Tag Archives: tamil

நீங்களும் இனி, இமெயிலை டிக்டேட் செய்யலாம்

http---dictationநீங்கள் சொல்ல சொல்ல இமெயில் தானாகவே எழுதப்பட்டால் எப்படி இருக்கும் ? இது ஒன்றும் சாத்தியமாகாத மாயம் இல்லை. பேச்சறியும் மென்பொருள் ( ஸ்பீச் ரிகக்னிஷன் சாப்ட்வேர்) கைவசம் இருந்தால் , நாம் சொல்வதை அது புரிந்து கொண்டு எல்லாவற்றையும் வாக்கியங்களாக எழுதித்தரும். இப்போது இந்த வசதியை உங்கள் உலாவிக்கே ( பிரவுசர்) கொண்டு வந்திருக்கிறது டிக்டேஷன்.இயோ இணையதளம்.

இந்த தளத்தை உங்களது  நட்பான உதவியாளர் என்று வைத்துக்கொள்ளுங்களேன். இதில் நீங்கள் இமெயிலை டிக்டேட் செய்யலாம் . கட்டுரை மற்றும் ஆவணங்களை டிக்டேட் செய்யலாம். நீங்கள் சொல்லுவது இருந்தாலும் அதை எழுத்து வடிவில் டைப் செய்து தருகிறது இந்த தளம். இதை பயன்படுத்துவதும் எளிதானது தான். இதன முகப்பு பக்கத்தில் மாணவர்களின் நோட்டு பக்கம் போல கோடுகளை கொண்ட குறிப்பேடு இருக்கிறது. அந்த குறிப்பேட்டின் கிழே உள்ள , டிக்டேட் செய்யவும் பகுதியை கிளிக் செய்து விட்டு , யாரோ நீங்கள் சொல்வதை எல்லாம் கேட்க காத்திருப்பது போல மளமளவென்று சொல்ல வேண்டும். இப்படி சொல்லப்படுவதை எல்லாம் அந்த குறிப்பேடு டைப் செய்து தரும். 

இமெயில் அனுப்புவதாக இருந்தால் , அதை டைப் செய்யாமலே இப்படி டிக்டேட் செய்து அனுப்பிவிடலாம். அட நன்றாக இருக்கிறதே என வியக்கத்தோன்றுகிறாதா? 

பொதுவாக பேச்சறியும் மென்பொருளை தனியே வாங்கி பயன்படுத்த வேண்டும். ஆனால் இந்த தளமோ அதை தானே உள்ளீடு செய்து ,நம் பயன்பாட்டிற்கு தருகிறது. இந்த வசதி கூகுல் கூரோமிலேயே இருப்பது தான் . அது எத்தனை பேருக்கு தெரியும் எனத்தெரியவில்லை. ஆனால் இந்த தளம் கூகுல் குரோமில் உள்ளடங்கியுள்ள பேச்சறியும் மென்பொருள் வசதியை எல்லோரும் பயன்படுத்தக்கூடிய அழகான சேவையாக எளிதாக்கி தந்திருக்கிறது. பணிச்சுமை மிக்கவர்களுக்கும் ,எழுதுவதை ஒரு வேலையாக நினைப்பவர்களுக்கும் இந்த சேவை பேரூதவியாக இருக்கும்.

இவ்வளவு சொல்லிவிட்டு , இப்போது ஏமாற்றம் தரக்கூடிய ஒரு தகவல். இந்த டிக்டேஷன் சேவையை ஆங்கிலத்தில் தான் பயன்படுத்தலாம். இந்தி , தமிழ் உள்ளிட்ட இந்திய மொழிகளில் பயன்படுத்தும் வசதி இல்லை. இத்தனைக்கும், இந்தியரான அமீத் அகர்வால் தான் இந்த சேவையை உருவாக்கியுள்ளார். அப்படியும் இந்தியும் இல்லை , தமிழும் இல்லை. அகர்வால் வாருங்காலத்தில் இந்திய மொழிகளை கொண்டு வருகிறாரா என பார்க்கலாம். இல்லை கூகுலு குரோம் அதை செய்ய காத்த்ருப்பாரா என்று தெரியவில்லை.

இணையதள முகவரி: https://dictation.io/

பி.கு; naviதமிழில் இது போன்ற சேவையை , அருமையான சந்திப்பிழை சரிபார்ப்பு சேவையை வழங்கி வரும் நாவி சந்திப்பிழை திருத்தி போன்ற இணையதளங்களில் இருந்து எதிர்பார்க்கலாம். ஆனால் அதற்கு முதலில் இத்தகைய நல்ல தமிழ் முயற்சிகளை நாம் ஆதரிக்க வேண்டும். : 

ஒரு இளம் எழுத்தாளரின் இணையதளம்.

1b

தற்செயலாக கண்ணில் பட்டது அந்த இணையதளம்: புத்தன் பேஜ்ஸ்.காம்.இணையத்தில் உலாவும் போது இப்படி இடறி நிற்கும் இணையதளங்கள் கவனிக்க வைக்கும்.இந்த தளமும் அப்படி தான். ஒரு நல்ல இணையதளத்துக்கு என்று சில அம்சங்கள் இருக்கின்றன.முகப்பு பக்கம் எளிமையாக இருக்க வேண்டும்.ஆனால் அதன் உள்ள‌டக்கம் ப‌ளிச்சென கவனத்தை ஈர்க்கும் வகையில் நேர்த்தியாக இருக்க வேண்டும்.முதல் பார்வையிலேயே அந்த தளத்தில் நீங்கள் என்ன எதிர்பார்க்கலாம் என்ற புரிதலை ஏற்படுத்தி விட வேண்டும். இந்த புரிதல் தளத்தினுள் மேற்கொண்டு பயனிக்கும் ஆர்வத்தை ஏற்படுத்தும். புத்தன் பேஜ்ஸ் இப்படி தான் இருக்கிறது. ஒரு நல்ல மனிதரை பார்த்ததும் பேசமால் செல்ல முடியாதது போல இந்த தளமும் உள்ளே வாருங்கள் என்று அழைக்கிறது. பத்திரிகையாளரும் எழுத்தாளருமான சுந்தர்புத்தனின் இணைய பக்கம் இது.என்னனைப்பற்றி பகுதியில் தன்னைப்பற்றி சுருக்கமாக அறிமுகம் செய்து கொள்கிறார்.எனக்கு ஊர் தான் முக்கியமாக இருந்தது என துவங்கும் அந்த அறிமுகத்தில் தனது ஊர் பற்றி தான் அதிகம் சொல்கிறார். இன்னமும் அவ்ருக்குள்ளேயே இருக்கும் ஊரை விட்டு சென்னைக்கு பத்திரிகையாளனாக வந்த அனுபவத்தின் விவரிப்பில் தன்முனைப்பின் சாயல் கூட இல்லை. எல்லாம் தகவலாக தான் இருக்கின்றது. பத்திரிகையாளராக இருந்து கொண்டே புத்தன் புத்தகங்களை எழுதியிருக்கிறார்.ஆனால் எழுதிய புத்தகங்கள் பற்றி பக்கம் பக்கமாக பெருமை பேசும் குறிப்புகள் இல்லை. புத்தகங்களின் முக‌ப்பு பக்கம் மட்டும் கொடுக்கப்பட்டுள்ளன.இவையும் தக‌வலுக்காக தான். ஓவியர்கள் பற்றியும் கிராமம் பற்றியும் அதிகம் எழுதியிருக்கிறார். புத்தன் எழுதிய சமீபத்திய  பதிவுகளும் பட்டியலிடப்பட்டுள்ளன.சென்னை வந்த போது தங்கிய மேன்ஷன் முதல் பாலுமகேந்திராவிடம் கட்டுரை வாங்கிய அனுபவம் ,அதிகாலை பொழுது என மனதும் இயற்கையும் சார்ந்த விஷ‌யங்களை நண்பர்களிடம் பேசுவது போல எழுதியிருக்கிறார். எளிமையான நடை. ஆனால் செறிவாக இருக்கிறது. சிலர் எழுத்துக்களை படிக்கும் போது இன்னும் எழுத மாட்டார்களா என இருக்கும். புத்தன் பதிவுகள் அந்த எண்ணத்தை தான் ஏற்படுத்துகின்றன. மாநகர‌த்தில் திரும்பிய திசையெல்லாம் என கிராமத்தையே முதுகில் சுமந்து கொண்டு அலைகிறேன் என கூறும் புத்தன் எழுதுவது தான் என் நம்பிக்கை என்கிறார்.அந்த நம்பிக்கை அவரது இணையதளத்தில் வெளிப்படுகிற‌து. நான் இணையதளங்களின் ரசிகன்.எழுத்தாளர்களுக்கு என்று சொந்தமாக இணையதளம் வேண்டும் என்பது எனது நம்பிக்கை. எழுத்தாளர்கள் இணையதளம் மூலம் வாசக்ர்களை நேரடியாக சென்ற‌டையலாம்.புதிய வாசகர்களை தேடிக்கொள்ளலாம். எழுத்தாளர்களின் செயல்பாடு பற்றியும் புத்தகங்கள் பற்றியும் தகவல் தரும் நல்ல தளம் போல இணைய யுகத்தில் வாசகனுக்கு விருந்து வேறில்லை. எழுத்தாளன் தன்னை வெளிப்படுத்திக்கொள்ளும் விதமாகவும் அவர்கள் சொந்த்த இணையதளத்தை கருதலாம். பல எழுத்தாளர்களின் தளங்களை கண்டு நான் வியந்திருக்கிறேன். புத்தனின் தளமும் அதன் எளிமையால் கவர்கிறது.அதே நேரத்தில் ஒரு எழுத்தாளனாக அவரை சரியாக அறிமுகம் செய்கிறது. எழுத்தாளர்களுக்கான நல்ல இணையதளத்திற்கான அழகான உதாரணம் இந்த தளம்.வடிவமைத்த பர்பில்ரெயின் நிறுவனம் பாராட்டுக்குறியது. இணையதள முகவரி: http://www.buddhanpages.com/ ( பி.கு: சுந்தர புத்தன் எனது நண்பர். ஆனால் இந்த பதிவை எழுத அது காரணம் அல்ல. நட்பை மீறி இந்த தளத்தைன் அமைப்பும் உள்ளடக்கமுமே எழுத தூண்டியது. அன்புடன் சிம்மன்

]] >

பாலுமகேந்திராவின் வலைப்பதிவு.

வலைப்பதிவு வாசகர்கள் கொஞ்சம் எழுந்து நின்று கைதட்டி வரவேற்கலாம்.இது வரை காமிரா மூலம் பேசிய பாலுமகேந்திரா வலைப்பதிவு உலகிறகு வந்திருக்கிறார்.திரைப்பட ரசிகர்களுக்கு இதை விட நல்ல செய்தி இருக்க முடியாது.

எழுதினாலும் பேசினாலும் சினிமா தான் மூச்சு என இருப்பவர் இப்போது வலைப்பதிவு மூலம் தனது அனுபவங்களை பகிர்ந்து கொள்ள வந்திருக்கிறார்.

பாலு ம‌கேந்திராவின் வலைப்பதிவு தலைப்பு என்ன தெரியுமா?மூன்றாம் பிறை!(முகவரி வேறு).மூன்றாம் பிறையை கிட்டத்தட்ட பாலுமகேந்திராவிற்கு காப்புரிமை கொடுத்து விடலாம் தான்.அது அவரது சினிமா கலையின் அடையளாமாகவே மாறிவிட்டது.

இந்த தலைப்பில் அவரது வலைப்பதிவை படிப்பது பொருத்தமானது மட்டும் அல்ல;பரவசமானதும் கூட!

வலைப்பதிவின் முதல் பதிவை பாலுமகேந்திரா பேசுகிறேன் என்றே ஆரம்பித்திருக்கிறார்.(கேட்க காத்திருக்கிறோம் சார்)

அந்த பதிவில் வெளிப்படும் தெனி கவனிக்கத்தக்கது.எத்தனை பெரிய மேதை அவர்.பாலுமகேந்திரா ஸ்கூல் என்று சொல்லும் அளவுக்கு தமிழ் சினிமாவில் தனது கலையால் கவரப்பட்ட மாணவர் படையை அவர் உருவாக்கி வைத்திருக்கிறார்.திரையில் காமிராவின் நுணுக்கங்களை பார்த்து ரசிகர்கள் கைத்தட்ட வைத்தவர் அல்லவா அவர்!

அவரிடம் சினிமா பற்றி சொல்ல கடலளவு இருக்கிறது.ஆனால் அவரோ எனது சுயசரிதையை பதிவு செய்ய வேண்டும் என மாணவர்களும் நலம் விரும்பிகளும் தன்னிடம் கேட்டு கொண்டிருப்பதை சுட்டிக்காட்டி விட்டு சுயசரிதை எழுதும் அளவுக்கு தான் ஒன்று சாதனையாளன் அல்ல சாமான்யான் என்கிறார்.

அது மட்டும் அல்ல நான் ஒரு சேறு நிறைந்த சாக்கடை என்கிறார்.அந்த சேற்றில் பூத்த செந்தாமரைகளாக தனது மூடுபனியையும் அழியாத கோலங்களும் வீடு மற்றும் சந்தியாராகம் முன்றாம் பிறை போன்றவை மலர்ந்தன‌ என்கிறார்.

தனது வாழ்க்கை சொல்லிகொள்ளும் படியானதோ எழுதி கொள்ளும் படியானதோ அல்ல என்பவர் இருப்பினும் எழுத்தில் பதிவு செய்ய வேண்டிய அத்தியாயங்களை குறிப்பாக சினிமாவுக்கும் தனக்குமான உறவை வலைப்பதிவில் பதிவு செய்ய இருப்பதாக கூறுகிறார்.

பாலுமகேந்திராவின் கலையில் இருக்கும் உண்மையையும் நேர்மையையும் பாசாங்கற்ற தன்மையையும் இந்த அறிமுக உரையிலும் காணலாம்.அவரது கலையை கண்டு வியப்பது போலவே இந்த அறிமுகத்தையும் கண்டு வியக்கலாம்.

அறிமுகத்தில் குறிப்பிட்டது போலவே சினிமாவும் நானும் என்ற தலைப்பில் சினிமா மீது தனது காதல் ஏற்பட்ட விதத்தை விவரித்திருக்கிறார்.

13 வயதில் படிப்பதில் ஆர்வம் ஏற்பட்டதையும் ஒரு முரை பள்ளி சுற்றுலா சென்ற இடத்தில் சினிமா மேதை டேவிட் லீன் படப்பிடிப்பை பார்த்து பிரம்மித்து போன அனுபவத்தையும் அதே சிறுவயது பரவசத்தோடு விவரித்துள்ளார்.

அந்த படபிடிப்பின் போது டேவிட் லின் ரெயின் என்று கத்தியதும் மழை பெய்ததை பார்த்து ஆச்சர்யத்தில் உறைந்தவர் பெரியவனானதும் நான் சினிமா டைரக்டராக தான் வருவேன் ,நான் ரெயின் என்றால் மழை பெய்யும் என்று முடித்திருக்கிறார்.

பாலு மகேந்திரா சார் தொடர்ந்து படிக்க காத்திருக்கிறோம்.இல்லை தொடர்ந்து கற்றுகொள்ள காத்திருக்கிறோம்.எழுதுங்கள் சார்.

————-
பாலுமாகேந்திராவின் வலைப்பதிவு முகவரி;http://filmmakerbalumahendra.blogspot.in/

குறிப்பு;பாலுமகேந்திராவின் இந்த வலைப்பதிவை சுட்டிக்காட்டி உடனடியாக படிக்க சொன்ன எனது நண்பனும் சக பத்திரிகையாளனுமான பரத்திற்கு எனது நன்றிகள்.

வலைப்பதிவில் பாலுமகேந்திரா சினிமா மீது தனக்கு காதல் ஏற்பட்ட அனுபவத்தை ஒரு முறை நிகழ்ச்சி ஒன்று நேரில் விவரிக்க கேட்டு ரசித்திருக்கிறேன்.நானும் ரெயின் என்று சொன்னால் மழை வரும் என்று அவர் சொன்னதை செய்தியாக பரவசமாக பதிவும் செய்திருக்கிறேன்.

அனுபுடன் சிம்மன்

கணித்தமிழைப் பரவலாக்க வேண்டும்”

நேர்காணல்: ஆண்டோ பீட்டர்
சந்திப்பு: சிபிச்செல்வன்
“கணித்தமிழைப் பரவலாக்க வேண்டும்”

பகுதி II
எந்தப் படைப்பாக இருந்தாலும், பொருளாக இருந்தாலும் அது நிறைய பேரைப் போய்ச் சேர வேண்டும். அமுதம் எழுத்துருக்களை ‘வெப்’பில் இலவசமாகக் கொடுக்கும்போது நிறையப் பேரைச் சென்றடைந்தது. உலகத்தில் எதுவும் இலவசம் கிடையாது. இந்தப் பணிகளை இலவசம் என்று சொல்ல முடியாது, பயன்படணும். ஒரு கம்ப்யூட்டர் வீட்டிலிருந்தால்கூட நான்கைந்து பேர் பயன்படுத்துகிறார்கள். இன்றும் கணினியில் தமிழைப் பயன்படுத்த முடியும் என்பதை ஒரு அதிர்ச்சியோடுதான் பார்க்கிறார்கள். அப்படி இருப்பவர்களை நாம் எப்படி போய்ச் சேரப்போகிறோம் என்பதை நினைத்து நமக்கு அதிர்ச்சியாக இருக்கிறது. இதற்காகவே ‘தமிழும் கணிப்பொறியும்’ என்ற நூலை அறிமுகப்படுத்தி எழுதியிருக்கிறேன். பள்ளி, கல்லூரி மாணவர்களுக்குப் பயன்படுகிற வகையில் இந்நூலை அமைத்திருக்கிறேன். இப்போது இளைஞர்கள் ஒரு புது நிறுவனத்தைத் துவக்குகிறார்கள் என்றால் பத்து சதவிகிதம்தான் தமிழ் பேசுகிறவர்களாக இருக்கிறார்கள்.
தமிழ் வெப் சைட்கள் failure ஆவதற்கான காரணங்கள்?
1998, 99இல் கணினித் துறையில் பெரியதொரு அலையடித்தது. DotCom Wave என்று சொல்வார்கள். எல்லாப் பெரிய நிறுவனங்களும் கோடிக்கணக்கில் பணத்தைப் போட்டு, விளம்பரம் செய்தார்கள். இணையத்தை இணையத்தின் மூலமாகத்தான் வெற்றி பெறச்செய்ய முடியும். Physicalஆக வெற்றிபெறச் செய்ய முடியாது. MSN, Yahoo, Google, Hotmail போன்றவற்றில் இவர்கள் விளம்பரங்கள் செய்திருக்கிறார்கள். தமிழ் இணையங்களுக்கு ஆங்கில இணையங்களுக்கு நிகராக ஹிட்ஸோ, பிரவுசிங்கோ கிடைக்க வாய்ப்பேயில்லை. எங்கள் தமிழ் சினிமா.காமை 84 நாடுகளில் படிக்கிறார்கள். அதில் 12 நாடுகளில் 2 பேர் அல்லது 4 பேர் படிக்கிறார்கள். அதை எப்படி நாம் கூட்ட முடியும்? அங்கே தமிழர்கள் இருந்தால்தானே எண்ணிக்கையைக் கூட்ட முடியும். தீவோ, தீபகற்பமோ, பள்ளத்தாக்கோ அங்கேயுள்ளவனுக்குத் தேவையான தகவல்தான் அவனுக்கு முக்கியம். தமிழக அரசியலைப்பற்றி அவனுக்கு அக்கறை இருக்காது. தமிழகத்தைப் பற்றிய தகவல்கள்தான் தேவை. நோக்கமில்லாமல் வந்த இணையதளங்கள் எப்படி வெற்றிபெற முடியும்? தமிழுக்கென்று இன்றுவரை விளையாட்டு, ஆன்மீகம், மருத்துவத்தளங்கள் கிடையாது. அயல்நாடுகளில் வாழ்கிற பலர் ஆன்மீகம் பற்றிதான் அதிகம் படிக்கிறார்கள். ஆனால் ஆன்மீகத்திற்கு எதிர்வினைகள் வராது. நான் ஒரு முறை இலங்கைக்குப் போயிருந்தபோது ஒரு காட்டுப் பகுதியில் சீதைக்குக் கோயில் இருந்ததைப் பார்த்தேன். ‘சீதை அம்மன்’ கோயில் இதுவரை நான் கேள்விப்பட்டதில்லை. எனக்�!
க ஆச்சரியமாக இருந்தது. ராவணன் சீதையைக் கடத்திப் போனபோதுச் சீதை அங்குள்ள அருவியில்தான் குளித்தாள் என்றார்கள். இந்தச் செய்திகளைத் தளத்தில் போட்டால்தான் அயல்நாடுகளில் படிப்பார்கள். நாளிதழ்கள், வார இதழ்கள், டி.வி. இவை அனைத்தையும் விட்டுவிட்டு நம்மிடம் அவர்கள் வர வேண்டுமென்றால் சில சிறப்பம்சங்கள் இருக்க வேண்டும். இல்லையென்றால் கஷ்டம். யாரும் வரமாட்டார்கள். சினிமாவிற்கென்று 300 இணைய இதழ்கள் இப்போது இருக்கின்றன. நாங்கள் எப்படி வெற்றி பெற்றோம்? +2, S.S.L.C. ரிசல்ட் போட்டால் அந்த இரண்டு நாளுக்கு மட்டுமே ஹிட்ஸ் நிறைய வரும். தென்றல் காற்றுக்கு மதிப்பு அதிகம். புயல் காற்று எப்போதாவது ஒரு முறை வருவது.
வருமானம் இல்லாததால்தான் இணையதளங்கள் சரிவைச் சந்தித்தது இல்லையா?
ஆமாம். நாங்கள் தமிழ் சினிமா டாட்.காம் நடத்துகிறோமென்றால் அதைச் சார்ந்து பல இணையதளங்கள் நடத்துகிறோம். பல இணையதளங்கள் நடத்துகிற பொறுப்பு எங்களுக்குக் கிடைத்திருக்கிறது. அதிலிருந்து எங்களுக்கு வருமானம் கிடைக்கிறது. எங்கள் தளத்தில் கொச்சைத் தமிழில்தான் எழுதுகிறோம். இளைஞர்களை மனதில் வைத்து நடத்துகிறோம். அவர்களுக்கு வேண்டிய தகவல்களைக் கொடுக்க வேண்டும்.

தமிழ் மென்பொருட்களுக்கான தளமே கிடையாது. உலகத்தில் உள்ள அனைத்து இணையங்களையும் சுவிட்சர்லாந்து கல்யாண சுந்தரம் தொகுத்துப் போட்டார். நா. கண்ணன் செய்வது பெரிய வேலை. எங்கள் இணையதளத்திலும் உலகத்திலுள்ள அனைத்து இணையதளங்களையும் இணைக்கிறோம்.B.E. முதல் ஆண்டு படிக்கும்போதே 200, 300 மாணவர்கள் Projectகள் செய்ய ஆரம்பித்துவிட்டால் அதுதான் தமிழுக்குப் பெரிய பலமாக அமையும். எத்தனை பெரிய பணிகளை செய்ய முடியும்! ஆனால் இவர்கள் Pay-roll, inventory controll போன்றவைகளையே இன்னும் செய்துகொண்டிருக்கிறார்கள். மாணவர்கள் ஒரு குறிப்பிட்ட புராஜக்டுகள் செய்ய ஆரம்பித்துவிட்டால் கல்யாண சுந்தரமோ, கண்ணனோ, ஆண்டோ பீட்டரோ, நீங்களோ ஒன்றுமேயில்லை. கல்யாண சுந்தரத்தின் ‘புராஜக்ட் மதுரை’ என்பது எவ்வளவு பெரிய திட்டம். அது ஒரு தனியார் நடத்துவதேயில்லை. ஒரு பெரிய குழுவே செய்ய வேண்டிய வேலை அது.
தமிழ் இணைய மாநாடுகள் எவ்வளவு தூரத்திற்கு நமக்குப் பயன்படுகிறது? தமிழ்ப் பிரதிநிதிகளிடையே கருத்துப் பரிமாற்றங்கள் நிகழ்கிறது. நமது மென்பொருள்கள் பரப்புவதற்கு, டெக்னாலஜியைப் பரிமாறிக்கொள்வதற்குப் பயன்படுகிறது. ஜெர்மனியில் நூற்றுக்கு 4 பேர் இருக்கிறார்கள் என்றால் அவர்கள் இணையத்தின் வழியாகச் சந்தித்துக்கொள்ள முடிகிறது. அமெரிக்காவில் சிலிக்கான்வேலியில் (Silican Valley) மைக்ரோ சாப்ட், சன், ஆரக்கிள் எல்லாம் இருக்கின்றன. அங்கே ஒரு தமிழ் கணினி மாநாடு நடந்தால் தமிழுக்கு ஒரு value கிடைக்கும் (தமிழை உலக அரங்கில் பல ஊர்களில் செய்யும்போது) தமிழுக்கு உரிய கவனம் கிடைக்கும்.
டெக்னாலாஜியைச் சார்ந்திருக்கும் மொழிதான் உயர்ந்திருக்கும். அதைச் சார்ந்திருக்காத எந்த மொழியும் இருக்காது. 1652 மொழிகள் இந்தியாவில் இருக்கின்றன. அதில் 18 மொழிகள்தான் அரசால் அங்கீகாரம் பெற்றவை. மிகப் பழமையான மொழி தமிழ். எந்தத் தொழில்நுட்பத்தையும் ஏற்றுக்கொள்ளும் தன்மைகளோடு உள்ளது. இளைஞர்கள் தமிழுக்கு ஊட்டம் கொடுக்க வேண்டும். இப்போது தமிழுக்கு முதியோர்கள்தான் ஊக்கம் கொடுத்துக்கொண்டிருக்கிறார்கள். இளைஞன் செய்தால் அதற்கு நல்ல விளைவுகள் இருக்கும். 50 வருட இடைவெளிக்குப் பிறகு கம்ப்யூட்டரால் தமிழ் மோகம் இளைஞர்களிடம் கூடியுள்ளது. சிதைந்திருக்கிறது என்று சொல்ல முடியாது. கணினி, இணையம், இ.மெயில் வாயிலாக எதிர்காலத்தில் தமிழின் பயன்பாட்டு எல்லைகள் விரியும் வாய்ப்பிருக்கிறது. இப்போது தமிழையே எழுதத் தயங்குகிற தலைமுறையில், அவன் அப்பா கோவில்பட்டி, ஈரோடு, சேலம் எங்கு இருந்தாலும் ஒரு இ-மெயில் அனுப்புகிறான். தங்கள் உறவினர்களோடு கட்டாயம் தமிழில் உரையாடும் சூழலே உள்ளது. இதற்காகவே தமிழில் எழுதவும் படிக்கவும் வேண்டியிருக்கிறது. எந்த ப்ரௌசிங் சென்டரிலும் தமிழில் மெயில் அனுப்புகிறவர்களைப் பார்க்க முடிகிறது.
தமிழ்நாட்டில் இருப்பவர்களைவிட இலங்கைத் தமிழர்கள், புலம்பெயர்ந்தத் தமிழர்களுக்கு தமிழ் மீது ஆர்வமும், பற்றும் அதிகமாக இருக்கிறதே?
அதில் சந்தேகம் கிடையாது. இணைய தளங்களை இலங்கைத் தமிழர்களே நடத்துகிறார்கள். ஆஸ்திரேலியா, அமெரிக்கா, கனடா, ஐரோப்பிய நாடுகள் எங்கே சென்றாலும் அவர்கள்தான் இருக்கிறார்கள். மற்ற இணைய தளங்களில் நல்ல தகவல்கள் வந்தாலும் அதற்கு இணைப்பு கொடுத்துப் போடுகிறார்கள். தமிழ்நாதம், முழக்கம் போன்ற இணைய தளங்கள் இப்படி நல்ல விஷயங்களைச் செய்கின்றன.

தமிழ்நாட்டில் இணையதளங்களுக்கு வரவேற்பு எப்படி இருக்கிறது? அச்சில் வந்தால் அதை உடனே படிக்கிறார்கள். இணையத்திலும் அதேபோன்று படிக்கிறார்களா?
தமிழ்நாட்டில் நாம் எங்கே போனாலும் தமிழ் பேச, எழுத வாய்ப்பிருக்கிறது. தமிழ் நாட்டில் இந்த வாய்ப்பு எளிதில் கிடைப்பதில்லை. தமிழ் நமக்குப் புழக்கத்தில் உள்ள மொழி. தமிழ் நாட்டில் இணையங்களைத் தேவைப்படும் தகவல்களுக்காகவே பார்க்கிறார்கள். இங்கே ப்ரௌசிங் சென்டரில் ஒரு மணி நேரத்திற்கு 20 ரூபாய் என்றிருப்பதால் பார்ப்பதில்லை என்கிறார்கள். 200, 300 ரூபாய் கொடுத்து கேபிள் டி.வி. பார்க்கிறார்கள். அதனால் பணம் இவர்களுக்குப் பிரச்சினையில்லை. அதன் தேவையை இன்னும் உணரவில்லை. தேவையேற்பட்டால் செலவைப் பற்றிக் கவலைப்படமாட்டார்கள்.
இந்தப் பிரச்சினையைச் சரிசெய்வது சம்பந்தமாக நீங்கள் ஏதாவது முயற்சி செய்தீர்களா?
� சம்பந்தமாகச் சில பணிகளைச் செய்திருக்கிறோம். வேறு எந்த முயற்சிகளும் செய்யவில்லை. அது அவ்வளவு சுலபமான வேலை கிடையாது. பெரிய குழுவினர் செய்ய வேண்டிய வேலை. (திருக்குறளுக்கு ஆத்திச்சூடி, திருக்குறள் கொண்டு வந்த அனுபவம் . . .?)
படங்கள் பார்த்துக் கதை சொல்வது, கேட்பது என்பது நமக்குச் சுகமான அனுபவம். ஆனால், நம் குழந்தைகளுக்கு மூன்றாம் வகுப்பிற்குப் பிறகு இந்த முறையை நிறுத்திவிடுகிறோம். அவர்களுக்காகப் படங்களுடன் கூடிய மல்ட்டி மீடியாவில் ஆத்திச்சூடி, திருக்குறளை ஒவியங்கள் போட்டு நாங்கள் கொடுத்தோம். திருக்குறள் இல்லாத பல்கலைக்கழகங்களே கிடையாது. திருக்குறளை சி.டியாகக் கொண்டுவரும் தேவை இருப்பதைப் புரிந்துகொண்டோம். அரசாங்கம் செய்ய வேண்டிய பணிகள் நிறைய இருக்கிறது. நாம் செய்வதைவிட அவர்கள் செய்தால் அது உடனடியாக எல்லா மாவட்டங்களுக்கும், போய்ச் சேர்ந்துவிடும். பயன்படுத்த முடியும்.
தமிழில் கார்ட்டூன் படங்களே கிடையாது. குழந்தைகளுக்கு நாம் என்ன செய்திருக்கிறோம்? அவர்கள்தான் எதிர்காலத்தைத் தீர்மானிப்பவர்கள். அவர்களுக்கு நாம் நிறைய செய்ய வேண்டும்.
தமிழில் இணைய தளங்கள் . . .
TAM/TAB, TSCII அல்லது அது சார்ந்திருக்கும் எழுத்துக்கள் மாற்றம் சரியாகாது. குமுதம் TAM Font பயன்படுத்துகிறார்கள்.
எங்கள் அலுவலகத்திலும் TAM Fontஐயே பயன்படுத்துகிறோம். பல அலுவலகங்களில் TAB Fontஐப் பயன்படுத்துகிறார்கள். முரசு
அஞ்சல் TSCII Fonts பயன்படுத்துகிறார்கள். Standardization செய்த fontsஐ 18 நிறுவனங்கள் நடைமுறைப்படுத்துகிறது.
முரசு மென்பொருளிலும் TAM Fonts இருக்கிறது. மக்களைப் பயன்படுத்துவதற்காகவே 10 ரூபாய் புத்தகங்கள் போட்டு மக்களை போய்
சேர்வதற்கு முயற்சிக்கிறோம். 10 ரூபாய்க்கு இன்று எதுவுமே கிடைக்காது. ஆனால் ஒரு புத்தகம் உபயோகமாகக் கிடைக்கும்படி செய்தேன்.
சென்னை புத்தகக் கண்காட்சியில் 15,0000 காப்பி விற்றிருக்கிறது.

——————-

தமிழில் கணணி துறையில் முன்னோடி என்று சொல்லப்படும் ஆண்டோ பீட்டரின் நேர்க்காணல்.சிபிச்செல்வன் வலைப்பதிவில் வெளியான நேர்க்காணல் இது.சமீபத்தில் மறைந்த ஆண்டோ பீட்டர் நினைவாக இதனை இங்கு வெளியிடுகிறேன்.

அன்புடன் சிம்மன்.

(நன்றி சிபிசெல்வன்)

————-
http://sibichelvan.wordpress.com/2012/07/12/%E0%AE%95%E0%AE%A3%E0%AE%BF%E0%AE%A3%E0%AE%BF-%E0%AE%A8%E0%AF%87%E0%AE%B0%E0%AF%8D%E0%AE%95%E0%AE%BE%E0%AE%A3%E0%AE%B2%E0%AF%8D-%E0%AE%86%E0%AE%A3%E0%AF%8D%E0%AE%9F%E0%AF%8B-%E0%AE%AA%E0%AF%80/

குறுக்கெழுத்து புதிர்களுக்கான இணையதளம்.

குறுக்கெழுத்து புதிர்கள் ஆங்கில நாளிதழ்களில் பிரிக்க முடியத ஒரு அங்கம்.தினசரி நாளிதழ் கையில் கிடைத்ததும் குறுக்கெழுத்து புதிர்களை விடுவிக்கும் செயலில் ஆர்வத்தோடு இறங்கி விடுபவர்களும் கனிசமாக இருக்கின்றனர்.

இத்தகைய குறுக்கெழுத்து பிரியர்கள் தினமும் நாளிதழ் வரும் வரை காத்திருக்க வேண்டும் என்றில்லை;அவர்கள் விரும்பும் நேரத்தில் குறுக்கெழுத்து புதிர்களை விளையாடலாம்.ஆன்லைன் கிராஸ்வேர்ட்ஸ் நெட் இணையதளம் இதற்கான வாய்ப்பை த‌ருகிறது.

ஆயிரத்துக்கும் மேற்பட்ட இலவச குறுக்கெழுத்து புதிர்களின் இருப்பிடமாக இந்த தலம் விளங்குகிறது.அதோடு தினமும் புதுப்புது குறுக்கெழுத்துபுதிர்கள் சேர்க்கப்பட்டு வருகின்றன.எனவே குறுக்கெழுத்து பிரியர்கள் இந்த தளத்தில் எப்போது வேண்டுமானாலும் குறுக்கெழுத்து புதிர் விளையாட்டில் ஈடுபடலாம்.

பேனாவும் கையுமாக குறுக்கெழுத்து புதிர்களை விடுவித்து பழகியவர்கள் தங்களுக்கு தேவையான புதிரை தேர்வு செய்து அச்சிட்டு கொள்ளும் வசதியும் இருக்கிற‌து.விரும்பிய வடிவமைப்பில் அச்சிட்டு கொள்ளலாம் என்பது கூடுதல் சிறப்பு.

அது மட்டுமா ஆர்வத்தோடு விடுவித்து கொண்டிருக்கும் போது குறிப்பிட்ட ஒரு வார்த்தை பிடி கொடுக்காமால் போக்கு காட்டி கொண்டிருந்தால் அதற்கு விடை காண்பதற்கான வழிகாட்டி பகுதியும் இதில் உள்ளது.ஏற்கன‌வே விடுவிக்கப்பட்ட புதிர்களின் விடை பட்டியலையும் பார்த்து தெளிவு பெறலாம்.

வலைப்பதிவாளர்கள் இந்த புதிர்களை தங்கள் பக்கத்திலும் இடம் பெற வைத்து கொள்ளும் வசதி கொடுக்கப்பட்டுள்ளது.

குறுக்கெழுத்து பிரியர்களுக்கு சரியான விருந்து இந்த தளம்.எல்லாம் சரி ஆங்கில தெரிந்த்வர்களுக்கு தானே இது தமிழில் இதே போல குறுக்கெழுத்து தளங்கள் இல்லையா என்று கேட்கலாம்.

தமிழ் குறுக்கெழுத்து புதிர்களை த‌ரும் தளங்களும் இருக்கின்றன.இவற்றில் அட்டகாசமாக இருப்பது தமிழ் பசில்ஸ் டாட் காம்.கொஞ்சு தமிழ்ல் கொஞ்சம் விளையாட என் அழைப்பு விடுக்கும் இந்த தளம் குறுக்கெழுத்து புதிர்களை பட்டியல் போடுவதோடு புதிர் பூங்கா,சொல்லாங்குழி என வேறு பல விளையாட்டு பகுதிகளையும் வழங்குகிறது.எல்லாமே தமிழ் மொழி சார்ந்த விளையாட்டுக்கள்.

சொலாங்குழி விளயாட்டு உண்மையிலேயே சுவாரஸ்யமாக இருக்கிறது.ம்ரை சொல்லும் என அழைக்கப்ப‌டும் நினைத்திருக்கும் வார்த்தையை கண்டு பிடிக்கும் விளையாட்டு இது.

இதே போல குறள் வளையில் களைத்து போடப்பட்டிருக்கும் திருக்குறளில் இருந்து சரியான குரளை கண்டு பிடிக்க வேண்டும்.இதற்கான குறிப்புகளும் சுவாரஸ்ய்மாகவே இருக்கின்றன.ஒரு குறளுக்கான குறிப்பில் திமுகவை சொல்லவில்லை சூதாடும் மன்னனை சொல்கிறார் என குறிப்பிடப்பட்டுள்ளது.

இவை தவிர பிற‌ குறுக்கெழுத்து புதிர் தளங்களுக்கான இணைப்பு பட்டியலும் இருக்கிறது.இவற்றில் ஒன்று புதிர்மயம் டாட் காம்.குறுக்கெழுத்து புதிர்களை விளையாடுவதோடு அவற்றை உருவாக்கி கொள்ளவும் வாய்ப்பு தருகிறது.

புதிர்மயத்துக்கான அறிமுக பகுதியில் தமிழ் குறுக்கெழுத்து புதிர்களின் தென்றல் இதழ் வாஞ்சிநாதன் முன்னோடி என்பதை அறிய முடிகிற‌து.இந்த புதிர்களை தொடர்ந்து விடுவித்த ஊக்கத்தில் எஸ் பார்த்தசாரதி என்பவர் குறுக்கெழுத்து புதிர்களுக்கான தளத்தை அமைத்திருக்கிறார்.

பொதுவாகவே இக்கால தலைமுறையினர் மத்தியில் தமிழில் படிப்பத்தற்கான ஆர்வம் குறைந்து வரும் நிலையில் இத்தகைய தளங்கள் தமிழ் மீதான ஆர்வத்தை வள்ர்த்தெடுக்க உதவும் என நம்பலாம்.

இணையதள முகவரி;

http://www.onlinecrosswords.net/

http://www.tamilpuzzles.com/

http://www.puthirmayam.com/index.php

http://www.sparthasarathy.com/crosswords/indexcw_tamil.html