Tag Archives: debate

சேர்ந்து யோசிக்கலாம் வாங்க,அழைக்கும் இணையதளம்!.


எப்போதும் யோசித்து கொண்டிருப்பவர்கள்,புதிய சேவைகள் அல்லது புதிய பொருட்களை உருவாக்க நினைப்பவர்கள்,அதற்கான அகினிகுஞ்சு எண்ணங்களை மனதில் சுமந்து கொண்டிருப்பவர்கள் ‘யூனிக்.லே’ தளத்தை பார்த்தால் நிச்சயம் கவரப்படுவார்கள்.உற்சாகம் அடைவார்கள்.ஊக்கம் பெறுவார்கள்.

காரணம் இந்த தளம் புதுமையான எண்ணங்களை பகிர்ந்து கொள்வதற்காக என்றே உருவாக்கப்பட்டுள்ளது.

இந்த தளத்தை எண்ணக்களை பகிர்ந்து கொள்வதற்கான வலைப்பின்னல் என்று சொல்லலாம்.எண்ணங்கள் என்றால் புதுமையான எண்ணங்கள்!

வளர்த்தெடுக்கப்பட்டால் புதியதொரு பொருளாகவோ அல்லது புதிய தீர்வாகவோ மாறக்கூடிய எண்ணங்கள் பலரது மனதில் இருக்கலாம் அல்லவா?அவை,புதிய நிறுவனத்தை துவக்குவதற்கான எண்ணமாக இருக்கலாம்.நடைமுறை பிரச்சனைக்கும் தீர்வு காணும் சேவையாக இருக்கலாம்.சமூகத்திற்கு பயன் தரக்கூடிய நல்லதொரு கண்டுபிடிப்பாக இருக்கலாம்.ஏன் உலகை மாற்றக்கூடிய மகத்தான யோசனையாக இருக்கலாம்.

இத்தகைய யோசனைகள் ஆர்வமும் சிந்தனையும் கொண்ட பலரிடம் இருக்கலாம்.ஆனால் இவற்றை மனதிலே பூட்டி வைப்பதால் ஒரு பயனும் கிடையாது.யாரிடமாவது பகிர்ந்து கொண்டு அவற்றை மேலும் வளர்த்தெடுக்க வேண்டும்.

ஆனால் எண்ணங்களை பகிர்ந்து கொள்ள பொருத்தமானவர்களுக்கு எங்கே போவது?கொஞ்சம் உற்சாகமாக மனதில் உள்ள எண்ணங்களை பேசினால் நல்ல நண்பர்கள் கூட தலை தெறித்து ஓடலாம்.அல்லது ஆசையோடு கேட்டாலும் அந்த எண்ணங்களை மேம்படுத்தக்கூடிய வகையில் யோசனை சொல்லி விவாதிக்க கூடியவர்களாக இருந்தால் தானே பயனுள்ளதாக இருக்கும்.

இப்படி விவாதிக்க கூடிய நண்பர்களை தேடித்தரும் களமாக யூனிக்.லே தளம் அமைந்துள்ளது.

பயன் தரக்கூடிய எண்ணங்கள் உள்ளவர்கள் இந்த தளத்தில் அந்த எண்ணத்தை வெளியிடலாம்.அதாவது மற்றவர்களோடு பகிர்ந்து கொள்ளலாம்.

எண்ணங்களை பகிர்ந்து கொள்வது என்பது டிவிட்டரில் குறும்பதிவிடுவது போல தான்.முதலில் இந்த தளத்தில் உறுப்பினராகி(டிவிட்டர் கணக்கு மூலமே உள்ளே நுழையலாம்)அதன் பிறகு புதிய எண்ணத்தை பகிர்வதற்கான பகுதியை கிளிக் செய்து மனதில் உள்ள எண்ணத்தை டைப் செய்து சமர்பித்தால் அந்த எண்ணம் மற்றவர்களோடு பகிர்ந்து கொள்ளப்படும்.

சக உறுப்பினர்கள் இந்த எண்ணத்தை படித்து பார்த்து அது பற்றிய யோசனைகளை தெரிவிக்கலாம்.அந்த எண்ணத்தை மேலும் மேம்படுத்தக்கூடியதாக யோசனைகள் இருக்கலாம்.அப்படியென்றால் அந்த எண்ணம் சார்ந்த செறிவான உரையாடல் நிகழவும் வாய்ப்புண்டு.ஒத்த கருத்துள்ள மேலும் சிலரும் இதில் பங்கேற்றால் உரையாடல் மேலும் செழுமையாகும்.

அதே போலவே இந்த எண்ணத்தால் கவரப்படுவர்கள் அது குறித்த கருத்தை மட்டும் தெரிவித்து ஊக்குவிக்கலாம்.

நீங்களும் உங்கள் பங்கிற்கு மற்றவர்கள் சமர்பித்துள்ள எண்ணங்களை படித்து பார்த்து கருத்து தெரிவிக்கலாம்.உறுப்பினர்களின் எண்ணங்கள் வாழ்வியல்,தொழில்நுட்பம்,கண்டுபிடிப்பு என பல்வேறு தலைப்புகளின் கீழ் வகைப்படுத்தப்பட்டுள்ளன.

இந்த எண்ணங்கள் புதிய கண்டுபிடிப்புகளுக்கான அச்சாரமாக இருக்கலாம்.புதிய திசையிலான முயற்சியாக இருக்கலாம்.புதிய சிந்தனையை ஏற்படுத்தக்கூடியதாக இருக்கலாம்.வியக்க வைக்கலாம்.நெகிழ வைக்கலாம்.

இப்படி புதிய எண்ணங்களை பகிர்ந்து கொண்டு புதிய தீர்வுகளை உருவாக்குவதற்கான நட்பான சிந்தனை மேடையாக இந்த தளம் அமைந்துள்ளது.

எனவே எண்ணங்களை பகிர்ந்து கொண்டு படைப்பாற்றல் மிக்கவர்களோடு கருத்துரையாடலில் ஈடுபட்டு புதிய வழிகளை காணுங்கள் என்று அழைக்கிறது யூனிக்.லே.

நல்ல விஷயம் தான்.ஆனால் எண்ணங்களை பகிர்ந்து கொள்ளும் போது அவை களவாடப்பட்டு விட்டால்?இயல்பாக எழக்கூடிய இந்த கேள்விக்கு யூனிக்.லேயின் பதில் சிந்தனைக்குறியது.

‘ஒரு எண்ணம் மட்டுமே மதிப்பானது என்று சொல்வதற்கில்லை.உண்மையில் ஒரு எண்ணத்தின் மதிப்பே அதனை கொண்டு பயனுள்ள ஒன்றை உருவாக்குவது தான்.இதற்கு மற்றவர்களோடு பகிர்ந்து கொண்டு அந்த எண்ணத்தை மேம்படுத்துவது தான் சிறந்த வழி’.இப்படி பதில் அளிக்கும் யூனிக்.லே அழகாக அதற்கான வழியையும் காட்டுகிறது.

இணையதள முகவரி;http://uniq.ly/welcome

நேரடி விவாதங்களுக்கான இணையதளம்.

தொலைக்காட்சி நிகழ்ச்சிகளில் முக்கிய பிரமுகர்களும் அரசியல்வாதிகளும் குறிப்பிட்ட தலைப்புகள் குறித்து காரசாரமாக விவாதிப்பதை பார்க்கும் போது அந்த விவாதத்தின் கருத்துக்களால் ஈர்க்கப்படுவதோடு நம் பங்கிற்கும் சில கருத்துக்களை சொல்ல ஆர்வம் உண்டாகலாம்.ஆனால் தொலைக்காட்சி விவாதத்தில் சாமான்யர்கள் பங்கேற்பது எப்படி?

அந்த கவலையே வேண்டாம் ,இனி நீங்களும் நிபுணர்கள் போலவே விவாதம் நடத்தலாம்.அதற்காக என்றே டீயோன் தளம் உருவாக்கப்பட்டுள்ளது.

இணைய விவாத களம் என்று சொல்லப்படக்கூடிய இந்த தளம் எதை பற்றியும் விவாதிக்கலாம்,எவரோடும் விவாதிக்கலாம் என்று ஊக்கமளிக்கிறது.

சிந்தனை வேகமும் கருத்துக்களை பகிரும் ஆர்வமும் இருந்தால் போதும் எவரும் இந்த தளத்தின் மூலம் தங்களுக்கு நெருக்கமான தலைப்புகள் குறித்து விவாதம் நடத்தலாம்.

இணையத்தில் அரட்டை அடிக்கும் வசதி இருக்கிறது.சாட்ரவுலெட் வருகைக்கு பிறகு வீடியோ வழி அரட்டையும் புத்துயிர் பெற்றிருக்கிறது.சாட்ரவுலெட் அறிமுகம் இல்லாதவர்களோடு அரட்டை அடிக்க வழி செய்கிறது என்றால் ஏர்டைம் பேஸ்புக் நண்பர்களோடு உரையாடலில் ஈடுபட வைக்கிறது.

ஆனால் அரட்டை அடிப்பது என்பது வேறு கருத்து மோதலில் ஈடுபடுவது என்பது வேறு.ஒருவர் தீவிரமாக நம்பும் விஷயம் குறித்து இன்னொருவரோடு காரசாரமான விவாதத்தில் ஈடுபடுவது என்பது ஊக்கம் தரக்கூடியது தான்.

அலுவலத்திலோ வீட்டிலோ நண்பர்களோடு விவாதிக்கலாம் தான்.ஆனால் விவாதத்தில் ஒரு தொழில் முறை தன்மை இருந்தால் தானே சுவாரஸ்யமாக இருக்கும்.அதை தான் டீயோ தளம் வழங்குகிறது.

மற்றவர்களோடு நேரடி விவாதத்தில் ஈடுபட விரும்புகிறவர்கள் அதற்கான தலைப்பை குறிப்பிட்டு மற்றவர்களை விவாதத்திற்கு அழைக்கலாம்.இதற்காக என்றே விண்ணப்ப படிவம் போன்ற பகுதி இருக்கிறது.அதில் விவாதத்திற்கான கேள்வியையும் அதில் உங்கள் நிலையையும் குறிப்பிட்டு மறுத்தும் எதிர்த்தும் பேச தயாராக இருப்பவர்களை அழைக்கலாம்.

எந்த தலைப்பின் கீழும் விவாதிக்கலாம்.எந்த பொருள் குறித்தும் விவாதிக்கலாம்.கிரிக்கெட் போட்டி நடக்கும் காலம் என்றால் அது பற்றி விவாதிக்கலாம்.தேர்தல் என்றால் கட்சிகளின் வெற்றி தோல்வி பற்றி விவாதிக்கலாம்.சமீபத்தில் வெளியான திரைப்படம் பற்றி விவாதிக்கலாம்.

கொஞ்சம் சமூக அக்கறையோடு பிரச்சனைகள் அல்லது அறிவியல் போக்கு குறித்தும் விவாதிக்கலாம்.

விவாதங்களுக்கான தலைப்பிற்கு எல்லையே கிடையாது.எனினும் இணையவாசிகளின் வசதிக்காக பொருத்தமான தலைப்புகளை தேர்வு செய்ய விவாத அறைகள் ஏற்படுத்தப்பட்டுள்ளன.விளையாட்டு.பொடுதுபோக்கு,கலை,கல்வ,பாலினம்,குடும்பம்,சுற்றுச்சூழல் என்று பல்வேறு தலைப்புகளில் விவாத அறைகள் இருக்கின்றன.உறவு,தொழில்நுட்பம்,அரசியல் என்றும் இவை நீள்கின்றன.
இதற்கான வண்ண பெட்டிகளில் கிளிக் செய்தால் அந்த குறிப்பிட்ட துறைகள் தொடர்பான விவாதங்களில் பங்கேற்கலாம்.

விவாததிற்கு என்று ஒரு பொதுவான வடிவமும் கொடுக்கப்பட்டுள்ளது.விவாதிக்க விருபுகிறவர்கள் தங்களை பற்றி அறிமுகம் செய்து கொண்டு விவாதத்திற்கான கேள்வியையும் அதில் தங்கள் நிலையையும் தெரிவித்து விவாதிக்க தயாராகலாம்.விவாதத்திற்கான நேரத்தையும் குறிப்பிடலாம்.

விவாதிக்க ஆர்வம் உள்ள சக உறுப்பினர்கள் இதில் பங்கேற்று தங்கள் தரப்பு வாதத்தை எடுத்து வைக்கலாம்.

வீடியோ வசதி கொண்ட தளம் என்பதால் வெப்கேமை இயக்கி விட்டு தொலைக்காட்சி விவாதத்தில் பேசுவது போலவே உற்சாகமாக வாதிடலாம்.

தீவிர சிந்தனை போக்கு கொண்டவர்கள் தங்கள் மனதில் உள்ள கருத்த்துக்களையும் இங்கனம் உலகோடு பகிர்ந்து கொள்ளலாம்.

தளத்தில் இடம் பெறும் விவாதங்களையும் பார்த்து,கேட்டு ரசிக்கலாம்.அதோடு அந்த விவாதத்தின் கருத்துக்களுக்கு வாக்குகள் மூலம் ஆதரவோ எதிர்ப்போ தெரிவிக்கலாம்.டிவிட்டர் மூலமும் கருத்துக்களை பகிர்ந்து கொள்ளலாம்.எல்லா விவாதங்களிலும் இத்தகைய கருத்துக்களை காணலாம்.ஆக மூழு வீசிலான சமூக விவாத தளமாக இது வடிவமைக்கப்பட்டுள்ளது.

தொலைக்காட்சி விவாதங்களில் வெறுத்து போனவர்கள் மற்றும் சமூகத்தில் போதிய கருத்துக்கள் விவாதிக்கப்படவில்லை என நினைப்பவர்கள் இந்த களத்தை பயன்படுத்தி கொள்ளலாம்.

இணையதள முகவரி;http://deeyoon.com/

ஆலோசனை கேட்க மேலும் ஒரு இணையதளம்.

முடிவெடுக்க முடியாமல் குழம்பித்தவிக்கும் விஷயமாக இருந்தாலும் சரி,அல்லது மற்றவர்களின் கருத்துக்களையும் அறிந்து கொள்ளலாமே என்று நினைத்தாலும் சரி நண்பர்களின் ஆலோசனையை கேட்டு முடிவெடுக்க உதவும் இணையதளங்கள் இருக்கின்றன.

பன்ல்.இட் இணையதளமும் இந்த வகையான ஆலோசனை கேட்பு இணையதளம் தான்.ஆனால் மற்ற ஆலோசனை கேட்பு தளங்களை விட மிகவும் எளிமையானதாக இருக்கிறது.

இந்த தளத்தின் மூலம் ஆலோசனை கேட்க முதலில் உறுப்பினராக வேண்டும்.உறுப்பினராவது மிகவும் எளிதானது தான்.

உறுப்பினரான பின் அலோசனை கேட்க விண்ணப்ப படிவம் போன்ற ஒரு பக்கம் வந்து நிற்கிறது.

அதில் ஆலோசனைக்கான தலைப்பை டைப் செய்துவிட்டு அதன் கீழே ஆலோசனைக்கான விளக்கத்தை இடம் பெற செய்து விட்டு அதற்கும் கீழே நண்பர்களின் இமயில் முகவரிகளை டைப் செய்து அவர்களுக்கு எல்லாம் அனுப்பி வைத்து கருத்து கேட்கலாம்.

நண்பர்களும் அதனை பார்த்துவிட்டு தங்களது கருத்துக்களை அனுப்பி வைக்கலாம்.அந்த கருத்துக்களை பரிசிலித்து அதனடிப்படையில் முடிவெடுத்து கொள்ளலாம்.

எந்த விஷயமாக இருந்தாலும் சரி கலந்தாலோசித்து முடிவெடுப்பது நல்லது தான்.அதற்கான எளிய வழியாக‌ இந்த தளம் அமைந்துள்ளது.

ஆலோசனை கேட்க:http://funl.it/

எதிர்கட்சிகளுக்கு டிவிட்டர் மூலம் பதிலடி!

புதிய திட்டங்கள் அல்லது கொள்கை முடிவுகளுக்கு எதிர்கட்சிகள் முட்டுக்கட்டை போடும் போது மக்கள் மன்றத்தில் நியாயம் கேட்பது தான் அரசாங்கத்திற்கான சிறந்த வழி. இதற்காக பத்திரிகைகளில் பேட்டி கொடுக்கலாம்.அறிக்கை வெளியிடலாம்.அரசு தொலைக்காட்சி அல்லது வானொலியில் உரை நிகழத்தலாம்.

இந்த பட்டியலில் டிவிட்டரையும் சேர்த்து கொள்ளலாம்.சொல்லப்போனால் மற்ற வழிகளை விட டிவிட்டர் மூலம் மக்கள் மன்றத்தை அணுகுவதே சிறந்ததாக இருக்கும்.இதற்கான உதாரணம் தேவை என்றால் அமெரிக்காவில் வரிச்சலுகை தொடர்பான சர்ச்சையில் ஒபாமா அரசு டிவிட்டரை பயன்படுத்திய விதத்தை குறிப்பிடலாம்.

அமெரிக்கா சில ஆண்டுகளாகவே பொருளாதார பிரச்னைகளால் திணறிக்கொண்டிருக்கிறது.சரிந்த பொருளாதாரத்தை தூக்கி நிறுத்த முயலும் அதே நேரத்தில் புதிய வேலை வாய்ப்புகளையும் உருவாக்கிட ஒபாமா அரசு முயற்சித்து கொன்டிருக்கிறது.சாமான்ய மக்களுக்கு நிவாரணம் அளிக்க கூடிஅய் வகையிலான திட்டங்களையும் செயல்படுத்த முயன்று வருகிறது.

ஆனால் புதிய திட்டங்களை செயல்படுத்துவது அத்தனை எளிதாக இல்லை.பிரச்னைக்கான தீர்வாக இந்த திட்டங்கள் அமைந்திருப்பதாக எதிர்கட்சி ஒப்புக்கொண்டால் தான் அதற்கு செனெட் ஒப்புதல் கிடைக்கும்.இல்லை என்றால் திண்டாட்டம் தான்.

ஒபாமா அறிவித்த வரிச்சலுகை திட்டத்துக்கு இப்படி தான் பிரதான எதிர்கட்சியான குடியரசு கட்சி முட்டுக்கட்டை போட்டது.இந்த வரிச்சலுகை திட்டத்தின் படி அமெரிக்க ஊழியர்களுக்கு சராசரியாக ஆண்டுக்கு ஆயிரம் டாலர்கள் சேமிப்பாக அமையும்.ஆண்டுக்கு ஆயிரம் டாலர்கள் என்றால் வாரத்திற்கு 40 டாலர் சேமிப்பு என்று கணக்கு.வெறுத்ட்து போயிருக்கும் அமெரிக்கர்களுக்கு இந்த சேமிப்பு ஆறுதலையும் ஆசுவாசத்தையும் அளிக்கும் என்பது அரசின் நம்பிக்கை.

ஆனால் எதிர்ப்பாளர்களோ வெறும் 40 டாலர்களால் என்ன நிவாரணம் கிடைத்து விட முடியும் என்று இதற்கு கடும் எதிர்ப்பு தெரிவித்து வருகின்றனர்.

எதிர்ப்பாளர்களோடு ஒபாமா நிர்வாகத்தினர் தீவிர விவாதம் நடத்தி வருகின்றர்.எதிர்கட்சிகளோடு மல்லுக்கட்டுவது ஒருபுறம் இருக்க இந்த விஷயத்தில் மக்கள் யார் பக்கம் என்பதை உணர்த்துவதே சரியான பதிலடியாக இருக்கும் என்று ஒபாமா ஆலோசகர்கள் நினைத்தனர்.

அதாவது வரிச்சலுகை பயன் தரும் என்று மக்கள் நம்புகின்றனரா என்பதை அறிந்து கொள்ளவும் அதனை எதிர் கட்சிகளுக்கு புரிய வைக்கவும் தீர்மானித்தனர்.

டிவிட்டர் மூலமே மக்களிடம் இந்த கேள்வியை கேட்கவும் முடிவு செய்தனர். உங்களை பொருத்தவரை 40 டாலரின் பொருள் என்ன? எனும் கேள்வியை வெள்ளை மாளிகை டிவிட்டர் கணக்கு மூலம் கேட்டனர்.40 டாலர்களால் என்ன வாங்க எல்லாம் வாங்க முடியும் அல்லது எந்த வகையான பயன் கிடைக்கும் என்பதை அறிந்து கொள்ளும் வகையில் இந்த கேள்வி வெள்ளை மாளிகையின் டிவிட்டர் பின் தொடர்பாளர்கள் முன் வைக்கப்பட்டது.

வெள்ளை மாளிகையின் சமூக ஊடக பொறுப்பாளர் மேகான் பிலிப் இதற்கான குறும்பதிவை வெளியிட்டார்.பின்னர் இதே குறும்பதிவு அதிபர் ஒபாமாவின் டிவிட்டர் கணக்கு மூலமும் வெளியிடப்பட்டது.

வெள்ளை மாளிகை டிவிட்டர் கணக்கிற்கு 26 லட்சம் பின்தொடர்பாளர்களும் ஒபாமா டிவிட்டர் கணக்கிற்கு ஒர் கோடிக்கும் மேல் பின்தொடர்பாளர்களும் இருக்கின்றனர்.

40 டாலரால் என்ன செய்ய முடியும் என்ற கேள்வியை பார்த்ததும் பலரும் அதற்கான தங்கள் பதிலை குறும்பதிவாக வெளியிடத்துவங்கினர்.

40 டாலர் என்பது எனது கணவ்ரின் இரண்டு வார கால மருந்து தேவையை பூர்த்தி செயும் என்று ஒருவர் பதில் அளித்திருந்தார்.இன்னொருவரோ 40 டால்ர் என்பது எங்கள் குடும்பத்துக்கான ஒரு வார கால பட்ஜெட் என்று தெரிவித்திருந்தார்.

மாணவர் ஒருவரோ 40 டாலர் கிடைத்தால் எனது கல்விக்கடனின் சுமைகொஞ்சம் குறையும் என்று எழுதியிருந்தார்.வயதான் பெண்மணி ஒருவர் 40 டாலர் என்பது தனது மாதந்திர மருத்துவ செலவு என தெரிவித்திருந்தார்.

மாதாந்திர மின் கட்டணத்தை செலுத்தலாம்,குழந்தைக்கு பால் பவுடர் வாங்கலாம் என்று நடுத்தர அமெரிக்கர்கள் 40 டாலரின் பயனை தங்கள் நிலையில் இருந்து குறும்பதிவாக வெளியிட்டனர்.

மணிக்கு 2 ஆயிரம் குறும்பதிவுகள் என்னும் வேகத்தில் குறும்பதிவுகள் வெளியாயின.விளைவு டிவிட்டரில் 40 டாலர் என்னும் பதம் பிரபலமாகி பலரது கவனத்தை ஈர்த்தது.அதாவது டிவிட்டர் பதிவுக்கடலில் இந்த பதிவுகள் மேலெழுந்து வந்தன.

நாளிதழ்கள் மற்றும் பத்திரிகைகள் இந்த போக்கை கவனித்து இது பற்றி செய்தி வெளியிடவே இந்த விஷயம் மேலும் பிரபலமானது.

இதனிடையே அரசு தரப்பில் இந்த குறும்பதிவுகள் அனைத்தும் திரட்டப்பட்டு டிவிட்டர் போன்ற சேவைகளில் வெளியாகும் கருத்துக்களை திரட்டி வெளியிட பயன்படும் ஸ்டோரிபை தலத்தின் மூலம் ஒரே இடத்தில் தொகுக்கப்பட்டன.அந்த பதிவுகள் நடுத்தர மக்களின் குரலாக அமைந்திருந்தன.

40 டாலர் சராசரி அமெரிக்கர்கள் வாழ்கையில் என்ன தாக்கத்தை செலுத்தும் என உணர்த்திய அந்த குறும்பதிவுகள் வரிச்சலுகை விவகாரத்தில் அரசின் நிலைப்பாட்டிற்கு வலு சேர்ப்பது போல அமைந்திருந்தன.

வரிச்சலுகை பிரச்ச்னையில் அரசுக்கு வெற்றி கிடைக்க இது எந்த அளவுக்கு உதவும் என்று தெரியவில்லை.ஆனால் எதிர்கட்சிக்கு எதிராக அரசுக்கு கிடைத்த தார்மீக வெற்றியாக கருத்தப்படுகிறது.

அதோடு டிவிட்டரை எப்படி எல்லாம் புதிய வழிகளில் பயன்படுத்தலாம் என்பதற்கான உதாரணமாகவும் கருதப்படுகிறது.

இணையதள முகவரி;http://storify.com/whitehouse/what-does-40dollars-mean-to-you

காஸ்ட்ரோ மகளோடு டிவிட்டரில் விவாதம்.

பிரபலங்கள் டிவிட்டரில் அடியெடுத்து வைக்கும் போது கைத்தட்டியும் வரவேற்பார்கள்.சட்டையை பிடித்து கேட்பது போல கேள்வியும் கேட்பார்கள்.அது தான் டிவிட்டர் ராஜ்யம்.

அதிபர் மகளாக இருந்தாலும் சரி டிவிட்டரில் நிற்க வைத்து கேள்வி கேட்க தயங்க மாட்டார்கள்.கியூபா அதிபர் ரவுல் காஸ்ட்ரோவின் மகள் மரியேலா கஸ்ட்ரோ இந்த நிலையை தான் எதிர் கொண்டிருக்கிறார்.

மரியேலா கியூபாவின் பாலியல் கல்வித்துறை அமைச்சராக இருக்கிறார்.நெதர்லாந்து நாட்டுக்கு சென்றிருந்த போது அவர் அளித்த பேட்டியில் சில க‌ருத்துக்கள் திரித்தி வெளியிடப்பட்டு விட்டதாக கருதிய மரியேலா அதனை நேர் செய்வதற்காக டிவிட்டரில் தனக்கான பக்கத்தை துவக்கி விளக்கம் அளிக்க முற்பட்டார்.

கியுபாவில் இண்டெர்நெட் பயன்பாடும் குறைவு.இண்டெர்நெட் சுத‌ந்திரமும் மிக மோசம் என்ற கருத்து உண்டு.எனவே டிவிட்டர் போன்ற வெளிப்படையான கருத்து மரிமாற்றத்திற்கு வழி வகுக்கும் குறும்பதிவு சேவையான டிவிட்டரில் அதிபரின் மகள் அடியெடுத்து வைத்தால் அது நிச்சயம் பெரிய‌ செய்தி தான்.

ஆனால் காஸ்ட்ரோ மகள் டிவிட்டர் செய்கிறார் என்ற செய்தி பரபரப்பை ஏற்படுத்துவதற்கு முன் டிவிட்டரில் அவரோடு அதிருப்தியாளர் ஒருவர் விவாதத்தில் ஈடுபட்டது தான் பெரிதாக‌ பேசப்பட்டது.

கம்யூனிச நாடான கியூபா தனது மக்களின் சுதந்திரத்தை கட்டுப்படுத்தி வைத்திருப்பதாக ஒரு விமர்சன‌ம் உண்டு.மேற்‌கத்திய நாடுகள் கியூபாவுக்கு எதிராக அடிக்கடி முன்வைக்கும் வாதமும் இது தான்.

கியுப்பாவில் எதிர்ப்பு குரலுக்கோ மாற்று கருத்துக்கோ இடமில்லை என்ற குற்றசாட்டும் கூறப்படுகிறது.இத்தகைய எண்ணம் கொண்டவ‌ர்கள் கியூபாவிலும் உள்ளனர்.அதிருப்தியாளர்கள் என்று சொல்லப்படும் இந்த பிரிவை சேர்ந்தவர் சான்சஸ்.

கியூபா இடமளிக்காவிட்டாலும் எதிர்ப்பு கருத்தை மிக உறுதியாக பதிவு செய்பவராக கருதப்படும் சான்சஸ் அந்நாட்டின் புகழ்பெற்ற அதிருப்தி வலைப்பதிவாள‌ரும் கூட.டிவிட்டரிலும் அவருக்கு பக்கம் உள்ள‌து.

காஸ்ட்ரோ மகள் டிவிட்டரில் அடியெடுத்து வைத்திருக்கும் செய்தியை கேள்வி பட்டதுமே அவர‌து எதிர்ப்பு குணம் விழித்து கொண்டது.உடனே காஸ்ட்ரோ மகளுக்கு டிவிட்டரில் கேல்வி கனைகளை தொடுக்க தயாராகிவிட்டார்.

காஸ்ட்ரோ மகள் டிவிட்டர் கணக்கை துவக்கியிருப்பதாக சொல்கிறார்கள்.எல்லாம் சரி கியூபா மக்கள் தங்கள் சிறைகளில் இருந்து எப்போது வெளியே வருவார்கள் என்று அவர் டிவிட்டர் மூலம் கேள்வி எழுப்பினார்.கியூபா மக்கள் எல்லாவிதங்களிலும் கட்டுப்படுத்தப்படுவதை நையாண்டி செய்யும் வகையில் இவ்வாறு கேள்வி கேட்ட சான்சஸ் ,டிவிட்டரின் பன்முக உலகிறகு நல்வரவு.இங்கே யாரும் என வாயை மூட‌ முடியாது. வெளிநாடு செல்ல தடை விதிக்க முடியாது என்று இரன்டாவது டிவிட்டர் செய்தியை தட்டி விட்டார்.

அதோடு காஸ்ட்ரோ மகளின் ஓரின‌ச்சேர்க்கை ஆதரவு நிலையை மனதில் வைத்து கொண்டு அதெப்படி ஒரு விஷயத்தில் சுதந்திர சிந்தனை இருக்கும் மற்ற விஷயங்களில் இருக்காது.சகிப்புத்தன்மை முழுமையாக அல்லவா இருக்க வேண்டும் என்றும் கேட்டிருந்தார்.

இப்படி கேட்கப்படுவோம் என மரியேலா எதிர்பார்த்தாரா என்பது தெரியவில்லை.ஆனால் அதிருப்தியாளர் ஒருவரின் கேள்விக்கு அவர் பதில் அளிக்க வேண்டிய நிலை வந்தது.

சகிப்புத்தன்மை பற்றிய உங்கல் நிலைப்பாடு கடந்த கால ஆட்சியாளர்களின் எண்ணத்தையே பிரதிபலிப்பதாக அவர் பதில் அளித்தார்.தொடர்ந்து கேள்விகள் வந்த போது மேற்கத்திய நாடுகளின் தூண்டுதலால் இப்படி எதிர்ப்பு தெரிவிப்பதாக மரியேலா சன்சசுக்கு பதிலடி கொடுத்தார்.

ஆனால் சன்சசோ அசரவில்லை.கம்யூனிஸ்ட் கட்சியில் உள்ள எல்லோரும் டிவிட்டரில் வந்தால் அல்லது தான்.நிஜத்தில் சொல்ல அனுமதிக்க்ப்படாத கருத்துக்களை டிவிட்டரில் நாங்கள் உரக்க சொல்லுவோம் என்று அவர் மேலும் ஒரு பதிவை வெளியிட்டார்.

டிவிட்டரில் மட்டும் அல்ல எதிர்காலத்தில் எல்லா இடங்களிலும் மாற்று குர‌லை கேட்க வேண்டிய காலம் வரும் என்றும் ஆவேசமாக சொல்லியிருந்தார்.

டிவிட்டரின் சுதந்திரத்தை பயன்படுத்தி கியூபாவில் கருத்து சுதந்திரத்தை அனுமதிக்க வேண்டும் என்ர கருத்தை அதிருப்தியாலரான சான்சஸ் காஸ்ட்ரோ மகளுடனான விவாத‌த்தின் மூலம் உலகிறகு உணர்த்திவிட்டார்.