Tag Archives: website

உங்களை ஊக்கப்படுத்தும் இணையதளம்

EM_slide2_1024 (1)காலத்தினால் செய்த நன்றி பெரிது என வள்ளுவர் சொல்லியிருக்கிறார். காலத்தினால செய்யப்படும் பாராட்டும் பெரிது தான். உரிய நேரத்தில் கிடைக்கும் பாராட்டு எவரையும் ஊக்கப்படுத்தும். பல சாதனை மனிதர்கள் இத்தகைய பாராட்டுகளால் தான் உருவாகியுள்ளனர். 

சரி, இத்தகைய பாராட்டு கிடைக்காவிட்டால் என்ன செய்வது? அவசரகால பாராட்டுக்களை வழங்க இருக்கவே இருக்கிறது இணையம். ஆம், நீங்கள் சோர்வுக்கு ஆளாகிய்ருந்தாலோ , அல்லது கொஞ்சம் ஊக்கம் தேவை என்றாலோ, எமர்ஜன்சி காம்ப்லிமெண்ட் இணையதளத்திற்கு விஜயம் செய்யுங்கள். ‘ உங்களைப்போல உலகில் யாருமே இல்லை’ என்பது போன்ற பாராட்டு வாசகத்தோடு இந்த இணையதளம் உங்களை வரவேற்கும். 

நல்லதாக நாலு வார்த்தை என்பார்களே, அதே போல இந்த இணையதளத்தில் எப்போதுமே ஊங்களைப்பற்றி ஊக்கம் அளிக்கும் வாசகம் இடம்பெற்றிருக்கும். இந்த வாசகம் உங்களை புன்னகைக்க வைத்து, உற்சாகம் கொள்ள வைத்தால், கிழே உள்ள நன்றி, பட்டனை அழுத்தலாம். ( உங்களை மகிழ்வித்த வாசகத்தை அச்சிட்ட வடிவில் ஆர்டர் செய்து கொள்ளும் வசதி தரப்பட்டுள்ளது ). இல்லை, இன்னும் மோசமான மனநிலை தான் நீடிக்கிறது எனும் பட்டனை அழுத்தினால், உங்களை ஊக்கப்படுத்தக்கூடிய வேறு ஒரு வாசகம் தோன்றும்.

குறிப்பாக உங்களுக்கு என்று இல்லாமல் பொதுவாக எல்லோருக்குமான வாசகங்கள் தான் என்றாலும், இந்த பாராட்டுக்கள் நிச்சயம் மன மகிழ்ச்சியை தரும். 

அவசர உலகில் இப்படி அவசரகால பாராட்டும் தேவைப்பட தான் செய்கிறது இல்லையா?

இணையதள முகவரி: http://emergencycompliment.com/

இந்த எளிமையான ஆனால் புத்திசாலித்தனமான இணையதளத்தை அமெரிக்காவை சேர்ந்த மேக் செங் என்பவர் உருவககியுள்ளார். அவரே எதிர்பார்க்காத அளவுக்கு இந்த நல்லெண்ண இணையதளம் நல்ல வரவேற்பை பெற்றுள்ளதாம். இதன் பாதிப்பால் ஒரு யூடியூப் வீடியோ உருவாக்கப்பட்டுள்ளதாம். இந்த வாசகங்களை தொகுத்து புத்தகமாக்கும் வாய்ப்பும் கிடைத்துள்ளதாம். இது அவ்ரது இணையதளம்: http://megssenk.com/

 

உங்கள் இணைய அறிவுக்கு ஒரு பரிசோதனை

<p02_apple>எப்போதாவது உங்கள் இணைய அறிவை பரிசோத்து பார்க்க வேண்டும் என நினைத்திருகிறீர்களா? இணை அறிவு என்றால் , இணையதளத்தை பார்த்த மாத்திரத்தில் அதை அடையாளம் காண்பது. இதென்ன பெரிய விஷயம் என்று நினைத்தால் டிசைன் தி வெப் இணையதளம் பக்கம் போய் பாருங்கள். 

இந்த தளம் மிகவும் பிரபலமான இணையதளங்களை வரிசையாக காட்டுகிறது. இணையதளத்தின் முழு தோற்றமும் இல்லாமல், அவற்றின் வெளிக்கோடு தோற்றத்தை மட்டுமே காட்டப்படும் . இதை பார்த்தே குறிப்பிட்ட அந்த இணையதளததை அடையாளம் காண வேண்டும். ஒவ்வொரு இணையதளமாக முன்னேறிச்செல்லாம். ஏதேனும் ஒரு இணையதளத்தை அடையாளம் காண முடியாவிட்டாலும் பிரச்சனை இல்லை. தெரியவில்லை எனகூறி அடுத்த தளத்தை கிளிக் செய்து பார்க்கலாம். ஒரு இணையதளத்தை தவறாக அடையாளம் சொன்னால், சரியான விடைக்கான க்ளுவையும் இந்த தளம் தருகிறது. 

சுவாரஸ்யமான விளையாட்டு போல தான். இணையதளங்களின் தோற்றம் உங்களுக்கு எந்த அளவுக்கு அத்துப்படி என்று அறிய முயன்று பார்க்கலாம்.

இணையதள முகவரி: <a href="http://dedesigntheweb.com/

“>http://dedesigntheweb.com/

பாஸ்வேர்டு பரிசோதனை இணையதளம்

இணையத்தில் நீங்கள் அதிகம் பயன்படுத்துவது பாஸ்வேர்டு தான். நீங்கள் அதிகம் தெரிந்து கொள்ள வேண்டியதும் பாஸ்வேர்டு பற்றி தான். பாதுகாப்பான பாஸ்வேர்டின் அவசியம், எவராலும் உடைக்க முடியாத வலுவான பாஸ்வேர்டு எப்படி இருக்க வேண்டும் என்று தொடர்ந்து பார்க்கலாம்.

இந்த வரிசையில் முதல் பதிவான பாஸ்வேர்டு குணாதிசயங்களில் பாஸ்வேர்டுக்கான இலக்கன குறிப்புகளை காணலாம்.மேற்கொண்டு பார்ப்பதற்கு முன் பாஸ்வேர்டு தொடர்பான பயனுள்ள தளங்களின் வரிசையில் முதல் தளத்தை அறிமுகம் செய்து கொள்ளலாம்.

பாஸ்வேர்டு பரிசோதனை.

பாஸ்வேர்டு பற்றி தெரிந்து கொண்டாயிற்று!. அடுத்து உங்கள் பாஸ்வேர்டு எந்த அளவுக்கு பாதுகாப்பானதாக இருக்கிறது என தெரிந்து கொள்ள வேண்டாமா? இந்த கேள்விக்கு பதில் தருகிறது, இதே கேள்வியை பெயராக கொண்ட இணையதளம்: ஹவ் செக்யூர் ஈஸ் மை பாஸ்வேர்ட்?

இந்த தளத்தின் முகப்பு பக்கத்தில் உங்கள் பாஸ்வேர்டை சமர்பித்தால், அதன் பல்வேறு அம்சங்களை அலசி பார்த்து அந்த பாஸ்வேர்டு எந்த அளவுக்கு பாதுகாப்பாடது என இந்த தளம் அறிக்கை தருகிற‌து.

நேர்மையான தளம்.

மிகவும் எளிமையான தளம். உங்களை பாஸ்வேர்டின் தன்மையை பரிசோதித்து சொல்லும் இந்த தளம் கொஞ்சம் நேர்மையானதும் கூட! பாஸ்வேர்டை சமர்பிக்கும் முன் கொஞ்சம் யோசிக்க சொல்கிறது இந்த தளம். ‘இந்த தளம் உங்கள் பாஸ்வேர்டை திருடிக்கொள்ளலாம்’ என்னும் எச்சரிக்கை வாசகம் முகப்பு பக்கத்திலேயே இடம் பெறுகிறது.இப்படி அதிர்ச்சி அளித்தாலும், இல்லை ,நாங்கள் அதை செய்யப்போவதில்லை,ஆனால் உங்கள் பாஸ்வேர்டை எங்கே எல்லாம் டைப் செய்கிறீர்கள் என்பதில் கவனமாக இருங்கள் என்று அறிவுறுத்துகிற‌து.

பாஸ்வேர்டு விஷயத்தில் எச்சரிக்கையாக இருக்க வேண்டும் எனும் இந்த குறிப்பை படித்த பிறகு இதில் பாதுகாப்பு சோதனைகாக பாஸ்வேர்டை சமர்பித்து பார்க்கலாம்.அல்லது, உண்மை தான் ,எதற்கு ரிஸ்க் என்று பாஸ்வேர்டை சமர்பிக்காம‌லும் இருக்கலாம்.

எப்படி பார்த்தாலும்,பாஸ்வேர்டு எளிதில் கள‌வாடப்படலாம் என அறிந்திருப்பதே முக்கியம்.

———-

https://howsecureismypassword.net/

இந்த தளம் இணைய மருத்துவர்.

இ காமர்ஸ் போல இ மருத்துவம் இன்னும் பிரபலமாகவில்லை.சொல்லப்போனால் இ மருத்துவம் இன்னும் முழுவீச்சில் அறிமுகமாக கூட இல்லை.

இ மருத்துவம் என்றால் இணையம் மூலம் மருத்துவம் என்று புரிந்து கொள்ளலாம்.அதாவது நோய்க்கூறுகள் வாட்டும் போது இணையத்தின் மூலம் ஆலோசனை பெறுவது.

இண்டெர்நெட் மூலம் மருத்துவ ஆலோசனை பெறலாம் என்னும் கருத்து பலருக்கு அதிர்ச்சியை தரலாம்.இணையம் வழியே மருத்துவம் பெறுவது எந்த அளவுக்கு பாதுகாப்பானது என்னும் சந்தேகம் எழலாம்.சிகிச்சை பெறுவது என்பது ஷாப்பிங் செய்வது போல அல்ல என்றும் வாதிடலாம்.

எப்படி இருந்தாலும் இ மருத்துவம் என்பது எதிர் கால நிதர்சனம் என்றே தோன்றுகிறது.அதாவது சர்வ சகஜமாக இணையம் மூலம் மருத்துவ ஆலோசனையை பெறும் நிலை உருவாகும்.

இப்போதே கூட இணையவாசிகளில் பலர் நோய் பாதிப்பு இருந்தாலோ அல்லது நோய்க்கூறுகள் தொடர்பான சந்தேகம் இருந்தாலோ தாங்களே மருத்துவ விவரங்களை கூகுல் மூலம் தேடிப்பார்க்கின்றனர்.முன்னோடி மருத்துவர்கள் சிலர் இணையதளம் மூலம் நோயாளிகளை சந்தித்து ஆலோசனை சொல்கின்றனர்.வெப்கேம் வருகையும் மேற்கொள்கின்றனர்.

இப்படி மெல்ல இ மருத்துவம் சாத்தியமாகலாம்.இந்த போக்கிற்கான அழகான உதாரணமாக சிம்கேட் இணையதளம் அமைந்துள்ளது.

சிம்கேட்டை நோய்க்கூறு தேடியந்திரம் என்றும் சொல்லலாம்.அல்லது மருத்துவ‌ கூகுல் என்றும் சொல்லலாம்.

கூகுல் எப்படி தகவல்களை குறிச்சொல் அடிப்படையில் தேடித்தருகிறதோ அதே போல இந்த தளம் நோய்க்கூறுகளின் அடிப்படையில் சிகிச்சைக்கான ஆலோசனையை வழங்குகிறது.

இன்று உங்களை சஞ்சலப்படுத்துவது என்ன என்று கேட்கும் இந்த தளத்தில் இணையவாசிகள் தங்களின் நோய்க்கூறுகளை டைப் செய்ய வேண்டும்.உதாரணத்திற்கு கை கால் வலி என்றோ அல்லது ஒயாத தலை வலி என்றோ டைப் செய்யலாம்.

ஆனால் கூகுல் போல உடனே பதில் சொல்லி விடாது.மாறாக இணையவாசிகள் தங்கள் உடல்நிலை பிரச்ச‌னை தொடர்பாக டைப் செய்த‌ நோய்க்கூறின் அடிப்படையில் தொடர்புடைய சில கேள்விகளை கேட்கும்.நீங்கள் ஆணா,பெண்ணா, உபாதை எத்தனை நாளாக இருக்கிறது,ஏற்கன‌வே மருத்துவ பிரச்ச‌னைகள் உண்டா என வரிசையாக கேள்விகள் கேட்கப்படும்.

கிட்டத்தட்ட ஒரு மருத்துவரிடம் நேரில் பேசும் போது அவர் எப்படி சில அடிப்படையான கேள்விகளை கேட்பாரோ அதே போல இந்த தேடியந்திரமும் பல கேள்விகளை கேட்டு உங்கள் கேள்விக்கான பதிலை சொல்கிறது.

தேடியந்திரம் தரும் பதில் நோய்க்கான சிகிச்சையாகவோ மருந்துகளுக்கான பரிந்துரையாகவோ இருக்கும் என்று நினைத்து விட வேண்டாம்.இந்த தேடியந்திரம் உடனே மருத்துவரை பார்க்க வேண்டுமா வேண்டாமா என்ற ஆலோசனையை மட்டுமே வழங்குகிறது.

சில‌ நேரங்களில் சாதாரண உபாதைகளே கூட ஏதேனும் நோயாக இருக்குமோ என்ற அச்சத்தை கொடுக்கலாம் அல்லவா?அது போன்ற நேரங்களில் இந்த தளத்தை நாடினால் நீங்கள் சொல்லும் அம்சங்களை பரிசிலித்து கவலைப்பட ஏதும் இல்லை என்றோ அல்லது உடனடியாக மருத்துவரை பாருங்கள் என்றோ தேவைக்கேற்ப ஆலோசனையை வழங்குகிறது.மற்றபடி சிகிச்சையை மருத்துவரிடம் இருந்து தான் பெற வேண்டும்.

ஆனால் மருத்துவரை பார்க்க செல்வதற்கு முன் நம்மை வாட்டும் நோய்க்கூறின் தன்மை தொடர்பாக ஓரளவு தெளிவாக தெரிந்து கொண்டு விடலாம்.

தேவையில்லாமல் நோயை நினைத்து அஞ்சுபவர்களுக்கு,அதிலும் டாக்டரை பார்க்கலாமா வேண்டாமா என்று குழம்பி தவிப்பவர்களுக்கு இந்த தளம் தெளிவை தரக்கூடிய‌து.

எனவே நோக்கூறு பாதிப்பு இருப்பவர்கள் மருத்துவர்களை நாட வேண்டுமா என தீர்மானிப்பதற்கு இந்த தேடிய்ந்திரத்தை பயன்படுத்தி பார்க்கலாம்.

அதற்கு முன் இந்த தேடியந்திரம் எப்படி செயல்படுகிறது என்பதை தெரிந்து கொள்வது அதைவிட பயனுள்ளதாக இருக்கும்.

நோயாளிகள் நோய்க்கூறுகளை விவரிக்கும் போதே மருத்துவருக்கு என்ன நோய் என்பது தெரிந்துவிடும் அல்லவா?அதனடிப்படையில் சிகிச்சை அளிப்பார்கள்.

இந்த நோய்க்கூறுகள் என்றால் இந்த நோய் பாதிப்பாக இருக்கும் என பகுப்பாய்வு செய்யும் ஆற்றல் மருத்துவர்களுக்கு இருக்கிறது.மேலும் சூழல் நோயாளியின் தனமை கடந்த கால மருத்துவ வரலாறு போன்ற விவரங்களை ஆய்வு செய்து நோய் பாதிப்பை துல்லிய‌மாக கண்டறிகின்றனர்.

இந்த தகவல்களை எல்லாம் டேட்டாவாக கம்ப்யூட்டரிடம் சமர்பித்தால் அதில் உள்ள பொது தன்மைகளை அது கிரகித்து கொண்டு விடும் .இன்ன நோய்க்கூறாக‌ இருந்தால் இன்ன பாதிப்பாக இருக்கும் என்பதை அது கணக்கிட்டு விடும்.ஆனால் அதற்கு மூளையாக செய்லப்டகூடிய சாப்ட்வேர் தேவை.

அததகைய ஒரு சாப்ட்வேர் தான் இந்த தேடியந்திரத்தை இயக்குகிறது.நோயாளிகளின் கடந்த கால மருத்துவ கோப்புகளில் இருந்து திரட்டப்பட்ட தகவல்களையும் மருத்துவர்கள் வழங்கிய சிகிச்சையையும் இந்த தேடியந்திரம் தனது தகவல் பெட்டகத்தில் கொண்டுள்ளது.அவற்றை கொண்டே இணையவாசிகள் தங்கள் நோய் உபாதையை தெரிவித்தால் அது என்னவாக எல்லாம் இருக்கலாம் என்னும் அனுமானத்தின் அடிப்படையில் கேள்விகளை கேட்டு அந்த அம்சங்களை கடந்த கால மருத்துவ கோப்புகளுடன் ஒப்பிட்டு ஆலோசனை வழங்குகிறது.

ஐபிஎம் நிறுவனம் வாட்சன் என்னும் பெயரில் இதே போன்ற மருத்துவாய்வு சாப்ட்வேரை உருவாக்கியுள்ளது.அதை விட சிற்ந்ததாக தங்கள் சாப்ட்வேர் இருப்பதாக இதனை உருவாக்கியுள்ள புளுபிரின்ட் ஹெல்த் நிறுவனம் தெரிவிக்கிறது.அதற்கு காரணம் கம்ப்யூட்டரின் ஆய்வு திறனோடு நோயாளிகள் தகவலையும் சேர்த்து ஆல‌சி ஆராய்வது தான் என்று சொல்கிறது.

அதனால் தான் எதிர்காலத்தில் இதில் தகவல்களை தேடும் நோயாளிகள் தங்கள் மருத்துவ முடிவையும் இதில் சம‌ர்பிக்குமாறு கேட்டுக்கொள்கிறது.]

குறிப்பிட்ட நோய்க்கூறுகளை டைப் செய்து தேடிய நபர்கள் தங்களுக்கு மருத்துவர் அளீத்த சிகிச்சையை குறிப்பிட்டால் அந்த தகவலையும் இது தனது நினைவறயில் சேமித்து வைத்து கொள்ளும் .அடுத்த முறை யாரேனும் அதே நோய்கூறினை குறிப்பிடும் போது இந்த தகவலையும் சேர்த்து கொண்டு மேலும் பொருத்தமான பதிலை தரும்.

இது போன்ற‌ மருத்துவ தகவல்களின் அடிப்படையில் செயல்ப‌டக்கூடிய சாப்ட்வேர்களும் அதனை பயன்ப்டுத்தும் இணையதளங்களுமெ இ மருத்துவம் பற்றி கனவு காண வைக்கின்ற‌ன.

இணையதள முகவரி;http://symcat.com/

இணையம் மூலம் நிறவேறிய இளைஞரின் கடைசி ஆசை


இது வெற்றிக்கதை அல்ல;நெகிழ வைக்கும் கதை!

ஒரு முகம் தெரியாத வாலிபரின் கடைசி விருப்பத்தை நிறைவேற்ற அறிமுகம் இல்லாதவர்கள் நேசக்கரம் நீட்டி நிதி உதவி செய்து இணையத்தின் ஆற்றலையும் அதன் மூலம் மனிதநேயத்தின் மகத்துவத்தையும் உணர்த்திய கதை.

அந்த வாலிபரின் பெயர் ஆரான் காலின்ஸ்.கம்ப்யூட்டர் வல்லுனராக இருந்த ஆரான் 30 வயதில் இவ்வுலகை விட்டு சென்று விட்டார்.இதனால் ஆரானை துரதிர்ஷ்டசாலி என்று சொல்லலாம்.ஆனால் இந்த வர்ணனை ஆரானுக்கே பிடிக்காது.காரணம் சிறிய வயதில் இறக்க நேர்ந்தது பற்றி அவர் கவலைப்பட்டதாக தெரியவில்லை.அதோடு அவர் தன்னைப்பற்றி நினைத்ததை விட மற்றவர்கள் பற்றியே அதிகம் கவலைப்பட்டிருக்கிறார்.

அதனால் தான் தனது கடைசி விருப்பமாக ஓட்டல் சர்வர் ஒருவருக்கு டாலர் கொடுக்க வேண்டும் என்று எழுதி வைத்திருந்தார்.டிப்ஸ் என்றால் சும்மா 2 டாலர் 5 டாலர் எல்லாம் இல்லை,ஒரு பிட்சாவை சாப்பிட்டு விட்டு அதனை கொண்டு வந்து கொடுத்த சர்வருக்கு 500 டாலர் டிப்ஸ் கொடுக்க வேண்டும் என்று குறிப்பிட்டிருந்தார்.

அது மட்டும் அல்ல தனது வங்கி கணக்கில் உள்ள பணத்தை கொண்டு பெற்றோர்களுக்கான தனது கடன் தொகையையும் கொடுத்து விட வேண்டும் என குறிப்பிட்டிருந்தார்.

இது கொஞ்சம் விசித்திரமான விருப்பமாக தோன்றலாம்.ஆனால் ஆரானின் மனித்நேயத்தை தெரிந்து கொண்டால் இது மிகவும் இயல்பானது என்று புரியும்.

ஆரான் எதிர்பாராத கருணையின் மூலம் மட்டற்ற மகிழ்ச்சி அடைய முடியும் என்ற நம்பிக்கை கொண்டிருந்தவர்.கோபத்தை கூட கொடுப்பதன் மூலமே காட்டியவர்.ஒரு முறை ஓட்டலில் மிக மோசமாக நடந்து கொண்ட சர்வருக்கு அவர் 50 டாலர் டிப்ஸ் கொடுத்திருக்கிறார்.

இப்படிப்பட்ட ஆரான் தனது மறைவிற்கு பிறகு முகம் தெரியாத ஒரு சர்வரின் முகத்தில் எதிர்பாராத மகிழ்ச்சியின் மலர்ச்சியை ஏற்படுத்த விரும்பியிருக்கிறார்.

ஆரானின் சகோதரர் சேத காலின்ஸ் இந்த விருப்பத்தை நிறைவேற்ற முற்பட்ட போது ஆரானின் கணக்கில் பணம் எதுவும் எஞ்சியிருக்கவில்லை.கொடுத்தே பழக்கப்பட்ட ஆரான் பெரிய அளவில் சேமித்து வைத்திருக்கவில்லை.

எனவே சேத காலின்ஸ் மற்றவர்களின் உதவியோடு இந்த விருப்பத்தை நிறைவேற்ற விரும்பி அதற்காக ஒரு இணையதளத்தை(ஆலன்காலின்ஸ் ,ஆர்ஜி) அமைத்து தனது ககோதரரின் கடைசி விருப்பத்தை குறிப்பிட்டு அதற்காக நிதி உதவி அளிக்குமாறு கேட்டிருந்தார்.

மிக எளிமையாக அமைக்கப்பட்டிருந்த அந்த இணையதளத்தில் ஆரான் பற்றியும் அவரது கடைசி விருப்பம் பற்றியும் குறிப்பிட்டிருந்தார்.

மிக சுருக்கமான அந்த அறிமுகத்தில் தனக்கு மற்றவர்கள் செய்த சிறு உதவிகளை மிகப்பெரிதாக கருதியவர் ஆரான் என குறிப்பிட்டு விட்டு,தனக்குறிய வரம்புகளோடு தாராள மனதுடன் நடந்து கொண்ட ஆரான் மற்றவர்கள் மீது மாற்றத்தை எற்படுத்தும் வகையில் தனது சார்பில் தாராளமாக கொடுக்கப்படும் நிதி அமைய வேண்டும் என விரும்பியதாக தெரிவித்திருந்தார்.

இதனை படித்தவர்கள் ஆரானின் மனதையும் அதில் நிறைந்திருந்த மனித நேயத்தையும் உணர்ந்திருக்க வேண்டும்.விளைவு சிறு தொகைகளாக நிதி உதவி குவிந்தது.

இந்த தொகையை கொண்டு சேத் காலின்ஸ் சகோதரரின் கடைசி விருப்பத்தை பூர்த்தி செய்ததோடு அதனை வீடியோவில் பதிவு செய்து யூடியூப்பிலும் வெளியிட்டார்.ஓட்டலில் பிட்சா சாப்பிட்டு விட்டு சாரா வார்டு என்னும் சர்வருக்கு 500 டாலர் டிப்ஸ் அளிப்பததையும் அதை சர்வரும் எதிர்பாராத ஆச்சர்யத்தையும் மகிழ்சியையும் வெளிப்படுத்தும் வகையில் அந்த வீடியோ காட்சி அமைந்திருந்தது.

அந்த வீடியோவை பார்த்தவர்கள் ஒரு மனிதரின் கடைசி விருப்பம் எப்படி இன்னொருவருக்கு எதிர்பாராத மகிழ்ச்சியை தர முடிந்த மனித்நேயத்தால் நெகிழ்ந்து போய தங்கள் நண்பர்களோடு பகிர்ந்து கொண்டனர்.அவர்களும் இந்த காட்சியை பார்த்து நெகிழ்ந்து போய் தங்கள் பங்கிற்கு அதனை பகிர்ந்து கொள்ள அடுத்த சில நாட்களில் பல்லாயிரக்கணக்கானோர் அந்த வீடியோவை பார்த்து நெகிழந்து போயினர்.

நெகிழ்ந்தவர்கள் தாரளமாக நன்கொடையும் அளித்தனர்.500 டாலர் நிதி கோரிக்கைக்கு மாறாக முதல் நாள் அன்றே பத்தாயிரம் டாலர் நிதி திரண்டது.தொடர்ந்து நிதி குவித்த வண்ணம் இருக்கிறது.

எதிர்பார்த்த தொகையை விட பல மடங்கு நிதி குவிந்தது ஒரு புறமிருக்க ஆரானின் விருப்பம் பலரிடம் ஏற்படுத்திய பாதிப்பு அதைவிட ஆச்சர்யத்தை அளிப்பதாக இருந்தது.

இந்த பாதிப்பை இணையவாசிகள் பின்னூட்டங்கள் வாயிலாக தெரிவித்திருந்த கருத்துக்களின் வாயிலாக பார்க்க முடிந்தது.

நான் சேவையில் துறையில் இருக்கிறேன்.டிப் அளிப்பதன் அருமை எனக்கு தெரியும்.அடுத்த முறை ஏதாவது ஓட்டலுக்கு சென்றால் எனக்கு ஆரானின் நினைவே வரும் என்று ஒருவர் குறிப்பிட்டிருந்தார்.

இன்னொருவரோ நான் பத்து டாலர் நன்கொடை வழங்கியுள்ளேன்,ஆரானின் கருணை போரை தொடர்வேன் என கூறியிருந்தார்.

ஆஷ்லே என்பவர்,நான் சர்வராக பணியாற்றுகிறேன்,இந்த வீடியோவை பார்த்ததும் நெகிழ்ந்து போய்விட்டேன்,ஆரானை போன்றவர்களை நினைத்து மகிழ்கிறேன் என்று கூறியிருந்தார்.

இன்னொருவர் இந்த செயலை பேஸ்புக்கில் பகிர்ந்து கொண்டுள்ளேன் எல்லோருக்கும் இது பரவட்டும் என தெரிவித்திருந்தார்.

ஆஹா ஆரான் உலகில் எத்தகைய தாக்கத்தை விட்டு சென்றிருக்கிறார் என வியப்பை வெளிபடுத்தியிருந்தார்.

இனி எப்போது சாப்பிட சென்றாலும் டிப் வழங்கும் போது ஆரானை நினைத்து கொள்வோம் என்று ஒருவர் குறிப்பிட்டிருந்தார்.

இப்படி பின்னூட்டங்களும் நெகிழ வைக்கும் வகையிலேயே அமைந்திருக்கிறன.

ஆரானின் நல்லெண்ணம் அவரது மறைவுக்கு பின்னும் உயிர் வாழ்கிறது.

இணையதள முகவரி;http://aaroncollins.org/