Tag Archives: digital

einstein-hero

ஒரு கிளிக்கில் ஐன்ஸ்டீனை ஆய்வு செய்யலாம்:

ஐன்ஸ்டீன் என்றவுடன் உற்சாகம் கொள்ளும் நபரா நீங்கள்? அவரைப்பற்றி மேலும் அறிந்து கொள்ள வேண்டும் என்ற என்ணம் இருகிறதா? அப்படி என்றால் உங்களை மேலும் உற்சாகத்தில் ஆழ்த்தக்கூடிய நிகழ்வு ஆன்லைனில் அரங்கேறியிருக்கிறது. விஞ்ஞானிகளின் விஞ்ஞானி என்று போற்றப்படும் அந்த அறிவியல் மேதையின் எழுத்துக்கள் மற்றும் முக்கிய ஆவணங்கள் டிஜிட்டல் மயமாக்கப்பட்டு பொதுமக்கள் பயன்பாட்டிற்கு அனுமதிக்கப்பட்டுள்ளது.
டிஜிட்டல் ஐன்ஸ்டீன் எனும் பெயரிலான இந்த திட்டத்தின் மூலம் ஐன்ஸ்டீன் மீது ஆர்வம் கொண்ட எவரும் இருந்த இடத்தில் இருந்தே அவரது படைப்புகளை அணுகலாம். அதாவது ஐன்ஸ்டீன் படைப்புகள் விரல் நுனியில் ஒரு கிளிக்கில் காத்திருக்கின்றன.
அமெரிக்காவின் பிரின்ஸ்டன் யூனிவர்சிட்டி பிரஸ் தன் வசம் இருந்த ஐன்ஸ்டீன் படைப்பகளை டிஜிட்டல் மயமாககி , எளிதாக தேடக்கூடிய வசதியையும் அளித்திருக்கிறது. சொல்லப்போனால் அறிவியல் பொக்கிஷத்தை ஆன்லைனில் கொண்டு வந்திருக்கின்றனர் என்று சொல்லலாம்.
இது எத்தனை மகத்தான வாய்ப்பு என்று வியப்பும் ஏற்படுகிறது.
ஐன்ஸ்டீனின் சார்பியல் தத்துவம் உள்ளிட்ட விஞ்ஞான கோட்பாடுகளை அறிந்து கொள்ள புத்தகங்கள் இருக்கின்றன. இணையத்திலும் அநேக வழிகள் இருக்கின்றன. ஐன்ஸ்டின் தொடர்பான பிரத்யேக இணையதளங்களும் இருக்கின்றன. ஆனால் டிஜிட்டல் ஐன்ஸ்டீன் இணையதளத்தில் ஐன்ஸ்டீன் படைப்புகளை அணுகலாம் என்பது தான் விஷேசம். ஐன்ஸ்டீன் படைப்புகள் என்றால் அவர் எழுதிய எல்லாவற்றின் தொகுப்பு. ஐன்ஸ்டீனின் இளமைக்காலம் தொட்டு 1923 ம் ஆண்டு வரை அவர் எழுதியவை , சிந்தத்தவற்றின் குறிப்புகள் எல்லாம் புத்தகமாக தொகுக்கப்பட்டு டிஜிட்டல் வடிவில் இணையவாசிகள் பார்வைக்கு முன்வைக்கப்பட்டுள்ளன. ஐன்ஸ்டீனின் காதல் கடிதங்கள், பள்ளி மதிப்பெண் சான்றிதழ் போன்றவயையும் இந்த தொகுப்பில் அடங்கும் என்றால் பார்த்துக்கொள்ளுங்கள்.
ஆக, ஐன்ஸ்டீன் எனும் மேதை சிந்தித்த மற்றும் செயல்பட்ட விதத்தை அறிந்து கொள்ளவும் , ஆய்வு செய்யவும் இந்த டிஜிட்டல் ஆவணங்கள் உதவியாக இருக்கும்.
பொதுவாக ஐன்ஸ்டீன் போன்ற மேதைகளின் படைப்புகளை , அந்தரங்க கடிதங்களை, குறிப்பேடுகளை நேரில் பார்ப்பது என்பது எல்லோருக்கும் கிடைக்க கூடிய வாய்ப்பு இல்லை. இத்தகைய முக்கிய ஆவணங்கள் அருங்காட்சியகம் மற்றும் பலகலைக்கழகங்களில் பாதுகாக்கப்படும். அவற்றை அணுக வேண்டும் என்றால் சிறப்பு அனுமதி தேவை. அதிலும் ஆய்வு மாணவர்களுக்கு தான் இத்தகைய அனுமதி கிடைக்கலாம்.
ஆனால்,இணைய யுகத்தில் இந்த வரம்புகள் இல்லை. ஆவணங்கள் டிஜிட்டல் மயமாக்கப்பட்டு இணையத்திற்கு கொண்டுவரப்பட்டால் அவற்றை எல்லோரும் அணுகலாம்.
இந்த அற்புதம் தான் இப்போது நிகழ்ந்திருக்கிறது. பிரின்ஸ்டன் பலகலைக்கழகத்தால் தொகுக்கப்பட்டு வரும் ஐன்ஸ்டீன் படைப்புகளில் 13 தொகுதிகள் இப்போது ஆன்லைனில் அரங்கேறியிருக்கிறது. பெரும்பாலான தொகுதிகள் மூலமொழியான ஜெர்மன் மற்றும் ஆங்கில மொழிபெயர்ப்பை கொண்டுள்ளன. தொகுதிகளை டிஜிட்டல் புத்தகமாக எளிதாக புரட்டிப்பார்க்கலாம். விரும்பியதை தேடும் எளிய வசதியும் இருக்கிறது.
ஐன்ஸ்டீனின் அறிவியலை மட்டும் அல்ல, ஐன்ஸ்டீன் எனும் மனிதரையும் இந்த படைப்புகள் வாயிலாக அறிந்து கொள்ளலாம்.
ஐன்ஸ்டீனின் சகோதரி மாஜா எழுதிய ஆரம்ப கால சுயசரிதையும் இதில் இடம்பெற்றுள்ளது.
ஐன்ஸ்டீனின் அம்மா அவரது தலையின் பொருந்தா தோற்றத்தை பார்த்து கவலைப்பட்டது , ஆரம்பத்தில் மொழியை கற்பதில் அவருக்கு இருந்த குறைபாடு, பேசும் போது ஒவ்வொரு வரியையும் தனக்குத்தானே மெல்ல மீண்டும் சொல்லிப்பார்க்கும் விநோத பழக்கம் அவருக்கு இருந்தது போன்ற சுவாரஸ்யமான தகவல்களை இந்த படைப்புகளில் இடம்பெற்றிருப்பதை பத்திரிகைகள் சுட்டிக்காட்டியுள்ளன.
அதே போல பள்ளித்தேர்வு முறையை ஐன்ஸ்டீன் எதிர்த்திருக்கிறார். தேர்வுகள் தேவையில்லாதது, தீங்கானது என குறிப்பிட்டுள்ள ஐன்ஸ்டீன் , இதற்கு மாறாக மாணவர்களின் பக்குவம் மற்றும் அவர்களுக்கான பயிற்சிகள் மூலம் ஆசிரியர்கள் மதிப்பிடலாம் என குறிப்பிடுகிறார்.
ஐன்ஸ்டீனின் காதல் கடிதங்கள் தனிப்பட்ட வாழ்க்கையை சொல்கின்றன என்றால் மற்ற கடிதங்கள் மற்றும் எழுத்து மூலம் அவரது சமூக பார்வையை அறியலாம்.
ஆக, ஐன்ஸ்டீன் பற்றி படிக்கும் வாய்ப்பு இப்போது இணையம் மூலம் சுபலமாகி இருக்கிறது. நீங்கள் விரும்பினால் ஐன்ஸ்டீன் பற்றி ஆய்வும் செய்யலாம். இதற்கு பிஎச்டி பட்டம் தேவை என்றில்லை , ஆன்லைனில் http://einsteinpapers.press.princeton.edu/ என்ற முகவரிக்கு சென்றாலே போதுமானது!

நீங்களும் இனி, இமெயிலை டிக்டேட் செய்யலாம்

http---dictationநீங்கள் சொல்ல சொல்ல இமெயில் தானாகவே எழுதப்பட்டால் எப்படி இருக்கும் ? இது ஒன்றும் சாத்தியமாகாத மாயம் இல்லை. பேச்சறியும் மென்பொருள் ( ஸ்பீச் ரிகக்னிஷன் சாப்ட்வேர்) கைவசம் இருந்தால் , நாம் சொல்வதை அது புரிந்து கொண்டு எல்லாவற்றையும் வாக்கியங்களாக எழுதித்தரும். இப்போது இந்த வசதியை உங்கள் உலாவிக்கே ( பிரவுசர்) கொண்டு வந்திருக்கிறது டிக்டேஷன்.இயோ இணையதளம்.

இந்த தளத்தை உங்களது  நட்பான உதவியாளர் என்று வைத்துக்கொள்ளுங்களேன். இதில் நீங்கள் இமெயிலை டிக்டேட் செய்யலாம் . கட்டுரை மற்றும் ஆவணங்களை டிக்டேட் செய்யலாம். நீங்கள் சொல்லுவது இருந்தாலும் அதை எழுத்து வடிவில் டைப் செய்து தருகிறது இந்த தளம். இதை பயன்படுத்துவதும் எளிதானது தான். இதன முகப்பு பக்கத்தில் மாணவர்களின் நோட்டு பக்கம் போல கோடுகளை கொண்ட குறிப்பேடு இருக்கிறது. அந்த குறிப்பேட்டின் கிழே உள்ள , டிக்டேட் செய்யவும் பகுதியை கிளிக் செய்து விட்டு , யாரோ நீங்கள் சொல்வதை எல்லாம் கேட்க காத்திருப்பது போல மளமளவென்று சொல்ல வேண்டும். இப்படி சொல்லப்படுவதை எல்லாம் அந்த குறிப்பேடு டைப் செய்து தரும். 

இமெயில் அனுப்புவதாக இருந்தால் , அதை டைப் செய்யாமலே இப்படி டிக்டேட் செய்து அனுப்பிவிடலாம். அட நன்றாக இருக்கிறதே என வியக்கத்தோன்றுகிறாதா? 

பொதுவாக பேச்சறியும் மென்பொருளை தனியே வாங்கி பயன்படுத்த வேண்டும். ஆனால் இந்த தளமோ அதை தானே உள்ளீடு செய்து ,நம் பயன்பாட்டிற்கு தருகிறது. இந்த வசதி கூகுல் கூரோமிலேயே இருப்பது தான் . அது எத்தனை பேருக்கு தெரியும் எனத்தெரியவில்லை. ஆனால் இந்த தளம் கூகுல் குரோமில் உள்ளடங்கியுள்ள பேச்சறியும் மென்பொருள் வசதியை எல்லோரும் பயன்படுத்தக்கூடிய அழகான சேவையாக எளிதாக்கி தந்திருக்கிறது. பணிச்சுமை மிக்கவர்களுக்கும் ,எழுதுவதை ஒரு வேலையாக நினைப்பவர்களுக்கும் இந்த சேவை பேரூதவியாக இருக்கும்.

இவ்வளவு சொல்லிவிட்டு , இப்போது ஏமாற்றம் தரக்கூடிய ஒரு தகவல். இந்த டிக்டேஷன் சேவையை ஆங்கிலத்தில் தான் பயன்படுத்தலாம். இந்தி , தமிழ் உள்ளிட்ட இந்திய மொழிகளில் பயன்படுத்தும் வசதி இல்லை. இத்தனைக்கும், இந்தியரான அமீத் அகர்வால் தான் இந்த சேவையை உருவாக்கியுள்ளார். அப்படியும் இந்தியும் இல்லை , தமிழும் இல்லை. அகர்வால் வாருங்காலத்தில் இந்திய மொழிகளை கொண்டு வருகிறாரா என பார்க்கலாம். இல்லை கூகுலு குரோம் அதை செய்ய காத்த்ருப்பாரா என்று தெரியவில்லை.

இணையதள முகவரி: https://dictation.io/

பி.கு; naviதமிழில் இது போன்ற சேவையை , அருமையான சந்திப்பிழை சரிபார்ப்பு சேவையை வழங்கி வரும் நாவி சந்திப்பிழை திருத்தி போன்ற இணையதளங்களில் இருந்து எதிர்பார்க்கலாம். ஆனால் அதற்கு முதலில் இத்தகைய நல்ல தமிழ் முயற்சிகளை நாம் ஆதரிக்க வேண்டும். : 

மாயமான மலேசிய விமானத்தை நீங்களும் தேடலாம்

malayasiaநடுவானில் மாயமான மலேசிய விமானத்தை தேடும் பணியில் இந்தியாவும் ஈடுபட்டுள்ளது சமீபத்திய செய்தி. அதைவிட சமீபத்திய செய்தி , இந்த தேடலில் நீங்களும் பங்கேற்கலாம் என்பது தான்.

ரேடாரின் கண்களில் இருந்து விலகிச்சென்ற மலேசிய விமானம் எங்கு போனது , எந்த திசையில் போனது  என்று தெரியவில்லை. சீனாவை நோக்கி சென்ற விமானத்தை இப்போது அந்தமான் கடல் பகுதியில் தேடிக்கொண்டிருக்கின்றனர். கடற்படையினரோ , விமானப்படையினரோ இந்த தேடலில் உதவலாம். தேவையான கருவிகளும் உபகரணங்களும் இருக்கின்றன. ஆனால் , இணையவாசிகள் இந்த தேடலில் பங்கேற்பது எப்படி ?  செயற்கைகோள் இருக்க கவலையேன் என்பது தான் இந்த கேள்விக்கு பதில்.

ஆம், செயற்கைகோள் படங்களின் மூலம் காணாமல் போன் விமானம் அல்லது விமானத்தின் மிச்சம் கடல் பகுதியில் கண்ணில் படுகிறதா என இணையவாசிகள் தேடிப்பார்க்கலாம். உண்மையில் இது போன்ற தேடலில் இணையவாசிகளின் பங்களிப்பு தான் முக்கியமானது. எப்படி?

எல்லாவற்றுக்கும் தொழில்நுட்பம் இருக்கிறது. பூமியின் மேற்பரப்பை செயற்கைகோள்கள் புகைப்படம் எடுத்து அனுப்பிவைக்கின்றன. இந்த செயறகைகோள் படங்கள் தான் தேடலில் மிகப்பெரிய ஆயுதமாக இருக்கின்றன. விமானம் எங்கு போனது எனத்தெரியாத நிலையில் அது காணாமல் போயிருக்க கூடம் என சந்தேகிக்கும் பகுதிகளில் தேடிப்பார்க்கலாம். கடற்படையினர் இதை தான் செய்து கொண்டிருக்கின்றனர். இந்த தேடலுக்கு வரம்புகள் உண்டு.

அதனால் தான் இது போன்ற நேரங்களில் செயற்கைகோள் புகைப்படங்களை நாடுகின்றனர். சம்பவ இடத்தில் பதிவான தகவல்களை செயற்கைகோள் புகைப்படத்தில் பார்க்க முடியும் . இப்படி அல்சிப்பார்த்தால் விமானத்தின் தடயத்தை கண்டுபிடித்துவிடலாம். ஆனால் இந்த தேடல் சுலபமானது இல்லை. இன்ச் பை இன்ச் என்பார்களே அதே போல செயற்கைகோள் புகைப்படத்தை அதன் ஒவ்வொரு சதுர அடையையும் அலசிப்பார்த்தால் தான்  தடயங்கள் தெரியவரும். ஒருவரோ ஒரு சிலரோ இதை செய்ய முடியாது. ஆனால் ஒவ்வொருவராக கைகொடுத்தால் முழுவதும் தேடிப்பார்த்து விடலாம். இந்த உத்தி இணைய உலகில் கிரவுட் சோர்சிங் என்று சொல்லப்படுகிறது. அதாவது ஒரு பணியில் பலரும் பங்கேற்று பகுதி பகுதியாக நிறைவேற்றித்தருவது.

மலேசிய விமானத்துக்கான செயற்கைகோள் தேடலிலும் இப்படி தான் கிரவுட்சோர்சிங் முறையில் இணையவாசிகளை பங்கேற்க வைத்துள்ளனர்.

டிஜிட்டல் குளோப் எனும் செயற்கைகோள் வரைபட சேவை நிறுவனம் இந்த இணையதேடலுக்காக , டாம்நாட் எனும் இணையதளத்தை அமைத்துக்கொடுத்துள்ளது. இந்த தளத்தில் செயறகைகோள் புகைப்படம் கொடுக்கப்பட்டுள்ளது. அந்த வரைபடத்தை பெரிதாக்கி பார்த்து , விமானத்தின் மிச்சம் போன்ற பகுதி கண்ணி படுகிறதா என பார்க்க வேண்டும். ஏதேனும் கண்ணில் பட்டால் அதை டேக் செய்து சமர்பிக்க வேண்டும். எவ்வளவு பகுதி முடிகிறதோ அவ்வளவு பகுதியை பார்வையால் ஸ்கேன் செய்யலாம் . ஏற்கனவே மற்றவர்கள் பார்த்த இடத்தையும் ஆய்வு செய்யலாம் . புதிதாகவும் ஆய்வு செய்யலாம்.

டேக் செய்வதற்கான குறிப்புகளும் கொடுக்கப்ப்பட்டுள்ளன. இணையவாசிகள் சமர்பிக்கும் குறிப்புகளை இதற்காக என்று உருவாக்கப்பட்டுள்ள சாப்ட்வேர் பரிசிலித்து அவை பொருட்படுத்தக்கூடிய குறிப்புகளா என கண்டறிந்து தெரிவிக்கும்.அந்த இடங்களில் கூடுதல் கவனம் செலுத்தப்படும். இது வரை 60 மில்லியன் முறைகளுக்கு மேல் இந்த செயற்கைகோள் படங்கள் பார்க்கப்பட்டு தேடப்பட்டுள்ளது. 

டிஜிட்டல் குளோப் வர்த்தக நோக்கில் செயறகைகோள் புகைப்பட சேவையை வழங்கி வருகிறது. என்றாலும் இந்த வி

பேஸ்புக் நிறுவனருக்கு எதிராக போராடும் மனிதர்.

zuckerberg-640x426மைக்ரோசாப்ட் அதிபர் பில் கேட்சுக்கு கூட அப்படி ஒரு இணையதளம் இல்லை. ஆப்பில் பிதாமகன் ஸ்டீவ் ஜாப்சுக்கு கூட கிடையாது. ஆனால் பேஸ்புக் நிறுவனர் மார்க் ஜக்கர்பர்கிற்காக ஒரு  பிரத்யேக இணையதளம் உருவாக்கப்பட்டுள்ளது.

ஜக்கர்பர்கிற்காக என்றே ஒரு தளம் என்றவுடன் அவரை கொண்டாடும் நோக்கத்திலானது என்று நினைத்து விட வேண்டாம்! ஜக்கர்பர்க் பைல்ஸ் (http://zuckerbergfiles.org/ ) எனும் அந்த தளம் பேஸ்புக் நிறுவனரை விசாரணை கூண்டில் ஏற்றுவதற்கானது. விசாரணை என்பது கொஞ்சம் கடினமான சொல் . உண்மையில் இந்த தளத்தின் நோக்கம் ஜர்க்கர்பர்கை ஆய்வுக்குள்ளாக்குவது.

ஜக்கர்பர்க் பற்றி ஆய்வு செய்ய விரும்பினால் என்ன தேவை? அவர் என்ன எல்லாம் சொன்னார் ,சொல்லி வருகிறார் என்று தெரிய வேண்டும் அல்லவா? ஆதை தான் இந்த தளம் செய்கிறது.

பேஸ்புக் நிறுவனர் என்ற முறையில் ஜக்கர்பர்க் இது வரை பேசிய பேச்சுக்கள் , அளித்த பேட்டிகள் வெளியிட்ட செய்தி குறிப்புகள் எல்லாவற்றையும் இந்த தளம் தொகுத்து வைத்திருக்கிறது. இவ்வாறு ஜக்கர்பர்க தொடர்பாக நூற்றுக்கும் மேற்பட்ட கோப்புகள் இந்த தளத்தின் தொகுப்பில் இருப்பதாக குறிப்பிடப்பட்டுள்ளது. ஜக்கர்பர்கின் பதிவுகளும் இதில் அடங்கும்.

இவை அனைத்துமே ஜக்கர்பரக் பொது மேடைகளில் பகிர்ந்து கொண்டவை. இணையத்தில் பொதுவெளியில் இருப்பவை. இவை அனைத்தும் ஒரே இடத்தில் எளிதாக தேடப்படக்கூடிய வகையில் இந்த தளத்தில் தொகுத்து வைக்கப்பட்டுள்ளன. முழு அள்விலான தொகுப்பு என குறிப்பிடப்பட்டுள்ளது. அதாவது , ஜக்கர்பர்கின் பேட்டி என்றால் அதற்கான முழு வரி வடிவம், பேட்டி என்றால் எப்போது பேசினார், என்ன குறிப்பிட்டார் என்பது போன்ற துணை விவரங்கள் அனைத்தும் இருக்கின்றன. குறிப்பிட்ட பேட்டி அல்லது பேச்சின் நோக்கத்தை புரிந்து கொள்ள கூடிய மெட்டா டேட்டா எனும் மேலதிக விவரங்களும் தொகுப்பில் உள்ளன.

ஜக்கரபர்கை ஆய்வுக்கு உட்படுத்த விரும்புகிறவர்களுக்கு தேவையான எல்லா தகவல்களையும் இந்த தளம் வழங்கும். தனியே கோரிக்கை சமர்பித்து இந்த வசதியை பயன்படுத்த வேண்டும்.

ஜக்கர்பர்க் என்ன ஆய்வு செய்யப்படும் அளவுக்கு பெரிய நபரா என்று கேட்கலாம். ஜக்கர்பர்க் பெரிய நபரா ? என்பது வேறு விஷயம். ஆனால் பேஸ்புக் பெரிய தளம் !. அந்த காரணத்தினால் ஜக்கர்பர்க் ஆய்வுக்குட்படுத்தப்பட வேண்டிய நபர். அப்படி தான் மைக்கேல் ஜிம்மர் சொல்கிறார்.

யார் இந்த ஜிம்மர்!

அமெரிக்காவின் விஸ்கான்சின் பல்கலைகழகத்தில் ஸ்கூல் ஆப் இன்பர்மேஷன் ஸ்டடீஸ் உதவி பேராசிரியர் ஜிம்மர். இவர் தான் ஜக்கர்பர்க் பைல்ஸ் இணையதளத்தை அமைத்திருக்கிறார். பேஸ்புக் நிறுவனரும்,சி.இ.ஓவுமானஜக்கர்பர்கின் அனைத்து பொது கருத்துக்களையும் தேடக்கூடிய டிஜிட்டல் கோப்புகளாக இந்த தளத்தை இவர் அமைத்திருப்பதாக பாஸ்ட் கம்பெனி (http://www.fastcompany.com/3020831/most-creative-people/the-man-turning-the-privacy-tables-on-mark-zuckerberg ) வர்ணித்துள்ளது.

பேஸ்புக்கிறகு எதிராக அந்தரங்க மேஜையை ஜிம்மர் திருப்பி போட்டிருப்பதாகவும் இந்த இதழ் பாராட்டியுள்ளது.

எனக்கும் இந்த கட்டுரைக்கும் என்ன சம்பந்தம்?
எனக்கும் இந்த கட்டுரைக்கும் என்ன சம்பந்தம்?
குடியிருக்கிற வீட்டை இடிப்பது என்றால் என்ன என்று சேட்டுக்கு காட்டுவோம் ‘ என்பது போல நாயகன் படத்தில் வேலுநாயக்கர் பேசும் வசனம் வரும் அல்லவா? அதே போல தான்,

’உங்கள் தகவல்கள் எல்லாம் தோண்டி எடுக்கப்பட்டு ஆய்வுக்குட்படுத்தப்பட்டால் எப்படி இருக்கும் என்பதை ஜக்கர்பர்கிற்கு காட்ட விரும்புவதாக ஜிம்மர் பாஸ்ட் கம்பெனிக்கு அளித்துள்ள பேட்டியில் குறிப்பிட்டுள்ளார்.’ நீங்கள் நினைத்து பகிர்ந்து கொண்டதற்கு மாறாக தகவல்கள் பயன்படுத்தப்பட்டால் எப்படி இருக்கும் என்பதையும் அவருக்கு புரிய வைத்தால் கொஞ்சம் வேடிக்கையாக இருக்கும் என்றும் கூறியுள்ளார்.

விஷயம் இது தான், பேஸ்புக்கில் நாம் எல்லோரும் தகவல்களை பகிர்ந்து கொள்கிறோம். அந்த தகவல் சுரங்கத்தை வைத்து கொண்டு பேஸ்புக் கோடிகளை சம்பாதிக்கிறது. பயனாளிகளின் தகவல்களை தேடி ரகம் பிரித்து விளம்பர நிறுவனங்களுக்கு விற்கிறது. இதில் பயனாளிகளின் அந்தரங்கம் பாதிப்புக்குள்ளாகிறது என்பது தான் 21 ம் நூற்றாண்டின் மிகப்பெரிய பிரச்சனை.

பேஸ்புக் பயனாளிகள் தங்கள் நண்பர்களுடன் பகிர்ந்து கொள்ளும் தனிப்பட்ட விஷயங்கள் பேஸ்புக்கிறகு சொந்தமாக இருக்கிறது. அந்த தகவல்களை தோண்டி எடுத்து , ஆய்வு செய்து பயன்படுத்தி கொள்கிறது பேஸ்புக்.

இதையே பேஸ்புக் நிறுவனருக்கு செய்து பார்ப்போமே என்கிறார் ஜிம்மர். இது ஏதோ விளையாட்டுத்தனமான நோக்கமோ அல்லது ஜக்கர்பர்க் மீது பொறாமை கொண்ட செயலோ அல்ல. இந்த காலத்திற்கான தார்மீக கேள்வி.

பேஸ்புக் வசம் பயனாளிகளின் அந்தரங்க தகவல்கள் குவிந்து கொண்டே வரும் நிலையில் அவற்றை பேஸ்புக் எப்படி கையாள்கிறது என்பது எல்லோருக்கும் முக்கியமானதாகிறது. அதை தெரிந்து கொள்ள ஜக்கர்பர்கிடம் நேரடியாக கேள்வி கேட்டு பதில் பெறுவது சாத்தியமல்ல. அவர் சொல்லும் பதில் திருப்திகரமாக இருக்க போவதில்லை. தவிர, அவர் சொல்வது தான் உண்மை என எப்படி நம்புவது.

பேஸ்புக் நோக்கில் தான் அவர் பதில் சொல்லப்போகிறார். பயனாளிகள் அந்தரங்கம் பற்றி அவருக்கு என்ன கவலை?

எனவே தான் பேஸ்புக் நிறுவனர் பொது வெளிகளில் என்ன சொல்கிறார் என்பதை கண் கொத்தி பாம்பாக கவனித்து அதன் உள்ளர்த்தங்களை தேடி புரிந்து கொள்ள வேண்டியிருக்கிறது. இத்தகைய ஆய்வுக்கு உதவி செய்வது தான் ஜக்கர்பர்க் பைல்ஸ் தளத்தின் நோக்கம் என்கிறார் ஜிம்மர்.

பேஸ்புக் நிறுவனரின் உரையாடல்களில் அந்தரங்கம் என்ற வார்த்தைக்கு பதிலாக, கட்டுப்பாடு மற்றும் அணுக முடிவது போன்ற வார்த்தைகளே அதிகம் இடம் பெறுவதை சுட்டிக்காட்டும் ஜிம்மர் , பேஸ்புக் நிறுவன ஊழியர்களிடம் பேசும் போதும் அவர்கள் மிகவும் கவனமாக அந்தரங்கம் என்ற வார்த்தையை தவிர்ப்பதாகவும் சொல்கிறார்.

பேஸ்புக் பகிர்வுகள் ஒரு நிறுவனத்தின் கட்டுப்பாட்டில் இருக்கும் நிலையில் அது தனிமனிதர்களுக்கு ஏற்படுத்தக்கூடிய பாதிப்புகளை புரிந்து கொள்வது அவசியம்தானே.

 

பி.கு: இந்த பதிவு பற்றி கொஞ்சம் தன்னிலை விளக்கம்
; கொஞ்சம் தற்பெருமை என்றும் வைத்து கொள்ளுங்களேன். மேக் யூஸ் ஆப் தளத்தில் இன்றைய இனையதளங்கள் பகுதியில் ஜக்கர்பர்க் பைல்ஸ் பற்றி அறிமுகம் செய்யப்பட்டுள்ளது. இந்த பகுதியில் பார்க்கும் போது இதுவும் வழக்கமான இணையதளம் போல தோன்றும். அதாவது இந்த தளத்தின் உண்மையான நோக்கம் மற்றும் முக்கியத்துவம் குறித்து சட்டென விளங்கவில்லை. ஆனால் , ஜக்கர்பர்க் பைல்ஸ் தளத்திற்கு போய் பார்த்து விட்டு ,அதில் இருந்து பாஸ்ட் கம்பெனி செய்தி மற்றும் அர்ஸ் டெக்னிகா செய்தி இணைப்புகளை படிக்கும் போது தான் இந்த தளத்தின் பரிமானம் புரிகிறது. அதை தான் பதிவாக்கி இருக்கிறேன்.

 

பி கு.2; பேஸ்புக் போன்ற சமூக தளங்களில் பகிரப்படும் தகவல்களின் அந்தரங்கம் நம் காலத்தின் முக்கியமான பிரச்சனை என்பதால் , இந்த பதிவை தயவு செய்து உங்கள் நண்பர்களுடன் பகிர்ந்து கொண்டு பரிந்துரையுங்கள்.

 

பி.கு 3: நம்மூரில் உள்ள ஆய்வு மாணவர்கள் பேஸ்புக் பயன்பாடு குறித்த ஆய்வை மேற்கொள்ளலாம். இங்கு பயனாளிகளும் அதிகம். பாதிப்பும் அதிகம்.

 

பி.கு4: விஸ்கான்சின் பல்கலையின் ஆதரவுடன் இந்த தளம் செய்லப்டுகிறது. தகவல்கள் டிஜிட்டல் காமென்ஸ் முறையில் பகிரப்படுகிறது.

பி.கு5 ; பேஸ்புக் தொடர்பாக இது எனது 50 வது பதிவு.

camera-compared-to-human-hand

காமிராக்களை ஒப்பிட ஒரு இணையதளம்.

இணையத்தில் ஒப்பிடுவது என்பது பிரச்சனையே இல்லை.பொருட்களை வாங்கும் முன் அவற்றின் விலை உள்ளிட்ட அமசங்களை ஒப்பிட்டு பார்த்து கொள்ள கம்பேரிசன் ஷாப்பிங் தள‌ங்கள் இருக்கின்றன.அதே போல இணைய‌த்தில் புத்தகம் வாங்குவதாக இருந்தால் எந்த தளத்தில் குறைவாக வாங்கலாம் என முடிவெடுக்க வசதியாக விலைகளை ஒப்பிட்டு காட்டும் தளங்களும் இருக்கின்றன.

இந்த வரிசையில் காமிரா சைஸ்.காம் காமிராக்களின் அளவை ஒப்பிட்டு காண்பித்து வியக்க வைக்கிறது.

புதிய காமிரா வாங்கும் போது விலை மட்டுமே கவனத்தில் கொள்ள வேண்டிய விஷயமல்ல.வடிவமைப்பு,படம் எடுக்கும் துல்லியம் என பல விஷய‌ங்கள் இருக்கின்றன.இவற்றோடு காமிராவின் அளவையும் சேர்த்து கொள்ள வேண்டும்.

காரணம் ,இன்று உள்ளங்கையில் அடங்கி விடும் கையடக்க காமிராக்கள் எல்லாம் வந்து விட்டன.எனவே புதிய காமிரா அளவில் சின்னதாக கச்சிதமாக இல்லாவிட்டால் அதுவே ஒரு உறுத்தலாக இருக்கும்.அதிலும் நாம் காமிரா வாங்கிய பின் நண்பர்களிடம் அதை விட சின்ன காமிராவை பார்த்து விட்டால் வருத்தமாகவும் இருக்கும்.

அதோடு ஒரு காமிரவை வாங்கும் முன் அனைத்து அம்சங்களையும் ஒப்பிட்டு பார்த்து கொள்வது நல்லது தானே.

அதை தான் காமிரா சைஸ்.காம் சாத்தியமாக்குகிறது.

அது மட்டும் அல்ல இந்த தளத்தில் காமிராக்களின் அளவை ஒப்பிட்டு பார்ப்பதே காட்சி ரீதியாக சிறந்த அனுபவமாக இருக்கிற‌து.

அடிப்படையில் இந்த தளம் இரண்டு காமிராக்களின் அளவை ஒப்பிட்டு காட்டுகிறது.அருகருகே வைத்து பார்ப்பது போல இரண்டு காமிராக்களையும் ஒப்பிட்டு பார்த்து கொள்ளலாம்.அவரவர் விருப்பத்திற்கேற்பவும் தேவைக்கேற்பவும் எந்த இரண்டு காமிராக்களையும் ஒப்பிடலாம்.

ஒப்பிடுவதற்கான காமிராக்களை தேர்வு செய்வதும் சுலபமானது தான்.ஒப்பிடுவதற்கான பகுதியில் இரண்டு வரிசைகள் இருக்கின்றன.இரண்டிலும் காமிராக்களின் மாதிரிகள் வரிசையாக வருகின்றன.எந்த நிறுவனத்தின் எந்த மாதிரி தேவையோ அதனை தேர்வு செய்து கொண்டு அதே போலவே அருகே உள்ள பட்டியலில் இருந்து ஒப்பிடுவதற்கான மாதிரியையும் தேர்வு செய்து கிளிக் செய்தால் இரண்டு காமிராக்களையும் அருகருகே வைத்து காண்பிக்கிறது.

தோற்றத்திலேயே வேறுபாடு தெரிகிறது என்றாலும் கூடுதல் புரிதலுக்காக இரண்டின் அளவுகளும் வேறுபாடுகளும் செமீ கணக்கிலும் கிழே கொடுக்கப்பட்டுள்ளது.மேலும் அருகிலேயே ஒரு பேட்டரியையும் வைத்துள்ளனர்.அதன் அளவின் அடிப்படையிலும் காமிரா அளவை மனதுக்குள் உள்வாங்கி கொள்ளலாம்.

முதல் காமிராவை இந்த பக்கத்தில் இருந்து அந்த பக்கம் மாற்றுவது அந்த காமிராவை இங்கே கொண்டு வருவது என இஷ்டத்திற்கு மாற்றியும் பார்த்து கொள்ளலாம்.ஒரு காமிரா பின் இன்னொரு காமிராவையும் வைத்தும் பார்க்கலாம்.அதே போல காமிராவை பக்கவாட்டில் வைத்து தலைகீழாக வைத்து என விதவிதமான கோணங்களில் ஒப்பிட்டு பார்க்கும் வசதியும் இருக்கிறது.

காமிராவின் வண்ணங்களையும் ஒப்பிட்டு பார்க்க‌லாம்.காமிராவின் உள்ளங்கை தோற்றத்தியும் காணலாம்.

இவற்றோடு காமிராவுக்கான பயனாளிகள் விமர்சனத்தை அமேசான் தளத்திலிருந்தும் ஒரே கிளிக்கில் பார்க்கலாம்.

சந்தையில் புதுப்புது காமிரா வர வர அதனையும் இந்த பட்டியலில் சேர்த்து விடுகின்ற‌னர்.

ஒப்பிட்ட விவரத்தை அப்படியே பேஸ்புக் அல்லது டிவிட்டர் மூலம் நண்பர்களோடு பகிர்ந்து கொள்ளலாம்.

எனவே அடுத்த முறை காமிரா வாங்குவதாக இருந்தால் இந்த தளத்தை பயன்படுத்தி பாருங்கள்.

இணையதள முகவரி;http://camerasize.com/

—————
காமிரா தொட‌ர்பான பிற பதிவுகள்;

1.நமக்கேற்ற காமிரா எது?;http://cybersimman.wordpress.com/2009/04/02/digital-camera/

2.தொலைந்த காமிராவை கண்டெடுக்க ஒரு இணையதளம்;http://cybersimman.wordpress.com/2010/12/01/camera-2/