசஸ் ஆய்வு செய்ய உள்ளதாக சென் குறிப்பிட்டுள்ளார்.
மைக் சென் வலைப்பதிவு: https://medium.com/backchannel/how-we-email-hardware-to-space-7d46eed00c98

 

—-

விகடன்.காமில் எழுதியது.

விண்வெளியில் இருந்து ஒரு சுயபடம் !

swanson-iss-instagram-cupola-2தன்னைத்தானே புகைப்படம் எடுத்து வெளியிட்டுக்கொள்ளும் சுயபட (செல்ஃபீ) கலாச்சாரத்தை நீங்கள் விரும்பினாலும் சரி வெறுத்தாலும் சரி, ஸ்டீவ் ஸ்வான்சனின் சுயபடத்தை நிச்சயம் வியந்து பாராட்டுவீர்கள். ஏனெனில் இது வழக்கமான சுபபட அல்ல; சாதனை சுயபடம்!. ஆம், விண்வெளியில் இருந்து இன்ஸ்டாகிராம் செய்யப்பட்டுள்ள முதல் புகைப்படம் இது. அமெரிக்க விண்வெளிவீரரான ஸ்டீன் ஸ்வான்சன் விண்வெளியில் அமைக்கப்பட்டு வரும் சர்வதேச விண்வெளி ஆய்வு மையத்திற்கு ( ஐ.எஸ்.எஸ்) சென்றிருக்கிறார். விண்வெளி ஆய்வு மைத்தில் இருந்து தான் அவர் தன்னை புகைப்படம் எடுத்து அதை இன்ஸ்டகிராம் புகைப்பட பகிர்வு சேவை மூலம் வெளியிட்டுள்ளார். ஏப்ரல் 7 ந் தேதி வெளியிடப்பட்ட இந்த புகைப்படம் விண்வெளியில் இருந்து இன்ஸ்டாகிராமில் வெளியிடப்பட்ட முதல் புகைப்படம் எனும் சிறப்பை பெற்றிருக்கிறது.

ஸ்டீவன்சன், விண்வெளி மையத்தில் மிதந்தபடி காட்சித்தரும் இந்த புகைப்படத்தை அவரே எடுத்து வெளியிட்டிருக்கிறார். அதாவது சுயபடமாக வெளியிட்டிருக்கிறார். ” ஐ.எஸ்.எஸ் -சுக்கு திரும்பி வந்திருக்கிறேன், இங்கு வாழ்க்கை நன்றாக இருக்கிறது’ எனும் புகைப்பட குறிப்பையும் அதனுடன் இணைத்திருக்கிறார். ஸ்வான்சன் புன்னகைத்துக்கொண்டிருக்கும் இந்த புகைப்படம் விண்வெளி மையத்தில் வாழ்க்கையை எடுத்துக்காட்டும் வகையில் இருக்கிறது. அதனால் உற்சாகம் அளிக்கிறது.

இன்ஸ்டாகிராம் புகைப்பட பகிர்வு சேவை மிகவும் பிரபலமாக இருக்கிறது. இன்ஸ்டாகிராமில் நட்சத்திரங்கள் முதல் சாமான்யர்கள் வரை பலதரப்பினரும் இருக்கின்றனர். இன்ஸ்டாகிராமில் லட்சக்கணக்கில் புகைபப்டங்கள் பகிரப்பட்டு பார்த்து ரசிக்கப்படுகின்றன. இருந்தாலும் கூட விண்வெளியில் இருந்து இன்ஸ்டாகிராமில் புகைப்படம் வெளியிடப்பட்டிருப்பது விஷேசமானது.
ஏற்கனவே விண்வெளியில் இருந்து டிவிட்டர் செய்தி பகிரப்பட்டது உங்களுக்கு நினைவிருக்கலாம். நாசாவின் மைக் மாரிமொனோ (Mike Massimino ) எனும் விண்வெளி வீரர் கடந்த 2009 ம் ஆண்டு விண்வெளியில் இருந்து முதல் டிவிட்டர் செய்தியை வெளியிட்டார். அவரது டிவிட்டர் கணக்கு : @Astro_Mike

இப்போது ஸ்வான்சன் விண்வெளியில் இருந்து சமூக ஊடக உலகிற்கு அடுத்த பாய்ச்சலை இன்ஸ்டாகிராம் படம் மூலம் செய்திருக்கிறார். இன்ஸ்டாகிராமில் சரவ்தேச வின்வெளி மையத்திற்காக அமைக்கப்பட்டுள்ள கணக்கு மூலம் இந்த புகைப்படத்தை வெளியிட்டுள்ளார். அவரும் ரஷ்யாவைசேர்ந்த சக விண்வெளி வீரரகள் இருவருமாக சேர்ந்து கடந்த ஜனவரியில் இன்ஸ்டாகிராம் கணக்கை துவக்கினர். விண்வெளி பயணத்திற்கு தயாராகும் புகைப்படங்களை அதில் பகிர்ந்து வந்தனர். இப்போது வின்வெஇல் இருந்தே படம் வந்து விழுந்துள்ளது.
ஸ்வான்சன் மேலும் சில புகைப்படங்களையும் விண்ணில் இருந்து வெளியிட்டிருக்கிறார். தொடர்ந்து அவரிடம் இருந்து விண்வெளி புகைப்படங்களை எதிர்பார்க்கலாம். விண்வெளி வீர்ர்களின் புகைப்படத்தை பார்த்து ரசிப்பது விஞ்ஞான ஆர்வலர்களுக்கு நிச்சயம் மகிழ்ச்சியானது . அப்படி இருக்க வீரரகள் விண்வெளியில் இருக்கும் காட்சியை அங்கிருந்தே பார்க்க முடிவது நிச்சயம் வியப்பானது தான்.

விண்வெளி வீரர்களுக்கு இந்த இன்ஸ்டாகிராம் பழக்கம் தேவையா என்று கேட்க நினைக்கலாம். ஆனால் விண்வெளி ஆய்வு தொடர்பான தகவல்களை பொதுமக்களுடன் பகிர்ந்து கொண்டு அவர்களுக்கு விண்வெளி ஆய்வில் விருப்பத்தையும் விழிப்புணர்வையும் ஏற்படுத்தும் வகையில் சமூக ஊடகத்தை பயன்படுத்தும் பரவலான முயற்சி
யின் ஒரு அங்கமாகவே இது அமைந்துள்ளது. சமூக ஊடகம் வாயிலாக மக்களுடன் விண்வெளி ஆய்வு பற்றிய விவரங்களை பகிர்ந்து கொள்வதில் அமெரிக்க விண்வெளி ஆய்வுக்கழகமான நாசா தீவிரமாக உள்ளது. நம்முடைய இஸ்ரோ அமைப்பும் சமூக ஊடகத்தை பயன்படுத்துவதில் முனைப்புடன் இருக்கிறது.

ஸ்வான்சன் இன்ஸ்டாகிராம் மூலம் வெளியிடுள்ள புகைப்படம் இணையவாசிகள் மத்தியிலும் பரவலான வரவேற்பை பெற்றுள்ளது. 4000 பேருக்கு மேல் அந்த புகைப்படத்தை லைக் செய்துள்ளனர். பலர் பின்னூட்டம வாயிலாக கருத்துக்களையும் தெரிவித்துள்ளனர். அதில் சிலர் தாங்களும் விண்வெளி வீரராக வேண்டும் எனும் விருப்பத்தை தெரிவித்துள்ளனர். இத்தகைய ஆர்வத்தை ஏற்படுத்துவதே தானே இந்த முயற்சியின் நோக்கமாக இருக்க வேண்டும்.

ஸ்டீவ் ஸ்வான்சன் இன்ஸ்டாகிராம் புகைப்படங்களை பார்க்க: http://instagram.com/iss

————-

நன்றி; தமிழ் இந்து

 

 

கிலவுட் சேவையில் தகவல்களை பாதுகாப்பதற்கான வழிகள்.

cloudபுகைப்படங்களை சேமிப்பதாகட்டும், கோப்புகளை பகிர்வதாகட்டும் இப்போது கிலவுட் முறையிலான சேவைகளை தான் அதிகம் பயன்படுத்துகிறோம். நிறுவனங்களும் கில்வுட் சார்ந்த சேவைகளை தான் அதிகம் பயன்படுத்துகின்றன. கில்வுட் முறையில் சேமிப்பதும் பகிர்வதும் சுலபமாக இருக்கிறது. பல நேரங்களில் இலவசமானதாகவும் இருக்கிறது. இவ்வளாவு ஏன் பத்திரங்கள், அடையாள அட்டை போன்றறை கூட கிலவுட் முறையில் சேமித்து வைக்கிறோம். நாம் பயன்படுத்தும் டிராப்பாக்ஸ் சேவையில் துவங்கி பல சேவைகள் கிலவுட்டில் தான் இயங்கின்றன. வருங்காலத்தில் மேலும் பல சேவைகளுக்கு கிலவுட் தொழில்நுட்பம் பயன்படப்போகிறது என்பதிலும் சந்தேகமில்லை. அது மட்டுமா, 2014 ல் பல பணிகளில் கம்ப்யூட்டரில் இருந்து கிலவுட்டுக்கு மாறிவிடும் என்றும் கணிக்கப்பட்டுள்ளது.

கிலவுட் தொழில்நுட்பத்தின் முக்கியத்துவம் பற்றியோ பயன்பாடு பற்றியோ எந்த கேள்வியும் இல்லை. எல்லாம் சரி, கில்வுட் தொழில்நுட்பத்தில் தகவல்களை சேமிப்பது எந்த அளவுக்கு பாதுக்கப்பானது. கிலவுட் பயன்பாட்டிற்கான விதிகளும் சட்டங்களும் என்ன சொல்கிண்றன? கிலவுட்டில் சேமிக்கப்படும் தகவல்களுக்கு யார் பொறுப்பு? இப்படி பல கேள்விகள் கிலவுட் பயன்பாட்டில் எழுகின்றன.

நாம் மேலும் மேலும் அதிக அளவில் கிலவுட் சேவையை பயன்படுத்த துவங்கியிருக்கும் நிலையில் அவற்றின் பாதுகாப்பு குறித்து அறிந்து கொள்வது நல்லது. மிகவும் அவசியமும் கூட.

பெரும்பாலான கில்வுட் சேவைகளின் சர்வர்கள் அமெரிக்காவில் இருக்கின்றன. ஆனால் அவற்றை பயன்படுத்துபவர்கள் எல்லா நாடுகளிலும் இருக்கின்றனர். எனில் சேமிக்கப்பட்ட தகவல்களில் ஏதேனும் பிரச்ச்னை என்றால் எந்த நாட்டு சட்டம் பொருந்தும் என்பது சிக்கலானது. அதோடு குறிப்பிட்ட சூழலில் , தலவல்களை அணுகும் உரிமை யாருக்கு உண்டு என்னும் கேள்வியும் சிக்கலாகலாம். பயனாளிகள் தாங்கள் சேமித்து வைத்த தகவல்கள் தங்களுக்கு சொந்தமானவை என்று நம்பலாம். ஆனால் அவை சேமிக்கப்பட்ட இடம் இன்னொரு நிறுவனத்திற்கு சொந்தமானது என்பதை மறந்துவிடக்கூடாது. ஏதேனும் காரணத்துக்காக குறிப்பிட்ட அரசாங்கங்கள் தகவல்களை கேட்டால் கொடுக்க வேண்டி வரலாம். அப்போது என்னுடையது எனும் வாதம் எடுபடாது.

 

எனவே கிலவுட் சேவையை பயன்படுத்தும் போது சில வழிமுறைகளை பின்பற்றுவது சரியாக இருக்கும் என்று நிபுணர்கள் பரிந்துரைக்கின்றனர்.

 

முக்கிய விவரங்களில் கவனம்:

 

கிலவுட் சேவையை பயன்படுத்துவது பல நேரங்களில் ஆபத்தாக முடியலாம். அதற்காக கிலவுட் சேவையையே பயனப்டுத்தக்கூடாது என்றில்லை. மாறாக கவனமாக பயன்படுத்த வேண்டும். சாதரானமான தகவல்கள் என்றால் யோசிக்காமல் கிலவுட்டில் சேமித்து வைக்கலாம். ஆனால் ரகசியமானவை மற்றும் முக்கிய தகவல்கள் என்றால் கிலவுட்டிற்கு கொண்டு செல்லும் முன் யோசியுங்கள். உதாரணத

space

இப்படியும் ஒரு இணையதளம்.


எப்படி எல்லாம் இணையதளங்கள் இருக்கின்றன என்று நினைத்தால் ஆச்சர்யமாக இருக்கிறது.இப்படி வியக்க வைக்கும் தளம் ஒரு கேள்வியை கேட்டு அந்த கேள்விக்கு பதில் அளிக்கிறது.அவ்வளவு தான் அதை தவிர வேறு எதுவும் செய்யவில்லை அந்த தளம்.

இப்போது விண்வெளியில் எத்தனை பேர் இருக்கின்றனர்?இது தான் அந்த கேள்வி! இந்த கேள்வி தான் அந்த தளத்தின் முகவரியும் கூட.( http://www.howmanypeopleareinspacerightnow.com/ )

இந்த கேள்விக்கு தான் அந்த தளம் பதில் அளிக்கிறது.இப்போது இந்த கேள்விக்கான பதில் 6 என குறிப்பிடப்பட்டுள்ளது.அவர்கள் அனைவரும் விண்வெளியின் சர்வதேச விண்வெளி ஆய்வு மையத்தில் உள்ளனர் என்ற உப தகவலையும் தருகிறது.

அவ்வளவு தான் மொத்த தளமும் .வேறு எந்த விவரமும் கிடையாது.பதிலுக்கு அருகே விண்வெளி வீரரின் புகைப்படம் இருக்கிறது.

பெரிய அளவில் பயனுள்ள தளம் என்று சொல்ல முடியாது.ஆனால் சுவாரஸ்யமான இணையதளம் தான்.

விண்வெளி ஆய்வு மையத்திற்கு வீரர்கள் போய் வந்து கொண்டிருகின்றனர்.அதற்கேற்ப இந்த கேள்விக்கான பதில் புதுப்பிக்கப்படும் என்று எதிர்பார்க்கலாம்.

அவப்போது விஜயம் செய்து பார்த்தால் இப்போது விண்வெளியில் எத்தனை பேர் இருக்கின்றனர் என்று தெரிந்து கொள்ளலாம்.

ஒரு வெற்றிகரமான இணையதளத்தை உருவாக்குவது எப்படி என விடை தேடுபவர்கள் எளிமைக்கும் புதுமைக்குமான உதாரணமாக இந்த தளத்தை கொள்ளலாம்.

இணையதள முகவரி;http://www.howmanypeopleareinspacerightnow.com/