Tag Archives: download

விதவிதமான ஒலிகளை கேட்க ஒரு இணையதளம்.


இசையை கேட்டு ரசிப்பது போல ஒலிகளையும் கேட்டு ரசிக்கலாம்.ஒலிகளில் தான் எத்தனை ரகங்கள் இருக்கின்றன.இயற்கை ஒலிகள் ஒரு பக்கம் என்றால் செய்ற்கை ஒலிகள் இன்னொரு பக்கம்.

இந்த ஒலிகளை எல்லாம் ஒரே இடத்தில் கேட்டு ரசிக்க விரும்பினால் அதற்காக என்றே ஆடியன்ஸ் சவுன்ட்ஸ் இணையதளம் இருக்கிறது.

இந்த தளத்தில் நுழைந்தவுடன் ஒலிகளின் பட்டியலை காணலாம்.கைத்தட்டுதல்,குறட்டை விடுதல்,மூச்சு விடுதல் என வரிசையாக ஒலிகள் பட்டியலிடப்பட்டுள்ளன.எல்லா ஒலிகளுக்கு பக்கத்திலும் அழகிய பல வண்ண பட்டனகளும் இருக்கின்றன.பட்டனை அழுத்தினால் அந்த ஒலிகளை கேட்கலாம்.ஒரே நேரத்தில் வரிசையாக பட்டன்களை அழுத்தி பல ஒலிகளையும் கேட்கலாம்.ஒலிகளின் அளவையும் கூட்டலாம் குறைக்கலாம்.

ஒலிகள் கூட்டத்தின் ஒலி,தனி நபர்களின் ஒலி மற்றும் குழந்தைகளின் ஒலி என வகைப்படுத்தப்பட்டுள்ளன.தனி நபர் ஒலிகளில் ஆண் பெண் ஒலிகளுக்கு என தனித்தனி பகுதி இருக்கிறது.

ஒலிகளை டவுண்லோடு செய்து கொள்ளலாம்.

சும்மா ஜாலியான நோக்கத்திலான இணையதளம்.இணையத்தில் அலுப்பு ஏற்படும் போது ஒரு மாற்றத்திற்காக இந்த தளத்தில் வந்து ஒலிகளை கேட்டு ரசித்து வெளியேறலாம்.

பேஸ்புக் பிரியர்கள் இந்த ஒலிகளை தங்கள் பேஸ்புக் பக்கத்திற்கே கொண்டு சென்று நண்பர்களோடு விளையாடலாம்.

ஒலிகளை கேட்க;http://www.audiencesounds.com/index.html

இணையத்தில் பாதுகாப்பாக தேட!.

கூகுல் உள்ளிட்ட பல தேடியந்திரங்கள் உங்கள் கம்ப்யூட்டரில் குக்கீஸ் எனப்படும் சாப்ட்வேர் உளவாளிகளை ஒளிய வைத்து தகவல்களை சேகரித்து கொண்டே இருப்படு உங்களுக்கு தெரிந்திருக்கலாம்.தெரியும் தான் ஆனால் என்ன செய்வது என்று நீங்கள் ஆற்றாமையோடோ அல்லது இது தான் இணைய நிதர்சனம் என்றோ நினைத்து கொண்டிருந்தால்,பாதுகாப்பான தேடலில் ஈடுபட உங்களுக்கு உதவ இணையதளங்கள் இருக்கின்றன என்பதை தெரிந்து கொள்ளுங்கள்.

குகூன் இந்த வகையான இணையதளம் தான்.

குகூன் என்ன செய்கிறது என்றால் நீங்கள் தேடும் போது தேடியந்திரங்களோ இணையதளங்களோ குக்கீஸ் மூலம் உங்கள் இணைய செயல்பாடுகளை கண்காணிக்க முடியாமல் செய்கிறது.இதன் மூலம் உங்களை பற்றிய தகவல்கள் சேகரிக்கப்படுவதையும் தடுக்கிற‌து.

அடு மட்டும் அல்ல,இணையம் மூலம் வைரஸ் மற்றும் மால்வேர் போன்றவை உள்ளே வராமலும் இது தடுக்கிற‌து.

மேலும் ஒரு மாற்று இமெயிலையும் உருவாக்கி தந்து குப்பை மெயிகளிலும் இருந்து காப்பாற்றுகிற‌து.

உங்கள் இணைய அந்தரங்கத்தை கட்டி காக்க உதவும் சேவையான இதனை பிரவுசர் நீட்டிப்பாக டவுண்லோடு செய்து கொள்ளலாம்.

இணையதள முகவரி;https://getcocoon.com/

————-

இணையவாசிகள் பற்றி தகவல் சேகரிக்கும் கூகுல் போன்ற தேடியந்திரங்களுக்கு மாற்று தேடியந்திரம் இது…http://cybersimman.wordpress.com/2012/01/21/search-31/

புகைப்படங்களை விரும்பிய அளவுக்கு சுருக்குவதற்கான இணையதளம்.

புகைப்படங்களை பயன்படுத்தும் போது,அடடா போட்டோஷாப் கற்று கொள்ளாமல் போனோமோ என்று நொந்து கொள்ளும் தருணங்கள் ப‌லருக்கு உண்டாகலாம்.பேஸ்புக்கில் பதிவேற்றவோ அல்லது வேறு இணைய சேவைகளுக்காக புகைப்படத்தின் அளவை சுருக்கவோ மாற்றவோ வேண்டியிருக்கும் போது இப்படி போட்டோஷாப்பை நினைக்கத்தோன்றும்.

ஆனால் இணையத்தில் எல்லாவற்றுக்கும் ஒரு இணையதளம் இருக்கும் போது இதற்கு இருக்காதா என்ன?

புகைப்படங்களை விரும்பிய அளவுக்கு சுருக்கி கொள்ள உதவும் வகையில் கிராப்.மீ தளம் உருவாக்கப்பட்டுள்ளது.

எந்த புகைப்படத்தையும் இந்த தளத்தின் மூலம் போட்டோஷாப் உதவி இல்லாமலே சுருக்கி கொள்ளலாம்.

இந்த சேவையை பயன்படுத்துவது மிகவும் சுலபம்.அளவை மாற்ற வேண்டிய புகைப்படத்தை இந்த தளத்தில் பதிவேற்றி விட்டு ,சுருக்கித்தா சீசே என கட்டளையிட்டால் அந்த படத்தை விரும்பிய அளவில் மாற்றித்தந்து விடுகிறது.

பரவலாக இணையத்தில் பயன்படுத்தப்படும் அளவுகள் இந்த தளத்திலேயே பரிந்துரைக்கப்படுகிறது.அவை போதும் என்றால் அவற்றில் இருந்து தேர்வு செய்து கொள்ளலாம்.இல்லை என்றால் தேவையான அளவை குறிப்பிட்டு அதற்கேற்ற புகைப்படத்தை பெற்றுக்கொள்ளலாம்.ஒரே படத்தில் பல அளவுகளையு பெறும் வசதி இருக்கிறது.

எந்த சாப்ட்வேரையும் டவுண்லோடு செய்யாமலேயே இதனை பயன்படுத்தலாம் என்பது கூடுதல் சிறப்பு.

இணையதள முகவரி;http://cropp.me/

அதி விரைவு தேடியந்திரம்.

‘நூட்சி’யை புதிய தேடியந்திரம் என்று சொல்ல முடியாது.புதிய தேடல் வழி என்று சொல்லலாம்.தேடலுக்கான சுலபமான குறுக்கு வழி!

கூகுல் சார்ந்த பல தேடல் சேவைகளை போலவே ‘நூட்சியும் கூகுல் தேடல் தொழில்நுபத்தையே பயன்படுத்துகிற‌து.அதாபது கூகுலில் வரும் தேடல் முடிவுகளையே இதுவும் தருகிறது.

கூகுல் தேடல் முடிவுகள் தான் என்றால் நேரடியாக கூகுலிலேயே தேடிக்கொள்ளலாமே ,தனியே நூட்சி எதற்கு என்று கேட்கலாம்.

நூட்சி கூகுலில் தேடித்தருகிறது என்றாலும் இணையவாசிகள் செல்ல விரும்பும் இணையதளத்திற்கு மிக விரைவாக செல்ல உதவுகிறது.

பொருத்தமான வகைச்சொல்லை (டேக்ஸ்)பயன்படுத்துவதன் மூலம் இந்த அற்புதம் சாத்திய‌மாகிறது.

எந்த தலைப்பில் தேடுகிறோமோ அதனோடு அந்த தலைப்புடன் நெருக்கமான உறவு கொண்ட வகைச்சொல்லையும் சேர்த்து குறிப்பிட்டால் இந்த சேவை நேராக இணையவாசிகள் தேடும் தளத்திற்கே கொண்டு சென்று விடுகிறது.தேடல் பட்டியலில் பொருத்தமான தளத்தை பார்த்து அதில் கிளிக் செய்து உள்ளே நுழைய வேண்டும் என்ற தேவையேயில்லை.

உதாரணத்திற்கு செய்தி தளமான பிபிசி என டைப் செய்து அதனுடன் செய்தி என்னும் வகைச்சொல்லையும் குறிப்பிட்டால் அடுத்த நொடி பிபிசி தளத்தின் செய்தி பக்கம் வந்து நிற்கிறது.

தேடியந்திரத்தின் மூலம் தேவையான தளத்தை கண்டுபிடிப்பது அல்ல அந்த தளத்திற்கே நேராக அழைத்து சென்று விடுகிறது நூட்சி.

வகைச்சொல் பொதுவான‌தாக இருந்தால் தேடல் முடிவுகளில் பொருத்தமான தளம் அடிக்கோடிட்டு காட்டப்படுகிற‌து.

இப்படி இணையதளங்களுக்கு குறுக்கு வழியில் நேராக அழைத்து செல்வதோடு இணையத்தின் மிக பிரப்லமான கூகுல், பேஸ்புக்,யூடியூப் உள்ளிட்ட தளங்களுக்கான பிரத்யேக வகைச்சொல் சேவைகளையும் இந்த தளம் வழங்குகிறது.

உதாரனத்திற்கு பேஸ்புக் அல்லது டிவிட்டருடன் குறிப்பிட்ட வகைச்சொல்லை பயன்படுத்தினால் தேவைக்கேற்ப நேராக பேஸ்புக் சுவருக்கோ அல்லது டிவிட்டர் பக்கத்திற்கோ நேரக கொண்டு செல்கிறது.

உறுப்பினராக பதிவு செய்து கொண்டால் கூடுதல் சேவைகளையும் பயன்படுத்தலாம்.

தேடலில் புரட்சி என்றெல்லாம் சொல்ல முடியாது.ஆனால் பயனுள்ள சுவாரஸ்யமான சேவை.

தேடியந்திர முகவரி;http://noodzy.com/

கோப்புகள் மூலம் நட்பு வளர்க்க உதவும் இணையதள‌ம்.

இண்டெர்நெட் மூலம் கோப்புகளை பகிர்ந்துகொள்ள உதவும் மெகாஅப்லோடு இணையதளம் வம்பில் மாட்டிக்கொண்டிருப்பது உங்களுக்கு தெரிந்திருக்கலாம்.அமெரிக்க நீதிமன்றத்தில் இந்த தளத்திற்கு எதிராக வழக்கு தொடர்ப்பட்டு அதன் உரிமையாளரான டாட்காம் நியூசிலாந்தில் கைது செய்யப்பட்டுள்ளார்.

இணைய சுதந்திரத்தை பறிக்கும் சோபா கருப்பு சட்டத்தை எதிர்த்து மாபெரும் போராட்டம் நடத்தப்பட்டதற்கு அடுத்த நாள் இந்த சம்பவம் நடதிருப்பது தற்செய்லா என்று தெரியவில்லை.

மெகாஅப்லோடு விவகாரம் பற்றி தனி பதிவு எழுத திட்டமிட்டுள்ளேன்.இப்போது மெகாஅப்லோடு போலவே கோப்புகளை பகிர உதவும் புதியதொரு இணையதளமான பைல்பிரண்ட் பற்றி பார்ப்போம்.

கோப்புகளை இமெயில் வாயிலாக அனுப்பி வைக்க முயன்று கொண்டிருந்தது எல்லாம் ஒரு காலம். இப்போதெல்லாம் கோப்புகளை அனுப்ப எங்ககிட்ட வாங்க நாங்க பார்த்துகிறோம் என்று சொல்லும் இணைய சேவைகள் நிறைய இருக்கின்றன.

பைல்பிரண்ட் இந்த பிரிவில் புதிய வரவு.ஆனால் கவனத்தை ஈர்க்ககூடிய வகையில் கூடுதலான அம்சத்தோடு அறிமுகமாகியுள்ளது.

இந்த தளத்தில் கோப்புகளை பகிர்ந்து கொள்ளும் போது அவற்றை பேஸ்புக் டிவிட்டர் போன்ற சமூக வலைப்பின்னல் தொடர்புகளோடும் பகிர்ந்து கொள்ளலாம்.இதன் காரணமாக நீங்கள் பதிவேற்றும் கோப்புகளை உங்கள் நண்பர்களும் பார்க்கலாம்,டவுன்லோடு செய்யலாம்.

பொதுவாக கோப்பு பகிர்வு தளங்களில் குறிப்பிட்ட கோப்பை பகிர்ந்து கொண்டுவிட்டு அதற்கான இணைய முகவரியை அனுப்பி வைத்தால் அந்த முகவரியை கொண்டு உரிய கோப்பை அவர்கள் டவுண்லோடு செய்து கொள்ளலாம்.

பைல் பிரண்ட் தளத்தில் நேரடியாகவே நண்பர்கள் வட்டத்தில் கோப்புகளை பகிர்ந்து கொள்ளலாம்.பைல் பிரண்டில் கோப்புகளை பதிவேற்றுவது மிகவும் சுலமம்.கிளிக் செய்து தளத்திற்குள் ஏற்றிவிடலாம்.அதன் பிறகு பயனாளிகள் தங்களின் பேஸ்புக் உள்ளிட்ட சமூக வலைப்பின்னல் சேவைகளில் அதனை இணைத்துவிடலாம்.

இதன் மூலம் அவர்கள் நட்பு வட்டத்தில் உள்ள அனைவரும் அந்த கோப்பை பெற முடியும்.அவர்களின் நட்பு வட்டத்தில் உள்ளவர்களும் பெற முடியும்.

கோப்புகளை பகிர்டந்து கொள்ளாமல் சேமித்து மட்டும் வைக்கலாம்.அதாவது ஒரு பேக் அப்பாக பயன்ப்டுத்தலாம்.பின்னர் தேவைப்படும் போது அவற்றை தேடி எடுத்து பயன்படுத்தலாம்.

கோப்புகளை நண்பர்களோடு பகிர்ந்து கொள்ளலாம்.விரும்பினால் தளத்தின் மற்ற உறுப்பினர்களோடும் பகிர்ந்து கொள்ளலாம்.அதே போல மற்ற உறுப்பினர்கள் பொது பிரிவில் பகிர்ந்து கொள்ளும் கோப்புகளை நாமும் பார்வையிடலாம்.கோப்புகள மூலமே நட்பையும் வளர்த்து கொள்ளலாம்.

மிக எளிமையான வடிவமைப்பு இந்த தளத்தின் சிறப்பம்சம்.இந்த மாத இறுதிக்குள் உறுப்பினராக சேர்ந்தால் ஓராண்டு கட்டணம் கிடையாதாம.

இணையதள முகவரி;http://www.filefriend.com/index.html